Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Иеремиа 36: Бурханы үг

“Иеремиа 36: Бурханы үг,” Хуучин Гэрээний семинарын багшийн гарын авлага (2026)

“Иеремиа 36: Бурханы үг,” Хуучин Гэрээний семинарын багшийн гарын авлага

Хичээл 135: Иеремиа 31–33; 36–38; Гашуудал 1; 3

Иеремиа 36

Бурханы үг

Old Testament Prophet writing on a scroll

Судрууд бол бидний Есүс Христтэй холбогдох холбооны салшгүй хэсэг юм. Судруудаас суралцах нь Түүний хүч чадлыг бидний амьдралд урин дуудаж, бидний бодол санаа, зүрх сэтгэлийг Түүн рүү чиглүүлдэг. Урвалтын үед Их Эзэн бошиглогч Иеремиад Иудагийн хүмүүст Их Эзэний үгийг бичиж, илгээхийг зааварласан ба ингэснээр тэд Түүнд хандаж, өршөөгдөх боломжтой болох байжээ. Энэ хичээл судрууд нь суралцагчдыг Есүс Христ рүү чиглүүлснээр хэрхэн нүглээс өршөөгддөг болохыг ойлгоход нь тусалж чадна.

Суралцагчийн бэлтгэл: Суралцагчдыг хувиараа судар судлах зорилгоо, тухайн жилдээ унших шаардлагатай байгаа ахиц дэвшлээ эргэн харахад урих талаар бодож үзээрэй. Та мөн суралцагчдыг судар судлах нь Их Эзэнд хандахад хэрхэн тусалж байгаа талаар эргэцүүлэн бодоход урьж болно.

Боломжит суралцах үйл ажиллагаа

Чанга ярих

Их Эзэн биднийг хайраар засаж залруулж, Өөртөө авчрахын тулд судруудыг хэрхэн ашигладаг талаар суралцахад суралцагчдыг бэлдэхэд нь туслах арга замын талаар бодоорой. Үүнийг хийх нэг арга зам бол суралцагчдыг ярихад таагүй нөхцөл байдлын талаар бодуулах явдал юм. Шаардлагатай бол та дараах нөхцөл байдлыг ашиглаж болно.

Танд санаа тавьдаг хүн дараах нөхцөл байдлуудад хэрхэн хариу үйлдэл үзүүлж болох вэ?
- Таны найз өдрийн хоол идсэнийхээ дараа таны шүдэнд хоол наалдсан байгааг анзаарчээ.
- Та зохисгүй үйл ажиллагаа явуулах үдэшлэгт уригджээ. Таны найз үйл ажиллагааг мэдэж байгаа ч таныг явахаар тэсэн ядан хүлээж байгааг мэднэ.
Ийм нөхцөлд хэн нэгнийг ярьж дуу хоолойгоо гаргахад юу зоригжуулж болох вэ?
Ямар нэг юм хэлбэл эсвэл дуугүй байвал ямар үр дүнд хүрэх вэ?

Тэнгэрлэг Эцэг, Есүс Христ хоёр бидний мэддэггүй, хардаггүй зүйлсийг мэддэг, хардаг. Тэд бидэнд хамгийн сайн сайхныг хүсдэг бөгөөд судруудаар дамжуулан бидэнд хандан ярьдаг ( 2 Нифай 32:3; Сургаал ба Гэрээнүүд 1:37–38-ыг үзнэ үү). Өнөөдөр суралцаж байхдаа судруудын амьдралыг тань адисалж болох арга замуудыг тунгаан бодоорой. Эдгээр санаа таныг бие даан суралцахад хэрхэн нөлөөлж болохыг бод.

Судрын зорилго

Иеремиа 36:1–3-ыг уншиж, яагаад Их Эзэн Иудагийн хүмүүст өөрийн үгийг цэдэглэхийг Иеремиад зарлигласныг олж мэд.

