Manwal ng Guro ng Seminary para sa Lumang Tipan

Mga Nilalaman
Pahina ng Pamagat
Pambungad sa Manwal ng Guro
Mga Lesson sa Lumang Tipan
- Halina’t Basahin ang Lumang Tipan
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko ng Pagkabuhay
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Mga Bilang 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Hukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Cronica 14–20; 26; 30
- Ezra 1; 3–7; Nehemias 2; 4–6; 8
- Esther
- Job 1–3; 12–14; 19; 21–24; 38–40; 42
- Mga Awit 1–2; 8; 19–33; 40; 46
- Mga Awit 49–51; 61–66; 69–72; 77–78; 85–86
- Mga Awit 102–103; 110; 116–119; 127–128; 135–139; 146–150
- Mga Kawikaan 1–4; 15–16; 22; 31; Eclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3; 7; 16–18; 20
- Jeremias 31–33; 36–38; Mga Panaghoy 1; 3
- Ezekiel 1–3; 33–34; 36–37; 47
- Daniel 1–7
- Oseas; Joel
- Amos; Obadias; Jonas
- Mikas; Nahum; Habakuk; Sefanias
- Hagai 1–2; Zacarias 1–4; 7–14
- Malakias
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan o Self-Reliance
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Pagtatagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

Jeremias 36: Ang Salita ng Diyos

“Jeremias 36: Ang Salita ng Diyos,” Manwal ng Guro ng Seminary para sa Lumang Tipan (2026)

“Jeremias 36: Ang Salita ng Diyos,” Manwal ng Guro ng Seminary para sa Lumang Tipan

Jeremias 31–33; 36–38; Mga Panaghoy 1; 3: Lesson 135

Jeremias 36

Ang Salita ng Diyos

Old Testament Prophet writing on a scroll

Ang mga banal na kasulatan ay mahalagang bahagi ng ating kaugnayan kay Jesucristo. Itinutuon ng pagkatuto mula sa mga banal na kasulatan ang ating isipan at puso sa Kanya, na nag-aanyaya sa Kanyang kapangyarihan sa ating buhay. Sa panahon ng apostasiya, iniutos ng Panginoon sa propetang si Jeremias na isulat at ipadala ang mga salita ng Panginoon sa mga tao ng Juda upang sila ay bumaling sa Kanya at mapatawad. Ang lesson na ito ay makatutulong sa mga estudyante na maunawaan kung paano sila ibinabaling kay Jesucristo ng mga banal na kasulatan para mapatawad sa kasalanan.

Paghahanda ng estudyante: Maaari mong anyayahan ang mga estudyante na rebyuhin ang kanilang mga personal na mithiin sa pag-aaral ng mga banal na kasulatan at sumulong sa kinakailangang babasahin para sa taon. Maaari mo ring anyayahan ang mga estudyante na pagnilayan kung paano sila natutulungan ng kanilang pag-aaral ng mga banal na kasulatan na bumaling sa Panginoon.

Mga Posibleng Aktibidad sa Pag-aaral

Pagsasalita nang tuwiran

Mag-isip ng paraan upang matulungan ang mga estudyante na maghandang matutuhan kung paano ginagamit ng Panginoon ang mga banal na kasulatan para mapagmahal na itama tayo at dalhin tayo sa Kanya. Ang isang paraan upang magawa ito ay magpaisip sa mga estudyante ng mga sitwasyon kung saan maaaring hindi sila komportableng magsalita nang tuwiran. Kung kinakailangan, maaari mong gamitin ang mga sumusunod na sitwasyon.

Paano maaaring tumugon ang isang taong nagmamalasakit sa iyo sa mga sumusunod na sitwasyon?
- Pagkatapos kumain ng tanghalian, napansin ng kaibigan mo na mayroon kang tinga sa iyong mga ngipin.
- Inaanyayahan ka sa isang party na magkakaroon ng mga hindi naaangkop na aktibidad. Alam ng iyong kaibigan ang mga aktibidad na ito ngunit alam niya na gustung-gusto mong dumalo.
Ano ang maaaring makahikayat sa isang tao na magsalita nang tuwiran sa mga ganitong sitwasyon?
Ano ang maaaring maging resulta ng pagsasalita o pananatiling tahimik?

Nalalaman at nakikita ng Ama sa Langit at ni Jesucristo ang mga bagay na hindi natin nakikita. Hinahangad Nila ang pinakamakabubuti para sa atin, at kinakausap Nila tayo sa pamamagitan ng mga banal na kasulatan (tingnan sa 2 Nephi 32:3; Doktrina at mga Tipan 1:37–38). Habang natututo ka ngayon, pagnilayan ang mga paraan kung paano mapagpapala ng mga banal na kasulatan ang iyong buhay. Pag-isipan kung paano makakaimpluwensya ang mga ideyang ito sa iyong personal na pag-aaral.

Isang layunin ng banal na kasulatan

Basahin ang Jeremias 36:1–3, at alamin kung bakit iniutos ng Panginoon kay Jeremias na isulat ang Kanyang mga salita para sa mga tao ng Juda.

Ano ang ninanais ng Panginoon para sa mga tao ng Juda?
Ano ang itinuturo sa atin ng mga talatang ito tungkol sa ilang layunin ng banal na kasulatan?

Maaaring matukoy ng mga estudyante ang isang katotohanang tulad ng ang mga banal na kasulatan ay tumutulong sa atin na bumaling sa Panginoon at matanggap ang Kanyang kapatawaran.

Maaari mong anyayahan ang mga estudyante na markahan ang mga pariralang “humiwalay ang bawat isa sa kanyang masamang lakad” at “upang aking maipatawad ang kanilang kasamaan at kasalanan” (talata 3). Maaari nilang isulat ang katotohanang natuklasan nila malapit sa mga pariralang ito sa kanilang mga banal na kasulatan.
Paano tayo tinutulungan ng mga banal na kasulatan na bumaling sa Panginoon at tumanggap ng Kanyang kapatawaran?

Maaari mong ilista sa pisara ang mga sagot ng estudyante. Habang nagbabahagi ang mga estudyante, maaari silang sumangguni sa mga ideyang matatagpuan sa mga sumusunod na banal na kasulatan. Maging pamilyar sa mga banal na kasulatang ito para mapuntahan mo ang mga ito habang nagbabahagi ang mga estudyante. Bilang alternatibo, pagkatapos magbahagi ang mga estudyante ng ilang sagot sa nakaraang tanong, maaari mong ibigay ang mga sumusunod na tagubilin at magpadagdag sa kanila ng mga ideya sa pisara.

Basahin ang mga sumusunod na scripture passage, at alamin ang mga karagdagang paraan kung paano tayo tinutulungan ng mga banal na kasulatan na bumaling sa Panginoon at mapatawad sa ating mga kasalanan.

2 Timoteo 3:16

Alma 37:8

Helaman 15:7

Ang hari at ang balumbon

Maaari mo ring ibuod o basahin ang sumusunod na talata.

Ginawa ni Jeremias ang iniutos ng Panginoon at hiniling niya sa isang lalaking nagngangalang Baruc na isulat ang mga salita ng Panginoon sa isang balumbon [scroll]. Dahil nakakulong si Jeremias, hiniling niya kay Baruc na basahin ang mga salita ng Panginoon sa mga tao ng Juda, kabilang ang ilang pinuno. Matapos gawin ito, ibinigay ni Baruc ang balumbon sa mga pinuno upang basahin kay Jehoiakim, ang hari ng Juda (tingnan sa Jeremias 36:4–10, 14–15, 20–21).

Basahin ang Jeremias 36:20–24, at alamin ang naging reaksyon ni Haring Jehoiakim nang marinig niya ang mga salita sa balumbon.

