Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

1 Хаад 6–9: Соломон Их Эзэний өргөөг босгов

“1 Хаад 6–9: Соломон Их Эзэний өргөөг босгов,” Хуучин Гэрээний семинарын багшийн гарын авлага (2026)

“1 Хаад 6–9: Соломон Их Эзэний өргөөг босгов,” Хуучин Гэрээний семинарын багшийн гарын авлага

2 Самуел 11–12; 1 Хаад 3; 6–9; 11: 79-р хичээл

1 Хаад 6–9

Соломон Их Эзэний өргөөг босгов

Holiness To The Lord The House of The Lord Signs Languages

Өнөө үед ариун сүм дэлхий даяар илүү хүртээмжтэй болж байгаа ч үргэлж ийм байгаагүй. Соломоны ариун сүм баригдсаны эцэст израилчууд Их Эзэний суурин өргөөтэй буюу Аврагч Өөрөө “Израилын хүүхдүүдийн дунд орших” (1 Хаад 6:13) газартай болсон юм. Ариун сүмүүд дэлхий дээр хаа сайгүй баригдаж буй энэ цаг үед Аврагчийн амлалт мөн биелж байна. Энэ хичээл нь ариун сүм бол Их Эзэний өргөө гэдгийг илүү гүн гүнзгий ойлгоход суралцагчдад тусална.

Суралцагчийн бэлтгэл: Ойр байдаг эсвэл дуртай сүмийнхээ зургийг авчрахад суралцагчдыг урь. Тэд ариун сүм тэдний хувьд яагаад чухал талаар хуваалцахад бэлтгэж болно.

Боломжит суралцах үйл ажиллагаа

Ариун сүм бол Их Эзэний өргөө

Хичээлийн эхэнд дараах жишээнд (эсвэл ангийн тань хэрэгцээнд тохирсон өөр ижил төстэй жишээ) хариулахад суралцагчдыг урь.

Чиний найз Анжэла танай бүсэд баригдаж байгаа шинэ ариун сүмийн зургийг хараад, дараах асуултыг тавьж байна гээд төсөөл.

Танай Сүм яагаад ариун сүм барьдаг вэ?
Ариун сүм танай Сүмийн бусад барилгаас юугаараа ялгаатай вэ?

Анжэлагийн асуултуудад хариулж чадна гэдэгт хэр итгэлтэй байгаагаа бодож үзэхийг суралцагчдаас хүсэх талаар бод. Энэ талаарх бодол санаагаа хуваалцахад хэдэн суралцагчийг урьж болно.

Прайя Кейп Верде ариун сүмийг онцгойлон адисалсны дараа Арван хоёр төлөөлөгчийн чуулгын ахлагч Нийл Л.Андэрсэн ийн заасан.

Ариун сүм бол чухамдаа Их Эзэний өргөө юм. Эдгээр үгсийг сэтгэлдээ гүн суулга. Энэ бол Түүний өргөө. (“The House of the Lord—Recent Messages from Prophets, Apostles, and Other Church Leaders”, newsroom.ChurchofJesusChrist.org, Aug. 13, 2023)

Судлах тэмдэглэлдээ мөн самбарт Ариун сүм бол Их Эзэний өргөө юм гэсэн үнэнийг бичихэд суралцагчдыг урь.

Судлах тэмдэглэлдээ дараах асуултад хариулснаар ахлагч Андэрсэны энэхүү үнэнийг сэтгэлдээ гүн суулгах урилгыг дагах цаг гарга.

Ариун сүм бол Их Эзэний өргөө гэдэг нь таны хувьд ямар утгатай вэ?

Өнөөдөр судлах явцдаа та ариун сүм бол Их Эзэний өргөө гэх ойлголтыг тань гүнзгийрүүлэхэд туслах Ариун Сүнсийг урь. Хичээлийн туршид сурч байгаа зүйлээ судлах тэмдэглэлдээ нэмж бич.

Хэдийгээр ариун сүмийн талаарх зарим асуултынхаа хариултыг өнөөдөр авахгүй байж болох ч Их Эзэний өргөөний талаар илүү ихийг мэдэхийн тулд гаргаж буй тэдний хүчин чармайлтыг Ариун Сүнс өдөөж өгч, хөтлөн чиглүүлнэ гэдгийг суралцагчдад батлан хэлэх нь тустай байж болох юм.

Их Эзэн Өөрийнх нь өргөөг барихыг хүмүүстээ зарлиглав

Их Эзэн Синаи уулан дээр Израилын хүүхдүүдийг адислахын тулд түр зуур авсаархан асар барихыг хүмүүст зарлигласан (Гэтлэл 25:1–8-ыг үзнэ үү). Олон үе өнгөрсний дараа, Соломон хааны үед ч ариун сүмийн суурин барилгыг бариагүй байв.

Та 1 Хаад 6–9-д өгүүлсэн цаг үед болон өнөө үед өгсөн Их Эзэний өргөөг нь барих зарлигийн хоорондын ижил төстэй зүйлийг олж харахад нь суралцагчдад туслахын тулд Соломоны болон орчин үеийн хамгийн ойр байгаа ариун сүмийн зургийг үзүүлж болно.

Дараах хүснэгтийг үзүүлэн, эрт дээр үеийн болон өнөөгийн ариун сүмийн хоорондох ижил төстэй зүйлсийг олж харахад суралцагчдад тусал.

Хичээл дээр санал болгосон гурван хүснэгттэй үйл ажиллагаа бий. Суралцагчид хүснэгт бүрийг хэрхэн судлах янз бүрийн арга замыг бодож үзэж болох юм. Нэг дэх хүснэгттэй үйл ажиллагааг гүйцэтгэхдээ ангийн нэг хэсгийг “Соломоны цаг үе” гэсэн багана дахь, нөгөө хэсгийг “Өнөөгийн” гэсэн багана дахь шүлгүүдийг судлахад урих талаар бодож үз. Суралцагчид шүлгүүдийг судалсныхаа дараа өөр багана дахь шүлгүүдийг судалсан хамтрагчтайгаа олж мэдсэн зүйлээ хуваалцаж болно.

Мөн суралцагчдыг гурван бүлэгт хуваагаад, бүлэг бүрд хүснэгт өгөх замаар үйл ажиллагааг гүйцэтгэж болох юм. Суралцагчид хамтдаа судалж, судрын хэсгүүдийг ангийнхандаа бүлгээ төлөөлөн танилцуулах хүнээ сонгож болно. Танилцуулгын төгсгөлд бүлэг бүр судалсан сэдвүүд нь хэрхэн Анжэлагийн асуултуудад хариулахад тусалж болох талаар хуваалцаж болно.

Дараах шүлгүүдийг судлахдаа, эрт дээр үед болон өнөөдөр өгдөг ариун сүмтэй холбоотой Их Эзэний амлалтуудыг тайлбарлахад туслах сургаалуудыг олж хай. Олж мэдсэн зүйлсээ судлах тэмдэглэлдээ нэм.

Соломоны цаг үе	Өнөө үе
Соломоны цаг үе 2 Самуел 7:4–6 1 Шастир 22:5–11 1 Хаад 5:5; 6:1	Өнөө үе Сургаал ба Гэрээнүүд 88:119–120 Сургаал ба Гэрээнүүд 97:10–16

Соломоны цаг үе

Өнөө үе

Соломоны цаг үе

2 Самуел 7:4–6

1 Шастир 22:5–11

1 Хаад 5:5; 6:1

Өнөө үе

Сургаал ба Гэрээнүүд 88:119–120

Сургаал ба Гэрээнүүд 97:10–16

Өнөөдрийн ариун сүмүүдийн ач холбогдлын талаар та юу мэдэж авсан бэ?

Бид өнөөдөр ариун сүм барих Аврагчийн зааврыг хэрхэн үргэлжлүүлэн дагаж байгаа талаар эргэцүүлэн бодоход нь суралцагчдад туслахын тулд Ерөнхий чуулганы үеэр одоогийн бошиглогчийн шинэ ариун сүмүүдийг зарлаж байгаа видеог үзүүлэх талаар бодож үз. Эсвэл та ChurchofJesusChrist.org дээрх Ариун сүмийн жагсаалт дээрх сүүлийн үеийн статистикаас заримыг хуваалцаж болно.

Ариун сүмийг Их Эзэний өргөө болгон онцгойлон адисалдаг

Долоон жил барьсны эцэст Соломоны ариун сүмийг барьж дуусан, онцгойлон адисалжээ.

Ариун сүмийн онцгойлон адислах залбирлыг илчлэлээр хүлээн авч, Сүмийн бүртгэлд хадгалдгийг ойлгоход нь суралцагчдад туслахын тулд онцгойлон адислах залбирлын жишээг ангийнхантайгаа хуваалцаж болно. Үйл ажиллагаа явуулж буй ариун сүм бүрийн онцгойлон адислах залбирлыг ChurchofJesusChrist.org руу орж Ариун сүмийн жагсаалт гэдгээс тухайн ариун сүмийг сонгож байгаад авч болно.

Та хүснэгт бүхий энэ үйл ажиллагаагаар шүлгүүдийг үзүүлж, өмнө нь судалсан хүснэгтийнхээ нөгөө хэсгийг судлан, тухайн хэсгийг өмнө нь судалсан хамтрагчтайгаа хуваалцахад суралцагчдыг урьж болно. Олж мэдсэн зүйлээ хуваалцахад нь суралцагчдад туслах зорилгоор ярилцлагын асуултыг өгсөн байгаа.

Соломоны болон Көртландын ариун сүмийн онцгойлон адислах залбирлаас дараах судрын хэсгүүдийг уншаад, Соломоны болон бошиглогч Иосеф Смитийн Их Эзэнээс эрэлхийлсэн адислалуудыг олж мэд.

Соломоны цаг үе	Өнөө үе
Соломоны цаг үе 1 Хаад 8:29–30, 35–40	Өнөө үе Сургаал ба Гэрээнүүд 109:10–18

Их Эзэний өргөөнд ороход бэлтгэж мөн үүн дотор шүтэн бишрэх үед үүнтэй адил ямар адислалуудыг өнөөдөр бид авч болох вэ?

Та Их Эзэний өргөөг онцгойлон адисалсны дараа хүмүүс Түүний хүч чадлын гайхалтай илрэлүүдийг мэдэрсэн гэдгийг тайлбарлаж болно. Шаардлагатай гэж үзвэл, энэ нь суралцагчдын хувьд хүснэгтийг ганцаарчлан судлах чухал цаг мөч байж болох юм.

Дараах шүлгүүдийг уншихдаа Ариун Сүнсийг урин авчирч, эдгээр үйл явдал өрнөхийг өөрийн нүдээр харахад ямар байх байсныг төсөөл.

Соломоны цаг үе	Өнөө үе
Соломоны цаг үе 1 Хаад 9:1–3 2 Шастир 7:1–3	Өнөө үе Сургаал ба Гэрээнүүд 110:2–10

Соломоны цаг үе

Өнөө үе

Соломоны цаг үе

1 Хаад 9:1–3

2 Шастир 7:1–3

Өнөө үе

Сургаал ба Гэрээнүүд 110:2–10

Та эсвэл таны таньдаг хэн нэгэн ариун сүмийн онцгойлон адислах ёслолд оролцож байсан ямар туршлага байгаа вэ?
Өнөөдөр дэлхий дээр Аврагчийн өргөө байснаар та Түүний хүчийг хэрхэн мэдэрч байсан бэ?

Ойлгосноо харуулах

Ойлгосон зүйлээ харуулахад нь туслахын тулд та хичээлийн эхэнд тавьсан Анжэлагийн асуултуудыг суралцагчдад үзүүлж болно

Өнөөдөр сурсан зүйлс тань Анжэлатай адил асуулт буй хэн нэгэнд ариун сүмийн зорилгыг илүү сайн ойлгоход нь хэрхэн туслах талаар бод. Асуултуудад хамтрагчтайгаа хамт эсвэл судлах тэмдэглэлдээ хариул.

Танай сүм яагаад ариун сүм барьдаг вэ?
Ариун сүм танай сүмийн бусад барилгаас юугаараа ялгаатай вэ?

Соломоны ариун сүм болон өнөө цагийн ариун сүмийг судалснаар сурч мэдсэн зүйлээ хамтрагчдаа зааж дадлага хийхэд суралцагчдыг урь. Энэ хичээлийн суралцагчийн бэлтгэлд суралцагчдад ойролцоох эсвэл дуртай ариун сүмийнхээ зургийг ангидаа авчрахыг санал болгосон. Хэрэв суралцагчид зураг авчирсан бол ангийнхандаа зургаа үзүүлээд, яагаад уг ариун сүм тэдний хувьд чухал болохыг хуваалцахад урьж болно. Хичээлийн төгсгөлд та Аврагчийн тухай болон Түүний өргөөний талаарх сэтгэгдлээ хуваалцаж болно.

Нэмэлт эх сурвалж

Биднийг ариун сүмд өөрсдийгөө бэлтгэж, шүтэн бишрэх үед ямар адислал өгөхөөр амласан байдаг вэ?

Ерөнхийлөгч Рассэлл М.Нэлсон:

7:19

Аврагч ариун сүмд хүмүүст харагдахыг сонгосон нь чухал ач холбогдолтой. Энэ бол Түүний өргөө. Энэ нь Түүний хүчээр дүүрэн байдаг. Их Эзэний бидний төлөө хийж буй бүхнээс хараагаа салгахгүй байцгаая. Тэрбээр ариун сүмүүдээ улам хүртээмжтэй болгож байна. Тэрээр бидний ариун сүм барих явцыг улам хурдасгаж байна. Тэр Израилыг цуглуулахад туслах чадварыг маань улам нэмэгдүүлж байна. Тэр мөн бидний хүн нэг бүрийн сүнслэгээр цэвэршүүлэгдэх үйл явцыг улам хялбарчилж байна. Ариун сүмд илүү их цагийг өнгөрүүлэх нь юу юунаас илүүтэй амьдралыг тань адислах болно гэдгийг би амлаж байна. (“Ариун сүмд анхаарлаа төвлөрүүл,” Лиахона, 2022 оны 11-р сар, 121)

Ерөнхийлөгч Гордон Б.Хинкли (1910–2008) ийн заасан.

[Ариун сүм бол] хувийн сүнслэг өдөөлт, илчлэлт хүлээн авах газар юм. Лигеон гэдэг нь сэтгэлийн хямралд орсон, хэцүү шийдвэр гаргах шаардлагатай, төвөгтэй асуудлуудыг шийдвэрлэх хэрэгтэй гэсэн үедээ мацаг барин, залбирлын сүнстэйгээр, бурханлаг удирдамж эрэлхийлэхээр ариун сүмд ирдэг хүмүүсийг хэлнэ. Олон хүн илчлэлтийн дуу хоолойг сонсоогүй ч аль замыг сонгох тухай залбирлынх нь хариу болж чадсан мэдрэмжийг яг тэр үедээ эсвэл дараа нь хүлээн авснаа гэрчилдэг. (“The Salt Lake Temple,” Ensign, Mar. 1993, 6)

Хэрэв би ариун сүмийн ойролцоо амьдардаггүй бол яах ёстой вэ?

Арван хоёр төлөөлөгчийн чуулгын ахлагч Роналд А.Расбанд ийн заасан.

Ерөнхийлөгч Ховард В.Хантэрын Сүмийн 14 дэх ерөнхийлөгчийн хувиар хэлсэн хамгийн анхны үгийг сонсож байсан үеэ би санаж байна. Тэрээр: “Гишүүн бүр ариун сүмд орох зохистой байх нь миний зүрх сэтгэлийн гүн дэх хүсэл юм. Насанд хүрсэн гишүүн бүр зохистой, мөн ариун сүмийн хүчинтэй эрхийн бичигтэй байхыг Их Эзэн таашаах болно” гэж хэлсэн (Teachings of Presidents of the Church: Ховард В.Хантэр [2015], 180). Хязгаартай ашиглах ариун сүмийн зөвшөөрлийн бичиг нь бидний эрхэм, нандин өсвөр үеийнхэнд тодорхой замыг зааж өгөх болно гэдгийг би үүн дээр нэмж хэлмээр байна. …

Танд ариун сүмд орох боломж байгаа эсэхээс үл хамааран гэрээний зам дээр бат үлдэхийн тулд ариун сүмийн хүчинтэй зөвшөөрлийн бичиг хэрэгтэй гэдгийг онцолж хэлье. …

