Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Гашуудал 1; 3: “ЭЗЭНий хайр энэрэл дуусдаггүй”

“Гашуудал 1; 3: ‘ЭЗЭНий хайр энэрэл дуусдаггүй,’” Хуучин Гэрээний семинарын багшийн гарын авлага (2026)

“Гашуудал 1; 3: ‘ЭЗЭНий хайр энэрэл дуусдаггүй,’” Хуучин Гэрээний семинарын багшийн гарын авлага

Хичээл 136: Иеремиа 31–33; 36–38; Гашуудал 1; 3

Гашуудал 1; 3

“ЭЗЭНий хайр энэрэл дуусдаггүй”

A Hispanic man gives the Savior, Jesus Christ, a hug. Christ is wearing a white robe.

Аврагч өрөвч сэтгэлээр дүүрсэн учраас биднийг Түүний эсрэг нүгэл үйлдсэн ч гэсэн эдгээж, тайтгаруулж, уучлахад бэлэн байдаг. Иерусалимыг нүгэл, бослогын улмаас устгагдсаны дараа Иеремиа Аврагчийн өрөвдөх сэтгэлийг ойлгож, үүнд итгэл найдварыг олоход нь иудейчүүдэд туслахыг эрэлхийлсэн. Энэ хичээл суралцагчдад нүгэл үйлдсэн үедээ ч гэсэн өөрсдийнх нь төлөөх Аврагчийн өрөвч сэтгэлийг мэдрэхэд тусалж чадна.

Суралцагчийн бэлтгэл: Суралцагчдыг Аврагчийн энэрлийн мөн чанарыг харуулсан судруудын түүхийг эргэн санахад урь. Суралцагчдад энэ түүхийг хичээл дээр дурдах боломж гарна.

Боломжит суралцах үйл ажиллагаа

Бид нүгэл үйлдсэний дараа

Нэгэн залуу эр амьдралдаа зөв сонголт хийхийн тулд чадах бүхнээ хийсэн гэж төсөөл. Нэг өдөр үдэшлэгт оролцож байхдаа үе тэнгийнхнийхээ дарамтад ороод, согтууруулах ундаа уусан байв. Учир нь тэр найзуудынхаа хүрээлэлд багтахыг хүсэж байв. Маргааш өглөө нь тэр сэрээд ганцаардаж, өөрийгөө буруутгаж, сэтгэлээр унасан байв. Тэр аажим аажмаар өөр буруу сонголт хийж, ирээдүйдээ найдах найдвараа алдаж эхэлдэг.

Дараах асуултуудад хариулсан суралцагчдын хариултыг самбар дээр бич. Бичсэн хариултуудыг хичээлийн туршид харж эш татна.

Нүгэл үйлдсэн хүн өөрийгөө юу гэж харж эсвэл мэдэрдэг вэ?
Тэд Тэнгэрлэг Эцэг, Есүс Христ хоёрын талаар хэрхэн харж, мэдэрч болох вэ?

Суралцагчдыг эдгээр хариултыг тунгаан бодож, өөрсдийнхөө мэдрэмжийг үнэлж дүгнэхэд урь.
Самбар дээрх мэдэгдлүүдийн аль нэгийг нь та бодож байсан уу?
Эдгээр мэдэгдлийн аль нь худал болохыг та мэдэх үү? Та алинд нь эргэлзэж байна вэ?

Бид бүгд нүгэл үйлдэж, “Бурханы алдар сууд хүрдэггүй” (Ром 3:23) гэдгийг санах нь чухал. Өнөөдөр Гашуудал номын талаар судлахдаа Тэнгэрлэг Эцэг, Есүс Христ хоёр таныг алдаа гаргасан үед ч гэсэн таны талаар юу мэдэрдгийг ойлгоход тань туслах Ариун Сүнсний өдөөлтийг олж мэдээрэй.

Нүгэл үйлдсэндээ харамсах

Дараах зургийг харуулах талаар бодож үз. Суралцагчдыг энэ зурган дээр харсан зүйлээ эсвэл энэ нь өөрсдөд нь ямар сэтгэгдэл төрүүлж байгааг хуваалцахад урь. Энэ зураг Иеремиаг болон түүний агуу харамслыг харуулж байгааг тайлбарла. Суралцагчид Иеремиагийн түүх,түүний яагаад харамсаж байсан тухай юу санаж байгаагаа хуваалцаж болно. Шаардлагатай бол дараах догол мөрөөс дэлгэрэнгүй мэдээллийг хуваалц.

