Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Ieremia 2–3: “Inā foi mai ia … Auā Ou te Alofa Lava A’u o lo o fetalai mai ai le Ali’i”

“Ieremia 2–3: ‘Inā foi mai ia … Auā Ou te Alofa Lava A’u o lo o fetalai mai ai le Ali’i,’” Tusi Lesona a le Faia’oga Seminare o le Feagaiga Tuai (2026)

“Ieremia 2–3: ‘Inā foi mai ia … Auā Ou te Alofa Lava A’u o lo o fetalai mai ai le Ali’i,’” Tusi Lesona a le Faia’oga Seminare o le Feagaiga Tuai

Ieremia 1–3; 7; 16–18; 20: Lesona 131

Ieremia 2–3

“Inā foi mai ia … Auā Ou te Alofa Lava A’u o lo o fetalai mai ai le Ali’i”

E talitutusa ma aso nei, o a’afiaga fa’alelalolagi i vaitaimi o Ieremia sa malolosi.O le to’atele o tagata o le Ali’i ua pa’uū ese mai Ana a’oa’oga ma o le a le pine ae fa’atoilaloina e o latou fili.E ui i lo latou amioleaga, ae na auina atu Ieremia e a’oa’o atu o lo o fa’aauau pea ona vala’aulia i latou e le Atua e liliu atu iā te Ia ma fa’amalōlōina.O lenei lesona e mafai ona fesoasoani i tagata a’oga e fa’ateleina lo latou naunau e liliu atu i le Fa’aola mo le alofa mutimutivale ma le fa’amalōlōga.

Sauniuniga a le tagata a’oga: Vala’aulia tagata a’oga e saili se mau fa’aletusi paia o lo o a’oa’o mai e uiga i fa’amanuiaga o le salamō.E mafai ona latou sauni e fa’asoa mai pe aiseā e anoa ai na fa’amanuiaga iā i latou.

Gaoioiga e Ono Mafai Ona Aoaoina Ai

O vai’eli e le o iai ni vai

Ina ia fesoasoani i tagata a’oga ia malamalama i le tulaga o tagata i le vaitaimi o Ieremia, fa’amatala atu e masani ona fesoasoani le Ali’i iā i tatou ia va’ai i upu moni fa’aleagaga e ala i le fa’atusaina o i latou i mea ua tatou masani ai.

Mafaufau e avatu i le vasega se sioki vai, o se pesini po o se ipu loloto lapoa, o se ipu e iai ni nai pūpū i le pito i lalo.

U’u i luga le sioki vai a o faitau e tagata a’oga le fuaiupu lenei.

Faitau le Ieremia 2:13, va’ava’ai mo se fa’alagiga o le Fa’aola ua fa’atusa iai le vai.(O se “vai’eli” o se vaega i lalo o le eleele ua faia e teuina ai vai.)

O le ā se mea e mafai e le fa’alagiga “vaipuna (po o le puna vai) o vai ola” ona a’oa’o mai iā i tatou e uiga iā Iesu Keriso?

E ono fa’asoa mai e tagata a’oga mea e pei o Iesu o le puna e le uma o le fa’amāmāina ma le toefa’atumuina fa’aleagaga.

Vala’aulia se tagata a’oga e uu le ipu i luga o le pesini (ia fa’amautinoa e lē masa’a le vai) ma sasa’a le vai mai le sioki vai i totonu o le ipu. E ono fesoasoani mo tagata a’oga le toe vaavaai i le fuaiupu 13 a’o le’i faia se tasi po’o fesili uma e lua nei.
O le ā se mea atonu e fa’atusa iai le sasa’aina o le vai i totonu o le ipu mai le fuaiupu?
O le ā se mea ua a’oa’o mai iā i tatou e pūpū i le vai’eli e uiga i le tulaga fa’aleagaga o tagata i aso o Ieremia?

Fa’asoa atu i tagata a’oga e faapea o tagata i le taimi o Ieremia sa liliu atu i mea o le lalolagi, e pei o atua sēsē nai lo le Ali’i, mo le fa’amoemoe ma le malosi i o latou olaga.

Toe manatunatu mo sina taimi e uiga i lou liliu atu iā Iesu Keriso ma lou loto iai mo le fa’amoemoe ma le malosi i lou olaga.A o e suesue i le asō, ia anagofie i u’una’iga po o lagona mai le Agaga Paia e uiga i le liliu atu i le Fa’aola nai lo o isi punapogai mo fa’amanuiaga ma fa’amalōlōga.

