Հին Կտակարան. Սեմինարիայի ուսուցչի ձեռնարկ

Բովանդակություն
Տիտղոսաթերթ
Ուսուցչի ձեռնարկի նախաբան
Հին Կտակարան․ Դասեր
- Բարի գալուստ Հին Կտակարան
- Մովսես 1, Աբրահամ 3
- Ծննդոց 1–2, Մովսես 2–3, Աբրահամ 4–5
- Ծննդոց 3–4, Մովսես 4–5
- Ծնունդ 5, Մովսես 6
- Մովսես 7
- Ծնունդ 6–11, Մովսես 8
- Ծնունդ 12–17, Աբրահամ 1–2
- Ծնունդ 18–23
- Ծնունդ 24–33
- Ծնունդ 37–41
- Ծնունդ 42–50
- Ելք 1–6
- Զատիկ
- Ելք 7–13
- Ելք 14–18
- Ելք 19–20, 24, 31–34
- Ելք 35–40, Ղևտական 1, 4, 16, 19
- Թվեր 11–14, 20–24, 27
- Բ Օրենք 6–8, 15, 18, 29–30, 34
- Հեսու 1–8, 23–24
- Դատավորներ 2–4, 6–8, 13–16
- Հռութ, Ա Թագավորների 1–7
- Ա Թագավորների 8–10, 13, 15–16
- Ա Թագավորների 17–18, 24–26, Բ Թագավորների 5–7
- Բ Թագավորների 11–12, Գ Թագավորների 3, 6–9, 11
- Գ Թագավորների 12–13, 17–22
- Դ Թագավորների 2–7
- Դ Թագավորների 16–25
- Բ Մնացորդաց 14–20, 26, 30
- Եզրաս 1, 3–7, Նեեմիա 2, 4–6, 8
- Եսթեր
- Հոբ 1–3, 12–14, 19, 21–24, 38–40, 42
- Սաղմոսներ 1–2, 8, 19–33, 40, 46
- Սաղմոսներ 49–51, 61–66, 69–72, 77–78, 85–86
- Սաղմոսներ 102–103, 110, 116–119, 127–128, 135–139, 146–150
- Առակներ 1–4, 15–16, 22, 31, Ժողովող 1–3, 11–12
- Եսայի 1–12
- Եսայի 13–14, 22, 24–30, 35
- Եսայի 40–49
- Եսայի 50–57
- Եսայի 58–66
- Երեմիա 1–3, 7, 16–18, 20
- Երեմիա 31–33, 36–38, Երեմիայի ողբերը 1, 3
- Եզեկիել 1–3, 33–34, 36–37, 47
- Դանիել 1–7
- Ովսեե, Հովել
- Ամովս, Աբդիա, Հովնան
- Միքիա, Նաում, Ամբակում, Սոփոնիա
- Անգե 1–2, Զաքարիա 1–4, 7–14
- Մաղաքիա
Կյանքին նախապատրաստվելու դասեր
- Վարդապետության սերտում. ինչպես գտնեմ իմ հարցերի պատասխանները
- Սուրբ գրությունների ուսումնասիրության հմտություններ
- Երիտասարդներին զորացնելու համար․ ուղեցույց
- Զարգացրեք ինքնապահովում
- Ֆիզիկական և էմոցիոնալ առողջություն
- Պատրաստվել ապագա կրթությանը և աշխատանքին
- Հաջողության հասնել դպրոցում
- Միսիոներական նախապատրաստություն
- Տաճարային նախապատրաստություն
- Եկեղեցու ղեկավարների ուսմունքները
Հավելված

Եսայի 54. «Մեծ գթասրտությամբ պիտի հավաքեմ քեզ»

«Եսայի 54. «Մեծ գթասրտությամբ պիտի հավաքեմ քեզ»», Հին Կտակարան․ Սեմինարիայի ուսուցչի ձեռնարկ (2026)

«Եսայի 54. «Մեծ գթասրտությամբ պիտի հավաքեմ քեզ»», Հին Կտակարան․ Սեմինարիայի ուսուցչի ձեռնարկ

Եսայի 50–57․ Դաս 125

Եսայի 54

«Մեծ գթասրտությամբ պիտի հավաքեմ քեզ»

Երբեմն մարդիկ կարող են իրենց լքված և միայնակ զգալ: Երբեմն մարդիկ կարող են մտածել, որ Աստված իրենց կողքին չէ։ Քանի որ Իսրայելի տունը խախտել էր Եհովայի հետ կնքած ուխտը, նրանք ցրվեցին։ Նրանք հավանաբար մտածում էին, որ Աստված լքել է իրենց։ Սակայն, Եսայի մարգարեի միջոցով Տերը հիշեցրել է Իր ուխտի ժողովրդին, որ, ինչպես այն ժամանակ, այնպես էլ հիմա, Նա կհավաքի նրանց մեծ գթասրտությամբ և խաղաղություն կտա նրանց: Այս դասը կօգնի ուսանողներին զգալ Փրկչի սերն ու նվիրվածությունն իրենց հանդեպ:

Ուսանողի նախապատրաստում. ուսանողներին առաջարկեք կարդալ Եսայի 54 գլուխը՝ փնտրելով բառեր և արտահայտություններ, որոնցով կարող են կիսվել այն մարդու հետ, որն իրեն միայնակ կամ լքված է զգում:

Հնարավոր ուսումնական վարժություններ

Լքվածության զգացում

Կարող եք սկսել դասը հետևյալ սցենարով։ Ուսանողները կարող են ընտրել մի սցենար, որի վրա կարող են կենտրոնանալ անհատապես կամ մեկ այլ սցենար՝ ամբողջ դասարանի համար: Դասի վերջում ուսանողները հնարավորություն կունենան անդրադառնալ իրենց ընտրած սցենարին:

Կառլոսն իրեն միայնակ և լքված է զգում, քանի որ …

Նա մեղք է գործել և չի հավատում, որ Աստված կների իրեն իր արածի համար:
Նա վերջերս է տեղափոխվել նոր տարածք և դժվարանում է ընկերներ ձեռք բերել:
Նրան թվում է, որ իր աղոթքները պատասխան չեն ստանում:

Մտածեք, թե ինչ կարող եք ասել Կառլոսին, որպեսզի օգնեք նրան: Մտածեք, թե ինչ կուզենայիք, որ նա իմանար Հիսուս Քրիստոսի մասին:

Եսային իր կյանքի ընթացքում ականատես է եղել Իսրայելի Հյուսիսային թագավորության ցրմանը՝ ժողովրդի ամբարշտության պատճառով (տես Դ Թագավորների 17․6–23)։ Նա նաև մարգարեացել է, որ ամբարշտության պատճառով Հուդայի Հարավային թագավորությունը նույնպես կնվաճվի (տես Եսայի 39․5–7)։ Այդ պատճառով Իսրայելի տան շատ մարդիկ իրենց լքված էին զգում Աստծո կողմից։

Եսայի 54 գլխում Եսային մարգարեացել է այն մասին, թե Տերը ինչ է անելու Իր ուխտի ժողովրդի համար: Փրկիչը հետագայում օգտագործել է այս գլուխը՝ ուսուցանելու նեփիացիներին, թե Ինքն ինչպես է հավաքելու Իսրայելը վերջին օրերին (տես 3 Նեփի 22)։

Եսայի 54 գլուխն ուսումնասիրելիս լսեք Սուրբ Հոգու հուշումները, որոնք կօգնեն ձեզ իմանալ, թե ինչպես են Երկնային Հայրը և Հիսուս Քրիստոսը վերաբերվում ձեզ հետ ունեցած Իրենց հարաբերություններին:

Տիրոջ խոստումներն Իր ժողովրդին

Հիշեցրեք ուսանողներին, որ Եսային իր գրվածքներում հաճախ օգտագործում էր պատկերներ: Երբ դադար տանք և մտածենք նրա ներառած պատկերներից դասեր քաղելու մասին, կարող ենք հրավիրել Սուրբ Հոգուն՝ ուսուցանելու մեզ Տիրոջ ուղերձն այս սուրբ գրություններում: Եսայի 54 գլխում Եսային օգտագործել է ամուսնական հարաբերությունների պատկերը՝ ուսուցանելու Իսրայելի տան հետ Տիրոջ ուխտի հարաբերությունների մասին: Ամուսինը խորհրդանշում է Փրկչին, իսկ կինը՝ Իսրայելի տունը: Կարող եք հատվածների հետևյալ հավաքածուի ընթերցումը բաժանել ավելի փոքր մասերի, օրինակ՝ հատվածներ 1–4, 5–8, 9–10, 13, 17։ Որպեսզի օգնեք ուսանողներին ավելի լավ հասկանալ իրենց կարդացածը, կարող եք յուրաքանչյուր հատվածից հետո կանգ առնել և առաջարկել ուսանողներին հարցեր տալ:

Այս հատվածներում որոշ բառերի և արտահայտությունների մասին տեղեկություն կարող եք գտնել «Օժանդակ նյութեր» բաժնում:

Ուշադիր կարդացեք Եսայի 54․1–10, 13, 17 հատվածները՝ փնտրելով, թե ինչ է խոստացել Հիսուս Քրիստոսը Իր ուխտի ժողովրդին:

Ի՞նչ է ձեզ ուսուցանում ամուսնու և կնոջ պատկերն Իսրայելի տան հետ ունեցած Տիրոջ հարաբերությունների մասին:
Ի՞նչ են ուսուցանում Փրկչի անուններն ու տիտղոսները Նրա մասին հատված 5-ում։

Ժամանակ տրամադրեք, որպեսզի ուսանողներին հնարավորություն տաք կիսվելու այս հատվածներում առկա իմաստալից բառերով և արտահայտություններով և քննարկել, թե ինչ են դրանք ուսուցանում Տիրոջ մասին: Նրանք կարող են դա անել դասարանով կամ փոքր խմբերով:

Գրատախտակին գրեք Հիսուս Քրիստոսը՝ մեր Քավիչը… Անավարտ արտահայտությունը և ուսանողներին առաջարկեք ավարտել այն՝ օգտագործելով Եսայի 54․4–10, 13, 17 հատվածներում իրենց գտածը։
Ինչպե՞ս կարող եք ավարտել Հիսուս Քրիստոսը՝ մեր Քավիչը ․․․ արտահայտությունը։
Ուսանողները կարող են ավարտել արտահայտությունը բազմաթիվ եղանակներով, ներառյալ.

Հիսուս Քրիստոսը՝ մեր Քավիչը …
- ողորմածությամբ կհավաքի Իր ժողովրդին:
- հավիտենական բարություն ունի Իր ժողովրդի հանդեպ:
- կկատարի Իր ժողովրդի հետ կապած ուխտը:
- խաղաղություն է խոստանում։
Երբ ուսանողները տեսնեն, որ սուրբ գրություններն առնչվում են իրենց կյանքին, նրանք, ավելի հավանական է, որ կհասկանան, թե ինչպես է Փրկչի վարդապետությունը վերաբերում անձամբ իրենց: Հետևյալ հարցերը կամ այլ հարցեր, որոնք կարող են գալ ձեր միտքը, կարող են օգնել նրանց քննարկել իրենց նշած ճշմարտությունների կարևորությունը:
Ըստ ձեզ, այս ճշմարտություններից ո՞րը կարող է առավելապես օգնել երիտասարդներին այսօր: Ինչո՞ւ։

Մտածեք, թե այդ ճշմարտություններից ո՞րն է առավել կարևոր ձեզ համար։

Ըստ ձեզ, ինչպե՞ս է Հիսուս Քրիստոսը կատարում այդ խոստումներն այսօր:

Տասներկու Առաքյալների Քվորումից նախագահ Ջեֆրի Ռ. Հոլլանդը վկայել է.

