Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Ieremia 16: “Auā ou te Fa’afo’isia Mai i Latou”

“Ieremia 16: ‘Auā ou te Fa’afo’isia Mai i Latou,’” Tusi Lesona a le Faia’oga Seminare o le Feagaiga Tuai (2026)

“Ieremia 16: ‘Auā ou te Fa’afo’isia Mai i Latou,’” Tusi Lesona a le Faia’oga Seminare o le Feagaiga Tuai

Ieremia 1–3; 7; 16–18; 20: Lesona 132

Ieremia 16

“Auā ou te Fa’afo’isia Mai i Latou”

Men and women sharing the book of Mormon with another person as they walk.

Ua poloaiina e le Fa’aola i tatou ia auai i le galuega silisili i le lalolagi i le asō: o le fa’apotopotoina o Isaraelu, lea e aofia ai le fa’asoaina atu o Lana talalelei.O le fa’apotopotoina o Isaraelu e matuā taua tele lea na musuia ai e le Fa’aola perofeta i aso anamua e pei o Ieremia ina ia valo’ia lena mea i le silia ma le afe tausaga talu ai.O lenei lesona e mafai ona fesoasoani i tagata a’oga ia auai i le fa’apotopotoina o Isaraelu, e ala i le fa’asoaina atu o le talalelei a Iesu Keriso.

Sauniuniga a le tagata a’oga: Vala’aulia tagata a’oga e mafaufau loloto i ni popolega atonu o loo i ai i talavou o le Au Paia o Aso e Gata Ai e uiga i le fa’asoaina atu o le talalelei a le Fa’aola ma ni auala e mafai ona foia ai na popolega.E mafai ona fa’asoa mai o latou manatu i le vasega.

Gaoioiga e Ono Mafai Ona Aoaoina Ai

O le mana o le Fa’aola

Mafaufau e amataina le vasega i le fai atu i tagata a’oga e talanoaina le fesili lenei.Afai latou te mana’omia se fesoasoani, e mafai ona e fa’amanatu atu iā i latou vavega na latou suesueina i le Feagaiga Tuai.(E te ono mana’o e fa’apu’upu’u lenei talanoaga ina ia lava le taimi mo le lesona.)

O le ā sou manatu o ā nisi o vavega silisili a le Atua po o fa’ailoaga o le mana?

Afai e le’i ta’ua e tagata a’oga le vaeluaina o le Sami Ulaula, mafaufau e fa’aali atu se ata o Mose ma le Sami Ulaula.Ia fa’amatala atu o lenei mea na tupu na matuā ofoofogia ma mo le tele o seneturi, sa fa’asino iai tagata pe a a’oa’o atu e uiga i le mana silisiliese o le Fa’aola (taga’i i le Eperu 11:29; 1 Nifae 4:2; Helamana 8:11).

Mafaufau e fa’atatau i vavega maoa’e sa fa’atino e le Atua i taimi ua te’a, a o e faitau le fa’amatalaga lenei mai iā Peresitene Russell M. Nelson:

E tele naua mea matagofie o loo i luma atu.I aso o le a oo mai, o le a tatou vaai ai i faailoaga silisili o le mana o le Faaola e le’i vaai muamua lava i ai le lalolagi.(“Manumalō i le Lalolagi ma Maua le Malōlōga,” Liahona, Nov. 2022, 95)

Faitau le Ieremia 16:14–15, va’ava’ai mo se mea o le a faia e le Fa’aola i aso e gata ai lea o le a silisili atu nai lo o Lona lavea’iina o Isaraelu mai Aikupito.

O le ā se mea na e maua?

Afai e mana’omia e tagata a’oga se fesoasoani, e mafai ona e fa’amatala atu e faapea i totonu o nei fuaiupu, ua valoia ai e Ieremia le fa’apotopotoina o Isaraelu i aso e gata ai.

