Manuali i Mësuesit të Seminarit për Dhiatën e Vjetër

Përmbajtja
Faqja e Titullit
Hyrje te Manuali i Mësuesit
Mësime nga Dhiata e Vjetër
- Mirë se Vini në Dhiatën e Vjetër
- Moisiu 1; Abraham 3
- Zanafilla 1–2; Moisiu 2–3; Abraham 4–5
- Zanafilla 3–4; Moisiu 4–5
- Zanafilla 5; Moisiu 6
- Moisiu 7
- Zanafilla 6–11; Moisiu 8
- Zanafilla 12–17; Abraham 1–2
- Zanafilla 18–23
- Zanafilla 24–33
- Zanafilla 37–41
- Zanafilla 42–50
- Eksodi 1–6
- Pashka
- Eksodi 7–13
- Eksodi 14–18
- Eksodi 19–20; 24; 31–34
- Eksodi 35–40; Levitiku 1; 4; 16; 19
- Numrat 11–14; 20–24; 27
- Ligji i Përtërirë 6–8; 15; 18; 29–30; 34
- Jozueut 1–8; 23–24
- Gjyqtarët 2–4; 6–8; 13–16
- Ruthit; 1 Samuelit 1–7
- 1 Samuelit 8–10; 13; 15–16
- 1 Samuelit 17–18; 24–26; 2 Samuelit 5–7
- 2 Samuelit 11–12; 1 Mbretërve 3; 6–9; 11
- 1 Mbretërve 12–13; 17–22
- 2 Mbretërve 2–7
- 2 Mbretërve 16–25
- 2 Kronikave 14–20, 26, 30
- Ezdras 1, 3–7; Nehemias 2; 4–6, 8
- Esterit
- Jobit 1–3; 12–14; 19; 21–24; 38–40; 42
- Psalmeve 1–2; 8; 19–33; 40; 46
- Psalmeve 49–51; 61–66; 69–72; 77–78; 85–86
- Psalmeve 102–103; 110; 116–119; 127–128; 135–139; 146–150
- Fjalët e Urta 1–4; 15–16; 22; 31; Predikuesit 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3, 7, 16–18, 20
- Jeremia 31–33; 36–38; Vajtimeve 1, 3
- Ezekiel 1–3; 33–34; 36–37; 47
- Daniel 1–7
- Osea; Joel
- Amos; Abdia; Jona
- Mikea; Nahum; Habakuk; Sofonia
- Hagai 1–2; Zakaria 1–4, 7–14
- Malakia
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Udhëzuesi Për Forcën e Rinisë
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Isaia 54: “Me Mëshira të Mëdha Unë do të të Mbledh”

“Isaia 54: ‘Me Mëshira të Mëdha Unë do të të Mbledh’”, Manuali i Mësuesit të Seminarit për Dhiatën e Vjetër (2026)

“Isaia 54: ‘Me Mëshira të Mëdha Unë do të të Mbledh’”, Manuali i Mësuesit të Seminarit për Dhiatën e Vjetër

Isaia 50–57: Mësimi 125

Isaia 54

“Me Mëshira të Mëdha Unë do të të Mbledh”

Njerëzit mund të ndihen të braktisur dhe të vetmuar herë pas here. Ndonjëherë njerëzit mund të mendojnë se Perëndia nuk është atje për ta. Për shkak se shtëpia e Izraelit e shkeli besëlidhjen që bëri me Jehovën, ata u shpërndanë. Ata mund të kenë menduar se Perëndia i kishte braktisur. Megjithatë, nëpërmjet profetit Isaia, Zoti i kujtoi popullit të Tij të besëlidhjes, edhe atëherë edhe tani, se Ai do t’i mblidhte ata me mëshira të mëdha dhe do t’u jepte paqe. Ky mësim mund t’i ndihmojë nxënësit të ndiejnë dashurinë dhe zotimin e Shpëtimtarit ndaj tyre.

Përgatitja e nxënësve: Ftojini nxënësit të lexojnë tek Isaia 54, duke kërkuar fjalët dhe frazat që do t’ia jepnin dikujt që ndihet i vetmuar ose i braktisur.

Veprimtari të Mundshme të të Mësuarit

Të ndierit i braktisur

Merreni parasysh ta filloni orën mësimore me skenarin vijues. Nxënësit mund të përzgjedhin një variant të skenarit ku të përqendrohen individualisht ose një skenar për të gjithë klasën. Nxënësit do të kenë një mundësi për t’u përgjigjur për skenarin që zgjodhën në fund të mësimit.

Kleo ndihet i vetmuar dhe i braktisur sepse …

Ai ka mëkatuar dhe nuk beson se Perëndia do ta falë për atë që ai ka bërë.
Kohët e fundit ai u transferua në një zonë të re dhe e ka të vështirë të zërë shoqëri.
Ai mendon se lutjet e tij nuk po marrin përgjigje.

Mendo për atë që mund t’i thuash Kleos për ta ndihmuar. Reflekto mbi atë që do të doje të dinte ai rreth Jezu Krishtit.

Gjatë jetës së tij, Isaia dëshmoi shpërndarjen e Mbretërisë Veriore të Izraelit për shkak të ligësisë së saj (shih te 2 Mbretërve 17:6–23). Ai profetizoi edhe që, për shkak të ligësisë së Mbretërisë Jugore të Judës, edhe ajo do të pushtohej (shih tek Isaia 39:5–7). Për këtë arsye, shumë vetë në shtëpinë e Izraelit mund të jenë ndier të braktisur nga Perëndia.

Tek Isaia 54, Isaia profetizoi për atë që do të bënte Zoti për popullin e Tij të besëlidhjes. Shpëtimtari e përdori më vonë këtë kapitull për t’u mësuar nefitëve mënyrën se si Ai do ta mblidhte Izraelin në ditët e fundit (shih te 3 Nefi 22).

Ndërsa studion tek Isaia 54, dëgjo nxitjet nga Fryma e Shenjtë për të të ndihmuar të dish se si ndihen Ati Qiellor dhe Jezu Krishti në lidhje me marrëdhënien e Tyre me ty.

Premtimet e Zotit për popullin e Tij

Nëse dëshironi, mund t’u kujtoni nxënësve se Isaia shpesh përdorte gjuhë figurative në shkrimet e tij. Të ndalurit për të menduar rreth mësimeve të nxjerra nga gjuha figurative që përfshiu ai mund ta ftojë Frymën e Shenjtë që të na mësojë mesazhin e Zotit në këto shkrime të shenjta. Tek Isaia 54, Isaia e përdori gjuhën figurative të një marrëdhënieje martesore për të dhënë mësim rreth marrëdhënies së besëlidhjes së Zotit me shtëpinë e Izraelit. Bashkëshorti përfaqëson Shpëtimtarin dhe bashkëshortja përfaqëson shtëpinë e Izraelit. Nëse dëshironi, mund të ndani leximin e grupit të radhës të vargjeve në segmente më të vogla, të tilla si vargjet 1–4, 5–8, 9–10, 13, 17. Për t’i ndihmuar nxënësit ta kuptojnë më mirë atë që po lexojnë, mund të ndaloni pas çdo grupi vargjesh dhe t’i ftoni nxënësit të bëjnë pyetje.

Mund të gjeni informacion mbi fjalë dhe fraza të caktuara në këto vargje në pjesën Burime Shtesë.

Lexo me kujdes tek Isaia 54:1–10, 13, 17, duke kërkuar atë që i premtoi Jezu Krishti popullit të Tij të besëlidhjes.

Çfarë të mëson gjuha figurative e një bashkëshorti dhe bashkëshorteje rreth marrëdhënies së Zotit me shtëpinë e Izraelit?
Çfarë na mësojnë emrat dhe titujt e Shpëtimtarit në vargun 5 rreth Tij?

Nëse dëshironi, mund të caktoni kohë për t’i lejuar nxënësit të tregojnë fjalë dhe fraza kuptimplota nga këto vargje dhe për të diskutuar për atë që ato na mësojnë rreth Zotit. Ata mund ta bëjnë këtë si klasë ose në grupe të vogla.

Shkruani Jezu Krishti, Shëlbuesi ynë … në tabelë dhe ftojini nxënësit ta përfundojnë thënien duke përdorur atë që gjejnë tek Isaia 54:4–10, 13, 17.
Cilat janë disa mënyra se si mund ta përfundosh thënien Jezu Krishti, Shëlbuesi ynë …?
Nxënësit mund ta përfundojnë thënien në shumë mënyra, duke përfshirë:

Jezu Krishti, Shëlbuesi ynë …
- do ta mbledhë popullin e Tij me mëshirë.
- ka dashuri të përjetshme për popullin e Tij.
- do të përmbushë besëlidhjen që Ai bëri me popullin e Tij.
- premton paqe.
Kur nxënësit i shohin shkrimet e shenjta si të lidhura me jetën e tyre, ka më shumë të ngjarë që ata ta kuptojnë mënyrën se si zbatohet doktrina e Shpëtimtarit për ata personalisht. Pyetjet vijuese, ose të tjera që mund t’ju vijnë në mendje, mund t’i ndihmojnë ata të diskutojnë rëndësinë e të vërtetave që përcaktuan.
Cila prej këtyre të vërtetave mendon se mund t’i ndihmojë më shumë të rinjtë sot? Përse?

Reflekto se cila prej këtyre të vërtetave është më kuptimplotë për ty personalisht.

Si mendon se i përmbush Jezu Krishti këto premtime sot?

Presidenti Xhefri R. Holland, i Kuorumit të Dymbëdhjetë Apostujve, dëshmoi:

“… Në një botë të ‘rrahur nga stuhia, [të] pangushëlluar’, siç e tha Jehova se ajo do të ishte, si mund ta gjejmë atë që Ai e quan ‘besëlidhja e paqes’? Ne e gjejmë duke u kthyer tek Ai i cili tha se do të kishte mëshirë për ne dhe ‘me mirësi të përhershme’ do t’u jepte paqe fëmijëve tanë.” (“Jo si e Jep Bota”, Liahona, maj 2021, f. 35)

Çfarë po mëson rreth mënyrës se si ndihen Ati Qiellor dhe Jezu Krishti ndaj teje?

Demonstro të mësuarit

Veprimtaria vijuese ka për qëllim t’i ndihmojë nxënësit të demonstrojnë atë që mësuan dhe ndien rreth Atit Qiellor dhe Jezu Krishtit nga studimi i kapitullit tek Isaia 54. Përzgjidhni një metodë të dhënies së përgjigjes që i plotëson më së miri nevojat e klasës suaj. Disa shembuj të asaj që mund të bëni përfshijnë t’i ftoni nxënësit që ta interpretojnë me role situatën, të shkruajnë një mesazh me tekst për ta dërguar, ose të shkruajnë një tregim vizatimor humoristik të një bisede me Kleon.

Kujto përse Kleo ndihet i braktisur dhe i vetmuar. Mendo për atë që mund t’i tregosh atij nga ajo që mësove tek Isaia 54. A ka ndonjë përvojë vetjake që mund t’ia tregosh atij?

Çfarë dëshiron të mbash mend rreth Shpëtimtarit nga studimi yt i kapitullit tek Isaia 54?

Nëse dëshironi, mund të jepni edhe dëshminë tuaj për Shpëtimtarin dhe mendimet e ndjenjat tuaja ndërkohë që studioni tek Isaia 54.

Burime Shtesë

Cili është kuptimi i disa prej fjalëve dhe frazave tek Isaia 54?

Tek Isaia 54:3 ai i tha Izraelit se ata do të “shtrihesh[in] në të djathtë dhe në të majtë” dhe do të “popullo[nin] qytetet e shkretuara”. Kjo përfaqëson numrin e madh të njerëzve që do të mblidheshin, si rrjedhojë nevojën për të “zgjer[uar] vendin e çadrës sate” (Isaia 54:2).

Tek Isaia 54:9, Zoti i kujtoi Izraelit premtimin e Tij për të mos e mbuluar tokën sërish me një përmbytje (shih te Zanafilla 9:15–17). Ashtu si përmbytja përfundoi dhe Zoti premtoi të mos dërgonte një tjetër, zemërimi i Zotit me shtëpinë e Izraelit për mëkatet e tyre nuk do të zgjasë përgjithmonë.

Tek Isaia 54:10, Isaia përdori gjuhën figurative të maleve dhe të kodrave, që shihen si të përjetshme. Zoti premton se dashuria e Tij dhe “besëlidhja e paqes [së] [Tij]” janë më të përhershme sesa malet dhe kodrat.

Isaia 54:2. Çfarë ka domethënëse gjuha figurative e çadrës nga Isaia?

Te Manuali i Përgjithshëm thuhet:

“Isaia e përshkroi Sionin e ditëve të mëvonshme si një tendë ose tabernakull që sigurohej nga kunje (shihni tek Isaia 33:20; 54:2). Sot Kisha është e organizuar në kunje. Çdo kunj është i përbërë nga shumë lagje dhe udhëhiqet nga një president kunji. Zoti krijon kunje për ‘mbledhj[en] së bashku’ të popullit të Tij dhe ‘për mbrojtje e … strehim’ nga bota (Doktrina e Besëlidhje 115:6). Anëtarët dhe udhëheqësit në një kunj punojnë së bashku për të përmbushur veprën e shpëtimit dhe të ekzaltimit (shihni 1.2).” (Manuali i Përgjithshëm: 6.1)

Si ndihet Shpëtimtari rreth popullit të Tij të besëlidhjes?

Presidenti Xhefri R. Holland, i Kuorumit të Dymbëdhjetë Apostujve, dëshmoi:

“Edhe pse ka pasur shterpësi dhe nganjëherë shkelje të besnikërisë, përsëri bashkëshorti (Krishti) do ta rifitojë dhe shëlbojë nusen e tij (Izraelin). …

… Krishti, herë-herë, ka qenë i zemëruar me të drejtë me Izraelin besëshkelës, por ky gjithmonë ka qenë ‘një çast i vogël’ – i shkurtër dhe i përkohshëm. Dhembshuria dhe mëshira gjithmonë kthehen dhe mbizotërojnë në mënyrën më të sigurt. Malet dhe kodrat mund të zhduken. Uji i deteve të mëdha mund të thahet. Gjërat më pak të mundshme në botë mund të ndodhin, por mirësia dhe paqja e Zotit nuk do të largohen kurrë prej popullit të tij të besëlidhjes. Ai është betuar me një betim qiellor se nuk do të jetë i zemëruar me ta përgjithmonë.” (Christ and the New Covenant[1997], f. 290)

Si e ka demonstruar Jezu Krishti që ne i përkasim Atij?

Plaku D. Tod Kristoferson, i Kuorumit të Dymbëdhjetë Apostujve, dëshmoi:

14:40

“Të qenit një me Atin, Birin dhe Shpirtin e Shenjtë është pa dyshim lloji më i mirë i përkatësisë.

Si rrjedhojë, doktrina e përkatësisë përmblidhet në këtë gjë, që secili prej nesh mund ta pohojë: Jezu Krishti vdiq për mua; Ai më mendoi të denjë për gjakun e Tij. Ai më do dhe mund të sjellë gjithë ndryshimin në jetën time. Kur pendohem, hiri i Tij do të më shndërrojë. Unë jam një me Të në besëlidhjen e ungjillit; unë i përkas Kishës dhe mbretërisë së Tij; dhe unë i përkas kauzës së Tij për t’u sjellë shëlbim gjithë fëmijëve të Perëndisë.” (“Doktrina e Përkatësisë”, Liahona, nëntor 2022, f. 56)

Veprimtari Plotësuese të të Mësuarit

“Zgjero vendin e çadrës sate … dhe përforco kunjat e tu” (Isaia 54:2)

Kjo veprimtari mund t’i ndihmojë nxënësit të kuptojnë gjuhën figurative të një çadre nga Isaia dhe përse Kisha është e organizuar në kunje. Mund të sillni një çadër në klasë dhe t’i ftoni nxënësit ta ngrenë atë ose të paraqitni figurën e një çadre. Kërkojuni atyre të shpjegojnë qëllimin e një çadre dhe mënyrën se si ta ngrenë atë në mënyrë që ajo të përballojë erën dhe shiun.

Merreni parasysh ta paraqitni figurën e një çadre dhe t’i ftoni nxënësit të emërtojnë pjesët e ndryshme të çadrës duke përdorur atë që gjejnë në vargun 2.

Lexoni tek Isaia 54:2, duke kërkuar atë që dha mësim Isaia në lidhje me një çadër. Merreni parasysh të bëni disa nga pyetjet vijuese për t’i ndihmuar nxënësit të kuptojnë se si lidhen këto vargje me Kishën e Shpëtimtarit në kohën tonë.

Si mendoni, në ç’mënyrë është Kisha e Shpëtimtarit si një çadër?
Si e mbështetin kunjat një çadër? Çfarë mund të na mësojë kjo rreth rolit të kunjave të Sionit në Kishën e rivendosur të Shpëtimtarit?
Në ç’mënyra e shihni çadrën të zgjerohet në kohën tonë?

Merreni parasysh të jepni thënien nga Manuali i Përgjithshëm rreth kunjeve te Burime Shtesë. Mund të lexoni gjithashtu te Doktrina e Besëlidhje 115:6 dhe të diskutoni mënyrën se si kunjat e Sionit sigurojnë një mbrojtje dhe një strehim nga stuhitë e jetës. Mund të lexoni gjithashtu te Moroni 10:31 ose Doktrina e Besëlidhje 82:14; 133:9 dhe të diskutoni atë që na kërkon Zoti të bëjmë si anëtarë të Kishës së Tij.

Premtimet e Zotit për Izraelin besëlidhës

Kur të jepni leximin e vargjeve tek Isaia 54:1–10, 13, 17, nëse doni mund të jepni ftesën vijuese nga Presidenti Rasëll M. Nelson.

“Ndërkohë që i studioni shkrimet tuaja të shenjta … ju nxit të bëni një listë të gjithçkaje që Zoti ka premtuar se do ta bëjë për Izraelin besëlidhës. Mendoj se do të mahniteni! Përsiatini këto premtime. Flisni për to me familjarët dhe miqtë tuaj. Më pas jetoni dhe vëzhgoni që këto premtime të përmbushen në vetë jetën tuaj.” (“Lejojeni Perëndinë të Triumfojë”, Liahona, nëntor 2020, f. 95)

Ftojini nxënësit të renditin premtimet e Zotit ndaj Izraelit besëlidhës tek Isaia 54. Ju mund të diskutoni atë që na mësojnë këto premtime rreth Zotit dhe mënyrën se si nxënësit i shohin ato të përmbushura në jetën e tyre. Mund t’i inkurajoni nxënësit të vazhdojnë t’i kërkojnë premtimet e Zotit ndaj Izraelit besëlidhës ndërsa studiojnë shkrimet e shenjta.