… Ինչպես Եհովան ասաց «ալեկոծյալ և անմխիթար» աշխարհում, որը կգա, ինչպե՞ս կարող ենք գտնել այն, ինչը Նա անվանեց «խաղաղության … ուխտ»: Մենք գտնում ենք դա, երբ դիմում ենք Նրան, ով ասել է, որ վերջին օրերին Նա «հավիտենական բարությամբ» ողորմածություն կդրսևորի և խաղաղություն կպարգևի մեր զավակներին: («Ոչ թե ինչպես աշխարհն է տալիս», Լիահոնա, մայիս 2021, 36)

Ի՞նչ սովորեցիք այն մասին, թե ինչպես են Երկնային Հայրը և Հիսուս Քրիստոսը վերաբերվում ձեզ:

Ցույց տվեք ձեր սովորածը

Հետևյալ վարժության նպատակն է՝ օգնել ուսանողներին ցույց տալ, թե ինչ են սովորել և զգացել Երկնային Հոր և Հիսուս Քրիստոսի մասին՝ Եսայի 54 գլուխն ուսումնասիրելիս։ Ընտրեք արձագանքելու մեթոդ, որը լավագույնս համապատասխանում է ձեր դասարանի կարիքներին: Ահա մի քանի օրինակ, որոնք ներառում են այն, թե ինչ կարող եք անել․ առաջարկել ուսանողներին դերախաղով ներկայացնել իրավիճակը, գրել տեքստային հաղորդագրություն՝ ուղարկելու համար, կամ ստեղծել Կառլոսի հետ զրույցի վերաբերյալ կոմիքս:

Հիշեք, թե ինչու է Կառլոսն իրեն լքված և միայնակ զգում: Մտածեք, թե ինչով կարող եք կիսվել նրա հետ Եսայի 54 գլուխն ուսումնասիրելու ընթացքում ձեր սովորածից։ Կա՞ն անձնական փորձառություններ, որոնցով կարող եք կիսվել նրա հետ:

Ի՞նչ կցանկանայիք հիշել Փրկչի մասին Եսայի 54 գլխի ուսումնասիրությունից։

Կարող եք նաև կիսվել Փրկչի մասին ձեր վկայությամբ և ձեր մտքերով ու զգացմունքներով, որոնք ունեցել եք Եսայի 54 գլուխն ուսումնասիրելիս։

Օժանդակ նյութեր

Ի՞նչ իմաստ ունեն Եսայի 54 գլխում տեղ գտած որոշ բառեր և արտահայտություններ:

Եսայի 54․3 հատվածում Նա Իսրայելին ասել է, որ նրանք պետք է «տարածվեն աջ ու ձախ» և «[պետք է] բնակեցնեն ավերված քաղաքները»։ Սա ներկայացնում է մարդկանց մեծ թիվը, որոնք պետք է հավաքվեն, հետևաբար անհրաժեշտ է, երբ Նա ասում է՝ «Ընդարձակի՛ր քո վրանի տեղը» (Եսայի 54․2)։

Եսայի 54․9 հատվածում Տերը Իսրայելին հիշեցրել է երկիրն այլևս ջրով չհեղեղելու Իր խոստման մասին (տես Ծնունդ 9․15–17)։ Ինչպես որ ջրհեղեղն ավարտվեց, և Տերը խոստացավ այլևս չհեղեղել երկիրը, Տիրոջ բարկությունն Իսրայելի տան վրա նրանց մեղքերի համար նույնպես հավերժ չէր լինելու:

Եսայի 54․10 հատվածում Եսային օգտագործել է լեռների և բլուրների պատկերները, որոնք համարվում են մշտական։ Տերը խոստանում է, որ Իր բարությունը և «[Իր] խաղաղության ուխտը» ավելի մշտական են, քան լեռներն ու բլուրները:

Եսայի 54․2։ Ի՞նչն է նշանակալից Եսայու վրանի պատկերում։

Ընդհանուր ձեռնարկում ասվում է․

Եսային նկարագրել է վերջին օրերի Սիոնը՝ որպես վրան կամ խորան, որն ամրացված էր ցցերով (տես Եսայի 33.20, 54.2): Այսօր Եկեղեցին կազմված է ցցերից: Յուրաքանչյուր ցից բաղկացած է մի քանի ծխերից և ղեկավարվում է ցցի նախագահի կողմից: Տերը ցցեր է հաստատում Իր ժողովրդի՝ «միասին հավաքվելու» և աշխարհից «պաշտպանության և … ապաստանի համար» (Վարդապետություն և Ուխտեր 115.6): Ցցի անդամներն ու ղեկավարները միասին աշխատում են՝ մասնակցելու Աստծո փրկության և վեհացման աշխատանքին (տես 1.2)։ (Ընդհանուր ձեռնարկ․ 6.1)

Ինչպե՞ս է Փրկիչը վերաբերվում Իր ուխտի ժողովրդին:

Տասներկու Առաքյալների Քվորումից նախագահ Ջեֆրի Ռ. Հոլլանդը վկայել է.

Թեև եղել է ամլություն և երբեմն անհավատարմություն, այնուամենայնիվ ամուսինը (Քրիստոսը) կվերադարձնի և կփրկագնի իր հարսնացուին (Իսրայելին): …

… Քրիստոսը, երբեմն, իրավացիորեն զայրացել է ուրացող Իսրայելի վրա, բայց դա միշտ կարճ է տևել՝ «մի կարճ պահ»: Կարեկցանքն ու ողորմածությունը միշտ վերադառնում և տնօրինում են առավել հուսադրող եղանակով: Լեռներն ու բլուրները կարող են անհետանալ։ Մեծ ծովերի ջուրը կարող է ցամաքել։ Աշխարհում կարող են պատահել ամենաքիչ հավանական բաները, բայց Տիրոջ բարությունն ու խաղաղությունը երբեք չեն վերցվի իր ուխտի ժողովրդից: Նա երկնային երդում է տվել, որ հավերժ չի բարկանա նրանց վրա»։ (Christ and the New Covenant [1997], 290)

Ինչպե՞ս է Հիսուս Քրիստոսը ցույց տվել, որ մենք պատկանում ենք Իրեն:

Տասներկու Առաքյալների Քվորումից երեց Դ. Թոդ Քրիստոֆերսոնը վկայել է.

14:41

Հոր, Որդու և Սուրբ Հոգու հետ մեկ լինելը, անկասկած, պատկանելության մեջ ամենակարևորն է:

Այսպիսով, պատկանելության վարդապետությունը հանգում է դրան, մեզանից յուրաքանչյուրը կարող է հաստատել. Հիսուս Քրիստոսը մահացավ ինձ համար, Նա ինձ արժանի էր համարում Իր արյանը: Նա սիրում է ինձ և կարող է փոխել իմ կյանքը, Նրա շնորհը կփոխի իմ կյանքը: Երբ ես ապաշխարեմ, Նրա շնորհը կփոխի ինձ: Ես մեկ եմ Նրա հետ` ավետարանի ուխտի մեջ, ես պատկանում եմ Նրա Եկեղեցուն և արքայությանը, և ես պատկանում եմ Նրա գործին, որն է՝ փրկագնում բերել Աստծո բոլոր զավակներին: («Պատկանելության վարդապետությունը», Լիահոնա, նոյ․ 2022, 56)

