Manwal ng Guro ng Seminary para sa Lumang Tipan

Mga Nilalaman
Pahina ng Pamagat
Pambungad sa Manwal ng Guro
Mga Lesson sa Lumang Tipan
- Halina’t Basahin ang Lumang Tipan
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko ng Pagkabuhay
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Mga Bilang 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Hukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Cronica 14–20; 26; 30
- Ezra 1; 3–7; Nehemias 2; 4–6; 8
- Esther
- Job 1–3; 12–14; 19; 21–24; 38–40; 42
- Mga Awit 1–2; 8; 19–33; 40; 46
- Mga Awit 49–51; 61–66; 69–72; 77–78; 85–86
- Mga Awit 102–103; 110; 116–119; 127–128; 135–139; 146–150
- Mga Kawikaan 1–4; 15–16; 22; 31; Eclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3; 7; 16–18; 20
- Jeremias 31–33; 36–38; Mga Panaghoy 1; 3
- Ezekiel 1–3; 33–34; 36–37; 47
- Daniel 1–7
- Oseas; Joel
- Amos; Obadias; Jonas
- Mikas; Nahum; Habakuk; Sefanias
- Hagai 1–2; Zacarias 1–4; 7–14
- Malakias
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan o Self-Reliance
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Pagtatagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

Jeremias 31: Isusulat Niya ang Kanyang Batas sa Ating Puso

“Jeremias 31: Isusulat Niya ang Kanyang Batas sa Ating Puso,” Manwal ng Guro ng Seminary para sa Lumang Tipan (2026)

“Jeremias 31: Isusulat Niya ang Kanyang Batas sa Ating Puso,” Manwal ng Guro ng Seminary para sa Lumang Tipan

Jeremias 31–33; 36–38; Mga Panaghoy 1; 3: Lesson 134

Jeremias 31

Isusulat Niya ang Kanyang Batas sa Ating Puso

Paano maaaring kumilos ang isang tao kung alam niya sa kanyang isipan ang ebanghelyo ni Jesucristo ngunit hindi niya ito nadarama sa kanyang puso? Posible bang kikilos sila nang hindi nadarama ang kapangyarihan ng pagmamahal ng Tagapagligtas? Paano nagbabago ang ating mga kilos kapag nadarama natin ang pagmamahal ng Ama sa Langit at ni Jesucristo sa ating mga puso? Ipinangako sa atin ng Jeremias 31 na kapag bumaling tayo sa Panginoon, isusulat Niya ang Kanyang batas sa ating puso (tingnan sa Jeremias 31:18, 33). Ang lesson na ito ay makatutulong sa mga estudyante na maunawaan ang ibig sabihin ng isulat ang ebanghelyo ng Tagapagligtas sa kanilang puso.

Paghahanda ng estudyante: Sabihin sa mga estudyante na itanong sa mga kapamilya at kaibigan ang tanong na ito: “Ano ang pagkakaiba ng pag-alam sa katotohanan ng ebanghelyo sa iyong isipan at ng pagdama nito sa iyong puso?” Maaari silang maghanda na ibahagi ang tinalakay nila.

Mga Posibleng Aktibidad sa Pag-aaral

Pag-alam sa isang bagay sa ating isipan at pagdama nito sa ating puso

Para simulan ang kalse, anyayahan ang mga estudyante na sagutin ang sumusunod na tanong.

Ano ang ilang sitwasyon kung saan maaaring alam natin na dapat nating gawin ang isang bagay ngunit nahihirapan tayong gawin ito?

Maaaring magbahagi ang mga estudyante ng mga halimbawa tulad ng pagtulog sa tamang oras, pagpili ng masustansyang pagkain, o pagkumpleto ng takdang-aralin bago ang takdang petsa. Tulungan ang mga estudyante na maunawaan na normal na mahirapang iayon ang ating mga kilos sa kung ano ang alam nating tama. Maaaring totoo rin ito pagdating sa pag-alam at pagkatapos ay pagkilos ayon sa nalalaman natin tungkol sa ebanghelyo ni Jesucristo. Posibleng alam natin kung ano ang hinihingi ng ebanghelyo ng Tagapagligtas, ngunit hindi natin ito palaging ipinamumuhay. Gayunpaman, maaari tayong magsikap na maimpluwensyahan ng Tagapagligtas at ng Kanyang ebanghelyo ang lahat ng ating ginagawa.

Ang nalalaman natin tungkol sa pagsunod sa Tagapagligtas ay hindi palaging makikita sa ating mga kilos. Nagtanong si Elder D. Todd Christofferson ng Korum ng Labindalawang Apostol ng isang bagay na maaaring mayroon tayo kung minsan sa mga sitwasyong ito:

Paano magiging impluwensya ang ebanghelyo ni Jesucristo hindi lang sa buhay ninyo kundi impluwensyang kokontrol at magiging pinakamahalagang bahagi ng pagkatao ninyo? (“Kapag Ikaw ay Nagbalik-loob,” Liahona, Mayo 2004, 11)

Sa pag-aaral ninyo ng Jeremias 31, anyayahan ang Espiritu Santo na tulungan kang maghanap ng mga paraan para maging “pinakamahalagang bahagi ng pagkatao ninyo” ang ebanghelyo ng Tagapagligtas.

Ipinropesiya ni Jeremias ang mga pagpapala ng Tagapagligtas sa Israel

Para sa aktibidad sa pag-aaral na ito, maaari mong hatiin ang klase sa grupo na may tigtatatlong estudyante. Anyayahan ang bawat miyembro ng grupo na basahin ang isa sa mga sumusunod na passage at ibahagi sa ibang miyembro ng grupo ang kanilang mga sagot sa mga tanong.

Matapos magbabala tungkol sa mga kahihinatnan na magdurusa ang masasama sa mga huling araw (tingnan sa Jeremias 30:23–24), ipinropesiya ni Jeremias na muling titipunin ng Panginoon ang Kanyang mga pinagtipanang tao sa Kanya.

Basahin ang mga sumusunod na passage, at alamin kung ano ang gagawin ng Panginoon para sa Kanyang mga tao:

Jeremias 31:1–3

Jeremias 31:6–10

Jeremias 31:17–20

Ano ang ilan sa mga pangako ang nalaman ninyo?
Ano ang itinuturo ng mga paanyayang ito tungkol sa Panginoon?

Basahin ang Jeremias 31:31–33, at alamin kung paano ipapakita ng Panginoon ang Kanyang mapagkandiling pagmamahal sa Kanyang mga pinagtipanang tao.

Paano ninyo ibubuod ang turong ito bilang pahayag ng katotohanan?

Tulungan ang mga estudyante na matukoy na nangangako ang Panginoon na titipunin Niya tayo sa Kanya bilang Kanyang mga pinagtipanang tao at isusulat Niya ang Kanyang batas sa ating puso.
Ano sa palagay ninyo ang ibig sabihin ng nakasulat ang batas ng Panginoon sa ating puso?

Maaaring magbahagi ng iba’t iba ideya ang mga estudyante. Tulungan ang mga estudyante na maunawaan na ang pariralang nakasulat sa ating puso (tingnan sa talata 33) ay maaaring tumutukoy sa pagbabalik-loob, pagkakaroon ng pagbabago, at paghahangad na maisakatuparan ang kalooban ng Ama sa Langit at ni Jesucristo nang buong puso nila. Maaari mong ipaliwanag na gumamit ng katulad na metapora si Pablo noong inilarawan niya ang Mga Banal sa Corinto bilang “sulat ni Cristo na … isinulat hindi ng tinta … hindi sa mga tapyas ng bato kundi sa mga tapyas ng puso ng tao” (2 Corinto 3:3).

Nakasulat ba ang ebanghelyo ng Tagapagligtas sa puso ninyo?

Ipakita ang pag-unawa

Maaari mong bigyan ng pagkakataon ang mga estudyante na magsanay na sagutin ang tanong na pinili nila. Maaari mong isama ang mga estudyante sa mga nag-aral ng ibang tanong.

Maaari mong anyayahan ang mga estudyante na ibahagi kung paano makatutulong ang natutuhan nila sa isang tao na mas patuloy na gawin ang alam nilang tama. Upang matulungan ang mga estudyante na maipakita ang natutuhan at nadama nila, maaari mong ipakita ang mga sumusunod ng tagubilin.

Sa iyong study journal, sagutin ang isa o mahigit pa sa mga sumusunod na tanong:

Ano ang hahanapin mong katibayan na isinusulat ng Panginoon ang Kanyang batas sa iyong puso?
Ano ang isang bagay na nadarama mong dapat mong gawin para maanyayahan ang Tagapagligtas na isulat ang Kanyang ebanghelyo sa iyong puso?

Maaari mo ring hilingin sa mga handang estudyante na magbahagi ng mga naging karanasan nila nang nalaman nila na isinulat ng Tagapagligtas ang Kanyang batas sa kanilang mga puso. Maaari mong ibahagi kung paano mo nakitang isinulat ng Panginoon ang Kanyang batas sa iyong puso. Hikayatin ang mga estudyante na humingi ng tulong sa Panginoon at kumilos ayon sa mga impresyong natanggap nila.

Karagdagang Resources

Anong mga pagkilos o paggawa ang nagpapakita na isinulat ng Panginoon ang Kanyang batas sa aking puso?

Ibinahagi ni Elder Dale G. Renlund ng Korum ng Labindalawang Apostol:

Ang pagbabalik-loob sa Panginoon ay nagsisimula sa hindi natitinag na katapatan sa Diyos, na sinusundan ng paggawa [na gawing] bahagi ng ating pagkatao ang katapatang iyon. Ang [gawing] bahagi ng ating buhay ang katapatang iyon ay isang habambuhay na proseso na nangangailangan ng tiyaga at patuloy na pagsisisi. Kalaunan, ang katapatang ito ay nagiging bahagi na ng ating pagkatao, nakatanim sa pagkakilala natin sa ating sarili, at palaging nariyan sa ating buhay. Ngunit tulad ng ating sariling pangalan na hindi natin nalilimutan kailanman anuman ang iba pa nating iniisip, hindi natin nalilimutan ang isang katapatang nakaukit sa ating puso. …

Ang mga tipan ay nag-aangkla sa atin sa Tagapagligtas at nagtutulak sa atin na sundan ang landas na humahantong sa ating tahanan sa langit. Ang bisa ng mga tipan ay tumutulong sa atin na panatilihin ang malaking pagbabago ng puso, palalimin ang ating pagbabalik-loob sa Panginoon, at mas lubusang tanggapin ang larawan ni Cristo sa ating mukha. Ngunit ang di-lubos na katapatan sa ating mga tipan ay hindi maggagarantiya ng anuman sa atin. (“Hindi Natitinag na Katapatan kay Jesucristo,” Liahona, Nob. 2019, 22, 23)

Itinuro ni Elder Kelly R. Johnson ng Pitumpu:

Ang mga may pananampalataya at nakatimo nang malalim sa kanilang puso ang salita ng Diyos ay magagawang tanggapin at daigin ang mga nag-aapoy na sibat, na tiyak na ipadadala ng kaaway upang sirain tayo. Kung hindi, ang ating pananampalataya, pag-asa, at pananalig ay maaaring hindi makatagal at … maaari tayong mapahamak.

Natutuhan ko na kapag nakatimo nang malalim ang salita ng Diyos sa aking kaluluwa, na may kahalong pananampalataya sa Panginoong Jesucristo at sa Kanyang Pagbabayad-sala, magagamit ko ang kapangyarihan ng Diyos na daigin ang kaaway at anumang maaari niyang ibato sa akin. Sa pagharap natin sa mga hamon, makakaasa tayo sa pangako ng Panginoon. …

Sa pamamagitan ng paghahanda, lumago ang kapangyarihan ng Tagapagligtas at nagawa Niyang labanan ang lahat ng tukso ni Satanas. Kapag sinunod natin ang halimbawa ng Tagapagligtas at naghanda tayo sa pamamagitan ng pag-aaral ng salita ng Diyos at pagpapalalim ng ating pananampalataya, magagamit din natin ang kapangyarihan ng Diyos upang labanan ang mga tukso. (“Kapangyarihang Makapagtiis,” Liahona, Nob. 2020, 113)

Mga Karagdagang Aktibidad sa Pag-aaral

Alternatibong simula sa lesson

Opsiyon 1

Upang simulan ang klase, maaari kang magpakita ng mga larawan nina Pangulong Henry B. Eyring at Pangulong Gordon B. Hinckley. Ibahagi ang sumusunod na kuwento na isinalaysay ni Pangulong Eyring sa libing ni Pangulong Hinckley.

Noong ako ang nagtuturo ng ebanghelyo sa ating mga kabataan sa ating mga programa sa seminary sa iba’t ibang panig ng mundo, sinabi niya, habang tinatapik ang kanyang hintuturo ang aking dibdib, “Hal, bakit hindi mo ikintal ang ebanghelyo sa kanilang puso?” (“Magiging Maayos ang Lahat,” Liahona [Bilang Pag-alaala: Pangulong Gordon B. Hinckley, Abr. 2008])

Anyayahan ang mga estudyante na talakayin ang mga tanong na tulad ng sumusunod:

Ano sa palagay mo ang ibig sabihin ng ikintal ng Tagapagligtas ang ebanghelyo sa iyong puso?
Bakit magiging mahalaga para sa mga tinedyer na maitimo ang ebanghelyo sa kanilang puso?

Hikayatin ang mga estudyante na hanapin ang mga pangako ng Tagapagligtas sa pamamagitan ng Kanyang propetang si Jeremias at anyayahan ang Espiritu na tulungan silang makilala ang mga katotohanan ng ebanghelyo na madarama nila sa kanilang puso.

Opsiyon 2

Bilang alternatibo, maaari kang magsimula sa pamamagitan ng pag-anyaya sa mga estudyante na magdrowing sa pisara ng isang matigas na puso at isang malambot na puso. Maaari mong ibahagi na sa mga banal na kasulatan, ang puso ay kadalasang sumisimbolo sa “kaisipan at kalooban” ng isang tao (Gabay sa mga Banal na Kasulatan, “Puso,” Gospel Library). Para maihanda ang mga estudyante na pag-aralan kung paano isinusulat ng Panginoon ang Kanyang batas sa ating puso, maaari mong itanong ang mga sumusunod:

Bakit mahalaga ang kalagayan ng ating puso?
Kung matigas ang ating puso, ano ang magagawa natin para humingi ng tulong sa Panginoon para mapalambot ang mga ito?

Pagdama sa mga pangako ng Panginoon sa ating mga puso

Ang sumusunod na aktibidad ay makatutulong sa mga estudyante na pag-aralan ang ilan sa mga dakilang pagpapala na ipinangako ng Panginoon sa Kanyang mga pinagtipanang tao. Pumili ng ilan o ang lahat ng sumusunod na scripture passage at isulat ang mga ito sa mga piraso ng papel. Pagpartner-partnerin ang mga estudyante o ilagay sila sa maliliit na grupo. Sabihin sa bawat grupo na pumili ng piraso ng papel at pag-aaralan ang passage. Maaaring maghanda ang mga grupo na ibahagi ang mga pagpapalang matutukoy nila.

Jeremias 31:13–14

Jeremias 31:16–17

Jeremias 31:34

Jeremias 32:17–19

Jeremias 32:26–27

Jeremias 33:6–8

Pagkatapos pag-aralan ang mga talata, maaaring isulat sa pisara ng isang tagapagsalita mula sa bawat grupo ang scripture reference at ang mga pagpapala ng Panginoon.

Ang musika ng ebanghelyo sa ating puso

Upang matulungan ang mga estudyante na maunawaan ang pagkakaiba ng pag-alam sa mga katotohanan sa ating isipan at pagdama sa mga ito sa ating puso, maaari mong ipanood ang video na “The Music of the Gospel” (5:42).

5:42

Pagkatapos ng video, maaari mong itanong sa mga estudyante kung ano ang mangyayari kung malalaman natin ang mga katotohanan ng ebanghelyo sa ating isipan kumpara sa kung madarama natin ang mga katotohanang ito sa ating puso. Maaaring magbahagi ang mga estudyante ng mga halimbawa mula sa kanilang buhay.

Ang walang-hanggang kapangyarihan ng batas ng Panginoon na nakasulat sa mga puso

Maaaring makinabang ang mga estudyante sa pag-aaral ng ilang halimbawa ng mga tao na ang batas ng Panginoon ay nakasulat sa kanilang puso. Maaari mong anyayahan ang mga estudyante na magbahagi ng kuwento mula sa banal na kasulatan tungkol sa isang tao o grupo ng mga tao na hinayaan ang Tagapagligtas na isulat ang Kanyang batas sa kanilang puso. Kung kailangan ng mga estudyante ng karagdagang tulong, maaari kang magbahagi ng mga halimbawa tulad ng:

Ang mga disipulo sa Jerusalem matapos ang pagkabuhay na mag-uli ng Tagapagligtas (tingnan sa Mga Gawa 2:37–42).
Ang mga Lamanita sa panahon ni Haring Lamoni (tingnan sa Alma 23:5–8).
Ang mga Nephita pagkatapos ng pagdalaw ng Tagapagligtas (tingnan sa 4 Nephi 1:2, 15–18).

Pagkatapos ibahagi ng mga estudyante ang kanilang mga halimbawa, maaari mong itanong sa kanila kung anong mga aral ang matututuhan natin mula sa nadama ng mga tao at sa ginawa nila na humantong sa pagbabago ng kanilang puso.