Lagonaina ai o le taumamao mai le Tamā Fa’alelagi ma Iesu Keriso

Ina ia fesoasoani i tagata a’oga e feso’ota’i ma le tulaga i le vaaiga fa’ataitai lenei, mafaufau e fa’aali atu se ata o se talavou e pei ona fa’aalia.Vala’aulia tagata a’oga e aumai se igoa ma ni nai fa’amatalaga e uiga iā te ia.

Vaai faalemafaufau o lo o iai se ali’i talavou i lau vasega seminare o lo o manatu o lona olaga e pei o se vai’eli malepe ona o filifiliga lē lelei na ia faia i le taimi ua tuana’i.Ua ia lagona le taumamao mai le Tamā Fa’alelagi ma Iesu Keriso ma ua leai se fa’amoemoe mo mea e toe foi i se lelei sili atu.

Faitau le Ieremia 3:12–15, 22, va’ava’ai mo fetalaiga o Iesu Keriso o le a aoga mo lenei talavou pe a malamalama iai.(Atonu e fesoasoani le iloa o le “liliu ese” i nei fuaiupu, o lona uiga o le lē fa’atuatua po o le fa’alogogata.)

Mafaufau e tusi le faamatalaga le mae’a lenei i luga o le laupapa.Vala’aulia tagata a’oga e fa’asoa mai auala e fa’auma ai le fa’amatalaga e fa’aaoga ai upu ma fasifuaitau mai fuaiupu.

Mo i latou ua salamō ma liliu i le Ali’i, o le a Ia …”

O tali e ono aofia ai le “ia alofa mutimutivale,” “ia lē ita,” (fuaiupu 12), “aumaia outou i Siona,” (fuaiupu 14), “avatu iā te outou leoleo mamoe (taitai) latou te fafaga iā te outou i le poto ma le fa‘autauta,” (fuaiupu 15), “fa‘amālōlōina lo outou liliu ese,” (fuaiupu 22), ma isi mea fa’apena .

E ono fesoasoani le fa’aalu o se taimi e talanoaina ai soo se fasifuaitau mai nei fuaiupu o lo o iai ni fesili a tagata a’oga.Vala’aulia tagata a’oga e fa’amaumau i a latou api tala’aga se tasi pe lua o fasifuaitau latou te manatu e ono fesoasoani i le ali’i talavou i le vaaiga fa’ataitai ia malamalama ai e uiga iā Iesu Keriso.O le a maua e tagata a’oga le avanoa e fa’asoa mai ai mea sa latou filifilia mulimuli ane.

Alofa mutimutivale o le Tamā Fa’alelagi ma Iesu Keriso

Ina ia fesoasoani i tagata a’oga e fa’ateleina lo latou mautinoa i le fa’anaunauga o le Ali’i e fa’amanuia ma fa’amalōlō i latou e liliu atu iā te Ia, e mafai ona e fa’asoa atu le fa’amatalaga lenei.

Na a’oa’o mai Elder Dieter F. Uchtdorf o le Korama a Aposetolo e To’asefululua le mea lenei e uiga i le fa’anaunauga o le Tamā Fa’alelagi ma Iesu Keriso e fa’amalōlō i latou ua salamō:

O ai se tasi o tatou e le’i tuua le ala o le paia, ma mafaufau faavalevalea e mafai ona tatou maua le fiafia sili atu i lo tatou o i o tatou lava ala o le manatu faapito?

O ai se tasi o i tatou e le’i lagonaina le lotomaualalo, lotonutimomoia, ma naunau mo le faamagaloga ma le alofa mutimutivale?

Atonu o nisi na o le taumanatu, “Mata ea e mafai ona toe fo’i?Pe o le a faia pea ma o’u pona e faavavau, teena, ma faaesea e a’u uo muamua?Pe sili ea le nofo leiloa ai pea? Mata o le ā se tali mai a le Atua pe afai ou te taumafai e toe fo’i atu?”…

O le a tamo’e mai lo tatou Tamā Fa’alelagi iā i tatou, ua taumasuasua Lona finagalo i le alofa ma le agalelei. …

Ou te molimau atu o le taimi lava e tonu ai iā te oe e toe foi mai ma savali i le ala o lo tatou Fa’aola ma le Togiola, o le a ulufale atu Lona mana i lou olaga ma suia ai.(“O Le Atali’i Fa’amaumau Oa ma le Auala e Taitai atu ai i le Aiga,” Liahona, Nov. 2023, 88)

Tusi i lau api tala’aga o malamalama’aga ua e maua mai lenei fa’amatalaga ia e mafai ona fa’amanuiaina ai le ali’i talavou i le vaaiga fa’ataitai.O le a e maua le avanoa e fa’asoa atu ai nei mea i se taimi mulimuli ane.

