Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Сургаалт үгс 3: “Эзэнд итгэ”

“Сургаалт үгс 3: ‘Эзэнд итгэ,‘” Хуучин Гэрээний семинарын багшийн гарын авлага (2026)

“Сургаалт үгс 3: ‘Эзэнд итгэ,‘” Хуучин Гэрээний семинарын багшийн гарын авлага

Сургаалт үгс 1–4; 15–16; 22; 31; Номлогчийн үгс 1–3; 11–12: 110-р хичээл

Сургаалт үгс 3

“Эзэнд итгэ”

Trust in the Lord - Youth Video - Screen Capture

Заримдаа Их Эзэнд итгэхэд хэцүү байж болно. Гэвч бид Түүнийг мэдсэнээр “Тэрээр энэ дэлхийн ашиг тусын тулд бус аваас ямар ч зүйлийг эс хийдэг” (2 Нифай 26:24) гэдгийг олж мэднэ. Тэгээд бид “өөрийн ойлголтод” (Сургаалт Үгс 3:5) түшиглэхийн оронд Түүнд итгэх нь мэргэн ухаан болохыг ойлгож чадна. Энэ хичээл нь Их Эзэнд итгэх сонголтыг хийхэд суралцагчдад тусалж чадна.

Суралцагчийн бэлтгэл: Сургаалт үгс 3:5–6 дахь төгс эзэмших сургаалын хэсгийн судрын гол хэллэгийг судартаа тэмдэглэхэд суралцагчдыг урь: “Бүх зүрхээрээ Эзэнд итгэ … Тэрээр зам харгуйг чинь шулуутгана.” Хичээлд бэлтгэхийн тулд суралцагчид уг хэллэгийг хэд хэдэн удаа цээжээр уншиж, Их Эзэнд итгэх хэрэгтэй амьдралын нөхцөл байдлуудын талаар тунгаан бодож болно.

Боломжит суралцах үйл ажиллагаа

Итгэх

Хичээлийг эхлүүлэхдээ Итгэх гэдэг үгийг самбар дээр бичих талаар бодож үзээрэй. Дараа нь дараах нөхцөл байдлыг нэг нэгээр нь үзүүлэхдээ дараах асуултыг асуу. Суралцагчдынхаа хэрэгцээнд тохируулан нөхцөл байдлыг өөрчлөх талаар бодож үз.

Та хэнд итгэж …
- шөнө орой гэртээ хүргүүлэх вэ?
- гэр бүлийнхээ мөнгийг даатгах вэ?
- хэнтэй болзох эсвэл хэнтэй гэрлэх талаар зөвлөгөө авах вэ?
- Есүс Христийн тухай болон Түүнийг хэрхэн дагахыг заалгах вэ?
  
  Суралцагчдын дараах асуултад хариулсан хариултыг самбар дээр Итгэх гэсэн үгийн доор жагсааж бичнэ үү.
Таныг хэн нэгэнд итгэхийн тулд тэдэнд ямар чанарууд байх хэрэгтэй вэ?

Сургаалт үгс 3:5-ыг уншаад, энэ нь таны хувьд юу гэсэн үг болохыг эргэцүүлж бодоорой. Тэгээд судлах тэмдэглэлдээ дараах асуултад хариул:

Та хэнд нь илүү итгэх вэ: Их Эзэнд үү эсвэл өөртөө юу? Яагаад?
Их Эзэнд өөрөөсөө илүү их итгэх хэрэгтэй гэж бодож байгаа ямар нөхцөл байдал яг одоо та нарын амьдралд байна вэ?

Өнөөдөр судраас суралцахдаа Их Эзэнд итгэхэд тань туслах юуг Ариун Сүнснээс сурснаа олж мэдээрэй.

“Эзэнд итгэ … бүү түшиглэ”

Сургаалт үгс 3:5–6 бол төгс эзэмших сургаалын судрын хэсэг юм. Төгс эзэмших сургаалын судрын хэсгийг амархан олохын тулд онцгойлон тэмдэглэхэд суралцагчдыг урих талаар бодож үзээрэй.

Сургаалт үгс 3:5–6-г уншаад дараах мэдэгдлийг хэрхэн гүйцээж бичихээ олж мэд: “Хэрэв бид …, тэгвэл Их Эзэн …”

Суралцагчдыг бөглөсөн мэдэгдлүүдээ хуваалцахад урь. Хуваалцаж буй зүйлийг нь баталгаажуулахыг эрэлхийл. Тэдний хуваалцаж болох үнэнүүдийн нэг бол Хэрэв бид Их Эзэнд бүх зүрхээрээ итгэвэл Тэр бидний зам харгуйг шулуутгах болно юм.

“Бүх зүрхээрээ Эзэнд итгэ” гэдэг нь юу гэсэн утгатай гэж та нар бодож байна вэ (5-р шүлэг)?
“Өөрийн ойлголтод” (5-р шүлэг) бус Их Эзэнд итгэнэ гэдэг нь юу гэсэн утгатай гэж та бодож байна вэ?

Энэ судрын хэсгийг илүү сайн ойлгоход суралцагчдад туслахын тулд хана гэх мэт бат бөх зүйлээс 1 метр орчим зайд зогсоход хоёр суралцагчийг урь. Нэг суралцагчийг хана уруу налан, үүнийгээ дэмжлэг авахад ашиглахыг хүс. Тэнцвэрээ алдахаасаа өмнө хананаас аль болох холдоход нөгөө суралцагчийг урь.
Эдгээр жишээ Сургаалт үгс 3:5–6-г илүү сайн ойлгоход бидэнд хэрхэн туслах вэ?

Суралцагчдыг жижиг бүлгүүдэд хуваахыг бод. Хожмын үеийн гэгээнтэн өсвөр насны хүүхдүүд Их Эзэний зөвлөгөөнд итгэхийн оронд өөрсдийн шүүлтийг хийхээр уруу татагдаж болох нөхцөл байдлуудыг цаасан дээр жагсаан бичихэд суралцагчдыг урь. Жишээ нь үзвэр үйлчилгээг сонгох, хэнтэй, хэзээ болзох, ямар үг хэллэг хэрэглэх, боловсрол болон ирээдүйн зорилго тавих зэргийг сонгож болно.

Хангалттай хугацаа байвал дараах асуултыг асууж болно. Суралцагчид өөрсдийн жагсаалтыг ашиглан асуултуудын талаар бүлгээрээ ярилцаж болно.
Өөрийнхөө ойлголтод түшиглэснээс болж Их Эзэнд итгэхэд хэн нэгэнд юу хэцүү байж болох вэ?
Эдгээр саад бэрхшээлийг даван туулахад та түүнд туслах ямар зөвлөгөө өгөх вэ?

“Тэрээр зам харгуйг чинь шулуутгана”

Их Эзэнд итгэх хүслээ нэмэгдүүлэхэд суралцагчдад туслахын тулд тэд доорх мөрүүдийн заримыг эсвэл бүгдийг нь судалж болно. Суралцагчид бүлгээрээ үлдэж, суралцагч бүр өөр өөр шүлгүүдийг уншиж болно.

Дараах судрын мөрүүдийг уншаад, бид яагаад өөрсдийнхөө ойлголтын оронд Их Эзэнд итгэхийг хүсдэг болохыг олж мэд:

Исаиа 55:8–9
2 Нифай 4:34-35
2 Нифай 26:24
Иаков 4:10
Мозая 4:9

Суралцагчдыг хэсгүүдээ уншиж дууссаны дараа олж мэдсэн зүйлээ бүлгийнхэнтэйгээ хуваалцахад урь. Дараа нь цөөн суралцагч ангийнхандаа хуваалцаж болно.

Хэрэв та хичээлийн эхэнд найдаж болох зан чанаруудыг самбар дээр жагсаасан бол Их Эзэн эдгээр зан чанарын аль нэгийг хэрхэн харуулдаг тухай суралцагчдаас асуух талаар бодож үзээрэй. Суралцагчид Их Эзэний өөр зан чанаруудын тухай бодож, дээрх шүлгүүдээс олж мэдсэнээ самбар дээр нэмж болно.
Их Эзэний зөвлөгөө таны ойлголтод харшилж болох ч Их Эзэний аль зан чанар танд Түүнд итгэхэд тусалдаг вэ?

Суралцагчдыг доорх асуултад хариулахад бэлтгэхийн тулд ChurchofJesusChrist.org вэбсайт дахь “Trust in the Lord”(3:30) видео бичлэгийг үзүүлэх талаар бодож үз. Энэ видео бичлэг дээр залуучууд яагаад Их Эзэнд итгэхийг сонгосон гэдгээ хуваалцсан.

Суралцагчдын хуваалцаж буй зүйлээс гадна доорх асуултад өгсөн хариултаа хуваалцах талаар бодож үзээрэй.

3:30
Та эсвэл таны таньдаг хэн нэгэн хэзээ өөрийн ойлголтын оронд Их Эзэнд итгэж байсан бэ? Тэр танд хэрхэн тусалсан эсвэл таныг хэрхэн чиглүүлсэн бэ?

Их Эзэнд итгэл найдвараа тавих нь

Сурсан зүйлсээ амьдралдаа хэрэгжүүлэхэд суралцагчдад туслахын тулд тэднийг дараах зүйлийг хийхэд урих талаар бодож үз.

Хичээлийн эхэнд судлах тэмдэглэлдээ бичсэн зүйлээ тунгаан бод. Тэмдэглэлдээ дараах асуултад хариулах удирдамжийг Их Эзэнээс эрэлхийл:

Таныг Их Эзэнд итгэхэд урамшуулсан Түүний талаар юуг өнөөдөр мэдэж авсан бэ?
Таны бичсэн нөхцөл байдалд Их Эзэнд итгэх нэг арга зам юу вэ?
Та үүнийг “бүх зүрхээрээ” (Сургаалт үгс 3:5) хэрхэн хийж болох вэ?

Их Эзэний талаарх мэдрэмж болон Түүнд итгэж найдсанаар таныг чиглүүлсэн Түүний арга замуудын тухай сэтгэгдлээ хуваалцах нь тустай байж болно. Суралцагчдыг Түүнд найдах үед Тэр тэднийг адислах чадвартай мөн хүсэлтэй байдгийг гэрчлэх талаар бодож үз.

Цээжлэх

Та энэ хичээлийн турш төгс эзэмших сургаалын тайлбар, судрын түлхүүр үг хэллэгийг цээжлэхэд нь суралцагчдад тусалж, дараа дараагийн хичээлүүд дээр давтахыг хүсэж болно. Сургаалт үгс 3:5–6-ийн судрын гол үг хэллэг: “Бүх зүрхээрээ ЭЗЭНд итгэ … Тэрээр зам харгуйг чинь шулуутгана.” “Төгс эзэмших сургаалыг давтах үйл ажиллагаа” хэсгийн хавсралт материалуудад цээжлэх үйл ажиллагаанд зориулсан санаанууд бий.

Нэмэлт эх сурвалжууд

Сургаалт үгс 3:5 “Их Эзэнд итгэх” гэдэг нь ямар утгатай вэ?

Арван хоёр төлөөлөгчийн чуулгын ахлагч Ричард Г.Скотт (1928–2015) ийн заажээ.

15:12

Итгэн найдах гэдэг нь эхлэлээс төгсгөл хүртэл юу болохыг мэдэлгүйгээр хүслээрээ дуулгавартай дагах гэсэн утгатай (Сургаалт үгс 3:5–7-г үзнэ үү). Үр жимсийг нь үзэхийн тулд Их Эзэнд тавих таны итгэл найдвар нь хувийн мэдрэмж, туршлага дээр тулгуурласан өөртөө итгэх итгэлээс тань илүү хүчтэй, илүү удаан үргэлжилдэг байх ёстой.

Их Эзэн танд юу хийж байгаагаа мэддэг ба та яаж гэдгийг нь ойлгохгүй байсан ч Тэр мөнхийн сайн сайхны тань төлөө үүнийг гүйцэтгэж чадна гэдэгт найдах нь итгэлийг хөгжүүлдэг. (“Trust in the Lord,” Ensign, 1995 оны 11-р сар, 17)

Их Эзэнд итгэхэд надад юу тусалж болох вэ?

Залуу эмэгтэйчүүдийн ерөнхий ерөнхийлөгч асан Бонни Х.Кордон эгч ийн заасан:

11:47

Есүс Христ ертөнцийг ялсан. Түүний ачаар, Түүний хязгааргүй Цагаатгалын ачаар бид бүгдээрээ бүх зүйл сайхан болно гэдгийг мэддэг учраас итгэж найдах агуу том шалтгаантай.

… Бидний хүн нэг [бүр] Их Эзэнд итгэж, хазайхгүй байж чадна. Бид Аврагчийг таньж мэдсэнээр Түүн дээр амьдралаа төвлөрүүлж чадах бөгөөд Тэр бидний замыг шулуун болгох болно. (“Эзэнд итгэ, бүү хазай,” Ерөнхий чуулган, 2017 оны 4-р сар, 124-126)

Хэрэв би Их Эзэнд найдсан ч адислалуудыг нь олж харахгүй байвал яах вэ?

Арван хоёрын чуулгын ерөнхийлөгч Жэффри Р.Холланд ийн тайлбарласан:

Зарим адислал удалгүй ирдэг, зарим нь оройтож ирдэг, зарим нь тэнгэрт очих хүртэл ирдэггүй хэдий ч Есүс Христийн сайн мэдээг хүлээн авсан хүмүүсийн хувьд бол заавал ирнэ. Үүнийг би хувьдаа баталж байна. (“An High Priest of Good Things to Come,” Ensign, 1999 оны 11-р сар , 38)

Тэргүүн зөвлөлийн ерөнхийлөгч Даллин Х.Өүкс ийн хуваалцжээ:

Мөн өсвөр насандаа хорт хавдраар нас барсан өөр нэг сор болсон охины эцгийн хэлсэн үгэнд би тийм найдварыг мэдэрч билээ. Тэрээр “манай гэр бүлийн итгэл Есүс Христэд төвлөрдөг бөгөөд энэ нь бидний итгэлийн үр дүнгээс хамааралгүй юм” гэж хэлсэн. Түүний энэ үг миний хувьд үнэн юм. (“Өвчтөнийг эдгээх,” Ерөнхий чуулган, 2010 оны 4-р сар, 55-59)

Нэмэлт суралцах үйл ажиллагаа

Хичээлийг эхлүүлэх өөр хувилбар

Хичээлээ эхлэх өөр нэг арга зам болгож сайн дураараа оролцох нэг хүний нүдийг боож болно. Даалгавраа арай хэцүү болгохын тулд тухайн суралцагчийг нэг юм уу хоёр удаа эргүүлэх талаар бодож үз. Та бас тэдний өрөөгөөр явах чадварт саад болох хэд хэдэн ширээ юм уу сандлыг замд нь байрлуулж болно. Дараа нь тэр суралцагчаас ангийн нөгөө тал руу алхахыг хүс. Суралцагчийн аюулгүй байдлыг хангахад анхаар. Хэд хэдэн удаа оролдсоны дараа уг суралцагчаас өрөөний нөгөө талд гарахад нь тусална гэж итгэж буй хэн нэгнийг сонгохыг хүсэж болно.

Дараа нь та суралцагчаас яагаад тухайн суралцагчийг сонгосон тухай асуу. Тэгээд хичээл дээр тайлбарласны дагуу суралцагчид ямархуу зан чанартай хүнд итгэж найдах талаар ярилцаж болно.

Дүрс зураг ашиглах

Та Сургаалт үгс 3:5–6 дээрх үг хэллэгүүдийг илүү сайн ойлгоход нь суралцагчдадаа тусалж болно. Хэрэв тэд тас харанхуйд байсан бол тэдэнд ямар санагдах тухай тунгаан бодоход тэднийг урих талаар бодож үз. Дараа нь Арван хоёр төлөөлөгчийн чуулгын ерөнхийлөгч Бойд К.Пакэрын (1924–2015) хэлсэн дараах мэдэгдлийг хуваалц. Ерөнхийлөгч Пакэрын ашигласан дүрслэлийг дүрслэн зурахад суралцагчдыг урь.

Сүнсний мэдлэгийн төлөөх эрэл хайгуулд чинь хаа нэгтээ, философичдын нэрлэснээр ‘итгэлийн нахиа’ байж л байгаа. Энэ бол та гэрлийн ирмэг дээр хүрч очоод ганц хоёрхон алхмын цаадах зам тань гэрэлтэй гэдэгт бат итгэн, харанхуй руу алхан орох агшин юм. (“The Candle of the Lord,” Ensign, 1983 оны 1-р сар, 54).

Дараа нь та суралцагчдаас дараах асуултыг асууж болно:

Энэ дүрс зураг Сургаалт үгс 3:5-ыг ойлгоход тань хэрхэн туслах вэ?
Та хэзээ ерөнхийлөгч Пакэрын дүрсэлсэн шиг Их Эзэнд итгэж байсан бэ?

Сургаалт үгс 3:6. “Түүнийг мэдэхэд зам бүхэн чинь байг Тэрээр зам харгуйг чинь шулуутгана”

Суралцагчдад Сургаалт үгс 3:6-г гүнзгийрүүлэн судлах нь тустай байж болно. Хэрэв тийм бол суралцагчдад цаас өгөх талаар бодож үз. Тэднээс цаасаа дундуур нь нугалахыг хүс. Тэд нэг баганын дээд талд Түүнийг мэдэх , нөгөө баганын дээд талд Тэрээр зам харгуйг чинь шулуутгана гэж бичиж болно. Дараагийн хэдэн өдрийн турш тэмдэглэл хөтлөхөд суралцагчдыг урь. Амьдралдаа Их Эзэнийг мэддэг арга замууд болон Түүний тэдний замыг удирддаг арга замуудыг бичихийг тэднээс хүснэ үү. Суралцагчид дараа нь туршлагаасаа ангид хуваалцаж болно.

Хөгжмийн видео

Их Эзэнд итгэх нь чухал гэдгийг мэдрэхэд нь суралцагчдадаа туслахын тулд “Trust in the Lord: Music Video” (4:11) зэрэг видео бичлэгийг үзүүлэх талаар бодож үзээрэй. Хэрэв боломжтой бол суралцагчдад дууны үгийг өгөх талаар бодож үзээрэй. Тэднийг Их Эзэнд итгэх хүсэлд нь туслах үг хэллэгийг олоход урь.

4:11