Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Иеремиа 2–3: “Буцаж ирэгтүн … Би энэрэнгүй гэж ЭЗЭН тунхаглаж байна”

“Иеремиа 2–3: ‘Буцаж ирэгтүн … Би энэрэнгүй гэж ЭЗЭН тунхаглаж байна,’” Хуучин Гэрээний семинарын багшийн гарын авлага (2026)

“Иеремиа 2–3: ‘Буцаж ирэгтүн … Би энэрэнгүй гэж ЭЗЭН тунхаглаж байна,’” Хуучин Гэрээний семинарын багшийн гарын авлага

Хичээл 131: Иеремиа 1–3; 7; 16–18; 20

Иеремиа 2-3

“Буцаж ирэгтүн … Би энэрэнгүй гэж ЭЗЭН тунхаглаж байна”

Иеремиагийн үед дэлхийн нөлөө өнөөгийнхтэй адил хүчтэй байсан. Их Эзэний олон хүн Түүний сургаалаас холдож, удалгүй дайснууддаа эзлэгдэх болсон. Тэдний ёс бус байдлыг үл харгалзан Иеремиа Бурхан тэднийг Өөрт нь хандаж, эдгэрэхийг урьсаар байгаа гэдгийг заахаар илгээгдсэн. Энэ хичээл суралцагчдад нигүүлсэл, эдгэрлийн төлөө Аврагчид хандах хүслээ нэмэгдүүлэхэд нь тусалж чадна.

Суралцагчийн бэлтгэл: Суралцагчдыг наманчлалын адислалуудын тухай заасан судрын хэсгийг олоход урь. Тэд тэдгээр адислал яагаад тэдэнд утга учиртай болохыг хуваалцахад бэлтгэж болно.

Боломжит суралцах үйл ажиллагаа

Ус тогтоон барьдаггүй цистерн

Суралцагчдад Иеремиагийн үеийн хүмүүсийн нөхцөл байдлыг ойлгоход туслахын тулд Их Эзэн бидэнд сүнслэг үнэнийг бидний мэддэг зүйлстэй харьцуулж олж харахад тусалдаг гэдгийг тайлбарла.

Ангид устай сав, таваг эсвэл том аяга, ёроолд нь хэдэн жижиг нүхтэй аяга авчир.

Суралцагчдыг дараах шүлгийг уншиж байх үед устай савыг барь.

Иеремиа 2:13-ыг уншаад, ус нь Аврагчийг төлөөлж болох гарчгийг ол. (“Цистерн” гэдэг нь ус нөөцлөхөөр бүтээгдсэн газрын доор байдаг хэсэг)

“Амийн усны усан оргилуур (эсвэл булаг)” гэсэн гарчиг нь Есүс Христийн талаар юу зааж өгдөг вэ?

Суралцагчид Есүс бол цэвэршүүлэх, сүнслэг байдлын нөхөн сэргээх байнгын эх сурвалж гэх мэт зүйлсийг хуваалцаж магад.

Нэг суралцагчийг аягыг тавгийн дээр барьж (ус асгарахгүй байхаар) мөн савтай уснаас аяганд жаахан ус хийхэд урь. Суралцагчид дараах асуултуудын нэгийг эсвэл хоёуланг нь асуухаасаа өмнө 13-р шүлэг-ийг дахин харах нь тустай байж болно.
Уг шүлгээс усыг аяганд асгах нь юуг дүрсэлж болох вэ?
Цистерний нүхнүүд Иеремиагийн үеийн хүмүүсийн сүнслэг байдлын талаар бидэнд юу зааж өгч болох вэ?

Иеремиагийн үед амьдарч байсан хүмүүс амьдралын зорилго, хүч чадал олж авахын тулд Их Эзэнд хандахаас илүүтэй хуурамч бурхад зэрэг дэлхийн зүйлсэд хандсан гэдгийг суралцагчидтай хуваалц.

Та амьдралын зорилго, хүч чадал олж авахын төлөө Есүс Христэд хандахыг хэр хүсэж байгаагаа хэсэг зуур тунгаан бод. Өнөөдөр суралцахдаа адислал, эдгэрэл олж авахын тулд бусад эх сурвалжаас илүүтэй Аврагчид хандах тухай Ариун Сүнсний өдөөлт, мэдрэмжид нээлттэй байгаарай.

