Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Ieremia 31: O le a Ia Tusia Lana Tulafono i o Tatou Loto

“Ieremia 31: O le a Ia Tusia Lana Tulafono i o Tatou Loto,” Tusi Lesona a le Faia’oga Seminare o le Feagaiga Tuai (2026)

“Ieremia 31: O le a Ia Tusia Lana Tulafono i o Tatou Loto,” Tusi Lesona a le Faia’oga Seminare o le Feagaiga Tuai

Ieremia 31–33; 36–38; Auega 1; 3: Lesona 134

Ieremia 31

O le a Ia Tusia Lana Tulafono i o Tatou Loto

Mata e faapefea amioga a se tagata pe afai latou te iloa le talalelei a Iesu Keriso i o latou mafaufau ae lei lagonaina i o latou loto?Fa’amata e ono mafai ona latou faatino e aunoa ma le lagonaina o le mana o le alofa o le Fa’aola?E fa’apefea ona suia a tatou amioga pe a tatou lagona le alofa o le Tamā Fa’alelagi ma Iesu Keriso i o tatou loto?O leIeremia 31 ua folafola mai ia i tatou a tatou liliu atu i le Ali’i, o le a Ia tusia Lana tulafono i o tatou loto (taga’i i le Ieremia 31:18, 33).O lenei lesona e mafai ona fesoasoani i tagata a’oga ia malamalama i le uiga o le tusiaina o le talalelei a le Fa’aola i o latou loto.

Sauniuniga a le tagata a’oga: Vala’aulia tagata a’oga e fai atu le fesili lenei i se tagata o lona aiga po o se uo: “O le ā le eseesega o le iloaina o upumoni o le talalelei i lou mafaufau ma le lagonaina i lou loto?”Vala’aulia tagata a’oga e fa’asoa mai mea na latou talanoaina.

Gaoioiga e Ono Mafai Ona Aoaoina Ai

Iloaina o se mea i o tatou mafaufau ma lagonaina i o tatou loto

Ina ia amatalia le vasega, vala’aulia tagata a’oga e tali le fesili lenei.

O ā nisi o tulaga atonu tatou te iloa ai e tatau ona tatou faia se mea ae tauivi e fai moni lena mea?

E ono fa’asoa mai e tagata a’oga fa’ataitaiga e pei o le moe i le taimi tonu, faia o filifiliga e taumafa malōlōina, po o le fa’aumaina o mea a’oga ae le’i oo i le taimi e faagata ai.Fesoasoani i tagata a’oga ia malamalama e faapea o se uiga masani le tauivi e fa’aogatusa a tatou faatinoga ma mea tatou te iloa e tonu.E fa’apena foi ona moni pe a iloaina [se mea] ona fa’atino loa lea o mea tatou te iloa e uiga i le talalelei a Iesu Keriso.Tatou te ono iloa mea e mana’omia e le talalelei a le Fa’aola, ae lē o taimi uma tatou te ola ai i na mea.Ae ui i lea, e mafai ona tatou taumafai ia avea le Fa’aola ma Lana talalelei e tosina ai mea uma tatou te faia.

E le o mea uma tatou te iloa e uiga i le mulimuli ai i le Fa’aola e atagia mai a tatou faatinoga.Na faia e Elder D. Todd Christofferson o le Korama a Aposetolo e To’asefululua se fesili lea atonu e ia i tatou i nei tulaga:

E mafai fa’apefea ona e avea le talalelei a Iesu Keriso ia lē na o se fa’atosinaga i lou olaga ae ia avea ma fa’atosinaga e fa’afoe ai, ioe, ma mea e aupito sili ona taua o lou tagata?(“Pe a Liua Mai Oe,” Liahona, Mē 2004, 11)

A o e suesue i le Ieremia 31, vala’aulia le Agaga Paia e fesoasoani iā te oe e saili auala e avea ai le talalelei a le Fa’aola, “ma mea e aupito sili ona taua o lou tagata.”

Ua valo’ia e Ieremia fa’amanuiaga a le Fa’aola iā Isaraelu

Mo lenei gaoioiga suesue, e mafai ona e fa’atulagaina tagata a’oga i ni vaega ta’ito’atolu.Vala’aulia sui ta’itasi o le vaega e faitau se tasi o fuaitau nei ma fa’asoa a latou tali i fesili ma isi tagata o le vaega.

