Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Auega 1; 3: “Ua Le Mavae Lona Alofa”

“Auega 1; 3: ‘Ua Le Mavae Lona Alofa,’” Tusi Lesona a le Faia’oga Seminare o le Feagaiga Tuai (2026)

“Auega 1; 3: ‘Ua Le Mavae Lona Alofa,’” Tusi Lesona a le Faia’oga Seminare o le Feagaiga Tuai

Ieremia 31–33; 36–38; Auega 1; 3: Lesona 136

Auega 1; 3

“Ua Le Mavae Lona Alofa”

A Hispanic man gives the Savior, Jesus Christ, a hug. Christ is wearing a white robe.

Ona e fa’atumulia le Fa’aola i le agaalofa, e naunau ai o Ia e fa’amalōlō, fa’amafanafana, ma fa’amagalo, e tusa lava pe tatou te agasala iā te Ia.Ina ua mae’a le fa’atafunaina o Ierusalema ona o agasala ma le fouvale, na saili Ieremia e fesoasoani i tagata Iutaia ia malamalama i le agaalofa o le Fa’aola, ma ia maua mai ai le fa’amoemoe.O lenei lesona e mafai ona fesoasoani i tagata a’oga e lagona le agaalofa o le Fa’aola mo i latou, e tusa lava pe latou te agasala.

Sauniuniga a le tagata a’oga: Vala’aulia tagata a’oga e toe manatua se tala mai tusitusiga paia o lo o fa’aalia ai le natura o le agaalofa o le Fa’aola.O le a maua e tagata a’oga se avanoa e toe taga’i ai i lenei tala mai le lesona.

Gaoioiga e Ono Mafai Ona Aoaoina Ai

A uma ona tatou agasala

Vaai faalemafaufau i se ali’i talavou ua ia faia taumafaiga sili ona lelei ia faia filifiliga lelei i lona olaga.O se tasi aso a o auai atu i se fiafia, na lolo atu i uunaiga faamalosi a le tupulaga ma inu ava malosi ai ona sa manaʻo ia talia o ia.I le taeao na soso’o ai, na ala a’e ma lagona le tu’ua to’atasi, ta’usalaina, ma le lē fiafia.Na amata malie ona ia faia isi filifiliga lē lelei ma amata ona leai sona fa’amoemoe mo lona lumana’i.

Tusi tali a tagata a’oga i fesili nei i luga o le laupapa.O tali ua tusia o le a fa’asino atu iai i le lesona atoa.

Pe a agasala tagata, o le ā sa latou va’aiga ma lagona iā i latou lava?
Fa’amata o le ā sa latou va’aiga ma lagona e uiga i le Tamā Fa’alelagi ma Iesu Keriso?

Vala’aulia tagata a’oga e mafaufau loloto i fesili nei ma iloilo o latou lava lagona.
Pe na iai se taimi na e manatu ai i se tasi o fa’amatalaga o i luga o le laupapa?
O fea o nei fa’amatalaga e te iloa e sēsē?O fea e te le o mautinoa lelei e uiga iai?

E taua le manatua e tatou te agasala uma lava ma “ua le oo i le vi’iga mai le Atua” (Roma 3:23).A o e suesue le Auega i le asō, va’ava’ai mo musumusuga mai le Agaga Paia e mafai ona fesoasoani iā te oe ia iloa lagona o le Tamā Fa’alelagi ma Iesu Keriso e uiga iā te oe, tusa lava pe e te faia ni mea sēsē.

Fa’anoanoa mo agasala

Mafaufau e fa’aali atu le ata lenei.Vala’aulia tagata a’oga e fa’asoa mai ni mea ua latou va’ai iai i lenei ata ma po o a foi lagona latou te maua mai ai.Fa’amatala atu o lenei ata o lo o fa’aalia ai Ieremia ma lona fa’anoanoa tele.E mafai e tagata a’oga ona fa’asoa mai mea latou te manatua e uiga i le tala iā Ieremia ma pe aiseā na ia lagona ai le fa’anoanoa.Afai e manaomia, fa’asoa atu le faamatalaga mai le parakalafa lenei.

