Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Isaia 40–43: Mampionona ny vahoakany Andriamanitra

“Isaia 40–43: Mampionona ny vahoakany Andriamanitra”, Testamenta Taloha: Boky torolalana ho an’ny mpampianatra seminera (2026)

“Isaia 40–43: Mampionona ny vahoakany Andriamanitra”, Testamenta Taloha: Boky torolalana ho an’ny mpampianatra seminera

Isaia 40–49: Lesona 119

Isaia 40–43

Mampionona ny vahoakany Andriamanitra

Jesus is standing on a hill. You can see the sun in the background

Tsy hahafoy ny vahoakan’ny fanekempihavanany Andriamanitra. Tamin’ny alalan’i Isaia mpaminaniny no nankaherezan’ Andriamanitra ireo izay nentina ho babo tany Babylona. Manolotra antsika vahoakan’ny fanekempihavanany ankehitriny ilay teny fampiononana manao hoe: “Aza matahotra ianao; fa momba anao Aho” (Isaia 41:10) Andriamanitra. Ity lesona ity dia afaka manampy ny mpianatra hahatsapa ny fampiononana avy amin’ Andriamanitra.

Fanomanana ny mpianatra: Asao ny mpianatra hamaky na hihaino ny tonon’ny sasany na izy rehetra amin’ilay hira ao amin’ny fihirana hoe “Fototra mafy orina” (Fihirana sy hiran’ny ankizy). Angataho izy ireo hitady teny na andian-teny mitondra fampaherezana ary ho tonga ao am-pianarana miaraka amin’ny fahavononana hizara.

Sahanasa fianarana azo atao

Tsy zava-baovao ny tahotra

Hevero ny hanomboka ny fotoam-pianarana amin’ny alalan’ny fampisehoana ity fanambarana sy fanontaniana manaraka ity. Azo asaina ireo mpianatra hanoratra ny valinteniny eny amin’ny solaitrabe.

Nizara ity hevitra manaraka ity ny Loholona Ronald A. Rasband ao amin’ny Kôlejin’ny Apôstôly Roambinifolo:

Tsy zava-baovao ny tahotra. Ireo mpianatr’i Jesoa Kristy, raha teo amin’ny Ranomasin’i Galilia, dia natahotra ny “tafio-drivotra sy alon-drano” tao amin’ny haizin’ny alina (Marka 4:34). Amin’ny maha-mpianany antsika ankehitriny dia matahotra ihany koa isika. (“Aza matahotra”, Liahona, nôv. 2018, 18)

Inona avy ireo tahotra mety hananan’ny olona manerana izao tontolo izao, anisan’izany ireo mpianatr’i Jesoa Kristy?

Rehefa avy nitanisa tahotra isan-karazany ny mpianatra dia zarao ny ambin’ny teny nambaran’ny Loholona Rasband, izay ahitana ny tahotra hitany eto amin’izao tontolo izao ankehitriny. Azonao ampidirina ao amin’ilay lisitra eo amin’ny solaitrabe ny sasany amin’ireo.

Notohizan’ny Loholona Rasband hoe:

15:42

Ireo tanora tokan-tenantsika dia matahotra ny hanao fanolorantena toy ny hanambady. Ireo tanora vao nanambady … dia matahotra ny hitondra zanaka eto amin’ny tontolo miha-ratsy fanahy. Matahotra zavatra maro ireo misiônera, indrindra fa ny fanatonana olon-tsy fantatra. Matahotra ny handroso irery ireo mananotena. Matahotra ny tsy hisy hanaiky ireo zatovo; matahotra ny andro voalohany ny ankizy vao hiditra hianatra; matahotra ny hanala fanadinana ireo ankizy any amin’ny oniversite. Matahotra tsy fahombiazana, fanilihana, fahadisoam-panantenana, ary ny zava-tsy hita-maso isika. Matahotra rivo-doza, horohoron-tany, ary afo izay mandrava ny tany sy ny fiainantsika isika. Matahotra ny tsy ho voafidy isika, ary matahotra ihany koa ny mifanohitra amin’izany, dia ny ho voafidy izany. Matahotra ny ho tsy ampy fahatsarana isika; matahotra isika fa tsy manana fitahiana ho antsika ny Tompo. Matahotra fiovana isika, ary mety hitombo ho lasa fihorohoroana ireo tahotsika. Voalazako daholo ve ny an’ny rehetra? (“Aza matahotra”, Liahona, nôv. 2018, 18)

Inona no vokatra mety hoentin’ny tahotra eo amintsika?

Hevero ny hanasa ny mpianatra hisaintsaina raha toa izy ireo ka mahatsapa izay mety ho tahotra voatanisa teo na hieritreritra ny tahotr’izy ireo manokana. Zarao ity sahan-kevitra manaraka ity mba hanampiana ny mpianatra hahita toe-javatra izay mety nahatonga ny Isiraelita hatahotra.

Naminany momba ny faharavana sy ny fahababoana izay ho tonga amin’i Isiraely sy i Joda i Isaia. Manomboka ao amin’ny Isaia 40 dia nanentana ny fanahin’i Isaia Andriamanitra mba hanoratra ho an’ireo Jiosy amin’ny hoavy izay hitoetra maharitra ao amin’ny fahababoana.

Inona no mety ho tahotra na ahiahy mety hatrehin’ny olona iray ao anatin’ny fahababoana?

Vakio ny Isaia 40:1–2, ka tadiavo ny hafatra nasain’ Andriamanitra nozarain’i Isaia ho an’ny vahoakan’ny fanekempihavanany.

Inona avy ireo toetran’ Andriamanitra ianaranao avy amin’ireo andininy ireo?

Zarao ny fijoroana ho vavolombelona anananao fa mankahery ny vahoakan’ny fanekempihavanany Andriamanitra amin’izao androntsika izao. Hevero ny hampiseho ity sary manaraka ity. Azon’ny mpianatra atao ny manao sary izany, na zavatra mitovitovy amin’izany, ao amin’ny diary fandalinan’izy ireo. Asao izy ireo hanisy marika eo amin’ny sary nataon’izy ireo mba hamaliana ireo fanontaniana miaraka amin’izany.

Ny tahotra sy ny fampiononana

Amin’ny ankapobeny, aiza amin’ity mari-drefy ity no hametrahanao ny fahatsapanao ny fiainanao amin’izao fotoana izao?
Aiza no hametrahanao ny fahatsapanao momba ny hoavy?

Rehefa mandalina ianao dia tadiavo ny zavatra ampianarin’ Andriamanitra izay afaka manampy anao hiaina bebe kokoa ny fampiononana avy Aminy. Raha mamaky na mandre zavatra izay eritreretinao fa mety hitondra fampiononana ianao dia mety ho ny Fanahy Masina mifandray aminao izany. Hevero ny hirakitra ireo hevi-baovao ireo eo akaikin’ilay sary ao amin’ny diary fandalinanao.

Mampionona ny vahoakany Andriamanitra

Mba hanampiana amin’ny fampiononana ny vahoakan’ny fanekempihavanany dia nanentana an’i Isaia Andriamanitra hampianatra zavatra maro momba Azy ao amin’ny Isaia 40–43. Hanana fahafahana hamantatra ny sasany amin’ireo fahamarinana ireo ianao ary hisaintsaina ny fomba ahafahan’izy ireo manampy amin’ny fampiononana ny olona iray izay matahotra.

Asehoy ireto torolalana manaraka ireto ary hazavao fa hanana fahafahana hamita ity sahanasa ity ny mpianatra any aoriana ao amin’ny lesona.

Amin’ny alalan’ny fampiasana andinin-tsoratra masina iray avy ao amin’ny Isaia dia mamoròna hafatra fohy izay afaka mankahery olona iray izay matahotra. Ampidiro anatin’izany ireto manaraka ireto:

Dingana 1. Teny na andian-teny avy ao amin’ilay andinin-tsoratra masina izay afaka manampy olona iray hahatsapa fankaherezana avy amin’ Andriamanitra. Fintino ao anatin’ny fehezan-teny tsotra manambara fahamarinana izany.

Dingana 2. Soratra masina, hira ao amin’ny fihirana, na fanambarana avy amin’ny mpitarika iray ao amin’ny Fiangonana hanohanana ireo fampianarana ao amin’ilay andalan-tsoratra masina.

Dingana 3. Zavatra niainana manokana na ohatra maoderina izay maneho ny fomba ahafahan’ny fahafantarana izany momba an’ Andriamanitra mitondra fampiononana.

Lamina hakan-tahaka

Alohan’ny hamitan’ny mpianatra ity sahanasa ity dia hazavao fa hanome ohatra ianao amin’ny alalan’ny fampiasana ny Isaia 41:10–14. Fomba iray ahafahanao mamolavola ireo dingana ireo ity manaraka ity. Tohizo ny fampisehoana ireo dingana telo ary ataovy mazava tsara amin’ny mpianatra rehefa mampiseho ny dingana tsirairay ianao.

Vakio ny Isaia 41:10–14, ka tadiavo ireo teny fampiononan’ Andriamanitra ho an’ny vahoakan’ny fanekempihavanany. Mariho fa ny kankana ao amin’ny andininy14 dia mety midika hoe manana halemem-panahy sy manetry tena.

Dingana 1

Inona avy ireo teny na andian-teny heverinao fa afaka hampionona? Nahoana?
Ahoana no hamintinanao ireo andininy ireo ho fehezan-teny tsotra manambara fahamarinana?

Amin’ny tenin’izy ireo manokana dia mety nahita zavatra toy izao ny mpianatra: Tsy tokony hatahotra isika satria Andriamanitra dia hiaraka sy hankahery ny vahoakan’ny fanekempihavanany.

Dingana 2

Amin’ny fomba ahoana ny fahafantarana fa Andriamanitra dia miaraka amintsika sy mampahery antsika no hanampy antsika tsy hatahotra?

Ny Loholona Neil L. Andersen ao amin’ny Kôlejin’ny Apôstôly Roambinifolo dia nizara ny fomba ahafahan’ny fifandraisantsika amin’ny Tompo manampy antsika tsy hatahotra:

15:3

Tsy tokony hatahotra isika na dia eo anatrehan’ny fitombon’ireo hery mitarik’izao tontolo izao manodidina antsika aza. Tsy handao velively ny vahoakan’ny fanekempihavanany ny Tompo. Misy ny hery manonitry ny fanomezam-pahasoavan’ny fanahy sy ny fitarihana masina ho an’ny olo-marina. Io fitahiana ara-panahy izay fanomezana fanampiny io anefa dia tsy homena antsika noho isika hoe anisan’ny ao anatin’ity taranaka ity. Tonga izany rehefa manamafy orina ny finoantsika an’i Jesoa Kristy Tompo sy mitandrina ny didiny isika ary rehefa mamantatra Azy sy mitia Azy. (Neil L. Andersen, “Manakaiky ny Mpamonjy”, Liahona, nôv. 2022, 73–74)

Dingana 3

Oviana ianao no nahatsapa fa niaraka taminao na nampahery anao Andriamanitra?

Hafatra fampiononana

Omeo fotoana hanomanana ny hafatra fohy fampiononany ny mpianatra. Afaka manao izany tsirairay izy ireo na miaraka amin’ny namana iray.

Misafidiana iray amin’ireto andian-tsoratra masina manaraka ireto: Mamoròna hafatra fohy izay afaka mankahery olona iray izay matahotra. Araho ireo dingana telo hanaovana izany.

Isaia 40:9–11

Isaia 40:28–31

Isaia 41:17–20

Isaia 42:5–7

Isaia 43:1–2

Isaia 43:25–26

Rehefa vonona ny mpianatra dia asao izy ireo hizara ny hafatra fampaherezany ao anaty vondrona na amin’ny iray kilasy. Raha mizara hira ao anatin’ny hafatr’izy ireo ny mpianatra dia azonao atao ny manasa azy ireo hisafidy andininy iray izay manohana ny zavatra nozarainy. Iaraho mihira miaraka amin’ny iray kilasy io andininy io. Azonareo averina izany, miankina amin’ny habetsaky ny fotoana anananareo.

Famaranana

Omeo fotoana ny mpianatra hisaintsainana ny zavatra nianarany momba an’ Andriamanitra izay afaka mitondra fampiononana ho azy ireo. Ampahatsiahivo azy ireo fa ireo hevi-baovao ireo dia mety ho nentanin’ny Fanahy Masina, izay mampianatra sy mijoro ho vavolombelona momba ny Ray any An-danitra sy i Jesoa Kristy. Asao ny mpianatra hanoratra ny eritreriny ao amin’ny diary fandalinany.

Loharanom-pitaovana fanampiny

Amin’ny fomba ahoana ny fananana an’ Andriamanitra eo amin’ny fiainako no manampy ahy handresy ny tahotra?

Nampianatra izao ny Filoha Russell M. Nelson:

14:48

Fantatro fa ny fiainana tsy misy an’ Andriamanitra dia fiainana feno tahotra. Fantatro ihany koa fa ny fiainana miaraka amin’ Andriamanitra dia fiainana feno fiadanana sy fifaliana ary hery. Manapaha hevitra ny hiaina ny fiainanao miaraka amin’ Andriamanitra.

Ry tanora malalako, ny Raintsika any An-danitra sy i Jesoa Kristy Zanany Malala dia vonona ny hitahy anareo. Tsy hahafoy anareo Izy Ireo. (“Worldwide Day of Testimony: I Can Do All Things Through Christ,” Oct. 22, 2023)

Na dia mampanantena ny hiaraka amiko aza ny Tompo dia ahoana raha mahatsapa ho irery aho?

Nizara izao ny Filoha Dieter F. Uchtdorf, fony izy tao amin’ny Fiadidiana Voalohany:

Tsy irery ianareo eo amin’ity dia ity. Mahafantatra anareo ny Rainareo any An-danitra. Mandre anareo Izy na dia tsy misy olon-kafa maheno anareo aza. Rehefa mifaly am-pahamarinana ianareo dia mifaly miaraka aminareo Izy. Ory miaraka aminareo Izy rehefa tototry ny fitsapana ianareo.

… Mampanantena anareo aho fa tsy irery ianareo. (“Ilay dianao mahafinaritra mody any an-trano”, Liahona, mey 2013, 127–128)

Isaia 41:10, 13. Inona no hevitr’ilay hoe tanana an-kavanana?

Raha niresaka momba ilay andian-teny hoe “Izaho … no mitantana ny tananao ankavanana” (Isaia 41:13), ny manampahaizana Olomasin’ny Andro Farany iray dia nizara izao fanazavana manaraka izao:

Ny tanana havanana no tanan’ny fanekempihavanana. Io andian-teny io dia mampahatsiahy antsika ny fifandraisana ara-panekempihavanana izay eo amintsika sy ny Tompo, amin’ny maha “mpanompony” sy “voafidy” antsika (jereo ny Isaia 41:8–9). Milaza izany fa hanainga ambony ny tanantsika ny Tompo, izany hoe hanohana antsika Izy rehefa mikatsaka amim-pahamarinana ny hitandrina ny fanekempihavanantsika isika. Milaza ihany koa izany fa ny Tompo dia hitantana antsika ho fanehoana fampiononana sy fanohanana (jereo ny Isaia 42:6). (Donald W. Parry, Understanding Isaiah [1998], 353–354)

Sahanasa fianarana fanampiny

Ny fahalehibeazan’ Andriamanitra

Alohan’ny handalinana ny Isaia 41:10, 13, dia makà fotoana hanampiana ny mpianatra hahatakatra ny zavatra ampianarin’i Isaia momba ny fahalehibeazan’ Andriamanitra.

Fomba iray hanaovana izany ny fitondrana mizana sy zavatra isan-karazany ao an-dakilasy. Asao ireo mpianatra haminavina ny lanjan’ny zavatra tsirairay ary hametraka izany eo amin’ilay mizana. Avy eo dia asao ny mpianatra hamaky ny Isaia 40:12, ka hitady ny zavatra nolazain’ Andriamanitra fa hany azony lanjaina sy refesina.

Na afaka mitondra siny lehibe ao an-dakilasy ianao ary manasa ny mpianatra hamaky ny Isaia 40:15, ka hitady ny fomba nampiasan’ Andriamanitra siny mba hamariparitana ny halehibeazany.

Ahoana no ahafahan’ny fiezahana mahatakatra ny fahalehibeazan’ Andriamanitra mankahery ireo izay babo tany Babylona?
Ahoana no ahafahan’izany fahalalana izany mampionona antsika ao anatin’ireo fitsapana lalovantsika ankehitriny?

Rehefa mandalina ny Isaia 40–43 ianao dia tohizo ny fikarohana porofon’ny fahalehibeazan’ Andriamanitra sy ny fomba ahafahan’io fahalalana io mitondra fampiononana ho anao.

Isaia 41:10. Soratra masina mifandray momba ny fandresena ny tahotra

Mba hanampiana ny mpianatra hahatakatra ny fanasan’ Andriamanitra hoe “aza matahotra”, dia asao izy ireo hampifandray ny Fotopampianarana sy Fanekempihavanana 6:36–37 na ny 68:5–6 amin’ny Isaia 41:10. Na amporisiho izy ireo hitady soratra masina manan-danja hafa amin’ny alalan’ny fitadiavana ny andian-teny hoe “aza matahotra” ao amin’ny Médiathèque de l’Évangile.

Asao ny mpianatra hizara amin’ny namana iray ny fomba nanampian’ilay na ireo andinin-tsoratra masina nampifandraisin’izy ireo mba hahatakarana kokoa ny fanasan’ Andriamanitra hoe “aza matahotra”.

Miaina am-pinoana

Mba hanamafisana ireo fahamarinana momba ny Tompo izay mety ho nozarain’ny mpianatra, ary ny hoe nahoana isika no afaka manam-pinoana Azy, dia hevero ny hijery ny “Live by Faith, Not by Fear”, (1:09) izay hita ao amin’ny Médiathèque de l’Évangile. Asao ireo mpianatra hirakitra ny zavatra nianarany ao amin’ny diary fandalinany.

1:9

Fahazavana ho an’ny Jentilisa

Raha mizara hafatra fampiononana avy amin’ny Isaia 42:5–7 ny mpianatra dia makà fotoana hanampiana ny mpianatra hahatakatra ny andraikitsika amin’ny fizaràna ny hafatr’ Andriamanitra amin’ny hafa. Azonao atao ny manazava fa ny teny hoe Jentilisa dia manana heviny roa. Indraindray izany dia entina ilazana olona tsy avy amin’ny firazanana Isiraelita. Indraindray izany dia entina ilazana ireo olona izay tsy manana ny filazantsaran’i Jesoa Kristy eo amin’ny fiainan’izy ireo (jereo ny Torolalana ho an’ny Soratra Masina, “Jentilisa”).

Inona no azontsika atao mba ho fahazavana ho an’ireo izay mipetraka ao amin’ny haizina ara-panahy?
Ahoana no ifandraisan’ireo andininy ireo amin’ny asa izay ataontsika any amin’ny tempoly?
Inona no mety ifandraisan’izy ireo amin’ny asa fitoriana ny filazantsara?

Nanazava izao ny Filoha Russell M. Nelson:

Ry tanora namako malala isany, tena ilain’ny Tompo ny tsirairay avy aminareo. Tsy nalefan’ny Tompo raha tsy amin’izao fotoana izao ianareo mba hanampianareo amin’ny fanangonana an’i Isiraely. Ny fanapahan-kevitrareo ny hanao asa fitoriana, na misiônera mpanao asa fitoriana na mpanao asa fanompoana, dia hitahy anareo sy ny hafa. …

Ny misiônera rehetra dia mampianatra sy mijoro ho vavolombelon’ny Mpamonjy. Ny haizina ara-panahy eto amin’izao tontolo izao dia mahatonga ny fahazavan’i Kristy ho vao mainka ilaina kokoa mihoatra noho ny tamin’ny fotoana hafa rehetra. Ny olona rehetra dia mendrika ny hanana fahafahana ny hahafantatra momba ny filazantsaran’i Jesoa Kristy naverina tamin’ny laoniny. (“Mitory ny filazantsaran’ny fiadanana”, Liahona, apr. 2022, 7)