Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Иеремиа 31: Тэр бидний зүрхэн дээр Өөрийн хуулийг бичнэ

“Иеремиа 31: Тэр бидний зүрхэн дээр Өөрийн хуулийг бичнэ,” , Хуучин Гэрээний семинарын багшийн гарын авлага (2026)

“Иеремиа 31: Тэр бидний зүрхэн дээр Өөрийн хуулийг бичнэ,” Хуучин Гэрээний семинарын багшийн гарын авлага

Хичээл 134: Иеремиа 31–33; 36–38; Гашуудал 1; 3

Иеремиа 31

Тэр бидний зүрхэн дээр Өөрийн хуулийг бичнэ

Хэрэв хэн нэгэн Есүс Христийн сайн мэдээг оюун ухаандаа мэддэг атлаа үүнийг зүрх сэтгэлдээ мэдрээгүй байсан бол хэрхэн үйлдэл хийж болох вэ? Тэд Аврагчийн хайрын хүчийг мэдрэхгүйгээр үйлдэл хийх боломжтой юу? Бид зүрх сэтгэлдээ Тэнгэрлэг Эцэг, Есүс Христийн хайрыг мэдрэх үед бидний үйлдэл хэрхэн өөрчлөгддөг вэ? Иеремиа 31 биднийг Их Эзэнд хандвал Тэрээр бидний зүрхэн дээр Өөрийн хуулийг бичнэ хэмээн амладаг (Иеремиа 31:18, 33-ыг үзнэ үү). Энэ хичээл суралцагчдад Аврагчийн сайн мэдээг зүрх сэтгэлдээ бичих гэдэг нь ямар утгатай болохыг ойлгоход нь тусална.

Суралцагчийн бэлтгэл: Суралцагчдыг гэр бүлийн гишүүд, найз нөхдөөсөө энэ асуултыг асуухад урь: “Сайн мэдээний үнэнийг оюундаа мэдэх, үүнийг зүрх сэтгэлдээ мэдрэх хоёрын ялгаа юу вэ?” Тэд ярилцсан зүйлээ хуваалцахаар бэлдэж болно.

Боломжит суралцах үйл ажиллагаа

Ямар нэгэн зүйлийг оюун ухаандаа мэдэж, зүрх сэтгэлдээ мэдрэх

Хичээлийг эхлүүлэхдээ суралцагчдыг дараах асуултад хариулахад урь.

Бид ямар нэг зүйл хийх ёстой гэдгээ мэдэж болох ч, үнэндээ үүнийг хийхэд хэцүү ямар нөхцөл байдал байж болох вэ?

Суралцагчид цагтаа унтах, эрүүл хоол идэх сонголт хийх эсвэл гэрийн даалгавраа хугацаанаас нь өмнө хийж дуусгах зэрэг жишээг хуваалцаж болно. Зөв гэж мэдэж байгаа зүйлтэйгээ өөрсдийн үйлдлийг нийцүүлэх гэж тэмцэх нь хэвийн зүйл гэдгийг ойлгоход суралцагчдад туслаарай. Есүс Христийн сайн мэдээний талаар мэддэг зүйлээ мэдэж, үүний дагуу үйлдэхэд ч мөн адил байж болно. Бид Аврагчийн сайн мэдээ юу шаарддагийг мэддэг байж болох ч үргэлж үүний дагуу амьдардаггүй. Гэсэн хэдий ч бид Аврагч болон Түүний сайн мэдээ бидний хийдэг бүх зүйлд нөлөөлөл үзүүлдэг байлгаж чадна.

Бидний үйлдэл Аврагчийг дагах талаар бидний мэддэг зүйлсийг үргэлж тусгадаггүй. Арван хоёр төлөөлөгчийн чуулгын ахлагч Д.Тодд Кристоффэрсон эдгээр нөхцөлд бидэнд заримдаа төрж болох нэг асуултыг тавьжээ:

Та хэрхэн Есүс Христийн сайн мэдээг зөвхөн өөрийнхөө амьдралд нөлөөлдөг төдийгүй нөлөөллийг хянаж чаддаг буюу өөрийнхөө мөн чанарын гол цөм болгож чадах вэ? (“When Thou Art Converted,” Liahona, May 2004, 11)

Иеремиа 31-ыг судлахдаа Аврагчийн сайн мэдээг “та нарын мөн чанарын гол цөм” болгох арга замуудыг хайж олоход тань туслах Ариун Сүнсийг уриарай.

Иеремиа Аврагчийн Израилд өгөх адислалыг зөгнөв

Энэхүү суралцах үйл ажиллагаанд та суралцагчдыг гурван бүлэг болгон хуваарилж болно. Бүлгийн гишүүн бүрийг дараах сургаалаас нэгийг уншаад, асуултуудын хариултыг бүлгийн бусад гишүүнтэй хуваалцахад урь.

Иеремиа ёс бусчуудын эцсийн өдрүүдэд амсах үр дагавруудын талаар сэрэмжлүүлснийхээ дараа (Иеремиа 30:23–24-ийг үзнэ үү) Их Эзэн гэрээт хүмүүсээ Өөртөө дахин цуглуулна хэмээн бошигложээ.

Дараах сургаалыг уншаад, Их Эзэн Өөрийн хүмүүст юу хийхийг олж мэд:

Иеремиа 31:1–3

Иеремиа 31:6–10

Иеремиа 31:17–20

Та ямар амлалтуудыг олж мэдсэн бэ?
Эдгээр урилгад Их Эзэний тухай юу заадаг вэ?

Иеремиа 31:31–33-ыг уншаад, Их Эзэн гэрээт хүмүүстээ хайр энэрлээ хэрхэн үзүүлэхийг олж мэд.

Та энэ сургаалыг үнэний мэдэгдэл гэж хэрхэн дүгнэх вэ?

Их Эзэн биднийг гэрээт хүмүүсээ болгон Өөртөө цуглуулан, Өөрийн хуулийг бидний зүрхэн дээр бичнэ хэмээн амласан гэдгийг олж тогтооход суралцагчдад тусал.
Их Эзэний хууль бидний зүрхэнд бичигдсэн байх нь юу гэсэн үг гэж та бодож байна вэ?

Суралцагчид янз бүрийн санааг хуваалцаж болно. Зүрхэн дээр нь бичнэ (33-р шүлэг-ийг үзнэ үү) гэдэг нь хөрвөж, өөрчлөлтийг мэдэрч, Тэнгэрлэг Эцэг, Есүс Христийн хоёрын хүслийг бүх зүрх сэтгэлээрээ гүйцэлдүүлэхийг хүсэх гэсэн утгатай гэдгийг ойлгоход суралцагчдад тусал. Паул Коринтын гэгээнтнүүдийг дүрслэхдээ “ бэхээр бус, … чулуун самбарт бус, харин махбодын зүрхэн самбарт бичигдсэн Христийн захиа” (2 Коринт 3:3) хэмээн үүнтэй төстэй зүйрлэл ашигласан гэдгийг онцолж болно.

Аврагчийн сайн мэдээ таны зүрхэн дээр бичигдсэн үү?

Ойлголтоо батлах

Суралцагчдад сонгосон асуултдаа хариулах дадлага хийх боломж олгох талаар бодож үзээрэй. Та суралцагчдыг өөр асуултыг судалсан хүмүүстэй хамт хувааж болно.

Та суралцагчдыг сурч мэдсэн зүйл нь зөв гэж мэдэж байгаа зүйлээ тууштай хийхэд нь хэн нэгэнд хэрхэн тусалж болох талаар хуваалцахад урьж болно. Суралцагчдад сурч мэдсэн, мэдэрсэн зүйлээ батлахад нь туслахын тулд дараах зааврыг үзүүлэх талаар бодож үзээрэй.

Дараах асуултуудын нэг юмуу түүнээс олон асуултыг судлах тэмдэглэлдээ хариулж бичээрэй:

Их Эзэн Өөрийн хуулийг таны зүрхэн дээр бичиж байгаагийн ямар нотолгоог та нар хайх вэ?
Аврагчийг сайн мэдээгээ таны зүрхэн дээр бичихэд нь урих юуг та хиймээр санагдсан бэ?

Та түүнчлэн Аврагч Өөрийн хуулийг тэдний зүрх сэтгэл дээр бичсэн гэдгийг хүлээн зөвшөөрсөн туршлагаасаа хуваалцахыг суралцагчдаасаа хүсэж болно. Та Их Эзэн Өөрийн хуулийг таны зүрхэн дээр бичиж байхыг хэрхэн харсан талаараа хуваалцаж болно. Суралцагчдыг Их Эзэнээс тусламж гуйж, хүлээн авсан сэтгэгдлийнхээ дагуу үйлдэл хийхэд нь урамшуулан дэмж.

Нэмэлт эх сурвалжууд

Их Эзэн Өөрийн хуулийг зүрхэн дээр минь бичсэнийг ямар үйлдэл харуулдаг вэ?

Арван хоёр төлөөлөгчийн чуулгын ахлагч Дэйл Г.Рэнланд ийн хуваалцсан:

Их Эзэнд хөрвөгдөх нь Бурханд гуйвшгүй үнэнч байхаас эхэлж, үүнийг өөрсдийн салшгүй нэгэн хэсэг болгохоос оршдог. Ийнхүү үнэнч байх нь насан туршид үргэлжлэх явц бөгөөд үүний тулд тэвчээртэй байж, байнга наманчлах шаардлагатай. Эцэст нь энэхүү үнэнч байдал нь бидний зан чанарын салшгүй нэгэн хэсэг болж, амьдралд маань үргэлж байх болно. Юу ч бодож байсан бид нэрээ хэзээ ч мартдаггүйтэй адил зүрхэндээ сийлсэн амлалтаа хэзээ ч мартахгүй. …

Гэрээнүүд нь биднийг Аврагчтай аргамжиж тогтоон, тэнгэрлэг гэртээ хүрэх замаар явахад өдөөдөг. Гэрээний хүч нь зүрх сэтгэлийн хүчит өөрчлөлтөө авч үлдэн, Их Эзэнд хөрвөгдсөн байдлыг гүнзгийрүүлж, Христийн дүр төрхийг өөр дээрээ илүү бүрэн дүүрэн хүлээн авахад биднийг хөтөлдөг. Гэвч гэрээгээ хагас дутуу сахих нь бидэнд ямар ч баталгаа өгөхгүй. (“Есүс Христэд гуйвшгүй үнэнч байх нь,” Ерөнхий чуулган, 2019 оны 10-р сар, 22-23)

Далын ахлагч Кэлли Р.Жонсон ийн заасан:

Зүрх сэтгэлийнхээ гүнд итгэлийг болон Бурханы үгийг суулгасан хүмүүс биднийг устгахын тулд илгээх дайсны галт сумнуудыг сөрөн, ялж гарах боломжтой байх болно. Ингэхгүй аваас бидний итгэл, найдвар, үзэл бодол тэсэн үлдэж чадахгүй ба … гэмтэж шархдаж болох юм.

Бурханы үгийг мөн Их Эзэн, Есүс Христэд болон Түүний Цагаатгалд итгэх итгэлийг өөрийн бодгальд гүн гүнзгий суулгах нь дайсныг болон түүний над руу шидэх юуг ч даван гарах Бурханы хүчийг хүртэх боломжийг олгодог гэдгийг би мэдэж авсан. Бэрхшээлтэй тулгарах үедээ бид … Их Эзэний … хэмээх амлалтад найдаж болно. …

Бэлтгэлийн үр дүнд Аврагч хүчинд өсөж, Сатаны бүх уруу таталтыг эсэргүүцэх чадвартай болсон. Аврагчийн жишээг даган, Бурханы үгийг судалж мөн итгэлээ гүнзгийрүүлж бэлтгэснээрээ бид уруу таталтыг эсэргүүцэх Бурханы хүчийг бас олж чадах болно. (“Дуусашгүй хүч,” Ерөнхий чуулган, 2020 оны 10-р сар, 125-126)

Нэмэлт суралцах үйл ажиллагаа

Хичээлийг эхлүүлэх өөр хувилбар

1-р сонголт

Хичээлээ эхлэхдээ ерөнхийлөгч Хэнри Б.Айринг, ерөнхийлөгч Гордон Б.Хинкли нарын зургуудыг үзүүлэх талаар бодож үзээрэй. Ерөнхийлөгч Айрингийн ерөнхийлөгч Хинклигийн оршуулга дээр ярьсан дараах түүхийг хуваалцаарай.

Дэлхий даяарх семинарын хөтөлбөрүүд дээр намайг өсвөр үеийнхэнд тань сайн мэдээг заах үүрэг хүлээсэн үед тэр надад “Хаал, чи яагаад сайн мэдээг тэдний зүрхэнд илүү сайн буулгаж болохгүй гэж?” гэж хэлээд, миний цээжин дээр долоовор хуруугаараа товшив. (“Things Will Work Out,” Liahona [In Memoriam: President Gordon B. Hinckley, Mar. 2008], Gospel Library)

Суралцагчдыг дараах асуултуудын талаар ярилцахад урь.

Аврагчийн сайн мэдээ зүрхэнд байна гэдэг нь юу гэсэн үг гэж та бодож байна вэ?
Өсвөр насныхны хувьд сайн мэдээг зүрхэндээ авах нь яагаад чухал вэ?

Суралцагчдыг Аврагчийн бошиглогч Иеремиагаар дамжуулан өгсөн амлалтуудыг олж мэдэн, зүрхэндээ мэдэрч болох сайн мэдээний үнэнийг таньж мэдэхэд туслах Сүнсийг урихад нь урамшуулан дэмжээрэй.

2-р сонголт

Үүнээс гадна та суралцагчдыг самбар дээр хатуу зүрх, зөөлхөн зүрх зурахыг урьснаар эхэлж болно. Та үүнийг сударт зүрх сэтгэл нь ихэвчлэн хэн нэгний “оюун хийгээд хүслийг” бэлгэддэг гэдгийг хуваалцаж болно (Gospel Library, Судруудын удирдамж, “Зүрх сэтгэл”). Их Эзэн Өөрийн хуулийг бидний зүрхэнд хэрхэн бичсэнийг судлахад суралцагчдыг бэлтгэхийн тулд та тэднээс дараахтай адил асуултуудыг асууж болно:

Бидний зүрх сэтгэлийн байдал яагаад чухал вэ?
Хэрэв бидний зүрх сэтгэл хатуу байвал тэдгээрийг зөөлрүүлэхийн тулд Их Эзэний тусламжийг эрэлхийлэхийн тулд бид юу хийж болох вэ?

Их Эзэний амлалтуудыг зүрхэндээ мэдрэх нь

Дараах үйл ажиллагаа нь Их Эзэний Өөрийн гэрээт хүмүүст амласан зарим агуу адислалыг судлахад суралцагчдад тусалж чадна. Дараах судрын хэсгээс заримыг эсвэл бүгдийг нь сонгоод, жижиг цаасан дээр бич. Суралцагчдыг хоёр хоёроор нь эсвэл жижиг бүлгүүдэд хуваарилаарай. Бүлэг бүрийг нэг нэг цаас сонгоод, сургаалыг судлахад урь. Бүлгүүд олж тогтоосон адислалуудаа хуваалцахад бэлтгэж болно.

Иеремиа 31:13–14

Иеремиа 31:16–17

Иеремиа 31:34

Иеремиа 32:17–19

Иеремиа 32:26–27

Иеремиа 33:6–8

Шүлгүүдийг судалсны дараа бүлэг бүрээс нэг төлөөлөгч судрын эшлэл, Их Эзэний адислалуудыг самбар дээр бичиж болно.

Сайн мэдээний хөгжим бидний зүрх сэтгэлд

Та суралцагчдад үнэнийг оюун ухаандаа мэдэх, зүрх сэтгэлдээ мэдрэх хоёрын ялгааг ойлгоход нь туслахын тулд “The Music of the Gospel (Сайн мэдээний хөгжим)” (5:42) видео бичлэгийг үзүүлж болно.

5:42

Видео бичлэгийн дараа та суралцагчдаас эдгээр үнэнийг зүрх сэтгэлдээ мэдрэхтэй харьцуулахад сайн мэдээний үнэнийг оюун ухаандаа мэдэх нь ямархуу байж болохыг асууж болно. Суралцагчид амьдралынхаа жишээнүүдээс хуваалцаж болно.

Зүрхэнд бичигдсэн Их Эзэний хуулийн үүрдийн хүч

Их Эзэний хуулийг зүрх сэтгэлдээ бичсэн хүмүүсийн зарим жишээг судлах нь суралцагчдад тустай байж болох юм. Та Аврагчийг зүрхэндээ Түүний хуулийг бичихийг зөвшөөрсөн нэг хүний эсвэл бүлэг хүмүүсийн тухай судрын түүхээс хуваалцахад суралцагчдыг урьж болно. Хэрэв суралцагчдад нэмэлт удирдамж хэрэгтэй бол та дараах жишээнүүдийг хуваалцаж болно:

Аврагчийн амилалтын дараа Иерусалим дахь шавь нар (Үйлс 2:37–42-ыг үзнэ үү).
Лемонай хааны үед байсан леменчүүд (Алма 23:5–8-ыг үзнэ үү).
Аврагч үзэгдсэний дараа нифайчууд (4 Нифай 1:2, 15–18-ыг үзнэ үү).

Суралцагчдыг өөрсдийн жишээг хуваалцсаны дараа та тэднээс хүмүүсийн юу мэдэрч, юу хийсэн нь тэдний зүрх сэтгэл өөрчлөгдөхөд хүргэсэн гэдгээс ямар сургамж авч болохыг асууж болно.