Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Fitomaniana 1; 3: “Fa tsy mitsahatra ny fiantrany”

“Fitomaniana 1; 3: -Fa tsy mitsahatra ny fiantrany,-” Testamenta Taloha: Boky torolalana ho an’ny mpampianatra seminera (2026)

“Fitomaniana 1; 3: -Fa tsy mitsahatra ny fiantrany,-” Testamenta Taloha: Boky torolalana ho an’ny mpampianatra seminera

Jeremia 31–33; 36–38; Fitomaniana 1; 3: Lesona 136

Fitomaniana 1; 3

“Fa tsy mitsahatra ny fiantrany”

A Hispanic man gives the Savior, Jesus Christ, a hug. Christ is wearing a white robe.

Koa satria feno fangorahana ny Mpamonjy dia vonona ny hanasitrana, hampahery ary hamela Izy na dia manota Aminy aza isika. Taorian’ny naharava an’i Jerosalema noho ny fahotana sy ny fikomiana dia niezaka nanampy ny Jiosy hahatakatra ny fangorahan’ny Mpamonjy sy hanana fanantenana ao anatin’izany i Jeremia. Ity lesona ity dia afaka manampy ny mpianatra hahatsapa ny fangorahan’ny Mpamonjy azy ireo eny fa na dia rehefa manota aza izy ireo.

Fanomanana ny mpianatra: Entano ny mpianatra hitadidy tantara avy amin’ny soratra masina izay mampiseho ny toetra feno fangorahan’ny Mpamonjy. Hanana fahafahana hiverina amin’ity tantara ity ny mpianatra ao amin’ity lesona ity.

Sahanasa fianarana azo atao

Rehefa avy manota isika

Alaovy sary an-tsaina ny tovolahy iray nanao izay rehetra azony natao hanaovana safidy tsara teo amin’ny fiainany. Indray andro raha nanatrika fety izy dia nanaiky notarihin’ny namany hisotro zava-pisotro mahamamo satria tsy tiany ny hiavaka tamin’ny rehetra. Ny ampitson’iny raha nifoha izy dia nahatsapa ho irery, meloka ary kivikivy. Nanomboka nanao safidy ratsy hafa tsikelikely izy ary nanomboka very fanantenana ny amin’ny ho aviny.

Soraty eny amin’ny solaitrabe ny valinteny omen’ny mpianatra amin’ireto fanontaniana manaraka ireto. Hiverenana mandritra ny lesona manontolo ny valinteny nosoratana.

Rehefa manota ny olona dia mety ho tahaka ny ahoana no fahitany sy fahatsapany ny tenany?
Ahoana no mety ho fahitany sy fahatsapany momba ny Ray any An-danitra sy i Jesoa Kristy?

Angataho ny mpianatra hisaintsaina ireto fanontaniana manaraka ireto hanombanany ny fahatsapana ananany.
Efa nisy nandalo tao an-tsainao ve ny iray tamin’ireo fehezan-teny eny amin’ny solaitrabe?
Iza amin’ireo fehezan-teny ireo no fantatrao hoe diso? Inona no tsy tena azonao antoka?

Zava-dehibe ny mahatsiaro fa samy manota isika ary “tsy manana ny voninahitra avy amin’ Andriamanitra” (Romana 3:23). Eo am-pandalinanao ny Fitomaniana androany dia tadiavo ireo fahatsapana avy amin’ny Fanahy Masina izay afaka manampy anao hamantatra ny zavatra tsapan’ny Ray any An-danitra sy i Jesoa Kristy mikasika anao, eny fa na dia manao hadisoana aza ianao.

Alahelo noho ny ota

Hevero ny hampiseho ity sary manaraka ity. Asao ny mpianatra hizara izay hitany eo amin’ity sary ity na ny zavatra tsapany avy amin’izany. Hazavao fa mampiseho an’i Jeremia sy ny alahelony lehibe ity sary ity. Afaka mizara izay tsaroany mikasika ilay tantaran’i Jeremia ny mpianatra sy ny antony nampalahelo azy. Raha ilaina dia zarao ny antsimpiriany avy amin’ity andiam-pehezan-teny manaraka ity.

The Cry of Jeremiah. From an engraving done at the Nazareen School.

Nandritra ny 40 taona teo ho eo dia niteny tamin’i Jeremia ny Tompo mba haminany tamin’ny mpianakavin’i Israely momba ny faharavana sy fambaboana an’i Jerosalema raha tsy mibebaka sy miverina amin’ Andriamanitra izy ireo (jereo ny Jeremia 16:1–13). Nandritra ny fanjakan’ny Mpanjaka Zedekia dia noravan’ny Babyloniana i Jerosalema ary nitondra olona maro ho babo izy ireo, mba hahatanteraka ny faminanian’ny Tompo (jereo Jeremia 52). Fotoana vitsy taty aorian’izany dia nanoratra ny bokin’ny Fitomaniana i Jeremia.

Mety ho tianao ny manazava fa ny teny hoe fitomaniana dia ilazana fanehoana alahelo na fangirifiriana lalina.

Ity sahanasa manaraka ity dia afaka manampy ny mpianatra hahatakatra ny fijaliana niainan’ny vahoakan’ny Tompo. Azonao atao ny mampiaraka ny mpianatra ho tsiroaroa na ho ao anaty vondrona kely maromaro mba handalina ireo andalan-tsoratra masina. Hazavao fa tamin’ny alalan’ny fomba fijerin’i Jerosalema no nanoratan’i Jeremia ny ankamaroan’ireo andininy ireo, tahaka ny hoe ilay tànana mihitsy eto no miresaka.

Vakio ny iray na ny roa amin’ireto andalan-tsoratra masina manaraka ireto, ka tadiavo ny teny na andian-teny maneho izay tsapan’ny olona rehefa avy nijaly noho ny fahotany izy ireo.

Fitomaniana 1:1–4

Fitomaniana 1:16–18

Fitomaniana 1:20–22

Inona no teny na andian-teny hitanao?

Mba hanampiana ny mpianatra handinika ny zavatra hitany amin’ny fomba fijery mibanjina ny mandrakizay dia azonao atao ny mametraka ity fanontaniana manaraka ity.
Fantantsika fa tia antsika ny Ray any An-danitra sy i Jesoa Kristy, koa nahoana Izy Ireo araka ny hevitrao no mamela antsika hiaina izany karazam-pijaliana izany rehefa manota isika?

Raha mila fanampiana ny mpianatra amin’ny famaliana ity fanontaniana ity dia asaivo vakiny ny andalan-tsoratra masina toy ny 2 Korintiana 7:9–10; Almà 42:18, 29; Fotopampianarana sy Fanekempihavanana 95:1, dia hitady valinteny azo omena amin’izany.

Ny fangorahan’ny Mpamonjy

Ny ambin’ny lesona dia afaka manampy ny mpianatra hahatsapa ny fangorahan’ny Mpamonjy antsika na dia manota aza isika.

Azonao ampiarahana tsiroaroa ny mpianatra handalina ireto andalan-tsoratra masina manaraka ireto ary hamaly ny fanontaniana miaraka amin’izany. Ohatra, ny mpianatra iray dia afaka mandalina ny andininy 22–26 ary mandalina ny andininy 31–33 ny iray hafa.

Saintsaino ireo fehezan-teny eny amin’ny solaitrabe izay nosoratana tany am-piandohan’ny lesona. Vakio ny Fitomaniana 3:22–26, 31–33 ka tadiavo ny teny na andian-teny hozarainao amin’ny olona manana fahatsapana toy izany.

Inona no teny na andian-teny hozarainao? Nahoana?
Inona no fahamarinana avy amin’ireo andininy ireo izay tianao ho takatr’izy ireo?

Rehefa mizara hevitra ny mpianatra dia mety ho hitan’izy ireo ity fahamarinana manaraka ity: Mangoraka antsika ny Tompo, eny fa na dia manota aza isika.

Raha mila fanampiana ny mpianatra hahatakatra ny teny hoe fangorahana dia azonao zaraina ity famaritana manaraka ity: “Ao amin’ny soratra masina ny hevitry ny teny hoe mangoraka dia midika ara-bakiteny hoe -miaraka ory.- Ny heviny koa dia ny hoe maneho fo onena, alahelo, ary famindram-po amin’ny hafa.” (Torolalana ho an’ny soratra masina, “Fangorahana,” Médiathèque de l’Évangile).

Mba hahatakarana kokoa ny fangorahan’ny Mpamonjy dia azon’ny mpianatra atao ity sahanasa manaraka ity. Ho solon’ny fandalinana ny iray amin’ireto safidy manaraka ireto dia afaka mieritreritra sy mandalina tantara hafa avy amin’ny soratra masina izay ahitana ny fangorahan’ny Mpamonjy ny mpianatra.

Vitao ny iray amin’ireto fandalinana azo hisafidianana ireto, ary jereo izay afaka manampy anao hahatakatra kokoa ny fomba ahafahanao mahatsapa ny fangorahan’ny Mpamonjy eo amin’ny fiainanao.

Halalino ny iray amin’ireto tantara ireto izay mampiseho ny fangorahan’ny Mpamonjy: Matio 18:23–35; Jaona 8:1–11.
Halalino ny iray na ny roa amin’ireto andalan-tsoratra masina izay mampianatra momba ny fangorahan’ny Mpamonjy ireto: Môzià 15:7–9; Fotopampianarana sy Fanekempihavanana 64:2–4; Fotopampianarana sy Fanekempihavanana 101:9.

Asao ny mpianatra hifampianatra izay nianarany sy tsapany. Azonao asaina ny mpianatra izay vonona hizara amin’ny iray kilasy.

Mety hanampy amin’ity fifanakalozan-kevitra ity ihany koa ity fijoroana ho vavolombelona manaraka ity.

Nijoro ho vavolombelona toy izao ny Loholona Dale G. Renlund ao amin’ny Kôlejin’ny Apôstôly Roambinifolo:

15:46

Afaka mamela heloka i Jesoa Kristy satria nanefa ny vidin’ny fahotantsika Izy.

Misafidy ny hamela heloka Ilay Mpanavotra antsika noho ny fangorahany sy ny famindram-pony ary ny fitiavany tsy manan-tsahala.

Te hamela heloka ny Mpamonjintsika satria anisan’ny toetra amin’ny maha-Andriamanitra Azy izany.

Ary, amin’ny maha-Mpiandry ondry tsara Azy, dia feno fifaliana Izy rehefa misafidy ny hibebaka isika.

Na dia mahatsapa alahelo araka an’ Andriamanitra noho ny zavatra nataontsika aza isika, rehefa misafidy ny hibebaka isika dia manasa eo no ho eo ny Mpamonjy ho ao amin’ny fiainantsika. (“Ny fibebahana: Safidy mahafaly,” Liahona, nôv. 2016, 123)

Mahatsapa ny fangorahan’ny Mpamonjy ho ahy

Oviana ianao na ny olona fantatrao no nahatsapa ny fangorahan’ny Mpamonjy? (Aza mizara fahotana efa vita taloha na zavatra mahakasika loatra ny tena manokana.)

Ampahatsiahivo ny mpianatra ilay tovolahy tany am-piandohan’ny lesona.
Inona no hozarainao amin’ity tovolahy ity araka izay nianaranao androany?

Loharanom-pitaovana fanampiny

Dia ahoana raha tsapako fa nanalavitra ahy loatra tamin’ny Ray any An-danitra sy i Jesoa Kristy ny safidiko?

Nampianatra izao ny Loholona Dieter F. Uchtdorf ao amin’ny Kôlejin’ny Apôstôly Roambinifolo:

14:32

Mety efa nanontany tena ny sasany hoe: “Mbola azo atao ve ny miverina? Homen’ireo namako taloha anaram-bositra sy holaviny ary halaviriny ve aho? Aleo ve mijanona ho very eto fotsiny? Ahoana no ho fihetsik’ Andriamanitra raha toa ka miezaka miverina aho?” …

Hihazakazaka hanatona antsika ny Raintsika any An-danitra, feno fitiavana sy fangorahana ny fony. …

Hifaly amin’ny fiverenantsika ny lanitra. (“Ilay adala sy ny lalana miverina mody,” Liahona, nôv. 2023, 88)

Ahoana no ahafahan’ny fangorahan’ny Mpamonjy hanampy ahy?

Nanazava ny Loholona Dale G. Renlund ao amin’ny Kôlejin’ny Apôstôly Roambinifolo hoe:

Ny fangorahan’ny Mpamonjy, na eo aza ireo tsy fahalavorariantsika, dia mitondra antsika hanakaiky azy sy mandrisika antsika ao anatin’ireo fahasahiranantsika tsy tapaka mba hibebaka sy haka tahaka Azy. (“Ilay Mpiandry Tsarantsika,” Liahona, mey 2017, 29)

Nijoro ho vavolombelona toy izao ny Loholona Peter F. Meurs ao amin’ny Fitopololahy:

10:2

Na mitondra ny enta-mavesatry ny fahotana tsy nibebahana ianao, na ory noho ny ratsy natao taminao taloha ela be, na mitolona amin’ny famelana ny tenanao noho ny hadisoana tsy nahy, dia afaka ny hahazo ny hery manasitrana sy manavotra avy amin’i Jesoa Kristy Mpamonjy ianao.

Mijoro ho vavolombelona aho fa velona Izy. Izy no Mpamonjy sy Mpanavotra antsika. Tia antsika Izy. Manana fangorahana ho antsika Izy, feno famindram-po Izy, ary afaka manasitrana anao Izy. (“Afaka manasitrana ahy Izy!,” Liahona, mey 2023, 41)

Dia ahoana raha miezaka mibebaka aho nefa mbola sarotra amiko ihany izany?

Ny Loholona Richard G. Scott (1928–2015) tao amin’ny Kôlejin’ny Apôstôly Roambinifolo dia nijoro ho vavolombelona nanao hoe:

15:26

Ny vaovao mahafaly ho an’izay rehetra maniry ny hiala amin’ny vokatry ny safidy ratsy natao taloha dia ny hoe tsy mitovy ny fijerin’ny Tompo ny fahalemena sy ny fikomiana. Raha toa ny Tompo ka mampitandrina fa hitondra fanasaziana ny fikomiana tsy nibebahana, dia feno famindram-po mandrakariva kosa Izy rehefa miresaka mikasika ny fahalemena. (“Herin’ny tena manokana avy amin’ny Sorompanavotan’i Jesoa Kristy”, Liahona, nôv. 2013, 83)

Nizara izao ny Loholona Neil L. Andersen ao amin’ny Kôlejin’ny Apôstôly Roambinifolo:

Raha mahatsapa ianao fa mbola mamerina manao ilay hadisoana indray ary miady mafy mba hijoro amin’ilay fanirianao hiova, dia hambarao amin’ny Ray any An-danitra ny fitiavanao Azy ary hamafiso ny finoanao an’i Jesoa Kristy Tompo. Mianara Aminy, halalino ny Sorompanavontany masina, ary saino lalina ny antony nijaliany ho anao. Tandrovy antsakany sy andavany kokoa ny didiny. Rehefa manao ny anjaranareo amin’ny fanorenana ny finoanareo ny Mpamonjy ianareo dia mampanatena anareo aho fa hanambatra izany fanomezam-pahasoavan’ny finoana izany ny lanitra ary dia hanana ny hery ara-panahy hibebahana amin’ny fahotanareo sy tsy hiverina amin’izany intsony ianareo. (The Divine Gift of Forgiveness [2019], 104)

Sahanasa fianarana fanampiny

Fomba hafa hanombohana

Raha mila fomba hafa hanombohana ny lesona dia alefaso ny horonan-tsary hoe “Coincé dans une impasse” manomboka amin’ny minitra faha-0:00 ka hatramin’ny faha-1:58. Ao amin’ity horonan-tsary ity dia mizara fanoharana amin’ny fahafahan’ny Mpamonjy manasitrana sy mamela heloka ny Loholona Dieter F. Uchtdorf ao amin’ny kôlejin’ny Apôstôly Roambinifolo.

15:40

Asao ny mpianatra hifanakalo hevitra mikasika ity fanontaniana manaraka ity:

Inona avy ireo fomba andraman’i Satana handresena lahatra antsika fa efa nihoatra ny “fotoana tsy ahafahana miverina intsony” isika rehefa nanota?

Asao ny mpianatra hisaintsaina raha nahatsapa fa tsy ho voavela heloka izy ireo noho ny fahotana na hadisoana nataony. Azonao atao ny mizara ity teny nambara manaraka ity.

Notohizan’ny Loholona Uchtdorf hoe:

Tonga mba hamonjy antsika i Kristy. Raha nandeha tamin’ny lalana tsy izy isika, dia afaka manome toky antsika ny Sorompanavotan’i Jesoa Kristy fa ny fahotana dia tsy hoe fotoana tsy ahafahana miverina intsony. Ny fiverenana hieren-doza dia tanteraka raha toa ka manaraka ny drafitr’ Andriamanitra ho an’ny famonjena antsika isika. (“Point of Safe Return,” Liahona, May 2007, 99)

Eo am-pandalinan’izy ireo dia afaka mitady porofo ny mpianatra mikasika ny fahafahan’ny Mpamonjy manafaka antsika amin’ny fahotana.

Ny filana alahelo araka an’ Andriamanitra

Mety hanana fanontaniana mikasika ny antony mahatonga antsika ahatsapa tena ho meloka na hijaly rehefa manota ny mpianatra. Fomba iray hamaliana izany fanontaniana izany ny mandalina ny anjara asan’ny alahelo araka an’ Andriamanitra.

Asao ny mpianatra hisaintsaina ny fahasamihafana eo amin’ny alahelo araka an’ Andriamanitra sy ny alahelo arak’izao tontolo izao. Afaka mandalina izay nampianarin’i Paoly Apôstôly ny mpianatra ao amin’ny 2 Korintiana 7:9–10. Azon’izy ireo atao koa ny mamaky mikasika ny Nefita izay nahatsapa alahelo noho ny fahotany ao amin’ny Môrmôna 2:11–14. Afaka mifanakalo hevitra momba ny fanontaniana tahaka ity manaraka ity ny mpianatra:

Inona no nianaranao mikasika ny alahelo araka an’ Andriamanitra sy ny alahelo araka izao tontolo izao?

Azonao atao ihany koa ny mizara ity teny nambaran’ny Filoha Dieter F. Uchtdorf fony izy tao amin’ny Fiadidiana Voalohany ity:

16:19

Ny alahelo araka an’ Andriamanitra dia mitaona amin’ny fiovana sy fanantenana amin’ny alalan’ny Sorompanavotan’i Jesoa Kristy. Ny alahelon’izao tontolo izao kosa dia misarika antsika hidina sy hamono ny fanantenana, ary mandresy lahatra antsika hilefitra amin’ny fakam-panahy fanampiny.

Ny alahelo araka an’ Andriamanitra dia mitondra amin’ny fiovam-po sy fiovana ho olom-baovao. Mahatonga antsika hankahala ny fahotana izany sy hitia ny soa. Mamporisika antsika izany hijoro sy handeha ao amin’ny fahazavan’ny fitiavan’i Kristy. Ny fibebahana marina dia resaka fiovana, fa tsy fampijaliana na fahoriana. Eny, ny nenina avy ao am-po sy ny fanenenana marina noho ny tsy fankatoavana dia matetika manaintaina ary dingana tena manan-danja eo amin’ireo dingana masin’ny fibebahana izy ireo. Saingy rehefa ny fahamelohana no mitarika amin’ny fankahalana ny tena na manakana antsika tsy hiarina dia manakana ny fibebahantsika izany fa tsy mamporisika azy. (“Vitanao io, izao dia izao!,” Liahona, nôv. 2013, 56)