Եսայի 58․1–12

Պատկերացրեք, որ մի կիրակի առավոտյան պատրաստվում եք նախաճաշել և հիշում եք, որ ծոմի կիրակի է:

• Առաջինն ի՞նչ կանցնի ձեր մտքով:

Տերը հաստատել է ծոմապահության և ծոմի նվիրատվության օրենքը, որպեսզի օրհնի Իր ժողովրդին և հնարավորություն տա ծառայելու նրանց, ովքեր կարիքի մեջ են: …

Ծոմապահությունը կարող է կատարվել ցանկացած ժամանակ։ Սակայն, անդամները սովորաբար ամսվա առաջին Հանգստության օրն են նշում որպես ծոմապահության օր: Ծոմապահության օրը սովորաբար ներառում է հետևյալը.

Աղոթք

Սննդից և ըմպելիքից հրաժարում 24 ժամվա ընթացքում (եթե առողջությունը թույլ է տալիս)

Ծոմի առատաձեռն նվիրատվության մատուցում

Ծոմի նվիրատվությունը կատարվում է կարիքի մեջ գտնվողներին օգնելու համար: Երբ անդամները ծոմ են պահում, նրանք նվիրաբերում են այն, ինչն առնվազն հավասար է չկերած կերակուրների արժեքին: Անդամներին խրախուսվում է լինել առատաձեռն և, եթե կարող են, տալ ավելի շատ, քան այս կերակուրների արժեքն է: (Ընդհանուր ձեռնարկ. ծառայել Հիսուս Քրիստոսի Վերջին Օրերի Սրբերի Եկեղեցում, 22.2.2, Gospel Library)

Մի քանի րոպե տրամադրեք՝ խորհելու, թե ինչպես եք վերաբերվում ծոմապահությանը` հետևյալ հարցերի պատասխանների շուրջ մտածելիս.

• Ինչպե՞ս եք վերաբերվում ծոմապահությանը: Ինչո՞ւ։

• Եթե նախկինում ծոմ եք պահել, ի՞նչ եք սովորել Տիրոջ մասին և ծոմապահության վերաբերյալ ձեր փորձառությունից:

• Ի՞նչ մտահոգություններ կամ հարցեր ունեք ծոմապահության վերաբերյալ:

Այսօրվա ուսումնասիրության ընթացքում խնդրեք Տիրոջ առաջնորդությունը՝ ձեր ունեցած ցանկացած մտահոգություն լուծելու և ծոմապահության ցանկություն զգալու համար:

Տերը պատվիրել է Եսայուն համարձակորեն հայտարարել Իսրայելի տան մեղքերի մասին: Օրինակ՝ նրանք արտաքուստ, սխալ մտադրությամբ կատարում էին կրոնական սովորույթները, այդ թվում՝ ծոմապահությունը։

Կարդացեք Եսայի 58․3–5 հատվածները՝ փնտրելով հետևյալ երկու հարցերի պատասխանները․

• Ի՞նչ էին ակնկալում մարդիկ Տիրոջից իրենց ծոմապահության վերաբերյալ:

• Ի՞նչ է ասել Տերը այն մարդկանց, որոնք սխալ էին թույլ տալիս իրենց ծոմապահության ժամանակ:

  Ուսանողներին առաջարկեք կիսվել իրենց պատասխաններով և, թե ինչն է առանձնահատուկ իրենց համար: Անհրաժեշտության դեպքում նշեք, որ Իսրայելը ծոմ էր պահում իր հաճույքի համար (հատված 3), ծոմապահությունը դիտում էր որպես տառապանք (հատվածներ 3, 5) և վատ էր վերաբերվում ուրիշներին (հատվածներ 3–4)։

• Հնարավո՞ր է արդյոք, որ մենք էլ նմանատիպ սխալներ անենք ծոմապահության ժամանակ:

  Բացատրեք, որ Տերը ցանկանում է, որ մենք ծոմ պահենք այլ կերպ, քան այդ մարդիկ: Նա ցանկանում է, որ մենք ծոմ պահենք խոնարհ կեցվածքով, նպատակով և անկեղծ միտումով (տես Սաղմոս 35․13, Հովել 2․12, Հովնան 3․4–10, Մատթեոս 6․16–18, Ալմա 5․46, 6․6, 17․3, 9)։

• Ըստ ձեզ, ինչո՞ւ է Տերը ցանկանում, որ մենք խոնարհաբար ծոմ պահենք՝ որոշակի արդար նպատակով և անկեղծ միտումով:

Կարդացեք Եսայի 58․6–12 հատվածները՝ փնտրելով այն նպատակներն ու օրհնությունները, որոնք Տերը խոստանում է նրանց, ովքեր ծոմ են պահում՝ համաձայն Տիրոջ ցանկության: Կարող եք նշել դրանք:

• Երիտասարդը ճնշվածություն է զգում իր դպրոցական աշխատանքի և իր ապագայի համար:

• Երիտասարդ կինը կարծում է, որ այլևս չի կարող մաքուր լինել իր մեղքերի պատճառով:

• Մի երիտասարդ աղոթում է, որպեսզի իմանա, թե արդյոք Եկեղեցին ճշմարիտ է, բայց նրա համար դժվար է պատասխան ստանալ:

• Մի երիտասարդ կին ցանկանում է օգնել աղքատներին:

• Երիտասարդը բախվել է դժվարությունների և չգիտի, թե արդյոք կարող է հաղթահարել դրանք:

Եսայի 58․6–12 հատվածներից գտեք մի արտահայտություն, որը կարող է մոտիվացնել տվյալ իրավիճակում հայտնված մարդուն ծոմ պահել և աղոթել Աստծո օգնության համար: (Որոշ իրավիճակների համար կարող են կիրառելի լինել մեկից ավելի արտահայտություններ։)

• Ինչպե՞ս կարող է այդ օրհնությունները ստանալը կամ ծոմ պահելը ձեզ ավելի մոտեցնել Երկնային Հորը և Հիսուս Քրիստոսին:

• «Fast Offerings: A Simple Commandment with a Marvelous Promise» (3:01) տեսանյութում նախագահ Հենրի Բ. Այրինգը պատմում է պատերազմի ժամանակ Սիերա Լեոնեում մի կնոջ ծոմապահության փորձառության մասին:

3:2

• Ի՞նչ օրհնություններ է Տերը տվել ձեզ կամ ձեզ ծանոթ մարդկանց ծոմապահության շնորհիվ:

• Ինչպե՞ս եք ձեր ծոմապահությունն ավելի իմաստալից դարձնում կամ ինչպես կարող եք դա անել:

Մտածեք այս դասի ընթացքում Սուրբ Հոգու միջոցով ստացած ցանկացած տպավորության մասին՝ ձեր օրագրում ծոմապահության վերաբերյալ ձեր զգացողությունների մասին գրելիս։ Կարող եք ներառել Տիրոջ օրհնությունները, որոնք ցանկանում եք ստանալ ձեր կյանքում և բացատրել, թե ինչու: