Երեմիա 1

Որպեսզի օգնեք ուսանողներին պատրաստվել սովորել, որ Երկնային Հայրը գիտի իրենց, և որ Նա աստվածային նպատակ ունի իրենց համար, առաջարկեք նրանց պատկերացնել հետևյալ իրավիճակը: (Կարող եք հարմարեցնել իրավիճակը՝ այն ձեր ուսանողներին ավելի համապատասխանեցնելու համար: Օրինակ՝ դա կարող է լինել ուսուցիչը, որն իրենց առջև խնդիր է դնում՝ որոշակի գնահատական ստանալ բարդ առարկայից:)

Ցուցադրեք հետևյալ ինքնագնահատումը, որպեսզի օգնեք ուսանողներին խորհել այն մասին, թե արդյոք Երկնային Հայրը և Հիսուս Քրիստոսը կատարելապես ճանաչում են իրենց և իրենց աստվածային նպատակը: (Նշում․ ուսանողներին կառաջարկվի անդրադառնալ այս ինքնագնահատմանը Դաս 148. «Գնահատեք ձեր գիտելիքները 9»-ում։)

Ուսանողներին առաջարկեք իրենց աստվածային նպատակի մասին ավելին սովորելու ընթացքում ուշադրություն դարձնել Սուրբ Հոգու մտքերին և զգացմունքներին:

Որպեսզի օգնեք ուսանողներին հասկանալ, թե ինչպես են իրենք առնչվում Երեմիայի հետ, կարող եք հարցնել նրանց, թե ինչպես կզգային իրենց, եթե Տերը խնդրեր իրենց անել որևէ դժվար բան, օրինակ՝ ելույթ ունենալ եկեղեցում, դաս ուսուցանել, միսիայում ծառայել և այլն:

Երեմիան, հավանաբար, նույնն էր զգում, երբ Տերը կանչեց նրան ծառայելու որպես մարգարե Հուդայի թագավորությունում: Ուսանողների համար գուցե հետաքրքիր լինի իմանալ, որ Երեմիան մարգարեացել է Երուսաղեմում՝ Լեքիի հետ մոտավորապես նույն ժամանակահատվածում (տես 1 Նեփի 7․14)։

Երբ ուսանողները կիսվեն, օգնեք նրանց նշել, որ մեր ծնվելուց առաջ Տերը ճանաչում էր մեզ և մեզ հատուկ պարտականություններ էր տվել՝ մահկանացու կյանքում դրանք կատարելու համար:

Ուսանողներին առաջարկեք տալ ցանկացած հարց, որը կարող են ունենալ այդ ճշմարտության վերաբերյալ: Եթե նրանք հարցեր են տալիս, որոնց Տերը դեռ հստակ չի պատասխանել, շնորհակալություն հայտնեք նրանց խոհուն հարցերի համար, բայց զգույշ եղեք, որ ենթադրություններ չանեք պատասխանների վերաբերյալ:

«Օժանդակ նյութեր» բաժնում առկա պնդումները կարող են օգնել պատասխանել ուսանողների հարցերին:

Այլ մարդկանց օրինակները տեսնելու համար, որոնք կանչվել էին կատարելու որոշակի պարտականություններ մահկանացու կյանքում, ուսանողները կարող են կարդալ հետևյալ հատվածներից մեկը կամ մի քանիսը. Ղուկաս 1․13–17, 1 Նեփի 11․14–20, Մոսիա 3․5–10, Վարդապետություն և Ուխտեր 138.53–56։

Ելնելով ձեր ուսանողների հարցերից և կարիքներից՝ ընտրեք դասի հետևյալ երեք բաժիններից մեկը կամ մի քանիսը, որոնք, ըստ ձեզ, լավագույնս կօգնեն նրանց:

Ստորև ներկայացված սուրբ գրությունների ուսումնասիրության համար դասարանի մի կեսին առաջարկեք նշել Տիրոջ տված խորհուրդները, իսկ մյուս կեսին՝ նշել Տիրոջ տված խոստումները: Ապա հանձնարարեք ուսանողներին գտնել զուգընկերոջ, որը նշել է այլ խորհուրդներ կամ խոստումներ՝ միմյանց հետ կիսվելու համար:

Ապա դասարանով քննարկեք ստորև ներկայացված հարցերը:

Որպեսզի օգնեք ուսանողներին ցանկություն զգալ՝ սովորելու և իրականացնելու իրենց աստվածային նպատակը, կարող եք դիտել «The Choice Generation» տեսանյութը 5:43-7:14, որը հասանելի է ChurchofJesusChrist.org կայքում։ Այն ցույց է տալիս, թե ինչպես է մի երիտասարդ օրհնվել՝ իմանալով իր աստվածային նպատակի մասին:

11:24

Ուսանողներին առաջարկեք փոքր խմբերով քննարկել հետևյալ հարցը և երկու րոպեի ընթացքում տալ հնարավորինս շատ տարբեր պատասխաններ: Ապա առաջարկեք նրանց գրատախտակին գրել իրենց մտքին եկած գաղափարները:

Ուսանողները կարող են կիսվել հետևյալ կերպ․ կարդալ հայրապետական օրհնություններ, աղոթել, ստանալ անձնական հայտնություն, խորհրդակցել իրենց սիրելիների հետ և մեծարել կոչումները:

Կարող եք ցուցադրել հետևյալ պնդումը։ Յուրաքանչյուր խմբին առաջարկեք ընտրել երեց Փինգրիի չորս առաջարկներից մեկը և քննարկել, թե այդ առաջարկին հետևելն ինչպես կարող է օգնել դեռահասին հասկանալ աստվածային պարտականությունները, որոնք Երկնային Հայրը տվել է իրեն:

Որպեսզի օգնեք ուսանողներին կիսվել այսօր իրենց սովորածով և զգացածով, առաջարկեք նրանց անել հետևյալը. Դա անելիս խրախուսեք ուսանողներին հետևել ցանկացած հուշմանը, որը կարող են ստանալ Սուրբ Հոգուց:

Օգնեք ուսանողներին այս դասի ընթացքում մտապահել վարդապետության սերտման հղումը և սուրբգրային հիմնական արտահայտությունը, ապա կրկնել դրանք հետագա դասերի ժամանակ: Երեմիա 1․4–5 հատվածների սուրբգրային հիմնական արտահայտությունն է՝ «Քեզ որովայնում չկազմած՝ ես ընտրեցի քեզ … և ես քեզ ազգերին մարգարե եմ դրել»։ Մտապահելու համար նախատեսված վարժությունների վերաբերյալ գաղափարները ներկայացված են հավելվածի նյութերում՝ «Վարդապետության սերտման կրկնության վարժություններ» բաժնում: