Երեմիա 16

• Ձեր կարծիքով, որո՞նք են Աստծո մեծագույն հրաշքները կամ Նրա զորության դրսևորումները:

Մտածեք այն հիանալի հրաշքների մասին, որ Աստված գործել է անցյալում՝ կարդալով նախագահ Ռասսել Մ. Նելսոնի հետևյալ խոսքերը․

Այնքան հրաշալի բաներ կան առջևում: Գալիք օրերին մենք ականատես ենք լինելու Փրկչի զորության ամենամեծ դրսևորումներին, որոնք երբևէ տեսել է աշխարհը: («Հաղթել աշխարհին և հանգստություն գտնել», Լիահոնա, նոյ. 2022, 95)

Կարդացեք Երեմիա 16․14–15 հատվածները՝ փնտրելով մի բան, որ Փրկիչը անելու է վերջին օրերում, որը նույնիսկ ավելի ուշագրավ է լինելու, քան Իսրայելի ազատումը Եգիպտոսից:

• Ի՞նչ բացահայտեցիք:

  Եթե ուսանողները օգնության կարիք ունենան, կարող եք բացատրել, որ այս հատվածներում Երեմիան մարգարեացել է վերջին օրերում Իսրայելի հավաքման մասին:

  Ըստ անհրաժեշտության, բացատրեք, որ նախագահ Նելսոնն ուսուցանել է, որ Իսրայելի հավաքումը նշանակում է «Հիսուս Քրիստոսի ավետարանն առաջարկել Աստծո զավակներին՝ վարագույրի երկու կողմերում» (Ռասսել Մ. Նելսոն և Վենդի Վ. Նելսոն, «Իսրայելի հույսը» [համաշխարհային հոգևոր հավաք երիտասարդների համար, 3 հունիսի, 2018], Gospel Library): Այս դասը կկենտրոնանա Իսրայելը վարագույրի այս կողմում հավաքելու վրա:

• Երբ մտածում եք Աստծո՝ Իր զավակների համար ծրագրի մասին, ինչո՞ւ կարող է Իսրայելի հավաքումն ավելի մեծ հրաշք լինել, քան Իսրայելի ազատումը Եգիպտոսից:

Խորհեք հետևյալ հարցերի շուրջ.

• Իսրայելի հավաքումը կարևո՞ր է ձեզ համար։ Ինչո՞ւ այո, կամ ինչո՞ւ ոչ։

• Ի՞նչ մտքեր ունեք դրան մասնակցելու վերաբերյալ։

Եթե դուք մասնակցում եք Իսրայելի հավաքմանը, Փրկիչը կարող է դրսևորել Իր հրաշագործ զորությունը ձեր միջոցով, ինչպես Նա արեց դա Մովսեսի միջոցով: Այսօր Երեմիա 16 գլուխն ուսումնասիրելիս ուշադրություն դարձրեք Սուրբ Հոգուց ստացած տպավորություններին: Խորհեք, թե ինչպես կարող է Փրկիչը ձեզ օգտագործել այս մեծ հավաքման ընթացքում:

Երեմիա 16.10–18 հատվածներում Տերը ոգեշնչեց Երեմիային՝ մարգարեանալ իսրայելացիների կործանման մասին, որը տեղի ունեցավ նրանց ըմբոստության պատճառով: Տերն ուսուցանեց նրանց, որ «[Իր] աչքերի առաջ գաղտնի չեն նրանց անօրենությունները» (հատված 17), և որ Ինքը նրանց արդար պատիժ կուղարկի, եթե նրանք շարունակեն ըմբոստանալ:

Կարդացեք Երեմիա 16․13 հատվածը՝ փնտրելով, թե ինչ հետևանքներ կլինեն իսրայելացիների համար՝ իրենց ամբարշտության պատճառով:

Այնուհետև Երեմիա 16.14–15 հատվածներում Երեմիան մարգարեացավ, որ վերջին օրերում Փրկիչը ցույց կտա Իր զորությունը՝ Իսրայելը նորից հավաքելով Իր և Իր Եկեղեցու մոտ:

Կարդացեք Երեմիա 16.16 հատվածը՝ փնտրելով համեմատություններ, որոնք Տերն արեց այն մարդկանց վերաբերյալ, որոնք օգնում են հավաքել Իսրայելը:

• Ինչո՞ւ ձկնորսությունն ու որսը լավ համեմատություն են այն մարդկանց վերաբերյալ, որոնք օգնում են հավաքել Իսրայելը:

• Ի՞նչ եք սովորում Իսրայելը հավաքելու մեր դերի մասին:

Տասներկու Առաքյալների Քվորումից երեց Ռոնալդ Ա. Ռասբանդն այդ մեծ հավաքման մասին ուսուցանել է հետևյալը․

13:47

Հավաքումը վերջնական ճանաչումն է այն բանի, որ «հոգիների արժեքը մեծ է Աստծո աչքում» [Վարդապետություն և Ուխտեր 18․10]։ Դա այնքան պարզ է: Այս վերջին օրերին մենք հավաքում ենք Աստծո զավակներին, որպեսզի նրանք կարողանան «մեծ օրհնություններ ունենալ՝ թափված իրենց գլխին» [3 Նեփի 10․18] և «հավերժության հարստությունների» խոստումներ [Վարդապետություն և Ուխտեր 78․18]։ Սրանից հետևում է, որ Իսրայելը հավաքելու համար մեզ միսիոներներ են պետք։ («Որքան մեծ կլինի ձեր ուրախությունը», Լիահոնա, նոյ. 2023, 52)

• Երեց Ռոնալդ Ա. Ռասբանդի այս խոսքերն ի՞նչ են ուսուցանում ձեզ Երկնային Հոր և Հիսուս Քրիստոսի մասին:

• Ի՞նչ մտահոգություններ կարող են ունենալ Վերջին Օրերի Սրբերի դեռահասները Փրկչի ավետարանով կիսվելու և Իսրայելը հավաքելու վերաբերյալ:

Ընտրեք ուսումնասիրության հետևյալ տարբերակներից մեկը։ Պատրաստվեք կիսվել, թե ձեր կարծիքով, որ մտահոգությանը կամ մտահոգություններին է լավագույնս պատասխանում սուրբ գրությունների հատվածը և ինչու:

1. Կարդացեք Երեմիա 1.6–9 հատվածները՝ փնտրելով, թե ինչ ասաց Տերը, երբ կանչեց Երեմիային՝ ավետարանով կիսվելու համար։

2. Կարդացեք Վարդապետություն և Ուխտեր 123․12, 16–17 հատվածները՝ փնտրելով, թե ինչ է ուսուցանել Ջոզեֆ Սմիթը վաղ շրջանի Վերջին Օրերի Սրբերին՝ ավետարանով կիսվելու մասին։

3. Կարդացեք Մովսես 6․32–34 հատվածները՝ փնտրելով, թե ինչ ասաց Տերը, երբ Նա կանչեց Ենովքին՝ ավետարանով կիսվելու համար:

4. Գտեք մեկ այլ սուրբ գրություն, որը, ձեր կարծիքով, օգնում է լուծել գրատախտակին գրված որևէ մտահոգություն:

• Ի՞նչ սովորեցիք Փրկչի մասին՝ ուսումնասիրելով և փորձելով լուծել գրատախտակին գրված մի մտահոգություն:

• Նրա մասին ձեր սովորածն ինչպես կարող է ազդել Նրա ավետարանով ուրիշների հետ կիսվելու ձեր ցանկության վրա:

Պատրաստեք ուսանողներին՝ կազմելու ավետարանով կիսվելու ծրագիր։ Օրինակ՝ կարող եք ցուցադրել «Simple Ways to Love, Share, and Invite for Youth» տեսանյութը (2:50), որը հասանելի է ChurchofJesusChrist.org կայքում: Ուսանողները կարող են փնտրել եղանակներ, որոնցով կարող են կիսվել ավետարանով: Այնուհետև նրանք կարող են կիսվել լրացուցիչ եղանակներով, որոնց մասին մտածում են:

2:52

• Ուրիշների հետ Փրկչի ավետարանով կիսվելու ի՞նչ փորձառություն եք ունեցել դուք կամ ձեր ծանոթները:

Նախագահ Ռասսել Մ. Նելսոնը հղել է հետևյալ ուղերձը․

Այս երկրի վրա ավելի կարևոր բան չկա, քան հավաքել Իսրայելը Նրա համար: Թող ձեր Երկնային Հայրն իմանա, որ դուք ցանկանում եք օգնել: Խնդրեք Նրան, որ ձեզ լծի այս փառահեղ գործին: («Ընտրություններ հավերժության համար», [համաշխարհային հոգևոր հավաք չափահաս երիտասարդների համար, մայիսի 15, 2022], Gospel Library հավելված)

Ձեր ուսումնական օրագրում կազմեք անձնական ծրագիր՝ Փրկչի ավետարանով ուրիշների հետ կիսվելու վերաբերյալ: Նախքան այդ ծրագիրը կազմելը, կարող եք հետևել նախագահ Նելսոնի հրավերին և աղոթքով արտահայտել ձեր ցանկությունները՝ օգնելու Իսրայելը հավաքել Երկնային Հոր համար:

Ձեր ծրագրում ներառեք Սուրբ Հոգուց ստացած տպավորությունները: Կարող եք ներառել, թե ում հետ կցանկանայիք կիսվել ավետարանով, օրինակ՝ այն մարդկանց, որոնք Եկեղեցու անդամ չեն կամ ակտիվորեն չեն անդամակցում Եկեղեցուն: Մտածեք նաև, թե ինչպես և երբ կարող եք կիսվել նրանց հետ: