Manuali i Mësuesit të Seminarit për Dhiatën e Vjetër

Përmbajtja
Faqja e Titullit
Hyrje te Manuali i Mësuesit
Mësime nga Dhiata e Vjetër
- Mirë se Vini në Dhiatën e Vjetër
- Moisiu 1; Abraham 3
- Zanafilla 1–2; Moisiu 2–3; Abraham 4–5
- Zanafilla 3–4; Moisiu 4–5
- Zanafilla 5; Moisiu 6
- Moisiu 7
- Zanafilla 6–11; Moisiu 8
- Zanafilla 12–17; Abraham 1–2
- Zanafilla 18–23
- Zanafilla 24–33
- Zanafilla 37–41
- Zanafilla 42–50
- Eksodi 1–6
- Pashka
- Eksodi 7–13
- Eksodi 14–18
- Eksodi 19–20; 24; 31–34
- Eksodi 35–40; Levitiku 1; 4; 16; 19
- Numrat 11–14; 20–24; 27
- Ligji i Përtërirë 6–8; 15; 18; 29–30; 34
- Jozueut 1–8; 23–24
- Gjyqtarët 2–4; 6–8; 13–16
- Ruthit; 1 Samuelit 1–7
- 1 Samuelit 8–10; 13; 15–16
- 1 Samuelit 17–18; 24–26; 2 Samuelit 5–7
- 2 Samuelit 11–12; 1 Mbretërve 3; 6–9; 11
- 1 Mbretërve 12–13; 17–22
- 2 Mbretërve 2–7
- 2 Mbretërve 16–25
- 2 Kronikave 14–20, 26, 30
- Ezdras 1, 3–7; Nehemias 2; 4–6, 8
- Esterit
- Jobit 1–3; 12–14; 19; 21–24; 38–40; 42
- Psalmeve 1–2; 8; 19–33; 40; 46
- Psalmeve 49–51; 61–66; 69–72; 77–78; 85–86
- Psalmeve 102–103; 110; 116–119; 127–128; 135–139; 146–150
- Fjalët e Urta 1–4; 15–16; 22; 31; Predikuesit 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3, 7, 16–18, 20
- Jeremia 31–33; 36–38; Vajtimeve 1, 3
- Ezekiel 1–3; 33–34; 36–37; 47
- Daniel 1–7
- Osea; Joel
- Amos; Abdia; Jona
- Mikea; Nahum; Habakuk; Sofonia
- Hagai 1–2; Zakaria 1–4, 7–14
- Malakia
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Udhëzuesi Për Forcën e Rinisë
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Isaia 60–66: Mbretërimi Mijëvjeçar i Shpëtimtarit

“Isaia 60–66: Mbretërimi Mijëvjeçar i Shpëtimtarit”, Manuali i Mësuesit të Seminarit për Dhiatën e Vjetër (2026)

“Isaia 60–66: Mbretërimi Mijëvjeçar i Shpëtimtarit”, Manuali i Mësuesit të Seminarit për Dhiatën e Vjetër

Isaia 58–66: Mësimi 129

Isaia 60–66

Mbretërimi Mijëvjeçar i Shpëtimtarit

One oil on paper painting. Shows the figure of Christ in white robes, hands extended to the sides. Clouds, sun and moon in the background. Figure is rising from brown tomb. Green tree on right side.

Me botën në trazira, ne të gjithë dëshirojmë çaste paqeje. Shpëtimtari Jezu Krisht do të kthehet në tokë dhe do të mbretërojë për një mijë vjet, duke sjellë një kohë paqeje. Isaia profetizoi për këtë periudhë e cila quhet Mijëvjeçari. Ky mësim mund t’i ndihmojë nxënësit të ndiejnë një entuziazëm më të madh për Ardhjen e Dytë të Shpëtimtarit dhe mbretërimin mijëvjeçar.

Përgatitja e nxënësve: Ftojini nxënësit të marrin parasysh atë që dinë rreth Ardhjes së Dytë dhe mbretërimit Mijëvjeçar të Shpëtimtarit. Ftojini ata të përsiatin nëse e presin me padurim atë dhe përse. Ata mund të pyesin një prind ose të rritur të mirëbesuar se si ndihet në lidhje me kthimin e Shpëtimtarit.

