Manuali i Mësuesit të Seminarit për Dhiatën e Vjetër

Përmbajtja
Faqja e Titullit
Hyrje te Manuali i Mësuesit
Mësime nga Dhiata e Vjetër
- Mirë se Vini në Dhiatën e Vjetër
- Moisiu 1; Abraham 3
- Zanafilla 1–2; Moisiu 2–3; Abraham 4–5
- Zanafilla 3–4; Moisiu 4–5
- Zanafilla 5; Moisiu 6
- Moisiu 7
- Zanafilla 6–11; Moisiu 8
- Zanafilla 12–17; Abraham 1–2
- Zanafilla 18–23
- Zanafilla 24–33
- Zanafilla 37–41
- Zanafilla 42–50
- Eksodi 1–6
- Pashka
- Eksodi 7–13
- Eksodi 14–18
- Eksodi 19–20; 24; 31–34
- Eksodi 35–40; Levitiku 1; 4; 16; 19
- Numrat 11–14; 20–24; 27
- Ligji i Përtërirë 6–8; 15; 18; 29–30; 34
- Jozueut 1–8; 23–24
- Gjyqtarët 2–4; 6–8; 13–16
- Ruthit; 1 Samuelit 1–7
- 1 Samuelit 8–10; 13; 15–16
- 1 Samuelit 17–18; 24–26; 2 Samuelit 5–7
- 2 Samuelit 11–12; 1 Mbretërve 3; 6–9; 11
- 1 Mbretërve 12–13; 17–22
- 2 Mbretërve 2–7
- 2 Mbretërve 16–25
- 2 Kronikave 14–20, 26, 30
- Ezdras 1, 3–7; Nehemias 2; 4–6, 8
- Esterit
- Jobit 1–3; 12–14; 19; 21–24; 38–40; 42
- Psalmeve 1–2; 8; 19–33; 40; 46
- Psalmeve 49–51; 61–66; 69–72; 77–78; 85–86
- Psalmeve 102–103; 110; 116–119; 127–128; 135–139; 146–150
- Fjalët e Urta 1–4; 15–16; 22; 31; Predikuesit 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3, 7, 16–18, 20
- Jeremia 31–33; 36–38; Vajtimeve 1, 3
- Ezekiel 1–3; 33–34; 36–37; 47
- Daniel 1–7
- Osea; Joel
- Amos; Abdia; Jona
- Mikea; Nahum; Habakuk; Sofonia
- Hagai 1–2; Zakaria 1–4, 7–14
- Malakia
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Udhëzuesi Për Forcën e Rinisë
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Isaia 51–52: “Dëgjomëni”

“Isaia 51–52: ‘Dëgjomëni’”, Manuali i Mësuesit të Seminarit për Dhiatën e Vjetër (2026)

“Isaia 51–52: ‘Dëgjomëni’”, Manuali i Mësuesit të Seminarit për Dhiatën e Vjetër

Isaia 50–57: Mësimi 123

Isaia 51–52

“Dëgjomëni”

Jesus Christ reaching out his hand near water outdoors, closeup

Nëpërmjet Isaias, Zoti i foli popullit të Tij të besëlidhjes edhe në lashtësi, edhe sot. Ai u dha atyre premtime të bukura nëse zgjidhnin t’i dëgjonin ftesat e Tij të dashura. Si populli i Tij i besëlidhjes, Zoti na jep neve të njëjtat premtime dhe ftesa. Ky mësim mund t’i ndihmojë nxënësit t’i dëgjojnë ftesat e Shpëtimtarit.

Përgatitja e nxënësve: Ftojini nxënësit të përsiatin për kohën kur ata ose dikush që ata njohin iu bindën njërës prej ftesave ose urdhërimeve të Zotit dhe u bekuan. Mësimi do t’u sigurojë një mundësi nxënësve të gatshëm që të flasin.

Veprimtari të Mundshme të të Mësuarit

Kë dëgjon ti?

Merreni parasysh të renditni në tabelë individët e përmendur më poshtë ose të tjerë që mendoni se janë me ndikim për adoleshentët.

Prindi, Shoku, Mësuesi, Trajneri, Person me Ndikim në Rrjetet Sociale, Person me Famë

Kë mendon se ka më shumë gjasa ta dëgjojnë adoleshentët dhe t’ia ndjekin këshillën? Përse?
Përse është e rëndësishme se kë dëgjojmë dhe ndjekim?

Ndërsa nxënësit lexojnë vargjet vijuese, mund të doni të vini në dukje se shkruesit në shkrimet e shenjta shpesh përsërisnin fjalë dhe ide kyç për të theksuar ide të rëndësishme. Nxënësit tuaj mund ta ushtrojnë gjetjen e fjalëve dhe të frazave kyç të përsëritura me vargjet vijuese.

Lexo tek Isaia 51:1, 4, 7, duke kërkuar se kë këshilloi Zoti të dëgjonte dhe të ndiqte populli i Tij i besëlidhjes. Shenjoje atë që gjen nëse dëshiron.

Ftojini nxënësit ta tregojnë atë që gjetën. Nëse nxënësve u nevojitet ndihmë për të kuptuar fjalën dëgjomëni, merreni parasysh të shpjegoni se Presidenti Rasëll M. Nelson na mësoi se të dëgjosh [të mbash vesh] do të thotë “t’ia vini veshin me qëllimin që të bindeni” (“Dëgjojeni Atë”, Liahona, maj 2020, f. 89).

Përse mund të dojë dikush ta dëgjojë dhe ta ndjekë këshillën e Shpëtimtarit dhe jo të kujtdo tjetër?

Përsiat çdo sfidë, shqetësim ose pyetje që mund të kesh në jetën tënde pikërisht tani. Merri parasysh mënyrat se si mund të kesh dobi nga dëgjimi i këshillave dhe ftesave të Shpëtimtarit ndërsa studion tek Isaia 51–52.

“Dëgjomëni”

Lexo tek Isaia 51:1–2, duke kërkuar figurat dhe simbolet që përdori Isaia për të përshkruar një ftesë nga Zoti.

Ftojini nxënësit ta tregojnë atë që gjetën dhe atë që mendojnë se nënkuptojnë këto figura.

Shpjegoni se frazat “shikoni shkëmbin nga i cili jeni prerë” dhe “shikoni Abrahamin … dhe Sarën” (Isaia 51:1–2) i referohen ftesës së Zotit për të kujtuar Abrahamin dhe Sarën, me të cilët Perëndia bëri besëlidhjen e Tij (e quajtur edhe besëlidhja e Abrahamit). Kjo nënkupton që ne duhet të kujtohemi të mbajmë po këtë besëlidhje me Perëndinë.

Mund t’i ftoni nxënësit ta shkruajnë thënien vijuese të paplotë në ditarët e tyre të studimit: Ndërsa i mbajmë besëlidhjet tona me Zotin, Ai do të …

Çfarë do të thotë për ty t’i mbajmë besëlidhjet tona me Zotin?

Lexo tek Isaia 51:3, duke kërkuar bekimet që premton Shpëtimtari nëse e dëgjojmë Atë për t’i mbajtur besëlidhjet tona.

Çfarë gjete?

Nxënësit mund të shtojnë … na bekojë me ngushëllim, gëzim dhe hare në thënien e paplotë.
Si mendon se na ndihmon mbajtja e besëlidhjeve tona me Zotin që të marrim ngushëllimin, gëzimin ose harenë e Tij?

Ftesat dhe bekimet

Krijoni ose paraqiteni grafikun vijues në tabelë. Nxënësit mund edhe ta kopjojnë atë në ditarët e tyre të studimit. Si model, mund të doni të shtoni atë që zbuluan nxënësit tek Isaia 51:1–3. Për shembull, mund të shtoni “mbajmë besëlidhjet tona me Zotin” në kolonën e majtë dhe “na bekojë me ngushëllim, gëzim dhe hare” në kolonën e djathtë.

Isaia shënoi shumë ftesa dhe premtime nga Zoti tek Isaia 51–52. Ndërsa i studion këta kapituj, shëno në ditarin tënd ftesat dhe premtimet që gjen.

Ftesat e Zotit për popullin e Tij të besëlidhjes	Premtimet e Zotit për popullin e Tij të besëlidhjes
Ftesat e Zotit për popullin e Tij të besëlidhjes	Premtimet e Zotit për popullin e Tij të besëlidhjes

Çfarë të mësojnë këto ftesa rreth asaj se ç’do të thotë t’i mbash besëlidhjet e tua?
Cilin prej bekimeve të Zotit e dëshiron vërtet? Përse?
Cila prej ftesave të Zotit mendon se do të të ndihmojë të marrësh bekimin që kërkon?

Të Dëgjosh Zotin

Ftojini nxënësit të mendojnë rreth asaj që kanë mësuar nga Ati i tyre në Qiell nëpërmjet Frymës së Shenjtë gjatë mësimit. Sa vijon është një mënyrë se si mund ta bëni këtë.

Përsiat atë që mësove sot dhe çdo ftesë ose këshillë që mendon se të dhanë Ati Qiellor dhe Jezu Krishti nëpërmjet Frymës së Shenjtë. Në ditarin tënd të studimit, merre parasysh t’i përgjigjesh pyetjes vijuese:

Çfarë mendon se po të fton Zoti të bësh për të marrë ndihmën e Tij për sfidat, shqetësimet ose pyetjet e tua?

Isaia 51:3, 12. Cilat janë mënyrat se si mund të na ngushëllojë Shpëtimtari?

Plaku Ulises Soares, i Kuorumit të Dymbëdhjetë Apostujve, dha mësim:

11:9

“Përveç sigurimit të dhuratës madhështore të shpëtimit, Shpëtimtari na ofron ndihmë dhe ngushëllim ndërsa përballemi me mundimet, tundimet dhe dobësitë tona të jetës në vdekshmëri. … Unë mund t’ju siguroj se Krishti është gjithnjë i vetëdijshëm për fatkeqësitë që përjetojmë në vdekshmëri. Ai e kupton të gjithë hidhësinë, agoninë dhe dhembjen fizike si dhe sfidat emocionale dhe shpirtërore me të cilat përballemi. Zemra e Shpëtimtarit është e mbushur me mëshirë dhe Ai është gjithnjë i gatshëm të na vijë në ndihmë. Kjo është e mundur pasi Ai e përjetoi Vetë dhe mori mbi Vete në mish dhembjen e dobësive dhe ligështive tona.” (“Jezu Krishti: Kujdestari i Shpirtit Tonë”, Liahona, maj 2021, f. 83)

Isaia 52:7. Kujt i referohet fraza “sa të bukura janë mbi malet këmbët e lajmëtarit që sjell lajme të mira që njofton paqen”?

Presidenti Xhefri R. Holland, i Kuorumit të Dymbëdhjetë Apostujve, shpjegoi:

“Përfundimisht është Krishti Ai që është i bukur mbi mal. Dhe është premtimi i Tij i mëshirshëm i ‘paqe[s] në këtë botë’, lajmet e Tij të mira të ‘jetë[s] [së] përjetshme në botën që vjen’ [DeB 59:23] që na bëjnë të biem te këmbët e Tij dhe ta quajmë emrin e Tij të bekuar dhe të japim falënderime për rivendosjen e Kishës së Tij të vërtetë dhe të gjallë.” (“Peaceable Things of the Kingdom”, Ensign, nëntor 1996, f. 82)

Veprimtari Plotësuese të të Mësuarit

Veprimtari shtesë për fletushkën

Nëse dëshironi të shtoni një veprimtari tjetër në fletushkë, merreni parasysh të përfshini sa vijon:

Lexoni tek Isaia 51:15–16, duke kërkuar bekimet që Zoti i premton popullit të Tij.

Për t’ju ndihmuar të kuptoni frazën “Unë i vura fjalët e mia në gojën tënde” (Isaia 51:16), lexoni te Doktrina e Besëlidhje 100:5–8, duke kërkuar një premtim të ngjashëm që Zoti i dha Jozef Smithit dhe Sidni Rigdonit.

Për t’ju ndihmuar të kuptoni frazën “Të mbulova me hijen e dorës sime” (Isaia 51:16), përsiatni se nga çfarë na mbrojnë hijet dhe hija.

Çfarë premtimesh gjetët?
Çfarë ju mësojnë këto premtime rreth Zotit dhe asaj që bën Ai për njerëzit e Tij që i mbajnë besëlidhjet e tyre me Të?

“Zgjohu, zgjohu” (Isaia 51:9, 17; 52:1)

Për t’i ndihmuar nxënësit t’i studiojnë këto vargje, merreni parasysh të tregoni një orë me zile dhe t’i pyesni nxënësit nëse përdorin zile për t’u zgjuar. Nëse po, pyetini se sa ia del zilja t’i zgjojë ata.

Çfarë mendoni se do të thotë të jesh i fjetur shpirtërisht?

Shpjegoni se tek Isaia 51:9–10, Isaia shkroi se izraelitët ndien se Zoti ishte në gjumë në lidhje me problemet dhe sprovat e tyre. Ata u përgjëruan që Ai të zgjohej dhe t’i ndihmonte siç kishte bërë në të kaluarën. Mund t’i pyesni nxënësit nëse janë ndier ndonjëherë njëlloj si izraelitët.

Më pas, merreni parasysh t’i ftoni nxënësit të lexojnë tek Isaia 51:11–16, duke kërkuar përgjigjen e Zotit për përgjërimin e izraelitëve.

Çfarë tha Zoti për t’u kujtuar atyre se kush është Ai dhe çfarë mund të bëjë Ai?

Nxënësit mund të lexojnë më pas tek Isaia 51:17, duke kërkuar se për kë tha Zoti se ishte shpirtërisht në gjumë. Ata mund të studiojnë më pas tek Isaia 52, duke kërkuar ftesat që jep Zoti për të na ndihmuar të zgjohemi shpirtërisht.

“Gëzoh[uni] dhe … ngrini kokat përgjithmonë” (2 Nefi 9:3)

Mund të zgjidhni të përqendroheni tek arsyeja përse Jakobi zgjodhi t’i përfshinte këta kapituj në predikimin e tij për nefitët në Librin e Mormonit (shihni te 2 Nefi 8). Ftojini nxënësit të lexojnë te 2 Nefi 9:3, duke kërkuar një nga arsyet që dha Jakobi. Ftojini nxënësit të studiojnë tek Isaia 51–52 duke kërkuar frazat që mund ta ndihmojnë dikë të ngrejë kokën dhe të gëzohet.

Kur na duket sikur bekimet nuk po vijnë

Për t’i ndihmuar nxënësit të zgjedhin të vazhdojnë t’i dëgjojnë ftesat e Zotit kur nuk i shohin bekimet e Tij, merreni parasysh të shfaqni materialin filmik, “No Blessings Denied the Faithful” [“Asnjë Bekim Nuk u Mohohet Besnikëve”] (3:01). Më pas nxënësit mund ta tregojnë atë që mësuan ose ndien.

3:2