Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Сургаалт үгс удиртгал: “Эзэн мэргэн ухаан өгдөг”

“Сургаалт үгс удиртгал: ‘Эзэн мэргэн ухаан өгдөг,’” Хуучин Гэрээний семинарын багшийн гарын авлага (2026)

“Сургаалт үгс удиртгал: ‘Эзэн мэргэн ухаан өгдөг,’” Хуучин Гэрээний семинарын багшийн гарын авлага

Сургаалт үгс 1–4; 15–16; 22; 31; Номлогчийн үгс 1–3; 11–12: 109-р хичээл

Сургаалт үгс удиртгал

“Эзэн мэргэн ухаан өгдөг”

Jesus Christ depicted as a young boy in the carpenter shop of Joseph. Joseph is standing behind the young Christ. Christ is reading the scriptures from a scroll resting on a table. There are wood shavings on the table.

Итгэл хүлээсэн хайртай хүмүүсийн тань өгсөн ухаалаг зөвлөгөө таны амьдралыг хэрхэн адисалсан бэ? Сургаалт үгс номыг судлахыг халамжит найз, гэр бүлийн гишүүн, Их Эзэнээс мэргэн ухааныг эрэлхийлэхтэй зүйрлэж болно. Түүний мэргэн ухааныг амьдралдаа хэрэгжүүлэх нь биднийг гэрээний давчуу бөгөөд нарийн зам дээр байлгаж чадна. Энэ хичээл нь Их Эзэний замыг дагахад туслах үнэнийг тодорхойлоход суралцагчдад тусална.

Суралцагчийн бэлтгэл: Эцэг эх, удирдагч, найз нөхдөөсөө хүлээн авсан үнэтэй зөвлөгөө эсвэл тустай зөвлөмжийг сонгоход суралцагчдыг урь. Тухайн зөвлөгөө болон энэ нь тэдний амьдралыг хэрхэн адисалсан талаар хуваалцахад бэлтгэхэд суралцагчдыг урь.

Боломжит суралцах үйл ажиллагаа

Итгэмжит зөвлөмж

Суралцагчдад жижиг цаас өгч, хичээлийг эхлүүлэх талаар бодож үз. Хүлээн авсан үнэ цэнтэй зөвлөмж эсвэл зөвлөгөөгөө үүн дээр бичихэд тэднийг урьж болно. Та цааснуудыг цуглуулж авсны дараа цөөн хэдэн хариултыг уншиж болно. Хариулт бичсэн суралцагчийг тус зөвлөмж түүнд хэрхэн тусалсан талаар хуваалцахад урь. Суралцагчид үлдсэн цааснуудыг анги дотроо дамжуулж, ангийнхныхаа зөвлөмжийг уншиж болно. Дараа нь дараах асуултын дагуу ярилцахад суралцагчдыг урь.

Яагаад хэн нэгний зөвлөмж танд чухал байдаг вэ?
Хэний зөвлөмжид итгэж болохыг та хэрхэн тодорхойлох вэ?

Суралцагчдыг хариултаа хуваалцсаны дараа та тэднийг дараагийн асуултуудын талаар залбирч тунгаан бодоход урьж болно.
Та бусдын мэргэн зөвлөгөөг хэр олон удаа дагасан бэ?
Та Их Эзэний зөвлөгөөг хэр олон удаа эрэлхийлж, дагасан бэ?

Сургаалт үгсийн мэргэн ухаан

Сургаалт үгс ном бол израилчуудад зориулан шүлэглэн бичсэн мэргэн ухааны цуглуулга юм. Сургаалт үгс дэх зарим шүлгүүдийг Соломон хаан бичсэн ( Сургаалт үгс 1:1; 10:1; 25:1; 1 Хаад 4:32-ыг үзнэ үү), харин бусад зохиогчид нь тодорхойгүй байдаг. Сургаалт үгсийг судлах явцдаа Их Эзэн таныг амьдралдаа хэрэгжүүлэхийг хүсэж буй чиглэлийг тодорхойлох үед Ариун Сүнс хэрхэн үнэнийг гэрчилж буйг анзаарна уу.

Та Сургаалт үгс (Иов, Номлогчийн үгс) уншигчдын хувьд амаргүй байж болох еврейн шүлгийн үндсийг ашигладаг гэдгийг суралцагчдад сануулж болно. Шаардлагатай тохиолдолд ихэнх Сургаалт үгс гүн гүнзгий сүнслэг утгатай байдаг ч зарим нь зүгээр л ертөнцийн зөвлөмж гэдгийг хэлнэ үү.

Сургаалт үгс 1:1–7-г уншаад, сургаалт үгсийн зарим зорилгыг олж мэднэ үү.

Суралцагчдыг сурсан зүйлсийнхээ талаар ярихад урь. Хэрвээ ашиг тустай гэж үзвэл мэргэн ухааныг өнөөдөр судлах нь яагаад чухал талаар асууж болно.

“Эзэнээс эмээх” (7-р шүлэг) гэдэг нь Түүнд бишрэл хүндэтгэлтэй хандаж, хүндлэхийг хэлж байгааг тайлбарлаж болно. Суралцагчид энэ тайлбарыг судар дээрээ бичиж тэмдэглэхийг хүсэж болно.

Их Эзэнд бишрэл хүндэтгэлтэй хандах эсвэл хүндлэх нь яагаад “мэдлэгийн эхлэл” байж болно гэж та бодож байна? (7-р шүлэг).

Сургаалт үгс 2:6–9-ийг уншиж, жинхэнэ мэргэн ухааны эх сурвалжийг олж мэд. (Тайлбар: бамбай бол авсаархан хаалт юм.) Эдгээр шүлгийг Мозая 4:9-тэй холбох эсвэл солбицсон эшлэл хийх талаар бодож үз.

Та сурсан зүйлээ хэрхэн үнэний мэдэгдэл болгон нэгтгэн дүгнэх вэ?

Суралцагчдад Их Эзэн бидэнд Түүний замыг дагахад туслах мэргэн ухаан өгдөг гэх мэт үнэнийг тодорхойлоход тусал. Та үүнийг самбар дээр бичих үедээ суралцагчдыг энэ үнэнийг тэмдэглэл, судар эсвэл судлах тэмдэглэлдээ бичихэд урьж болно. Суралцагчид Их Эзэний мэргэн ухаан тэдэнд тусалсан үеийн жишээнүүдийг хуваалцаж болно. Тэд Их Эзэний мэргэн ухаан дэлхийн мэргэн ухаанаас ямар ялгаатай байж болох талаар ярилцаж болно. Суралцагчид аравны нэгээ төлөх нь Их Эзэний адислал руу хөтөлдөг (Малахи 3:10) эсвэл Аврагчийн эрүүл мэндийн хуулийг дагах нь бидэнд бие махбодын болон сүнслэг адислалуудыг авчирдаг (Сургаал ба Гэрээнүүд 89:18–21) зэрэг зүйлсийг дурдаж болно.
Их Эзэний мэргэн зөвлөгөөг дагах нь Түүний замаар явахад танд хэрхэн тусалсан бэ?
Аврагч өөр эх сурвалжаас бус харин Эцэгээсээ мэргэн ухааныг эрэлхийлж байсан үеийн ямар жишээ байдаг вэ?

Их Эзэний мэргэн ухаан Түүний үлгэр жишээг дагахад бидэнд тусалж чадна.

Аврагчийг дагаж, тэднийг Түүнтэй илүү адил болоход хөтөлдөг үнэнүүдийг заахад суралцагчдад туслаарай. Үүний тулд Сургаалт үгсийн зарим эсвэл дараах бүх эшлэлийг дурдаж болно. Та сонгосон эшлэлүүдээ цаасан дээр бичиж болно. Та суралцагч бүрд нэг цаас өгч болно. Тэднийг эшлэлүүдээ уншихыг уриад, доорх хоёр алхмыг хийнэ үү. Дараа нь суралцагчид цаасаа өөр суралцагчид өгөөд, тус хоёр алхмыг давтан хийж болно. Суралцагчид хэдэн шүлэг судлах хүртэл ээлжлэн давтана уу.