Тэнгэрлэг Эцэгээс болон Есүс Христээс хол байгаагаа мэдрэх

Суралцагчдад дараах жишээтэй холбогдоход туслахын тулд үзүүлсэнтэй адил өсвөр үеийнхний зургийг үзүүлэх талаар бодож үз. Суралцагчдыг түүний тухай нэг нэр, хэдэн дэлгэрэнгүй мэдээлэл бодож олоход урь.

Танай семинарын ангид өмнө нь хийсэн буруу сонголтуудаасаа болж амьдрал нь эвдэрсэн цистерн шиг санагддаг нэгэн залуу байдаг гэж төсөөл. Тэрээр Тэнгэрлэг Эцэг, Есүс Христээс хол байгаагаа мэдэрдэг бөгөөд бүх зүйл сайжирна гэдэгт итгэж найддаггүй.

Иеремиа 3:12–15, 22-ыг уншаад, энэ өсвөр үеийн хүүхдэд ойлгож авбал тустай байж болох Есүс Христийн тухай дүрсэлж бичсэнийг ол. (Эдгээр шүлэгт “итгэлгүй байдал” гэдэг нь итгэлгүй эсвэл зөрүүд гэсэн утгатай гэдгийг мэдэх нь тустай байж болно.)

Дараах гүйцэд бус мэдэгдлийг самбарт бичих талаар бодож үз. Суралцагчдад шүлгийн үг, хэллэгийг ашиглан уг мэдэгдлийг гүйцээж хийх арга замуудыг хуваалцахад урь.

Наманчилж, Их Эзэнд ханддаг хүмүүсийн хувьд Тэрээр …”

Хариултуудад “энэрэнгүй,” “уурлан харахгүй,” (12-р шүлэг), “Сион ууланд та нарыг авчирна,” (14-р шүлэг), “та нарыг мэдлэг оюун ухаанаар тэжээх хоньчдыг Би та нарт өгнө” (15-р шүлэг), “та нарын итгэлгүй байдлыг эдгээнэ” (22-р шүлэг) гэх зэрэг орж болно.

Суралцагчдад асуух асуулт байгаа бол эдгээр шүлгийн хэллэгүүдийн талаар ярилцахад цаг гаргах нь тустай байж болно. Суралцагчдыг Есүс Христийн тухай ойлгохын тулд жишээн дээрх уг залуу эрд тустай гэж бодсон нэг юм уу хоёр хэллэгийг тэмдэглэл дээрээ бичихэд урь. Суралцагчид дараа нь сонгосон зүйлээ хуваалцах боломжтой болно.

Тэнгэрлэг Эцэг ба Есүс Христийн нигүүлсэл

Суралцагчдад Их Эзэнд ханддаг хүмүүсийг адисалж, эдгээх Их Эзэний хүсэлд итгэх итгэлээ нэмэгдүүлэхэд нь туслахын тулд та дараах мэдэгдлийг хуваалцаж болно.

Арван хоёр төлөөлөгчийн чуулгын ахлагч Дийтр Ф.Угдорф Тэнгэрлэг Эцэгийн болон Есүс Христийн наманчилдаг хүмүүсийг эдгээх хүслийн талаар дараах зүйлийг заасан.

Бидний дунд өөрийн ашиг сонирхолд төвлөрснөөр илүү их аз жаргалыг олно гэсэн ташаа бодлоор ариун замаас хазайж байгаагүй хүн байна уу?

Бидний дунд даруусгагдаж, зүрх сэтгэл нь эмтэрч, уучлал нигүүлслийг хүсэн эрэлхийлж байгаагүй хүн байна гэж үү?

Магадгүй зарим нь бүр дотроо “Буцаж очих боломжтой болов уу? Хуучин найзууд минь намайг үргэлж элдвээр дуудаж, надаас татгалзаж, нүүр буруулах болов уу? Алдагдсан хэвээр байх нь дээр юм болов уу? Буцах гэж оролдвол Бурхан яах бол?” гэж бодож байж болно. …

Бидний Тэнгэрлэг Эцэг хайр, энэрлээр дүүрэн зүрх сэтгэлээр биднийг угтан гүйх болно. …

Эргэн ирэхийг шийдэж, бидний Аврагч бөгөөд Гэтэлгэгчийн замаар алхаж эхлэх мөчөөс л Түүний хүч таны амьдралд ирж, үүнийг өөрчлөх болно гэдгийг би гэрчилж байна. (“Алдагдсан хүү ба гэрт хүргэх зам,” Лиахона, 2023 оны 11-р сар, 86-88)

Уг мэдэгдлээс тухайн жишээнд залуу эрэгтэйг адисалж болох санаануудаа тэмдэглэлдээ бичээрэй. Та эдгээрийг дараа нь хуваалцах боломжтой болно.

Дүгнэлт

Дараах үйл ажиллагаа нь суралцагчдын хувьд Ариун Сүнс тэдний хэлж байгаа болон бусад суралцагчаас сонссон зүйлийг гэрчилж байгааг мэдрэх сайхан боломж байж болох юм.

Дараах зааврыг үзүүлэх талаар бодож үз. (Доорх эхний цэг нь суралцагчдад хичээлээс өмнө суралцагчийн бэлтгэлдээ зориулж хийсэн зүйлээ хуваалцах боломжийг олгодог.)

Тухайн жишээнд гарсан залуу эрд юу гэж хэлэх байснаа тэмдэглэлдээ бичсэн зүйлээ эргэн харж хуваалцахад бэлд. Дараах зүйлийг бас оруулахыг бодож үз:

Наманчлалын адислалуудыг харуулсан өөр нэг судар эсвэл судрын түүхээс заримыг (Та Наманчлал-ыг Сэдвийн удирдамж эсвэл Судрын удирдамж-аас хайж болно.)

Аврагчийн хайрын талаарх таны мэдрэмж, Түүнд хандсан бүх хүнд туслах хүслийн талаарх таны бодол

Суралцагчдад бэлдэх хангалттай цаг гаргаж өгсний дараа бодол санаагаа хамтрагчтайгаа эсвэл жижиг бүлгээр хуваалцахад урь.

Суралцагчдад хуваалцах боломж олдсоны дараа та цөөн суралцагчийг дараах асуултын хариултаа хуваалцахад урьснаар хичээлээ өндөрлөж болох юм.

Аврагчийн нигүүлсэл, эдгээлтийг олж авахын төлөө Түүнд хандах хүсэлд тань нөлөөлөх юуг та өнөөдөр сурсан эсвэл мэдэрсэн бэ?

Нэмэлт эх сурвалжууд

Есүс Христэд хандсанаар ямар ямар адислал ирэх вэ?

Арван хоёр төлөөлөгчийн чуулгын ахлагч Нийл Л.Андэрсэн ийн заасан.

13:25

Бид анхаарлаа Есүс Христэд төвлөрүүлснээр эргэн тойрны бүх зүйлийг одоо байгаа байдлаар нь, Түүнийг хайрлах хайраар хардаг. Чухал бус анхаарал сарниулах зүйлс аяндаа үгүй болж, Түүний гэрэл, шинж чанартай нийцэхгүй зүйлсийг бид авч хаядаг. Та бүхэн Есүс Христийн талаарх энэ бодол дээр анхааралтай тогтон тунгааж, Түүнд итгэж, зарлигуудыг нь дагахаа үргэлжлүүлснээр би та нарт зөвхөн тэнгэрлэг удирдамжийг төдийгүй гэрээг тань хүчирхэгжүүлэх, бэрхшээл зовлонд тань амар амгаланг, адислалд тань баяр баяслыг авчрах тэнгэрлэг хүчийг амлаж байна. (“Миний оюун Есүс Христийн талаарх энэхүү бодол дээр тогтон тунгаасан,” Лиахона, 2023 оны 5-р сар, 91-94)

Хэрэв та замаа алдан хэт холдсон юм шиг санагдвал яах вэ?

Арван хоёр төлөөлөгчийн чуулгын ахлагч Дийтр Ф.Угдорф ийн хуваалцсан.

14:31

Амьдралд тань юу ч болж байсан гэсэн би хайрт анд нөхөр, төлөөлөгч ахлагч Жэффри Р.Холландын дараах үгсийг давтан тунхаглаж байна: “Христийн [цагаатгагч золиос] хязгааргүй гэрлийг гэрэлтүүлж чадахааргүй тийм гүнзгий ангал руу та нар орно гэж байхгүй.”