Faaiuga

O le gaoioiga lenei, e mafai ona avea ma avanoa lelei mo tagata a’oga e lagona ai le Agaga Paia o molimau e uiga i mea latou te faimai ai, ma mea latou te fa’alogo iai mai isi tagata a’oga.

Mafaufau e fa’aali atu fa’atonuga nei.(O le vaega muamua o lo o i lalo e tu’uina atu ai i tagata a’oga le avanoa e fa’asoa mai ai mea na latou faia mo a latou sauniuniga a le tagata a’oga ae le’i amataina le vasega.)

Sauni e fa’asoa atu mea e te ono fai atu ai i le ali’i talavou i le vaaiga fa’ataitai e ala i le toe iloiloina o mea na e tusiaina i totonu o lau api tala’aga.Mafaufau e fa’aaofia ai foi ma mea nei:

O se mea mai se isi mau po o se tala fa’aletusi paia o lo o fa’aali mai ai fa’amanuiaga o le salamō (E te ono saili le salamō i le Taiala Autū po o le Taiala i Tusitusiga Paia.)

O ou lagona e uiga i le alofa ma le naunau o le Fa’aola e fesoasoani iā i latou uma o e liliu atu iā te Ia

A mae’a ona tu’uina atu i tagata a’oga se taimi e sauniuni ai, vala’aulia i latou e fa’asoa o latou manatu ma se paga po o se vaega to’alaiti.

A mae’a ona maua e tagata a’oga le avanoa e fa’asoa ai, e te ono fa’ai’u le lesona e ala i le vala’aulia o ni nai tagata a’oga e ofo mai e fa’asoa mai a latou tali i le fesili lenei.

O le ā se mea ua e a’oa’oina pe lagonaina i le asō e mafai ona u’una’ia ai lou mana’o e liliu atu i le Fa’aola mo Lona alofa mutimutivale ma le fa’amalōlōga?

O Puna’oa Fa’aopoopo

O ā fa’amanuiaga e ono maua mai le liliu atu iā Iesu Keriso?

Ua a’oa’o mai Elder Neil L. Andersen o le Korama a Aposetolo e To’asefululua:

13:26

E ala i le taulai atu o lo tatou gauai atoa ia Iesu Keriso, o isi mea uma o siomia ai i tatou—e ui ina i ai pea—e vaaia e ala i lo tatou alofa mo Ia.E mouese malie faataumaoi e faaletāua, ma tatou te aveesea na mea e le talafeagai ma Lona malamalama ma le tagata.A o e faaauau pea ona uu mau ma le gauai atu o lenei manatu o Iesu Keriso, faalagolago ia te Ia, ma tausi Ana poloaiga, ou te folafola atu ia te oe e le gata i le taitaiga faalelagi ae faapea foi i le mana faalelagi—o le mana lea e aumaia le malosi i au feagaiga, filemu i ou faafitauli, ma le olioli i ou faamanuiaga.(“Ua Mau Lo’u Mafaufau i Lenei Manatu iā Iesu Keriso,” Liahona, Mē 2023, 93)

Ae fa’apefea pe a lagona e pei ua e sē mamao ese?

Na fa’asoa mai Elder Dieter F. Uchtdorf o le Korama a Aposetolo e To’asefululua:

14:32

Po o le ā lava mea atonu na tutupu i lou olaga, ou te toe fa’aleo ma folafola atu upu a la’u uō pele ma le uso a Aposetolo iā Elder Jeffrey R. Holland: “E lē mafai ona e goto maualalo ifo nai lo le susulu o le malamalama e lē gata o le susulu o le [taulaga togiola] a Keriso.”

E ui atonu o filifiliga ua aveese mamao ai oe mai le Faaola ma Lana Ekalesia, ae o loo tu le Foma’i Sili o le Faamalologa i le auala e tau atu i le fale, e talileleia oe.Ma o i tatou o tagata o le Ekalesia a Iesu Keriso, e saili ia mulimuli i Lana faataitaiga ma opoina outou o ni o tatou uso ma tuafafine, o ni a tatou uo.Tatou te olioli ma fiafia faatasi ma oe.(“O Le Atali’i Fa’amaumau Oa ma le Auala e Taitai atu ai i le Aiga,” Liahona, Nov. 2023, 88)

Na a’oa’o mai e Peresitene Jeffrey R. Holland o le Korama a Aposetolo e To’asefululua:

O mea uma i le talalelei ua a’oa’o mai ai iā i tatou e mafai ona tatou sui pe a tatou loto iai, e mafai ona tatou maua le fesoasoani pe a tatou manana’o moni iai, e mafai ona fa’aatoatoa i tatou, po ā lava ni fa’afitauli i taimi ua mavae.(“He Hath Filled the Hungry with Good Things,” Ensign Nov. 1997, 66)

Gaoioiga Fa’aopoopo e A’oa’o Ai

“O mea e lē aogā” (Ieremia 2:8, 11)

Fa’atasi ai ma suesuega i le Ieremia 2:13, e te ono tu’u atu i tagata a’oga e fa’ailoa ma fa’ailoga fasifuaitau o le “o mea e lē aogā” ma le “o mea e fai e lē aogā” i le Ieremia 2:8, 11.E mafai ona e vala’aulia tagata a’oga e faitau fa’amatalaga nei mai iā Peresitene Nelson, va’ava’ai pe fa’apefea ona fa’atatau i a’oa’oga a Ieremia:

18:43

[A]e o le upumoni silisili lenei: e ui e manatu pea le lalolagi o le malosi, o mea totino, lauiloa, ma mea fa’afiafia o le tino e aumaia ai le fiafia, ae e leai!E latou te lē mafai!E leai se mea latou te foaina ae ua na o se suitulaga gaogao mo le “tulaga manuia ma le fiafia o i [latou] o e e tausi i poloa’iga a le Atua.”

O le upumoni lava, e matua sili ona faavaivaia le saili o le fiafia i nofoaga e lē mafai ona e maua ai!Peitai, pe a e amo faatasi oe lava ma Iesu Keriso ma faia le galuega faaleagaga e manaomia e manumalo ai i le lalolagi, o Ia, ma e na’o Ia lava, o loo i ai le mana e siitia ai oe i luga a’e o faaosoosoga o lenei lalolagi.(“Manumalō i le Lalolagi ma Maua le Malōlōga,” Liahona, Nov. 2022, 96–97)

O ā ni fa’ataitaiga o mea e saili ai e tagata le fiafia ae lē maua ai?E fa’apefea ona pei lena mea o se vai’eli malepe?
Ua fa’apefea e oe po o nisi e te iloa ona maua le olioli i le mulimuli ai i le Fa’aola?

Liliu atu i le Ali’i

O nisi taimi, e fa’aaoga e mau ia fasifuaitau tatou te manatu o lo o malamalama ai tagata a’oga, ae e leai.E ono fesoasoani le fa’amautinoa e faapea ua malamalama tagata a’oga i le ala latou te “toe foi” ai iā Iesu Keriso (taga’i i le Ieremia 3:12, 22).O se tasi o auala e te ono faia ai lenei mea o le vala’aulia lea o tagata a’oga e saili se mau ua a’oa’o mai e fa’atatau i le liliu atu i le Ali’i.O nisi fa’ataitaiga e aofia ai le 2 Nifae 31:20; Enosa 1:2–4; Moronae 7:16; ma le Mataupu Fa’avae ma Feagaiga 11:12.

Ona mafai lea ona vala’aulia tagata a’oga e fa’asoa mea ua latou maua ma pe fa’apefea ona fesoasoani i se tagata e liliu pe toe foi atu ai i le Ali’i.

O se fa’ataitaiga o le alofa mutimutivale ma le alofa o le Ali’i

E avea ma sui i fa’ataitaiga vitiō i le lesona, e te ono fa’aali atu le “Wheelz: Overcoming is Possible.”Vala’aulia tagata a’oga e va’ava’ai pe fa’apefea ona fa’ataitaia e lenei tala le mea na a’oa’o mai e le Alii i le Ieremia 3:12–15, 22.

7:13