The Cry of Jeremiah. From an engraving done at the Nazareen School.

40 орчим жилийн турш Их Эзэн Иеремиад Израилын угсааг наманчилж, Бурханд эргэж очихыг сонгохгүй бол Иерусалим сүйрч, олзлогдох тухай бошигло гэж хэлсэн. (Иеремиа 16:1–13-ыг үзнэ үү). Зедекиа хааны засаглалын үед вавилончууд Иерусалимыг устгаж, олон хүнийг олзлон авчирснаар Их Эзэний бошиглол биелжээ (Иеремиа 52-ыг үзнэ үү). Эдгээр үйл явдлаас хойш хэсэг хугацааны дараа Иеремиа Гашуудал номыг цэдэглэжээ.

Та гашуудал гэдэг үг нь гүн харамсал, уйтгар гунигийн илэрхийлэл гэсэн утгатай болохыг тайлбарлаж болно.

Дараах үйл ажиллагаа нь суралцагчдад Их Эзэний хүмүүсийн туулсан зовлон шаналлыг ойлгоход тусалж чадна. Та суралцагчдыг хоёр хоёроор нь эсвэл жижиг бүлгүүдэд хуваарилан зохион байгуулж, судрын хэсгүүдийг судлуулж болно. Иеремиа эдгээр шүлгийн ихэнхийг Иерусалимын өнцгөөс хот өөрөө ярьж байгаа мэт бичсэн гэдгийг тайлбарла.

Дараах хэсгүүдээс нэгийг эсвэл хоёрыг уншиж, хүмүүс нүглийнхээ улмаас зовж шаналсныхаа дараа ямар мэдрэмжтэй байсныг илэрхийлсэн үг, хэллэгийг олж мэдээрэй.

Гашуудал 1:1–4

Гашуудал 1:16–18

Гашуудал 1:20–22

Та ямар үг, хэллэгүүдийг олж мэдсэн бэ?

Суралцагчдад олж мэдсэн зүйлээ мөнхийн талаас нь шинжлэн судлахад нь туслахын тулд та дараах асуултыг асууж болно.
Тэнгэрлэг Эцэг, Есүс Христ хоёр биднийг хайрладаг гэдгийг мэдсэнээр яагаад биднийг нүгэл үйлдсэн үед Тэд бидэнд ийм зовлон шаналал мэдрэх боломжийг олгодог гэж та бодож байна вэ?

Хэрэв суралцагчдад энэ асуултад хариулахад тусламж хэрэгтэй бол та тэднийг 2 Коринт 7:9–10; Алма 42:18, 29; Сургаал ба Гэрээнүүд 95:1 зэрэг шүлгүүдийг уншихад урьж, тэд боломжит хариултуудыг хайж олж болно.

Аврагчийн хайр энэрэл

Хичээлийн үлдсэн хэсэг нь биднийг нүгэл үйлдэхэд ч гэсэн Аврагчийн өрөвч сэтгэлийг мэдрэхэд суралцагчдад тусалж чадна.

Та суралцагчдыг хоёр хоёроор нь хуваарилснаар дараах сургаалыг судалж, дагалдах асуултуудад хариулуулж болно. Жишээлбэл нэг суралцагч 22–26-р шүлэг, нөгөөх нь 31–33-р шүлэг-ийг судалж болно.

Хичээлийн эхэнд бичсэн самбар дээрх мэдэгдлүүдийг эргэцүүлэн бодоорой. Гашуудал 3:22–26, 31–33-ыг уншаад, ийм бодол мэдрэмжтэй хүнтэй хуваалцах үг, хэллэгүүдээ хайж ол.

Та ямар үг, хэллэгийг хуваалцах вэ? Яагаад?
Та тэднийг эдгээр шүлгээс ямар үнэнийг ойлгоосой гэж хүсэж байна вэ?

Суралцагчид хуваалцаж байхдаа дараах үнэнийг олж тогтоож болох юм: Их Эзэн биднийг нүгэл үйлдсэн үед ч гэсэн өрөвч сэтгэлээр ханддаг.

Хэрэв суралцагчдад өрөвч сэтгэл гэдэг үгийг ойлгоход тусламж хэрэгтэй бол та дараах тодорхойлолтыг хуваалцаж болно: “Судруудад өрөвдөх сэтгэл гэдэг нь шууд утгаараа ‘үүний төлөө зовж шаналах’ гэсэн утгатай. Энэ нь мөн бусдад энэрэнгүй, өрөвч, нигүүлсэнгүй хандах гэсэн утгатай” (Gospel Library, Судруудын удирдамж, “Өрөвч сэтгэл” ).

Суралцагчид Аврагчийн өрөвч сэтгэлийг илүү сайн ойлгохын тулд дараах үйл ажиллагааг хийж болно. Суралцагчид дараах сонголтуудын нэгийг судлахын оронд Аврагчийн өрөвч сэтгэлийг харуулсан өөр түүхийг бодоод, судруудаас судалж болно.

Дараах судлах сонголтуудаас нэгийг хийж дуусгаад, Аврагчийн өрөвч сэтгэлийг амьдралдаа хэрхэн мэдэрч болохыг илүү сайн ойлгоход тань юу тусалдгийг олж мэд.

Аврагчийн өрөвч сэтгэлийг харуулсан дараах түүхүүдээс нэгийг нь судлаарай: Матай 18:23–35; Иохан 8:1–11.
Аврагчийн өрөвч сэтгэлийн талаар заадаг дараах судрын хэсгүүдээс нэгийг эсвэл хоёрыг нь судал: Мозая 15:7–9; Сургаал ба Гэрээнүүд 64:2–4; Сургаал ба Гэрээнүүд 101:9.

Суралцагчдыг сурч, мэдэрсэн зүйлээ бие биедээ заахад урих талаар бодож үзээрэй. Та ангийнхантайгаа хуваалцах хүсэлтэй сурагчдыг урьж болно.

Дараах гэрчлэл ч энэ ярилцлагад тусалж магадгүй юм.

Арван хоёр төлөөлөгчийн чуулгын ахлагч Дэйл Г.Рэнланд ийн гэрчилсэн:

15:46

Есүс Христ бидний нүглийн төлөөх үнийг төлсөн учраас өршөөдөг.

Гэтэлгэгч маань Өөрийн юутай ч харьцуулшгүй нигүүлсэл, хайраараа өршөөхийг сонгодог билээ.

Аврагч маань уучилж өршөөхийг хүсдэг. Энэ нь Түүний тэнгэрлэг зан чанаруудын нэг юм.

Сайн Хоньчин Тэрээр биднийг наманчлахыг сонгох үед баяр баясгалантай байдаг.

Бид өөрсдийн хийсэн үйлдлийн төлөө бурханлаг харамслыг мэдрэн, наманчлахаар сонгох үедээ амьдралдаа Аврагчийг тэр даруй урьдаг. (“Наманчлал: Баяр хөөр авчрах сонголт,” 2016 оны 10-р сарын Ерөнхий чуулган, 121-124)

Намайг гэсэн Аврагчийн өрөвч сэтгэлийг мэдрэх нь

Та эсвэл таны таньдаг хэн нэгэн Аврагчийн өрөвч сэтгэлийг хэзээ мэдэрсэн бэ? (Өнгөрсөнд хийсэн нүглээ эсвэл хэт хувийн ямар нэг зүйлийг хуваалцахгүй гэдгээ санаарай.)

Хичээлийн эхэнд гарсан залуу эрийн тухай суралцагчдад сануулж хэлээрэй.
Та өнөөдөр сурсан зүйл дээрээ үндэслэн энэ залуу эртэй юу хуваалцах байсан бэ?

Нэмэлт эх сурвалжууд

Хэрэв миний сонголт намайг Тэнгэрлэг Эцэг, Есүс Христ хоёроос хэт холдуулсан гэж бодвол яах вэ?

Арван хоёр төлөөлөгчийн чуулгын ахлагч Дийтр Ф.Угдорф ийн заасан:

14:31

Магадгүй зарим нь бүр дотроо, “Буцаж очих боломжтой болов уу? Хуучин найзууд минь намайг үргэлж элдвээр дуудаж, надаас татгалзаж, нүүр буруулах болов уу? Алдагдсан хэвээр байх нь дээр юм болов уу? Буцаж очих гэж оролдвол Бурхан яах бол?” гэж бодож байж болно. …

Бидний Тэнгэрлэг Эцэг хайр, энэрлээр дүүрэн зүрх сэтгэлээр биднийг угтан гүйх болно. …

Биднийг эргэн ирэхэд тэнгэр баярлах болно. (“Алдагдсан хүү ба гэрт хүргэх зам,” Лиахона, 2023 оны 11-р сар, 86-88)

Аврагчийн өрөвч сэтгэл надад хэрхэн тусалж чадах вэ?

