Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Jeremiah 36: Ny tenin’ Andriamanitra

“Jeremia 36: Ny tenin’ Andriamanitra,” Testamenta Taloha: Boky torolalana ho an’ny mpampianatra seminera (2026)

“Jeremia 36: Ny tenin’ Andriamanitra,” Testamenta Taloha: Boky torolalana ho an’ny mpampianatra seminera

Jeremia 31–33; 36–38; Fitomaniana 1; 3: Lesona 135

Jeremia 36

Ny tenin’ Andriamanitra

Old Testament Prophet writing on a scroll

Ampahany tena ilaina amin’ny fifandraisantsika amin’i Jesoa Kristy ny soratra masina. Ny fianarana avy amin’ny soratra masina dia mampitodika ny saintsika sy ny fontsika mankany Aminy ary manasa ny heriny ho eo amin’ny fiainantsika. Nandritra ny fotoana nisian’ny apôstazia dia nomen’ny Tompo torolalana i Jeremia mpaminany hanoratra sy handefa ny tenin’ny Tompo ho an’ny vahoakan’i Joda mba hahafahan’izy ireo mitodoka Aminy sy hahazoan’izy ireo famelan-keloka. Ity lesona ity dia afaka manampy ny mpianatra hahatakatra ny fomba hampitodihan’ny soratra masina azy ireo amin’i Jesoa Kristy mba hahazoany ny famelana ny fahotany.

Fanomanana ny mpianatra: Hevero ny hanasa ny mpianatra handinika ny tanjona napetrany amin’ny fandalinana soratra masina ataon’ny tena manokana sy ny fivoarany manoloana ny vakiteny tsy maintsy hatao mandritra ny taona. Azonao atao ihany koa ny manasa ny mpianatra hisaintsaina ny fomba anampian’ny fandalinany soratra masina azy ireo hitodika amin’ny Tompo.

Sahanasa fianarana azo atao

Fahasahiana miteny

Mieritrereta fomba hanampiana ny mpianatra hiomana hianatra ny fomba nampiasan’ny Tompo soratra masina hanitsiana antsika amim-pitiavana sy hitondrana antsika ao Aminy. Fomba iray hanaovana izany ny famelana ny mpianatra hisaina toe-javatra iainana izay mety tsy ahazoana aina ny fahasahiana miteny. Raha ilaina dia azonao ampiasaina ireto toe-javatra iainana manaraka ireto.

Ahoana no mety ataon’ny olona iray izay manahy momba anao ao anatin’ireto toe-javatra iainana manaraka ireto?
- Rehefa avy nihinana sakafo antoandro ianao dia tsikaritry ny namanao fa nisy poti-tsakafo tavela teo amin’ny nifinao.
- Nahazo fanasana tamin’ny fety iray izay hanaovana zavatra tsy mendrika ianao. Mahafantatra ilay zavatra hatao ilay namanao kanefa fantany fa tena efa dodona ny ho any ianao.
Inona no mety handrisika ny olona iray ho sahy hiteny amin’ny toe-javatra iainana toy ireo?
Inona no mety ho vokatry ny fitenenana zavatra iray na ny fahanginana?

Mahalala sy mahita ny zavatra tsy hitantsika ny Ray any An-danitra sy i Jesoa Kristy. Maniry ny tsara indrindra ho antsika Izy Ireo ary miteny amintsika amin’ny alalan’ny soratra masina (jereo ny 2 Nefia 32:3; Fotopampianarana sy Fanekempihavanana 1:37–38). Rehefa mandalina ianao androany dia saintsaino ny fomba ahafahan’ny soratra masina mitahy ny fiainanao. Hevero ny mety ho fiantraikan’ireo hevitra ireo amin’ny fandalinanao manokana.

Tanjon’ny soratra masina

Vakio ny Jeremia 36:1–3 dia jereo ny antony nandidian’ny Tompo an’i Jeremia handray an-tsoratra ny teniny ho an’ny vahoakan’i Joda.

Inona no tian’ny Tompo hitranga tamin’ny vahoakan’i Joda?
Inona no ampianarin’ireo andininy ireo mikasika ny tanjona sasantsasany an’ny soratra masina?

Ny mpianatra dia mety ahita fahamarinana tahaka ny hoe manampy antsika hitodika amin’ny Tompo sy hahazo ny famelan-kelony ny soratra masina.

Azonao atao ny manasa ny mpianatra hanisy marika ny andian-teny hoe “dia samy hiala amin’ny lalany ratsy avy izy” sy ny hoe “ka avelako ny helony sy ny fahotany” (andininy 3). Azon’izy ireo soratana eo akaikin’ireo andian-teny ao amin’ny soratra masiny ireo ny fahamarinana hitany.
Amin’ny fomba ahoana no hanampian’ny soratra masina antsika hitodika amin’ny Tompo sy hahazo famelan-keloka avy Aminy?