Их Эзэн Иудагийн ард түмний төлөө юу хүссэн бэ?
Эдгээр шүлэг судрын зарим зорилгын талаар бидэнд юу заадаг вэ?

Суралцагчид Их Эзэнд хандаж, Түүний өршөөлийг хүлээн авахад судрууд бидэнд тусалдаг гэсэн үнэнийг олж тогтоож болно.

Та суралцагчдыг “Ингэснээр хүн бүр муу замаасаа эргэх юм”, “Би тэдний хилэнц ба нүглийг уучилна” (3-р шүлэг) гэсэн хэллэгүүдийг тэмдэглэхэд урьж болно. Тэд олж мэдсэн үнэнээ судрууд дээрээ эдгээр хэллэгийн ойролцоо бичиж болно.
Судрууд бидэнд Их Эзэнд хандаж, Түүний өршөөлийг хүлээн авахад хэрхэн тусалдаг вэ?

Суралцагчдын хариултуудыг самбарт жагсаан бичих талаар бодож үз. Суралцагчид хуваалцаж байх үедээ дараах судруудад байгаа санаануудыг харж болно. Та эдгээр судартай танилцаж, суралцагчдыг хуваалцаж байх үед тэдэн дээр очиж болно. Үүнээс гадна суралцагчдыг өмнөх асуултад цөөн хэдэн хариулт хуваалцсаны дараа та дараах зааврыг өгч, самбар дээрх санаанууд дээр нэмж болно.

Дараах судрын сургаалуудыг уншаад, Их Эзэнд хандаж, нүглээсээ уучлагдахад бидэнд туслах нэмэлт арга замуудыг судруудаас олж мэдээрэй.

2 Тимот 3:16

Алма 37:8

Хиламан 15:7

Хаан ба хуйлмал ном

Та дараах догол мөрийг хураангуйлж эсвэл уншиж болно.

Иеремиа Их Эзэний зарлигласан зүйлийг хийж, Их Эзэний үгсийг хуйлмал номон дээр бичихийг Барух гэгчээс хүсэв. Иеремиа шоронд орсон учраас Иудагийн ард түмэнд, түүний дотор хэд хэдэн ноёнд хэлсэн Их Эзэний үгсийг уншихыг Барухаас тэрээр хүсжээ. Үүнийг хийсний дараа Барух хуйлмал бичгийг Иудагийн хаан Иехоиакимд уншуулахын тулд уг хуйлмал номыг түшмэдэд өгчээ ( Иеремиа 36:4–10, 14–15, 20–21-ийг үзнэ үү).

Иеремиа 36:20–24-ийг уншаад, Иехоиаким хаан хуйлмал номон дээрх үгсийг сонсоод, хэрхэн хариу үйлдэл үзүүлснийг олж мэд. 23-р шүлэг-т гардаг “тэр” гэдэг нь Иехоиаким хааныг хэлж буй билээ юм.

Хаан яагаад ингэж хариу үйлдэл үзүүлсэн гэж та бодож байна вэ?

Иеремиа 36:25-ыг уншаад, зарим түшмэл хаанд хэрхэн нөлөөлөх гэж оролдсоныг олж мэд.

Суралцагчдыг өөрсдийгөө 25-р шүлэг-т гардаг түшмэд байсан гэж төсөөлөн бодоход урь. Өнөөдрийн хичээл дээр сурсан зүйлээ ашиглан, судрууд түүний амьдралыг хэрхэн адисалж болохыг ойлгоход нь туслах хариултыг хаанд бэлдэхийг суралцагчдаас хүсээрэй.

Энэ үйл ажиллагааг хийх нэг арга бол ангийг гурван бүлэг болгон зохион байгуулах юм. Суралцагч бүр нэг түшмэлийг төлөөлж, бүлгүүд хариултуудаа хамтад нь бэлтгэж болно. Дараа нь та нэг бүлгийг ангийн урд гарч ирээд, тэдний хаантай харилцсан байдлыг жүжиглэн үзүүлэхэд урьж болно. Та өөр нэг суралцагчийг хааны дүрд тоглоход урьж эсвэл та багшийн хувьд энэ дүрд тоглож болно. Та суралцагчдад хаанаас хуйлмал номыг шатаахгүй байхыг ятгасан түүхийн өөр төгсгөлийг жүжиглэхийг зөвлөж болно.

Таны хариултаас гарах сургаалууд өсвөр үеийнхэнд тусалж болох орчин үеийн ямар нөхцөл байдал байж болох вэ?

Та ойлгож мэдсэн зүйлээ эргэцүүлэн бодоорой

Та суралцагчдад Иеремиа 36-г судалснаараа сурсан зүйлээ эргэцүүлэн бодоход нь туслахын тулд дараах мэдэгдлийг хуваалцаж болно.

Арван хоёр төлөөлөгчийн чуулгын ахлагч Д.Тодд Кристоффэрсон ийн заасан:

Бурхан судруудаар дамжуулан Бурхан хүүхдүүдээ авран өргөмжлөх “өөрийнхөө хүчийг үзүүлдэг юм” [ Алма 37:14-ийг үзнэ үү]. Бурхан Өөрийнхөө үгээр дамжуулан … ой санамжийг тэлж, худал бурууг залруулж, биднийг нүглээ наманчлан, өөрсдийн Гэтэлгэгч, Есүс Христэд баясахад хүргэдэг. (“Судрын адислал, 2010 оны 4-р сарын Ерөнхий чуулган, 38).

Ангийнхантайгаа хуваалцахаас нь өмнө дараах асуултыг тунгаан бодож, хариултаа бичиж тэмдэглэх цагийг суралцагчдад гаргаж өгөх нь тустай байж болох юм.

Судрууд Их Эзэнд хандаж, Түүний өршөөл, удирдамжийг хүлээн авахад тань хэрхэн тусалж болохыг мэдэх нь бие даан судлахад хэрхэн нөлөөлж болох вэ?

Энэ нь суралцагчдын хувьд бие даан судлах зорилгоо болон семинарын кредитэд шаардлагатай уншлагын талаар эргэцүүлэн бодох сайхан боломж байж болох юм. Суралцагчдыг бие даан судраас судлах явцдаа хэрхэн Есүс Христэд хандахад илүү анхаарах талаар бодож, зорилгоо эргэн харахыг урих талаар бодож үзээрэй.

Нэмэлт эх сурвалжууд

Судар судалснаар ямар адислал ирж болох вэ?

Ерөнхийлөгч Рассэлл М.Нэлсон ийн заасан.

15:1

Та нар өдөр бүр Мормоны Номыг залбирч судалбал өдөр бүр илүү сайн шийдвэр гаргадаг болно гэдгийг би амлаж байна. Та нарыг судалж байгаа зүйлийнхээ талаар эргэцүүлэн бодох үед тэнгэрийн цонх нээгдэн, та нар асуултуудынхаа хариултыг болон хувийнхаа амьдралд удирдамж хүлээн авах болно гэдгийг амлая. Та нар өдөр бүр Мормоны Номонд өөрсдийгөө эзэмдүүлбэл … тухайн өдрийн хилэнцийн эсрэг дархлаатай болох боломжтой гэдгийг би амлаж байна. (“Мормоны Ном: Үүнгүйгээр таны амьдрал ямар байх байсан бэ?,” 2017 оны 10-р сарын Ерөнхий чуулган, 58)

Ерөнхийлөгч Эзра Тафт Бэнсон ийн тайлбарлав:

Судруудад байдаг Бурханы үг нь … гэгээнтнүүдийг бэхжүүлэх, тэднийг Сүнсээр зэвсэглэх хүчтэй бөгөөд ингэснээр тэд хилэнцийг эсэргүүцэж, сайн сайхныг зууран барьж, энэ амьдралаас баяр баясгаланг олж чадна. (Teachings of Presidents of the Church: Ezra Taft Benson [2014], 118)

Арван хоёр төлөөлөгчийн чуулгын ахлагч Д.Тодд Кристоффэрсон ийн хуваалцжээ:

Эцэст нь бүх судрын гол зорилго бол Бурхан Эцэг болон Түүний Хүү Есүс Христэд итгэх итгэлээр бидний оюун санааг дүүргэж өгдөг юм. Тэд байдаг гэдэгт итгэх итгэлээр, бидний үхэшгүй байдал болон мөнх амьдралд зориулсан Эцэгийн төлөвлөгөөнд итгэх итгэлээр, аз жаргалын төлөвлөгөөг боломжтой болгогч Есүс Христийн Амилалт болон Цагаатгалд итгэх итгэлээр, Есүс Христийн сайн мэдээг амьдралынхаа замнал болгох итгэлээр, “Цорын ганц үнэн Бурхан болон [Түүний илгээсэн] Есүс Христийг” (Иохан 17:3) танин мэдэх тэрхүү итгэлээр судрууд бидний бодгалийг дүүргэх болно. …

[T]эр бошиглогчдын үгс … телевизор, радио, интернэт, хиймэл дагуул, … хэвлэлээр дамжин бидэнд байнга ир[дэг]. Хүмүүс ийм их ариун судраар … адислагдсан төдийгүй эрэгтэй, эмэгтэй хүн бүр, мөн хүүхэд бүр эдгээр ариун судруудтай байж, тэдний олонх нь судруудыг төрөлх хэлээрээ унших боломжтой байгаа ийм цаг үе өмнө нь түүхэнд байгаагүй гэж би бодож байна. … Их Эзэн энэхүү адислалаар дамжуулан бидний үед судруудыг үргэлж хэрэглэж, судлах нь урьдын ямар ч цаг үеэс илүү чухал юм гэж хэлж байна. (“Судрын адислал,” 2010 оны 4-р сарын Ерөнхий чуулган, 40)

Нэмэлт суралцах үйл ажиллагаа

Судрууд уруу таталтыг даван туулахад бидэнд тусалж чадна

Та дараах зүйлсийг “Судрын зорилго” гарчигтай хэсгийн төгсгөлд хийж болно.

Арван хоёр төлөөлөгчийн чуулгын ахлагч Нийл Л.Андэрсэны өгүүлсэн дараах түүхийг хуваалц. Энэ түүхийг хуваалцах нэг арга зам бол суралцагчдыг гурваар нь бүлэг болгон хуваарилаад, эшлэлийн хуулбарыг бүлэг бүрд тарааж өгөх явдал юм. Суралцагч бүр нэг догол мөрийг уншиж болно. Та суралцагчдад уншиж байхдаа бодоод, дараа нь ярилцах асуултуудыг самбар дээр бичиж болно.

Би ахлах сургуульд байхдаа семинарт оролцож байх үед нөгөө талын эгнээнд суудаг нэг найзтай байсан юм. Тэр ухаалаг, сайхан сэтгэлтэй, халуун дулаан зан чанартай хүн байв. Бид семинараас гадуур бие биетэйгээ бараг уулздаггүй байв. Ахлах сургуулийн ахлах ангид байхдаа бид семинарын ангид танилцаж, бидний хувьд утга учиртай олон зүйлийн талаар ярилцдаг байсан юм.

Найз маань зөвийг хийж, зарлигуудыг дагах хүсэлтэй байгаа мэт санагдаж байсан ч зарлигуудад үргэлж дуулгавартай байх нь түүнд хэцүү байв. Тэрээр семинарын хичээл дээр Бурханы хайр, сайн мэдээний тухай ярьдаг байсан ч даваа гарагийн өглөө гэхэд түүний амралтын өдрөөр хийдэг зүйлс, мэргэн ухааны үгийг дагах, Сүмийн бусад жишгийг сахихад хүндрэлтэй байдгийг нь мэдэж авсан юм. Заримдаа тэр амралтын өдрүүдийнхээ тухай надтай ярилцдаг байв. Тэр хийсэн зүйлдээ харамсаж, илүү сайныг хийхийг хүсэж байгаа юм шиг санагддаг байсан. Би түүнд хүсэл эрмэлзлийн талаар, зөв найз сонгох, зарим нэг нөхцөл байдалд орохгүй байх, үгүй гэж хэлэх зэргийн талаар ярьж урамшуулдаг байлаа. Тэр урам хайрласанд минь талархдаг юм шиг санагдсан ч хэдэн сарын турш мөн адил зүйлийг хийсээр л байв. Тэр өөрчлөгдөж, наманчлахыг хүсэж байгаа тухай ярьдаг байсан ч хэзээ ч тийм зүйл тохиолдоогүй.

Хэрэв би өнөөдөр түүнтэй ярилцаж байсан бол наманчлалд шаардагдах алхмуудын талаар, мөн түүний өөрчлөгдөх, наманчлах, уучлагдах чадварынх нь эх сурвалж, хүч чадлын талаар багыг ярих байсан. Би түүний Есүс Христэд итгэх итгэлийн талаар ярих байсан. Хэрэв тэрээр Христэд итгэх итгэл, мэдлэгээ хөгжүүлж, Түүнд итгэх итгэлээ хүчирхэгжүүлбэл Түүнд итгэх итгэл, найдвар нь зан авираа өөрчлөхөд нь түүнд туслах түүний хүч чадлыг авчирна гэдгийг ойлгоход нь би түүнд туслахыг хичээх байсан. (Уучлалын тэнгэрлэг бэлэг [2019], 98–99)

Ахлагч Андэрсэн юуг өөрөөр хийх байсан бэ? Яагаад?
Судрууд энэ залуу эмэгтэйд хэрхэн тусалж чадах байсан бэ? (Энэ асуултад хариулахад туслахын тулд Нэмэлт эх сурвалжууд дээрх ахлагч Кристоффэрсоны хэлсэн мэдэгдлийг ашиглах талаар бодож үз.)

Судруудын үнэ цэн

Суралцагчдад судруудын ач холбогдлыг мэдрэхэд нь туслахын тулд та энэ видео бичлэг-ийг үзүүлж болно. Та үүнийг хичээлийн сүүлийн хэсгээс өмнө хийж болно.

0:60

Ерөнхийлөгч Нэлсоны мэдэгдлээс юу нь танд онцгой санагдсан бэ?
Судрууд танд Есүс Христэд хандахад хэрхэн тусалсан бэ?

Барух ба Иехоиаким хаан

Суралцагчдад судар судлах харьцуулах ур чадварт дадлага хийхэд нь туслахын тулд та тэднийг хуйлмал номд Иехоиаким хааны үзүүлсэн хариу үйлдлийг (Иеремиа 36:20–23-ыг үзнэ үү) Иеремиагийн бичээч Барухын хариу үйлдэлтэй харьцуулж үзэхэд урьж болно (Иеремиа 36:27–28, 32-ыг үзнэ үү).

Иехоиаким хаан Иеремиагаар дамжуулан хэлүүлсэн Их Эзэний үгээс татгалзсаныхаа үр дагаврыг амссаныг дурдаж болно. Иехоиаким бүслэгдэж, Вавилонд олзлогдсон (Иеремиа 22:18–19-ийг үзнэ үү). Харин Барух Иеремиагийн дамжуулан хэлсэн Их Эзэний үгсэд итгэлтэй байсныхаа төлөө адислагдсан (Иеремиа 45:5-ыг үзнэ үү).