Seminare
Esekielu 1–3; 33–34; 36–37; 47: Va’aiga Aoao

“Esekielu 1–3; 33–34; 36–37; 47: Va’aiga Aoao,” Tusi Lesona a le Faia’oga Seminare o le Feagaiga Tuai (2026)

“Esekielu 1–3; 33–34; 36–37; 47: Va’aiga Aoao,” Tusi Lesona a le Faia’oga Seminare o le Feagaiga Tuai

Esekielu 1–3; 33–34; 36–37; 47

Esekielu 1–3; 33–34; 36–37; 47

Va’aiga Aoao

Na tofia e le Ali’i ia Esekielu e avea o se perofeta e auauna atu o se tagata va’ai mo tagata Isaraelu a o fa’atagataotauaina i Papelonia (taga’i i le Esekielu 3:16–17).Mulimuli ane, na fa’atusatusa e Esekielu le auala na tausia ai e leoleo mamoe i Isaraelu a latou lafu i auala na tausia ai e Iesu Keriso, “le Leoleo Mamoe Lelei” (Ioane 10:11), fanau a le Tamā Fa’alelagi.Na valoia e Esekielu lena aso o le a avea ai le Tusi Paia (le la’au a Iuta) ma le Tusi a Mamona (le la’au a Iosefa) ma soa molimau o Iesu Keriso ma Lana ekalesia toefuata’ina (taga’i i le Esekielu 37:15–17).Na va’ai Esekielu i se fa’aaliga o le malumalu i aso e gata ai o lo o tafe mai ai vai fa’amalōlō o se fa’ailoga o fa’amanuiaga e tu’uina mai e le Ali’i ia i tatou a o tatou tapua’i atu iā te Ia i Lona malumalu.

aikona o le seminareA’oa’o le Aoaoga Faavae a Iesu Keriso mo oe lava ia. Sa silafia ma malamalama le Fa’aola i Lana aoaoga faavae.A o talavou, sa Ia a’oa’o atu isi ma tali a latou fesili (taga’i i le Fa’aliliuga a Iosefa Samita, Luka 2:46 [i le Luka 2:46, vaefaamatalaga i]).E mafai foi ona e saili e a’oa’o loloto atili i aoaoga faavae moni ma uunaia au tagata a’oga ia faia foi fa’apea.Mo nisi fa’amatalaga i le auala na malamalama ai le Fa’aola i Lana aoaoga faavae, taga’i i le “Na A’oa’oina e le Fa’aola le Aoaoga Fa’avae,” (A’oa’o atu i le Ala o le Fa’aola [2022], 20).

E mafai ona e mauaina se fa’ataitaiga o le auala e uunaia ai tagata a’oga e a’oa’o le aoaoga faavae a Iesu Keriso mo i latou lava i le Lesona 141: “Esekielu 47.”

Sauniuni e a’oa’o atu

O lenei fa’amatalaga e tu’uina atu ai iā te oe ni manatu o mea atonu e mana’omia ona e mua’i saunia mo lesona ta’itasi.

Esekielu 1–3, 33

Fa’amoemoega o le lesona: E fesoasoani i tagata a’oga ia lagona se naunautaiga sili atu ia gaua’i atu i lapataiga a perofeta a le Ali’i.

  • Sauniuniga a tagata a’oga: Vala’aulia tagata a’oga e faitaule “Perofeta” i le Taiala i Tusitusiga Paia po o le “Perofeta” i le Autū ma Fesili i le Potutusi a le Talalelei.E mafai ona latou saili mo le matafaioi a perofeta ma tomanatu pe fa’apefea ona latou va’aia le fa’ataunu’uina e perofeta o lenei matafaioi.

  • Vitiō: “Fa’afesaga’i ma Peresitene Eyring ma Elder Holland” (1:36:15) mai le faailo taimi 3:33 i le 6:35; “O le Perofeta a le Atua” (16:04) mai le faailo taimi 6:17 i le 6:51; “O Le Leo o le Lapataiga” (15:15) mai le faailo taimi 3:01 i le 3:34

  • Ata: Ata o Karekasone

  • Anomea mo tagata a’oga: Afai e mana’omia, o lomiga talu ai nei o le konefesi i le Liahona ia saili ai lauga o le konefesi; o se tasi o gaoioiga e filifili ai e mana’omia se pepa e tusi ai ni lapataiga fa’aperofeta, e fa’apipi’i faataamilo i totonu o le potu a’oga

Esekielu 34

Fa’amoemoega o le lesona: E fesoasoani i tagata a’oga ia mulimuli i le fa’ataitaiga a le Fa’aola ia saili atu ma tausia isi.

  • Sauniuniga a le tagata a’oga: Vala’aulia tagata a’oga e mafaufau i auala e talafeagai ai le igoa “le Leoleo Mamoe Lelei” (Ioane 10:11, 14) iā Iesu Keriso.E mafai ona latou mafaufau loloto pe fa’apefea e lenei igoa mo le Fa’aola ona fesoasoani iā i latou ia malamalama i Lona alofa ma le naunau e tausia le fanau a le Tamā Fa’alelagi.

  • Vitiō: “Leoleo Mamoe o Isaraelu” (9:14) mai le faailo taimi 1:07 i le 4:09; “Fa’afesaga’i mai Peresitene ma Tuafafine Oaks (Taumafai e Avea)” (1:20:10) mai le faailo taimi 57:50 i le 59:55

  • Ata: Ua fa’aalia Iesu Keriso o se leoleo mamoe

Esekielu 37

Fa’amoemoega o le lesona: E fesoasoani i tagata a’oga ia malamalama i auala e galulue fa’atasi ai le Tusi Paia ma le Tusi a Mamona e avea ma molimau iā Iesu Keriso ma Lana talalelei.

  • Sauniuniga a le tagata a’oga: Vala’aulia tagata a’oga e vaai faalemafaufau i le fesiligia o i latou, “Aiseā e te mana’omia ai le Tusi a Mamona pe afai e te talitonu i le Tusi Paia?” ma sauni e fa’asoa atu pe fa’apefea ona e tali atu.E mafai ona latou fesili atu i se uo po o se tagata o le aiga pe fa’apefea ona latou tali atu i lena fesili.

  • Pepa e tufa atu:Ata e fesoasoani i tagata a’oga e fatu ai se tusitusiga i faasalalauga fa’aagafeso’otai

  • Anomea mo tagata a’oga: Fasipepa pipi’i po o ni fasi pepa ma se mea faapipii mo tagata a’oga e tusi ai o latou manatu i luga o tusitusiga i faasalalauga fa’aagafeso’ota’i a isi tagata a’oga

Esekielu 47

Fa’amoemoega o le lesona: Ia fesoasoani i tagata a’oga ia fa’ateleina se lagona naunautai e tapua’i iā Iesu Keriso i le malumalu.

  • Sauniuniga a le tagata a’oga: Mafaufau e tuu atu i tagata a’oga fesili nei ma vala’aulia i latou e o mai saunia e fa’asoa mai a latou tali:

    • O ā ni mafua’aga e ono mana’o ai se talavou e auai ma tapuai i le malumalu?

    • O ā nisi o mafuaaga latou te ono lē manana’o ai e auai atu i le malumalu?O le ā se mea e ono fa’afaigata ai?

  • Ata: Ata o se malumalu

  • Anomea mo tagata a’oga: Pepa mo tagata a’oga e tusi ai se ata, po o le fa’aaoga foi e tagata a’oga o a latou api tala’aga o suesuega

  • Vitiō: “And the River Will Grow” (3:43) mai le faailo taimi 0:25 i le 1:28 ma le faailo taimi 1:58 i le 2:33; “O Malumalu o ni Fa’ailoilo” (2:50); “Tala Fa’asolopito o Aiga ma Galuega o le Malumalu: Fa’amauga ma Fa’amalōlōga” (14:43) mai le faailo taimi 7:36 i le 12:20

  • Anotusi e fa’aalia: “Vao o Iutaia” (Ata mai le Tusi Paia, nu. 3) ma le “Fa’afanua Tino Mai o le Aai Paia” (Fa’afanua o le Tusi Paia, nu. 1), o lo o maua i Fesoasoani mo Suesuega i le Potutusi o le Talalelei po o le Anomea Fa’aopoopo o le Tusi Paia

  • Pepa e tufa atu: “O Fa’amanuiaga o le Malumalu”