Ataovy lisitra eny amin’ny solaitrabe ny valintenin’ny mpianatra. rehefa mizara hevitra ny mpianatra dia mety hampiasa ireo hevitra azony avy amin’ireto soratra masina ireto izy ireo. Mety ho tianao ny ho lasa mahafantatra tsara ireto soratra masina ireto mba hahafahanao mijery izany rehefa mizara hevitra ny mpianatra. Ho solon’izany, rehefa avy mizara valiny vitsivitsy ho an’ilay fanontaniana teo aloha ny mpianatra dia azonao omena ireto torolalana manaraka ireto sy asaina manampy ireo hevitra voasoratra eny amin’ny solaitrabe.

Vakio ireto andalan-tsoratra masina manaraka ireto ary mitadiava fomba fanampiny hanampian’ny soratra masina antsika hitodika amin’ny Tompo sy hahazo famelana amin’ny fahotantsika.

2 Timoty 3:16

Almà 37:8

Helamàna 15:7

Ny mpanjaka sy ny horonan-taratasy

Azonao atao ny mamintina na mamaky ity andiam-pehezan-teny manaraka ity.

Nanao izay nandidian’ Andriamanitra azy i Jeremia ary niteny tamin’ny lehilahy iray antsoina hoe Baroka handray an-tsoratra izay rehetra notenenin’ny Tompo tao amin’ny horonan-taratasy iray. Koa satria tany am-ponja i Jeremia dia i Baroka no nasainy namaky ny tenin’ny Tompo tamin’ny vahoakan’i Joda, anisan’izany ireo printsy maromaro. Rehefa avy nanao izany izy dia nomen’i Baroka an’ireo printsy ny horonan-taratasy mba hovakina amin’i Joiakima, mpanjakan’i Joda (jereo ny Jeremia 36:4–10, 14–15, 20–21).

Vakio ny Jeremia 36:20–24 ary jereo ny fihetsika nasehon’i Joiakima Mpanjaka rehefa nandre ireo teny tao amin’ny horonan-taratasy.

Nahoana ny mpanjaka no naneho fihetsika toy izany raha ny hevitrao?

Vakio ny Jeremia 36:25 ary tadiavo ny fomba niezahan’ny printsy sasany nandresy lahatra ny mpanjaka.

Asao ny mpianatra haka sary an-tsaina fa izy ireo no ireo printsy ao amin’ny andininy 25. Amin’ny fampiasana ny zavatra nianaran’izy ireo tao am-pianarana androany dia asao ny mpianatra hanomana valinteny ho an’ny Mpanjaka mba hanampiana azy hahatakatra ny fomba ahafahan’ny soratra masina mitahy ny fiainany.

Fomba iray hanaovana ity sahanasa ity ny fandaminana ny mpianatra ho ao anaty vondrona ahitana olona telo. Ny mpianatra tsirairay dia afaka misolo tena ny iray amin’ireo printsy ary miara-manomana ny valinteniny ireo vondrona. Avy eo dia azonao asaina ny vondrona iray hanatona eny aloha ary hilalao an-tsehatra ny fifampiresahany tamin’ny mpanjaka. Afaka manasa mpianatra iray hafa ianao hilalao ny toeran’ny mpanjaka na azonao mpampianatra lalaovina izany anjara toeran’ny mpanjaka izany. Azonao omena sosokevitra ny mpianatra mba hamarana ny tantara amin’ny fomba hafa ka ao anatin’izany ilay mpanjaka dia resy lahatra tsy handoro ilay horonan-taratasy.

Toe-javatra iainana inona amin’izao vanim-potoana izao no mety ahafahana manampy zatovo iray amin’ny alalan’ny fampianarana notsoahina avy tamin’ny valinteninao?

Diniho ny zavatra nianaranao

Azonao atao ny mizara ity teny nambara manaraka ity mba hanampiana ny mpianatra hisaintsaina izay nianarany avy amin’ny fandalinana ny Jeremia 36.

Nampianatra ny Loholona D. Todd Christofferson ao amin’ny Kôlejin’ny Apôstôly Roambinifolo hoe:

Tena “maneho ny heriny” amin’ny alalan’ny soratra masina tokoa Andriamanitra [jereo Almà 37:14] mba hamonjena sy hanandratana ny zanany. Manitatra ny fitadidiantsika, manitsy ny fahadisoana, ary mitondra antsika amin’ny fibebahana sy mampifaly antsika ao amin’i Jesoa Kristy Mpanavotra tokoa Izy, amin’ny alalan’ny teniny. (“Ny fitahiana avy amin’ny soratra masina,” Liahona, mey 2010, 33)

Mety hanampy ny manome fotoana ny mpianatra hisaintsainana na hanoratana ny valinteniny amin’ity fanontaniana manaraka ity alohan’ny hizaran’izy ireo izany amin’ny iray kilasy.

Inona no mety ho fiantraikan’ny fahalalana fa ny fandalinanao manokana ny soratra masina dia afaka manampy anao hitodika amin’ny Tompo sy handray famelan-keloka sy fitarihana avy Aminy?

Mety ho fotoana tsara ho an’ny mpianatra izany mba hisaintsainana ny tanjona napetrany amin’ny fandalinany manokana sy ny vakiteny takina mba hahazoany naoty amin’ny seminera. Hevero ny hanasa ny mpianatra hamerina hijery ny tanjony ary hieritreritra ny fomba ahafahany mifantoka kokoa amin’ny fitodihana amin’i Jesoa Kristy ao anatin’ny fandalinany manokana ny soratra masina.

Loharanom-pitaovana fanampiny

Inona ireo fitahiana mety ho azo avy amin’ny fandalinana soratra masina?

Nampianatra ny Filoha Russell M. Nelson hoe:

15:2

Mampanantena anareo aho fa rehefa mandalina ombam-bavaka ny Bokin’i Môrmôna isan’andro ianareo dia handray fanapahan-kevitra tsara kokoa ianareo, isan’andro. Mampanantena aho fa rehefa misaintsaina ny zavatra halalininareo ianareo dia hisokatra ny varavaran’ny lanitra, ka handray ny valin’ny fanontanianareo sy torolalana ho an’ny fiainanareo ianareo. Mampanantena aho fa rehefa mandalina lalina ny Bokin’i Môrmôna ianareo dia ho voaro amin’ireo zavatra ratsy amin’izao vaninandro izao. (“Ny Bokin’i Môrmôna: Hanao ahoana re ny fiainanao raha tsy nisy azy?,” Liahona, nôv. 2017, 62–63)

Nanazava ny Filoha Ezra Taft Benson fa:

Ny tenin’ Andriamanitra, araka ny hita ao amin’ny soratra masina … dia manana ny hery hankaherezana ireo Olomasina, sy hanafiana azy ireo amin’ny Fanahy, mba hahafahan’izy ireo manohitra ny ratsy, sy mifikitra mafy amin’ny tsara, ary mahita fifaliana eto amin’ity fiainana ity. (Teachings of Presidents of the Church: Ezra Taft Benson [2014], 118)

Nizara izao ny Loholona D. Todd Christofferson ao amin’ny Kôlejin’ny Apôstôly Roambinifolo:

Ny tena tanjon’ny soratra masina rehetra amin’ny farany dia ny hameno ny fanahintsika amin’ny finoana an’ Andriamanitra Ray sy ny Zanakalahiny Jesoa Kristy—finoana fa misy Izy ireo, finoana an’ilay drafitry ny tsy fahafatesana sy ny fiainana mandrakizay, finoana an’ilay Sorompanavotana sy ny Fitsanganan’i Jesoa Kristy tamin’ny maty izay mamelona ity drafitry ny fahasambarana ity, finoana entina hanaovana ny filazantsaran’i Jesoa Kristy ho lasa fomba fiainantsika, ary finoana ahafahana mahafantatra “ilay Andriamanitra tokana sady marina, sy Jesosy Kristy, Izay efa nirahi[ny]” (Jaona 17:3). …

[I]reo teny ambaran’ireo mpaminany … [dia] alefa tsy tapaka amintsika amin’ny alalan’ny fahitalavitra, radiô, Internet, amin’ny alalan’ny zanabolana, … ary hatonta printy. Ataoko angamba fa tsy mbola nisy teo amin’ny tantara hatramin’izay, fotoana nanomezana ny olona soratra masina marobe toy izao. Ary tsy izay ihany, fa ny lehilahy, sy vehivavy, ary ny ankizy tsirairay dia afaka manana ny boky soratra masiny ho azy manokana sy handalina izany, amin’ny fiteniny manokana ho an’ny ankamaroany. … Mino aho fa noho ny fananana izany fitahiana izany, dia milaza amintsika ny Tompo fa lehibe kokoa mihoatra noho ny tamin’ny andro teo aloha ny filantsika ny fampiasana tsy tapaka ny soratra masina. (“Ny fitahiana avy amin’ny soratra masina,” Liahona, mey 2010, 34, 35)

Sahanasa fianarana fanampiny

Afaka manampy antsika handresy ny fakam-panahy ny soratra masina

Azonao atao izao manaraka izao any amin’ny faran’ny fizarana mitondra ny lohateny heo “Ny tanjon’ny soratra masina.”

Vakio ity tantara manaraka notantarain’ny Loholona Neil L. Andersen ao amin’ny Kôlejin’ny Apôstôly Roambinifolo ity. Fomba iray hizarana ity tantara ity ny fizarana ny mpianatra ho ao anatina vondrona misy olona telo ary mizara ny tahadikan’ilay teny notsongaina amin’ny vondrona tsirairay. Afaka mamaky andiam-pehezan-teny iray ny mpianatra tsirairay. Azonao atao ny manoratra ny fanontaniana miaraka amin’izany eny amin’ny solaitrabe mba hahafahan’ny mpianatra misaintsaina izany eo am-pamakiana ilay izy ary ahafahany mifanakalo hevitra avy eo.

Tamin’ny fotoana nanatrehako seminera tany amin’ny lisea dia nisy namako iray nipetraka teo ampitako. Marani-tsaina sady tsara fanahy izy ary mahafinaritra ny mifandray aminy. Zara raha mihaona ivelan’ny seminera izahay. Nandritra ny kilasiko famaranana tany amin’ny lisea dia nifankahalala kokoa izahay tany amin’ny seminera ary nifanakalo hevitra mikasika ny zavatra maro izay manan-danja taminay.

Tahaka ny manana faniriana hanao ny mety sy hitandrina ny didy ilay namako, kanefa nanana olana koa izy tamin’ny fankatoavana tsy tapaka ny didy. Niresaka momba ny fitiavan’ Andriamanitra sy ny filazantsara izy tao amin’ny seminera, kanefa matetika ny alatsinainy maraina dia mahare mikasika ny zavatra nataony nandritra ny faran’ny herinandro sy ny tsy fahavitany manaraka ny Tenin’ny Fahendrena ary ny fitandremana ireo fenitra hafa apetraky ny Fiangonana aho. Miresaka amiko mikasika ny faran’ny herinandrony izy indraindray. Toa manenina tamin’izay nataony izy ary te hanatsara kokoa ny zavatra ataony. Nampahery azy aho tamin’ny firesahako taminy momba ny herin’ny fahavononana, ny fisafidianana namana marina, ny tsy fandraisana anjara amin’ny toe-javatra misy sasantsasany, ary ny fahaizana mandà. Toa nankasitraka ilay teny fampaherezako izy kanefa dia nitohy hatrany ny zavatra nataony nandritra ny volana maromaro nifanesy. Nilaza izy fa te hiova sy hiibebaka kanefa toa tsy nitranga mihitsy izany.

Raha afaka miresaka aminy aho amin’izao fotoana izao dia tsy hiresaka betsaka aminy mikasika ny dingana takina amin’ny fibebahana fa hifantoka kokoa kosa amin’ny loharano sy hery entiny miova, mibebaka ary mandray famelan-keloka. Hiresaka aminy mikasika ny finoana an’i Jesoa Kristy aho. Hiezaka aho hanampy azy hahatsapa fa raha manorina ny fahalalany sy ny finoany amin’i Kristy izy ary manamafy orina ny finoany Azy, dia hitondra hery ho azy ny fametrahany fitokisana Aminy—Ny heriny mba hampatanjaka azy hanova ny fitondran-tenany. (The Divine Gift of Forgiveness [2019], 98–99)

Inona no tokony ho novain’ny Loholona Andersen? Nahoana?
Tamin’ny fomba ahoana no mety nanampian’ny soratra masina an’ity tovovavy ity? (Hevero ny hampiasa ny teny nambaran’ny Loholona Christofferson ao amin’ny Loharanom-pitaovana fanampiny mba hanampiana anao hamaly izany fanontaniana izany.)

Ny lanjan’ny soratra masina

0:60

Tamin’ny fomba ahoana no nanampian’ny soratra masina anao hitodika amin’i Jesoa Kristy?

I Baroka oharina amin’ny Mpanjaka Joiakima

Mba hanampiana ny mpianatra hizatra hampiasa ilay fahaiza-manao handalinana soratra masina amin’ny fanaovana fampitahana dia azonao atao ny manasa azy ireo hampitaha ny fihetsiky ny Mpanjaka Joiakima tamin’ilay horonan-taratasy (jereo ny Jeremia 36:20–23) sy ny nataon’i Baroka mpitantsoratr’i Jeremia (jereo ny Jeremia 36:27–28, 32).

Azonao atao ny milaza fa ny Mpanjaka Joiakima dia nibaby ny vokatry ny fandavany ny tenin’ny Tompo izay nambara tamin’ny alalan’i Jeremia. Nosamborina ary nentina ho babo tany Babylona i Joiakima (jereo ny Jeremia 22:18–19). I Baroka kosa dia notahiana noho ny fahatokiany tamin’ny tenin’ny Tompo izay nambara tamin’ny alalan’i Jeremia (jereo ny Jeremia 45:5).