The Cry of Jeremiah. From an engraving done at the Nazareen School.

Mo le tusa ma le 40 tausaga, na fetalai atu le Ali’i iā Ieremia e vavalo atu i le aiga o Isaraelu e uiga i le fa’atafunaga ma le fa’atagataotauaina o Ierusalema, pe afai latou te lē filifili e salamō ma toe foi atu i le Atua (taga’i i le Ieremia 16:1–13).I le taimi o le nofoa’iga a le tupu o Setekaia, na fa’aumatiaina ai e ’au a Papelonia ma ave fa’atagataotauaina le to’atele o tagata, o le fa’ataunu’uina o le valo’aga a le Ali’i (taga’i i le Ieremia 52).I se taimi ina ua mavae le tutupu ai o nei mea, na tusia ai e Ieremia le tusi o Auega.

E te ono mana’o e fa’amatala atu o le upu auega e fa’asino atu i lagona o le fa’anoanoa loloto po o le fa’avauvau.

O le gaoioiga lenei e fesoasoani i tagata a’oga ia malamalama i mafatiaga na oo i tagata o le Ali’i.E te ono fa’atulaga tagata a’oga i ni paga po o vaega toalaiti ina ia suesue le fuaitau o mau.Fa’amatala atu e faapea na tusia e Ieremia le tele o nei fuaiupu mai le va’aiga a Ierusalema e faapei o le a’ai lava ia o lo o tautala mai.

Faitau se tasi po o le lua o nei fuaitau, va’ava’ai mo upu po o fasifuaitau o lo o fa’aali mai ai lagona o tagata ina ua mavae mafatiaga ona o a latou agasala.

Auega 1:1–4

Auega 1:16–18

Auega 1:20–22

O ā upu po o fasifuaitau na e mauaina?

Ina ia fesoasoani i tagata a’oga e iloilo mea ua latou mauaina mai se va’aiga e fa’avavau, e mafai ona e fai atu le fesili lenei.
I le iloaina ai faapea e alolofa le Tamā Fa’alelagi ma Iesu Keriso iā i tatou, aiseā e te manatu ai ua Laua fa’atagaina i tatou e tupu ai lenei itūaiga mafatiaga pe a tatou agasala?

Afai e mana’omia e tagata a’oga le fesoasoani i le taliina o lenei fesili, e mafai ona e vala’aulia i latou e faitau fuaitau e pei o le 2 Korinito 7:9–10; Alema 42:18, 29; Mataupu Fa’avae ma Feagaiga 95:1, e vaavaai ai mo tali talafeagai.

O le agaalofa o le Fa’aola

O le vaega o totoe o le lesona e mafai ona fesoasoani i tagata a’oga ia lagona le agaalofa o le Fa’aola mo i tatou tusa pe tatou te agasala.

E mafai ona e fa’atulaga tagata a’oga i ni soa ia suesue fuaitau nei, ma tali fesili o lo o tuuina faatasi atu ai.Mo se fa’ataitaiga, e mafai ona suesue e se tagata a’oga se to’atasi fuaiupu 22–26, ae o le isi o fuaiupu 31–33.

Toe manatu i fa’amatalaga i luga o le laupapa mai le amataga o le lesona.Faitau le Auega 3:22–26, 31–33, vaavaai mo upu po o fasifuaitau e te ono fa’asoa atu i se isi o lo o iai lagona fa’apena.

O ā upu po o fasifuaitau e te ono fa’asoa atu?Aiseā?
O ā upumoni mai nei fuaiupu e te ono mana’o latou te malamalama iai?

A o fa’asoa mai tagata a’oga, latou te ono faailoa le upumoni lenei: E iai le agaalofa o le Ali’i mo i tatou, e tusa lava pe tatou te agasala.

