Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

2 Самуел 11–12: Бид Их Эзэнээс гэм нүглээ нууж чадахгүй

“2 Самуел 11–12: Бид Их Эзэнээс гэм нүглээ нууж чадахгүй,” Хуучин Гэрээний семинарын багшийн гарын авлага (2026)

“2 Самуел 11–12: Бид Их Эзэнээс гэм нүглээ нууж чадахгүй,” Хуучин Гэрээний семинарын багшийн гарын авлага

2 Самуел 11–12; 1 Хаад 3; 6–9; 11: 77-р хичээл

2 Самуел 11–12

Бид Их Эзэнээс гэм нүглээ нууж чадахгүй

Их Эзэн түүнтэй хамт байсан тул Давид Голиатыг ялан дийлж, тулаанд ялж, Израилын хаан болсон. Гэвч Батшебаг хүсэмжилснээр Давид Тэнгэрлэг Эцэг, Есүс Христ хоёроос нүүр буруулж, өргөмжлөлөөсөө унасан юм (Сургаал ба Гэрээнүүд 132:39-ийг үзнэ үү). Энэ хичээл нь тэд Их Эзэнээс нүглээ нууж чадахгүй ч уруу таталтыг даван туулахын тулд Түүнд хандах боломжтой гэдгийг ойлгоход суралцагчдад тусална.

Суралцагчийн бэлтгэл: Биднийг нүгэл үйлдэхэд уруу татахын тулд Сатаны ашигладаг зарим худал хуурмаг зүйлийн жагсаалтыг гаргахад суралцагчдыг урь (Жишээлбэл: Суралцагчид 2 Нифай 28:6–9, 20–22-ыг эргэн харж болно). Дараа нь Есүс Христийн сайн мэдээнд заадаг үнэнүүд биднийг уруу татагдах үедээ Их Эзэнд хандахад хэрхэн тусалдаг талаар тунгаан бодоход тэднийг урь.

Боломжит суралцах үйл ажиллагаа

Их Эзэнд биднийг хандуулах эсвэл холдуулах шийдвэр

A illustration showing two stick figures. one waslking away from Christ, the other, walking towards Christ

Аврагч руу чиглэсэн болон чиглээгүй сумнуудтай зургийг харуул. Дараах асуултуудад хариулахыг суралцагчдаас хүс. Суралцагчид хариултаа самбар дээрх зохих сумны доор бичиж болно.

Их Эзэн Өөрт нь хандахын тулд юу хий гэж биднийг урьдаг вэ?
Их Эзэнээс нүүр буруулахад биднийг ятгахын тулд Сатан ямар худал хуурмагийг ашиглаж болох вэ?

Суралцагчид “Энэ бол тийм ч том асуудал биш”; Чи дараа нь наманчилж болно”; “Би хэнд ч хор учруулаагүй” гэх мэт үгийг хуваалцаж болох юм. Хэрэв суралцагчид дурдахгүй бол Хэн ч олж мэдэхгүй гэж самбарт бич. Дараах догол мөр нь суралцагчдыг алдаа гаргах үед төрдөг бодол санаагаа эргэцүүлэн бодохдоо Сүнсийг оролцуулах урилга юм.

Тэнгэрлэг Эцэг, Есүс Христ хоёр луу хандуулдаг эсвэл холдуулдаг бодол, үйлдлүүдээ таньж мэдэхэд туслах Ариун Сүнсийг урихад хэдэн хором зарцуул. Судлах явцдаа Тэдэнд хандахаар сонгоход тань туслах Сүнсний өдөөлтүүдийг олж хай.

Давидын Их Эзэнээс нүүр буруулахад хүргэсэн шийдвэр

Их Эзэн Давидыг удирдан чиглүүлж байсныг харуулсан талаар судалсан түүхээ эргэн санахад суралцагчдыг урь. Өнөөдөр тэдний судлах түүх нь Давидыг Тэнгэрлэг Эцэг, Есүс Христээс нүүр буруулахад хүргэсэн хэд хэдэн шийдвэр гаргахад юу тохиолдсоныг харуулна гэдгийг хуваалцаж болно.

Нэг суралцагчийг дараах судрын шүлэг бүрийг уншиж байх үед ангийн бусад суралцагч Давидыг Их Эзэнээс нүүр буруулахад хүргэсэн шийдвэр гаргаж байгааг олж харахдаа Зогс гэсэн үгийг өргөх юм уу тийм дохио өгч болох юм. Суралцагчид зогсох болгондоо доорх асуултын дагуу ярилцаж болно.

2 Самуел 11:1–5-ыг анхааралтай уншаад, Давидыг буруу зүгт чиглүүлсэн шийдвэрүүдийг олж мэд.

Та ямар ямар шийдвэрийг олж мэдсэн бэ?

Эдгээр шүлэгт Давидын гаргасан шийдвэрүүдийг жагсааж, судар дээрээ тэмдэглэхэд суралцагчдыг урь. Энэ хичээлийн хүснэгтийн зүүн баганад суралцагчдын олж болох зүйлсийн жишээнүүд орсон.

Бидний хүн нэг бүр эсэргүүцэх шаардлагатай уруу таталттай тулгардаг. Үүнийг мэдэх учраас Их Эзэн 1 Коринт 10:13-т хүчирхэг баталгаа өгсөн. Энэ шүлгийг уншаад Их Эзэний бидэнд амласан тусламжийг олж мэд.

Та нар юу олж мэдсэн бэ?

Дараах үйл ажиллагаа нь Давидтай тулгарч байсантай адил уруу таталттай тулгарсан ч бидэнд уруу таталт, нүглээс зайлсхийхэд туслах сургаалуудыг Их Эзэн өгсөн гэдгийг ойлгоход суралцагчдад туслах нэг арга зам юм. Та суралцагчдын дагах дараах заавруудыг жижиг бүлгээр эсвэл ганцаарчлан үзүүлж болно. Суралцагчдынхаа чадвараас хамааран хоёр дахь баганад байгаа судруудыг үзүүлээд, хоёр алхамд суралцагчдаар судар эсвэл судруудыг олуулахын оронд уншихыг хүсэж болох юм.

Дараах заавруудыг дага.

Их Эзэнээс холдуулахад хүргэсэн Давидын гаргасан нэг эсвэл түүнээс олон шийдвэрийг сонго.
Уруу таталтаас зайлсхийж, түүнээс өөр сонголт хийхэд туслах Аврагчийн аль нэгэн сургаалыг агуулсан эсвэл дүрсэлсэн судрыг ол.
Олж мэдсэн зүйлээ хуваалцахад бэлтгэ.

Давидын шийдвэр	Аврагчийн болон Түүний бошиглогчдын сургаал
Давидын шийдвэр 2 Самуел 11:1—Хаадыг цэргүүдтэйгээ тулалдааны талбар луу явах үед Давид Иерусалимд үлдсэн.	Аврагчийн болон Түүний бошиглогчдын сургаал Алма 7:22; Сургаал ба Гэрээнүүд 42:42
Давидын шийдвэр 2 Самуел 11:2—Давид Батшебагийн угаал үйлдэж байхыг харсаар байв.	Аврагчийн болон Түүний бошиглогчдын сургаал Мозая 4:30; 3 Нифай 12:28–29
Давидын шийдвэр 2 Самуел 11:3—Давид түүнийг өөрийн болгохыг хүсэв.	Аврагчийн болон Түүний бошиглогчдын сургаал Сургаал ба Гэрээнүүд 63:16
Давидын шийдвэр 2 Самуел 11:4—Батшебаг нөхөртэйг мэдээд Давид түүнийг ордондоо авчруулав.	Аврагчийн болон Түүний бошиглогчдын сургаал Эхлэл 39:9
Давидын шийдвэр 2 Самуел 11:4—Давид ариун явдлын хуулийг зөрчив.	Аврагчийн болон Түүний бошиглогчдын сургаал Сургаал ба Гэрээнүүд 42:23–25

Юу таны анхаарлыг татсан бэ?
Та энэхүү судлах үйл ажиллагаанаас Их Эзэний талаар юу сурч мэдсэн бэ?

2 Самуел 11:6–13-ыг тоймлон хэлбэл, Батшебаг жирэмсэн болсныг мэдээд Давид нөхөр Уриаг нь тулааны талбараас эргүүлэн дуудсан гэдгийг тайлбарлаж болно. Уриаг жирэмсэн болгосон гэж харагдуулахын тул Давид Уриаг Батшебатай шөнийг хамт өнгөрүүлэхийг тушаав.

2 Самуел 11:14–17, 26–27-г уншаад, завхайрлаа нуух төлөвлөгөө нь бүтэлгүйтэхэд Давид юу хийснийг олж мэд.

Эдгээр шүлгийг уншихад танд ямар бодол, мэдрэмж төрсөн бэ?

Самбар дээрх Давидын гаргасан шийдвэрүүдийн жагсаалтыг үзээд, Давид нүглээ нуух гэж оролдсон гэж нэм.

Уриаг нас барсны дараа Их Эзэн өөрийн бошиглогч Натаныг Давид хаан руу илгээсэн гэдгийг суралцагчдад тайлбарла. Дараах сургаалт зүйрлэлийг уншиж байхдаа суралцагчид уг түүхийг самбарт эсвэл судлах тэмдэглэлдээ дүрсэлж болно.

2 Самуел 12:1–10-ыг уншаад, Натан Давидад юу гэж хэлснийг олж мэд.

Энэ сургаалт зүйрлэлийн юу нь та нарын анхаарлыг татсан бэ?
Давидын түүхээс хэн нэгэн ямар үнэнийг сурч мэдэж болох вэ?

Суралцагчдын тодорхойлж болох өөр үнэнүүдээс гадна бид нүглээ Бурханаас нууж чадахгүй гэдгийг онцол.

Та 2 Самуел 12:7–9-ийг 2 Нифай 9:20 болон Алма 39:8-тай холбох эсвэл тохируулахад суралцагчдыг урьж болно
Бид гэм нүглээ биднийг хайрладаг Тэнгэрлэг Эцэгээс нууж чадахгүй нь хэрхэн адислал байдаг вэ?
Энэ үнэнийг ойлгох нь хэрхэн бидэнд Тэнгэрлэг Эцэг, Есүс Христ хоёрт хандаж, наманчлахад тусалж болох вэ?

Хэрэв шаардлагатай бол та Уриаг алсан явдал Давидын нүглээ нуух сүүлчийн оролдлого байсан гэдгийг хуваалцан, Сургаал ба Гэрээнүүд 132:39-ийг дурдаж болно. Энэ шийдвэрээсээ болж Давид өргөмжлөлөө алдсан. Их Эзэн Давидыг хайрласаар байсан ч гаргасан шийдвэрийнхээ улмаас зарим адислалыг хүлээн авч чадахгүй болсныг суралцагчдад батлан хэл.

Бид Их Эзэнд дахин хандах боломжтой

Сурч мэдсэн зүйлсээ хуваалцах

Суралцагчдад заасан үнэнүүдийн талаарх ойлголтоо хуваалцахад нь туслахын тулд хичээлийн эхэнд үзүүлсэн зургийг ашиглах талаар бодож үз. Суралцагчдаар судлах тэмдэглэлдээ үүнтэй төстэй зураг зуруулж болно. Дараа нь суралцагчдад дагаж хийх дараах заавруудыг үзүүл.

Судлах тэмдэглэлдээ Давидын гаргасан шийдвэрүүдийн аль нэгийг эсвэл өнөөгийн өсвөр насны хүүхдэд тулгарч болох уруу таталтыг сонгож бич. Та тухайн шийдвэрийг гаргах талаар бодож байгаа хүнд зөвлөгөө өгч байна гэж төсөөл. Дараах жагсаалтаас сурсан зүйлээ хуваалцах дор хаяж хоёр хувилбарыг сонго. Тухайлбал:

Нүглээ нуухгүй байх, Тэнгэрлэг Эцэг, Есүс Христ хоёрт хандах талаар сурч мэдсэн зүйлийн тань товч тойм
Аврагч болон Түүний бошиглогчид таны сонгосон уруу таталтыг ялан дийлэх талаар юу заасныг харуулсан судрын хэсэг
Таныг эсвэл таны таньдаг хэн нэгнийг уруу таталттай тулгарах үед Тэнгэрлэг Эцэг, Есүс Христ хоёрт хандахад тусалсан туршлага
Уруу таталтыг ялан дийлж, нүгэл үйлдэхдээ наманчлахад бидэнд туслах Аврагчийн хүчийн тухай товч гэрчлэл

Тэнгэрлэг Эцэг, Есүс Христ хоёр суралцагчдыг төгс мэддэг, хайрладаг гэдэг гэрчлэлээр хичээлээ дуусгахыг бод. Бидэнд ямар ч бэрхшээл тулгарсан бай Тэнгэрлэг Эцэг, Есүс Христ хоёр биднийг хайрладаг бөгөөд наманчлахад маань туслахыг тэсэн ядан хүлээдгийг суралцагчдад батлан хэлж болно.

