Manuali i Mësuesit të Seminarit për Dhiatën e Vjetër

Përmbajtja
Faqja e Titullit
Hyrje te Manuali i Mësuesit
Mësime nga Dhiata e Vjetër
- Mirë se Vini në Dhiatën e Vjetër
- Moisiu 1; Abraham 3
- Zanafilla 1–2; Moisiu 2–3; Abraham 4–5
- Zanafilla 3–4; Moisiu 4–5
- Zanafilla 5; Moisiu 6
- Moisiu 7
- Zanafilla 6–11; Moisiu 8
- Zanafilla 12–17; Abraham 1–2
- Zanafilla 18–23
- Zanafilla 24–33
- Zanafilla 37–41
- Zanafilla 42–50
- Eksodi 1–6
- Pashka
- Eksodi 7–13
- Eksodi 14–18
- Eksodi 19–20; 24; 31–34
- Eksodi 35–40; Levitiku 1; 4; 16; 19
- Numrat 11–14; 20–24; 27
- Ligji i Përtërirë 6–8; 15; 18; 29–30; 34
- Jozueut 1–8; 23–24
- Gjyqtarët 2–4; 6–8; 13–16
- Ruthit; 1 Samuelit 1–7
- 1 Samuelit 8–10; 13; 15–16
- 1 Samuelit 17–18; 24–26; 2 Samuelit 5–7
- 2 Samuelit 11–12; 1 Mbretërve 3; 6–9; 11
- 1 Mbretërve 12–13; 17–22
- 2 Mbretërve 2–7
- 2 Mbretërve 16–25
- 2 Kronikave 14–20, 26, 30
- Ezdras 1, 3–7; Nehemias 2; 4–6, 8
- Esterit
- Jobit 1–3; 12–14; 19; 21–24; 38–40; 42
- Psalmeve 1–2; 8; 19–33; 40; 46
- Psalmeve 49–51; 61–66; 69–72; 77–78; 85–86
- Psalmeve 102–103; 110; 116–119; 127–128; 135–139; 146–150
- Fjalët e Urta 1–4; 15–16; 22; 31; Predikuesit 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3, 7, 16–18, 20
- Jeremia 31–33; 36–38; Vajtimeve 1, 3
- Ezekiel 1–3; 33–34; 36–37; 47
- Daniel 1–7
- Osea; Joel
- Amos; Abdia; Jona
- Mikea; Nahum; Habakuk; Sofonia
- Hagai 1–2; Zakaria 1–4, 7–14
- Malakia
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Udhëzuesi Për Forcën e Rinisë
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Isaia 61: Misioni i Jezusit, Mesias

“Isaia 61: Misioni i Jezusit, Mesias”, Manuali i Mësuesit të Seminarit për Dhiatën e Vjetër (2026)

“Isaia 61: Misioni i Jezusit, Mesias”, Manuali i Mësuesit të Seminarit për Dhiatën e Vjetër

Isaia 58–66: Mësimi 128

Isaia 61

Misioni i Jezusit, Mesias

Jesus healing a lame man. Outtakes include some of the other cast members, Jesus and disciples, and Jesus helping the lame man up by the hand.

Tek Isaia 61, Isaia dha mësim rreth misionit të Jezu Krishtit në planin e Atit Qiellor për të na shëruar, çliruar, ngushëlluar dhe shpëtuar. Herë pas here, disa njerëz mund të jenë të pasigurt nëse Jezu Krishti po e siguron atë ndihmë dhe ngushëllim në jetën tonë. Ky mësim mund t’i ndihmojë nxënësit ta rritin mirëbesimin e tyre tek aftësia e Shpëtimtarit për të na shëruar, çliruar dhe ngushëlluar.

Përgatitja e nxënësve: Ftojini nxënësit të marrin parasysh provën që kanë parë në jetën e tyre ose në jetën e të tjerëve që Jezu Krishti shëron, ngushëllon dhe i ngre shpirtërisht njerëzit sot. Kërkojuni atyre të vijnë të përgatitur për të dhënë mendimet e tyre.

