Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Ieremia 1: “Na A‘u Iloa Oe a o Le‘i Faia Oe E A‘u I Le Manava … ma le Na A‘u Tofia Oe”

“Ieremia 1: ‘Na A’u Iloa Oe Ae Le’i Faia Oe e A’u i le Manava … ma le Na A‘u Tofia Oe,’” Tusi Lesona a le Faia’oga Seminare o le Feagaiga Tuai (2026)

“Ieremia 1: ‘Na A’u Iloa Oe Ae Le’i Faia Oe e A’u i le Manava … ma le Na A‘u Tofia Oe,’” Tusi Lesona a le Faia’oga Seminare o le Feagaiga Tuai

Ieremia 1–3; 7; 16–18; 20: Lesona 130

Ieremia 1

“Na A’u Iloa Oe Ae Le’i Faia Oe e A’u i le Manava … ma le Na A‘u Tofia Oe”

Jeremiah is clothed in sackcloth. He stands dramatically, illuminated from behind before a leading priest while others look on from behind.

Pe na iai se taimi na e tau manatu ai po o le ā se mea na tupu i le mua’i olaga na saunia ai oe mo ou matafaioi i le olaga nei?I le mua’i olaga, na tu’uina mai e le Tamā Fa’alelagi ni matafaioi paia i Lana fanau e fa’atino i le olaga nei.O fa’ataitaiga o lenei mea e aofia Iesu Keriso (taga’i i le 1 Peteru 1:19–20) ma Ieremia (taga’i i le Ieremia 1:5).E mafai ona fesoasoani lenei lesona i tagata a’oga ia lagona le naunau e fa’ataunu’u lo latou fa’amoemoega paia.

Sauniuniga a le tagata a’oga: Vala’aulia tagata a’oga e vaai faalemafaufau i le si’iina o se pepe fa’ato’a fanau mai ma mafaufau e uiga i fesili nei e lua:

Gaoioiga e Ono Mafai Ona Aoaoina Ai

Saunia e A’oa’o

Ina ia fesoasoani i tagata a’oga e sauni e a’oa’o e faapea e silafia e le Tamā Fa’alelagi i latou ma e iai Lana fa’amoemoega paia mo i latou, vala’aulia i latou e vaai faalemafaufau i le tulaga lenei.(E mafai ona e fetu’una’i le tulaga ia talafeagai lelei ma au tagata a’oga.Mo se fa’ataitaiga, atonu o se faia’oga e lu’iina i latou ina ia maua se togi fa’apitoa i se vasega faigata.)

Vaai faalemafaufau e faapea o se faia’oga o lu’iina oe e te galue aga’i i se sini faigata, e pei o le tamo’e i se maila i lalo o se taimi faapitoa i se aso tuupoina.

E fa’apefea e tulaga nei ona a’afia ai lou naunau ia ausia le sini faatasi ma lou mautinoa o le a e ausia lea sini?
O le faia’oga, o se tasi e na te iloa lelei oe, sa galulue fa’atasi ma oe mo le tele o tausaga ma fa’afetaui le lu’i fa’apitoa lava mo oe.
O se faia’oga fou e leiloa oe, ua ia tu’u atu le lu’i lava lea e tasi mo le au atoa.

Fa’aali atu le iloiloga lenei faale-tagata lava ia ina ia fesoasoani i tagata a’oga e toe manatunatu ai i le atoatoa ona silafia e le Tamā Fa’alelagi ma Iesu Keriso o i latou ma o latou fa’amoemoega paia.(Manatua: O le a toe vala’aulia tagata a’oga e toe taga’i i tua i le iloiloga faale-tagata lava ia i le Lesona 148: “Iloilo Lou A’oa’oina 9.”)

E fa’apefea ona e iloiloina oe lava (1 – moni iā te a’u; 10 – e lē moni iā te a’u) i fa’amatalaga nei?Faamau i lau api tala’aga o suesuega le mafua’aga ua e faia ai le fua fa’atatau ua e tusia.

Ou te talitonu e sili le silafia o le Tamā Fa’alelagi ma Iesu Keriso o a’u nai lo se isi lava tagata.
Ou te talitonu ua Laua tu’uina mai iā te au se fa’amoemoega paia e mafai ona ou ausia fa’atasi ma le La fesoasoani.
Ou te fia iloa ma manao e fa’ataunu’u le misiona paia ua tu’uina mai e le Tamā Fa’alelagi ma Iesū Keriso iā te a’u.

Vala’aulia tamaiti a’oga e ua’i atu i manatu ma lagona mai le Agaga Paia a o latou a’oa’o atili e uiga iā latou fa’amoemoega paia.

“Ae e te lei fanau mai i le manava … na A‘u tofia oe”

Ina ia fesoasoani i tagata a’oga e fesootai fa’atatau iā Ieremia, e mafai ona e fesili atu po o ā ni o latou lagona pe ana fetalai mai le Ali’i latou te faia se mea faigata, e pei o le lauga i le lotu, a’oa’oina o se lesona, auauna i se misiona, ma isi.

Atonu na fa’apena lagona o Ieremia ina ua tofia o ia e le Ali’i e auauna o se perofeta i le malō o Iuta.E ono fiafia tagata a’oga i le iloa ai e faapea sa vavalo Ieremia i Ierusalema i le taimi lava e tasi ma Liae (taga’i i le 1 Nifae 7:14).

O leIeremia 1:4–5 o se fuaitau o le atamai i a’oa’oga fa’avae.Mafaufau e vala’aulia tagata a’oga e fa’ailoga ia fuaitau o le atamai i a’oa’oga fa’avae i se auala e iloga ina ia mafai ona latou mauaina gofie.

Faitau le Ieremia 1:4–5 ma le fa’amatalaga lenei mai iā Peresitene Russell M. Nelson.Ona toe aotele lea o mea ua e a’oa’oina e uiga i la tatou sootaga ma le Ali’i.

14:27

O lou agaga o se mea e fa’avavau.Na fetalai atu le Ali’i i Lana perofeta o Aperaamo: “Sa filifilia oe ae e te le’i fanau mai” ([Aperaamo 3:23).Sa fetalai foi le Ali’i i se fetalaiga fa’apena iā Ieremia ma le to’atele o isi tagata.Ua Ia fetalai mai ai foi e faatatau iā te oe.

Ua loa ona silafia oe e lou Tama Faalelagi.O oe, o Lona atalii po o le afafine, sa ia filifilia ia e sau i le lalolagi i le taimi tonu lava lenei, ia avea ma se taitai o Lana galuega maoae i le lalolagi.Sa filifilia oe e lē ona o ou uiga fa’aletino ae ona o ou uiga fa’aleagaga . …(“O Filifiliga mo le Fa’avavau,” Liahona, Nov. 2013, 107)

O ā ni upumoni e mafai ona tatou a’oa’oina mai le Ieremia 1:4–5 ma le fa’amatalaga a Peresitene Nelson?

A o fa’asoa mai tagata a’oga, fesoasoani iā i latou ia faailoa e faapea ae tatou te le’i fananau mai, na silafia i tatou e le Ali’i ma tu’uina mai ni matafaioi patino e fa’atino i le olaga nei.

Mafaufau e vala’aulia tagata a’oga e fai mai ni a latou fesili atonu o iai e uiga i lenei upumoni.Afai latou te fai mai ni fesili e faapea e le’i tali manino maia e le Ali’i, fa’afetai atu iā i latou mo a latou fesili fa’atupu manatu, ae ia fa’aeteete e aua le taumateina tali.

O fa’amatalaga i Puna’oa Fa’aopoopo e ono fesoasoani e tali fesili a tagata a’oga.

Mo ni fa’ataitaiga o isi na vala’auina e fa’atino ni matafaioi patino i le olaga nei, e mafai ona faitau e tagata a’oga se tasi pe sili atu o mau nei: Luka 1:13–17, 1 Nifae 11:14–20, Mosaea 3:5–10, Mataupu Fa’avae ma Feagaiga 138:53–56.

E fa’avae i fesili ma mana’oga a au tagata a’oga, filifilii se tasi pe sili atu o vaega nei e tolu o le lesona e te lagona e sili ona fesoasoani iā i latou.

Filifiliga 1: O folafolaga a le Ali’i

Mo le suesueina o le mau o soso’o mai, e te ono vala’aulia le afa o le vasega e fa’ailoga fautuaga ua tu’uina atu e le Ali’i ma le isi afa e fa’ailoga folafolaga ua faia e le Ali’i.Ona tuu atu lea i tagata a’oga e su’e se paga sa fa’ailogaina ni mea ese e fa’asoa i ai.

Ona talanoaina lea o fesili nei o se vasega.

Faitau le Ieremia 1:6–9, 17–19 ma fa’ailoga le apoapoaiga ma folafolaga na tu’uina atu e le Ali’i e tali atu ai i lagona lē atoatoa o Ieremia.

Na mafai fa’apefea e folafolaga a le Ali’i iā Ieremia ona fesoasoani iā te ia e iloa ai lona vala’auga mai se va’aiga e fa’avavau?
O le ā se mea na ta’u atu e le Ali’i iā Ieremia e ono mafai ona fesoasoani i talavou i aso nei i o latou matafaioi na tu’uina mai e le Ali’i ia te oe?

Filifiliga 2: Iloaina o lo’u fa’amoemoega paia e taua

E fa’apefea ona fesoasoani ia te oe ia iloa po o a matafaioi paia ua tu’uina mai e le Ali’i iā te oe?

Filifiliga 3: A’oa’oina o lo’u fa’amoemoega paia

Vala’aulia tagata a’oga e mafaufau e fetufaa’i i ni vaega toalaiti po o le a lava le tele latou te mafai ai ni tali eseese i le fesili lenei i totonu o le lua minute.Ona vala’aulia lea o i latou e fai se lisi i luga o le laupapa o ni manatu ua latou maua mai ai.

E ono mafai e tagata a’oga ona fa’asoa a latou tali e pei o le faitauina o fa’amanuiaga fa’apeteriaka, tatalo, fa’aaliga patino, fefautuaa’i ma isi e pele iā i latou, ma faalautele vala’auga.

E mafai fa’apefea ona ou a’oa’o e uiga i matafaioi paia ua tu’uina mai e le Ali’i iā te a’u?

Mafaufau e fa’aali atu le faamatalaga lenei.Vala’aulia vaega ta’itasi e filifli se tasi o fautuaga e fā a Elder Pingree, ma talanoa pe fa’apefea e le mulimuli ai i lena fautuaga ona fesoasoani i se talavou ia malamalama i matafaioi paia ua tu’uina mai e le Tamā Fa’alelagi iā i latou.

Na fa’asoa mai e Elder John C. Pingree Jr o le Fitugafulu ni mea se fa e mafai ona tatou faia ia malamalama ai i matafaioi ua tu’uina mai e le Ali’i iā i tatou:

Muamua, taula’i atu i isi. …

Lona lua, ia iloa ma atia’e meaalofa fa’aleagaga. …

Lona tolu, ia faaaoga faigata. …

Ma le lona fa, fa’alagolago i le Atua.Pe a tatou ole atu iā te Ia i le fa’atuatua ma le fa’amoemoega tonu, o le a Ia fa’aali mai o tatou tofiga paia iā te i tatou.(“E I Ai Sa’u Galuega mo Oe,” Liahona, Nov. 2017, 33–34)

E silafia a’u e le Ali’i

Ina ia fesoasoani i tagata a’oga e fa’asoa mai mea sa latou a’oa’oina ma lagonaina i le asō, vala’aulia i latou e fai mea nei.Uunaia tagata a’oga e mulimuli i so’o se musumusuga latou te ono maua mai le Agaga Paia a o faia lenei mea.

E ala i le fa’aaogaina o mea ua e a’oa’oina i le asō, tusi se feau mo oe lava ia i le lumana’i i totonu o lau api tala’aga o suesuega.Tusi se mea e te ono mana’o e manatu e uiga i le malamalama o le Tamā Fa’alelagi ma Iesu Keriso iā te oe, ma matafaioi paia ua Laua tu’uina atu iā te oe.

Tauloto

Atonu e te mana’o e fesoasoani i tagata a’oga e tauloto le mau fa’asino o le atamai i a’oa’oga fa’avae ma le fasifuaitau autū o le mau i le taimi o lenei lesona, ma toe iloilo i latou i lesona i le lumana’i.O le fasifuaitau autū o le mau mo le Ieremia 1:4–5 o le, “Na a’u iloa oe a o le’i faia oe e a’u i le manava … na a’u tofia oe e fai ma perofeta i nuu.”O manatu mo gaoioiga o le taulotoina o lo o iai i anomea fa’aopoopo i lalo o le “Gaoioiga Toe Fa’amanatu o le Atamai i A’oa’oga Fa’avae.”