Veprimtari të Mundshme të të Mësuarit

Mijëvjeçari

Për t’i ndihmuar nxënësit të kuptojnë arsyen përse kthimi i Shpëtimtarit do të jetë një bekim i tillë në jetën tonë, merreni parasysh ta filloni duke bërë pyetjen vijuese:

Cilat janë disa probleme në botë që do të doje të ndryshonin?

Mund t’i shkruani disa nga frazat vijuese në tabelë për t’i ndihmuar nxënësit të mendojnë për përgjigjet:

Arsyet përse njerëzit vajtojnë ose lëndohen
Shembuj të dhunës, padrejtësisë ose shkatërrimit
Ndikimi i Satanit

Ndalu një çast për të përsiatur për ndonjë problem në jetën tënde ose në jetën e atyre që ti i do, që do të doje të ndryshonte. Ndërsa studion sot, kërko udhërrëfimin e Frymës së Shenjtë ndërsa kërkon të vërtetat që mund të na ndihmojnë ne dhe botën.

Kapitujt e fundit të Isaias

Paraqitni një figurë të Ardhjes së Dytë të Shpëtimtarit dhe shpjegoni se shkrimet e shenjta na mësojnë se në të ardhmen Shpëtimtari do të kthehet në tokë dhe do të mbretërojë për një mijë vjet. Kjo periudhë quhet Mijëvjeçari.

Kapitujt e fundit në librin e Isaias përmbajnë mësimet dhe profecitë e Isaias rreth Ardhjes së Dytë të Shpëtimtarit dhe Mijëvjeçarit.

Lexoji vargjet vijuese, duke shenjuar frazat që të ndihmojnë të ndihesh i emocionuar për kthimin e Shpëtimtarit:

Isaia 60:18–20
Isaia 62:11–12
Isaia 65:17–25
Ftojini nxënësit të tregojnë disa nga frazat që gjetën dhe përse mezi presin që Shpëtimtari ta ofrojë këtë bekim. Nxënësit mund të japin frazat që tregojnë se Shpëtimtari do t’i kapërcejë problemet e botës. Disa shembuj janë:
- “Nuk do të dëgjohet të flitet më për dhunë në vendin tënd” (Isaia 60:18)
- “Ditët e tua të zisë do të marrin fund” (Isaia 60:20)
- “Nuk do të dëgjohet më asnjë zë vaji” (Isaia 65:19)
- “Nuk do të bëjnë më asnjë dëm apo shkatërrim” (Isaia 65:25)
Inkurajimi që nxënësit të shenjojnë në shkrimet e shenjta frazat që tregojnë shokët e tyre të klasës mund të jetë gjithashtu i efektshëm.
Si do ta përmblidhje atë që do të bëjë Shpëtimtari për popullin e Tij kur Ai të kthehet?

Nxënësit mund të tregojnë të vërteta të ndryshme. Njëra mund të jetë e ngjashme me sa vijon: Për shkak të Shpëtimtarit, populli i Tij do të shijojë lumturinë, paqen dhe begatinë gjatë Mijëvjeçarit. Merreni parasysh ta shkruani këtë parim, ose një si ai, në tabelë duke përdorur fjalët e nxënësve.

Thellimi i kuptueshmërisë

Referojuni figurës së Ardhjes së Dytë të Shpëtimtarit. Ftojini nxënësit ta kujtojnë atë që dinë dhe ndiejnë rreth Jezu Krishtit.

Përse mendon se të pasurit e Jezu Krishtit mbi tokë do të çojë në lumturi, paqe dhe gëzim?

Ndalu një çast për të përsiatur për çdo pyetje që ke rreth Mijëvjeçarit dhe bekimeve të kthimit të Shpëtimtarit. Zoti ka zbuluar më shumë mbi temën.

Merreni parasysh t’i paraqitni pyetjet e mëposhtme.

Përzgjidh një ose dy nga pyetjet e tua rreth Mijëvjeçarit ose pyetjet vijuese për të cilat je më tepër i interesuar. Shpenzo disa minuta duke kërkuar përgjigje në shkrimet e shenjta dhe në burimet e caktuara në mënyrë hyjnore. Pjesa e titulluar “Mijëvjeçar” tek Udhëzuesi për Shkrimet e Shenjta dhe Topics and Questions [Tema dhe Pyetje] në ChurchofJesusChrist.org mund të jetë e dobishme.