Ариун сүмийн хүчинтэй зөвшөөрлийн бичигтэй байхуйц зохистой байх нь таныг Их Эзэнд амьдралынхаа талаар баттай амлалт өгсөн тул дайснаас хамгаалах хамгаалалт ба Сүнс тантай хамт байна гэсэн амлалтын аль аль нь болдог. (“Их Эзэнд зөвшөөрөгдсөн,” 2020 оны 10-р сарын Ерөнхий чуулган, 25)

Нэмэлт суралцах үйл ажиллагаа

Их Эзэний өргөөг барихын тулд хамгаа зориулах

Их Эзэний өргөөг барихад үргэлж асар их хүчин чармайлт, золиослол шаардагдсаар ирснийг ойлгоход нь суралцагчдад тусал. Соломоны ариун сүмийг барьсан талаар судлуулахын тулд дараах судрын хэсэг болон асуултуудыг үзүүл. Доорх шүлгүүдийг уншаад, асуултуудын талаар ярилцахад бүлгүүдийг урь.

1 Хаад 6:21–22, 29–32 болон 2 Нифай 5:15–16-г унш.

Эдгээр ариун сүмийг барьсан талаар судлахад юу нь танд онцгой санагдсан бэ?
Өнөө цагт Их Эзэний өргөөг барьж, ажиллуулахад ямар хүчин чармайлт, зардал шаардагдаж болох вэ? Энэ нь бидэнд Их Эзэний өргөөний талаар юу зааж байна вэ?

Ричмонд Виржиниа ариун сүмийн нээлттэй хаалганы үеэр Далын ахлагч Кэвин Р.Данкан ийн хэлсэн.

Энэ бол Их Эзэний өргөө юм. [Тэр] бидний амьдардаг хамгаас үзэсгэлэнтэй дэлхийг өгөхдөө гар таталгүй, бүхнийг харамгүй өгсөн. Бид Түүний өргөөг барьж байгаа учраас хамгийн сайнаа зориулж, уран сайхан хийцтэйгээр, дээд зэргийн материалаар барихыг зорьдог. (“Virginia’s First House of the Lord Opens Its Doors,” Mar. 20, 2023, newsroom.ChurchofJesusChrist.org)

Их Эзэний өргөөнд байхын тулд бид ямар ямар арга замаар хамгийн сайнаа зориулж болох вэ?
Бид Их Эзэнийг болон Түүний өргөөг эрхэмлэн дээдлэхийн тулд ямар хүч чармайлт, золиослол гаргаж болох вэ?

Бид цаг заваа зориулж, хамгийн сайн хувцсаа өмсөж, Их Эзэний өргөөнд орох ариун сүмийн зөвшөөрлийн бичиг авч, шүтэн бишрэх шаардлагыг хангахын тулд дэлхийн хүслээ золиосолж болно гэдгийг суралцагчид дурдаж болох юм.

Эртний болон орчин үеийн ариун сүмийн хүч

Та ариун сүмийн үзэсгэлэнт сайхныг олж харахад нь суралцагчдад туслахын тулд “Inside Temples”-т байгаа шиг орчин үеийн ариун сүмийн доторх болон гаднах зургийг үзүүлж болно. Эсвэл та temples.ChurchofJesusChrist.org дээрх “Welcome to the Washington DC Temple” (2:10) видеог эсвэл ойр байгаа ариун сүмийнхээ видеог эсвэл виртуал танилцуулгын видеог үзүүлж болно (Ариун сүм болон “Виртуал аялал”-ыг сонгох).

11:45

Соломоны ариун сүмийг төсөөлөхөд нь суралцагчдад туслахын тулд та “Temples Through Time” видеог цагийн код 0:00-ээс 2:00 хүртэл үзүүлж болно. Соломоны ариун сүмийн юу нь Их Эзэний тухай болон Түүний өргөөний талаар ойлгоход тусалсныг хуваалцахад суралцагчдыг урь.

6:1

Их Эзэний өргөөг барихад гардаг зарим хүчин чармайлтыг ойлгоход нь суралцагчдад туслахын тулд та “Ариун сүмийн стандарт” видеог цагийн код 0:00–ээс 5:24 хүртэл үзүүлж болно. Энэ видеон дээр Далын ахлагч Скотт Вайтинг Хавайн Лаиэ ариун сүмийн бараг дуусаж байгаа засварын ажлын шалгалтын явцыг ажигласан туршлагаасаа хуваалцдаг.

9:13