Sa iyong palagay, bakit ganito ang naging reaksyon ng hari?

Basahin ang Jeremias 36:25, at alamin kung paano sinubukan ng ilang pinuno na impluwensyahan ang hari.

Sabihin sa mga estudyante na ipagpalagay na sila ang mga pinuno sa talata 25. Gamit ang natutuhan nila sa klase ngayon, sabihin sa mga estudyante na maghanda ng sagot sa hari na makatutulong sa kanya na maunawaan kung paano mapagpapala ng mga banal na kasulatan ang kanyang buhay.

Ang isang paraan para magawa ang aktibidad na ito ay hatiin ang klase sa grupong may tigtatatlong miyembro. Ang bawat estudyante ay maaaring kumatawan sa isa sa mga pinuno, kung saan magkakasamang maghahanda ng kanilang sagot ang mga grupo. Pagkatapos ay maaari mong anyayahan ang isang grupo na pumunta sa harapan ng klase at isadula ang pakikipag-usap nila sa hari. Maaari mong anyayahan ang ibang estudyante na gumanap bilang hari o ikaw bilang titser ang maaaring gumanap sa papel na iyon. Maaari mong imungkahi sa mga estudyante na magsadula ng alternatibong wakas sa kuwento kung saan nahikayat ang hari na hindi sunugin ang balumbon.

Ano ang isang makabagong sitwasyon kung saan ang mga turo mula sa iyong sagot ay maaaring makatulong sa isang kabataan?

Pagnilayan ang natutuhan mo

Maaari mong ibahagi ang sumusunod na pahayag para matulungan ang mga estudyante na pagnilayan ang natutuhan nila sa kanilang pag-aaral ng Jeremias 36.

Itinuro ni Elder D. Todd Christofferson ng Korum ng Labindalawang Apostol:

Sa pamamagitan ng mga banal na kasulatan, tunay na “ipinapakita [ng Diyos] ang kanyang kapangyarihan” [tingnan sa Alma 37:14] na iligtas at dakilain ang Kanyang mga anak. Sa Kanyang salita … pinalalawak Niya ang ating kaalaman, binibigyang-liwanag ang kamalian, at inaakay tayo sa pagsisisi at kagalakan kay Jesucristo na ating Manunubos. (“Ang Biyaya ng Banal na Kasulatan,” Ensign o Liahona, Mayo 2010, 33)

Maaaring makatulong na bigyan ng oras ang mga estudyante na pag-isipan o isulat ang kanilang sagot sa sumusunod na tanong bago sila magbahagi sa klase.

Paano maaaring makaapekto sa iyong personal na pag-aaral na malaman na ang mga banal na kasulatan ay makatutulong sa iyo na bumaling sa Panginoon at matanggap ang Kanyang kapatawaran at patnubay?

Ito ay maaaring magandang pagkakataon para sa mga estudyante na pagnilayan ang kanilang mga mithiin sa personal na pag-aaral at ang kinakailangang babasahin para sa seminary credit. Maaari mong anyayahan ang mga estudyante na rebyuhin ang kanilang mga mithiin at pag-isipan kung paano sila mas makatutuon sa pagbaling kay Jesucristo bilang bahagi ng kanilang personal na pag-aaral ng mga banal na kasulatan.

Karagdagang Resources

Anong mga pagpapala ang maaaring magmula sa pag-aaral ng banal na kasulatan?

Itinuro ni Pangulong Russell M. Nelson:

15:2

Ipinangangako ko na sa mapanalanging pag-aaral ng Aklat ni Mormon araw-araw, makagagawa kayo ng mas maiinam na desisyon—sa araw-araw. Ipinangangako ko na habang pinagninilayan ninyo ang inyong pinag-aaralan, ang mga durungawan ng langit ay mabubuksan, at tatanggap kayo ng mga sagot sa inyong sariling mga tanong at patnubay sa inyong buhay. Ipinangangako ko na sa araw-araw ninyong dibdibang pag-aaral ng Aklat ni Mormon, mapoprotektahan kayo laban sa mga kasamaan ngayon. (“Ang Aklat ni Mormon: Ano Kaya ang Buhay Ninyo Kung Wala Ito?,” Liahona, Nob. 2017, 62–63)

Ipinaliwanag ni Pangulong Ezra Taft Benson:

Ang salita ng Diyos, na matatagpuan sa mga banal na kasulatan, … ay may kapangyarihang patatagin ang mga Banal at protektahan sila ng Espiritu upang mapaglabanan nila ang kasamaan, makapanangan sila sa mabuti, at magkaroon ng kagalakan sa buhay na ito. (Mga Turo ng mga Pangulo ng Simbahan: Ezra Taft Benson [2014], 137)

Ibinahagi ni Elder D. Todd Christofferson ng Korum ng Labindalawang Apostol:

Sa huli, ang pangunahing layunin ng lahat ng banal na kasulatan ay puspusin ang ating mga kaluluwa ng pananampalataya sa Diyos Ama at sa Kanyang Anak na si Jesucristo—pananampalataya na Sila ay buhay; pananampalataya sa plano ng Ama para sa ating kawalang-kamatayan at buhay na walang hanggan; pananampalataya sa Pagbabayad-sala at Pagkabuhay na Mag-uli ni Jesucristo, na nagsakatuparan sa planong ito ng kaligayahan; pananampalatayang maipamuhay ang ebanghelyo ni Jesucristo; at pananampalatayang makilala “ang iisang Dios na tunay, at siyang [Kanyang] sinugo, sa makatuwid baga’y si Jesucristo” (Juan 17:3). …

[A]ng ang mga salitang binigkas ng mga propeta … ay halos napapasaatin palagi sa pamamagitan ng telebisyon, radyo, Internet, satellite, … at magasin. Sa palagay ko ayon sa kasaysayan hindi kailanman nabiyayaan nang gayon karaming banal na kasulatan ang mga tao. At hindi lang iyan, bawat lalaki, babae, at bata ay maaaring magmay-ari at pag-aralan ang kanyang sariling kopya ng mga sagradong tekstong ito, karamihan sa sarili nilang wika. … Tiyak na kaakibat ng pagpapalang ito ay sinasabi sa atin ng Panginoon na ang palagiang pagbaling sa mga banal na kasulatan ay higit na kailangan ngayon. (“Ang Biyaya ng Banal na Kasulatan,” Liahona, Mayo 2010, 34, 35)

Mga Karagdagang Aktibidad sa Pag-aaral

Matutulungan tayo ng mga banal na kasulatan na mapaglabanan ang tukso

Maaari mong gawin ang sumusunod sa dulo ng bahaging pinamagatang “Isang layunin ng banal na kasulatan.”

Ibahagi ang sumusunod na kuwentong ibinahagi ni Elder Neil L. Andersen ng Korum ng Labindalawang Apostol. Ang isang paraan upang ibahagi ang kuwentong ito ay hatiin ang mga estudyante sa grupong may tigtatatlong miyembro at magbigay ng kopya ng sipi sa bawat grupo. Maaaring magbasa ang bawat estudyante ng isang talata. Maaari mong isulat sa pisara ang mga tanong na kasama nito na pag-iisipan ng mga estudyante habang nagbabasa at tatalakayin kalaunan.

Noong dumadalo ako sa seminary noong high school, may kaibigan ako na nakaupo sa kabilang hanay ng mga upuan. Siya ay matalino at mabait, at may kaaya-ayang personalidad. Bihira naming makita ang isa’t isa sa labas ng klase ng seminary. Sa senior year ko sa high school, nakilala namin ang isa’t isa sa seminary class at nag-usap ng maraming bagay na mahalaga sa amin.

Tila hangad ng aking kaibigan na gawin ang tama at sundin ang mga kautusan ngunit nahihirapan din siyang patuloy na sundin ang mga kautusan. Sa seminary, sinasabi niya ang tungkol sa kanyang pagmamahal sa Diyos at sa ebanghelyo, ngunit, madalas tuwing Lunes ng umaga, malalaman ko ang tungkol sa mga ginawa niya sa araw ng Sabado at Linggo at ang tungkol sa mga problema niya na sundin ang Word of Wisdom at ang iba pang mga pamantayan ng Simbahan. Kung minsan, nagkukuwento siya sa akin ng tungkol sa mga ginawa niya nang Sabado at Linggo. Tila pinagsisisihan niya ang kanyang nagawa at nais na maging mas mabuti. Hinihikayat ko siya sa pagsasabi sa kanya ng tungkol sa pagkakaroon ng determinasyon, pagpili ng mabubuting kaibigan, huwag pumasok sa mga alanganing sitwasyon, at matutong magsabi ng hindi. Tila pinahahalagahan niya ang mga payo at panghihikayat ko, ngunit patuloy pa rin niyang ginagawa ang mga bagay na iyon sa paglipas ng mga buwan. Sinabi niya na gusto niyang magbago at magsisi, ngunit tila hindi ito kailanman nangyari.

Kung kausap ko siya ngayon, hindi ko gaanong babanggitin sa kanya ang tungkol sa mga hakbang na dapat gawin para magsisi, ngunit ang mas pag-uusapan namin ay ang tungkol sa kanyang kakayahang magbago, magsisi, at mapatawad. Kakausapin ko siya tungkol sa kanyang pananampalataya kay Jesucristo. Sisikapin ko na matulungan siya na maunawaan na kung isasalig niya ang kanyang kaalaman at pagtitiwala kay Cristo, at palalakasin ang kanyang pananampalataya sa Kanya, ang kanyang pagtitiwala at pananalig sa Kanya ay magdadala ng kapangyarihan—ang Kanyang kapangyarihang tutulong na mapalakas siya upang mabago niya kanyang pag-uugali. (The Divine Gift of Forgiveness [2019], 98–99)

Ano kaya ang gagawing iba ni Elder Andersen? Bakit?
Paano maaaring makatulong ang mga banal na kasulatan sa dalagitang ito? (Maaari mong gamitin ang pahayag ni Elder Christofferson sa Karagdagang Resources para makatulong sa pagsagot sa tanong na ito.)

Ang kahalagahan ng mga banal na kasulatan

Para matulungan ang mga estudyante na madama ang kahalagahan ng mga banal na kasulatan, maaari mong ipanood ang video na ito. Maaari mo itong gawin bago ang huling bahagi ng lesson.

0:60

Ano ang pinakamahalaga para sa iyo tungkol sa pahayag ni Pangulong Nelson?
Paano ka natulungan ng mga banal na kasulatan na bumaling kay Jesucristo?

Si Baruc kumpara kay Haring Jehoiakim

Para matulungan ang mga estudyante na sanayin ang kasanayan sa pag-aaral ng mga banal na kasulatan na paghahambing, maaari mo silang anyayahang ihambing ang reaksyon ni Haring Jehoiakim sa balumbon (tingnan sa Jeremias 36:20–23) sa reaksyon ng tagasulat ni Jeremias na si Baruc (tingnan sa Jeremias 36:27–28, 32).

Maaari mong banggitin na naranasan ni Haring Jehoiakim ang bunga ng pagtanggi niya sa mga salita ng Panginoon na inihayag sa pamamagitan ni Jeremias. Si Jehoiakim ay iginapos at dinalang binihag sa Babilonia (tingnan sa Jeremias 22:18–19). Gayunpaman, si Baruc ay pinagpala dahil sa kanyang katapatan sa mga salita ng Panginoon na inihayag sa pamamagitan ni Jeremias (tingnan sa Jeremias 45:5).