Çfarë do të thotë që Zoti do të “krijoj[ë] qiej të rinj dhe një tokë të re”. (Isaia 65:17). Lexo te Doktrina e Besëlidhje 88:25–26 dhe Nenet e Besimit 1:10. Mendo për atë që na mësojnë këto vargje rreth fuqisë së Shpëtimtarit dhe ndjenjave të Tij për të drejtët.
A do të ketë vdekje gjatë Mijëvjeçarit? Çfarë do të thotë se për shkak të Shpëtimtarit, një i ri “do të vdesë njëqind vjeç”? (Isaia 65:20). Lexo te Doktrina e Besëlidhje 101:29–31 dhe përsiat për atë që të mësojnë këto vargje rreth fuqisë së Shpëtimtarit.
Çfarë do t’i ndodhë Satanit për shkak të kthimit të Shpëtimtarit? Lexo disa prej vargjeve vijuese: Doktrina e Besëlidhje 45:55, 101:28, 1 Nefi 22:26 dhe Zbulesa 20:1–3. Mendo për atë që të mësojnë këto vargje rreth Zotit.
Çfarë rolesh do të ketë Shpëtimtari gjatë Mijëvjeçarit? Çfarë do të bëjë Ai? Lexo te Doktrina e Besëlidhje 29:11 dhe 45:59 dhe Nenet e Besimit 1:10.
Çfarë tjetër ka zbuluar Zoti rreth Mijëvjeçarit? Lexo disa nga vijueset: Doktrina e Besëlidhje 45:54, 56–58; 101:26–29; dhe “Millennium” [“Mijëvjeçari”] te Topics and Questions [Tema dhe Pyetje] në ChurchofJesusChrist.org.

Ftojini nxënësit ta tregojnë atë që mësuan. Merreni parasysh të pyesni se si ndihmon ajo që mësuan që të rritet entuziazmi i tyre për kthimin e Shpëtimtarit dhe Mijëvjeçarin.

Nëse nxënësit pyesin se çfarë do të thotë që Satani do të “zgjidh[et] për pak kohë” (Zbulesa 20:3) në fund të Mijëvjeçarit, ftojini ata të lexojnë te Doktrina e Besëlidhje 88:111–115.

Përfytyrimi i asaj që mësove

Përfytyrimi i asaj që po mëson mund të jetë i efektshëm herë pas here. Mbylli sytë dhe përfytyroje atë që ke mësuar rreth Shpëtimtarit dhe kohës kur Ai të mbretërojë mbi tokë gjatë Mijëvjeçarit. Lutu për ndihmën e Frymës së Shenjtë që ta bëjë këtë veprimtari kuptimplotë për ty. Imagjino Shpëtimtarin duke u kthyer dhe mënyrën se si Ai mund të të bekojë ty, njerëzit e tu të dashur dhe të gjithë njerëzimin.

Mund të lexoni thënien vijuese nga Plaku Andersen, duke i ftuar nxënësit ta përfytyrojnë atë që dëgjojnë.

Plaku Nil L. Andersen, i Kuorumit të Dymbëdhjetë Apostujve, dëshmoi:

“Mendimi i ardhjes së Tij ma emocionon shpirtin. Do të jetë marramendëse! Qëllimi e madhështia, gjerësia e mrekullia do ta kapërcejnë çdo gjë që sytë njerëzorë e kanë parë ose përjetuar ndonjëherë.

… Ai … do të shfaqet ‘në retë e qiellit, [i] mbuluar me fuqi dhe lavdi të madhe, me gjithë engjëjt e shenjtë’ (Doktrina e Besëlidhje 45:44).

… Ne do të biem në gjunjë me nderim ‘dhe Zoti do ta lëshojë zërin e tij dhe gjithë fundet e dheut do ta dëgjojnë atë’ (Doktrina e Besëlidhje 45:49) …

Do të ketë takime të paharrueshme të engjëjve të qiellit dhe të shenjtorëve në tokë (shih Moisiu 7:63). Por akoma më e rëndësishme, sikurse shpall Isaia: ‘Të gjitha skajet e tokës do të shohin shpëtimin e Perëndisë tonë’ (Isaia 52:10) dhe Ai ‘do të mbretërojë mbi gjithë mishin’ (Doktrina e Besëlidhje 133:25).” (“Ardhtë Mbretëria Jote”, Liahona, maj 2015, f. 122)

Kërkojuni nxënësve ta shkruajnë në ditarët e tyre të studimit atë që mësuan rreth Shpëtimtarit sot dhe mënyrën se si ndihen në lidhje me kthimin e Tij. Ftoni vullnetarë të japin mendimet dhe ndjenjat e tyre. Merreni parasysh të shprehni edhe mendimet dhe ndjenjat tuaja.