Нэмэлт эх сурвалж

Тэнгэрлэг Эцэг, Есүс Христ хоёр миний гаргасан алдаануудыг юу гэж хардаг вэ?

Арван хоёр төлөөлөгчийн чуулгын ахлагч Нийл Л.Андэрсэн ийн заасан.

15:17

Бид нүгэл үйлдсэнээр Бурханаас нүүр буруулдаг. Харин нүглээ наманчилснаар Бурханд ханддаг.

Наманчлах урилга нь шүүмжлэх дуу хоолой байх нь ховор, харин нүгэлт замаасаа буцаж, Бурхан руу “дахин хандах” хайрын урилга юм. Энэхүү урилга нь төгс хүмүүс болох хайраар дүүрэн Тэнгэрлэг Эцэг, Түүний Төрсөн Ганц Хүү хоёроос ирдэг бөгөөд амьдралаа дээд түвшинд авчирч, өөрчлөгдөн, зарлигуудыг сахиснаар ирдэг аз жаргалыг мэдрэхэд уриалан дууддаг билээ. (Наманчил … Би та нарыг эдгээж болохын тулд,” 2009 оны 10-р сарын Ерөнхий чуулган, 40)

Арван хоёр төлөөлөгчийн чуулгын ахлагч Дийтр Ф.Угдорф ийн заасан.

14:11

Хайрт залуу найзууд минь, Аврагч яг одоо энд байсан бол та нарт юу гэж хэлэх байсан бэ?

Эхлээд Тэрээр та нарыг хайрлах гүн гүнзгий хайраа илэрхийлэх байсан гэдэгт би итгэлтэй байна. Тэр үүнийгээ үгээр илэрхийлж болох ч энэхүү хайр нь Түүний оршихуйгаас асар хүчтэй ундран гарч, та нарын зүрхний угт хүрч, бодгалийг тань бүхэлд нь дүүргэх байсан нь гарцаагүй.

Гэвч бид бүгд сул дорой, төгс бус учраас та нарын оюун бодолд зарим нэг зовнил төрж магадгүй юм. Та гаргасан алдаануудаа төдийгүй уруу таталтад орж байснаа, хийдэггүй байж эсвэл илүү сайн хийдэг байж гэж харамссан зүйлсээ санаж болно.

Аврагч зовниж буйг тань мэдрээд, сударт өгүүлсэн дараах үгсээрээ та нарыг тайвшруулна гэдэгт би итгэлтэй байна.

“Бүү айгтун.”

“Бүү эргэлз.”

“Зоригтой байгтун.”

“Зүрх сэтгэл чинь бүү тэвдэн сандраг.”

Тэр та нарын алдаа дутагдлыг хаацайлахгүй байх. Алдаа дутагдлыг чинь булзааруулах ч үгүй байх. Харин Тэр та нарыг өршөөхийн тулд та нарыг наманчилж, нүглүүдээ орхин, өөрчлөгдөөсэй гэж хүсэх байсан. Та нарыг наманчлуулахын тулд Тэрээр 2000 жилийн өмнө гэм нүглүүдийг чинь Өөртөө авсан гэдгээ та нарт сануулах байсан байх. Энэ нь хайрт Тэнгэрлэг Эцэгийн маань бидэнд бэлэглэсэн аз жаргалын төлөвлөгөөний нэгээхэн хэсэг билээ. (“Есүс Христ бол өсвөр үеийнхнийг бат бөх байлгах хүч мөн,” Лиахона, 2022 оны 11-р сар, 9)

Далын ерөнхийлөгчийн зөвлөлийн ахлагч Линн Ж.Роббинс ийн хэлсэн.

10:16

Наманчлал бол бүтэлгүйтлээс бүтэлгүйтэл рүү урам зоригоо алдалгүй явах боломжийг бидэнд олгодог, байнга боломжтой байдаг Бурханы бэлэг юм. Наманчлал нь биднийг бүтэлгүйтсэн үед хэрэгжүүлэх Түүний нөөц төлөвлөгөө биш. Харин наманчлал бол биднийг алдаа гаргана гэдгийг мэдэж байсан Түүний төлөвлөгөө мөн. Энэ бол наманчлалын сайн мэдээ бөгөөд ерөнхийлөгч Рассэлл М.Нэлсоны ажигласнаар “энэ нь насан туршийн хөтөлбөр” байх болно. (“Дал дахин долоон удаа,” Лиахона, 2018 оны 4-р сар, 22)

Сүнс нь нүглээс зайлсхийхэд хэрхэн надад тусалж чадах вэ?

Арван хоёр төлөөлөгчийн чуулгын ерөнхийлөгч Боид К.Пакэр (1924–2015) ийн заасан.

15:54

Хэрэв боломж олговол Ариун Сүнсний бэлэг таныг удирдаж, хамгаалан, тэр ч байтугай буруу үйлдлийг тань залруулах болно. Оюун ухаанд тань орж ирж байгаа бодол, зүрх сэтгэлийн тань мэдрэмж бол сүнсний дуу хоолой юм. … Та нараас амьдралыг ямар ч алдаа гаргахгүйгээр туул гэж хүсэж хүлээдэггүй, гэхдээ Ариун Сүнсний өдөөлтөөр эхэлж сэрэмжлүүлэгдэхгүйгээр та нар том алдаа гаргахгүй. Энэхүү амлалт нь Сүмийн бүх гишүүнд өгөгдсөн юм. (“Залуучуудад зөвлөх нь,” Лиахона, 2011 оны 11-р сар, 17–18)

Нэмэлт суралцах үйл ажиллагаа

Давидын түүхийг дахин бичих

2 Самуел 11:1–5-д Давидын гаргасан шийдвэрийг олж тодорхойлсны дараа түр азнаад, хэрэв Давид Аврагчид хандахаар шийдсэн бол ямар адислал хүлээн авах байсныг бодож үзэх нь тустай байж болох юм.

Далын ахлагч Аллэн Д.Хэйнигийн дараах мэдэгдлийг хуваалц.

Ах, эгч нар аа, нүглээс зайлсхийх нь амьдралын илүү зөв хэв маяг хэдий ч Есүс Христийн Цагаатгалын үр нөлөөгөөр бидний ямар гэм нүгэл үйлдсэн нь эсвэл энэхүү сургаалт зүйрлэлийн нүхэнд хэр гүн живсэн эсэх нь хамаагүй юм. Бошиглогч Нифайн хэлснээр та нарыг “туйлын амархнаар хавчих” нүглүүдийн улмаас та нар ичиж, ичингүйрэх нь ч бас хамаагүй. …

Биднийг наманчлахаар Аврагчийг даруухнаар эрэлхийлэх үед Тэр биднээс хэзээ ч урвахгүй; биднийг өнгөрсөн хүмүүс гэж бодохгүй; “үгүй ээ, дахиад л та нар уу” гэж хэлэхгүй; мөн нүглээс зугтах нь хэчнээн хэцүү гэдгийг ойлгохгүй байгаа учраас биднийг үгүйсгэхгүйг би гэрчилж байна. Тэрээр харамсах мэдрэмжийг, ичгүүртэй байдал хийгээд нүглийн зайлшгүй үр дагавар болох уур бухимдал гэх мэт бүх зүйлийг бүрэн төгс ойлгодог.

Наманчлал нь бодит бөгөөд үр дүнтэй (“Хэнд итгэснээ санагтун,” 2015 оны 10-р сарын Ерөнхий чуулган, 118, 119)

Хэрэв Давид Сүнсийг сонссон бол ямар өөр сонголт хийх байсан бэ?
Давидыг Аврагчид хандахад нь туслахын тулд та түүнд юу гэж хэлэх байсан бэ?

Хэрэв тэр Аврагчид хандсан бол юу тохиолдох байсныг төсөөлөн, Давидын түүхийг дахин бичихэд суралцагчдыг урьж болно.

Их Эзэнд эргэн очих хүчийг мэдрэхэд нь суралцагчдад тусал

Их Эзэн биднийг наманчлахад урьсныг сануулах нь суралцагчдад тустай бол та дараах видеонуудын аль нэгийг үзүүлж болно.

Нэгэн залуу эрэгтэйн наманчлах үйл явцад туслах Аврагчийн Цагаатгалын хүчийн талаар түүний сурсан зүйлийг үзүүлсэн “Let God Guide You: From Weakness to Strength” видео, цагийн код 2:51-ээс 5:28.

6:7

Ахлагч Рэнландын хуваалцсан, биднийг наманчлах үед ирдэг баяр баяслыг мэдэрсэн түүхийг өгүүлсэн “Repentance: A Joyful Choice” видео (4:36).

4:36