Ina ua uma ona lapata’ia e Ieremia e faapea o tagata amioleaga o le a mafatia i aso e gata ai (taga’i i le Ieremia 30:23–24), na valoia e Ieremia e faapea o le a toe fa’apotopotoina e le Ali’i Ona tagata o le feagaiga iā te Ia.

Faitau fuaitau nei, va’ava’ai mo mea o le a faia e le Atua mo Ona tagata:

Ieremia 31:1–3

Ieremia 31:6–10

Ieremia 31:17–20

O ā nisi o folafolaga na e mauaina?
O a mea ua a’oa’o mai e nei vala’aulia e uiga i le Ali’i?

Faitau le Ieremia 31:31–33, va’ava’ai pe o le a fa’apefea ona fa’aali mai e le Ali’i Lona alofa-agalelei i Ona tagata o le feagaiga.

E fa’apefea ona e aoteleina lenei a’oa’oga o se fa’amatalaga o le upumoni?

Fesoasoani i tagata a’oga ia faailoa e faapea ua folafola mai e le Ali’i e fa’apotopoto atu i tatou iā te Ia o ni Ona tagata o le feagaiga, ma tusia Lana tulafono i o tatou loto.
O le ā sou manatu i le uiga o le tusia ai o tulafono a le Ali’i i o tatou loto?

E ono fa’asoa mai e tagata a’oga ni tali eseese.Fesoasoani i tagata a’oga ia malamalama o le fasifuaitau tusiaina i o tatou loto (taga’i i le fuaiupu 33) e mafai ona fa’asino atu i sē ua liua, ua oo ai i se suiga, ma naunau e fa’ataunu’u le finagalo o le Tamā Fa’alelagi ma Iesu Keriso ma o latou loto atoa.E te ono mana’o e fa’ailoa atu sa fa’aaoga e Paulo se tala fa’atusa fa’apena ina ua ia fa’amatalaina le Au Paia i Korinito o se “tusi a Keriso … e le’i tusia i le vai tusi … po o papa ma’a, a o papa aano o le loto” (2 Korinito 3:3).

Pe ua tusia le tala lelei a le Fa’aola i lou loto?

2026 Old Testament Seminary Teacher Materials

Fa’ataitai le malamalama ai

Mafaufau e tu’u atu se avanoa i tagata a’oga e fa’ataitai ai le taliina o le fesili sa latou filifilia.E mafai ona e fa’atulaga tagata a’oga ma i latou sa suesueina le isi fesili.

E te ono vala’aulia tagata a’oga e fa’asoa mai pe mafai fa’apefea e mea ua latou a’oa’oina ona fesoasoani i se tasi ia tumau atili e fai mea latou te iloa e tonu.Ina ia fesoasoani i tagata a’oga e fa’ataitai mea ua latou a’oa’oina ma lagona, mafaufau e fa’aali atu fa’atonuga nei.

I lau api tala’aga o suesuega, tali se fesili se tasi po o le sili atu o fesili nei:

O le ā se fa’amaoniga o le a e sailia e faapea o lo o tusia e le Ali’i Lana tulafono i lou loto?
O le ā se mea e te lagona e uunaia oe e fai e vala’aulia ai le Fa’aola e tusi Lana talalelei i lou loto?

E mafai foi ona e fai atu i tagata a’oga e naunau e fa’asoa mai ni aafiaga na latou maua i le iloaina ua tusia e le Fa’aola Lana tulafono i o latou loto.E mafai ona e fa’asoa atu mea ua e va’aia ai le tusiaina e le Ali’i o Lana tulafono i lou loto.Uunaia tagata a’oga e ole atu i le Ali’i mo se fesoasoani, ma fa’atino u’una’iga latou te mauaina.

O Puna’oa Fa’aopoopo

O ā ni faatinoga e fa’aalia ai ua tusia e le Ali’i Lana tulafono i lo’u loto?

