Հին Կտակարան. Սեմինարիայի ուսուցչի ձեռնարկ

Բովանդակություն
Տիտղոսաթերթ
Ուսուցչի ձեռնարկի նախաբան
Հին Կտակարան․ Դասեր
- Բարի գալուստ Հին Կտակարան
- Մովսես 1, Աբրահամ 3
- Ծննդոց 1–2, Մովսես 2–3, Աբրահամ 4–5
- Ծննդոց 3–4, Մովսես 4–5
- Ծնունդ 5, Մովսես 6
- Մովսես 7
- Ծնունդ 6–11, Մովսես 8
- Ծնունդ 12–17, Աբրահամ 1–2
- Ծնունդ 18–23
- Ծնունդ 24–33
- Ծնունդ 37–41
- Ծնունդ 42–50
- Ելք 1–6
- Զատիկ
- Ելք 7–13
- Ելք 14–18
- Ելք 19–20, 24, 31–34
- Ելք 35–40, Ղևտական 1, 4, 16, 19
- Թվեր 11–14, 20–24, 27
- Բ Օրենք 6–8, 15, 18, 29–30, 34
- Հեսու 1–8, 23–24
- Դատավորներ 2–4, 6–8, 13–16
- Հռութ, Ա Թագավորների 1–7
- Ա Թագավորների 8–10, 13, 15–16
- Ա Թագավորների 17–18, 24–26, Բ Թագավորների 5–7
- Բ Թագավորների 11–12, Գ Թագավորների 3, 6–9, 11
- Գ Թագավորների 12–13, 17–22
- Դ Թագավորների 2–7
- Դ Թագավորների 16–25
- Բ Մնացորդաց 14–20, 26, 30
- Եզրաս 1, 3–7, Նեեմիա 2, 4–6, 8
- Եսթեր
- Հոբ 1–3, 12–14, 19, 21–24, 38–40, 42
- Սաղմոսներ 1–2, 8, 19–33, 40, 46
- Սաղմոսներ 49–51, 61–66, 69–72, 77–78, 85–86
- Սաղմոսներ 102–103, 110, 116–119, 127–128, 135–139, 146–150
- Առակներ 1–4, 15–16, 22, 31, Ժողովող 1–3, 11–12
- Եսայի 1–12
- Եսայի 13–14, 22, 24–30, 35
- Եսայի 40–49
- Եսայի 50–57
- Եսայի 58–66
- Երեմիա 1–3, 7, 16–18, 20
- Երեմիա 31–33, 36–38, Երեմիայի ողբերը 1, 3
- Եզեկիել 1–3, 33–34, 36–37, 47
- Դանիել 1–7
- Ովսեե, Հովել
- Ամովս, Աբդիա, Հովնան
- Միքիա, Նաում, Ամբակում, Սոփոնիա
- Անգե 1–2, Զաքարիա 1–4, 7–14
- Մաղաքիա
Կյանքին նախապատրաստվելու դասեր
- Վարդապետության սերտում. ինչպես գտնեմ իմ հարցերի պատասխանները
- Սուրբ գրությունների ուսումնասիրության հմտություններ
- Երիտասարդներին զորացնելու համար․ ուղեցույց
- Զարգացրեք ինքնապահովում
- Ֆիզիկական և էմոցիոնալ առողջություն
- Պատրաստվել ապագա կրթությանը և աշխատանքին
- Հաջողության հասնել դպրոցում
- Միսիոներական նախապատրաստություն
- Տաճարային նախապատրաստություն
- Եկեղեցու ղեկավարների ուսմունքները
Հավելված

Եսայի 51–52. «Լսե՛ք ինձ»

«Եսայի 51–52. «Լսե՛ք ինձ»», Հին Կտակարան․ Սեմինարիայի ուսուցչի ձեռնարկ (2026)

«Եսայի 51–52. «Լսե՛ք ինձ»», Հին Կտակարան․ Սեմինարիայի ուսուցչի ձեռնարկ

Եսայի 50–57․ Դաս 123

Եսայի 51–52

«Լսե՛ք ինձ»

Jesus Christ reaching out his hand near water outdoors, closeup

Եսայու միջոցով Տերը խոսել է Իր ուխի ժողովրդի հետ՝ ինչպես հին ժամանակներում, այնպես էլ այսօր: Նա գեղեցիկ բաներ էր խոստացել նրանց, եթե նրանք որոշեին լսել Իր սիրառատ հրավերները: Մեզ՝ որպես Իր ուխի ժողովրդի, Տերը տալիս է այդ նույն խոստումներն ու հրավերները: Այս դասը կօգնի ուսանողներին լսել Փրկչի հրավերները:

Ուսանողի նախապատրաստում. ուսանողներին առաջարկեք խորհել այն դիպվածի շուրջ, երբ իրենք կամ իրենց ծանոթը հնազանդվել է Տիրոջ հրավերներին կամ պատվիրաններից մեկին և օրհնվել է: Այս դասը հնարավորություն կտա պատրաստակամ ուսանողներին կիսվել:

Հնարավոր ուսումնական վարժություններ

Ո՞ւմ եք ցանկանում լսել

Կարող եք գրատախտակին գրել ստորև նշված մարդկանց անունները կամ նրանց անունները, ովքեր, ըստ ձեզ, ազդեցություն ունեն դեռահասների վրա:

Ծնող, ընկեր, ուսուցիչ, մարզիչ, սոցիալական ցանցերում ազդեցիկ մարդ, հայտնի մարդ

Ըստ ձեզ, դեռահասներն ո՞ւմ են ամենաշատը լսում և ո՞ւմ խորհուրդներին են հետևում: Ինչո՞ւ։
Ինչո՞ւ է կարևոր, թե ում ենք լսում և հետևում:

Երբ ուսանողները կարդան հետևյալ հատվածները, կարող եք նշել, որ սուրբ գրությունների հեղինակները հաճախ կրկնում էին հիմնական բառերն ու գաղափարները՝ կարևոր գաղափարներն ընդգծելու համար: Ձեր ուսանողները կարող են սովորել գտնել կրկնվող հիմնական բառերը և արտահայտությունները հետևյալ հատվածների օգնությամբ:

Կարդացեք Եսայի 51․1, 4, 7 հատվածները՝ փնտրելով, թե ում էր Տերը խորհուրդ տալիս, որ լսի և հետևի Իր ուխի ժողովուրդը: Կարող եք նշել այն, ինչ կգտնեք:

Ուսանողներին առաջարկեք կիսվել իրենց գտածով: Եթե ուսանողներն օգնության կարիք ունենան՝ հասկանալու լսել բառի իմաստը, կարող եք բացատրել, որ նախագահ Ռասսել Մ. Նելսոնն ուսուցանել է, որ լսել նշանակում է «լսել՝ ցանկանալով հնազանդվել» («Լսի՛ր Նրան», Լիահոնա, մայիս 2020, 89)։

Մարդն ինչո՞ւ կարող է ցանկանալ լսել և հետևել Փրկչի խորհրդին ավելի շատ, քան մեկ ուրիշին:

Խորհեք բոլոր դժվարությունների, անհանգստությունների կամ հարցերի շուրջ, որոնք կարող եք ունենալ ձեր կյանքում այս պահին: Մտածեք, թե Եսայի 51–52 գլուխներն ուսումնասիրելիս Փրկչի խորհրդին և հրավերներին ականջալուր լինելն ինչպես կարող է օգտակար լինել ձեզ համար։

«Լսե՛ք ինձ»

Կարդացեք Եսայի 51․1–2 հատվածները՝ փնտրելով պատկերներ և խորհրդանիշներ, որոնք Եսային օգտագործել է Տիրոջ հրավերը նկարագրելու համար:

Ուսանողներին առաջարկեք կիսվել իրենց գտածով և նրանով, թե, ըստ իրենց, ինչ են նշանակում այդ պատկերները:

Բացատրեք, որ «նայե՛ք այն վեմին, որից դուք կոփվել եք» և նայել Աբրահամին ու Սառային (Եսայի 51․1–2) արտահայտությունները վերաբերում են Տիրոջ հրավերին՝ հիշելու Աբրահամին և Սառային, որոնց հետ Աստված կապել էր Իր ուխտը (այն նաև կոչվում է Աբրահամի ուխտ): Սա ենթադրում է, որ մենք պետք է հիշենք Աստծո հետ կապած նույն ուխտը պահելու մասին:

Ուսանողներին առաջարկեք իրենց օրագրերում գրել հետևյալ անավարտ հայտարարությունը. Երբ մենք պահենք Տիրոջ հետ կապած մեր ուխտերը, Նա կկատարի ․․․

Ձեզ համար ի՞նչ է նշանակում պահել Տիրոջ հետ կապած մեր ուխտերը։

Կարդացեք Եսայի 51․3 հատվածը՝ փնտրելով այն օրհնությունները, որոնք Փրկիչը խոստանում է մեզ, եթե մենք լսենք Իրեն և պահենք մեր ուխտերը:

Ի՞նչ գտաք:

Ուսանողները կարող են լրացնել անավարտ արտահայտությունը հետևյալ կերպ․ … օրհնիր մեզ մխիթարությամբ, ուրախությամբ և ցնծությամբ։
Ըստ ձեզ, Տիրոջ հետ կապած մեր ուխտերը պահելն ինչպե՞ս է օգնում մեզ ստանալ Նրա մխիթարությունը, ուրախությունը կամ ցնծությունը:

Հրավերներ և օրհնություններ

Գրատախտակին ցուցադրեք հետևյալ աղյուսակը: Ուսանողները կարող են նաև արտագրել այն իրենց օրագրերում: Որպես մոդել, կարող եք ավելացնել այն, ինչ ուսանողները գտան Եսայի 51․1–3 հատվածներում։ Օրինակ՝ ձախ սյունակում կարող եք ավելացնել «պահենք Տիրոջ հետ կապած մեր ուխտերը», իսկ աջ սյունակում՝ «օրհնիր մեզ մխիթարությամբ, ուրախությամբ և ցնծությամբ»։

Եսային ներկայացրել է Տիրոջ բազմաթիվ հրավերներն ու խոստումները Եսայի 51–52 գլուխներում։ Ձեր օրագրում գրեք հրավերներն ու խոստումները, որոնք կգտնեք այս գլուխներն ուսումնասիրելիս։

Տիրոջ հրավերներն Իր ուխտյալ ժողովրդին	Տիրոջ խոստումներն Իր ուխտի ժողովրդին
Տիրոջ հրավերներն Իր ուխտյալ ժողովրդին	Տիրոջ խոստումներն Իր ուխտի ժողովրդին

Ի՞նչ են ձեզ ուսուցանում այդ հրավերներն այն մասին, թե ինչ է նշանակում պահել ձեր ուխտերը:
Տիրոջ օրհնություններից ո՞րն եք իսկապես ցանկանում: Ինչո՞ւ։
Ըստ ձեզ, Տիրոջ հրավերներից ո՞րը կօգնի ձեզ ստանալ այն օրհնությունը, որը փնտրում եք:

Լսեք Տիրոջը

Ուսանողներին առաջարկեք մտածել այն մասին, թե դասի ընթացքում ինչ սովորեցին իրենց Երկնային Հորից Սուրբ Հոգու միջոցով: Դա անելու եղանակներից մեկը ներկայացված է ստորև:

Խորհեք այսօրվա ձեր սովորածի և այն հրավերների կամ խորհուրդների շուրջ, որոնք, ըստ ձեզ, տվել են Երկնային Հայրը և Հիսուս Քրիստոսը՝ Սուրբ Հոգու միջոցով: Ձեր օրագրում պատասխանեք հետևյալ հարցին.

Ըստ ձեզ, ի՞նչ է Տերը հրավիրում ձեզ անել, որպեսզի ստանաք Իր օգնությունը՝ ձեր դժվարությունները, մտահոգությունները հաղթահարելու կամ հարցերը լուծելու համար:

Եսայի 51․3, 12 Փրկիչն ինչպե՞ս կարող է մխիթարել մեզ:

Տասներկու Առաքյալների Քվորումից երեց Ուլիսես Սոարեսն ուսուցանել է.

11:10

Փրկության վեհաշուք պարգևն ապահովելուց բացի, Փրկիչը մեզ առաջարկում է սփոփանք և մխիթարություն, երբ հանդիպում ենք տառապանքների, գայթակղությունների և մահկանացու կյանքի թուլությունների։ … Կարող եմ ձեզ հավաստիացնել, որ Քրիստոսը տեղյակ է այն դժվարությունների մասին, որոնց մենք բախվում ենք մահկանացու կյանքում: Նա հասկանում է՝ թե՛ մեր առջև ծառացած դառնությունը, տառապանքը և ֆիզիկական ցավը, թե՛ մեր էմոցիոնալ և հոգևոր մարտահրավերները: Փրկչի սիրտը լի է ողորմածությամբ, և Նա միշտ պատրաստ է սատարել մեզ: Դա հնարավոր է, քանի որ Նա անձամբ զգացել է դա և մարմնով Իր վրա է վերցրել մեր թուլությունների և տկարությունների ցավը։ («Հիսուս Քրիստոսը․ մեր հոգու խնամատարը», Լիահոնա, մայիս 2021, 83)

Եսայի 52․7: Ո՞ւմ է վերաբերում «Ի՜նչ գեղեցիկ են լեռների վրա ավետաբերի ոտքերը, որ խաղաղություն է հռչակում» արտահայտությունը:

Տասներկու Առաքյալների Քվորումից նախագահ Ջեֆրի Ռ. Հոլլանդը բացատրել է.

Ի վերջո, Քրիստոսն է, ով գեղեցիկ է լեռան վրա: Դա Նրա ողորմած խոստումն է՝ «խաղաղություն այս աշխարհում», Նրա բարի ավետիսը՝ «հավերժական կյանք՝ գալիք աշխարհում» [Վ&Ու 59․23], որ ստիպում է մեզ ընկնել Նրա ոտքերը և օրհնյալ համարել Նրան և շնորհակալություն հայտնել Նրա ճշմարիտ և կենդանի Եկեղեցու վերականգնման համար: («Peaceable Things of the Kingdom», Ensign, նոյ. 1996, 82)

Լրացուցիչ ուսումնական վարժություններ

Օժանդակ վարժություն աշխատաթերթի համար

Եթե ցանկանում եք աշխատաթերթում ևս մեկ վարժություն ավելացնել, կարող եք ներառել հետևյալը.

Կարդացեք Եսայի 51․15–16 հատվածները՝ փնտրելով օրհնություններ, որոնք Տերը խոստացել է Իր ժողովրդին:

Որպեսզի օգնեք ձեզ հասկանալ «Ես իմ խոսքերը քո բերանում դրեցի» արտահայտությունը (Եսայի 51․16), կարդացեք Վարդապետություն և Ուխտեր 100.5–8 հատվածները՝ փնտրելով նմանատիպ խոստում, որ Տերը տվել է Ջոզեֆ Սմիթին և Սիդնի Ռիգդոնին:

Որպեսզի օգնեք ձեզ հասկանալ «Ես իմ ձեռքի հովանիով ծածկեցի քեզ» արտահայտությունը (Եսայի 51․16), խորհեք, թե ինչպիսի ստվերներից և արտացոլումից ենք մենք պաշտպանված:

Ի՞նչ խոստումներ գտաք:
Ի՞նչ են այս խոստումներն ուսուցանում ձեզ Տիրոջ մասին, և ինչ է Նա անում Իր ժողովրդի համար, որը պահում է Իր հետ կապած ուխտերը:

«Զարթնի՛ր, զարթնի՛ր» (Եսայի 51․9, 17, 52․1)

Որպեսզի օգնեք ուսանողներին ուսումնասիրել այս հատվածները, կարող եք ցուցադրել զարթուցիչ և հարցնել, թե արդյոք արթնանալու համար նրանք զարթուցիչ են օգտագործում: Եթե այո, հարցրեք նրանց, թե որքանով է հաջողվում նրանց արթնանալ զարթուցիչի ձայնից:

Ըստ ձեզ, ի՞նչ է նշանակում հոգևորապես քնած լինել:

Բացատրեք, որ Եսայի 51․9–10 հատվածներում Եսային գրել է, որ իսրայելացիները մտածում էին, որ Տերը քնած է և ուշադրություն չի դարձնում իրենց խնդիրներին և փորձություններին: Նրանք աղաչում էին Նրան արթնանալ և օգնել իրենց, ինչպես Նա արել էր դա անցյալում: Կարող եք հարցնել ուսանողներին, թե արդյոք նրանք երբևէ ունեցել են նույն զգացողությունը, ինչ իսրայելացիները:

Ապա ուսանողներին առաջարկեք կարդալ Եսայի 51․11–16 հատվածները՝ փնտրելով Տիրոջ պատասխանը իսրայելացիների խնդրանքին:

Ի՞նչ է ասել Տերը՝ հիշեցնելու նրանց, թե ով է Ինքը և ինչ կարող է անել:

Ապա ուսանողները կարող են կարդալ Եսայի 51․17 հատվածը՝ փնտրելով, թե, ըստ Տիրոջ խոսքերի, ով է հոգևորապես քնած: Այնուհետև նրանք կարող են ուսումնասիրել Եսայի 52 գլուխը՝ փնտրելով հրավերներ, որոնք Տերը տալիս է, որպեսզի օգնի մեզ հոգևորապես արթնանալ:

«Ուրախացեք և բարձրացրեք ձեր գլուխները հավիտյան» (2 Նեփի 9․3)

Կարող եք կենտրոնանալ այն բանի վրա, թե Հակոբն ինչու որոշեց ներառել այս գլուխները նեփիացիներին ուղղված իր քարոզում Մորմոնի Գրքում (տես 2 Նեփի 8)։ Ուսանողներին առաջարկեք կարդալ 2 Նեփի 9․3 հատվածը՝ փնտրելով Հակոբի բերած պատճառներից մեկը: Ուսանողներին առաջարկեք ուսումնասիրել Եսայի 51–52 գլուխները՝ փնտրելով արտահայտություններ, որոնք կարող են օգնել մարդուն բարձրացնել իր գլուխը և ուրախանալ:

Երբ թվում է, թե օրհնությունները չեն գալիս

Որպեսզի օգնեք ուսանողներին շարունակել լսել Տիրոջ հրավերներն անգամ այն ժամանակ, երբ նրանք չեն տեսնում Նրա օրհնությունները, ցուցադրեք «No Blessings Denied the Faithful» (3:01) տեսանյութը։ Ապա ուսանողները կարող են կիսվել իրենց սովորածով կամ զգացածով:

3:2