Manuali i Mësuesit të Seminarit për Dhiatën e Vjetër

Përmbajtja
Faqja e Titullit
Hyrje te Manuali i Mësuesit
Mësime nga Dhiata e Vjetër
- Mirë se Vini në Dhiatën e Vjetër
- Moisiu 1; Abraham 3
- Zanafilla 1–2; Moisiu 2–3; Abraham 4–5
- Zanafilla 3–4; Moisiu 4–5
- Zanafilla 5; Moisiu 6
- Moisiu 7
- Zanafilla 6–11; Moisiu 8
- Zanafilla 12–17; Abraham 1–2
- Zanafilla 18–23
- Zanafilla 24–33
- Zanafilla 37–41
- Zanafilla 42–50
- Eksodi 1–6
- Pashka
- Eksodi 7–13
- Eksodi 14–18
- Eksodi 19–20; 24; 31–34
- Eksodi 35–40; Levitiku 1; 4; 16; 19
- Numrat 11–14; 20–24; 27
- Ligji i Përtërirë 6–8; 15; 18; 29–30; 34
- Jozueut 1–8; 23–24
- Gjyqtarët 2–4; 6–8; 13–16
- Ruthit; 1 Samuelit 1–7
- 1 Samuelit 8–10; 13; 15–16
- 1 Samuelit 17–18; 24–26; 2 Samuelit 5–7
- 2 Samuelit 11–12; 1 Mbretërve 3; 6–9; 11
- 1 Mbretërve 12–13; 17–22
- 2 Mbretërve 2–7
- 2 Mbretërve 16–25
- 2 Kronikave 14–20, 26, 30
- Ezdras 1, 3–7; Nehemias 2; 4–6, 8
- Esterit
- Jobit 1–3; 12–14; 19; 21–24; 38–40; 42
- Psalmeve 1–2; 8; 19–33; 40; 46
- Psalmeve 49–51; 61–66; 69–72; 77–78; 85–86
- Psalmeve 102–103; 110; 116–119; 127–128; 135–139; 146–150
- Fjalët e Urta 1–4; 15–16; 22; 31; Predikuesit 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3, 7, 16–18, 20
- Jeremia 31–33; 36–38; Vajtimeve 1, 3
- Ezekiel 1–3; 33–34; 36–37; 47
- Daniel 1–7
- Osea; Joel
- Amos; Abdia; Jona
- Mikea; Nahum; Habakuk; Sofonia
- Hagai 1–2; Zakaria 1–4, 7–14
- Malakia
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Udhëzuesi Për Forcën e Rinisë
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

2 Mbretërve 21–23: Mbreti Josia dhe Libri i Ligjit

“2 Mbretërve 21–23: Mbreti Josia dhe Libri i Ligjit”, Manuali i Mësuesit të Seminarit për Dhiatën e Vjetër (2026)

“2 Mbretërve 21–23: Mbreti Josia dhe Libri i Ligjit”, Manuali i Mësuesit të Seminarit për Dhiatën e Vjetër

2 Mbretërve 16–25: Mësimi 87

2 Mbretërve 21–23

Mbreti Josia dhe Libri i Ligjit

King Josiah Reads the Book of the Law to the people

A e ke pyetur veten ndonjëherë se si mund të ishte ndryshe jeta jote po të mos i kishe shkrimet e shenjta? Kur mbretëria e Judës u largua nga Perëndia, “libri [i] ligjit” (2 Mbretërve 22:8, 11) u shpërfill dhe përfundimisht humbi në tempull. Gjatë restaurimit të tempullit nga Josia, prifti i lartë Hilkiah e gjeti librin e ligjit, që Josia më pas ia lexoi popullit. Shkrimet e shenjta e ndihmuan mbretin Josia dhe popullin e tij të drejtoheshin përsëri te Zoti. Ky mësim mund t’i ndihmojë nxënësit t’i drejtohen Zotit nëpërmjet studimit vetjak të shkrimeve të shenjta.

Përgatitja e nxënësve: Ftojini nxënësit të shqyrtojnë synimet e tyre vetjake për studimin e shkrimeve të shenjta dhe përpjekjet e tyre për të lexuar kapitujt e caktuar të Dhiatës së Vjetër. Inkurajojini ata të vazhdojnë të punojnë për synimet e tyre ose me lutje të bëjnë përshtatjet e nevojshme për të qenë të suksesshëm.

Veprimtari të Mundshme të të Mësuarit

Jetë pa shkrimet e shenjta

Para orës mësimore, merreni parasysh të vendosni një shenjues libri në një Bibël te 2 Mbretërve 22:8. Fshiheni Biblën në klasë për ta përdorur më vonë në mësim.

Shkruajeni pyetjen e paplotë vijuese në tabelë:

Si do të ishte jeta jote pa ?

Merreni parasysh t’i jepni çdo nxënësi një copë të vogël letre. Ftojini ata të shkruajnë një send ose veprimtari të zakonshme që mund ta përfundonte pyetjen. Për shembull, ata mund të shkruajnë fjalë si këpucë, furça dhëmbësh, shkollë ose sporte. Vendosini nxënësit në grupe të vogla. Ftojini ata të diskutojnë mënyrën se si do t’i përgjigjeshin pyetjes nëse do të plotësohej me fjalët që ata kanë shkruar. Pasi nxënësit të kenë mbaruar së foluri, jepuni atyre kohë për të marrë parasysh në heshtje sa vijon:

Reflekto mbi përvojat e tua vetjake ndërsa përsiat për pyetjet vijuese:

Si do të ishte jeta jote pa shkrimet e shenjta?
Si ka ndikuar studimi yt i kohëve të fundit i shkrimeve të shenjta në marrëdhënien tënde me Atin Qiellor dhe Jezu Krishtin?

Mund t’u kërkoni disa vullnetarëve t’i tregojnë përgjigjet e tyre. Për ta pasuruar diskutimin, mund të paraqitni thënien vijuese.

Plaku D. Tod Kristoferson, i Kuorumit të Dymbëdhjetë Apostujve, dha mësim rreth nevojës sonë për shkrimet e shenjta.

“Ata që ose nuk e kanë, ose e shpërfillin fjalën e dokumentuar të Perëndisë, përfundimisht pushojnë së besuari në Të dhe e harrojnë qëllimin e ekzistencës së tyre.” (“Bekimi prej Shkrimeve të Shenjta”, Liahona, maj 2010, f. 33)

Më vonë në mësim, nxënësit do të kenë një mundësi për të përcaktuar dhe treguar fragmentet e shkrimit të shenjtë dhe për të reflektuar mbi synimet vetjake të studimit. Mund të përshtatni pjesë të këtij mësimi për t’u dhënë nxënësve kohë të mjaftueshme për pjesët “Të shprehurit e nxënësve” dhe “Synimet për studimin e shkrimeve të shenjta”.

Ndikimi i shkrimeve të shenjta

Me kalimin e kohës, shkrimet e shenjta kishin humbur dhe mbretëria e Judës ishte larguar nga Zoti. Nën mbretërinë e mbretërve Manas dhe Amon, njerëzit u përfshinë në idhujtari dhe praktika të tjera të liga, duke përfshirë sakrifikimin e fëmijëve (shih te 2 Mbretërve 21). Pas vdekjes së Amonit, biri i tij, Josia, u bë mbret në moshën tetë vjeç. Josia ishte i drejtë. Në vitin e 18‑të të mbretërimit të tij, Josia siguroi pagesën që punëtorët të riparonin tempullin në Jerusalem (shih te 2 Mbretërve 22:1–7).

Nëse e fshehët një Bibël para orës mësimore, shpjegoni se ka shkrime të shenjta të humbura diku në klasë. Ftojini nxënësit t’i gjejnë ato. Kërkojini nxënësit që e gjen Biblën, të gjejë shenjuesin e librit. Më pas, jepni udhëzimet vijuese:

Lexo te 2 Mbretërve 22:8–13, duke kërkuar atë që ndodhi ndërsa tempulli po riparohej.

Çfarë zbuloi Hilkiahu, prifti i lartë?
Si u përgjigj mbreti Josia pasi dëgjoi fjalët e librit, ose shkrimet e shenjta?

Josia vendosi t’ua lexonte librin të gjithë njerëzve të Jerusalemit (shih te 2 Mbretërve 22:14–20; 23:1–2).

Lexo te 2 Mbretërve 23:1–3, duke kërkuar ndikimin që pati leximi i shkrimeve të shenjta te Josia dhe populli i tij. Merre parasysh ta shenjosh atë që gjen.

Çfarë mund të mësojmë nga këto vargje rreth efektit të studimit të shkrimeve të shenjta në jetën tonë?

Ndër idetë që japin nxënësit, ata mund të përcaktojnë se studimi i shkrimeve të shenjta mund të na ndihmojë t’i drejtohemi Zotit me gjithë zemrën tonë. Kjo mund të shkruhet në tabelë dhe të përmendet gjatë të gjithë pjesës së mbetur të mësimit.

Për ta kuptuar më mirë këtë parim, nxënësit mund të plotësojnë sa vijon bashkë me një partner. Çdo nxënës mund të studiojë një grup vargjesh. Më pas partnerët mund t’ia tregojnë njëri‑tjetrit atë që mësuan, dhe të diskutojnë pyetjet shoqëruese.

Ndërsa Josia dhe populli i tij mësuan nga shkrimet e shenjta dhe u drejtuan te Zoti, ata u frymëzuan për të bërë ndryshime në jetën e tyre. Lexoji vargjet që të janë caktuar, duke kërkuar ndryshimet që ata bënë.

Nxënësi 1

2 Mbretërve 23:4, 24.

Përse mendon se nevojitej që populli t’i shkatërronte të gjithë idhujt e tij për t’iu drejtuar Zotit me gjithë zemrën e vet?
Si mund të na ndihmojë studimi i shkrimeve të shenjta që të largohemi nga ndikimet e liga në jetën tonë?

Nxënësi 2

2 Mbretërve 23:21–22.

Çfarë praktikash fetare ndoqën sërish Josia dhe populli i tij pasi lexuan shkrimet e shenjta?
Si mund të na ndihmojë studimi i shkrimeve të shenjta të kujtojmë Shpëtimtarin dhe ta jetojmë ungjillin e Tij?

Të treguarit prej nxënësve

Kjo pjesë e mësimit është krijuar për reflektim vetjak dhe të treguar. Nxënësit mund të tregojnë se si shkrimet e shenjta i kanë ndihmuar (ose mund t’i ndihmojnë) t’i drejtohen Zotit.

Presidenti Spenser W. Kimball (1895–1985) dha mësim për ndikimin që pati studimi i shkrimeve të shenjta në jetën e tij:

“Unë shoh se kur bëhem rastësor në marrëdhëniet e mia me hyjninë dhe kur duket sikur asnjë vesh hyjnor nuk po dëgjon dhe asnjë zë hyjnor nuk po flet, unë jam shumë, shumë larg. Nëse e zhyt veten time në shkrimet e shenjta, largësia shkurtohet dhe shpirtshmëria kthehet.” (Teachings of Presidents of the Church: Spencer W. Kimball [2006], f. 67)

Përcakto një fragment të shkrimit të shenjtë që të ka ndihmuar (ose mund të të ndihmojë) t’u drejtohesh Atit Qiellor dhe Jezu Krishtit. Mund të jetë nga studimi vetjak ose familjar i shkrimeve të shenjta ose nga një mësim i mëparshëm i seminarit, ose mund të jetë një fragment i zotërimit doktrinor. Përgatitu të tregosh sa vijon:

Si të ka ndihmuar ky fragment (ose si mund të të ndihmojë) t’u drejtohesh Atit Qiellor dhe Jezu Krishtit me gjithë zemër?

Kur nxënësit të jenë gati për të folur, ftojini të gjithë t’i shkruajnë në tabelë fragmentet e tyre rreth të vërtetës që e përcaktuan më herët. Kërkojuni shumë vullnetarëve ta lexojnë fragmentin dhe të japin idetë ose përvojat e tyre. Nëse është e nevojshme, mund të tregoni edhe fragmentet që ju kanë ndihmuar t’i drejtoheni Zotit.

Merreni parasysh t’i vini në dukje fragmentet në tabelë të cilët nuk janë përmendur. Mund të pyesni a do të ishin të gatshëm të flisnin nxënësit që i shkruan ato. Ose mund ta ftoni klasën ta lexojë fragmentin dhe të diskutojë se si ai mund të na ndihmojë t’i drejtohemi Zotit.

Ndërsa nxënësit shprehen, mund të bëni pyetje për ndjekjen e ecurisë për të inkurajuar diskutimin në klasë. Për shembull, mund të pyesni: “A ka pasur dikush tjetër një përvojë me atë fragment? A do të ishit të gatshëm të tregonit?” ose “Çfarë mendimesh dhe ndjenjash keni pasur ndërsa e dëgjuat njëri-tjetrin?”

Synimet për studimin e shkrimeve të shenjta

Merreni parasysh të jepni dëshminë tuaj që nxënësit të kenë një përvojë të ngjashme siç pati Josia ndërsa i studioi shkrimet e shenjta (shihni te 2 Mbretërve 23:25). Ftojini nxënësit t’i shqyrtojnë synimet e tyre për studimin vetjak të shkrimeve të shenjta dhe ecurinë e tyre në leximin e kapitujve të caktuar të Dhiatës së Vjetër. Jepuni atyre kohë për të reflektuar mbi pyetjet vijuese:

A e ndien se synimi yt i tanishëm për studimin e shkrimeve të shenjta po të ndihmon t’u drejtohesh plotësisht Atit Qiellor dhe Jezu Krishtit? Nëse po, si e ke parë këtë gjë të ndodhë? Nëse jo, çfarë përshtatjesh do të bësh?
Çfarë përvojash domethënëse ke pasur me leximin e kapitujve të caktuar të Dhiatës së Vjetër? Çfarë do të bësh për t’u siguruar që do t’i përfundosh leximet që të janë caktuar?

Inkurajojini nxënësit t’i vazhdojnë përpjekjet e tyre për t’i studiuar shkrimet e shenjta çdo ditë.

Burime Shtesë

Përse është kaq i rëndësishëm studimi i përditshëm i shkrimeve të shenjta?

Presidenti Rasëll M. Nelson dha mësim:

24:24

“Teksa kërkojmë të jemi dishepuj të Jezu Krishtit, përpjekjet tona që ta dëgjojmë Atë nevojitet të jenë përherë e më të qëllimshme. Kërkon përpjekje të ndërgjegjshme dhe të vazhdueshme që ta mbushim jetën tonë të përditshme me fjalët e Tij, mësimet e Tij, të vërtetat e Tij.

Ne thjesht nuk mund të mbështetemi tek informacioni që e ndeshim rastësisht në mjetet shoqërore të komunikimit. Me miliarda fjalë në internet dhe në një botë të mbingopur nga reklamat, të depërtuar vazhdimisht nga përpjekjet e zhurmshme, shumë të liga të kundërshtarit, ku mund të shkojmë që ta dëgjojmë Atë?

Ne mund të shkojmë te shkrimet e shenjta. Ato na japin mësim rreth Jezu Krishtit dhe ungjillit të Tij, madhështisë së Shlyerjes së Tij dhe planit të madhërishëm të Atit tonë për lumturi dhe shëlbim. Zhytja e përditshme në fjalën e Perëndisë është jetike për mbijetesën tonë shpirtërore, veçanërisht në këto ditë të rrëmujës në rritje. Teksa ushqehemi me bollëk përditë me fjalët e Krishtit, fjalët e Krishtit do të na thonë se si të reagojmë ndaj vështirësive me të cilat kurrë nuk menduam se do të përballeshim.” (“Dëgjojeni Atë”, Liahona, maj 2020, f. 89–90)

Si mund ta zbatojmë historinë e Josias në vetë jetën tonë?

Presidenti Spenser W. Kimball tha:

“Jam i bindur që secili prej nesh, në një pikë të caktuar të jetës, duhet t’i zbulojë për vete shkrimet e shenjta – dhe jo thjesht t’i zbulojë një herë, por t’i rizbulojë vazhdimisht.

Historia e mbretit Josia në Dhiatën e Vjetër është më e dobishmja për ta ‘përshtat[ur] te vetja j[onë]’. (1 Nefi 19:24.) Për mua, kjo është një nga historitë më të bukura në të gjitha shkrimet e shenjta. …

E ndiej fuqishëm që ne të gjithë duhet t’u drejtohemi shkrimeve të shenjta ashtu siç bëri mbreti Josia, dhe t’i lejojmë ato të veprojnë fuqishëm brenda nesh, duke na shtyrë drejt një vendosmërie të palëkundur për t’i shërbyer Zotit.” (Teachings of Presidents of the Church: Spencer W. Kimball [2006], f. 62, 63)

2 Mbretërve 22:14. Kush ishte profetesha Huldah?

Huldah ishte një profeteshë në kuptimin që kishte një dhunti profecie, që është në dispozicion të të gjithë anëtarëve të Kishës (shihni edhe te “Profeteshë” tek Udhëzuesi për Shkrimet e Shenjta). Ajo i tregoi popullit për profecinë e gjykimit të njerëzve të ligj, që përmbahej në shkrimet e shenjta. Ajo profetizoi gjithashtu se Josia do të bekohej për shkak të besnikërisë së tij ndaj Zotit (shihni te 2 Mbretërve 22:15–20).

Veprimtari Plotësuese të të Mësuarit

Të kuptuarit e historisë së Josias

Për t’i ndihmuar nxënësit të kuptojnë radhën e ngjarjeve të Josias, merreni parasysh të shpërndani faqen e veprimtarisë “Shkrimet e shenjta janë një bekim (2 Mbretërve 22:8–11; 23:2)”.

Mund të shihni gjithashtu materialin filmik “King Josiah” [“Mbreti Josia”] (1:36).

1:36

Një ndryshim i madh i zemrës

Ftojini nxënësit të lidhin ose të bëjnë referencë‑kryq të 2 Mbretërve 23:1–3 me vargjet te Mosia 5:1–5. Mund të shpjegoni se mbreti Beniamin ishte një mbret tjetër që e mblodhi popullin e tij për t’i dhënë mësim fjalën e Perëndisë. Ftojini nxënësit të lexojnë te Mosia 5:1–5, duke krahasuar tregimin e popullit të mbretit Beniamin me popullin e mbretit Josia.

Çfarë ngjashmërish gjetët?
Çfarë lidhjesh patë ndërmjet zemrave të njerëzve dhe gatishmërisë së tyre për të bërë dhe mbajtur besëlidhjet me Zotin? Si mund të gjejë zbatim kjo te ne sot?

2 Mbretërve 23:24. Mënjanimi i të gjitha neverive

Mund të përmblidhni vargjet te 2 Mbretërve 23:4–24 duke shpjeguar se Josia u sigurua që të shkatërroheshin të gjitha sendet e adhurimit të rremë. Ai i shtypi dhe i bëri pluhur dhe i dogji ato (shihni te 2 Mbretërve 23:4, 6, 14, 15, 24). Për t’u treguar nxënësve një shembull tjetër të këtij lloj zotimi ndaj Perëndisë, merreni parasysh të shihni materialin filmik “Zotim i Patundur ndaj Jezu Krishtit” nga kodi kohor 0:18 deri në 1:39.

13:52

Ftojini nxënësit ta lexojnë në heshtje thënien vijuese dhe të përsiatin pyetjet shoqëruese.

Plaku Dejll G. Renland, i Kuorumit të Dymbëdhjetë Apostujve, dha mësim:

“Perëndia na fton që t’i flakim mënyrat tona të vjetra aq larg sa të mos i arrijmë dot më dhe të fillojmë një jetë të re në Krishtin”. (“Zotim i Patundur ndaj Jezu Krishtit”, Liahona, nëntor 2019, f. 23)

Cilat janë disa gjëra që ju e ndieni se Shpëtimtari mund të donte që t’i dëbonit nga jeta juaj në mënyrë që ta ndiqni më mirë Atë?
Si mund t’ju ndihmojë zhdukja e këtyre gjërave t’i drejtoheni Zotit me gjithë zemër?

Ftojini nxënësit ta bëjnë këtë një përqendrim të studimit vetjak të shkrimeve të shenjta. Inkurajojini ata të kërkojnë ndihmën e Zotit për të gjetur kurajën ose krijimtarinë e nevojshme për t’i hequr ndikimet e liga nga jeta e tyre.

Dërgimi i të vërtetës me mesazh

Pasi nxënësit të tregojnë fragmentet e shkrimit të shenjtë që i kanë ndihmuar ata t’i drejtohen Zotit, mund të shihni materialin filmik “Texting Truth” [“Dërgimi i së Vërtetës me Mesazh”] (2:22). Ftojini nxënësit të zgjedhin një nga fragmentet e dhëna në orën mësimore dhe t’ia dërgojnë me mesazh atë një shoku ose pjesëtari të familjes.

2:22

“Bëni atë që ka më shumë rëndësi”

Para se nxënësit të reflektojnë dhe t’i përshtatin synimet vetjake për studimin e shkrimeve të shenjta, mund të shihni materialin filmik “Bëni Atë që Ka më Shumë Rëndësi” nga kodi kohor 1:57 deri në 2:44. Motra Rebeka L. Krejvën tregoi një bashkëbisedim që pati, ku shpjegoi rëndësinë e studimit të shkrimeve të shenjta dhe të lutjes.

10:46