Manuali i Mësuesit të Seminarit për Dhiatën e Vjetër

Përmbajtja
Faqja e Titullit
Hyrje te Manuali i Mësuesit
Mësime nga Dhiata e Vjetër
- Mirë se Vini në Dhiatën e Vjetër
- Moisiu 1; Abraham 3
- Zanafilla 1–2; Moisiu 2–3; Abraham 4–5
- Zanafilla 3–4; Moisiu 4–5
- Zanafilla 5; Moisiu 6
- Moisiu 7
- Zanafilla 6–11; Moisiu 8
- Zanafilla 12–17; Abraham 1–2
- Zanafilla 18–23
- Zanafilla 24–33
- Zanafilla 37–41
- Zanafilla 42–50
- Eksodi 1–6
- Pashka
- Eksodi 7–13
- Eksodi 14–18
- Eksodi 19–20; 24; 31–34
- Eksodi 35–40; Levitiku 1; 4; 16; 19
- Numrat 11–14; 20–24; 27
- Ligji i Përtërirë 6–8; 15; 18; 29–30; 34
- Jozueut 1–8; 23–24
- Gjyqtarët 2–4; 6–8; 13–16
- Ruthit; 1 Samuelit 1–7
- 1 Samuelit 8–10; 13; 15–16
- 1 Samuelit 17–18; 24–26; 2 Samuelit 5–7
- 2 Samuelit 11–12; 1 Mbretërve 3; 6–9; 11
- 1 Mbretërve 12–13; 17–22
- 2 Mbretërve 2–7
- 2 Mbretërve 16–25
- 2 Kronikave 14–20, 26, 30
- Ezdras 1, 3–7; Nehemias 2; 4–6, 8
- Esterit
- Jobit 1–3; 12–14; 19; 21–24; 38–40; 42
- Psalmeve 1–2; 8; 19–33; 40; 46
- Psalmeve 49–51; 61–66; 69–72; 77–78; 85–86
- Psalmeve 102–103; 110; 116–119; 127–128; 135–139; 146–150
- Fjalët e Urta 1–4; 15–16; 22; 31; Predikuesit 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3, 7, 16–18, 20
- Jeremia 31–33; 36–38; Vajtimeve 1, 3
- Ezekiel 1–3; 33–34; 36–37; 47
- Daniel 1–7
- Osea; Joel
- Amos; Abdia; Jona
- Mikea; Nahum; Habakuk; Sofonia
- Hagai 1–2; Zakaria 1–4, 7–14
- Malakia
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Udhëzuesi Për Forcën e Rinisë
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Isaia 58:1–12: Fuqia e Agjërimit dhe e Lutjes

“Isaia 58:1–12: Fuqia e Agjërimit dhe e Lutjes”, Manuali i Mësuesit të Seminarit për Dhiatën e Vjetër (2026)

“Isaia 58:1–12: Fuqia e Agjërimit dhe e Lutjes”, Manuali i Mësuesit të Seminarit për Dhiatën e Vjetër

Isaia 58–66: Mësimi 126

Isaia 58:1–12

Fuqia e Agjërimit dhe e Lutjes

Zoti na ka kërkuar të agjërojmë. Çfarë mendon për këtë urdhërim? Judenjtë menduan se Zoti nuk e pranoi agjërimin e tyre. Nëpërmjet Isaias, Zoti i dha mësim njerëzve në lidhje me agjërimin e duhur. Ky mësim mund t’i ndihmojë nxënësit të ndiejnë një dëshirë për të agjëruar sipas mënyrës së Zotit.

Përgatitja e nxënësve: Ftojini nxënësit të përsiatin mënyrën se si ndihen rreth agjërimit dhe përse. Ata mund t’i kërkojnë edhe një prindi ose shoku të mirëbesuar të tregojë mendimet dhe ndjenjat e tij.

Veprimtari të Mundshme të të Mësuarit

Agjërimi

Për të ndihmuar që nxënësit të përgatiten për të mësuar rreth agjërimit, merreni parasysh të bëni sa vijon. Ndërsa e diskutoni këtë temë, përpiquni të krijoni një atmosferë ku nxënësit mund të shprehen haptazi pa presion ose gjykim.

Imagjino sikur një të diel në mëngjes ti je gati për të ngrënë mëngjesin, kur kujtohesh se është e diela e agjërimit.

Cilat janë mendimet e para që të vijnë në mendje?

Nëse është e nevojshme, jepni shpjegimin vijues të agjërimit nga Manuali i Përgjithshëm:

“Zoti e ka vendosur ligjin e agjërimit dhe të ofertave të agjërimit për t’i bekuar njerëzit e Tij dhe për të siguruar një mënyrë që ata t’u shërbejnë njerëzve nevojtarë. …

Agjërimi mund të bëhet në çdo kohë. Sidoqoftë, anëtarët zakonisht zbatojnë Shabatin e parë të muajit si ditë agjërimi. Një ditë agjërimi zakonisht përfshin sa vijon:

Lutjen

Të qëndruarit pa ushqim dhe pije për një periudhë 24‑orëshe (nëse e kanë të mundur fizikisht)

Dhënien e një oferte agjërimi bujare

Një ofertë agjërimi është një dhurim për të ndihmuar njerëzit nevojtarë. Kur anëtarët agjërojnë, ata ftohen të japin një ofertë që është të paktën e barabartë në vlerë me vaktet që nuk kanë ngrënë. Anëtarët nxiten të jenë bujarë dhe të japin më shumë sesa vlera që mund të kenë këto vakte.” (Manuali i Përgjithshëm: Shërbimi në Kishën e Jezu Krishtit të Shenjtorëve të Ditëve të Mëvonshme, 22.2.2., Gospel Library [Biblioteka e Ungjillit])

Ndalu një çast për të përsiatur se si ndihesh në lidhje me agjërimin ndërsa reflekton mbi pyetjet vijuese:

Si ndihesh në lidhje me agjërimin? Përse?
Nëse ke agjëruar më parë, çfarë ke mësuar rreth Zotit dhe agjërimit nga përvoja jote?
Çfarë shqetësimesh ose pyetjesh ke rreth agjërimit?

Ndërsa studion sot, kërko udhërrëfimin e Zotit për të të ndihmuar për çdo shqetësim që ke dhe për të ndier një dëshirë për të agjëruar.

Mësimet e Zotit rreth agjërimit

Zoti e udhëzoi Isaian t’i shpallte me guxim mëkatet e shtëpisë së Izraelit. Për shembull, ata dukshëm kryenin praktika fetare, duke përfshirë agjërimin, me qëllimin e gabuar.

Merreni parasysh të shpjegoni ose të paraqitni çdo informacion vijues që mund t’i ndihmojë nxënësit ndërsa i lexojnë vargjet më poshtë:

“Xunkthi” (vargu 5) është një bar i gjatë, i hollë që përkulet.
“Thesi” (vargu 5) është material i ashpër që njerëzit e vishnin në lashtësi për të simbolizuar përulësinë ose vuajtjen e tyre. Ata e spërkatnin veten edhe me hir për të njëjtën arsye.

Lexo tek Isaia 58:3–5, duke kërkuar përgjigjet për këto dy pyetje:

Për çfarë e pyetën njerëzit Zotin rreth agjërimit të tyre?
Çfarë u tha Zoti njerëzve se e kishin bërë pasaktësisht në lidhje me agjërimin e tyre?

Ftojini nxënësit të japin përgjigjet e tyre dhe atë që u bëri përshtypje. Nëse është e nevojshme, vini në dukje se, ndërsa Izraeli agjëronte, ata kërkonin kënaqësinë e tyre (vargu 3), e shihnin agjërimin si një pikëllim (vargjet 3, 5) dhe i trajtonin keq të tjerët (vargjet 3–4).
Si mund të bëjmë gabime të ngjashme ndërsa agjërojmë?

Shpjegoni se Zoti synon që ne të agjërojmë ndryshe nga këta njerëz. Ai synon që ne të agjërojmë me një qëndrim të përulur, qëllim dhe paramendim të vërtetë (shihni te Psalmeve 35:13; Joel 2:12; Jona 3:4–10; Mateu 6:16–18; Alma 5:46; 6:6;17:3, 9).
Përse mendon se Zoti dëshiron që ne të agjërojmë me përulësi, me qëllim të drejtë të caktuar dhe me paramendim të vërtetë?

Premtimet e Zotit

Merreni parasysh të shkruani sa vijon në tabelë: Nëse agjërojmë sipas mënyrës që synon Zoti, atëherë…

Lexo tek Isaia 58:6–12, duke kërkuar qëllimet dhe bekimet që u premton Zoti atyre që agjërojnë sipas qëllimit të Tij. Ju mund të doni t’i shenjoni ato.

Isaia 58:6–7 është një fragment i zotërimit doktrinor. Merreni parasysh t’i ftoni nxënësit t’i shenjojnë fragmentet e zotërimit doktrinor në një mënyrë të dallueshme, që të mund t’i gjejnë me lehtësi.

Kërkojuni nxënësve ta plotësojnë fjalinë në bazë të studimit të tyre. Ata mund t’i shkruajnë përgjigjet e tyre në tabelë. Në vijim janë disa shembuj:

Ai do të thyejë zgjedhën e ligësisë ose të mëkatit mbi ne (shihni tek Isaia 58:6).
Ai do të heqë barrët e rënda (shihni tek Isaia 58:6).
Ne do të kujdesemi për të varfrit dhe nevojtarët (shihni tek Isaia 58:7).
Ai do të na bekojë me dritë dhe shëndet (shihni tek Isaia 58:8).
Ai do t’u përgjigjet lutjeve tona (shihni tek Isaia 58:9).

Bekimet e agjërimit

Për t’i ndihmuar nxënësit t’i kuptojnë bekimet që përcaktuan, ftojini ata të përzgjedhin një ose dy nga situatat vijuese:

Një i ri është i stresuar për detyrat e shkollës dhe të ardhmen e tij.
Një e re mendon se nuk mund të jetë më kurrë e pastër për shkak të mëkateve të saj.
Një e re po lutet për të ditur nëse Kisha është e vërtetë, por e ka të vështirë të marrë një përgjigje.
Një e re dëshiron t’i ndihmojë të varfrit.
Një i ri përballet me një sfidë që nuk e di nëse mund ta kapërcejë.

Gjej një frazë nga Isaia 58:6–12 që mund ta shtyjë personin në situatë që të agjërojë dhe të lutet për ndihmën e Perëndisë. (Disa situata mund të kenë më shumë se një frazë të zbatueshme.)

Në grupe të vogla ose si klasë, ftojini nxënësit t’i tregojnë situatat që përzgjodhën dhe frazat që mund t’i ndihmojnë dhe përse.

Mund t’i ftoni ata të tregojnë edhe situata të tjera në të cilat mund të jenë të dobishme bekimet që Zoti premtoi në këto vargje ose të pyesin nëse ndonjëri prej këtyre bekimeve ishte veçanërisht kuptimplotë për ta dhe përse.

Si mund të të sjellin më pranë Atit Qiellor dhe Jezu Krishtit agjërimi për bekime dhe marrja e tyre?

Shembuj të agjërimit dhe pagimi i ofertave të agjërimit

Për t’i ndihmuar nxënësit ta kuptojnë shembullin e Shpëtimtarit, shpjegoni se Ai agjëroi dhe dha mësim rreth agjërimit ndërkohë që edhe e jetonte parimin. Ai agjëroi para shërbesës së tij tokësore (shihni te Mateu 4:1–2 dhe vini re se Përkthimi prej Joseph Smith-it, Mateu 4:1 e përshtat frazën “që djalli ta tundonte” në “për të qenë me Perëndinë”). Ai dha gjithashtu mësimin se disa ndikime të liga largohen vetëm “me anë të lutjes dhe të agjërimit” (Mateu 17:19, 21).

Merreni parasysh të jepni shembullin vijues të ditëve të sotme të agjërimit dhe pyetini nxënësit se çfarë u pëlqeu ose mësuan prej tij:

“Fast Offerings: A Simple Commandment with a Marvelous Promise” [“Ofertat e Agjërimit: Një Urdhërim i Thjeshtë me një Premtim të Mrekullueshëm”] (3:01): Presidenti Henri B. Ajring tregon për përvojën e një gruaje me ofertat e agjërimit në Sierra Leone gjatë një lufte.

