Manwal ng Guro ng Seminary para sa Lumang Tipan

Mga Nilalaman
Pahina ng Pamagat
Pambungad sa Manwal ng Guro
Mga Lesson sa Lumang Tipan
- Halina’t Basahin ang Lumang Tipan
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko ng Pagkabuhay
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Mga Bilang 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Hukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Cronica 14–20; 26; 30
- Ezra 1; 3–7; Nehemias 2; 4–6; 8
- Esther
- Job 1–3; 12–14; 19; 21–24; 38–40; 42
- Mga Awit 1–2; 8; 19–33; 40; 46
- Mga Awit 49–51; 61–66; 69–72; 77–78; 85–86
- Mga Awit 102–103; 110; 116–119; 127–128; 135–139; 146–150
- Mga Kawikaan 1–4; 15–16; 22; 31; Eclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3; 7; 16–18; 20
- Jeremias 31–33; 36–38; Mga Panaghoy 1; 3
- Ezekiel 1–3; 33–34; 36–37; 47
- Daniel 1–7
- Oseas; Joel
- Amos; Obadias; Jonas
- Mikas; Nahum; Habakuk; Sefanias
- Hagai 1–2; Zacarias 1–4; 7–14
- Malakias
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan o Self-Reliance
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Pagtatagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

Ezekiel 47: Mga Pagpapala ng Templo

“Ezekiel 47: Mga Pagpapala ng Templo,” Manwal ng Titser ng Seminary para sa Lumang Tipan (2026)

“Ezekiel 47: Mga Pagpapala ng Templo,” Manwal ng Titser ng Seminary para sa Lumang Tipan

Ezekiel 1–3; 33–34; 36–37; 47: Lesson 141

Ezekiel 47

Mga Pagpapala ng Templo

Ang Panginoon ay nagbibigay sa atin ng maraming pagpapala sa pamamagitan ng ating pagsamba sa templo. Nakita ni Ezekiel sa pangitain ang isang templo sa huling araw na itatayo sa Jerusalem. Nakita niya ang tubig na umaagos mula sa templong ito, na nagpapagaling sa nakapalibot na lupain at nagbigay-buhay sa Patay na Dagat. Ang pangitain ay sumisimbolo sa mga pagpapalang ibinibigay sa atin ng Panginoon habang sinasamba natin Siya sa Kanyang templo. Ang lesson na ito ay makatutulong sa mga estudyante na magkaroon ng mas matinding hangarin na sambahin ang Diyos sa templo.

Paghahanda ng estudyante: Maaari mong ibigay sa mga estudyante ang mga sumusunod na tanong at anyayahan sila na dumating sa klase na handang ibahagi ang kanilang mga sagot:

Mga Posibleng Aktibidad sa Pag-aaral

Pagnanais na sumamba sa templo

Simulan ang lesson sa paraang makatutulong sa mga estudyante na isipin ang kanilang hangaring dumalo at sumamba sa templo. Para magawa ito, maaari kang magpakita ng larawan ng isang templo. Pagkatapos ay isulat ang mga sagot ng mga estudyante sa isa sa mga sumusunod na tanong sa isang bahagi ng templo at ang mga sagot nila sa isa pang tanong sa kabilang bahagi.

Ano ang ilang dahilan kung bakit maaaring gusto ng isang tinedyer na dumalo at sumamba sa templo?
Ano ang ilang dahilan kung bakit maaaring ayaw niyang dumalo sa templo? Ano ang maaaring nagpapahirap dito?

Ang mga tanong para sa self-assessment ay makakatulong sa mga estudyante na tumukoy ng mga pagkakataon para sa personal na pag-unlad at pagkatuto. Anyayahan ang mga estudyante na pag-isipang mabuti ang mga sumusunod na tanong tungkol sa kanilang sarili.
Gaano katindi ang iyong pagnanais na sumamba sa templo? Bakit?
Ano ang maaaring humadlang sa iyo sa pagnanais na dumalo sa templo?

Habang pinag-aaralan ninyo ang Ezekiel ngayon, hingin ang tulong ng Panginoon para matulungan kayong mapatindi ang inyong hangaring dumalo at sumamba sa templo.

Ang pangitain ni Ezekiel tungkol sa templo

Tandaan: Para matulungan ang mga estudyante na madama ang pagmamahal ng Panginoon, mahalagang tukuyin sa lesson na ito ang mga pagpapala na nagmumula sa Panginoon sa pamamagitan ng templo, hindi mula sa templo mismo.

Sa Ezekiel 47, nakita ni Ezekiel ang isang pangitain na maaaring sumimbolo sa mga pagpapalang ibinibigay ng Panginoon sa lahat ng gumagawa ng gawain sa templo at family history. Nagsimula ito sa isang sugo mula sa langit na dinadala si Ezekiel sa pintuan ng templo sa Jerusalem.

Basahin ang Ezekiel 47:1, at alamin kung ano ang nakita ni Ezekiel na nagmumula sa templo.

Paano maaaring maging angkop na simbolo ang tubig para sa mga pagpapala ng Panginoon?

Maaaring kabilang sa ilang posibleng sagot na ang tubig ay nagbibigay- buhay, kailangan ng lahat, nakakalinis, at magagamit ng lahat. Sa Kanyang mortal na ministeryo, inihambing ng Tagapagligtas ang Kanyang sarili at ang mga pagpapalang ibibigay Niya sa tubig na buhay (tingnan sa Juan 4:10; 7:37–39).

Maaaring makatulong para sa susunod na aktibidad na ipaliwanag na ang isang siko [cubit] ay isang yunit ng pagsukat, mula sa siko hanggang sa dulo ng mga daliri, na humigit-kumulang 18 hanggang 21 pulgada o 45 hanggang 53 sentimetro.

Basahin ang Ezekiel 47:2–5, at alamin kung gaano kalalim ang tubig nang dumaloy ito palabas ng templo.

Dahil ang turo ng Panginoon sa salaysay na ito ay napakadetalyado ng deskripsyon, makatutulong na idrowing ang ating natututuhan. Sa itaas na bahagi ng isang pahina sa iyong study journal, idrowing ang isang simpleng representasyon ng isang templo at ang tubig na nagmumula rito. (Idodrowing mo pa mamaya sa ibabang bahagi kung saan napupunta ang tubig.)

Ano sa palagay mo ang itinuturo ng Panginoon sa pangitaing ito tungkol sa mga pagpapalang ibinibigay Niya sa pamamagitan ng templo?

Itanong sa mga estudyante:

Kung magdodrowing kayo ng isang bagay sa inyong larawan na sumisimbolo kung saan walang nabubuhay o umuunlad, ano ito, at bakit?

Kung ang parehong tanong ay ibibigay sa mga nasa Jerusalem noong panahon ni Ezekiel, malamang na ang sagot ay ang ilang ng Judea o ang Patay na Dagat. Ang Patay na Dagat ay pinangalanan nang ganito dahil sa kawalan nito ng kakayahan na bumuhay ng hayop o halaman. Mayroon din itong tubig-alat at hindi ito naiinom. Kung makatutulong, ipakita o ituro sa mga estudyante ang larawang “Ilang ng Judea at ang Patay na Dagat“ (Mga Larawan sa Biblia, blg. 3) sa Mga Tulong sa Pag-aaral sa Gospel Library o sa Bible Appendix para makita ang ilang sa tabi ng Patay na Dagat. Maaari din nilang tingnan ang “Pisikal na Mapa ng Banal na Lupain“ (Mga Mapa sa Biblia, blg. 1) at hanapin ang Ilang sa Judea at ang Patay na Dagat.

Basahin ang Ezekiel 47:8–9, 12, at alamin kung ano ang mangyayari sa lahat ng bagay na dinaanan ng tubig mula sa templo, kabilang na ang Patay na Dagat.

Paano ninyo ibubuod ang natutuhan ninyo mula sa pangitain ni Ezekiel?

Palalimin ang inyong pag-unawa

Basahin ang handout na “Blessings of the Temple [Mga Pagpapala ng Templo]“ at salungguhitan o bilugan ang anumang pagpapalang mahalaga para sa iyo.

Sa kanilang mga drowing, maaaring isulat ng mga estudyante ang mga pagpapalang ito sa tubig na nagmumula sa templo. Maaari din silang magdagdag ng anumang karagdagang pagpapalang maiisip nila na ibinibigay sa atin ng Panginoon sa pamamagitan ng templo.

Maaari mong anyayahan ang mga estudyante na ibahagi ang kanilang mga drowing at nakasulat na mga pagpapala sa kapartner o sa maliit na grupo. Bilang alternatibo, maaari mong idrowing ang ilog sa pisara at hilingin sa mga estudyante na isulat doon ang mga pagpapalang naisip nila. Pagkatapos ay maaaring idagdag ng mga estudyante sa kanilang mga drowing ang mga pagpapalang gusto nilang maalala mula sa ibinahagi ng iba.

Anong mga pagpapala ang mahalaga para sa inyo?

Anyayahan ang mga estudyante na mag-isip ng mga sagot sa mga sumusunod na tanong nang ilang sandali bago mo sila tanungin. Habang nagbabahagi sila, maaari kang magtanong ng gaya ng mga sumusunod: “Bakit makabuluhan iyon sa inyo?“ “Mayroon bang iba pa sa inyo na may katulad na karanasan?“ at “Ano ang gusto ninyong idagdag sa ibinahagi?“

Kung nakatira ang mga estudyante sa isang lugar kung saan marami ang hindi pa nakakadalo sa templo dahil malayo ito, at wala silang masyadong kakilala na nakadalo na sa templo, maaari mong baguhin ang pangalawang tanong para itanong ang mga pagpapalang naranasan ng mga estudyante o ng iba habang naghahanda silang sumamba sa templo.
Paano nakapagpapagaling o nagbibigay-buhay ang alinman sa mga pagpapalang natukoy ninyo?
Kailan ninyo naranasan o ng mga kakilala ninyo ang isa sa mga pagpapalang ito mula sa Panginoon sa pamamagitan ng pagsamba sa templo?

