Եսայի 60–66

• Ի՞նչ խնդիրներ կան աշխարհում, որոնք կցանկանայիք փոխել:

Մի պահ մտածեք ձեր կամ ձեր սիրելի մարդկանց կյանքում առկա խնդիրների մասին, որոնք կցանկանայիք փոխել: Այսօրվա ուսումնասիրության ընթացքում խնդրեք Սուրբ Հոգու առաջնորդությունը, երբ փնտրում եք ճշմարտություններ, որոնք կարող են օգնել մեզ և աշխարհին:

Բացել PDF-ը

Եսայու գրքի վերջին գլուխները պարունակում են Եսայու ուսմունքներն ու մարգարեությունները Փրկչի Երկրորդ Գալուստի և Հազարամյակի մասին:

Կարդացեք հետևյալ հատվածները՝ նշելով արտահայտություններ, որոնք կօգնեն ձեզ ոգևորություն զգալ Փրկչի վերադարձի համար.

• Եսայի 60․18–20

• Եսայի 62․11–12

• Եսայի 65․17–25

  Ուսանողներին առաջարկեք կիսվել իրենց գտած որոշ արտահայտություններով և նրանով, թե ինչու են իրենք անհամբեր սպասում, որ Փրկիչը կտա այդ օրհնությունը: Ուսանողները կարող են կիսվել արտահայտություններով, որոնք ցույց են տալիս, որ Փրկիչը կհաղթահարի աշխարհի խնդիրները: Ահա մի քանի օրինակ․

  • «Քո երկրում այլևս լսելի չեն լինելու բռնությունը» (Եսայի 60․18)

  • «Քո սգի օրերը պիտի վերջանան» (Եսայի 60․20)

  • «Նրա մեջ այլևս լացի ձայն չպիտի լսվի» (Եսայի 65․19)

  • «Նրանք չպիտի վնասեն և չպիտի փչացնեն» (Եսայի 65․25)

  Արդյունավետ կլինի նաև խրախուսել ուսանողներին սուրբ գրություններում նշել այն արտահայտությունները, որոնցով կիսվում են իրենց դասընկերները:

• Ինչպե՞ս կարող եք ամփոփ ներկայացնել, թե Փրկիչն ինչ կանի Իր ժողովրդի համար, երբ վերադառնա:

• Ինչո՞ւ եք կարծում, որ Հիսուս Քրիստոսի երկիր գալը երջանկություն, խաղաղություն և ուրախություն կբերի։

Մի քանի րոպե տրամադրեք՝ խորհելու Հազարամյակի և Փրկչի վերադարձի օրհնությունների մասին ձեր ունեցած ցանկացած հարցի շուրջ: Տերը ավելին է հայտնել այդ թեմայի վերաբերյալ:

Ընտրեք Հազարամյակի վերաբերյալ ձեր անձնական հարցերից մեկը կամ երկուսը կամ հետևյալ հարցերը, որոնք ձեզ ամենաշատն են հետաքրքրում: Մի քանի րոպե տրամադրեք՝ սուրբ գրություններում և աստվածայնորեն սահմանված աղբյուրներում պատասխաններ փնտրելու համար: Կարող է օգտակար լինել «Հազարամյակ» վերնագրով բաժինը Սուրբ գրքերի ուղեցույցում և Թեմաներ և հարցեր բաժինը ChurchofJesusChrist.org կայքում։

1. Ի՞նչ է նշանակում, որ Տերը «կստեղծի նոր երկինք և նոր երկիր»: (Եսայի 65․17) Կարդացեք Վարդապետություն և Ուխտեր 88․25–26 և Հավատո Հանգանակը 1․10 հատվածները։ Մտածեք, թե ինչ են ուսուցանում այս հատվածները Փրկչի զորության և արդարների հանդեպ Նրա զգացմունքների մասին:

2. Կլինի՞ արդյոք մահ Հազարամյակի ընթացքում: Ի՞նչ է նշանակում, որ Փրկչի շնորհիվ «հարյուր տարեկանում մեռնողը երիտասարդ կհամարվի»: (Եսայի 65․20) Կարդացեք Վարդապետություն և Ուխտեր 101․29–31 հատվածները և խորհեք, թե այս հատվածներն ինչ են ուսուցանում ձեզ Փրկչի զորության մասին:

3. Ի՞նչ կլինի սատանայի հետ, երբ Փրկիչը վերադառնա: Կարդացեք հետևյալ հատվածներից մի քանիսը. Վարդապետություն և Ուխտեր 45.55, 101․28, 1 Նեփի 22․26 և Հայտնություն 20.1–3։ Մտածեք, թե ինչ են ձեզ ուսուցանում այս հատվածները Տիրոջ մասին:

4. Ի՞նչ դերեր կունենա Փրկիչը Հազարամյակի ընթացքում: Ի՞նչ է Նա անելու: Կարդացեք Վարդապետություն և Ուխտեր 29.11, 45․59 և Հավատո Հանգանակը 1․10 հատվածները։

5. Ուրիշ ի՞նչ է Տերը հայտնել Հազարամյակի մասին: Կարդացեք հետևյալ հատվածներից մի քանիսը. Վարդապետություն և Ուխտեր 45.54, 56–58, 101․26–29 և «Հազարամյակ» թեման Թեմաներ և հարցեր բաժնում ChurchofJesusChrist.org կայքում։

Ձեր սովորածը պատկերավորելը երբեմն կարող է արդյունավետ լինել: Փակեք ձեր աչքերը և պատկերացրեք, թե ինչ եք սովորել Փրկչի մասին և այն ժամանակահատվածի մասին, երբ Նա թագավորելու է երկրի վրա Հազարամյակի ընթացքում: Աղոթեք Սուրբ Հոգու օգնության համար, որպեսզի այս վարժությունը ձեզ համար իմաստալից դառնա: Պատկերացրեք Փրկչի վերադարձը և ինչպես Նա կարող է օրհնել ձեզ, ձեր սիրելիներին և ողջ մարդկությանը:

Տասներկու Առաքյալների Քվորումից երեց Նիլ Լ․ Անդերսենը վկայել է.

Նրա գալու միտքն ալեկոծում է իմ հոգին։ Դա հուզիչ պահ է լինելու։ Այդ տեսարանը և դրա վեհությունը, մեծությունը և փառահեղությունը կգերազանցեն ամեն բան, ինչ տեսել կամ զգացել են մահկանացու աչքերը։

… Նա կհայտնվի «երկնքի ամպերի մեջ՝ զորություն ու մեծ փառք հագած․ բոլոր սուրբ հրեշտակների հետ» (Վարդապետություն և Ուխտեր 45․44)։

… Մենք ակնածանքով ծնկի կիջնենք, «և Տերը պիտի արձակի իր ձայնը, և աշխարհի բոլոր ծայրերը պիտի լսեն այն» (Վարդապետություն և Ուխտեր 45․49) …

Այնտեղ կլինի երկնքի հրեշտակների խմբերի և երկրի վրա գտնվող Սրբերի անմոռանալի միավորում (տես Մովսես 7․63)։ Սակայն, ամենակարևորը, ինչպես Եսային է հայտարարել. «Երկրի բոլոր ծայրերում կտեսնեն մեր Աստծու փրկությունը» (Եսայի 52․10), և Նա «կթագավորի ամեն մարմնի վրա» (Վարդապետություն և Ուխտեր 133.25)։ («Գայ քո արքայութիւնը», Լիահոնա, մայիս 2015, 122)