Veprimtari të Mundshme të të Mësuarit

Nevoja jonë për Mesian

Për t’i ndihmuar nxënësit ta pranojnë nevojën tonë për Jezu Krishtin, merreni parasysh ta filloni orën mësimore duke paraqitur figurën që përshkruan gruan nga Dhiata e Re, që kishte fluks gjaku (shih te Marku 5:24–34).

Kërkojuni nxënësve të tregojnë atë që dinë rreth situatës së saj. Nëse është e nevojshme, shpjegoni se ajo kishte një shqetësim shëndetësor, një “fluks gjaku që prej dymbëdhjetë vjetësh” (Marku 5:25). Ajo kishte “shpenzuar gjithë pasurinë e vet” duke kërkuar një kurë nga mjekët, por sëmundja e saj vetëm sa përkeqësohej (Marku 5:26). Sipas ligjit të Moisiut, dikush me fluks gjaku konsiderohej i papastër (shihni te Levitiku 15:19–33), ndaj kjo grua me gjasë qe përjashtuar nga shoqëria në disa raste gjatë atyre 12 viteve.

Bëni pyetjet vijuese ndërkohë që paraqitni figurën.

Çfarë imagjinon se mund të ketë menduar ose ndier ajo?
Si mund të përjetojë një adoleshent mendime ose ndjenja të ngjashme sot?

Nxënësit mund të ftojnë zbulesë vetjake në studimin e tyre duke menduar rreth jetës dhe rrethanave të tyre. Një mënyrë për t’i ndihmuar ata ta bëjnë këtë mund të jetë të paraqitni udhëzime si vijueset:

Mendo rreth sfidave që ti ose dikush që ti njeh po has pikërisht tani dhe për çfarë nevojitet ndihma e Shpëtimtarit. Isaia profetizoi mënyrën se si Shpëtimtari mund të na ndihmojë ne dhe këtë grua. Ndërsa studion tek Isaia 61 sot, kërko udhërrëfim nga Shpirti për të të ndihmuar të shohësh mënyrën se si Ati Qiellor dhe Jezu Krishti janë në veprim në jetën tënde.

Misioni i Mesias

Për t’i përgatitur nxënësit për të studiuar tek Isaia 61, shkruani në krye të tabelës frazën vijuese: Ati Qiellor e dërgoi Jezu Krishtin për të …

Tek Isaia 61, Isaia profetizoi për Shpëtimtarin dhe misionin e Tij. Në këto vargje Isaia flet si Mesia ose sikur po i thotë Shpëtimtari fjalët.

Lexo tek Isaia 61:1–3 dhe plotëso thënien në tabelë: Ati Qiellor e dërgoi Jezu Krishtin për të …

Mund të doni të shpjegoni se vajosur në vargun 1 do të thotë se Jezu Krishti u veçua ose u dërgua me një qëllim specifik. “Krisht (një fjalë greke) dhe Mesia (një fjalë hebraike) do të thonë ‘i vajosuri’” (“Jezu Krisht”, Udhëzuesi për Shkrimet e Shenjta).

Mund të doni edhe të shpjegoni se i përulur në kontekstin e vargut 1 do të thotë i varfër, i munduar.

Çfarë gjete që të ndihmon ta kuptosh mënyrën se si Shpëtimtari mund ta ndihmojë dikë sot?

Ju ose mund ta shkruani në tabelë atë që tregojnë nxënësit, ose mund t’i ftoni ata ta bëjnë këtë. Ndërsa nxënësit flasin, ata mund të plotësojnë thënien vijuese: Ati Qiellor e dërgoi Jezu Krishtin për të…

Predikuar ungjillin të varfërve, të munduarve dhe të përulurve (shihni te vargu 1).
Shëruar zemërthyerit (shihni te vargu 1).
Çliruar të robëruarit (shihni te vargu 1).
Ngushëlluar të gjithë ata që pikëllohen (shihni te vargu 2).
Dhënë bukuri dhe gëzim të rënduarve (shihni te vargu 3).