Pe a mana’omia, fa’amatala atu na a’oa’o mai Peresitene Nelson e faapea o le fa’apotopotoina o Isaraelu ua fa’asino atu i le “ofoina atu o le talalelei a Iesu Keriso i le fanau a le Atua i itū uma e lua o le veli” (i le Russell M. Nelson ma Wendy W. Nelson, “Fa’amoemoe o Isaraelu” [faiga lotu a le autalavou i le lalolagi atoa, Iuni 3, 2018], Potutusi o le Talalelei).O lenei lesona o le a taula’i atu i le fa’apotopotoina o Isaraelu i le itū lenei o le veli.
Pe a e mafaufau i le fuafuaga a le Atua mo Lana fanau, aiseā e ono avea ai le fa’apotopotoina o Isaraelu o se vavega e sili atu nai lo o le lavea’iina o Isaraelu mai Aikupito?

Mafaufau loloto i ou manatu e uiga i fesili nei:

Pe taua iā te oe le fa’apotopotoina o Isaraelu?Aiseā pe aiseā foi e leai ai?
O ā ni ou lagona e uiga i le auai i lenei galuega?

E pei ona Ia faia e auala mai iā Mose, e mafai e le Fa’aola ona fa’aali mai Lona mana faavavega e auala mai iā te oe a o e auai i le fa’apotopotoina o Isaraelu.A o e suesue le Ieremia 16 i le asō, gaua’i atu i soo se uuna’iga e te maua mai le Agaga Paia.Mafaufau loloto pe fa’apefea ona fa’aaoga e le Fa’aola oe i lenei fa’apotopotoina tele.

Fa’ataapeapeina ma le fa’apotopotoina

I le Ieremia 16:10–18, sa musuia ai Ieremia e le Ali’i ia valo’ia le fa’atafunaga o tagata Isaraelu, lea na oo mai ona o lo latou fouvale.Sa a’oa’o atu i latou e le Alii e faapea o a “latou amio lē tonu [e le ’o] lilo mai [Ona] fofoga” (fuaiupu 17) ma o le a Ia auina atu iā i latou se fa’asalaga tonu pe afai latou te fa’aauau pea ona fouvale.

Faitau le Ieremia 16:13, va’ava’ai mo taunu’uga o le a tupu i tagata Isaraelu ona o lo latou amioleaga.

Fesoasoani i tagata a’oga ia malamalama e faapea na valo’ia e Ieremia o le a fa’ata’apeape e le Atua tagata Isaraelu i Ierusalema i laueleele eseese ona o lo latou fouvale.Na fa’ataunu’uina lenei mea ina ua ave fa’atagataotauaina tagata Isaraelu i Papelonia.I lea vaitaimi, na fa’ata’apeapeina foi e le Ali’i tagata amiotonu, e pei o Liae ma lona aiga, o e na taitaiina atu i le konetineta o Amerika ina ia fa’asaoina o latou ola mai tagata amio leaga (taga’i i le 2 Nifae 10:20–21).

I le Ieremia 16:14–15, na valo’ia ai e Ieremia i aso e gata ai, o le a fa’aali mai e le Fa’aola Lona mana e toe fa’apotopoto atu ai Isaraelu iā te Ia ma Lana Ekalesia.

Mafaufau e vala’aulia tagata a’oga e talanoaina le fesili lenei fa’atasi ma se paga po o se vaega to’aitiiti.

Faitau le Ieremia 16:16, va’ava’ai mo fa’atusatusaga na faia e le Ali’i e fa’atatau i tagata o e fesoasoani e fa’apotopoto Isaraelu.

Aiseā e avea ai le fai faiva ma le tuli manu o ni fa’atusatusaga lelei mo tagata o e fesoasoani e fa’apotopoto Isaraelu?
O le ā se mea ua e a’oa’oina e uiga i la tatou matafaioi i le fa’apotopotoina o Isaraelu?

Fa’atasi ai ma isi upumoni e ono fa’asoa mai e tagata a’oga, fesoasoani iā i latou ia iloa e faapea ua vala’auina i tatou e Iesu Keriso e saili Isaraelu ua fa’ata’apeapeina ma toe fa’afo’i mai i latou iā te Ia.

Na a’oa’o mai Elder Ronald A. Rasband o le Korama a Aposetolo e To’asefululua mea nei e uiga i lenei fa’apotopotoina tele:

13:48

O le fa’apotopotoina o le fa’ailoaga tupito e faapea e “taua tele le aoga o agaga i le silafaga a le Atua” [Mataupu Fa’avae ma Feagaiga 18:10].E faigofie lava fa’apena.O lo o tatou fa’apotopotoina fanau a le Atua i nei aso e gata ai ina ia latou maua “fa’amanuiaga e liligi mai i o latou luga” [3 Nifae 10:18] ma folafolaga o “oa o le faavavau” [Mataupu Fa’avae ma Feagaiga 78:18].E sosoo atu e faapea i le fa’apotopotoina o Isaraelu tatou te mana’omia ai faifeautalai.(“E Maeu Lo Outou Olioli,” Liahona, Nov. 2023, 52)

O le ā se mea ua a’oa’o mai e le fa’amatalaga a Elder Rasband iā te oe e uiga i le Tamā Fa’alelagi ma Iesu Keriso?

Auai i le fa’apotopotoina

E mafai e tagata a’oga ona tu’uina mai ni tali mo le fesili lenei.Mafaufau e vala’aulia se tagata a’oga e lisi nei tali i luga o le laupapa.

O ā ni popolega e ono iai i talavou o le Au Paia o Aso e Gata Ai e uiga i le fa’asoaina atu o le talalelei a le Fa’aola ma le fa’apotopotoina o Isaraelu?

Ina ia fesoasoani i tagata a’oga e faailoa nei atugaluga, mafaufau e fa’aali atu fa’atonuga o loo i lalo.

E mafai ona e fa’atulaga tagata a’oga i ni vaega toalaiti, e mafai ona galulue tagata aoga ta’ito’atasi i se filifiliga ese e suesue iai.A mae’a loa, e mafai ona latou a’oa’o e le tasi i le isi mea ua latou a’oa’oina.

Filifili se tasi o filifiliga mo suesuega nei.Sauni e fa’asoa atu po o fea le popolega po o popolega e te lagona ua sili ona talanoaina lelei e le faitau o le mau ma pe aisea foi.

Faitau le Ieremia 1:6–9, va’ava’ai po o le ā se mea na saunoa mai ai le Alii, ina ua Ia vala’auina Ieremia e fa’asoa atu le talalelei.
Faitau le Mataupu Fa’avae ma Feagaiga 123:12, 16–17, va’ava’ai po o le ā se mea na a’oa’o atu e Iosefa Samita i le ulua’i Au Paia o Aso e Gata Ai, e feso’ota’i ma le fa’asoaina atu o le talalelei.
Faitau le Mose 6:32–34, va’ava’ai po o le ā le fetalaiga a le Alii ina ua Ia vala’auina Enoka e fa’asoa atu le talalelei.
Saili se mau ese e te lagona e fesoasoani i soo se popolega o lo o i luga o le laupapa.

E mafai ona talanoaina e tagata a’oga fesili nei o se vasega pe i ni paga po o ni vaega toalaiti.

A o e suesue ma taumafai e foia le popolega o i luga o le laupapa, o le ā se mea ua e a’oa’oina e uiga i le Fa’aola?
E fa’apefea e mea ua e a’oa’oina e uiga iā te Ia ona a’afia ai lou naunautaiga e fa’asoa atu Lana talalelei i isi?

Fai se fuafuaga

O ā ni mea na tutupu iā te oe po tagata e te iloa i le fa’asoaina atu o le talalelei a le Fa’aola i isi?

E te ono mana’o e fa’asoa atu ni mea na tutupu iā te oe.Ona fa’aali atu lea o le fa’amatalaga lenei ina ia mafai e tagata a’oga ona faasino iai a o latou faia le latou fuafuaga.

O le vala’aulia lenei ua tuuina mai e Peresitene Russell M. Nelson:

E leai se mea o tupu i lenei lalolagi e sili atu ona taua nai lo le faapotopotoina o Isaraelu mo Ia.Faailoa atu i lou Tama Faalelagi e te manao e fesoasoani.Ole atu ia te Ia e faagalue oe i lenei galuega mamalu.(“Filifiliga mo le Fa’avavau” [faigalotu i le lalolagi atoa mo le autalavou matutua, Mē 15, 2022], Potutusi o le Talalelei).

I lau api tala’aga o suesuega, fai se fuafuaga patino mo le fa’asoaina atu o le talalelei a le Fa’aola i isi.A o le’i faia lenei fuafuaga, e te ono mulimuli atu i le vala’aulia a Peresitene Nelson e ala i le fa’ailoa atu i le agaga tatalo o ou fa’anaunauga e fesoasoani i le fa’apotopotoina o Isaraelu mo le Tamā Fa’alelagi.

Mafaufau e fa’aaofia i lau fuafuaga ni uunaiga mai le Agaga Paia atonu ua e mauaina.Mo se fa’ataitaiga, e te ono fa’aaofia ai po o ai e te mana’o e fa’asoa atu iai le talalelei, e pei o tagata ta’ito’atasi e lē o ni sui auai o le Ekalesia, po o nisi e lē o malolosi e auai i le Ekalesia.Mafaufau e fa’aaofia ai pe fa’apefea ma po o afea e mafai ona e fa’asoa ai ma i latou.

Mafaufau e fa’amae’a i ou lagona e uiga i le Fa’aola ma e uiga i le fesoasoani e aumaia agaga iā te Ia.

O Puna’oa Fa’aopoopo

O le ā le taua o le fa’apotopotoina o Isaraelu?

Na fa’amalamalama mai e Peresitene Russell M. Nelson:

Na auina mai outou i le lalolagi i lenei taimi patino … e fesoasoani e fa’apotopoto iā Isaraelu.E leai se mea o tupu i le lalolagi i le taimi nei e sili atu ona taua nai lo lena. …

O lenei fa’apotopotoina e tatau ona faauiga i mea uma iā te oe. (i le Russell M. Nelson ma Wendy W. Nelson, “Fa’amoemoe o Isaraelu” [faiga lotu a le autalavou i le lalolagi atoa, Iuni 3, 2018], Potutusi o le Talalelei)

O le ā le tatou matafaioi i le fa’apotopotoina o Isaraelu?

Na fa’asoa mai Elder Quentin L. Cook o le Korama a Aposetolo e To’asefululua:

14:48

E pei ona taga’i iai e ala i se tioata manino, ua iai i tagata o Le Ekalesia a Iesu Keriso o le Au Paia o Aso e Gata Ai le avanoa tele o le alofa, fa’asoa, vala’aulia, ma le fesoasoani e fa’apotopoto Isaraelu, ia maua le atoaga o fa’amanuiaga o feagaiga a le Ali’i. …“O lenei fa’apotopotoina e fa’aauau seia fa’apotopotoina ē amiotonu i fa‘apotopotoga o le Au Paia i malo uma o le lalolagi” (Spencer W. Kimball, O A’oa’oga a Spencer W. Kimball, 438).(“Fa’apotopoto Saogalemu i le Fale,” Liahona, Mē 2023, 22)

O ā fa’amanuiaga e mafai ona tatou maua e ala i le fa’asoaina atu o le talalelei a Iesu Keriso?

Na saunoa mai Elder Quentin L. Cook o le Korama a Aposetolo e To’asefululua:

14:48

Fa’amolemole ia malamalama o lo o iai fa’amanuiaga ofoofogia i le fa’asoaina atu o le talalelei a Iesu Keriso.O lo o tautala tusitusiga paia i le olioli ma le filemū, fa’amagaloga o agasala, puipuiga mai fa’aosoosoga, ma le mana faaola mai le Atua.Pe a va’avaai i tala atu o lenei olaga faitino, o le a saunia ai i tatou e fa’asoa atu le talalelei iā i latou “o i le pō uliuli ma o lo o i lalo o le pologa o le agasala i le lalolagi tele o agaga o e ua oti” [Mataupu Fa’avae ma Feagaiga 138:57].(“Fa’apotopoto Saogalemu i le Fale,” Liahona, Mē 2023, 23)

Gaoioiga Fa’aopoopo e A’oa’o Ai

Manatu mo le fa’asoaina atu o le talalelei

Ina ia fesoasoani i tagata a’oga ia faamaite manatu mo le fa’asoaina atu o le talalelei, e mafai ona e vala’aulia i latou e saili share.ChurchofJesusChrist.org.

Ieremia 17.Tausia o le aso Sapati

Afai e te manatu e aoga mo tagata a’oga le talanoaina o le tausia o le aso Sapati, vala’aulia i latou e faitau le Ieremia 17:21–27, fa’ailoga upu pe afai ma le ona.E mafai ona e vala’aulia tagata a’oga e fa’asoa mai folafolaga a le Ali’i pe afai e tausia e tagata Isaraelu le mamalu o le aso Sapati, ma a’afiaga leaga pe afai latou te filifili e faatalalē i lena mea.