Լրացուցիչ ուսումնական վարժություններ

«Ընդարձակի՛ր քո վրանի տեղը … և ամրացրո՛ւ քո ցցերը» (Եսայի 54․2)

Այս վարժությունը կարող է օգնել ուսանողներին հասկանալ վրանի մասին Եսայու պատկերացումը և այն, թե ինչու է Եկեղեցին բաղկացած ցցերից: Կարող եք մի վրան բերել դասարան և առաջարկել ուսանողներին տեղադրել այն կամ ցուցադրել վրանի նկարը: Խնդրեք նրանց բացատրել վրանի նպատակը և ինչպես տեղադրել այն, որպեսզի դիմանա քամուն և անձրևին:

Ցուցադրեք վրանի նկարը և առաջարկեք ուսանողներին անվանել վրանի տարբեր մասերը՝ օգտագործելով այն, ինչ կգտնեն հատված 2-ում։

Կարդացեք Եսայի 54․2 հատվածը՝ փնտրելով այն, ինչ Եսային ուսուցանել է վրանի մասին: Կարող եք տալ հետևյալ հարցերից մի քանիսը՝ օգնելու ուսանողներին հասկանալ, թե ինչպես են այդ հատվածներն առնչվում Փրկչի Եկեղեցուն մեր օրերում:

Ըստ ձեզ, Փրկչի եկեղեցին ինչո՞վ է նման վրանի:
Ինչպե՞ս են ցցերն աջակցում վրանին: Սա ի՞նչ կարող է ուսուցանել մեզ Սիոնի ցցերի դերի մասին Փրկչի վերականգնված Եկեղեցում:
Վրանն ինչպե՞ս է մեծանում մեր օրերում։

Կարող եք Ընդհանուր ձեռնարկից կիսվել ցցերի վերաբերյալ արտահայտությամբ, որը հասանելի է «Օժանդակ նյութեր» բաժնում։ Կարող եք նաև կարդալ Վարդապետություն և Ուխտեր 115.6 հատվածը և քննարկել, թե Սիոնի ցցերն ինչպես են պաշտպանում և ապաստան տալիս կյանքի փոթորիկներից: Կարող եք նաև կարդալ Մորոնի 10․31 կամ Վարդապետություն և Ուխտեր 82.14, 133․9 հատվածները և քննարկել, թե ինչ է Տերը խնդրում, որ մենք անենք՝ որպես Իր Եկեղեցու անդամներ:

Իսրայելի հետ ուխտ կապելու Տիրոջ խոստումները

Եսայի 54․1–10, 13, 17 հատվածները կարդալիս կարող եք կիսվել նախագահ Ռասսել Մ. Նելսոնի հետևյալ հրավերով:

Ձեր սուրբ գրություններն ուսումնասիրելիս, … ես խրախուսում եմ, որ կազմեք այն ամենի ցուցակը, որ Տերը խոստացել է անել ուխտյալ Իսրայելի համար: Կարծում եմ, որ դուք շատ կզարմանաք: Խորհեք այս խոստումների շուրջ: Դրանց մասին խոսեք ձեր ընտանիքների և ընկերների հետ։ Հետո ապրեք ու հետևեք, թե այդ խոստումներն ինչպես են կատարվում ձեր կյանքում: («Թող Աստված տնօրինի», Լիահոնա, նոյ․ 2020, 95)

Ուսանողներին առաջարկեք գրել Եսայի 54 գլխում ներկայացված Իսրայելի հետ ուխտ կապելու Տիրոջ խոստումները։ Կարող եք քննարկել, թե ինչ են ուսուցանում այդ խոստումները Տիրոջ մասին և ինչպես են ուսանողները տեսնում դրանց կատարումն իրենց կյանքում: Խրախուսեք ուսանողներին շարունակել փնտրել Իսրայելի հետ ուխտ կապելու Տիրոջ խոստումները՝ սուրբ գրություններն ուսումնասիրելիս: