Manuali i Mësuesit të Seminarit për Dhiatën e Vjetër

Përmbajtja
Faqja e Titullit
Hyrje te Manuali i Mësuesit
Mësime nga Dhiata e Vjetër
- Mirë se Vini në Dhiatën e Vjetër
- Moisiu 1; Abraham 3
- Zanafilla 1–2; Moisiu 2–3; Abraham 4–5
- Zanafilla 3–4; Moisiu 4–5
- Zanafilla 5; Moisiu 6
- Moisiu 7
- Zanafilla 6–11; Moisiu 8
- Zanafilla 12–17; Abraham 1–2
- Zanafilla 18–23
- Zanafilla 24–33
- Zanafilla 37–41
- Zanafilla 42–50
- Eksodi 1–6
- Pashka
- Eksodi 7–13
- Eksodi 14–18
- Eksodi 19–20; 24; 31–34
- Eksodi 35–40; Levitiku 1; 4; 16; 19
- Numrat 11–14; 20–24; 27
- Ligji i Përtërirë 6–8; 15; 18; 29–30; 34
- Jozueut 1–8; 23–24
- Gjyqtarët 2–4; 6–8; 13–16
- Ruthit; 1 Samuelit 1–7
- 1 Samuelit 8–10; 13; 15–16
- 1 Samuelit 17–18; 24–26; 2 Samuelit 5–7
- 2 Samuelit 11–12; 1 Mbretërve 3; 6–9; 11
- 1 Mbretërve 12–13; 17–22
- 2 Mbretërve 2–7
- 2 Mbretërve 16–25
- 2 Kronikave 14–20, 26, 30
- Ezdras 1, 3–7; Nehemias 2; 4–6, 8
- Esterit
- Jobit 1–3; 12–14; 19; 21–24; 38–40; 42
- Psalmeve 1–2; 8; 19–33; 40; 46
- Psalmeve 49–51; 61–66; 69–72; 77–78; 85–86
- Psalmeve 102–103; 110; 116–119; 127–128; 135–139; 146–150
- Fjalët e Urta 1–4; 15–16; 22; 31; Predikuesit 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3, 7, 16–18, 20
- Jeremia 31–33; 36–38; Vajtimeve 1, 3
- Ezekiel 1–3; 33–34; 36–37; 47
- Daniel 1–7
- Osea; Joel
- Amos; Abdia; Jona
- Mikea; Nahum; Habakuk; Sofonia
- Hagai 1–2; Zakaria 1–4, 7–14
- Malakia
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Udhëzuesi Për Forcën e Rinisë
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

2 Mbretërve 17; 24–25: Shpërndarja e Izraelit

“2 Mbretërve 17; 24–25: Shpërndarja e Izraelit”, Manuali i Mësuesit të Seminarit për Dhiatën e Vjetër (2026)

“2 Mbretërve 17; 24–25: Shpërndarja e Izraelit”, Manuali i Mësuesit të Seminarit për Dhiatën e Vjetër

2 Mbretërve 16–25: Mësimi 88

2 Mbretërve 17; 24–25

Shpërndarja e Izraelit

A group of youth reading scriptures together in Florida.

Profetët dhe të tjerë shpesh flasin rreth mbledhjes së Izraelit. Në mënyrë që të kuptohet mbledhja, fillimisht duhet kuptuar pse u shpërnda Izraeli. Ky mësim mund t’i ndihmojë nxënësit ta përdorin shpërndarjen e Izraelit për të përcaktuar cilësitë e Atit Qiellor dhe të Jezu Krishtit.

Përgatitja e nxënësve: Ftojini nxënësit të lexojnë te Mendime për t’i Mbajtur Parasysh: “Jezus’ Izraelin në Sh’pi do Ftoj’” nga Eja, Më Ndiq – Për Shtëpinë dhe Kishën: Dhiata e Vjetër 2026. Kërkojuni atyre të vijnë të përgatitur për të dhënë mendime ose për të bërë pyetje rreth shpërndarjes së Izraelit.

Veprimtari të Mundshme të të Mësuarit

Shpërndarja e Izraelit

Para orës mësimore, nëse doni, mund të emërtoni zona të ndryshme në klasë si Mbretëria Veriore (Izraeli), Mbretëria Jugore (Juda), Asiria, Kontinenti Amerikan dhe Babilonia/Persia.

Si dhe kur mund të jetë disiplinimi i një fëmije një shenjë e dashurisë nga prindërit e tij?

Lexo te Doktrina e Besëlidhje 95:1, duke kërkuar mënyrën se si Ati Qiellor dhe Jezu Krishti ndihen për njerëzit që u nevojitet t’i korrigjojnë ose qortojnë.

Disa herë në Dhiatën e Vjetër, Izraeli u rebelua kundër Atit Qiellor dhe Jezu Krishtit dhe pati nevojë për korrigjim. Kjo solli si rezultat atë që quhet shpërndarja e Izraelit. Ndërsa e studion shpërndarjen e Izraelit, kërko mënyrën se si Ati Qiellor dhe Jezu Krishti e demonstruan dashurinë e Tyre.

Mbretëria Veriore e Izraelit

Rreth vitit 975 pr.K., pasi vdiq Salomoni, i biri, Roboami, u bë mbret. Roboami vendosi barrë të mëdha mbi njerëzit. Dhjetë nga fiset u rebeluan kundër Roboamit dhe shkuan pas Jeroboamit (shih te 1 Mbretërve 12:6–11, 19–20). Kjo ndarje krijoi Mbretëritë Veriore dhe Jugore.

Lexo te 2 Mbretërve 17:7–18, 22–23, duke kërkuar atë që i ndodhi Mbretërisë Veriore të Izraelit.

Çfarë u ndodhi atyre dhe përse ndodhi ajo?

Shpjegoni se, kur Asiria e pushtoi Mbretërinë Veriore të Izraelit dhe i çoi shumë izraelitë në Siri, kjo nisi shpërndarjen e Izraelit. Kërkojini shumicës së nxënësve që qëndrojnë afër zonës Mbretëria Veriore (Izraeli), të lëvizin te pjesa e dhomës e emërtuar Asiria. Vini në dukje se ne shpesh i quajmë këto fise “fiset e humbura të Izraelit”. Mund t’u jepni nxënësve që lëvizin te zona Asiria, një etiketë ku thuhet Fiset e Humbura. Mund t’u jepni nxënësve që mbeten në Izrael, një etiketë ku thuhet Samaritanët. Nëse doni, mund të shpjegoni se samaritanët ishin pjesërisht izraelitë dhe pjesërisht johebrenj (shihni tek Udhëzuesi për Shkrimet e Shenjta, “Samaritanë”, Gospel Library [Biblioteka e Ungjillit]).
Si do ta përmblidhje arsyen përse u shpërnda Izraeli?

Nxënësit mund të përcaktojnë një të vërtetë si: Për shkak se Izraeli i refuzoi profetët dhe e shkeli besëlidhjen e tij me Zotin, Ai i shpërndau ata ndër kombe.

Mbretëria Jugore e Judës

Çfarë ke mësuar deri tani rreth Mbretërisë Jugore të Judës, duke përfshirë mbretërit që kanë mbretëruar atje?

Ftojini nxënësit të tregojnë çdo tregim që mbajnë mend. Për shembull, ata mund të përmendin mbretin Ezekia ose mbretin Josia. Nëse e bëjnë, mund të krijoni një etiketë për secilin mbret dhe t’i vini nxënësit t’i ngrenë lart ato. Inkurajojini nxënësit të tregojnë mënyrën se si Zoti i bekoi këta mbretër dhe njerëzit për besimin tek Ai. Të dy këta mbretër të drejtë mbretëruan pasi Asiria e pushtoi Mbretërinë e Izraelit.

Nxënësit mund të përmendin gjithashtu Lehin dhe familjen e tij. Nëse e bëjnë, ftojini ata ta tregojnë atë që dinë. Nëse nuk e bëjnë, mund t’i vini ata të bëjnë sa vijon. Mund të krijoni një etiketë Lehi dhe familja e tij që disa nxënës ta ngrenë lart.

Lexo te 1 Nefi 1:4, duke kërkuar se kush tjetër jetonte në Mbretërinë e Judës.