E mafai ona e vala’aulia tagata a’oga e fa’asoa mai mataupu fa’avae ua latou a’oa’oina i le tausiaina ia paia le aso Sapati.Latou te ono fa’aaoga upu eseese, ae fesoasoani atu iā i latou ia faailoa le mataupu fa’avae lenei: Afai tatou te tausia le mamalu o le aso Sapati, ona fa’asaoina lea o i tatou e le Ali’i ma fesoasoani iā i tatou ia manuia.Ona mafai lea e tagata a’oga ona fa’asoa mai mea na tutupu i o latou olaga e fai ma molimau i le moni o lenei mataupu fa’avae.

Ieremia 18–19.Omea i aao o le Ali’i

Ina ia fesoasoani i tagata a’oga ia malamalama e naunau ma e mafai e le Alii ona suia o tatou olaga, mafaufau e aumai se fasi omea vaivai.Vala’aulia tagata a’oga e fai vave se ulo mai le omea.Ona e fesili atu lea i tagata a’oga po o a mea e mafai ona latou faia pe afai latou te lē fiafia i le ulo sa fa’ato’a latou faia.Ona vala’aulia lea o tagata a’oga e toe amata ona fai se isi ulo.

Vala’aulia tagata a’oga e faitau le Ieremia 18:1–6, va’ava’ai pe fa’apefea e lenei lesona faatino ona feso’ota’i i le feau a le Ali’i i tagata Isaraelu.Mafaufau e fai atu fesili e pei o nei:

O le ā le uiga o le avea ai ma omea i aao o le Ali’i?
O le ā sou manatu o le ā le uiga o le suia ma toe fetu’una’i e le Ali’i?

Fesoasoani i tagata a’oga ia faailoa se mea moni e talitutusa ma le mea lenei: Afai tatou te filifili e salamō, e mafai e le Ali’i ona suia ma toe fetu’una’i o tatou olaga.

Fa’amatala atu e faapea sa te’ena e tagata Iutaia upu a Ieremia (taga’i i le Ieremia 18:11–12).Vala’aulia tagata a’oga e faitau le Ieremia 19:1–2, 10–11, va’ava’ai po o le ā se mea na fetalai atu le Ali’i o le a tupu ona o le te’ena e tagata Iutaia o Lana vala’aulia ia salamō.

Ona mafai lea ona fa’asoa mai e tagata a’oga ni auala ua latou va’aia ai le suia ma toe fetu’una’i e le Atua o o latou olaga po o olaga o isi latou te iloa.

Ieremia 20:7–9.Fa’asoaina atu o le talalelei—tusa lava pe faigatā

Mafaufau e fa’aopoopo atu le vaega lenei e suesue ai i le vaega o le lesona “Auai i le fa’apotopotoina”.E mafai ona e fa’amatala muamua atu o le to’atele o tagata i aso o Ieremia sa latou te’ena fa’alaua’itele le talalelei.O ana taumafaiga e fa’asoa atu le talalelei na fetaia’i ma sauaga ma tauemuga (taga’i i le Ieremia 20:7–8).Atonu e fesoasoani foi le fa’amatala atu o le upu “fa’apalepale” o lona uiga o le malolo, fa’atuai, po o le taofi; o le upu “nofo” i lenei faatatauga, o lona uiga o le taofi po o le tū sasa’o pea.

Faitau le Ieremia 20:9, va’ava’ai pe aiseā na fa’aauau ai pea ona talanoa Ieremia e uiga i le Fa’aola ma Lana tala lelei, e ui lava sa fa’aosoosoina o ia e faamuta ona o le tete’e mai e tagata o lana savali.

O le a’afiaga e mafai ona maua e se tagata se to’atasi

Mafaufau e fa’aali le vitiō “Inviting All to Come unto Christ: Sharing the Gospel” (4:30) i le mae’a ai o le gaoioiga o suesuega i le vaega o le lesona “Auai i le fa’apotopotoina”.E mafai ona e vala’aulia tagata a’oga e saili mo a’afiaga e mafai ona maua e se tagata se to’atasi a o latou galulue e fa’apotopoto Isaraelu, e ui atonu e faigata.

4:23