Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Esekielu 1–3; 33: “Ua Ou Faia Oe Ma Tagata Va’ai”

“Esekielu 1–3; 33: ‘Ua Ou Faia Oe Ma Tagata Va’ai,’” Tusi Lesona a le Faia’oga Seminare o le Feagaiga Tuai (2026)

“Esekielu 1–3; 33: ‘Ua Ou Faia Oe Ma Tagata Va’ai,’” Tusi Lesona a le Faia’oga Seminare o le Feagaiga Tuai

Esekielu 1–3; 33–34; 36–37; 47: Lesona 138

Esekielu 1–3; 33

“Ua Ou Faia Oe Ma Tagata Va’ai”

A man standing under the awning of a small stone tower, looking out over the surrounding landscape.

E mafai fa’apefea ona tatou nonofo saogalemū mai le tele o lamatiaga fa’aleagaga i le lalolagi?Ua vala’auina e le Ali’i perofeta e auauna o ni tagata va’ai e lapatai ma puipuia i tatou.Sa vala’auina e le Ali’i ja Esekielu e auauna o se tagata va’ai mo tagata Isaraelu a o fa’atagataotauaina i Papelonia (taga’i i le Esekielu 3:16–17).O lenei lesona e mafai ona fesoasoani i tagata a’oga ia lagona se naunauta’iga sili atu e ua’i atu i lapataiga a perofeta a le Ali’i.

Sauniuniga a tagata a’oga: Vala’aulia tagata a’oga e faitaule “Perofeta” i le Taiala i Tusitusiga Paia po o le “Perofeta” i le Autū ma Fesili i le Potutusi a le Talalelei.E mafai ona latou saili mo le matafaioi a perofeta ma tomanatu pe fa’apefea ona latou va’aia le fa’ataunu’uina e perofeta o lenei matafaioi.

Gaoioiga e Ono Mafai Ona Aoaoina Ai

O lagona e uiga i le perofeta a le Ali’i

I totonu o lau api tala’aga o suesuega, fa’auma le fa’amatalaga lenei i se tali se tasi pe sili atu:

Pe a ou va’ai i le perofeta, fa’alogo iā te ia o saunoa, pe faitau i ana upu, ou te lagona …

Vala’aulia ni tagata a’oga naunau e fa’asoa mai i le vasega mea sa latou tusiaina.Atonu e te fa’amatala atu e faapea a o latou fa’asoa ma fa’alogo, e mafai e le Agaga Paia ona fa’apupula o latou mafaufau ma fa’amalūlū o latou loto e mulimuli i le perofeta a le Ali’i.

Na vala’auina e le Ali’i ia Esekielu e avea o se perofeta

Na pueina fa’apagota Esekielu ma aveina atu i Papelonia fa’atasi ma isi tagata Isaraelu.A o faatagataotauaina [Esekielu], sa asia o ia e le Ali’i ma vala’auina e avea ma se perofeta (taga’i i le Esekielu 1–2).Na folafola le Ali’i e fa’amalosia Esekielu a o ia tala’i atu i tagata fouvale ma loto maa’a (taga’i i le Esekielu 3:7–9).

O leEsekielu 3:16–17 o se fuaitau o le atamai i a’oa’oga fa’avae.Mafaufau e vala’aulia tagata a’oga e fa’ailoga ia fuaitau o le atamai i a’oa’oga fa’avae i se auala iloga ina ia mafai ona latou mauaina gofie.

Faitau le Esekielu 3:10–11, 16–17, ma va’ava’ai po o ā mea na a’oa’o atu e le Ali’i iā Esekielu e uiga i lana matafaioi o se perofeta.

O le ā se mea na e mauaina?

Ina ia fesoasoani i tagata a’oga ia malamalama i le ata o se tagata va’ai, mafaufau e fa’aali atu le ata o Karekasone (Carcassonne) o lo o aofia i le lesona, fa’atasi ma le fa’amatalaga mai iā Elder Neil L. Andersen.

Image of Carcassone Castle, a hilltop town in southern France.

Na fa’amatala mai e Elder Neil L. Andersen o le Korama a Aposetolo e To’asefululua:

16:4

O Karekasone o se aai maoae i Farani sa siomia i se pa lea na tu lava talu mai lava le vaeluaga o taimi.O olo maualuluga na manu a’e mai ona aupa puipuia, na fausia mo tagata vaai o e na tutu i luga o na olo i le ao ma le po, ma faatumauina o lo latou taulai i mea mamao mo le fili.A vaai atu le tagatavaai ua latalata mai se fili, o lona leo o le lapataiga e puipuia le nuu o Karekasone mai le lamatiaga o le a oo mai lea sa le mafai ona latou vaaia.

O se perofeta o se tagata va’ai i luga o le olo, na te puipuia i tatou mai lamatiaga fa’aleagaga e le o mafai ona tatou va’aia.(“O Le Perofeta a le Atua,” Liahona, Mē 2018, 25)

E fa’apefea ona e aoteleina mea ua aoaoina i le Esekielu 3:16–17 ma Elder Andersen e uiga i perofeta?

Fesoasoani i tagata a’oga ia iloa o le Alii e vala’auina perofeta o e e auauna o ni tagata va’ai e lapatai i tatou mai lamatiaga fa’aleagaga.Fa’amatala atu o le Au Peresitene Sili ma le Korama a le Au Aposetolo e To’asefululua ua auauna o ni perofeta a le Ali’i i aso nei.Afai na faamaea e tagata aoga le gaoioiga sauniuni a le tagata a’oga, e mafai ona latou fa’asoa mai mea sa latou a’oa’oina o se vaega o le talanoaga lenei.

Aiseā ua avea ai le “tagata va’ai” o se auala lelei e fa’amatala ai le matafaioi a perofeta?

I le Esekielu 33, sa toe a’oa’o atu ai foi e le Ali’i iā Esekielu lona tiute e auauna atu o se tagata va’ai ma fa’asoa atu le feau a le Atua ia Isaraelu (taga’i i le Esekielu 33:1–7).

Faitau le Esekielu 33:9–11, va’ava’ai pe aiseā ua finagalo ai le Ali’i e lapataia Ona tagata.

O le ā le mea e mafai ona a’oa’o mai e le fuaiupu 11 iā i tatou e uiga i le Tamā Fa’alelagi ma Iesu Keriso?

Ua fa’asoa mai e Elder D. Todd Christofferson o le Korama a le Au Aposetolo e To’asefululua i le auala e avea ai lapataiga fa’aperofeta ma fa’amaoniga o le alofa o le Atua:

15:15

Nai lo le finagalo e faasala, o lo o saili e lo tatou Tamā Fa’alelagi ma lo tatou Fa’aola lo tatou fiafia ma augani mai iā i tatou ina ia salamō, ma ia iloa lelei “e lei avea lava [ma o le a lē avea lava] le amioleaga ma fiafia” [Alema 41:10].O lea la o Esekielu ma soo se perofeta o i luma atu ma talu ai nei, na tautatala i le afioga a le Atua mai le loto atoa, na lapataia tagata uma o e o le a liliu ese mai iā Satani, o le fili o o latou agaga, ma “filifili le saolotoga ma le ola e fa’avavau, e ala i le Puluvaga sili o tagata uma” [2 Nifae 2:27].(“O Le Leo o le Lapataiga,” Liahona, Mē 2017, 108)

E mafai fa’apefea e le malamalama i le mafuaaga ua vala’auina ai e le Ali’i Ana perofeta ia avea ma tagata va’ai, ona a’afia ai o tatou naunautaiga e mulimuli iā i latou?

O lapataiga mai tagata va’ai

O le gaoioiga lenei ua fa’amoemoe e fesoasoani i tagata a’oga ia iloa fa’ataitaiga o lapataiga a le Ali’i ua tu’uina mai e ala mai i Ana perofeta.Mafaufau e vala’aulia tagata a’oga e filifili se tasi o filifiliga nei e suesueina:

O lauga talu ai nei a sui o le Au Peresitene Sili po o le Korama a le Au Aposetolo e To’asefululua
O nei fuaitau o le atamai i a’oa’oga fa’avae po o isi fuaitau e te filifilia: Isaia 5:20; 1 Korinito 6:19–20 (taga’i foi i le fuaiupu 18); 2 Nifae 2:27; 2 Nifae 32:8–9; Alema 41:10; ma le Mataupu Fa’avae ma Feagaiga 64:9–11

A mae’a ona filifili e tagata a’oga se mataupu e suesueina, fa’aali atu fa’atonuga nei:

Suesue a’oa’oga mai perofeta a le Ali’i ma sauni e fa’asoa atu mea nei:

O lapataiga a le Ali’i ua tu’uina mai e ala mai i Ana perofeta.
O fa’amanuiaga e mafai ona tatou maua po o luitau e mafai ona tatou alofia e ala i le usitaia o nei lapataiga.O nei mea e mafai ona maua mai mea sa e suesueina pe mai ou manatu ma a’afiaga.
Auala e te lagona ai o lenei lapataiga o se fa’amaoniga o le alofa o le Atua po o Lona finagalo mo i tatou ia [tatou] fiafia.

E mafai ona e vala’aulia tagata a’oga ta’ito’atasi e filifili se lapataiga fa’aperofeta se tasi latou te maua i le la’asaga 1 o a latou suesuega, ma tusi i luga o le laupapa.O se isi auala, e mafai e tagata a’oga ona tusi le lapataiga i se fasi pepa ma fa’apipi’i fa’ata’amilo i le potu.Vala’aulia tagata a’oga e faitau lapataiga ua tusia e isi.Ona mafai lea e le vasega ona filifili ni nai mea e talanoaina auiliili.E mafai ona e fai atu i tagata a’oga na tusia lapataiga ua filifilia, e fa’asoa mai a latou tali i le la’asaga 2 po o le 3 mai a latou suesuega.

A o fa’alogologo tagata a’oga ma auai i le talanoaga, vala’aulia i latou e toe manatunatu i o latou tulaga ma mana’oga patino.Uunaia i latou e mafaufau pe o iai ni lapataiga po o ni savali faapitoa a le Ali’i mo i latou.

Mulimuli i le perofeta

Tomanatu i manatu ma lagona atonu o feso’ota’i atu e le Agaga Paia iā te oe i le lesona atoa e uiga i le Ali’i ma Ana perofeta.Fa’aopoopo se tasi po o laina uma e lua i lau api tala’aga o suesuega ma fa’amae’a e fa’aaoga ai ou manatu ma lagona:

O se mea ou te mana’o e manatua e uiga i le Ali’i ma Ana perofeta o le …

Ou te fia mulimuli i le perofeta a le Ali’i ona …

E mafai ona e fa’ai’u i le fai atu i tagata a’oga e fa’asoa mai mea na latou tusia.E mafai foi ona e fa’asoa atu ou lagona o i ai e uiga i le Ali’i ma Ana perofeta a o e tapena e a’oa’o atu le lesona.

Tauloto

Atonu e te mana’o e fesoasoani i tagata a’oga e tauloto le mau fa’asino o le atamai i a’oa’oga fa’avae ma le fasifuaitau autū o le mau i le taimi o lenei lesona ma toeiloilo i latou i lesona i le lumana’i.O le fasifuaitau o le mau autū mo le Esekielu 3:16–17 o le “O le perofeta o ‘se tagata va’ai i le aiga o Isaraelu.’”O manatu mo gaoioiga o le taulotoina o lo o iai i anomea fa’aopoopo i lalo o le “Gaoioiga Toe Fa’amanatu o le Atamai i A’oa’oga Fa’avae.”

O Puna’oa Fa’aopoopo

O ā mea e mafai ona va’aia e perofeta?