Sa fa’asoa mai e Elder Dale G. Renlund o le Korama a Aposetolo e To’asefululua:

O le liua ai i le Alii e amata i se tautinoga mausali i le Atua, e sosoo ma le faia o lena tautinoga o se vaega [o ituaiga tagata] ua avea ai i tatou lava.O le teulotoina o se tautinoga faapena o se faagasologa i le olaga atoa ma e manaomia ai le onosai ma le salamo faifai pea.Mulimuli ane, o lenei tautinoga e avea ma se vaega o le [ituaiga] tagata ua o tatou i ai, tāmau i o tatou lagona faaletagata lava ia, ma e i ai pea i o tatou olaga.E pei lava o le lē galo iā i tatou o o tatou lava igoa e tusa lava po o a mea o lo o tatou mafaufau iai, ia lē galo foi iā i tatou se ta’utinoga ua tāmau i o tatou loto. …

O feagaiga e taulaina i tatou i le Fa’aola ma uunaia i tatou i luga o le ala lea e tau atu i lo tatou aiga fa’alelagi.O le mana o feagaiga e fesoasoani iā i tatou ina ia tumau i le suiga tele o le loto, fa’aloloto lo tatou liua i le Ali’i, ma maua atoatoa fofoga o Keriso i o tatou mata.Ae peitai o se ta’utinoga fa’alotolotolua iā tatou feagaiga o le a lē maua ai e i tatou se mea.(“Tautinoga Mausali ia Iesu Keriso,” Liahona, Nov. 2019, 22, 23)

Sa a’oa’o mai e Elder Kelly R. Johnson o le Fitugafulu:

Mo i latou e iai le fa’atuatua ma le afioga a le Atua i le ta’ele o o latou loto, o le a mafai ona miti’ia ma fa’ato’ilaloina ū fanafana mū ia o le a auina moni mai e le fili e fa’aumatia i tatou.A leai, o lo tatou fa’atuatua, fa’amoemoe, ma le talitonuga maumautūtū e ono lē tumau, ma … e mafai foi ona tatou pagātia ai.

Ua ou a’oa’oina e fa’apea o le teulotoina o le afioga a le Atua i le ta’ele o lo’u agaga, fa’aopoopo iai ma le fa’atuatua i le Ali’i o Iesu Keriso ma Lana Togiola, e mafai ai ona ou utuvai mai le mana o le Atua e fa’ato’ilalo ai le fili ma soo se mea na te ono tau’ai mai iā te au.Pe a tatou feagai ma lu’itau, e mafai ona tatou fa’alagolago i le folafolaga a le Ali’i. …

E ala i sauniuniga, sa soifua a’e ai le Faaola i le mana ma sa mafai ai ona teena faaosoosoga uma a Satani.A o tatou mulimuli i faataitaiga a le Faaola ma sauniuni e ala i le suesueina o le afioga a le Atua ma ia faaloloto lo tatou faatuatua, e mafai foi ona tatou utuvai mai le mana o le Atua e teena ai faaosoosoga.(“Mana Fa’atumauina,” Liahona, Nov. 2020, 113)

Gaoioiga Fa’aopoopo e A’oa’o Ai

O se isi filifiliga mo le amataga o le lesona

Filifiliga 1

Ina ia amatalia le vasega, mafaufau e fa’aali atu ata o Peresitene Henry B, Eyring ma Peresitene Gordon B. Hinckley.Fa’asoa atu le tala lenei sa fa’amatalaina e Peresitene Eyring i le maliu o Peresitene Hinckley.

A o o’u gafa ma le a’oa’oina atu o le talalelei i la tatou au talavaou i a tatou polokalama seminare i le lalolagi atoa, na ia fa’apea mai, ma tata lona tamatama’i lima i lo’u fatafata, “Hal, aiseā e te lē faia ai se mea lelei sili atu i le tu’uina ifo o le talalelei i o latou loto?”(“O le a Sologa Lelei Mea,” Liahona [E Manatua Ai: Peresitene Gordon B. Hinckley, Mat. 2008], Potutusi o le Talalelei)

Vala’aulia tagata a’oga e talanoaina fesili e pei o nei:

O le ā sou manatu o le ā le uiga o le tusia i lalo o le talalelei a le Fa’aola i lou loto?
Aiseā e taua ai mo le autalavou le tusiaina o le talalelei i o latou loto?

Uunaia tagata a’oga e saili mo folafolaga a le Fa’aola e ala i Lana perofeta o Ieremia ma vala’aulia le Agaga e fesoasoani iā i latou ia iloa upumoni o le talalelei e mafai ona latou lagona i o latou loto.

Filifiliga 2

O se isi faiga, e te ono amata e ala i le vala’aulia o tagata a’oga e tusi se loto malō ma se loto vaivai i luga o le laupapa.E mafai ona e fa’asoa atu e faapea i totonu o tusitusiga paia, o le loto e masani ona fa’aata ai le “mafaufau ma le loto” o se isi (Taiala i Tusitusiga Paia, “Loto,” Potutusi o le Talalelei).Ina ia saunia tagata a’oga e suesue pe fa’apefea ona tusia e le Ali’i Lana tulafono i o tatou loto, e mafai ona e fai atu fesili e pei o fesili nei:

Aiseā e taua ai le tulaga o o tatou loto?
Afai e malō o tatou loto, o le ā se mea e mafai ona tatou fai ia saili ai le fesoasoani a le Ali’i ia fa’avaivai o tatou loto?

Lagonaina o folafolaga a le Ali’i i o tatou loto

O le gaoioiga lenei e mafai ona fesoasoani i tagata a’oga e suesue ai nisi o fa’amanuiaga ua folafola mai e le Ali’i i Ona tagata o le feagaiga.Filifili nisi po o fuaitau o mau uma nei ma tusi i luga o fasi pepa.Fa’atulaga tagata a’oga i ni paga po o ni vaega toalaiti.Vala’aulia vaega ta’itasi e filifili se fasi pepa ma suesue le fuaitau.E mafai ona sauni vaega e fa’asoa mai fa’amanuiaga latou te faailoaina.

Ieremia 31:13–14

Ieremia 31:16–17

Ieremia 31:34

Ieremia 32:17–19

Ieremia 32:26–27

Ieremia 33:6–8

A mae’a ona suesueina fuaiupu, e mafai e se sui mai vaega ta’itasi ona tusi nei mau fa’asino ma fa’amanuiaga a le Ali’i i luga o le laupapa.

O musika o le talalelei i o tatou loto

Ina ia fesoasoani i tagata a’oga ia malamalama i le eseesega o le iloaina o upumoni i o tatou mafaufau ma le lagonaina i o tatou loto, e mafai ona e fa’aali atu le vitiō “The Music of the Gospel” 5:42).

5:42

A mae’a le vitiō, e te ono fai atu i tagata a’oga pe faape’ī foliga o le iloaina o upumoni o le talalelei i o tatou mafaufau e fa’atusatusa i le lagonaina o nei upumoni i o tatou loto.E mafai e tagata a’oga ona fa’asoa mai fa’ataitaiga i o latou olaga.

O le mana tumau o le tusiaina o le tulafono a le Ali’i i loto.

E ono aoga mo tagata a’oga le suesueina o nai fa’ataitaiga o tagata o e na tusia tulafono a le Ali’i i o latou loto.E te ono vala’aulia tagata a’oga e fa’asoa mai se tala fa’aletusi paia o se tagata po o se vaega o tagata o e na fa’atagaina le Fa’aola e na te tusia Lana tulafono i o latou loto.Afai e mana’omia e tagata a’oga se taitaiga fa’aopoopo, e mafai ona e fa’asoa atu fa’ataitaiga e pei:

O le au soo i Ierusalema ina ua ma’ea le toetū o le Fa’aola (taga’i i le Galuega 2:37–42).
O Sā Lamanā i le taimi o le Tupu o Lamonae (taga’i i le Alema 23:5–8).
O Sā Nifaē i le mavae ai o le fa’aali atu o le Fa’aola (taga’i i le 4 Nifae 1:2, 15–18).

A mae’a ona fa’asoa mai e tagata a’oga a latou fa’ataitaiga, e te ono fesili atu po o ā lesona e mafai ona tatou a’oa’o mai i lagona o tagata ma mea na latou faia sa i’u atu ai ina suia o latou loto.