Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Esekielu 37: O le Tusi Paia ma le Tusi a Mamona E Molimau iā Iesu Keriso

“Esekielu 37: O le Tusi Paia ma le Tusi a Mamona E Molimau iā Iesu Keriso,” Tusi Lesona a le Faia’oga Seminare o le Feagaiga Tuai (2026)

“Esekielu 37: O le Tusi Paia ma le Tusi a Mamona E Molimau iā Iesu Keriso,” Tusi Lesona a le Faia’oga Seminare o le Feagaiga Tuai

Esekielu 1–3; 33–34; 36–37; 47: Lesona 140

Esekielu 37

O le Tusi Paia ma le Tusi a Mamona E Molimau iā Iesu Keriso

2026 Old Testament Seminary Teacher Materials

I le Esekielu 37, na va’aia ai e Esekielu le faapotopotoina ma le toe tu’u fa’atasia i le lumanai o itūaiga uma o Isaraelu i le Alii (taga’i i le Esekielu 37:20-28).Ua fa’amatalaina foi e perofeta i aso nei le faaaliga a Esekielu i le avea ai o le la’au a Iuta (le Tusi Paia) ma le la’au a Iosefa (le Tusi a Mamona) ua tuufaatasia o ni soa molimau o Iesu Keriso ma Lana talalelei toefuata’iina (taga’i i le Esekielu 37:15–17).O lenei lesona e mafai ona fesoasoani i tagata a’oga ia malamalama i auala e galulue fa’atasi ai le Tusi Paia ma le Tusi a Mamona, o ni molimau o Iesu Keriso ma Lana talalelei.

Sauniuniga a le tagata a’oga: Vala’aulia tagata a’oga e vaai faalemafaufau i le fesiligia o i latou, “Aiseā e te mana’omia ai le Tusi a Mamona pe afai e te talitonu i le Tusi Paia?” ma sauni e fa’asoa atu pe fa’apefea ona e tali atu.E mafai ona latou fesili atu i se uo po o se tagata o le aiga pe fa’apefea ona latou tali atu i lena fesili.

Gaoioiga e Ono Mafai Ona Aoaoina Ai

O se molimau mautinoa lona lua

Vaai faalemafaufau o loo ua e va’ai i se tusitusiga o faasalalauga fa’aagafeso’otai o fesili mai, “Aiseā e te mana’omia ai le Tusi a Mamona pe afai e te talitonu i le Tusi Paia?”

E mafai ona e vala’aulia tagata a’oga e mafaufau loloto i lenei fesili a o e tusiina i luga o le laupapa.Ona vala’aulia lea o tagata a’oga e fesili iā i latou lava:

O le ā le mautinoa e te lagona i lou gafatia e tali ai lenei fesili?
Afai e fai atu e se uo lenei fesili iā te oe, o le ā se mea o le a e fa’asoa atu?

A o e suesue i le Esekielu 37 i le aso nei, vala’aulia le Agaga e fesoasoani iā te oe ia iloa auala ua molimau ai le Tusi Paia ma le Tusi a Mamona iā Iesu Keriso ma Lana talalelei.I le fa’aiuga o le lesona, o le a e maua se avanoa e fa’ataitai ai le tali atu i lenei fesili.

O le la’au a Iuta ma le la’au a Iosefa

Na auina atu le perofeta o Esekielu e tala’i le salamō i tagata Isaraelu o e na ave fa’atagataotauaina i Papelonia.I le Esekielu 37, ua tusia ai e le perofeta se fa’aaliga lea na a’oa’o mai ai e le Ali’i o le Aiga o Isaraelu, ua oti fa’aleagaga ona o le liliu ese, o le a toe faaolaina mai e ala i le Toefuata’iga o le talalelei.I le avea ai o se vaega o le fa’aaliga, na va’aia e Esekielu la’au e lua po o laupapa tusitusi o le a [ono] tusia ai ni feau.

A o suesue e tagata a’oga le fuaitau lenei, e te ono mana’o e fa’ailoa atu o le “la’au a Iuta” o lo o fa’asino atu i le Tusi Paia.O le “la’au a Iosefa” ua fa’asino atu i le Tusi a Mamona (taga’i i le Taiala i Tusitusiga Paia, “Efaraima”; “Iuta”).E mafai e tagata a’oga ona fa’aaofia nei fa’amatalaga o se fasifa’amatalaga i totonu o a latou tusitusiga paia i tafatafa o le fuaiupu 16.

O leEsekielu 37:15–17 o se fuaitau o le atamai i a’oa’oga fa’avae.Mafaufau e vala’aulia tagata a’oga e fa’ailoga ia fuaitau o le atamai i a’oa’oga fa’avae i se auala e iloga ina ia mafai ona latou mauaina gofie.

Faitau le Esekielu 37:15–20, va’ava’ai mo le folafolaga a le Ali’i e uiga i tusitusiga paia i aso e gata ai.

O le ā sou manatu i le uiga o le fasi fuaitau “ona avea lea o i laua ma la’au e tasi i lou lima” (fuaiupu 17)?

Ina ia fesoasoani iā i tatou e malamalama i le auala o le a avea ai le Tusi Paia ma le Tusi a Mamona ma molimau e “tasi” o le Fa’aola, ua a’oa’o mai e Peresitene Russell M. Nelson e fa’apea:

14:33

“O le Tusi Paia ma le Tusi a Mamona o ni molimau uma ia Iesu Keriso.La te aoao mai o Ia o le Alo o le Atua, sa soifua o Ia i se soifuaga taualoa, sa togiolaina o Ia mo tagata uma, sa maliu o Ia i luga o le satauro ma toetu mai o le Alii toetu. La te a’oa’o mai o Ia o le Fa’aola o le lalolagi.

O molimau fa’atusi paia e fa’amaonia e le tasi le moni o le isi. O lenei manatu sa fa’amalamalamaina mai i aso ua leva ina ua tusia e se perofeta e fa’apea o le Tusi a Mamona sa “tusia ina ia outou talitonu [i le Tusi Paia]; ma afai tou te talitonu i [le Tusi Paia], tou te talitonu foi i [le Tusi a Mamona]” (Mamona 7:9).E fa’asino atu le tasi tusi i le isi tusi.O tusi ta’itasi e taufai avea ma faamaoniga fa’apea o lo o soifua le Atua ma o lo o fetalai mai i Ana fanau e ala i fa’aaliga i Ana perofeta. …

I aso nei, o le Au Paia o lo o soifua i atunu’u e tele o le lalolagi, o lo o taliaina ma le agaga fa’afetai le Tusi Paia (le la’au a Iuta) ma le Tusi a Mamona (le la’au a Efaraima) ua fusia ma avea ia tasi i o latou lima.(“Molimau Fa’atusi Paia,” Liahona, Nov. 2007, 43, 44)

E fa’apefea ona e ono aotele mea ua tatou a’oa’oina mai i le Esekielu 37:15–20 ma Peresitene Nelson?

E ui e ono fa’aaoga e tagata a’oga upu eseese, fesoasoani atu ia latou fa’asoa mai mea moni e pei o le Tusi Paia ma le Tusi a Mamona e molimau uma iā Iesu Keriso.
Aiseā e te manatu ai e taua le avea uma o le Tusi Paia ma le Tusi a Mamona ma molimau iā Iesu Keriso?

O soa molimau o Iesu Keriso

O le gaoioiga lenei e mafai ona fesoasoani i tagata a’oga e fa’atele lo latou malamalama i le auala e molimau uma ai le Tusi Paia ma le Tusi a Mamona iā Iesu Keriso ma Lana talalelei.

E mafai ona e tuu atu ni nai siata po o siata uma o i lalo.E mafai ona filifili e tagata a’oga se ulutala se tasi pe sili atu e suesueina ta’ito’atasi, ma se paga, pe i ni vaega toalaiti.

Autū o le Talalelei	Mau Lagolago o Tusitusiga Paia
Autū o le Talalelei O Le Togiola a Iesu Keriso	Mau Lagolago o Tusitusiga Paia Tusi Paia: Isaia 53:3–5 Tusi a Mamona: Alema 7:11–13
Autū o le Talalelei Toetūtū o tagata uma ona o Iesu Keriso	Mau Lagolago o Tusitusiga Paia Tusi Paia: 1 Korinito 15:20–22 Tusi a Mamona: Alema 11:42–45
Autū o le Talalelei Ua folafola mai e le Fa’aola o le a fa’apotopotoina ma togiolaina Ona tagata	Mau Lagolago o Tusitusiga Paia Tusi Paia: Esekielu 37:21–23, 26–27 Tusi a Mamona: 1 Nifae 10:14
Autū o le Talalelei O uiga o Iesu Keriso	Mau Lagolago o Tusitusiga Paia Tusi Paia: Isaia 63:7 Tusi a Mamona: Mosaea 4:11
Autū o le Talalelei O le sauniga o le papatisoga a le Fa’aola	Mau Lagolago o Tusitusiga Paia Tusi Paia: Mataio 3:13–17 Tusi a Mamona: 2 Nifae 31:5–12
Autū o le Talalelei E te filifilia se autū	Mau Lagolago o Tusitusiga Paia Tusi Paia: Tusi a Mamona:

Mafaufau i se auala e fesoasoani ai i tagata a’oga e fa’asoa mai ai mea na latou a’oa’oina.O se tasi o auala e faia ai lenei mea o le avatu lea o le pepa e tufa atu o loo tuuina atu faatasi iinei e fa’aaoga e tagata a’oga e faia ai se tusitusiga o faasalalauga fa’aagafeso’ota’i.Afai e lē masani tagata a’oga i auala o faasalalauga fa’aagafeso’ota’i, e mafai ona e fetu’una’i [pe suia] lenei gaoioiga ina ia faia e tagata a’oga se tala fa’atino i mea latou te ono fa’asoa atu i se isi.O lenei gaoioiga e vala’aulia ai tagata a’oga e tali le fesili sa faia i le amataga o le lesona.

Filifili se tasi o autū na e suesueina ma fatuina se tusitusiga faasalalauga fa’aagafeso’ota’i e mafai ona fa’aaoga e tali ai le fesili, “Aiseā e te mana’omia ai le Tusi a Mamona pe afai e te talitonu i le Tusi Paia?”Fa’aaofia fuaiupu mai le Tusi Paia ma le Tusi a Mamona na e suesueina.Fa’amatala le taua ua e maua ma pe fa’apefea ona latou a’oa’o uma e uiga iā Iesu Keriso ma Lana talalelei.

Fa’asoa atu mea ua e a’oa’oina

E mafai ona e fa’apipi’i tusitusiga a tagata a’oga po o pepa ata lautele i luga o le puipui fa’ata’amilo i le potu pe tu’u i luga o kesi.Ona vala’aulia lea o tagata a’oga e savalivali fa’ata’amilo i le potu ma iloilo galuega a isi tagata o le vasega.Tuu atu ni tama’i pepa po o ni pepa fa’amatalaga pipi’i mo tagata a’oga e fa’aaoga a o latou fa’amae’aina fa’atonuga nei.

Tusi se “komeni” i se tasi pe sili atu i isi tusitusiga faasalalauga fa’aagafeso’ota’i.I lau komeni, fa’auma se tasi pe sili atu o filifiliga nei:

Fa’aopoopo atu se mau fa’asino fa’aopoopo mai le Tusi Paia po o le Tusi a Mamona e mafai ona fesoasoani i se tasi ia malamalama atili ai e uiga i le Fa’aola ma lenei autū.Fa’aaofia ni nai manatu e uiga i le taua o le mau na e fa’asoa atu.
Fa’asoa pe fa’apefea e le Tusi Paia ma le Tusi a Mamona ona sa fesoasoani iā te oe ia malamalama i le Fa’aola ma lenei a’oa’oga.
Tusi se a’afiaga na iā te oe lea na avea ai mau mai le Tusi Paia ma le Tusi a Mamona e fesoasoani e faatupulaia ai lau molimau i le Fa’aola ma Lana talalelei.
Nai lo o le tusi o ou manatu i se pepa, fa’asoa se mea ua e a’oa’oina i le asō e uiga i le Fa’aola ma a’oa’oga a Lana talalelei i luga o lau itulau patino o faasalalauga fa’aagafeso’ota’i.Ia fa’aaofia fuaitau fa’atusi paia ma pe fa’apefea e le Tusi Paia ma le Tusi a Mamona ona sa fesoasoani iā te oe ia malamalama lelei atili ai i le talalelei a Iesū Keriso.

E mafai ona e faaiuina le vasega e ala i le vala’auliaina o tagata a’oga e fa’aauau ona fa’aaoga le Tusi Paia ma le Tusi a Mamona e fa’atele ai lo latou malamalamaaga iā Iesu Keriso ma Lana talalelei.

Tauloto

Atonu e te manao e fesoasoani i tagata a’oga e tauloto le mau fa’asino o le atamai i a’oa’oga fa’avae ma le fasifuaitau autū o le mau i le taimi o lenei lesona ma toeiloilo i latou i lesona i le lumana’i.O le fasifuaitau autū mo le “Esekielu 37:15–17” “O le Tusi Paia ma le Tusi a Mamona o le a avea ma la’au e tasi i lou lima.”O manatu mo gaoioiga o le taulotoina o lo o iai i anomea fa’aopoopo i lalo o le “Gaoioiga Toe Fa’amanatu o le Atamai i A’oa’oga Fa’avae.”

O Puna’oa Fa’aopoopo

Aiseā e taua ai le iai uma o le Tusi Paia ma le Tusi a Mamona?

A o auauna ai i le Au Peresitene o Fitugafulu, sa a’oa’o mai e Elder Tad R. Callister e fa’apea:

10:15

Pe na e tuufesili pe aisea ua tele ai ekalesia Kerisiano i le lalolagi i aso nei, pe afai e maua mai a latou aoaoga faavae mai le Tusi Paia lava lea e tasi?Ona e eseese a latou faauigaga o le Tusi Paia.Ana faapea e tutusa a latou faauigaga, semanu o le a avea uma ma le ekalesia e tasi.E lē o se tulaga lenei e finagalo ai le Ali’i, aua na tautino mai e le Aposetolo o Paulo e fa’apea, e “tasi le Ali’i, e tasi le fa’atuatuaga, e tasi le papatisoga” (Efeso 4:5).Ina ia fesoasoani ia o’o mai lenei autasi, na fa’atūina e le Ali’i se tulafono fa’alelagi o molimau.Na a’oa’o mai Paulo, “E mautū upu uma i le mau a le toalua po o le toatolu” (2 Korinito 13:1).

O le Tusi Paia o se molimau e tasi iā Iesu Keriso; o le Tusi a Mamona o le isi lea.(“O le Tusi a Mamona—o se Tusi mai le Atua,” Liahona, Nov. 2011, 75).

Na a’oa’o mai Elder L. Tom Perry (1922–2015) o le Korama a Aposetolo e To’asefululua:

14:28

E le lava le tuto’atasi na o le Tusi Paia po o le Tusi a Mamona.Tatou te mana’omia uma le lua e a’oa’o atu ai ma a’oa’o mai ai e uiga i le mataupu atoa ma le mae’ae’a a Keriso.O le mana’omia o le isi tusi e lē tu’uitiitia ai le manaomia o le isi.E mana’omia uma le Tusi Paia ma le Tusi a Mamona mo lo tatou fa’aolataga ma le fa’aeaga.Fa’apei ona matua’i a’oa’o mamana mai Peresitene Ezra Taft Benson: “Pe a fa’aaogaina fa’atasi, o le a faafememea’i e le Tusi Paia ma le Tusi a Mamona mataupu fa’avae pepelo” (“A New Witness for Christ,” Ensign, Nov. 1984, 8).(“O Le Mana o le Lavea’iina,” Liahona, Mē 2012, 96).

Gaoioiga Fa’aopoopo e A’oa’o Ai

O le sāvali a le Tusi a Mamona

I lenei lesona, ao lei fatuina e tagata a’oga se tusitusiga i luga o faasalalauga fa’aagafeso’ota’i mai mea na latou suesueina, e ono fesoasoani le tu’u atu o se fa’ataitaiga talu ai nei mai se itulau o faasalalauga faaagafesootai a se taitai o le Ekalesia. O se isi auala, e mafai ona e fa’aali atu le vitiō “O le ā le Tusi a Mamona?” (0:57) mai le ChurchofJesusChrist.org, lea e fa’aalia ai pe fa’apefea ona avea le Tusi a Mamona ma soa molimau i le Tusi Paia iā Iesu Keriso.

0:58

O le fa’amanuiaga o molimau e lua

O se lesona mea faitino e mafai ona fa’aaoga e a’oa’o ai le taua o le iai o se molimau lona lua o mea moni taua.I le amataga o le lesona, tu’u se fasi pepa i luga o le laupapa ma se maneta se tasi i lona ogatotonu.Vala’aulia tagata a’oga e mafaufau pe fia auala eseese e faataamilo ai le pepa e fa’aaoga ai le maneta e tasi e taofia.Ona tu’u lea o se maneta lona lua i luga o le pepa ma vala’aulia tagata a’oga e fa’asoa mai le eseesega latou te va’aia.O le isi auala e fa’aalia ai lenei mea, o le tusi lea o se togi i luga o le laupapa ma fesili atu pe fia ni laina sasa’o e mafai ona tusia ia ati atu i le togi (lē gata).E mafai loa ona e tusi ni togi se lua i luga o le laupapa ma fesili atu i tagata a’oga pe fia ni laina sasa’o e mafai ona tusia (tasi).

O le mana o le fa’apotopotoina o la’au a Iuta ma Iosefa

A o talanoaina e tagata a’oga le fa’apotopotoina fa’atasi o “la’au” a Iuta ma Iosefa, e mafai ona e vala’aulia i latou e fefa’afesinoa’i pe faafeso’ota’i le Esekielu 37:15–17 ma le 2 Nifae 3:12.I luga o le laupapa, e mafai ona e tusi se vaega o se mea moni e pei o le, “Fa’atasi ai o le Tusi Paia ma le Tusi a Mamona …” Vala’aulia tagata a’oga e fa’auma le fa’amatalaga mai le 2 Nifae 3:12.E mafai e tagata a’oga ona lisi ni fa’ataitaiga e pei o:

Na te fa’afememea’iina a’oa’oga fa’avae sēsē.
Foia finauga.
Fa’avae le filemu.
Fesoasoani i fanau a Liae ia iloa o latou tamā.
Fesoasoani i tagata uma o le Ali’i ia a’oa’o e uiga i Ana feagaiga.

E mafai e tagata a’oga ona fa’asoa mai pe fa’apefea e i latou po o se tasi latou te iloa ona sa va’aia lenei fa’amanuiaga ona o le Tusi Paia ma le Tusi a Mamona.

“Tasi i lo’u lima” (Esekielu 37:17)

Ina ia fesoasoani i tagata a’oga ia malamalama pe ua fa’apefea ona fa’aauau le fa’ataunu’uina o le valoaga a Esekielu i o tatou aso, e mafai ona e vala’aulia tagata a’oga e toe iloilo nisi o vaega faatonutonu aupito lata mai o le Potutusi o le Talalelei.E mafai e tagata a’oga ona va’ava’ai mo nisi o auala ua tasi ai le Tusi Paia ma le Tusi a Mamona i o tatou lima i aso nei.E te ono fa’asino atu sootaga o vaefaamatalaga, o vitiō, ma ata o lo o maua ai iina.Vala’aulia tagata a’oga e saili mo fefaasinoa’iga mo le Tusi Paia ma le Tusi a Mamona o lo o fa’asino atu iā “Iesu Keriso” i le fa’asino upu.

A mae’a ona iloilo e tagata a’oga le auala o lo o fa’aauau ai le fa’ataunu’uina o lenei valoaga, e mafai ona e fa’asoa atu nisi o vaega o le tala e uiga i le lomiga o le 1982 o le Tusi Paia ma le Tusi a Mamona.O lenei lomiga ua aofia ai le fatuina o vaefaamatalaga e fa’afeso’ota’i ai fuaiupu o le Tusi Paia ia talafeagai i fuaitau o le Tusi a Mamona mo le taimi muamua. O le tala o le lolomiina o lenei galuega faigata na fa’asoa mai e Peresitene Boyd K. Packer (1924–2015) o le Korama a le Au Peresitene Sili e To’asefululua (“Scriptures,” Ensign, Nov. 1982).E mafai ona e tu’uina atu se faailo QR mo tagata a’oga e maua ai lenei lauga i luga o latou masini fa’atekinolosi.E mafai ona iloilo e tagata a’oga le tala ma talanoaina luitau o le lomiga 1982, ma vavega fa’atekonolosi ia na aga’i atu ai i le [fatuina] o le Potutusi o le Talalelei i aso nei.

E mafai ona e fa’ailoa atu e faapea o le fefaasinoa’iga sa latou iloiloina i lalo o [le ulutala] “Iesu Keriso” sa leʻi maua seʻia oo ina ua mae’a le lomiga o le 1982 o tusitusiga paia.

E mafai foi ona e fa’aali atu le vitiō o le savali a Peresitene Packer o lo o fa’amatala mai ai lenei gasologa i le vitiō “Scriptures” (faailo taimi 3:17–10:09).

18:30