Тайлбар: 110-р хичээл: “Сургаалт үгс 3” нь тэрхүү бүлэгт буй үнэнийг голлон авч үзнэ.

Сургаалт үгсээс нэг юм уу түүнээс дээш шүлгүүдийг судалж, дараах зүйлүүдийг хийнэ үү:

Сурсан зүйлүүдээ үнэний мэдэгдэл болгон бич.
Энэ мэргэн ухаан хэн нэгэнд Есүс Христийн үлгэр жишээг дагахад эсвэл Түүнтэй илүү адил болоход хэрхэн тусалж болох тухай товч тайлбар бич.

Сургаалт үгс 1:8

Сургаалт үгс 4:14-15

Сургаалт үгс 4:26

Сургаалт үгс 6:23

Сургаалт үгс 11:17

Сургаалт үгс 15:1

Сургаалт үгс 16:16

Сургаалт үгс 16:18-19

Сургаалт үгс 17:22

Сургаалт үгс 23:17

Сургаалт үгс 28:13

Сургаалт үгс 29:18

Сургаалт үгс 30:5

Дараах үйл ажиллагаа нь Сургаалт үгсийг судлаад сурсан зүйлээ тайлбарлахад суралцагчдад тусална. Суралцагчид энэ үйл ажиллагааг тус тусдаа хийж болно эсвэл та тэднийг бүлгүүдэд зохион байгуулж болно. Та зурагт хуудас хийх цаас, бусад хэрэгслээр хангаж болно эсвэл суралцагчид гар утсаараа ямар нэгэн зүйл хийж болно. Суралцагчдад туслахын тулд дараах зааврыг үзүүлнэ үү.

2026 Old Testament Seminary Teacher Materials

Өсвөр насны хүүхдүүдийг Аврагчтай илүү адил болоход нь туслахын тулд Сургаалт үгсийн аль нэг шүлгийг ашиглан үзүүлэн бүтээхийг танаас хүссэн гэж төсөөл. Сургаалт үг сонгож, Өсвөр үеийнхний бат бөх байдлын төлөө сэтгүүл дээрх шиг зурагт хуудас хийгээрэй. Таны үзүүлэн дараах зүйлийг агуулж болно:

Энгийн нэг зураг эсвэл өсвөр насны хүүхдийн анхаарлыг татаж болох ямар нэг бүтээлч зүйл,
Сургаалт үгсийн эшлэл ба түүний сургадаг үнэн,
Сонгон авсан сургаалт үгсийн шүлэг нь өсвөр насны хүүхдэд Аврагчийн үлгэр жишээг дагахад эсвэл Түүнтэй илүү адилхан болоход хэрхэн туслах боломжтой тухай тайлбарлана уу.

Сургаалт үгсээс мэргэн ухаан хуваалц

Суралцагчдад өөрсдийн үзүүлэнг хуваалцах эсвэл үзүүлэх боломж олгоорой. Хэрэв суралцагчид энэ үйл ажиллагааг бүлгээрээ гүйцэтгэсэн бол тэд ангийнхандаа үзүүлэнг үзүүлэх хэн нэгнийг сонгож болно. Та зурагт хуудаснуудыг ангийн эргэн тойронд байрлуулж, суралцагчид ангийнхныхаа бүтээлийг үзэж болно. Хичээлээ дуусгахын тулд та дараах асуултуудын талаар ярилцах эсвэл судлах тэмдэглэлдээ хариулж бичихэд суралцагчдыг урьж болно.

Түр зогсоод, өнөөдөр хичээлийн туршид төрсөн байж болох сэтгэгдлийнхээ талаар эргэцүүлэн бод. Тэгээд судлах тэмдэглэлдээ дараах асуултуудад хариул:

Өнөөдөр таны судалсан үнэн Их Эзэнийг дагах хүсэлд тань хэрхэн нөлөөлсөн бэ?
Аврагчтай илүү адилхан болохын тулд юу хийх хэрэгтэй гэж та бодсон бэ?

Нэмэлт эх сурвалжууд

Би мэргэн ухааныг хаанаас олох вэ?

Арван хоёр төлөөлөгчийн чуулгын ахлагч Дэвид А.Бэднар ийн сургасан:

Та амьдралдаа хэрэгтэй мэргэн ухааныг олж авах урам зоригийг эрэлхийлэх үедээ би таныг Аврагчид хандаасай хэмээн урьж байна. Христэд ирэх гайхалтай арга замуудын нэг бол Мормоны Номыг эхнээс нь дуустал уншиж, түүнд дүрслэгдсэн Есүс Христийн онцлог зан чанар, шинжүүдийг тодорхойлох юм. Хэрэв та нар үүнийг үнэн хүсэлтэйгээр, чин сэтгэлээсээ хийвэл Түүний дуу хоолойг сонсох боломжтой болно. Та нар Түүнийг маш гайхалтай арга замаар таньж мэдэж болно. (“Receiving Revelation—Recent Messages from Prophets, Apostles, and Other Church Leaders” [зөвхөн цахим-өгүүлэл], Лиахона, 2023 оны 6-р сар, Gospel Library)

Хүний мэргэн ухаанд найдах нь яагаад аюултай вэ?

Ерөнхийлөгч Рассэлл М.Нэлсон ийн тайлбарласан:

5:49

Дэлхийн нөлөө, дарамт шахалт тоймгүй их бас сэтгэл татам байдаг ч дэндүү олон янзын нөлөө нь биднийг төөрөлдүүлж, толгойг маань эргүүлэн, гэрээний замаас биднийг холдуулж чадна. Үүнээс болж зайлшгүй тохиох цөхрөл гунигаас зайлсхийхийн тулд би өнөөдөр та бүхнээс амьдралдаа өдөр бүр Их Эзэнд зориулан цаг гаргаж, дэлхийн уруу таталтыг сөрөн зогсоосой хэмээн хүсэж байна.

Хэрэв та нар олон нийтийн болон бусад сүлжээгээр ихэнх мэдээллээ олж авдаг бол Сүнсний шивнээг сонсох чадвар тань буурах болно. Түүнчлэн та нар өдөр бүр залбирч, сайн мэдээнээс суралцах замаар Их Эзэнийг эрэлхийлэхгүй байгаа бол сонирхол төрүүлэх боловч үнэн биш гүн ухаанд өөрийгөө өртөхөөр болгож буй хэрэг юм. (“Их Эзэнд зориулан цаг гарга,” Лиахона, 2021 оны 11-р сар, 120-121)

Мэдлэг ба мэргэн ухаан хоёрын ялгаа юу вэ?

Ерөнхийлөгч Дэвид О.Маккэй (1873–1970) ийн тайлбарласан:

Мэдлэг олох нь нэг хэрэг, гэхдээ [үүнийг] хэрэгжүүлэх нь өөр нэг хэрэг. Мэргэн ухаан бол мэдлэгийн зөв хэрэглээ юм. (Ерөнхий чуулганы мэдээлэл, 1968 оны 4-р сар, 93)

Нэмэлт суралцах үйл ажиллагаа

Сургаалт Үгс 4:14-15. “Буруутын жимээс” зайлсхий

Их Эзэн төлөөлөгч Паулаар дамжуулан уруу таталт бүрийн хувьд зугтаах гарцыг бэлтгэсэн гэдгийг зааж өгсөн (1 Коринт 10:13-ыг үзнэ үү). Сургаалт үгсээс бид уруу таталтаас зайлсхийх Их Эзэний арга зам бол эхлээд үүнээс зайлсхийх гэдгийг сурдаг. Суралцагчдыг Сургаалт үгс 4:14–15-ыг уншихад урина уу. Тэднээс энэ хэсэг хариулт нь болж болох хувилбар бий болгохыг хүсээрэй. Суралцагчид жижиг бүлгээрээ хувилбар үүсгэж болно. Дараа нь тэд өөр бүлэгтэй хувилбараа сольж, уруу таталтыг эсэргүүцэх гэж оролдохоос илүү зайлсхийх нь хэрхэн илүү дээр болохыг ярилцаж болно. Суралцагчид нүгэл үйлдэхэд уруу татагдаж болох нөхцөл байдлаас зайлсхийх хэд хэдэн стратеги санал болгож болно.

Мөн та суралцагчдын ойлголтыг гүнзгийрүүлэхийн тулд “Avoid It” видео бичлэгийн 0:00–2:59 хүртэлх хэсгийг үзүүлж болно. Далын ахлагч Линн Ж.Роббинс Сургаалт үгс 4:14–15-ын мэргэн ухааныг харуулахын тулд шоколадтай жигнэмгээс татгалзах зүйрлэл хэрэглэжээ.

Өсвөр насны хүүхдийн амьдралыг адислах Сургаалт үгс

Та Сургаалт үгсийн мэргэн ухаан өсвөр насны хүүхдэд хэрхэн туслах боломжтойг ойлгоход нь суралцагчдад тусалж болох юм. Нэг арга нь оноолт үүсгэх юм. Сургаалт үгсээс 16 эшлэлийг сонгоод, гадна шугамд бичүүлнэ үү. Суралцагчдыг 8 бүлэгт хуваан зохион байгуулаарай. Бүлэг бүрийг Сургаалт үгсийн хоёр эшлэлийг уншиж, дараах асуултад хариулахад урь:

Таны бодлоор яг одоо таны амьдралд ямар сургаалт үг хамгийн их утга учиртай вэ?
Энэ сургаалт үгс та бүхэнд хэрхэн Аврагчийн үлгэр жишээг дагахад эсвэл Түүнтэй илүү адилхан болоход тусалж болох вэ?

Ярилцсаны дараа хамтрагчид энэ хоёр асуултад хамгийн сайн хариулах нэг шүлгийг сонгох боломжтой. Тэдний сонгосон шүлгийг дараагийн шатанд шилжүүлнэ. Суралцагчдыг дөрвөн бүлэг болгон нэгтгэж, үйл ажиллагааг давтан хийж, шүлгүүдийг уншаад, ямар сургаалт үгийг дараагийн шатанд шилжүүлэх талаар ярилцуулна уу. Сургаалт үгсийн үлдсэн нэг шүлгийг дуустал үргэлжлүүл. Сүүлийн сургаалт үгийг сонгосны дараа суралцагчид энэ үнэн тэдэнд болон тэдний мэдэх хэн нэгэнд Аврагчийг дагахад хэрхэн тусалсныг харсан талаар хуваалцаж болно.

Мэргэн ухааны тухай сургаал

Суралцагчид мэргэн ухааныг ойлгоход бидэнд туслах судруудыг давтах нь ашиг тустай байж болно. Хэрэв тийм бол та суралцагчдыг оюуны зураглал хийхэд урьж болно. Та самбарын голд Мэргэн ухаан гэдэг үгийг бичиж, энэ үйл ажиллагааг загварчилж болно. Суралцагчдыг мэргэн ухааны тухай Их Эзэний сургаалыг илүү сайн ойлгоход нь хэн нэгэнд туслах судруудыг олохын тулд судраас суралцах хэрэгслээ ашиглахад урина уу. Хэрэв суралцагчдад нэмэлт удирдамж хэрэгтэй бол та Лук 2:52; Иаков 1:5; Moзая 4:9; Алма 37:35; Сургаал ба Гэрээ 10:43-ыг жагсааж бич. Та суралцагчдыг самбарын өмнө гарч ирээд, судраас мэргэн ухааны талаар сурсан зүйлсээ зураглал дээр нэмэхэд урьж болно.