O Puna’oa Fa’aopoopo

E mafai fa’apefea ona ou iloa le fuafuaga a le Atua mo a’u?

Na fa’amatala mai e Elder Richard G. Scott (1928–2015) o le Korama a Aposetolo e To’asefululua:

Ua i ai i le Atua se fuafuaga patino mo lou olaga.O le a Ia faaalia mai ia te oe vaega o lena fuafuaga pe a e saili atu i ai ma le faatuatua ma tumau i le usiusitai.(“Auala e Ola Lelei Ai i le Lotolotoi o le Amio Leaga,” Liahona, Mē, 2004, 102)

Pe iai so’u fa’amoemoega paia?

Na molimau mai Elder Alan T. Phillips o le Fitugafulu:

Aua ne’i e malamalama sese pe tuumaualaloina lou taua i lou Tama Faalelagi.E le o oe o se fua tulagalua faafuaveta o le natura, se matuaoti na foafoa e le atulaulau, po o se taunuuga o anomea faamatematega e tupu faafuasei i le aluga o taimi. O le mea e i ai se mamanu, e i ai foi se fai mamanu.

E iai le uiga ma le fa’amoemoega o lou olaga. …O oe o se afafine/atalii fa’apelepele o le Tamā Fa’alelagi.(“E silafia ma Alofa le Atua iā te Oe,” Liahona, Nov. 2023, 49)

O le ā le mua’i fa’au’uina?(Ieremia 1:5)

I le muai olaga o agaga, sa tofia ai e le Atua ni agaga e faataunuuina ni misiona patino i le taimi e soifua ai i le olaga nei.Ua taua lenei o le muaifaauuina.O le muaifaauuina e le faapea ua mautinoa ai o ia tagata o le a latou maua ni valaauga po o ni tiutetauave faapitoa.O nei avanoa e oo mai i lenei olaga o se taunu’uga o le fa’aaogaina ma le amiotonu o le filifiliga sa’oloto, e fa’apea foi i le mua’i fa’au’uina o se taunu’uga o le amiotonu i le mua’i olaga.(Autū ma Fesili, ‟Mua’i Fa’au’uina,” Potutusi a le Talalelei)

O ā mea e mafai ona fa’ataumaoi iā te a’u i le fa’ataunu’uina o matafaioi ua tu’uina mai e le Ali’i iā te a’u?

Sa a’oa’o mai Elder John C. Pingree Jr. o le Fitugafulu:

I le taimi lava lea e tasi e fesoasoani mai ai le Atua iā te i tatou e fa’ataunu’u ia tofiga fa’alelagi, o le taimi foi lena e galue ai le fili e fa’alavelave ma tata’i ese i tatou mai se olaga ta’u aogaina.

O le agasala atonu o lo tatou ma’agao aupito tele lea, e fa’agaseina lo tatou lagona nofouta i le Agaga Paia ma taofia ai lo tatou mauaina o le mana fa’aleagaga. …

O lo o saili foi e Satani e fa’alavefauina i tatou i mea e lē taua tele. …

E le gata i lea, e fa’alotovaivaia foi i tatou e Satani i lagona o le lē atoatoa.Na te faia ia foliga mai e matuā faigata tele la tatou galuega pe taufa’afefe. …

E mafai foi e Satani ona fa’asēsēina i tatou e vaai atu i la tatou galuega o se mea e itiiti le taua, nai lo le galuega ua atofaina atu i isi.Ae o tofiga uma mai le Atua e taua. …

A o galue le Atua e ala ia i tatou, e ono fa’aosoosoina i tatou e le fili e ave le fa’amalo ia i tatou lava mo soo se mea e ausia.Peitai, e mafai ona tatou fa’ataitai i le lotomaualalo o le Fa’aola i le taumamao mai le vi’ia o le tagata lava ia, ae ia vi’ia ma fa’amamaluina le Tamā (taga’i i le Mataio 5:16; Mose 4:2).(“E I Ai Sa’u Galuega mo Oe,” Liahona, Nov. 2017, 34–35)

Gaoioiga Fa’aopoopo e A’oa’o Ai

“Fa’auta, e lē mafai ona ou tautala: auā o a‘u o se tama itiiti” (Ieremia 1:6)

O nisi taimi, tatou te lagona le lē atoatoa mo a tatou matafaioi ua tu’uina mai e le Ali’i iā i tatou.Mafaufau e faia le mea o soso’o mai ia fesoasoani i tagata a’oga e iloa fa’ataitaiga fa’aopoopo o loo i tusitusiga paia o tagata ta’ito’atasi, e pei o Ieremia, na lagona le lē atoatoa e faia mea na fetalai mai le Ali’i latou te faia.

A mae’a ona iloa e tagata a’oga lagona na oo iā Ieremia i le Ieremia 1:6 ina ua vala’auina o ia e le Ali’i e avea ma perofeta, vala’aulia tagata a’oga e fefaasinoai pe faafeso’ota’i le fuaiupu e 6 ma le Esoto 4:10–12 ma le Mose 6:31–34.

Ona vala’aulia lea o le afa o le vasega e faitau le Esoto 4:10–12 a o faitau e le isi afa le Mose 6:31–34.E ono mafai ona faailoa e tagata a’oga i latou na vala’auina e le Ali’i, ma mea na Ia folafola o le a ia faia e fesoasoani ai i o latou matafaioi.

E mafai ona e fa’asino atu o Ieremia (“tama itiiti,” Ieremia 1:6) ma Enoka (“tama,” Mose 6:31) na manatu i la’ua iā i la’ua lava o ni talavou ma e leai so latou poto masani, ina ua la’ua mauaina le vala’auga mai le Ali’i.Ona mafai lea e tagata a’oga ona faailoa tulaga (faataitaiga: taitaiina o isi, auauna atu i se misiona, auaunaga, lauga i le lotu) lea e fai mai ai se talavou, “E lē mafai ona ou faia lena mea.Ua ou la’itiiti tele.”Ona fesili atu lea:

E fa’apefea e apoapoaiga a le Ali’i mai nei mau ona fesoasoani iā te oe e fa’ataunu’u ai matafaioi ua Ia tu’uina mai iā te oe?

O le fa’apotopotoina o Isaraelu—“o le misiona na auina mai ai oe i le lalolagi”

Na a’oa’o mai Peresitene Russell M. Nelson i le autalavou o le Ekalesia o le fa’apotopotoina o Isaraelu, o se vaega o le latou misiona paia iinei i le lalolagi.Ina ia fesoasoani i tagata a’oga ia malamalama i lo latou matafaioi paia i lenei fa’apotopotoina, mafaufau e matamata le “Fa’amoemoe o Isaraelu” mai le faailo taimi 32:40 i le 33:36 ma mai le faailo taimi 39:35 i le 40:06.

61:34

E mafai e tagata a’oga ona mafaufau loloto po o ā meaalofa paia ma taleni ua latou mauaina mai le Ali’i lea e mafai ona fesoasoani iā i latou e auai atili atoatoa ai i le fa’apotopotoina o Isaraelu.Uunaia i latou e saili auala e fa’aaoga ai nei meaalofa paia e fesoasoani ai i isi e omai iā Keriso ma osia feagaiga ma Ia.

“A’u upu i lou gutu” (Ieremia 1:9)

Afai e mafai ona fesoasoani mo tagata a’oga ia fa’ateleina ai lo latou naunau e mulimuli i upu a perofeta a le Atua, mafaufau e faia le gaoioiga lenei.Vala’aulia tagata a’oga e faitau le Ieremia 1:9, va’ava’ai po o le ā se mea ua fetalai mai ai le Ali’i e uiga i upu a Ieremia.E te ono vala’aulia i latou e fefaasinoa’i pe faafeso’ota’i lenei fuaiupu ma le Mataupu Fa’avae ma Feagaiga 1:38.Ona fai atu lea i tagata a’oga le fesili lenei:

O ā ni mea na e a’oa’o mai i nei fuaiupu e lua?

Ona mafai lea ona saili e tagata a’oga a’oa’oga mai le konafesi lata mai nei, ma va’ava’ai po o ā mea ua a’oa’oina mai e le perofeta i aso nei.E ono mafai e tagata a’oga ona fa’asoa mai pe fa’apefea e le iloaina po o ai na musuia upu a le perofeta, ona a’afia ai lo latou naunau e mulimuli iā i latou.