Арван хоёр төлөөлөгчийн чуулгын ахлагч Дэйл Г.Рэнланд ийн тайлбарлажээ:

Бидний төгс бус байдалд Аврагч нинжин сэтгэлээр ханддаг нь биднийг Түүнд ойртуулдаг төдийгүй бидний наманчлах болон Түүнийг дуурайх байнгын хичээл зүтгэлийг урамшуулан дэмждэг билээ. (“Бидний сайн хоньчин,” 2017 оны 4-р сарын Ерөнхий чуулган, 15-18)

Далын ахлагч Питэр Ф.Мөрс ийн гэрчилжээ:

10:2

Шийдэгдээгүй байгаа нүглийн ачааг үүрч, урт хугацааны өмнө таныг гомдоосон явдалд шаналж эсвэл санамсаргүй гаргасан алдааныхаа улмаас өөрийгөө уучлахад хэцүү байвал танд Аврагч Есүс Христийн эдгээх, гэтэлгэх хүчнээс хүртэх боломж танд байгаа.

Түүнийг амьд гэдгийг би гэрчилж байна. Тэр бол бидний Аврагч, Гэтэлгэгч. Тэр бидэнд хайртай. Тэр биднийг өрөвдөн хайрладаг бөгөөд нигүүлслээр дүүрэн байдаг. Мөн Тэр таныг эдгээж чадна. (“Тэр намайг эдгээж чадна!,” Лиахона, 2023 оны 5-р сар, 39-41)

Хэрэв би наманчлахыг хичээж байгаа ч хэцүү байвал яах вэ?

Арван хоёр төлөөлөгчийн чуулгын ахлагч Ричард Г.Скотт (1928–2015) ийн гэрчилсэн:

15:25

Урьдын буруу сонголтынхоо үр дагавраас ангижрахыг хүсэгч хүмүүст дуулгах баярт мэдээ бол Их Эзэн сул дорой байдлыг эсэргүүцлээс өөрөөр авч үздэг явдал юм. Наманчлаагүй эсэргүүцэл нь ял шийтгэл авчирдгийг Их Эзэн анхааруулдаг бол харин сул дорой байдлын тухайд үргэлж нигүүлсэнгүйгээр ярьдаг билээ. (“Есүс Христийн Цагаатгалаар дамжуулан хүчирхэгжих нь,” 2013 оны 10-р сарын Ерөнхий чуулган, 93-96)

Арван хоёр төлөөлөгчийн чуулгын ахлагч Нийл Л.Андэрсэн ийн хуваалцсан:

Хэрэв та нар өөрчлөгдөх хүсэлдээ тууштай байхад хэцүү болж, нэг ижил алдааг гаргадаг бол Тэнгэрлэг Эцэгтээ хайраа илэрхийлж, Их Эзэн Есүс Христэд итгэх итгэлээ хүчирхэгжүүлээрэй. Түүний тухай мэдэж, Түүний ариун нандин Цагаатгалын тухай судалж, Түүний таны төлөө хэрхэн зовж шаналсан тухай гүн гүнзгий бодоорой. Түүний зарлигуудыг илүү ягштал сахигтун. Та нарыг Аврагчид итгэх итгэлээ хөгжүүлэхийн тулд өөрсдийн чадахаа хийх үед тэнгэр итгэлийн энэхүү бэлгийг улам гүнзгийрүүлэх бөгөөд та нар нүглээ наманчилж, тэдгээртээ эргэн очихгүй байх сүнслэг хүч чадалтай байх болно гэдгийг би амлаж байна. (Уучлалын тэнгэрлэг бэлэг [2019], 104)

Нэмэлт суралцах үйл ажиллагаа

Эхлүүлэх өөр хувилбар

Хичээлийг эхлүүлэх өөр хувилбарыг хайж, “Point of Safe Return (Аюулгүй буцан ирэх цэг)” видео бичлэгийг 0:00-ээс 1:58 хүртэл цагийн кодтойгоор үзүүлэхийг бод. Энэ видео бичлэг дээр Арван хоёр төлөөлөгчийн чуулгын ахлагч Дийтр Ф.Угдорф Аврагчийн эдгээж, уучлах чадварын тухай заах зүйрлэлийг хуваалцсан.