3:2

Ftojini nxënësit t’i përsiatin për disa çaste përvojat e tyre me agjërimin, si edhe pyetjet vijuese:

Çfarë bekimesh të ka dhënë Zoti ty ose atyre që ti njeh për shkak të agjërimit?
Si e bën ose mund ta bësh agjërimin tënd më kuptimplotë?

Merreni parasysh të jepni edhe përvojat tuaja.

Ndjenjat e tua në lidhje me agjërimin

Merre parasysh çdo mbresë që ke marrë nëpërmjet Frymës së Shenjtë gjatë këtij mësimi ndërsa shkruan në ditarin tënd të studimit mënyrën se si ndihesh në lidhje me agjërimin. Mund të zgjedhësh të përfshish bekime nga Zoti që ti i dëshiron në jetën tënde dhe përse.

Mësoni Përmendsh

Nëse dëshironi, mund t’i ndihmoni nxënësit ta mësojnë përmendsh referencën e zotërimit doktrinor dhe frazën kyç të shkrimit të shenjtë gjatë këtij mësimi dhe t’i përsëritin ato në mësimet e ardhshme. Fraza kyç e shkrimit të shenjtë për vargjet tek “Isaia 58:6–7” është “bekimet e një agjërimi siç duhet”. Idetë për veprimtaritë e mësimit përmendsh janë në materialet e shtojcës nën titullin “Veprimtari për Përsëritjen e Zotërimit Doktrinor”.

Burime Shtesë

Cilët janë disa shembuj të bekimeve të agjërimit që dha mësim Isaia?

Plaku Karl B. Prat, i Të Shtatëdhjetëve, dha mësim:

9:59

“Nëse agjërojmë dhe lutemi me qëllimin e pendimit për mëkatet dhe të kapërcimit të dobësive vetjake, me siguri që po kërkojmë t’i ‘thye[jmë] zinxhirët e ligësisë’ në jetën tonë. Nëse qëllimi i agjërimit tonë është të jemi më të efektshëm në mësimdhënien e ungjillit dhe në shërbimin ndaj të tjerëve në thirrjet tona në Kishë, ne me siguri po përpiqemi të ‘zgjidh[im] verigat e zgjedhës’ të të tjerëve. Nëse po agjërojmë dhe po lutemi për ndihmën e Zotit në përpjekjet tona misionare, a nuk po dëshirojmë t’i ‘lë[më] të lirë të shtypurit’? Nëse qëllimi i agjërimit tonë është ta rritim dashurinë tonë për bashkëqenien tonë dhe ta mundim egoizmin tonë, krenarinë tonë dhe vendosjen e zemrave tona në gjërat e kësaj bote, me siguri ne po kërkojmë të ‘dërrmo[jmë] çdo zgjedhë’.” (The Blessings of a Proper Fast, Liahona, nëntor 2004, f. 48–49)

Përse dhe si duhet të agjërojmë?

Presidenti Rasëll M. Nelson dha mësim:

“Unë e di se Perëndia ‘ka gjithë fuqinë, gjithë diturinë dhe gjithë zgjuarsinë; ai kupton të gjitha gjërat dhe është një Qenie e mëshirshme, derisa të shpëtojë ata që do të pendohen dhe do të besojnë në emrin e tij’ (Alma 26:35).

Prandaj, gjatë kohëve të shqetësimit të thellë … gjëja më e natyrshme për ne që ta bëjmë është t’u bëjmë thirrje Atit tonë Qiellor dhe Birit të Tij – Shëruesit Mjeshtër – që ta shfaqin fuqinë e Tyre të mrekullueshme për t’i bekuar njerëzit e tokës. …

Si agjërojmë ne? Dy vakte ushqimi ose një periudhë prej 24‑orësh është mënyra e zakonshme. Por vendosni ju se çfarë do të konsiderohej një sakrificë për ju, ndërkohë që kujtoni sakrificën supreme që bëri Shpëtimtari për ju.” (“Hapja e Qiejve për Ndihmë”, Liahona, maj 2020, f. 74)

Si ta bëj agjërimin tim të pranueshëm për Zotin?

Plaku Xhozef B. Uirthlin (1917–2008) dha mësim:

15:23

“Pa lutje, agjërimi nuk është një agjërim i plotë; është thjesht të jesh i uritur. Nëse duam që agjërimi ynë të jetë më shumë se sa thjesht të qenit i pangrënë, ne duhet ta ngremë zemrën, mendjen dhe zërin tonë në komunikim me Atin tonë Qiellor. Agjërimi, i shoqëruar me lutje të fuqishme, është i jashtëzakonshëm. Ai mund ta mbushë mendjen tonë me zbulesat e Shpirtit. Ai mund të na forcojë përballë kohëve të tundimit.” (“The Law of the Fast”, Liahona, maj 2001, f. 73)

Çfarë do të ndodhte nëse parimet e agjërimit do të mbizotëronin anembanë botës?

Presidenti Gordon B. Hinkli (1910–2008) dha mësim:

“Çfarë do të ndodhte nëse parimet e ditës së agjërimit dhe të ofertës së agjërimit do të zbatoheshin anembanë botës[?] Të uriturit do të ushqeheshin, të zhveshurit do të visheshin, të pastrehët do të strehoheshin. … Një masë e re shqetësimi dhe vetëmohimi do të rritej në zemrat e njerëzve kudo.” (“The State of the Church”, Ensign, maj 1991, f. 52–53)

Veprimtari Plotësuese të të Mësuarit

Fillim ndryshe

Imagjinoni sikur lagjja ose dega juaj po agjëron për një anëtar me një problem shëndetësor të vështirë. Një anëtar i ri i Kishës dëshiron të marrë pjesë, por nuk ka njohuri për parimet e agjërimit. Merreni parasysh t’i ftoni nxënësit të punojnë në dyshe dhe të tregojnë mënyrën se si mund t’u përgjigjen pyetjeve vijuese:

Çfarë është agjërimi?
Çfarë ka dhënë mësim Zoti rreth agjërimit?
Si mund të më ndihmojë ai mua ose të tjerët?

Pagimi i ofertave të agjërimit

Kur nxënësit tregojnë përvojat e tyre me agjërimin, ju mund të shpjegoni se Plaku Xhozef B. Uirthlin (1917–2008), i Kuorumit të Dymbëdhjetë Apostujve, dha mësimin se të rinjtë “gjithashtu mund të paguajnë një ofertë agjërimi nëse zgjedhin” (“The Law of the Fast”, Ensign, maj 2001, f. 74). Ju mund të pyesni nëse ndonjë nga nxënësit tuaj ka paguar oferta agjërimi dhe do të donte ta tregonte përvojën e tij.

Shembuj të bekimeve të agjërimit

Shembujt vijues të materialeve filmike mund të përdoren në vend të materialit filmik në mësim:

Për një shembull të bekimeve që përjetoi një e re ndërsa filloi të agjëronte, shihni “Fasting: A Young Single Adult Ward- Amanda” [“Agjërimi: Një Lagje e të Rinjve në Moshë Madhore Beqarë – Amanda”] (2:41).

2:41

Për një shembull të mënyrës se si ofertat e agjërimit mund t’i ndihmojnë ata që janë në nevojë, shihni “The Fast Offering” [“Oferta e Agjërimit”] (8:08) nga 2:02 deri në 7:17

8:8

Për një shembull nga përvoja e Plakut Xhozef B. Uirthlin që e ndihmoi atë t’i donte të varfrit, anëtarët e Kishës që paguanin oferta agjërimi dhe udhëheqësit që administrojnë ndihmë, shihni “The Law of the Fast” [“Ligji i Agjërimit”], (15:23) nga kodi kohor 9:01–10:20.

15:23

Për një shembull të mënyrës se si ta përshtatni parimin e agjërimit për ata që nuk mund të agjërojnë për 24 orë, shihni “Is Not This the Fast that I Have Chosen?” [“Agjërimi që më Pëlqen a nuk Është Vallë Ky?””] (17:19) nga kodi kohor 14:07–15:45.

17:19