Manuali i Mësuesit të Seminarit për Dhiatën e Vjetër

Përmbajtja
Faqja e Titullit
Hyrje te Manuali i Mësuesit
Mësime nga Dhiata e Vjetër
- Mirë se Vini në Dhiatën e Vjetër
- Moisiu 1; Abraham 3
- Zanafilla 1–2; Moisiu 2–3; Abraham 4–5
- Zanafilla 3–4; Moisiu 4–5
- Zanafilla 5; Moisiu 6
- Moisiu 7
- Zanafilla 6–11; Moisiu 8
- Zanafilla 12–17; Abraham 1–2
- Zanafilla 18–23
- Zanafilla 24–33
- Zanafilla 37–41
- Zanafilla 42–50
- Eksodi 1–6
- Pashka
- Eksodi 7–13
- Eksodi 14–18
- Eksodi 19–20; 24; 31–34
- Eksodi 35–40; Levitiku 1; 4; 16; 19
- Numrat 11–14; 20–24; 27
- Ligji i Përtërirë 6–8; 15; 18; 29–30; 34
- Jozueut 1–8; 23–24
- Gjyqtarët 2–4; 6–8; 13–16
- Ruthit; 1 Samuelit 1–7
- 1 Samuelit 8–10; 13; 15–16
- 1 Samuelit 17–18; 24–26; 2 Samuelit 5–7
- 2 Samuelit 11–12; 1 Mbretërve 3; 6–9; 11
- 1 Mbretërve 12–13; 17–22
- 2 Mbretërve 2–7
- 2 Mbretërve 16–25
- 2 Kronikave 14–20, 26, 30
- Ezdras 1, 3–7; Nehemias 2; 4–6, 8
- Esterit
- Jobit 1–3; 12–14; 19; 21–24; 38–40; 42
- Psalmeve 1–2; 8; 19–33; 40; 46
- Psalmeve 49–51; 61–66; 69–72; 77–78; 85–86
- Psalmeve 102–103; 110; 116–119; 127–128; 135–139; 146–150
- Fjalët e Urta 1–4; 15–16; 22; 31; Predikuesit 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3, 7, 16–18, 20
- Jeremia 31–33; 36–38; Vajtimeve 1, 3
- Ezekiel 1–3; 33–34; 36–37; 47
- Daniel 1–7
- Osea; Joel
- Amos; Abdia; Jona
- Mikea; Nahum; Habakuk; Sofonia
- Hagai 1–2; Zakaria 1–4, 7–14
- Malakia
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Udhëzuesi Për Forcën e Rinisë
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

2 Mbretërve 18–19: Mirëbesimi te Zoti, Perëndia i Izraelit

“2 Mbretërve 18–19: Mirëbesimi te Zoti, Perëndia i Izraelit”, Manuali i Mësuesit të Seminarit për Dhiatën e Vjetër (2026)

“2 Mbretërve 18–19: Mirëbesimi te Zoti, Perëndia i Izraelit”, Manuali i Mësuesit të Seminarit për Dhiatën e Vjetër

2 Mbretërve 16–25: Mësimi 86

2 Mbretërve 18–19

Mirëbesimi te Zoti, Perëndia i Izraelit

An African woman kneeling by her bed praying

Ati Qiellor dhe Jezu Krishti na duan dhe do të na ndihmojnë ndërsa e vendosim mirëbesimin tonë tek Ata. Pasi asirianët e pushtuan Samarinë, ata filluan të sulmonin Judën. Mbreti Ezekia dhe populli i tij u drejtuan te Zoti për forcë dhe mbrojtje. Zoti i çliroi ata nga asirianët. Ky mësim mund të ndihmojë që nxënësve t’u shtohet mirëbesimi se Zoti do t’i ndihmojë ata të përballen me sfidat e tyre.

Përgatitja e nxënësve: Ftojini nxënësit të vijnë në orën mësimore të përgatitur për të treguar një përvojë kur e ndien përkrahjen e Perëndisë gjatë një kohe sfiduese.

Veprimtari të Mundshme të të Mësuarit

Gjatë kohëve të vështira

Merreni parasysh ta filloni orën mësimore duke shkruar fjalët vijuese në mes të tabelës: i/e dëshpëruar, i/e mbingarkuar, i/e shkurajuar, i/e frikësuar dhe dyshues/e. Më pas, mund ta shkruani njërën nga pyetjet vijuese në anën e majtë të tabelës dhe pyetjen tjetër në anën e djathtë të tabelës. Nxënësit mund t’i shkruajnë përgjigjet e tyre për secilën pyetje në tabelë.

Cilat janë situatat ku një adoleshent mund të ndiejë një ose më shumë nga këto emocione?
Ku mund të drejtohen adoleshentët për ndihmë kur i përjetojnë këto emocione?

Mund t’i ftoni më pas nxënësit të mendojnë ose shkruajnë në ditarin e tyre të studimit rreth një situate të tanishme ose të ardhshme kur mund të ndiejnë emocione të ngjashme. Nxënësit do të kenë një mundësi për t’iu referuar sërish këtyre emocioneve më vonë në mësim.

Reflekto mbi pyetjet vijuese në lidhje me situatën tënde vetjake:

Kur i përjeton këto emocione, ku drejtohesh për ndihmë?
Sa i/e sigurt je që Zoti do të të ndihmojë kur i drejtohesh Atij?

Gjatë gjithë mësimit sot, mendo se si mund të të ndihmojë Zoti kur i përjeton këto emocione tani ose në të ardhmen. Kushtoju vëmendje mbresave që të vijnë në mendje dhe zemër nga Fryma e Shenjtë.

Ezekia i mirëbeson Zotit

Shpjegojuni nxënësve se ky mësim do të përqendrohet te mënyra se si Ezekia, mbreti i Judës, zgjodhi t’i drejtohej Zotit për ndihmë kur ai dhe populli i tij u përballën me sfida të mëdha.

Lexo te 2 Mbretërve 18:1–7, duke kërkuar atë që bëri Ezekia kur u bë mbret.

Çfarë gjete?
Çfarë parimesh mund të mësojmë nga vargjet 5–7?

Ndihmojini nxënësit të përcaktojnë parime si: Ndërsa mirëbesojmë te Zoti dhe i zbatojmë urdhërimet e Tij, Ai do të jetë me ne.

Krahasimi i shkrimeve të shenjta me jetën tonë

Izraeli, kombi në kufirin verior të Judës, u pushtua nga Asiria. Më pas, asirianët e sulmuan popullin e Ezekias dhe i pushtuan të gjitha qytetet e fortifikuara në mbretërinë e tij (shih te 2 Mbretërve 18:9–13). Më pas, lajmëtarët asirianë erdhën në Jerusalem, kryeqytetin e Judës, për t’i dhënë një paralajmërim Ezekias dhe popullit të tij.

Riktheju emocioneve në tabelë. Çfarë emocionesh mendon se mund të kenë ndier njerëzit në Jerusalem?

Zoti është me ne

Lexo te 2 Mbretërve 19:32–35, duke kërkuar mënyrën se si Zoti e çliroi Ezekian dhe popullin e tij.

Çfarë gjete?

Merreni parasysh t’i ftoni nxënësit ta shenjojnë frazën “Unë do ta mbroj këtë qytet për ta shpëtuar” te 2 Mbretërve 19:34. Sipas nevojës, shpjegoni se çlirimi i Zotit do të vijë në kohën dhe mënyrën e Tij.

Për t’i ndihmuar nxënësit të marrin parasysh mënyrat se si Zoti na ndihmon të përballemi me sfidat tona, mund të shfaqni materialin filmik “Heavenly Father Knows Me” [“Ati Qiellor më Njeh”] (3:18) dhe t’u kërkoni nxënësve të kërkojnë mënyrën se si Ati Qiellor e çliroi këtë të re nga një sfidë me të cilën u përball. Më pas, ftojini nxënësit të tregojnë përvojat e tyre. Mund të merrni parasysh të tregoni një përvojë vetjake të mirëbesimit te Zoti ose të mënyrës se si Ai ju ka ndihmuar gjatë kohëve të vështira.

3:19

Si të kanë përkrahur Ati Qiellor dhe Jezu Krishti ty ose dikë që ti njeh, gjatë një situate të vështirë?

Mund t’i lejoni gjithashtu nxënësit të ndiejnë fuqinë e një dëshmie profetike të Shpëtimtarit për ta përmbyllur orën mësimore. Për ta bërë këtë, mund t’i ftoni nxënësit të lexojnë tek Alma 36:3 ose thënien vijuese.

Presidenti Diter F. Uhtdorf, asokohe i Presidencës së Parë, dëshmoi për fuqinë e mirëbesimit te Perëndia.

19:11

“Në vend që të rrimë e vrasim mendjen për pafundësinë e sfidave tona, a nuk do të ishte më mirë që të përqendrohemi te madhështia e pafund, mirësia dhe pushteti i pakufizuar i Perëndisë tonë, duke i mirëbesuar Atij dhe duke u përgatitur me një zemër të gëzuar për kthimin e Jezusit, Krishtit?

Duke qenë populli i Tij i besëlidhjes, ne nuk duhet të paralizohemi prej frikës ngaqë gjëra të këqija mund të ndodhin. Përkundrazi, ne mund të bëjmë përpara me besim, guxim, vendosmëri dhe mirëbesim te Perëndia ndërsa u qasemi sfidave dhe mundësive përpara nesh.” (“Dashuria e Përsosur e Nxjerr Jashtë Frikën”, Liahona, maj 2017, f. 106)

Inkurajojini nxënësit t’i mirëbesojnë Atit Qiellor dhe Jezu Krishtit gjatë kohëve të vështira.

Burime Shtesë

2 Mbretërve 18:4. Përse e shkatërroi Ezekia gjarprin prej bronzi?

Gjatë udhëtimit të tyre në shkretëtirë, izraelitët u pickuan nga gjarpërinj flakërues. Nën drejtimin e Zotit, Moisiu bëri një gjarpër prej bronzi, të ngulitur në një shtizë dhe i tha popullit të shihte gjarprin prej bronzi për t’u shëruar (shihni te Numrat 21:4–9). Gjarpri prej bronzi dhe shërimi fizik simbolizojnë Jezu Krishtin dhe shërimin shpirtëror që ofron Ai (shihni te Gjoni 3:14–15; 2 Nefi 25:20; Helamani 8:13–15).

Izraelitët e mbajtën gjarprin prej bronzi. Ata përfundimisht filluan ta adhuronin atë dhe “i kishin ofruar temjan” (shihni te 2 Mbretërve 18:4), duke harruar simbolikën dhe burimin e vërtetë të shërimit, Zotin. Prandaj, për izraelitët, gjarpri prej bronzi ishte bërë vetëm nehushtan, një fjalë nga hebraishtja që do të thotë “gjë prej bronzi”. Kështu, në përpjekjet e tij për t’i eliminuar të gjitha format e idhujtarisë në Judë, mbreti Ezekia vuri të shkatërrohej gjarpri prej bronzi.

Si mund ta rrit mirëbesimin tim te Perëndia?

Presidenti Henri B. Ajring, Këshilltar i Parë në Presidencën e Parë, tha:

17:38

“[M]irëbesim[i] vjen nga njohja e Perëndisë. Më shumë se çdo popull në botë ne, nëpërmjet ngjarjeve të lavdishme të rivendosjes së ungjillit, kemi ndier paqen që Zoti i ofroi popullit të Tij me fjalët: ‘Ndaluni dhe pranoni që jam Perëndi’ [Psalmeve 46:10]. Zemra ime është e mbushur me mirënjohje për atë që Perëndia ka zbuluar për Veten, që ne të mund t’i mirëbesojmë Atij.” (“Mirëbeso tek Perëndia, Pastaj Shko dhe Bëj”, Liahona, nëntor 2010, f. 71)

Motra Boni H. Kordën, ish-Këshilltare e Dytë në Presidencën e Përgjithshme të Fillores, dha mësim:

“Më lejoni të sugjeroj tri mënyra për ta rritur njohurinë tonë për Shpëtimtarin dhe besimin tek Ai. …

Së pari, ne mund të arrijmë ta njohim Zotin dhe të kemi besim tek Ai ndërsa ‘ushqeh[emi] me bollëk me fjalët e Krishtit; pasi, vini re, fjalët e Krishtit do t’ju tregojnë të gjitha gjërat që ju duhet të bëni’ [2 Nefi 32:3]. …

Së dyti, ne mund të arrijmë ta njohim Zotin dhe të kemi besim tek Ai nëpërmjet lutjes. Çfarë bekimi është të jesh në gjendje t’i lutesh Perëndisë tonë! ‘Lutjuni Atit me gjithë fuqinë e zemrës suaj’ [Moroni 7:48]. …

Së treti, ne mund të arrijmë ta njohim Zotin dhe të kemi besim tek Ai ndërsa u shërbejmë të tjerëve.” (“Kini Besim te Zoti dhe Mos u Anoni”, Liahona, maj 2017, f. 6,7)

Si mund ta tregoj mirëbesimin tim te Perëndia?

Plaku Ahmad S. Korbit, i Të Shtatëdhjetëve, tha:

“Kur u bashkova me Kishën si adoleshent, vendosa t’ia jepja Zotit jetën, kohën dhe zemrën time. Edhe pse ai lloj zotimi i përhershëm u duk disi i frikshëm, unë e dija se ishte i drejtë. Ndjeva se Ati im Qiellor e dëshironte këtë gjë për mua dhe pata paqe duke e bërë këtë. Jam kaq mirënjohës që zgjodha të kisha besim te Perëndia dhe ta lejoja Atë të triumfonte në jetën time. Jam i sigurt që, nëse do të isha mbështetur në gjykimin tim, jeta ime nuk do të ishte aspak aq e pasur me gëzim, lumturi dhe paqe.” (“Ki Besim te Zoti”, Liahona, janar 2022, f. 15)

Veprimtari Plotësuese të të Mësuarit

Marrja e njohurisë shpirtërore: Veproni me besim

Në vend që të përdorni fletushkën e dhënë në mësim, mund të krijoni një përvojë të të mësuarit për t’i ndihmuar nxënësit të kuptojnë parimin e zotërimit doktrinor të të vepruarit me besim te Krishti duke e parë mbretin Ezekia si një rast për studim. Ftojini nxënësit të shqyrtojnë paragrafët 5–7 te “Marrja e Njohurisë Shpirtërore”, që gjenden te materiali Dokumenti Bazë i Zotërimit Doktrinor. Më pas, ftojini nxënësit të studiojnë vargjet te 2 Mbretërve 19:1–7; 14–20 dhe 2 Kronikave 32:7–8, duke kërkuar mënyrën se si Ezekia dhe populli i tij vepruan me besim. Nxënësit mund të tregojnë fraza specifike te Dokumenti Bazë që ilustrojnë atë që bëri Ezekia dhe populli i tij. Ndihmojini nxënësit të bëjnë lidhjet ndërmjet mënyrës se si Ezekia veproi me besim dhe se si ata mund të veprojnë me besim te Krishti në rrethanat e tyre.

Forcimi i themeleve tona sot për stuhitë e së nesërmes

Mund ta përdorni tregimin e mbretërimit të mbretit Ezekia te 2 Kronikave 29–31 për të ilustruar mënyrën se si veprimet e drejta të Ezekias e përgatitën atë dhe popullin e tij për t’i mirëbesuar Perëndisë kur asirianët e sulmuan Mbretërinë e Judës.

Merreni parasysh t’i ftoni nxënësit të lexojnë te Helamani 5:12, duke kërkuar arsyen përse ne duhet ta ndërtojmë themelin tonë mbi Krishtin.

Mund të paraqitni fragmentet vijuese të shkrimit të shenjtë dhe t’i ftoni nxënësit të zgjedhin dy për t’i lexuar, duke kërkuar veprimet e drejta që mbreti Ezekia e ftoi popullin e tij t’i ndërmerrte për t’i mirëbesuar Perëndisë. Ata mund ta shkruajnë atë që gjejnë, në tabelë.

2 Kronikave 29:10
2 Kronikave 29:20–21
2 Kronikave 30:5–6
2 Kronikave 30:8–9
2 Kronikave 31:20–21

Pasi nxënësit të mbarojnë, mund t’u kërkoni atyre të tregojnë mënyrën se si veprat e tyre të qëndrueshme të besimit i përgatitën ata për t’i mirëbesuar Perëndisë gjatë një sprove.