Burime Shtesë

Çfarë kanë dhënë mësim profetët dhe apostujt rreth Mijëvjeçarit?

Presidenti Rasëll M. Nelson dha mësim:

“Mbani mend se plotësia e shërbesës së Krishtit shtrihet në të ardhmen. Profecitë për Ardhjen e Tij të Dytë ende nuk janë përmbushur. Ne thjesht po ndërtojmë hap pas hapi pjesën kulmore të kësaj periudhe të fundit ungjillore – kur Ardhja e Dytë e Shpëtimtarit të bëhet realitet. …

Zoti do të kthehet në tokën që Ai e bëri të shenjtë nëpërmjet misionit të Tij atje gjatë vdekshmërisë. Plot ngadhënjim, Ai do të vijë përsëri në Jerusalem. Me rrobën e kuqe mbretërore që të simbolizojë gjakun e Tij që doli nga çdo por, Ai do të kthehet në Qytetin e Shenjtë (shih Doktrina e Besëlidhje 133:46–48). Atje dhe kudo tjetër, ‘lavdia e Zotit do të zbulohet dhe çdo qenie do ta shohë’ (Isaia 40:5; shih edhe Doktrina e Besëlidhje 101:23). Ai ‘do të quhet Këshilltar i admirueshëm, Perëndi i fuqishëm, Atë i përjetshëm, Princ i paqes’ (Isaia 9:6).

Ai do të qeverisë nga dy kryeqytete të botës: njëri në Jerusalemin e lashtë (shih Zakaria 14) dhe tjetri në Jerusalemin e Ri që ‘do të ndërtohet në kontinentin amerikan’ (Nenet e Besimit 1:10). Nga këto qendra Ai do të drejtojë punët e Kishës dhe të mbretërisë së Tij. Një tempull tjetër sërish do të ndërtohet në Jerusalem. Nga ai tempull Ai do të mbretërojë përgjithmonë si Zot i Zotërve.

Në atë ditë Ai do të mbajë tituj të rinj dhe do të rrethohet nga shenjtorë të veçantë. Ai do të njihet si ‘Zot i zotërve dhe Mbret i mbretërve; dhe ata që [do të jenë] me të [do të jenë ata që] janë të thirrur, të zgjedhur dhe besnikë’ (Zbulesa 17:14) për shkak të mirëbesimit të tyre këtu në vdekshmëri. Atëherë Ai ‘do të mbretërojë në shekuj të shekujve’ (Zbulesa 11:15).

Toka do të kthehet në gjendjen e saj të parajsës dhe do të bëhet e re. Do të ketë një qiell të ri dhe një tokë të re (shih Zbulesa 21:1; Ethëri 13:9; Doktrina e Besëlidhje 29:23–24).

Është përgjegjësia jonë – është privilegji ynë – që të ndihmojmë për ta përgatitur botën për atë ditë.” (“E Ardhmja e Kishës: Përgatitja e Botës për Ardhjen e Dytë të Shpëtimtarit”, Liahona, prill 2020, f. 8, f. 10–11)

Plaku Nil L. Andersen, i Kuorumit të Dymbëdhjetë Apostujve, tregoi pikturën e paraqitur në mësimin më lart dhe dëshmoi:

15:32

“E pëlqej pikturën e Herri Andërsonit të Ardhjes së Dytë të Shpëtimtarit. Më kujton se Ai do të vijë në madhështi e fuqi. Ngjarje të mrekullueshme do të ndodhin mbi tokë dhe në qiej (shih Doktrina e Besëlidhje 43:18; 45:40).

Ata që presin ardhjen e Shpëtimtarit do ta ‘kërkojnë [Atë]’. Dhe Ai ka premtuar: ‘Unë do të vij!’ Të drejtët do ta shohin Atë ‘në retë e qiellit [me gjithë engjëjt e shenjtë], të mbuluar me fuqi dhe lavdi të madhe’ (Doktrina e Besëlidhje 45:44). ‘Një engjëll … do t’i bjerë borisë së tij … dhe shenjtorët nga të katër anët e dheut’ (Doktrina e Besëlidhje 45:45–46) do të ‘rrëmbehen lart për ta takuar atë’ (Doktrina e Besëlidhje 88:96). Ata ‘që kanë fjetur’, domethënë ata shenjtorë të denjë që kanë vdekur, ‘do të vijnë [ta] takojnë [gjithashtu]’ (Doktrina e Besëlidhje 45:45; shih edhe Doktrina e Besëlidhje 29:13; 88:96–97).

Shkrimi i shenjtë thotë: ‘Zoti do të vërë këmbë mbi [malin]’ (Doktrina e Besëlidhje 45:48), dhe ‘[Ai] do ta lëshojë zërin e tij dhe gjithë fundet e dheut do ta dëgjojnë atë’ (Doktrina e Besëlidhje 45:49).

… Unë dëshmoj për madhështinë, por mbi të gjitha, për sigurinë e kësaj ngjarje të mrekullueshme. Shpëtimtari jeton. Ai do të kthehet në tokë. Unë dhe ju do të gëzohemi në ardhjen e Tij, qofshim në këtë anë të velit apo në tjetrën” (“Të Përgatisësh Botën për Ardhjen e Dytë”, Liahona, maj 2011, f. 52)

Veprimtari Plotësuese të të Mësuarit

Simbolizmi i rrobave të Shpëtimtarit kur Ai të kthehet

Ftojini nxënësit të lexojnë tek Isaia 63:1–3 dhe Doktrina e Besëlidhje 133:46–53 nëse mendoni se do t’i ndihmonte ata të kuptojnë mënyrën se si Zoti do ta pastrojë botën nga ligësia kur Ai të kthehet.

Çfarë mësoni rreth Shpëtimtarit nga ajo që Ai do të veshë?

Ndihmojini nxënësit të kuptojnë se ngjyra e kuqe e rrobës së Shpëtimtarit përfaqëson gjakun e të ligjve që do të shkatërrohen kur drejtësia të bjerë mbi ta në Ardhjen e Dytë. Ai mund t’i kujtojë edhe të drejtët për gjakun që derdhi Jezusi në emër të tyre.

Përse është e rëndësishme ta kuptoni edhe mëshirën, edhe drejtësinë e Shpëtimtarit?

Mirësia e Zotit

Nëse do të ishte e dobishme të përqendroheni te dashuria dhe mëshira e Zotit për popullin e Tij, merrni parasysh sa vijon: Shpjegoni se, ndërkohë që jepte mësim se Zoti do të kthehet për t’i ndëshkuar të ligjtë, Isaia ndaloi për të dëshmuar për dashurinë, Shlyerjen dhe mëshirën e Shpëtimtarit. Ftojini nxënësit të lexojnë tek Isaia 63:7–9. Mund të jetë e dobishme të shpjegoni se fjala e përkthyer si mirësi (vargu 7) tregon “të gjithë ata që kanë bërë besëlidhje me Perëndinë, marrin një lloj të veçantë dashurie e mëshire” (Rasëll M. Nelson, “Besëlidhja e Përjetshme”, Liahona, tetor 2022, f. 2).

Cilët janë disa shembuj të “mirësi[s]ë [së] Zotit?” (Isaia 63:7)
Cilat fraza dëshmuan për Shlyerjen e Shpëtimtarit?
Cilat janë ndjenjat tuaja në lidhje me Zotin dhe dashurinë e Tij për ne?

Përgatitja për kthimin e Tij

Nëse do të kishte dobi për nxënësit tuaj, jepni thënien nga Presidenti Nelson te Burime Shtesë. Nxënësit mund të tregojnë më pas mënyrën se si ata mund të ndihmojnë të përgatitet toka për kthimin e Shpëtimtarit. Ata mund të kërkojnë edhe në pjesën e bisedës së Presidentit Nelson të titulluar “Mbledhja e Izraelit në të Dyja Anët e Velit” për disa nga mënyrat për ta përgatitur tokën.