15:39

Дараах асуултын дагуу ярилцахад суралцагчдыг урь:

Биднийг нүгэл үйлдэх үед Сатан “буцах гарцгүй цэг” өнгөрлөө гэж биднийг ятгах ямар арга зам байдаг вэ?

Суралцагчдыг хийсэн нүглийнхээ эсвэл алдааныхаа төлөө өршөөгдөх боломжгүй гэж үзэж байсан эсэхээ тунгаан бодоход урь. Дараах мэдэгдлийг хуваалцах талаар бодож үзээрэй.

Ахлагч Угдорф ийн үргэлжлүүлэв:

Христ биднийг аврахаар ирсэн билээ. Хэрэв бид буруу замаар орох юм бол, нүгэл бол эргэх гарцгүй цэг биш гэдгийн баталгааг Есүс Христийн цагаатгал бидэнд өгч чадна. Хэрэв бид өөрсдийнхөө авралын төлөө Бурханы төлөвлөгөөг дагавал аюулгүйгээр буцах нь бүрэн боломжтой юм. (“Point of Safe Return,” Liahona, May 2007, 99)

Суралцагчид судалж байхдаа Аврагчийн биднийг нүглээс аврах чадварын нотолгоог олж мэдэж болно.

Бурханлаг байдлаар гашуудах хэрэгцээ

Суралцагчдад бид яагаад гэм буруугаа мэдэрч, нүгэл үйлдсэн үедээ зовж шаналдаг талаар асуултууд байж болно. Эдгээр асуултад хариулах нэг арга зам бол бурханлаг гашуудал ямар үүрэг гүйцэтгэдгийг судлах явдал юм.

Суралцагчдыг бурханлаг гашуудал, ертөнцийн гашуудал хоёрын ялгааг тунгаан бодоход урь. Суралцагчид төлөөлөгч Паулын 2 Коринт 7:9–10-т заасан зүйлийг судалж болно. Түүнчлэн тэд Мормон 2:11–14-т нүглээсээ болж гашуудсан нифайчуудын тухай уншиж болно. Суралцагчид дараах асуултыг ярилцаж болно:

Та бурханлаг гашуудал, ертөнцийн гашуудал хоёрын талаар юу мэдэж авсан бэ?

Та мөн Тэргүүн зөвлөлийн ерөнхийлөгч асан Дийтр Ф.Угдорфын дараах мэдэгдлийг хуваалцаж болно:

16:19

Бурханы хүслийн дагуух харуусал нь Есүс Христийн цагаатгалаар дамжуулан өөрчлөлт ба найдвар луу хөтөлдөг. Ертөнцийн харуусал нь биднийг доройтуулан, найдварыг үгүй болгож, уруу таталтуудад зай тавьж өгдөг.

Бурханы хүслийн дагуух харуусал нь хөрвөлт хийгээд зүрх сэтгэлийн өөрчлөлт рүү хөтөлдөг. Энэ нь биднийг нүглийг үзэн ядаж, сайн сайхан зүйлийг хайрлахад хүргэдэг. Энэ нь бидэнд уналтаасаа босож, Христийн хайрын гэрэлд амьдрахад урам зориг өгдөг. Жинхэнэ наманчлал бол зовлон шаналал биш, харин өөрчлөлтөд хүргэдэг үйл явц юм. Тийм ээ, чин сэтгэлийн харуусал болон дуулгаваргүй байдлын төлөөх гэмшил нь ихэвчлэн сэтгэл өвтгөм хэцүү байдаг бөгөөд наманчлалын ариусгах үйл явцын маш чухал алхмууд мөн. Харин гэм буруу нь өөрийгөө үзэн ядахад хүргэдэг эсвэл дахин өндийн босоход саад болдог. Энэ нь бидний наманчлалд түлхэц үзүүлдэггүй харин үүнд саад тотгор учруулдаг. (“Та одоо босож чадна аа!,” 2013 оны 10-р сарын Ерөнхий чуулган, 65-68)