Afai e mana’omia e tagata a’oga le fesoasoani ia malamalama i le upu agaalofa, e mafai ona e fa’asoa atu le fa’auigaga lenei: “I tusitusiga paia, o le uiga moni o le agaalofa o le ‘ia mafatia fa’atasi.’O le isi ona uiga o le fa’aalia o le tigā alofa, misialofa, ma le alofa mutimutivale mo le isi” (Taiala i Tusitusiga Paia, “Aga Alofa,” Potutusi o le Talalelei).

Ina ia malamalama lelei atili i le agaalofa o le Fa’aola, e mafai e tagata a’oga ona faia le gaoioiga lenei.Nai lo le suesueina o se tasi o filifiliga nei, e mafai e tagata a’oga ona mafaufau po o le suesue i se tala e ese mai tusitusiga paia o lo o fa’aalia ai le agaalofa o le Fa’aola.

Fa’auma se tasi o filifiliga mo suesuega nei, vaavaai mo mea e fesoasoani iā te oe ia malamalama atili ai i le auala e mafai ai ona e iloaina le agaalofa o le Fa’aola i lou olaga.

Suesue se tasi o tala nei o lo o fa’aali mai ai le agaalofa o le Fa’aola: Mataio 18:23–35; Ioane 8:1–11.
Suesue se tasi pe lua o fuaitau o mau nei, o lo o a’oa’o mai e uiga i le agaalofa o le Fa’aola: Mosaea 15:7–9; Mataupu Fa’avae ma Feagaiga 64:2–4; Mataupu Fa’avae ma Feagaiga 101:9.

Mafaufau e vala’aulia tagata a’oga e a’oa’o e le tasi i le isi i mea ua latou a’oa’oina ma lagonaina.E mafai ona e vala’aulia ni tagata a’oga naunau e fa’asoa ma le vasega.

O le molimau lenei e ono fesoasoani i lenei talanoaga.

Na molimau mai Elder Dale G. Renlund o le Korama a Aposetolo e To’asefululua:

15:45

E mafai ona fa’amagalo mai Iesu Keriso ona o Ia na totogia le tau mo a tatou agasala.

E filifili lo tatou Togiola e fa’amagalo mai ona o Lona agaalofa lē mafa’atusalia, alofa mutimutivale, ma le alofa.

E finagalo lo tatou Fa’aola e fa’amagalo mai ona o se tasi lea o Ona uiga paia.

Ma, i le avea ai o Ia ma se Leoleo Mamoe Lelei, e olioli o Ia pe a tatou filifili e salamō.

E tusa foi pe tatou te lagonaina le faanoanoa fa’aleAtua mo a tatou amioga, ae a tatou filifili e salamō, e vave lava ona tatou vala’aulia ai le Fa’aola i o tatou olaga.(“Salamō: O Se Filifiliga Fiafia,” Liahona, Nov. 2016, 123)

Lagonaina o le agaalofa o le Fa’aola mo a’u

O anafea na e po o se tasi foi e te iloa na mauaina le agaalofa o le Faaola?(Manatua e aua le fa’asoaina mai agasala ua mavae po o se mea e sili ona patino.)

Fa’amanatu i tagata a’oga le ali’i talavou mai i le amataga o le lesona.
O le ā se mea e te ono fa’asoa atu i lena ali’i talavou e fa’avae i mea na e a’oa’oina i le asō?

O Puna’oa Fa’aopoopo

A e fa’apefea pe a ou lagona o a’u filifiliga ua ave ese mamao ai a’u mai le Tamā Fa’alelagi ma Iesu Keriso?

Na a’oa’o mai Elder Dieter F. Uchtdorf o le Korama a Aposetolo e To’asefululua:

14:32

Atonu o iai foi nisi o taumanatu ane, “Mata ea e mafai ona toe fo’i?Pe o le a faia pea ma o’u pona e faavavau, teena, ma alofia e a’u uo muamua?Pe sili ea le nofo taasē ai pea? O le a faapefea se tali mai a le Atua pe afai ou te taumafai e toe fo’i atu?” …

O le a tamo’e mai lo tatou Tamā Fa’alelagi iā i tatou, ua fa’atumulia Lona finagalo i le alofa ma le agaalofa. …

O le a olioli le lagi i lo tatou toe fo’i mai.(“O Le Atali’i Fa’amaumau Oa ma le Auala e Taitai atu ai i le Aiga,” Liahona, Nov. 2023, 88)

E mafai fa’apefea ona fesoasoani mai le agaalofa o le Fa’aola iā te au?

Na fa’amatala mai e Elder Dale G. Renlund o le Korama a Aposetolo e To’asefululua:

O le agaalofa o le Fa’aola e tusa lava po o a o tatou lē atoatoa, e tosina atu ai i tatou iā te Ia ma fa’aosofia ai i tatou i a tatou tauiviga faifai pea ia salamō ma faataitai iā te Ia.(“O Lo Tatou Leoleo Mamoe Lelei,” Liahona, Mē 2017, 29)

Na molimau mai Elder Peter F. Meurs o le Fitugafulu:

10:2

Tusa pe o e tauaveina le avega o agasala e lei fo’iaina, mafatia ona o se mea ua loa ona fa’atigā ai se tasi iā te oe, pe o tauivi e fa’amagalo oe lava mai se mea sēsē sa lei mafaufauina, e mafai ona e maua le mana fa’amalōlō ma le mana o le togiola a le Fa’aola o Iesu Keriso.

Ou te molimau atu o loo soifua o Ia.O Ia o lo tatou Faaola ma lo tatou Togiola. E alofa o Ia ia i tatou.E ia te Ia le agaalofa mo i tatou, ua faatumulia o Ia i le alofa mutimutivale, ma e mafai ona Ia faamaloloina oe.(“Na Ia Faamalōlōina Au!,” Liahona, Mē 2023, 41)

Fa’apefea pe afai o lo o o’u taumafai e salamō ae fa’aauau pea ona tauivi?

Na molimau mai Elder Richard G. Scott (1928–2015) o le Korama a Aposetolo e To’asefululua:

15:26

O le tala fiafia mo soo se tasi e naunau ina ia ave ese taunu’uga o filifiliga lē lelei ua tuana’i, e ese le silasila a le Ali’i i vaivaiga nai lo Lana silasila i lē e fouvale.E ui ina lapata’i mai le Ali’i e fa’apea o le fouvale e aunoa ma le salamō o le a aumaia ai fa’asalaga, ae pe a fetalai le Ali’i e uiga i vaivaiga, o taimi uma lava e faia ma le alofa mutimutivale.(“Malosi Fa’aletagata e ala i le Togiola o Iesū Keriso,” Liahona, Nov. 2013, 83)

Na fa’asoa mai Elder Neil L. Andersen o le Korama a Aposetolo e To’asefululua:

Afai o lo o e faia le mea sēsē lava e tasi, o lo o e tauivi ia mausalī lou naunau e sui, ia fa’ailoa atu i lou Tama Faalelagi lou alofa mo Ia ma fa’amalosia lou fa’atuatua i le Ali’i o Iesu Keriso.A’oa’o e uiga iā te Ia, suesue e uiga i Lana Togiola paia, ma mafaufau loloto e uiga i mea na Ia puapuagatia ai mo oe.Tausi Ana poloa’iga ma le sa’o atoatoa atili.A o e faia lau vaega o le fausia a’e o lou fa’atuatua i le Fa’aola, ou te folafola o le a tu’ufa’atasia e le lagi lenei mea alofa o le fa’atuatua, ma o le a e maua le malosi fa’aleagaga e salamō ai mai au agasala, ma lē toe foi iai.(O le Meaalofa Paia o le Fa’amagaloga [2019], 104)

Gaoioiga Fa’aopoopo e A’oa’o Ai

Se isi amataga

Mo se isi auala e amatalia ai le lesona, mafaufau e fa’aali atu le vitiō “Vaega Tonu o le Toe Foi Saogalemū” mai le faailo taimi 0:00 i le 1:58.I lenei vitiō, ua fa’asoa mai ai e Elder Dieter F. Uchtdorf o le Korama a Aposetolo e To’asefululua se talafaatusa e a’oa’o ai e uiga i le gafatia o le Fa’aola e fa’amalōlō ma fa’amagalo.

15:40

Vala’aulia tagata a’oga e talanoaina le fesili lenei:

O ā ni auala e taumafai ai Satani e fa’atalitonuina i tatou e faapea ua tatou pasia le “vaega tonu o le lē toe foi” pe a tatou agasala?

Vala’aulia tagata a’oga ia mafaufau loloto pe na iai se taimi na latou lagona ai e lē mafai ona fa’amagaloina mo se agasala po o se mea sēsē ua latou faia.Mafaufau e fa’asoa atu le fa’amatalaga lenei.

Sa fa’aauau le saunoaga a Elder Uchtdorf:

Na afio mai Keriso e lavea’i i tatou.Afai ua tatou uia se auala sese, o le Togiola a Iesu Keriso e mafai ona aumaia ia i tatou le faamautinoaga o le agasala e le o se faailoga tonu o le le toe foi mai.E mafai ona toe foi saogalemu pe afai tatou te mulimuli i le fuafuaga a le Atua mo lo tatou fa’aolataga.(“Vaega Tonu o le Toe Foi Saogalemu,” Liahona, Mē 2007, 99)

A o latou suesue, e mafai e tagata a’oga ona vaavaai i ni fa’amaoniga o le gafatia o le Fa’aola e lavea’i ai i tatou mai a tatou agasala.

O le mana’omia o le fa’anoanoa fa’aleatua

E ono iai fesili a tagata a’oga e uiga i o latou lagona ta’usalaina po o le mafatia pe a tatou agasala.O se tasi o auala e tali ai nei fesili o le suesue o le matafaioi o le fa’anoanoa fa’aleatua.

Vala’aulia tagata a’oga e mafaufau loloto i le eseesega o le fa’anoanoa fa’aleatua ma le fa’anoanoa fa’alelalolagi.E mafai e tagata a’oga ona suesue mea ua a’oa’o mai e le Aposetolo o Paulo i le 2 Korinito 7:9–10.E mafai foi ona latou faitau e uiga ia Sā Nifaē, o e na fa’anoanoa ona o a latou agasala i le Mamona 2:11–14.E mafai ona talanoaina e tagata a’oga se fesili e pei o le fesili lenei:

O le ā se mea ua e a’oa’oina e uiga i le fa’anoanoa fa’aleatua ma le fa’anoanoa fa’alelalolagi?

E mafai ona e fa’asoa atu le saunoaga lenei mai iā Peresitene Dieter F. Uchtdorf, ao avea ma se tasi o le Au Peresitene Sili:

16:19

O le faanoanoa faaleAtua e musuiaina suiga ma le faamoemoe e ala i le Togiola a Iesu Keriso.O le faanoanoa faalelalolagi e toso i tatou i lalo, aveesea ai le faamoemoe, ma faatosinaina i tatou ia lolo atu atili i faaosoosoga.

O le faanoanoa faaleAtua e taitai atu i le liua ma se suiga o le loto.Na te uunaia i tatou ia inoino i le agasala ae fiafia i le lelei.Na te uunaia i tatou ia tutu i luga ma savavali i le malamalama o le alofa o Keriso.O le salamo moni e faatatau i le suiga, ae le o le tiga ma mafatiaga.Ioe, o le faanoanoa faamaoni ma le loto momomo moni mo le le usiusitai e tele lava ina tiga ma o ni laasaga taua ia i le faagasologa paia o le salamo.Ae a oo atu le tausalaina i le musuā o le tagata lava ia po o le taofia ai o i tatou mai le toe tutulai ae i luga, o le a faalavelave ai nai lo le uunaia o lo tatou salamo.(“E Mafai Ona E Faia Nei Lava!,” Liahona, Nov. 2013, 56)