Bërja e pyetjeve për ndjekjen e ecurisë është një aftësi e efektshme për t’i ndihmuar nxënësit ta analizojnë atë që sapo studiuan në shkrimet e shenjta ose atë që kanë dëgjuar dikë të thotë. Mund të merrni parasysh të bëni pyetje për ndjekjen e ecurisë për t’i ndihmuar nxënësit të marrin parasysh kuptimin e tekstit, të tilla si vijueset: “Në ç’mënyra mund të jetë dikush i robëruar?” ose “Çfarë mendoni se do të thotë se ai do të na japë ‘diademë në vend të hirit’?”

Dallimi i mënyrës se si Shpëtimtari e përmbush misionin e Tij

Mund të doni t’ua jepni nxënësve përmbledhjen vijuese të vargjeve te Lluka 4:16–21.

Gjatë jetës së Tij në tokë, Jezu Krishti lexoi nga Isaia 61 në sinagogën në vendlindjen e Tij, në Nazaret. Nëpërmjet fjalëve të Isaias, Jezu Krishti dëshmoi se Ai ishte Mesia i premtuar, i dërguar nga Ati Qiellor me një mision për të shëruar, çliruar, ngushëlluar dhe shpëtuar (shih te Lluka 4:16–21).

Për t’i ndihmuar nxënësit të fillojnë të shohin mënyrën se si Shpëtimtari mund ta përmbushë misionin e Tij në jetën tonë, mund t’i ftoni nxënësit t’i studiojnë shembujt nga shkrimet e shenjta në grupe.

Zgjidh një nga thëniet në tabelë. Studio një shembull në shkrimet e shenjta ku Shpëtimtari e përmbush misionin e Tij duke e ndihmuar dikë për sfidën e tij unike. Mund të përdorësh shembullin e shkrimeve të shenjta të dhënë ose të gjesh shembullin tënd. Mund të mendosh edhe për një shembull të ditëve të sotme.

I munduar: Njeri, i sëmurë nga paraliza (Marku 2:1–12)
Zemërthyer: Gruaja me fluks gjaku (Marku 5:24–34)
I robëruar: Alma i Riu (Alma 36:16–21)
Vajtues: Maria dhe Marta (Gjoni 11:20–36)
I rënduar: Alma dhe populli i tij (Mosia 24:8–21)

Teksa i studion, kërko përgjigje për pyetjet vijuese:

Çfarë të mëson ky rrëfim rreth mënyrës se si Jezu Krishti mund ta përmbushë misionin e Tij për ty në jetën tënde?
Çfarë të mëson ky rrëfim rreth mënyrës se si mund ta ftosh fuqinë e Tij në jetën tënde?

Ndërsa nxënësit studiojnë, jini në dispozicion për t’i ndihmuar që t’i përgjigjen çdo pyetjeje që mund të kenë.

Pasi ta kenë përfunduar studimin, mund t’i ftoni nxënësit ta tregojnë atë që mësuan që mund ta ndihmojë dikë që po përballet me një sfidë të vështirë.

Bërja e pyetjeve që i ftojnë nxënësit të reflektojnë mbi përvojat vetjake, të tilla si vijueset, mund t’i ndihmojë ata ta dallojnë dashurinë, fuqinë dhe mëshirën e Jezu Krishtit në jetën e tyre. (Për trajnim shtesë mbi dhënien e ftesave që i ndihmojnë nxënësit ta dallojnë dashurinë, fuqinë dhe mëshirën e Zotit në përvojat e tyre, shihni “Ndihmojini nxënësit t’i dallojnë dashurinë, fuqinë dhe mëshirën e Zotit në jetën e tyre” te Zotësitë për Përmirësimin e Mësuesve.)

Nëse nxënësit do të kishin dobi nga të parit e një shembulli të ditëve të sotme para se të tregojnë përvojat e tyre, mund të shihni përvojën e Darlinës te “Feeling the Lord’s Love and Goodness in Trials” [“Të Ndjerit e Dashurisë dhe Mirësisë së Zotit Gjatë Sprovave”] (4:18).

4:17
Në ç’mënyra e ke parë Jezu Krishtin ta përmbushë misionin e Tij në jetën tënde ose në jetën e dikujt që ti njeh?

Të treguarit e asaj që ti beson rreth Tij

Jepuni nxënësve kohë për të përpunuar mënyrën se si gjërat që ata kanë mësuar mund të ndikojnë në jetën e tyre jashtë klase. Veprimtaria vijuese lidhet me sfidën për të cilën ata menduan në fillim të orës mësimore.

Shkruaji një mesazh personit për të cilin po mendoje sot, i cili po përjeton aktualisht vështirësi në jetën e tij (ky person mund të jesh ti vetë). Kërko ndihmën e Shpirtit për të të udhërrëfyer ndërsa shkruan. Në letër, jep të vërtetat ose përvojat që ke dëgjuar dhe mësuar rreth Shpëtimtarit sot, që ti mendon se mund ta inkurajojnë ose t’i sjellin shpresë këtij personi.

Merreni parasysh ta përfundoni me dëshminë tuaj për Jezu Krishtin dhe fuqinë e Tij.

Burime Shtesë

Isaia 61:3. Çfarë mund të nënkuptojë “për t’u dhënë atyre një diademë në vend të hirit”?

Izraelitët kishin një zakon të hedhjes së hirit mbi kokat e tyre kur ishin thellësisht të trishtuar gjatë kohëve të shkatërrimit, vdekjes ose dëshpërimit. Përdorimi i hirit në këtë varg me gjasë bazohet në atë simbolizëm.

Plaku Brus C. Heifën, i Kuorumit të Të Shtatëdhjetëve, dha mësim:

“Secili prej nesh do të shijojë hirin e hidhur të jetës, nga mëkati dhe shpërfillja e deri te hidhërimi dhe zhgënjimi. Por shlyerja e Krishtit mund të na ngrejë shpirtërisht në bukuri nga hiri ynë në krahët e një premtimi të sigurt të pavdekësisë dhe jetës së përjetshme. Kështu, Ai do të na ngrejë shpirtërisht, jo vetëm në fund të jetës, por në çdo ditë të jetës sonë.” (“Beauty for Ashes: The Atonement of Jesus Christ”, Liahona, prill 1990, f. 48)

Motra Kristin M. Ji, Këshilltare e Dytë në Presidencën e Përgjithshme të Shoqatës së Ndihmës, dëshmoi:

10:7

“E kam dëshmuar vetë mrekullinë e Krishtit duke shëruar zemrën time plot mllef. Me lejen e babait tim, po tregoj se u rrita në një shtëpi ku nuk ndihesha gjithmonë e sigurt për shkak të keqtrajtimit emocional dhe verbal. Në vitet e rinisë së hershme dhe si e re në moshë madhore, i mbaja mëri babait tim dhe kisha inat në zemër nga ai lëndim.

Me kalimin e viteve dhe në përpjekjet e mia për të gjetur paqe dhe shërim përgjatë atij shtegu të faljes, arrita të kuptoja në një mënyrë të thellë se i njëjti Bir i Perëndisë që shleu për mëkatet e mia, është i njëjti Shëlbues i cili do të shpëtojë edhe ata që më kanë lënduar thellësisht. Nuk mund ta besoja njëmend të vërtetën e parë pa besuar të dytën.

Teksa dashuria ime për Shpëtimtarin është rritur, po ashtu është rritur edhe dëshira ime për ta zëvendësuar lëndimin dhe inatin me balsamin e Tij shërues. Ka qenë një proces shumëvjeçar, që kërkonte guxim, këmbëngulje, të isha e çiltër, dhe që të mësoja t’i mirëbesoja fuqisë hyjnore të Shpëtimtarit për të shpëtuar dhe shëruar. Ende kam punë për të bërë, por zemra ime nuk është më në një shteg lufte. Më është dhënë ‘një zemër [e] re’ [Ezekiel 36:26], një zemër që ka ndier dashurinë e thellë dhe të qëndrueshme të një Shpëtimtari vetjak, i cili më qëndroi pranë, i cili me butësi dhe durim më udhëhoqi drejt një vendi më të mirë, i cili lotoi me mua, i cili ma njihte hidhërimin.” (“Diademë në Vend të Hirit: Shtegu Shërues i Faljes”, Liahona, nëntor 2022, f. 37)

Isaia 61:3, 10. Çfarë nënkupton Isaia kur flet rreth të qenit i “veshur me rrobat e shpëtimit” ose “mbuluar me mantelin e drejtësisë”?

Presidenti Rasëll M. Nelson dha mësim: “Në hebraisht, rrënja e fjalës shlyerje është kaphar një folje që do të thotë ‘të mbulosh’ ose ‘të falësh’” (“The Atonement”, Ensign, nëntor 1996, f. 34). Kështu, figurat e të qenit të veshur me rrobat e shpëtimit dhe të qenit të mbuluar me një mantel drejtësie kanë një lidhje të drejtpërdrejtë me bekimet që vijnë te ne nëpërmjet Jezu Krishtit dhe Shlyerjes së Tij.

Plaku Kent F. Riçards, i Kuorumit të Të Shtatëdhjetëve, dha mësim:

“Shpëtimtari nuk është një vëzhgues [i heshtur]. Ai vetë e njeh personalisht dhe pafundësisht dhembjen që ne përballojmë. …

Ndonjëherë në thellësinë e dhembjes, ne tundohemi të pyesim: ‘A nuk ka vallë ndonjë balsam në Galaad, a nuk ka atje ndonjë mjek?’ [Jeremia 8:22] Unë dëshmoj se përgjigjja është po, ka një mjek. Shlyerja e Jezu Krishtit i mbulon të gjitha këto kushte dhe qëllime të vdekshmërisë.” (“Shlyerja Mbulon të Gjitha Dhembjet”, Liahona, maj 2011, f. 15–16)

Veprimtari Plotësuese të të Mësuarit

Fillim ndryshe

Për ta filluar orën mësimore, mund të vizatoni në tabelë një figurë të një zemre të thyer dhe t’u kërkoni nxënësve të renditin situatat në të cilat një adoleshent mund të ndihet zemërthyer. Nxënësit mund të renditin edhe mendime ose emocione të tjera që një adoleshent mund t’i ndiejë në ato situata. Më pas, nxënësit mund ta plotësojnë veprimtarinë e ditarit të studimit siç është shkruar në mësim.

Mënyra se si Jezu Krishti e përmbush misionin e Tij sot

Kur nxënësit ftohen të lexojnë në shkrimet e shenjta shembuj ku Jezu Krishti përmbushi disa nga profecitë tek Isaia 61, mund t’i ftoni gjithashtu nxënësit me pajisje elektronike dhe kufje të zgjedhin një nga materialet filmike nga koleksioni i materialeve filmike “His Grace” [“Hiri i Tij”] që gjendet te Gospel Library [Biblioteka e Ungjillit]. Ata mund ta shohin materialin filmik dhe të marrin parasysh të njëjtat pyetje si ata që zgjodhën të lexojnë historitë e shkrimit të shenjtë. Këto materiale filmike përmbajnë historitë dhe dëshmitë e bashkëshenjtorëve që e kanë përjetuar hirin e Shpëtimtarit gjatë rrethanave të vështira.