Na fa’amalamalama mai e Peresitene Russell M. Nelson:

E silasila perofeta i luma atu.Latou te vaai i tulaga lamatia faigata ua tuuina e le fili pe o le a tuuina i lo tatou ala.E mua’i va’aia foi e perofeta avanoa maoae ma fa’amanuiaga o fa’atalitali mai iā i latou o e fa’alogo ma le fa’amoemoe ia usiusitai.(“Tūtū e pei o Tagata Meleniuma Moni,” Ensign, Oct. 2016, 31; Liahona, Oke. 2016, 53)

O ā ni fa’amanuiaga e mafai ona tatou maua mai le mulimuli i perofeta a le Ali’i?

Na aoao mai Elder Neil L. Andersen o le Korama a Aposetolo e Toasefululua:

16:4

I lo’u lava olaga, ua ou iloa afai ou te suesue ma le agaga tatalo upu a le perofeta a le Atua ma le toto’a, faatasi ma le onosai, faaogatusa faaleagaga lo’u naunautaiga ma ana aoaoga musuia, e faateleina pea lava lo’u faatuatua i le Alii o Iesu Keriso.Afai tatou te filifili e faataatia ese lana apoapoaiga ma manatu e sili atu lo tatou iloa, o le a pagatia lo tatou faatuatua ma puaoa ai la tatou vaaiga e faavavau.Ou te folafola atu ia te outou a outou tumau mausali i le mulimuli i le perofeta, o le a faateleina lo outou faatuatua i le Faaola.(“O Le Perofeta a le Atua,” Liahona, Me 2018, 26–27)

Na faasoaina mai e Elder Allen D. Haynie o le Fitugafulu:

11:22

O tulaga ua i ai nei i le lalolagi ua mafua ai ona popolevale nisi.I le avea ai ma fanau o le feagaiga a le Atua, e le manaomia ona tatou taufetuli solo iinei po o iina ia iloa ai le ala e folau ai i nei taimi faigata.E lē mana’omia ona tatou fefevavale.O a’oa’oga fa’avae ma mataupu fa’avae e ao ona tatou mulimuli ai ina ia faasaoina ai fa’aleagaga ma tumau ai fa’aletino, o lo o maua i upu a se perofeta soifua.(“O se Perofeta Soifua mo Aso e Gata Ai,” Liahona, Mē 2023, 26)

Gaoioiga Fa’aopoopo e A’oa’o Ai

Su’esu’eina o nisi faatatauga faaopoopo

E mafai ona e fa’aaoga mea nei e fesoasoani ai i tagata a’oga ia iloa ai auiliiliga faaopoopo e uiga i le vala’auga o Esekielu o se perofeta:

Vala’aulia le afa o le vasega e faitau le Esekielu 2:3–5; 3:7, va’ava’ai mo le fa’amatalaina e le Ali’i o Isaraelu.
Vala’aulia le isi afa e faitau le Esekielu 2:6–7; 3:4, 10–11, va’ava’ai mo le apoapoaiga a le Ali’i iā Esekielu.

A uma ona fa’asoa mai e tagata a’oga mea na latou maua, e mafai ona outou talanoaina mea nei:

O ā ni mea ua e a’oa’oina e uiga i le Ali’i?E uiga i Ana perofeta?

Fa’aaogaina o mea ua e a’oa’oina e uiga i perofeta

Nai lo o le fa’ai’uina o le lesona e ala i le fesoasoani i tagata a’oga e toe manatunatu i lo latou malamalama ma lagona e uiga i perofeta a le Ali’i, e mafai ona e fa’ai’u i se auala e fesoasoani ai iā i latou e fa’atino mea ua latou a’oa’oina.O se tasi o auala e faia ai lenei mea o le fa’aali atu lea o le fa’amatalaga lenei:

Na faamatalaina e Elder Neil L. Andersen o le Korama a Aposetolo e Toasefululua:

16:4

I se aso o lumana’i, i le toe tepa ai i tua i lo tatou olaga faitino, o le a tatou olioli ai ona sa tatou savavali i le lalolagi i le taimi o se perofeta soifua.I lena aso, ou te tatalo o le a mafai ona tatou faapea ane:

Na matou fa’alogo iā te ia.

Na matou talitonu ia te ia.

Na matou suesueina ana upu ma le onosai ma le faatuatua.

Na matou tatalo mo ia.

Na matou tutu faatasi ma ia.

Na lava lo matou lotomaualalo e mulimuli ai ia te ia.

Na matou alolofa iā te ia.(“O Le Perofeta a le Atua,” Liahona, Mē 2018, 27)

Vala’aulia tagata a’oga e filifili se fa’amatalaga se tasi pe sili atu ua fa’amoemoe Elder Andersen o le a mafai ona tatou faaleoina.I totonu o a latou api tala’aga o suesuega, vala’aulia i latou e tusi ni fa’amatalaga auiliili faapitoa e fa’amatala ai mea o le a latou faia, ina ia moni ai na fa’amatalaga i o latou olaga atoa.

O le tali atu a perofeta

A mae’a ona talanoaina le Esekielu 3:16–17, vala’aulia tagata a’oga e faitau le Esekielu 3:18–19 (taga’i foi i le Esekielu 33:6–8), va’ava’ai po o le ā se mea na fetalai atu ai le Ali’i iā Esekielu e uiga i lana matafaioi e lapatai i tagata.

E tusa ai ma nei fuaiupu, aiseā e fa’asoa mai ai e perofeta upu a Ali’i iā i tatou?

Na fa’asoa mai e Peresitene Russell M. Nelson nisi o ona lagona e uiga i le tali atu i le Ali’i o Sana perofeta:

61:34

O le taimi nei o lo o o’u sauniuni mo le aso o le a mana’omia ai ona ou tu’u atu se talifuaitau … i le Ali’i e uiga i la’u auaunaga o se perofeta a le Atua i le lalolagi i aso nei.Ou te le manao e fesiligia a’u, “Uso Nelson, aisea na e le faamanino atili atu ai i le autalavou e uiga i la latou vaega i le faapotopotoina o Isaraelu?Aisea na e le matuai malosi ai e faagauai mai i latou ia auai e faatino?”

O lea la, ou te vala’aulia nei tamaita’i talavou uma ma ali’i talavou uma i le va o tausaga e 12 ma le 18 o Le Ekalesia a Iesu Keriso o le Au Paia o Aso e Gata Ai, ia auai i le ‘autau a le autalavou a le Ali’i e fesoasoani e fa’apotopoto mai Isaraelu.(“Fa’amoemoe o Isaraelu,” [faigalotu a le autalavou i le lalolagi atoa, Iuni 3, 2018], Faletusi a le Talalelei)

E te ono fa’ailoa atu foi o lenei tali atu, e mafai ona fa’aalia ai pe aiseā na taula’i atu ai perofeta i le savali na finagalo le Ali’i latou te tuuina atu, nai lo o le fa’asoa o mea e mafai ona lauiloa ai i latou.

O le a lē ta’ua a tatou agasala

Ina ia fesoasoani i tagata a’oga ia iloa o fa’amanuiaga o le usitaia o lapataiga fa’aperofeta ia salamō, vala’aulia i latou e faitau le Esekielu 33:14–16.

O le ā se mea ua tatou a’oa’oina e uiga i le mataupu fa’avae o le salamō?

E mafai ona e vala’aulia tagata a’oga e faafeso’ota’i pe fefa’asinoai le Esekielu 33:16 ma fuaitau o le atamai i a’oa’oga fa’avae i le Isaia 1:18 ma le Mataupu Fa’avae ma Feagaiga 58:42–43.Fesoasoani i tagata a’oga ia iloa e faapea pe afai tatou te salamō, o le a fa’amagalo atoatoa i tatou e le Ali’i mai a tatou agasala.

E mafai fa’apefea e le malamalama ai i lenei upumoni ona a’afia ai ou lagona agai i le Tamā Fa’alelagi ma Iesu Keriso?