Lexo te 1 Nefi 2:1–4; 18:22–23, duke kërkuar atë që ndodhi me këtë familje.

Çfarë bekimesh nga Ati Qiellor kemi marrë për shkak se Zoti e drejtoi Lehin dhe familjen e tij larg nga Jerusalemi si pjesë e shpërndarjes?

Kërkojuni nxënësve që mbajnë në dorë etiketën Lehi dhe familja e tij, të largohen nga Mbretëria e Judës për te pjesa e klasës e emërtuar Kontinenti Amerikan.

Lexo te 2 Kronikave 36:17–20, duke kërkuar atë që Nebukadnetsari, mbreti i Babilonisë, u bëri banorëve të Jerusalemit pak pasi Lehi dhe familja e tij u larguan.

Kërkojuni nxënësve të mbetur te Mbretëria e Judës që të lëvizin për te zona e klasës që përfaqëson Babiloninë/Persinë. Afërsisht ndërmjet vitit 605 dhe 587 pr.K., babilonasit çuan shumë judenj në Babiloni dhe e rrethuan dhe përfundimisht e shkatërruan Jerusalemin (shihni te 2 Mbretërve 24:8–16; 25:1–12, 21; Jeremia 52).

Nëse doni, mund t’u kërkoni nxënësve të përmendin disa individë që përfunduan në Babiloni. Nëse atyre u nevojitet ndihmë, mund t’u jepni disa nxënësve etiketa si Danieli, Shadraku, Meshaku, Abed‑negoja (shihni te Daniel 1:1–7) dhe Ezekieli (shihni tek Udhëzuesi për Shkrimet e Shenjta, “Ezekiel”, Gospel Library [Biblioteka e Ungjillit]).

Lexojeni përmbledhjen vijuese. Shpjegoni se disa judenj qëndruan në Persi (shihni tek Esterit 2:5–7). Kërkojuni disa nxënësve tek etiketa Babilonia/Persia të kthehen te zona e klasës që përfaqëson Mbretërinë e Judës. Mund të krijoni etiketat Ezdra dhe Nehemia që t’i mbajnë disa nxënës që lëvizin te Mbretëria e Judës. Nxënësit do të mësojnë më shumë rreth Ezdras dhe Nehemias më vonë.

Persianët e pushtuan Babiloninë kur mbret ishte Kiri. Rreth vitit 537 pr.K., Zoti e frymëzoi mbretin Kir të Persisë t’i lejonte judenjtë të ktheheshin në Jerusalem dhe të rindërtonin tempullin (shih te 2 Kronikave 36:22–23; Jeremia 29:10–14; Ezdras 1:1–3). Në vitet që pasuan, Ezdra, Nehemia dhe të tjerët u kthyen në Jerusalem për të ndihmuar të rindërtohej qyteti dhe të përfundonte tempulli (shih tek Ezdras 7:6–8; Nehemias 2:1–11).

Fëmijët e Atit Qiellor nuk janë kurrë të humbur për Të

Nëse doni, mund të vini në dukje se shumë prej këtyre grupeve nuk e dinin se çfarë po u ndodhte grupeve të tjera. Nga këndvështrimi i tyre, grupet e tjera kishin humbur.

Lexo tek 3 Nefi 17:4, duke kërkuar atë që u tha Shpëtimtari nefitëve gjatë shërbesës së Tij mes tyre.

Çfarë të bën përshtypje në këtë varg?

Mund të vini në dukje se, megjithëse Izraeli ishte shpërndarë, Zoti e përdori shpërndarjen e popullit të besëlidhjes së Tij për t’i bekuar kombet ku ata u shpërndanë (shihni te “Shpërndarja e Izraelit” në Udhëzuesin për Shkrimet e Shenjta, “Izrael”, Gospel Library [Biblioteka e Ungjillit]). Mund të vini në dukje se fjala “dhembshuri” tek Isaia 54:8 është përkthim i fjalës hesed. Për më shumë mbi kuptimin e fjalës hesed shihni artikullin e Presidentit Nelson “Besëlidhja e Përjetshme”, Liahona, tetor 2022, f. 5–6, Mesazhi i Përmuajshëm për revistën Liahona, tetor 2022, f. 5.

Lexo te Ligji i Përtërirë 4:27–31 dhe Isaia 54:7–10, duke kërkuar atë që premtoi të bënte Zoti për Izraelin e shpërndarë.

Çfarë cilësish sheh tek Ati Qiellor dhe Jezu Krishti ndërsa mëson rreth shpërndarjes së Izraelit?

Merreni parasysh të jepni dëshminë tuaj për dashurinë e Atit Qiellor për të gjithë fëmijët e Tij dhe për premtimin e Tij për të mbledhur Izraelin e shpërndarë.

Burime Shtesë

Përse është shpërndarja e Izraelit domethënëse në kohën tonë?

Plaku Kuentin L. Kuk, i Kuorumit të Dymbëdhjetë Apostujve, shpjegoi:

14:35

“Robërimi i judenjve dhe shpërndarja e fiseve të Izraelit, duke përfshirë dhjetë fiset, janë faktorë doktrinorë të rëndësishëm në Rivendosjen e ungjillit. Dhjetë fiset e humbura përbënin Mbretërinë Veriore të Izraelit dhe u morën robër nga Asiria në vitin 721 pr.K. Ata shkuan drejt vendeve veriore. Neni ynë i dhjetë i besimit shpall: ‘Ne besojmë në mbledhjen aktuale të Izraelit dhe në rivendosjen e Dhjetë Fiseve’ [Nenet e Besimit 1:10]. Ne gjithashtu besojmë se, si pjesë e besëlidhjes që Zoti e bëri me Abrahamin, do të bekohej jo vetëm linja e prejardhjes së Abrahamit, por gjithashtu do të bekoheshin që të gjithë njerëzit e tokës. Siç ka thënë [Presidenti] Rasëll M. Nelson, mbledhja ‘nuk është një çështje e vendndodhjes fizike; është një çështje e zotimit individual. Njerëzit mund të ‘sillen në njohurinë e Zotit’ [3 Nefi 20:13] pa u larguar nga vendlindjet e tyre’ [Russell M. Nelson, “The Book of Mormon and the Gathering of Israel” (bisedë dhënë në një seminar për presidentët e rinj të misioneve, 26 qershor 2013)].

Doktrina jonë është e qartë: ‘Zoti i shpërndau dhe goditi me fatkeqësi dymbëdhjetë fiset e Izraelit për shkak të padrejtësisë dhe rebelimit të tyre. Megjithatë, Zoti gjithashtu e përdori këtë shpërndarje të popullit të tij të zgjedhur mes kombeve të botës për t’i bekuar ato kombe [Udhëzuesi për Shkrimet e Shenjta, “Izrael”; scriptures.lds.org].’” (“Vajtimet e Jeremias: Ruhuni nga Skllavërimi”, Liahona, nëntor 2013, f. 89)

Si e përdori Zoti Izraelin e shpërndarë për ta bekuar botën?

Plaku Shejn M. Bouen, i Të Shtatëdhjetëve, dha mësim:

“Ne jemi bekuar nëpërmjet shpërndarjes së Izraelit ndër të gjitha kombet me anë të të cilave gjaku i Izraelit u spërkat ndër kombe dhe, rrjedhimisht, kombet marrin majanë e drejtësisë, me kusht pendimin e tyre dhe kanë të drejtën e premtimeve të bëra për fëmijët e Abrahamit”. (“Out of the Wilderness into the Light” [takim shpirtëror në Universitetin “Brigam Jang” – Ajdaho, 1 mars 2011], byui.edu)

Plaku Xhejms E. Talmixh (1862–1933), i Kuorumit të Dymbëdhjetë Apostujve, shpjegoi:

“Izraelitët janë shpërndarë kaq plotësisht mes kombeve, saqë këtij kombi të shpërndarë t’i jepej një vend rëndësie si një faktor në ngritjen dhe zhvillimin e pothuajse çdo ndarjeje të madhe të familjes njerëzore. Kjo punë e shpërndarjes u realizua në shumë faza dhe u shtri nëpër mijëvjeçarë. Ishte paraparë nga profetët e hershëm; dhe udhëheqësit shpirtërorë të çdo brezi, para dhe menjëherë pas epokës mesianike, parashikuan shpërndarjen e popullit, si një rezultat i caktuar për shkak të paudhësisë së tyre në rritje.” (Articles of Faith, bot. i 12‑të [1924], f. 316)

Në ç’mënyrë ishte shpërndarja e Izraelit një qortim i nevojshëm nga një Perëndi i dashur?

Plaku Xhejms E. Talmixh (1862–1933), i Kuorumit të Dymbëdhjetë Apostujve, shpjegoi:

“Vuajtjet e Izraelit kanë qenë vetëm një qortim i nevojshëm nga një Atë i hidhëruar megjithatë i dashur, që planifikonte me anë të këtyre mjeteve të efektshme të pastronte fëmijët e Tij të njollosur me mëkat. …

Megjithëse të hedhur poshtë nga njerëzit, një pjesë e madhe e tyre të larguar nga vëmendja e botës, Izraeli nuk është i humbur për Perëndinë e vet. Ai e di se për ku janë udhëhequr apo drejtuar; zemra e Tij ende i dëshiron me dashuri prindërore; dhe sigurisht Ai do t’i nxjerrë ata, në kohën e duhur dhe me anë të mjeteve të caktuara, në një gjendje të bekimit dhe ndikimit që i shkon për shtat popullit të besëlidhjes së Tij. Pavarësisht nga mëkati i tyre dhe mundimeve që po i sillnin mbi vete, Zoti tha: ‘Megjithatë kur do të ndodhen në vendin e armiqve të tyre, unë nuk do t’i përçmoj dhe nuk do t’i urrej aq sa t’i asgjësoj krejt dhe të prish besëlidhjen time që kam lidhur me ta; unë jam Zoti, Perëndia i tyre’. Po aq e plotë sa ishte shpërndarja, kështu do të jetë mbledhja e Izraelit.” (The Articles of Faith, bot. i 12‑të [1924], f. 328–329)

Veprimtari Plotësuese të të Mësuarit

Materiale plotësuese për veprimtarinë e shpërndarjes

Kjo figurë tregon një shembull të mënyrës se si mund t’i rregulloni etiketat në klasë:

Mund të shihni materialin filmik “Të Mblidhen të Sigurt në Shtëpi” (14:48) nga kodi kohor 5:37 deri në 6:26. Në materialin filmik Plaku Kuentin L. Kuk, i Kuorumit të Dymbëdhjetë Apostujve, shpjegoi shpërndarjen e Izraelit.

14:48

Mulekitët

Gjatë veprimtarisë së shpërndarjes mund të përmendni mulekitët te Libri i Mormonit. Shpjegoni se mbreti Ezekia ishte mbreti i fundit i Judës para se Babilonia t’i çonte në robëri. 2 Mbretërve 25:7 thotë se djemtë e tij u vranë. Megjithatë, nëpërmjet Librit të Mormonit ne e dimë se një nga bijtë e Zedekias, Muleku, u largua. Zoti e drejtoi Mulekun për në kontinentin amerikan (shihni tek Omni 1:15–16; Helamani 6:10; 8:21). Kërkojuni disa prej nxënësve të lëvizin nga Mbretëria Jugore (Juda) për në pjesën e klasës që përfaqëson Kontinentin Amerikan.

Mos e harroni besëlidhjen

Ndërsa nxënësit diskutojnë se si u shpërnda Izraeli për shkak se shkeli besëlidhjen e tij me Perëndinë, merreni parasysh të lexoni te 2 Mbretërve 17:38–40. Ftojini nxënësit të kërkojnë paralajmërimin e Zotit. Diskutoni mënyrat se si individët sot mund t’i harrojnë besëlidhjet e tyre me Perëndinë. Kërkojuni nxënësve të tregojnë atë që mund të bëjmë për të kujtuar gjithmonë besëlidhjet tona me Perëndinë. Ndërsa nxënësit tregojnë mënyrat se si t’i kujtojnë besëlidhjet e tyre, nëse doni, mund t’u referoheni lutjeve të sakramentit (shihni te Doktrina e Besëlidhje 20:77, 79).