Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Ieremia 36: O Le Afioga a le Atua

“Ieremia 36: O Le Afioga a le Atua,” Tusi Lesona a le Faia’oga Seminare o le Feagaiga Tuai (2026)

“Ieremia 36: O Le Afioga a le Atua,” Tusi Lesona a le Faia’oga Seminare o le Feagaiga Tuai

Ieremia 31–33; 36–38; Auega 1; 3: Lesona 135

Ieremia 36

O le Afioga a le Atua

Old Testament Prophet writing on a scroll

O tusitusiga paia o se vaega taua o lo tatou feso’ota’iga ma Iesu Keriso.O le a’oa’oina mai i tusitusiga paia e faasino atu ai o tatou manatu ma loto iā te Ia, e vala’aulia ai Lona mana i o tatou olaga.I se vaitaimi o le liliu ese, na fa’atonuina e le Ali’i le perofeta o Ieremia e tusi ma auina atu afioga a le Ali’i i tagata o Iuta ina ia latou liliu atu iā te Ia ma fa’amagaloina.O lenei lesona e fesoasoani i tagata a’oga ia malamalama i le auala e mafai ai e tusitusiga paia ona liliu atu ai i latou iā Iesu Keriso ina ia fa’amagaloina i agasala.

Sauniuniga a le tagata a’oga: Mafaufau e vala’aulia tagata a’oga e toe iloilo a latou sini patino o le suesue i tusitusiga paia, ma le alualu i luma i le faitauga manaomia mo le tausaga.E mafai foi ona e vala’aulia tagata a’oga e toe manatunatu pe fa’apefea e a latou suesuega fa’aletusi paia ona fesoasoani iā i latou e liliu atu ai i le Ali’i.

Gaoioiga e Ono Mafai Ona Aoaoina Ai

Tautala atu

Mafaufau i se auala e fesoasoani ai i tagata a’oga e sauni e a’oa’o e uiga i le auala na fa’aaogaina ai e le Ali’i tusitusiga paia e fa’atonu ai ma le alofa i tatou ma avatu i tatou iā te Ia.O se tasi o auala e faia ai lenei mea, o le tu’u atu lea i tagata a’oga se avanoa e mafaufau ai i tulaga e ono lē to’a ai e tautala atu.Afai e mana’omia, e mafai ona e fa’aaogaina tulaga nei.

E fa’apefea e se tasi e popole mo oe ona tali atu i tulaga nei?
- I le mae’a ai o le taumafataga o le aoauli, ua iloa atu e lau uo o lo o iai ni fasi mea’ai i ou nifo.
- Ua vala’auliaina oe i se fiafia i faia ai ni gaoioiga lē talafeagai.Ua iloa e lau uo gaoioiga ae ua ia iloa o lo o e tulimata’i e te fia alu.
O ā ni mea e ono fa’aosofia ai se tasi e tautala atu i nei tulaga?
Faamata o le ā se taunu’uga o le fai atu o se tala po o le nofo filemu e leai se tala?

E silafia e le Tamā Fa’alelagi ma Iesu Keriso mea tatou te lē iloaina.La’ua te naunau mo mea sili mo i tatou, ma e la te saunoa mai iā i tatou e ala mai i tusitusiga paia (taga’i i le 2 Nifae 32:3; Mataupu Fa’avae ma Feagaiga 1:37–38).A o e a’oa’o i le asō, mafaufau loloto i auala e mafai ai e tusitusiga paia ona fa’amanuia lou olaga.Mafaufau pe fa’apefea e nei manatu ona iai se a’afiaga i au suesuega patino.

O se fa’amoemoega o tusitusiga paia

Faitau le Ieremia 36:1–3, va’ava’ai pe aiseā na poloa’iina ai e le Ali’i Ieremia e fa’amaumau Ana afioga mo tagata o Iuta.

O ā mea na finagalo iai le Ali’i mo tagata o Iuta?
O ā mea o a’oa’o mai e nei fuaiupu iā i tatou e uiga i fa’amoemoega o tusitusiga paia?

E ono faailoa e tagata a’oga se upumoni e pei o le, e fesoasoani tusitusiga paia iā i tatou e liliu atu ai i le Ali’i ma maua Lana fa’amagaloga.

E te ono vala’aulia tagata a’oga e fa’ailoga fasifuaitau “ina ia latou toe foi mai, ta’itasi le tagata ai lona ala leaga” ma “ou fa’amagaloina atu i la latou amio lē tonu ma la latou agasala” (fuaiupu 3).E mafai ona latou tusi le upumoni ua latou maua i tafatafa o nei fasifuaitau i a latou tusitusiga paia.
E fa’apefea e tusitusiga paia ona fesoasoani iā i tatou e liliu atu ai i le Ali’i ma maua ai Lana fa’amagaloga?

Mafaufau e lisi i luga o le laupapa tali a tagata a’oga.A o fa’asoa mai tagata a’oga, latou te ono fa’asino atu i manatu sa mauaina mai i mau nei.E te ono mana’o e fa’amasani i nei mau ina ia e mafai ona e taga’i iai a o fa’asoa tagata a’oga.O se isi auala, a mae’a ona fa’asoa ni nai tali a tagata a’oga i le fesili ua te’a, e mafai ona e tu’u atu fa’atonuga nei ma tu’u atu iā i latou e fa’aopoopo i luga o le laupapa.

Faitau fuaitau o mau nei, ma va’ava’ai mo auala fa’aopoopo e fesoasoani ai nei mau iā i tatou e liliu atu i le Ali’i ma fa’amagaloina mai a tatou agasala.

2 Timoteo 3:16

Alema 37:8

Helamana 15:7

O le tupu ma le tusi ta’ai

E te ono aotele pe faitau le parakalafa lenei.

Na faia e Ieremia mea na poloa’iina o ia e le Ali’i e faia ma fai atu i se tagata e igoa iā Paruka e tusi afioga a le Ali’i i se tusi ta’ai.Ona sa fa’apagotaina Ieremia, na ia fai atu iā Paruka e faitau afioga a le Ali’i i tagata o Iuta, e aofia ai aloali’i eseese.Ina ua mae’a ona faia lena mea, na tu’uina atu e Paruka le tusi ta’ai i aloali’i e faitauina atu iā Ioakima, le tupu o Iuta (taga’i i le Ieremia 36:4–10, 14–15, 20–21).

Faitau le Ieremia 36:20–24, va’ava’ai pe na fa’apefea ona tali atu le tupu o Ioakima ina ua fa’alogo i upu o i le tusi ta’ai.I le fuaiupu 23, “ia” e fa’asino atu i le Tupu o Ioakima.

Aiseā e te manatu ai na tali atu ai fa’apea le tupu?

Faitau le Ieremia 36:25, ma va’ava’ai pe na fa’apefea ona taumafai nisi o aloali’i e fa’atauanau i le tupu.

Vala’aulia tagata a’oga e vaai faalemafaufau o i latou o nei aloali’i i le fuaiupu 25.I le fa’aaogaina ai o mea ua latou a’oa’oina i le vasega i le asō, fai atu i tagata a’oga e sauni se tali i le tupu e mafai ona fesoasoani iā te ia e malamalama ai i le auala e fa’amanuiaina ai lona olaga e tusitusiga paia.

O se tasi auala e faia ai lenei mea o le fa’atulaga lea o le vasega i ni vaega taitoatolu.E mafai e tagata a’oga ta’itasi ona fai ma sui o se tasi o aloalii, a o saunia fa’atasi e vaega a latou tali tu’ufa’atasi.Ona mafai lea ona e vala’aulia se vaega e o mai i luma o le vasega ma fai se tala fa’atino o a latou fegalegalea’iga ma le tupu.E te ono vala’aulia se isi tagatai a’oga e fa’atino le vaega a le tupu po o oe o se faia’oga e mafai ona e fa’aata lena vaega.E te ono fautua atu i tagata a’oga e fa’atino se isi fa’aiuga o le tala lea na tauanau ai le tupu e aua ne’i susunuina le tusi ta’ai.

O le ā se tulaga fa’aonaponei e ono fesoasoani ai i a’oa’oga mai lau tali i se talavou?

Toe manatu i mea ua e a’oa’oina

E mafai ona e fa’asoa atu le fa’amatalaga lenei ia fesoasoani i tagata a’oga e tomanatu i mea ua latou a’oa’oina mai la latou suesueina o le Ieremia 36.

Na aoao mai Elder D. Todd Christofferson o le Korama a Aposetolo e To’asefululua:

E ala mai i tusitusiga paia, o lo o mafai moni e le Atua ona “fa’aali atu ai Lona mana” [taga’i i le Alema 37:14] e lavea’i ma fa’aea ai Lana fanau.E ala i Lana afioga … Na te fa’atupulaia ai lo tatou manatuaga, fa’apupula le malamalama i mea lē tonu ma sēsē, ma aumaia i tatou i le salamō ma ia olioli iā Iesu Keriso, lo tatou Togiola.(“O Le Fa’amanuiaga o Tusitusiga Paia,” Ensign po o le Liahona, Mē 2010, 33)

Atonu e fesoasoani le tu’u atu i tagata a’oga o se taimi e mafaufau loloto ai pe fa’amau a latou tali i le fesili lenei ae latou te le’i fa’asoaina atu i le vasega.

E fa’apefea e lenei mea ona ono a’afia ai au suesuega patino i le iloaina e mafai ona fesoasoani tusitusiga paia iā te oe e liliu atu ai i le Ali’i ma maua Lana fa’amagaloga ma le taitaiga?

O se avanoa lelei lenei mo tagata a’oga e toe manatunatu ai i a latou sini i suesuega patino ma le faitauga e mana’omia mo togi o le seminare. Mafaufau e vala’aulia tagata a’oga e toe iloilo a latou sini ma mafaufau pe ono fa’apefea ona latou taula’i atili i le liliu atu iā Iesu Keriso o se vaega o a latou suesuega patino o tusitusiga paia.

O Puna’oa Fa’aopoopo

O ā ni fa’amanuiaga e mafai ona maua mai i le suesueina o tusitusiga paia?

Na a’oa’o mai Peresitene Russell M. Nelson:

15:2

Ou te folafola atu a outou suesueina ma le agaga tatalo le Tusi a Mamona i aso uma, o le a outou faia ni fa’ai’uga lelei atu i—aso uma.Ou te folafola atu a outou mafaufau loloto i mea tou te suesueina, o le a matala mai pupuni o le lagi, ma o le a outou mauaina tali i a outou lava fesili ma le taitaiga mo o outou lava olaga.Ou te folafola atu a e fa’atofuina oe lava i le Tusi a Mamona i aso taitasi, e mafai ona puipuia oe mai mea leaga o nei ona aso.”(“O Le Tusi a Mamona: Fa’amata e Faape’i Lou Olaga e Aunoa ma Ia?,” Liahona, Nov. 2017, 62–63)

Na fa’amatala mai e Peresitene Ezra Taft Benson:

O le afioga a le Atua, e pei ona maua i tusitusiga paia, … e iai le mana e fa’amalosia ai le Au Paia ma fa’aau’upegaina ai i latou i le Agaga ina ia mafai ona latou tete’e atu i le leaga, ae taofi mau i le lelei, ma maua le olioli i lenei olaga.”(A’oa’oga a Peresitene o le Ekalesia: Ezra Taft Benson [2014], 118)

Na fa’asoa mai e Elder D. Todd Christoffferson o le Korama a Aposetolo e To’asefululua:

I le fa’ai’uga, o le fa’amoemoega tutotonu o tusitusiga paia uma, o le fa’atumuina lea o ō tatou agaga i le fa’atuatua i le Atua le Tamā ma Lona Alo, o Iesu Keriso—fa’atuatua o lo o soifua i La’ua; fa’atuatua i le fuafuaga a le Tamā mo lo tatou tino ola pea ma le ola e fa’avavau; fa’atuatua i le Togiola ma le Toetū o Iesu Keriso, lea e galueaiina lenei fuafuaga o le fiafia, fa’atuatua e avea le talalelei a Iesu Keriso ma ala o o tatou olaga, ma le fa’atuatua e oo ina iloa “le Atua moni e to’atasi, ma Iesu Keriso, o le [ua Ia] auina mai” (Ioane 17:3). …

[O] upu a perofeta … e tafe mai iā i tatou toetoe lava o taimi uma e ala i le televise, leitio, initoneti, satelite, … ma i lomiga.Ou te manatu e le’i iai ni tagata i le tala fa’asolopito ua matua fa’amanuiaina i le tele na’uā o tusitusiga paia.Ma e le gata i lena, ae o alii, tamaitai, ma tamaiti taitoatasi ua ono mafai ona iai ma suesueina a latou lava kopi o nei tusitusiga paia, i la latou lava gagana. …E moni, e faatasi ai ma lenei faamanuiaga, ua ta’u mai e le Alii ia i tatou le sili atu ona manaomia o lo tatou faaaogaina pea lava pea o tusitusiga paia nai lo se isi lava taimi muamua.(“O Le Fa’amanuiaga o Tusitusiga Paia,” Liahona, Mē 2010, 34, 35)

Gaoioiga Fa’aopoopo e A’oa’o Ai

E mafai ona fesoasoani tusitusiga paia iā i tatou e fa’atoilalo ai fa’aosoosoga

E mafai ona e faia le mea lenei i le fa’ai’uga o le vaega ua fa’aulutalaina “O se fa’amoemoega o tusitusiga paia.”

Fa’asoa atu le tala lenei a Elder Neil L. Andersen o le Korama a Aposetolo e To’asefululua:O se tasi o auala e fa’asoa atu ai lenei tala, o le fa’atulaga lea o tagata a’oga i ni vaega e taitoatolu, ma tufa atu se kopi o le upu si’i i vaega ta’itasi.E mafai ona faitau e tagata a’oga ta’ito’atasi se parakalafa se tasi.E mafai ona e tusia fesili o lo o tu’uina faatasi atu i luga o le laupapa mo tagata a’oga e mafaufau iai a o faitau ma talanoaina mulimuli ane.

A o o’u auai i le seminare i le a’oga maualuga, sa iai sa’u uo na nofo mai le isi itū e faasaga mai iā te a’u.O ia o se tama’ita’i atamai ma agalelei, ma mafana ona uiga.E seāseā ona ma va’ai le tasi i le isi i fafo atu o le seminare.I lo’u tausaga sinia i le a’oga maualuga, na ma fa’amasani ai i le vasega seminare ma talanoa i le tele o mea e taua iā i maua.

Na foliga mai e iai se naunau o la’u uo e faia le mea tonu ma tausia poloa’iga, ae i le taimi lava e tasi, sa faigata e le aunoa iā te ia le usiusita’i ai i poloa’iga.I le seminare, e masani ona talanoa mai e uiga i lona alofa mo le Atua ma le talalelei, ae, o lana masani i taeao o aso Gafua, sa ou iloaina ai ana gaoioiga i fa’ai’uga o vaiaso ma ona tauiviga e mulimuli i le Upu o le Poto ma le tausia o isi tulaga fa’atonuina o le Ekalesia.O nisi taimi e talanoa mai o ia iā te a’u e uiga i ana fa’ai’uga o vaiaso.Sa foliga mai ua fa’anoanoa o ia i le mea sa ia faia ma sa ia mana’o ia lelei atu.E masani ona ou faamalosiau iā te ia e ala i le talanoa atu iai e uiga i le loto toa, filifilia o uo sa’o, alofia o nisi tulaga, ma le mafai ona tali atu e leai.Sa foliga mai na ia talisapaia le faamalosiauga, ae sa ia fa’aauau ona ia faia pea lava le mea lea tasi i lea masina ma lea masina.Sa ia talanoa mai e mana’o e sui ma salamō, ae na foliga mai e le’i tupu lava.

Ana fa’apea o lea ou te talanoa atu iā te ia i le asō, ou te fa’ala’ititi le talanoa atu e uiga i la’asaga e mana’omia mo le salamō, ae ia sili atu e uiga i le puna o le mana mo lona gafatia e sui ai, ia salamō, ma fa’amagaloina.O le a ou talanoa atu e uiga i lona fa’atuatua iā Iesu Keriso.O le a ou taumafai e fesoasoani atu iā te ia iloa afai e na te fausia lona malamalama ma lona talitonuga iā Keriso, ma fa’amalosia lona fa’atuatua iā te Ia, ona mafai lea o lona fa’atuatua ma le mautinoa iā te Ia ona aumaia le mana—o Lona mana e fesoasoani e fa’amalosia ai o ia i le suia o lana amio. (O le Meaalofa Paia o le Fa’amagaloga [2019], 98–99)

O le ā se mea na semanū e ese ona faia e Elder Andersen?Aiseā?
E mafai fa’apefea ona ono fesoasoani tusitusiga paia i lenei tama’ita’i talavou?(Mafaufau e fa’aaoga le fa’amatalaga mai iā Elder Christofferson, e maua i Puna’oa Fa’aopoopo, e fesoasoani e tali ai lenei fesili.)

O le taua o tusitusiga paia

Ina ia fesoasoani i tagata a’oga ia lagona le taua o tusitusiga paia, e te ono fa’aali atu lenei vitiō.E mafai ona e faia lenei mea ao le’i oo i le vaega mulimuli o le lesona.

0:60

O le ā se mea e tumatila iā te oe e uiga i le fa’amatalaga a Peresitene Nelson?
Ua fa’apefea ona fesoasoani tusitusiga paia iā te oe e liliu atu ai iā Iesu Keriso?

Paruka faasaga i le Tupu o Ioakima.

Ina ia fesoasoani i tagata a’oga e fa’ataitai le tomai o le suesue i tusitusiga paia o le fa’atusatusa, e mafai ona e vala’aulia i latou e fa’atusatusa le tali atu a le Tupu o Ioakima i le tusi ta’ai (taga’i i le Ieremia 36:20–23) ma le tali atu a le tusi upu a Ieremia o Paruka (taga’i i le Ieremia 36:27–28, 32).

Atonu e te mana’o e ta’ua e faapea na mafatia le Tupu o Ioakima i taunuuga o le te’ena o afioga a le Ali’i ia fetalai mai e auala atu iā Ieremia.Sa saisai Ioakima ma ave fa’atagataotauaina i Papelonia (taga’i i le Ieremia 22:18–19).Peita’i, na fa’amanuiaina Paruka mo lona fa’amaoni i afioga a le Ali’i ia na fetalai mai e auala mai iā Ieremia (taga’i i le Ieremia 45:5).