Ang nadarama ninyo tungkol sa templo

Sa pagtatapos ng lesson, maaari kang maghanap ng bahagi sa iyong larawan o sa iyong study journal kung saan mo isusulat ang iyong nadarama tungkol sa pagdalo at pagsamba sa templo at pagtanggap ng mga pagpapala ng Panginoon. Hingin ang tulong ng Espiritu Santo upang maisulat ang iyong nadarama nang maayos at tumpak.

Maaari mong anyayahan ang sinumang estudyante na gustong magbahagi ng kanilang saloobin at patotoo. Maaari mo ring ibahagi ang saloobin at patotoo mo.

Karagdagang Resources

Saan ko malalaman pa ang tungkol sa mga templo at sa mga pagpapalang ibinibigay sa atin ng Panginoon sa pamamagitan ng Kanyang mga templo?

Upang malaman ang higit pa, tingnan ang web page para sa mga templo ng Ang Simbahan ni Jesucristo ng mga Banal sa mga Huling Araw: https://folky.shop/temples

Ang entry sa Paksa ng Ebanghelyo para sa mga templo: https://folky.shop/study/manual/gospel-topics/temples

Thomas S. Monson, “Mga Pagpapala ng Templo,” Liahona, Okt. 2010, 12–19

Paano naging konektado ang mga templo sa Panginoon?

Itinuro ni Pangulong Russell M. Nelson:

Ang templo ay bahay ng Panginoon. Ang batayan sa lahat ng ordenansa at tipan sa templo―ang sentro ng plano ng kaligtasan―ay ang Pagbabayad-sala ni Jesucristo. Bawat aktibidad, bawat lesson, lahat ng ginagawa natin sa Simbahan, ay nakaturo sa Panginoon at sa Kanyang banal na bahay. (“Personal Preparation for Temple Blessings,” Ensign, Mayo 2001, 32).

Mga Karagdagang Aktibidad sa Pag-aaral

Isang alternatibong simula

Kung sa tingin mo ay makatutulong ito sa mga estudyante, maaari kang magsimula sa sumusunod na aktibidad:

Isipin na kunwari ay iniimbitahan ka ng iyong stake president na maging bahagi ng isang espesyal na komite ng mga kabataan sa inyong stake. Nag-aalala siya na ang ilang kabataan sa inyong stake ay hindi nagnanais na dumalo sa templo at walang planong gumawa ng mga karagdagang tipan sa templo sa hinaharap. Inaanyayahan ka niya na talakayin ang sumusunod:

Bakit maaaring may ilang kabataan na ayaw dumalo sa templo?

Sinabi sa iyo ng iyong stake president na isaisip ang mga dahilang ito habang ginagawa mo ang mga sumusunod:

Pag-aralan ang iba‘t ibang pagpapalang ibinibigay sa atin ng Panginoon sa pamamagitan ng templo.
Gumawa ng maliit na poster para tulungan ang mga kabataan na gustong dumalo sa templo. Ang stake president ay maaaring magbigay ng mga kopya ng poster na ito sa lahat ng kabataan ng stake sa isang espesyal na debosyonal.

Ang drowing na gagawin ng mga estudyante sa lesson ay maaaring magsilbing poster, o maaari silang gumawa ng iba sa huling bahagi ng lesson.

Paggawa at pagtupad ng mga tipan

Kung sa palagay mo ay makatutulong na tumuon sa pangangailangang tuparin ang mga tipan para maihanda tayo para sa templo, ipakita sa mga estudyante ang isang larawan ng templo.

Bakit sagrado o banal na mga lugar ang mga templo?

Basahin ang Ezekiel 44:5–9, at alamin kung sino ang sinabi ng Panginoon na makakapasok at hindi makakapasok sa banal na templo. Ipaliwanag na ang pariralang “dayuhan na hindi tuli sa puso at sa laman“ sa talata 9 ay tumutukoy sa mga hindi Israelita na hindi gumawa ng mga tipan na susundin ang Panginoon.

Batay sa mga talatang ito, anong alituntunin ang matututuhan natin tungkol sa kung sino ang makapapasok sa bahay ng Panginoon? (Maaaring magkakaiba ang salitang gagamitin ng mga estudyante, ngunit tiyaking malinaw na kung makikipagtipan tayo at tutuparin ang mga tipan sa Panginoon, pahihintulutan Niya tayong pumasok sa Kanyang banal na bahay.)
Sa inyong palagay, bakit may mga pamantayan ang Panginoon na dapat nating matugunan bago tayo pumasok sa Kanyang bahay?

Hilingin sa mga estudyante na pag-aralan ang mga tanong sa temple recommend, at alamin ang mga pamantayang kailangan nating ipamuhay para maging karapat-dapat na sumamba sa templo. Anyayahan sila na magtanong ng anumang tanong na mayroon sila. Hilingin sa kanila na ibahagi kung ano ang nadarama nila tungkol sa kung paano tayo maihahanda ng pamumuhay ayon sa mga pamantayang ito na gumawa ng mga karagdagang tipan sa Panginoon sa templo.