Сонголтууд тань таныг Аврагчаас мөн Түүний Сүмээс холдуулсан байж болох ч Тэргүүн Анагаагч таныг гэртээ харих зам дээр тань хүлээн авахаар зогсож байгаа. Түүнчлэн Есүс Христийн Сүмийн гишүүд бид ч бас Түүний үлгэр жишээг даган таныг ах, эгч, найзын хувиар тэврэн авахаар хүлээж байна. Бид тантай хамт баясаж, найрладаг билээ. (“Алдагдсан хүү ба гэрт хүргэх зам,” Лиахона, 2023 оны 11-р сар, 86-88)

Арван хоёр төлөөлөгчийн чуулгын ахлагч Жэффри Р.Холланд ийн өгүүлсэн.

Хэрэв шаардлагатай бол бид өөрчлөгдөж чадна, хэрэв бид үүнийг үнэхээр хүсэж байвал бидэнд тусламж ирнэ, өнгөрсөн үеийн ямар ч асуудлаас үл хамааран бид бүрэн бүтэн болж чадна гэдгийг сайн мэдээн дэх бүх зүйл бидэнд заадаг. (“He Hath Filled the Hungry with Good Things,” Ensign Nov. 1997, 66)

Нэмэлт суралцах үйл ажиллагаа

“Ашиг тусгүй зүйлс” (Иеремиа 2:8, 11)

Та Иеремиа 2:13-ыг судлахын хамт суралцагчдаар Иеремиа 2:8, 11-д гарч буй “ашиг тусгүй зүйлс” хэмээх хэллэгийг тодорхойлуулж, тэмдэглүүлж болох юм. Та суралцагчдыг ерөнхийлөгч Нэлсоны дараах мэдэгдлийг уншаад, энэ нь Иеремиагийн сургаалуудтай хэрхэн холбогдож байгааг олж мэдэхэд урьж болно:

18:44

Эрх мэдэл, эд хөрөнгө, алдар нэр, махан биеийн таашаал нь аз жаргал авчирдаг гэж энэ дэлхий хэлдэг ч тийм биш гэдэг нь агуу үнэн юм! Тэдгээр нь авчирч чадахгүй! Тэдгээр нь “Бурханы зарлигуудыг дагадаг” тэдний “адислагдсан мөн баярт байдлыг” хий хоосон орлуулахаас өөр юу ч бүтээдэггүй

Үнэндээ аз жаргалыг хэзээ ч олж авч чадахааргүй газраас хайх нь илүү төвөгтэй юм! Харин таныг Есүс Христийн буулгыг өөртөө авч, ертөнцийг ялахад шаардлагатай сүнслэг ажлыг хийх үед энэ ертөнцийн таталтаас таныг дээш өргөх хүч зөвхөн Түүнд л бий. (“Ертөнцийг ялж, амралтыг олох нь,” Лиахона, 2022 оны 11-р сар, 95-98)

Хүмүүс хэзээ ч олж авч чадахгүй газраас аз жаргал эрэлхийлдэг ямар жишээ байна вэ? Энэ нь яагаад эвдэрсэн цистернтэй адил байж болох вэ?
Та нар эсвэл та нарын мэддэг бусад хүн Аврагчийг дагаснаар хэрхэн баяр баясгаланг олсон бэ?

Их Эзэнд хандах

Заримдаа судруудад суралцагчид ойлгоно гэж боддог хэллэгүүдийг ашигладаг боловч тэд ойлгодоггүй. Суралцагчдад Есүс Христ рүү хэрхэн “буцаж ирэх” тухай ойлгуулах нь тустай байж болно ( Иеремиа 3:12, 22-ыг үзнэ үү). Үүнийг хийх нэг арга зам бол тэднийг Их Эзэнд хандах талаар заадаг судрын хэсгийг олохыг урих явдал юм. Зарим жишээнд 2 Нифай 31:20; Инос 1:2–4; Моронай 7:16; мөн Сургаал ба Гэрээнүүд 11:12 багтана.

Дараа нь суралцагчдыг олж мэдсэн зүйлээ мөн энэ нь тухайн хүнд Их Эзэнд хандах эсвэл буцаж ирэхэд нь хэрхэн туслах талаар хуваалцахад урьж болно.

Их Эзэний нигүүлсэл, хайрын жишээ

Та хичээл дээрх видео жишээнүүдийн оронд “Wheelz: Overcoming is Possible (Вийлз: Сорилтыг даван туулах боломжтой)” гэдэг видео бичлэгийг үзүүлж болно Суралцагчдыг энэ түүх Их Эзэний Иеремиа 3:12–15, 22-т заасан зүйлийг хэрхэн үлгэр жишээ болгон үзүүлснийг олж мэдэхэд урь.

7:13