“Fa’ataitaiga o le Atamai i A’oa’oga Fa’avae 9: Taulotoina o Fasi Fuaitau Autū ma le Fa’aaogaina o Mataupu Fa’avae o le Mauaina o le Malamalama Fa’aleagaga,” Tusi Lesona a le Faia’oga Seminare o le Feagaiga Tuai (2026)
“Fa’ataitaiga o le Atamai i A’oa’oga Fa’avae 9: Taulotoina o Fasi Fuaitau Autū ma le Fa’aaogaina o Mataupu Fa’avae o le Mauaina o le Malamalama Fa’aleagaga,” Tusi Lesona a le Faia’oga Seminare o le Feagaiga Tuai
Ieremia 31–33; 36–38; Auega 1; 3: Lesona 137
Fa’ataitaiga o le Atamai i A’oa’oga Fa’avae 9
Taulotoina o Fasi Fuaitau Autū ma le Fa’aaogaina o Mataupu Fa’avae o le Mauaina o le Malamalama Fa’aleagaga
O le atamai i a’oa’oga fa’avae e mafai ona fesoasoani i tagata a’oga e fausia le fa’avae mo o latou olaga iā Iesu Keriso ma Lana talalelei.O lenei lesona e mafai ona fesoasoani i tagata a’oga e tauloto fasi fuaitau autū o mau i fuaitau o le atamai i a’oa’oga fa’avae, ma fa’aaoga mataupu fa’avae paia o le mauaina o le malamalama fa’aleagaga.
Sauniuniga a le tagata a’oga: Vala’aulia tagata a’oga e filifili se fuaitau se tasi pe lua o le atamai i a’oa’oga fa’avae mai le Feagaiga Tuai, ma tauloto le mau fa’asino ma le fasi fuaitau autū o mau.Afai latou te manana’o ai, e mafai foi ona latou taulotoina le fuaitau atoa.Vala’aulia i latou e mafaufau loloto pe fa’apefea e le taulotoina o fasi fuaitau autū po o fuaitau ona fesoasoani iā i latou i o latou olaga.
Gaoioiga e Ono Mafai Ona Aoaoina Ai
Toe iloiloga o le Atamai i A’oa’oga Fa’avae: Tauloto
Fa’aali i tagata a’oga tusi fa’avae o tusitusiga paia: Feagaiga Tuai, Feagaiga Fou, Tusi a Mamona, Mataupu Fa’avae ma Feagaiga, ma le Penina Tau Tele.(E mafai ona e fa’aali atu kopi lomia po o kopi fa’aeletonika, pe e te fa’aaoga le ata o i luga).
-
O fea o nei tusi o tusitusiga paia atonu na su’esu’eina e le Fa’aola i Lona tamaitiiti, talavou, ma a o Ia auauna atu i le lalolagi?
Afai e talafeagai, fa’amatala atu atonu na maua e le Fa’aola le tele o tusitusiga paia i le Feagaiga Tuai, tusitusiga paia o lo o su’esu’eina e le autalavou i le taimi nei.
Faitau se tasi pe lua o mau nei, ma va’ava’ai pe na fa’apefea ona fa’aaoga e le Fa’aola fasi fuaitau taulotoina po o fuaiupu mai le Feagaiga Tuai: Mataio 4:2–4; 19:4–5; Mareko 7:9–10; Luka 24:27.
-
O le ā se mea na e mauaina?
E ono fa’ailoa mai e tagata a’oga e faapea sa fa’aaoga e le Fa’aola mau tauloto e fa’atoilalo ai fa’aosoosoga, tali ai fesili a isi, fa’asa’o manatu sēsē, ma a’oa’o atu ai isi.Afai e fia iloa e tagata a’oga fuaiupu na si’i mai e le Fa’ola, ia fa’asoa atu e faapea i le Mataio 4:2–4 na si’i mai e le Fa’aola le Teuteronome 8:3, i le Mataio 19:4–5 na Ia si’i mai ai le Kenese 2:24, ma i le Mareko 7:9–10 na Ia si’i mai ai le Esoto 20:12 ma le Teuteronome 5:16.
Fesoasoani i tagata a’oga ia malamalama, a o latou tauloto fuaitau o le atamai i a’oa’oga fa’avae po o fasi fuaitau autū ma fa’aaoga i o latou olaga, ua latou mulimuli i le fa’ataitaiga a Iesu Keriso.
-
O ā nisi o tulaga na outou feagai pe ono feagai i le lumana’i ia o le a ono aogā pe o le a aogā ai foi se mau tauloto?
O nisi o fa’ataitaiga atonu e aofia ai le a’oa’oina o se lesona po o le tu’uina atu o se lauga, taliina o fesili a isi, sailia o se tali patino, ma le feagai ai ma se fa’aosoosoga.
-
O ā nisi o mea e mafai ona e faia pe e ono faia atonu e fesoasoani iā te oe e tauloto ai fasi fuaitau autū o mau po o fuaitau?
O tali e ono aofia ai le toe faia o fasi fuaitau po o fuaitau, tusiina i lalo ma tapē upu, pe fa’aaoga kata faailo po o pepa na fatuina e tagata a’oga i le Lesona 15: “Fa’ataitaiga o le Atamai i A’oa’oga Fa’avae, 1.”
Mafaufau e fa’aali atu pe tu’uina atu i tagata a’oga ta’itasi fuaitau o a’oa’oga fa’avae sa latou su’esu’eina e o’o mai i le taimi nei.O se lisi o maufaasino o le atamai i a’oa’oga fa’avae o le Feagaiga Tuai, ma fasi fuaitau autū o mau e mafai ona maua i le Pepa Autū o le Atamai i A’oa’oga Fa’avae (2023).
Vala’aulia tagata a’oga e fa’amae’a le gaoioiga o mulimuli mai, e fa’aaoga ai se tomai o le taulotoina latou te filifilia.O nisi o manatu e aofia ai le faaaogaina o mataitusi muamua o upu ta’itasi i le fasifuaitau o le atamai i a’oa’oga fa’avae, po o le fa’aaogaina o le polokalama (app) o le Atamai i A’oa’oga Fa’avae.O nisi o manatu ua lisiina i “Gaoioiga Toe Iloilo o le Atamai i A’oa’oga Fa’avae” i le Anomea Fa’aopoopo.
Fa’aalu ni nai minute e tauloto ai mau fa’asino ma le fasifuaitau autū o ni nai mau mai a’oa’oga fa’avae.(Afai ete finagalo iai, e mafai ona e tauloto se fuaitau atoa e fa’aopoopo atu i le fasifuaitau autū.)
Vala’aulia tagata a’oga e filifili se tasi o fasifuaitau poo ni fuaitau ua latou taulotoina, ma saunia e tali fesili nei:
-
E ono mafai fa’apefea ona fesoasoani lenei fasifuaitau po o fuaitau iā te oe i lou olaga?
-
E fa’apefea ona ono fesoasoani iā te oe ia avea atili ai e fa’apei o le Fa’aola?
Vala’aulia ni nai tagata a’oga e fefa’asoaai mai ma mafaufau e fa’asoa atu foi ou manatu.Va’ava’ai mo auala e uunaia ai tagata a’oga e fa’aauau pea ona tauloto mau.
A’oa’o ma fa’aaoga mataupu fa’avae o le mauaina o le malamalama fa’aleagaga
O le vaega o totoe o le lesona ua taula’i atu i le fesoasoani i tagata a’oga e fa’aaoga mataupu fa’avae o le mauaina o le malamalama fa’aleagaga i ni tulaga talafeagai.Ao lei fa’aauauina, e mafai ona e vala’aulia tagata a’oga e iloilo nei mataupu fa’avae.O le tomai o tagata a’oga e toe manatua toto’a ma fa’aaoga nei mataupu fa’avae o le mauaina o le malamalama fa’aleagaga, o le a fa’ateleina e ala i le toe iloiloina ma le fa’ataitai so’o.O gaoioiga fautuaina e iloilo ai, o lo o aofia i le anomea fa’aopoopo ua faaulutalaina “Gaoioiga o le Iloiloga o le Atamai i A’oa’oga Fa’avae.”O faʻamatalaga o mataupu fa’avae o lo o maua i parakalafa 5–12 o le Pepa Autū o le Atamai i A’oa’oga Fa’avae (2023).
Fa’asoa atu le ata fa’ataitai lenei i au tagata a’oga.E mafai ona e filifili foi e fetu’una’i le ata fa’ataitai e fua i tulaga o au tagata a’oga, po o le mafai foi ona e fesili atu i tagata a’oga pe fa’apefea ona latou mananao e fetu’una’i le ata fa’ataitai, ina ia talafeagai atili ai iā i latou.
Vaai faalemafaufau fa’apea ua fai mai lau uo o Mia: “O le auala e tatau ona tatou faaalu ai Aso Sa e matua le manaia lava, ma e lagona ai e pei ua maimau le taimi.Tou te lē manatu ea o fa’aiuga o o tatou vaiaso o le a sili atu ona lelei pe ana fa’apea tatou te lē popole i le tausia o le Aso Sapati ia paia?”
-
O ā nisi mafua’aga atonu o tauivi ai Mia ma lenei poloaiga?
Mafaufau e fesili atu pe aiseā e ono fesoasoani ai le iloa o le mafua’aga e lē fiafia ai Mia.
Vala’aulia tagata a’oga ia mafaufau loloto pe fa’apefea ona latou ono fa’aaoga a’oa’oga fa’avae o le mauaina o le malamalama fa’aleagaga e fesoasoani ai iā Mia e alu ese ai mai ona lagona o iai i le taimi nei, ma maua le malamalama ma lagona o le olioli i le aso Sapati.
E mafai ona fai ta’ito’atasi e tagata a’oga le gaoioiga lenei, pe fai i ni vaega to’alaiti.
Fa’aalu ni nai minute e sauniuni ai mea e te manatu e mafai ona fesoasoani iā Mia, e ono aofia ai:
-
Mau o tusitusiga paia, fa’amatalaga mai ta’ita’i o le Ekalesia, po o isi puna’oa fa’alelagi na tofia.E mafai ona aofia ai fuaiupu mai le atamai i a’oa’oga fa’avae e pei o le Esoto 20:8; Isaia 58:13–14; Mosaea 2:41; po o isi fuaiupu, e pei o le Mataupu Fa’avae ma Feagaiga 59:9, 13–15.
-
O upu moni ma mataupu fa’avae e te iloa e mafai ona fesoasoani iā Mia ia vaai ai i lenei tulaga ma se va’aiga e fa’avavau (mo se fa’ataitaiga, pe fa’apefea ona fesoasoani lea vaega iā i tatou e avea atili ai fa’apei o le Ali’i [taga’i i le Mose 3:3]).
-
O se fa’ataitaiga mai mau, o se lauga mai le konafesi aoao, po o se a’afiaga patino e fa’apupula mai ai le auala e faatino ai e se tasi i le fa’atuatua i le Ali’i o Iesu Keriso ina ia tausia le Sapati, e ono aofia ai le auai atu i le lotu ma le aai ma feinu i le fa’amanatuga.E te ono fa’amatala atu foi auala e fa’amanuia ai e le Ali’i i latou, a o latou fa’aali atu le fa’atuatua.(O nisi o fa’ataitaiga fa’aletusi paia e aofia ai le Esoto 16:14–30 ma le Iaroma 1:5–9.)
O se tasi nei o auala e mafai ona e saunia ai tagata a’oga e fa’asoa o latou manatu i le tasi ma le isi.
-
Tufa atu i tagata a’oga ta’ito’atasi se fasipepa.Tuu atu iā i latou e vaevae i ni vaega se tolu e ala i le gaugauina po o le tusiaina o ni laina.
-
Tuu atu iā i latou e fa’aigoa vaega ta’itasi i ni mataupu fa’avae eseese o le mauaina o le malamalama fa’aleagaga.
-
Filifili se mataupu fa’avae ma tuu atu i tagata a’oga uma e tusi i a latou pepa se auala se tasi e mafai ai ona fesoasoani le mataupu fa’avae ua filifilia iā Mia.
-
E mafai ona pasi e tagata a’oga le pepa ma tusi e uiga i se isi mataupu fa’avae e ese, i luga o se isi pepa ese.Tuu atu i tagata a’oga e fa’aauau ona pasi ma tusitusi ai.
-
Pe a tofu pepa ta’itasi ma ni nai manatu, vala’aulia tagata a’oga e taofi le pepa ma faitau mai mea ua tusia ai.
Vala’aulia ni nai tagata a’oga naunau e tali fesili nei e fa’avae mai mea ua latou faitauina.Atonu e te mana’o e fai atu i tagata a’oga e lē masani ona auai e tali se tasi pe sili atu foi o nei fesili.O nisi tagata a’oga e sili atu lo latou fiafia e fa’asoa mai mea na tusia e se isi tagata.
-
-
O le ā se mea e tasi na e faitaua pe tusia e te lagona o le a sili ona aoga iā Mia?Aiseā?
-
O le ā se mea atonu e te fa’aopoopo atu?
A mae’a ona fa’asoa mai ni nai tagata a’oga, mafaufau e fesili atu i le vasega pe latou te lagona e iai se isi mea e ono mana’omia e Mia i lenei taimi.Pe iai se mataupu fa’avae o le mauaina o le malamalama fa’aleagaga e te le’i talanoaina e mafai ona aoga?Fa’aauau seia lagona e le vasega ua maua e Mia le fesoasoani talafeagai.
O ā ni mea ua e a’oa’oina?
I lau api tala’aga o suesuega, tusi mea ua e a’oa’oina mai lenei a’afiaga e te mana’o e manatua, e mafai ona aofia ai pe fa’apefea i le fa’aaogaina o mataupu fa’avae o le mauaina o le malamalama fa’aleagaga ona fesoasoani iā te oe i soo se fesili po o ni ou popolega o iai.