Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Номлогчийн үгс: “Бүх үйлсийг Бурхан шүүлтэд аваачих болно”

“Номлогчийн үгс: ‘Бүх үйлсийг Бурхан шүүлтэд аваачих болно’”, Хуучин Гэрээний семинарын багшийн гарын авлага (2026)

“Номлогчийн үгс: ‘Бүх үйлсийг Бурхан шүүлтэд аваачих болно’, ” Хуучин Гэрээний семинарын багшийн гарын авлага

Сургаалт үгс 1–4; 15–16; 22; 31; Номлогчийн үгс 1–3; 11–12: 111-р хичээл

Номлогчийн үгс

“Бүх үйлсийг Бурхан шүүлтэд аваачих болно”

A thoughtful young woman sitting at a kitchen table.

Зарим үед бид амьдралаа мөнхийн талаас нь авч үзэхээ мартан, энэ амьдралд болж буй зүйлс дээр анхаарлаа төвлөрүүлэх нь амархан байж болно. Номлогчийн үгсэд Номлогч бидэнд энэ ертөнцийн зүйлс түр зуурынх гэдгийг сануулдаг. Бурхан Өөрийн бүх хүүхдийг шүүх цаг үед бэлтгэлтэй байхыг тэрээр бидэнд зөвлөсөн. Энэ хичээл нь Эцсийн шүүлт дээр Бурхантай уулзахад анхаарлаа төвлөрүүлэх нь хэрхэн ухаалаг сонголт хийхэд туслах талаар ойлгоход суралцагчдад тусална.

Суралцагчийн бэлтгэл: Өсвөр насандаа гаргасан шийдвэрийнхээ урт хугацааны нөлөөг хэрхэн харсан талаар эцэг эх эсвэл итгэл хүлээсэн удирдагчтайгаа ярилцахад суралцагчдыг уриарай.

Боломжит суралцах үйл ажиллагаа

Шийдвэр гаргах

Мөнхийн талаас нь авч үзэх нь шийдвэр гаргахад хэрхэн нөлөөлдгийг ойлгоход нь суралцагчдад туслах замаар хичээлээ эхлэх талаар бодож үз. Ингэхийн тулд дараах зүйлийг самбар дээр бичиж болно. Залуу байхдаа гаргасан эдгээр шийдвэр бүр тэдний ирээдүйд хэрхэн нөлөөлж болох талаар ярилцахад суралцагчдыг урь.

Би бие махбоддоо хэрхэн хандах вэ
Би чөлөөт цагаа хэрхэн өнгөрүүлдэг вэ
Би хүмүүст хэрхэн ханддаг вэ

Дараа нь дараах мэдэгдлийг хуваалцаад, дээрх шийдвэрүүд болон ерөнхийлөгч Нэлсоний заасан зүйлийн холбоо хамаарлыг тодорхойлоход суралцагчдыг урь.

Ерөнхийлөгч Рассэлл М.Нэлсон бидний сонголтын талаар дараах зүйлийг заасан.

Та нарын одоо сонгох зөв шударга сонголт бүр мөнх бус амьдралд ихээхэн ашиг тус авчрах болно. Түүнчлэн мөнх бус амьдралдаа хийсэн зөв шударга сонголт бүр төсөөлшгүй мөнхийн ашиг тусыг өгөх болно. …

Дайсан чамайг маргаашийн тухай, тэр дундаа мөнх амьдралын талаар бодуулахыг хүсдэггүй нь мэдээж. (“Мөнхийн ач холбогдолтой сонголтууд” [Залуучуудад зориулсан дэлхий даяарх онцгой цугларалт, 2022 оны 5-р сарын 15], Gospel Library)

Сонголтоо мөнхийн талаас нь авч үзэхгүй байх нь бидэнд хэрхэн нөлөөлж болох вэ?

Танд одоо тулгарч байгаа “төсөөлшгүй мөнхийн ашиг тусыг өгөх” шийдвэрүүдийг бичнэ үү.”

Энэ нь ямар шийдвэрүүдийг бичиж болох талаар зарим санаа өгөхөд суралцагчдад тусалж болно:

Тодорхой бүлэг найзуудтайгаа цагийг үргэлжлүүлэн өнгөрөөх эсэх.
Тэд санаанд нь орсон нүглээ наманчилдаг эсэх.
Хүндэтгэлийн өдөр тэдний хийхээр сонгодог зүйлс.

Энэ шийдвэрийг гаргах үедээ Тэнгэрлэг Эцэг яагаад ирээдүйн талаар бодоосой гэж хүсдэг талаар тунгаан бодно уу. Хэрэв тэгэхгүй бол юу тохиолдож болох вэ?

Та өнөөдөр Номлогчийн үгсийг судлахдаа үнэнийг ойлгож, энэ шийдвэрт тань тусалж чадах хувийн илчлэлтийг Их Эзэнээс хүлээн авахыг эрэлхийл.

Материаллаг зүйлс дээр анхаарлаа төвлөрүүлэх нь

“Номлогчийн үгс” номд зохиогч өөрийгөө “Номлогч” (Номлогчийн үгс 1:1) хэмээн нэрлэжээ. Номлогч өөрсдийн амьдралыг материаллаг зүйлс дээр төвлөрүүлэхийн хоосролыг Бурхантай уулзахаар бэлтгэхийн ач холбогдолтой харьцуулан харуулсан.

Жижиг бүлгүүд үүсгээд, бүлэг бүрийг доорх шүлгүүдийн нэгийг уншихад урих талаар бодож үзнэ үү. Үүнийг ойлгоход нь суралцагчдад туслахын тулд та дараах шүлгүүдийг үзүүлж болно. Унших үедээ дараах үг, хэллэгүүдийг өөрсдийн тодорхойлолтоор орлуулахад суралцагчдыг урина уу:

“Хоосон” гэдэг нь хоосон эсвэл түр зуурын гэсэн утгатай.
“Тэнгэрийн дор” эсвэл “наран доор” гэдэг нь энэ мөнх бус амьдралд гэсэн утгатай.
“Салхи хөөцөлдсөн” гэдэг нь сэтгэлээр унах гэсэн утгатай.

Зарим хүмүүсийн аз жаргалтай, сэтгэл ханамжтай болгоно гэж бодсон зарим зүйлийг хийснээр Номлогч юу олж мэдсэнийг эрж, дараах эшлэлүүдийг уншина уу:

Дэлхийн мэргэн ухаан. Номлогчийн үгс 1:13–18
Зуурдын зугаа цэнгэл, эд хөрөнгө. Номлогчийн үгс 2:1, 4–11

Ертөнцийн мэргэн ухаан болон эд хөрөнгө заавал муу эсвэл буруу биш гэдгийг та тодруулж болох юм. Гэхдээ энэ бүхнийг, ялангуяа Бурханд таалагдахаас илүү эдгээрийг гол зорилгоо болгох юм бол сүнслэг байдлын хувьд аюулд орно. Дараах асуултыг ярилцахад бүлгүүдийг урь. Дараа нь бүлгийн нэг гишүүн бүлгийн бодол санаануудыг ангийнхантайгаа хуваалцаж болно.

Иймэрхүү зүйлийн хойноос хөөцөлдөх нь эцэстээ биднийг ямар байдлаар хоосолж эсвэл сэтгэлээр унагааж болох вэ?

Эцэст нь Бурхантай уулзсан маань

Номлогч түр зуурын мэдлэг, эд хөрөнгийг эрэлхийлснийхээ дараа сурч мэдсэн зүйлсээрээ номоо дуусгадаг. Номлогчийн үгс 12:7, 13–14-ийг уншаад, тэр мөнхийн талаас юмсыг харахад бидэнд туслах юуг заасныг олж мэднэ үү.

Энэ үзэл маш чухал учраас Бурхан Өөрийн олон үйлчлэгчид энэ тухай заахад сүнслэгээр нөлөөлсөн. Номлогчийн үгс 12:7, 13–14-ийг Алма 34:32 болон Мормон 3:20, 22-той солбицсон эшлэл хийж эсвэл холбож болно. Эдгээр шүлгийг уншаад Амюлек, Мормон хоёр үүнтэй адил захиасыг хэрхэн заасныг олж мэдээрэй.

Та эдгээр шүлгийн зааж буй сургамжийг хэрхэн нэгтгэн үнэний мэдэгдэл болгож болох вэ?

Суралцагчдад дараахтай адил үнэнийг олж тогтооход тусал: Энэ амьдрал дахь бидний сонголтууд эцсийн шүүлт дээр Бурханы өмнө зогсоход хэр бэлтгэгдсэн байгааг тодорхойлно. Суралцагчдыг дараагийн асуултад хариулахаас өмнө та тэднийг нүдээ аниад, энэ амьдралын дараа Бурхантай уулзаж байгаагаар төсөөлөн бодоход урьж болно. Түүний тухай, Түүний зан чанаруудын талаар мэддэг зүйлсээ бодож үзэхэд тэднийг урамшуулан дэмж.
Бурханы ямар онцлог чанар Түүнийг бидний Шүүгч байх чадвартай болгодог вэ?

Та дараах судар болон асуултыг хуваалцаж, эцсийн шүүлтэд бэлтгэхэд бидэнд туслах Есүс Христийн үүргийн талаар суралцагчдад сануулж болно.

3 Нифай 27:16, 19-ийг уншаад, бид эцсийн шүүлт дээр Есүс Христтэй уулзахад хэрхэн бэлтгэж болохыг олж мэдээрэй.

Бид Есүс Христгүйгээр эцсийн шүүлтэд бэлтгэж чадахгүй гэдгийг ойлгох нь яагаад чухал вэ?

Бидний селестиел зорилго

Бидний сонголт биднийг мөнхөд бэлтгэж байгааг мэдэх нь бидний өдөр тутам гаргадаг шийдвэрт хэрхэн нөлөөлж болохыг ойлгоход суралцагчдад тусал. Үүнийг хийх нэг арга зам бол дараах мэдэгдэлд ерөнхийлөгч Нэлсоний заасан зүйлийг суралцагчдад дадлага хийх боломж олгох юм.

Ерөнхийлөгч Рассэлл М.Нэлсон “төгсгөлийг бодож” эхлэхийн ач холбогдлыг гэрчилсэн юм:

19:15

Сүмийн ерөнхийлөгчийн хувьд хэлсэн анхны үгэндээ би та нарыг төгсгөлийг нь харж эхлүүлэхэд уриалсан. Энэ селестиел хаант улсыг мөнхийн зорилгоо болгож, дараа нь энэ дэлхий дээр байхдаа хийх сонголт бүр тань таныг дараагийн амьдралд хаана аваачих талаар нухацтай бодохыг хэлж байгаа юм. (“Селестиел ухаанаар бодогтун!,” Лиахона, 2023 оны 11-р сар, 117-120)

Есүс Христийн сургаал, үлгэр жишээ нь Тэр шийдвэрээ “төгсгөлийг бодож” гаргадаг байсныг хэрхэн харуулж байна вэ?

Суралцагчид ерөнхийлөгч Нэлсоний заасан зүйлийг хэрэгжүүлэх дадлага хийнэ гэдгийг тайлбарла. Тэднийг эхлэхээс өмнө та тэднээс дараагийн амьдралд нөлөөлөх шийдвэрүүдийн талаар бодохыг хүсэж болно. Эдгээр шийдвэрийг хичээлийн эхэнд самбар дээр бичсэн шийдвэрүүдийн жагсаалтад нэмж оруулаарай.

Дараа нь суралцагчид дараах асуултыг жижиг бүлгээр ярилцаж болно.

Самбар дээрх шийдвэрүүдийн нэгийг сонгоод дараах асуултуудад хариул:

Өсвөр насны хүүхэд Бурхантай уулзахад нь нөлөөлөх бэлтгэлээ хангахдаа энэ талаар ямар шийдвэр гаргаж болох вэ?
Та энэ талаар шийдвэр гаргахад нь өсвөр насны хүүхдүүдэд тусалж болох юуг Есүс Христийн сайн мэдээнээс мэдэж авсан бэ?

Ангийнхантайгаа ойлголтоо хуваалцахад бүлгүүдийг урь. Та хуваалцаж буй зүйлээ дэмждэг Сүмийн удирдагчдын хэлсэн үгсийг олж, хуваалцахад суралцагчдыг урамшуулан дэмжиж болно.

Дүгнэлт

Суралцагчдыг дараах үйл ажиллагааг хийж дуусгахаас өмнө та тэдэнд хичээлийн эхэнд бичсэн шийдвэрийнх нь талаар сануулж болно.

Эцсийн шүүлт дээр Бурханы өмнө зогсоод, “Сайн байна, итгэмжит сайн зарц минь” (Maтай 25:23) хэмээн Түүний хэлэхийг сонсож байна гээд төсөөл дөө.

Одоо та нар Бурханы өмнө зогсоод одоогийн өөртөө хандан зурвас илгээх боломжтой байна гэж төсөөл. Эцсийн шүүлтэд бэлтгэхэд тань туслах яг одоо өөртөө өгөх зөвлөгөөгөө бич. Та өнөөдөр сурч мэдсэн болон мэдэрсэн зүйлсээ дараах байдлаар оруулж болно:

Залуу насандаа хийсэн сонголтууд Бурхантай уулзах бэлтгэлд тань хэрхэн нөлөөлдөг вэ?
Одоо тулгараад байгаа шийдвэрийнхээ талаар та өөртөө ямар өөрчлөлт хийхийг урамшуулах вэ?

Бурханы өмнө шүүгдэх өдөр шийдвэр гаргахын ач холбогдлын талаар гэрчлэх талаар бодож үзнэ үү.

Нэмэлт эх сурвалжууд

Номлогчийн Үгс 1:2-3. Хэрэв энэ амьдралын ихэнх зүйл түр зуурынх юм бол чухам юу нь чухал вэ?

Ерөнхийлөгч М.Рассэлл Баллард (1928–2023) ийн заасан:

13:30

Бидний амьдралд Тэнгэрлэг Эцэг ба Түүний Хайрт Хүү, бидний гэр бүл, хөршүүдтэйгээ харилцах харилцаа мөн энэхүү харилцаанд Их Эзэний Сүнсээр удирдуулж, тэдэнд хамгийн чухал бөгөөд хамгийн урт үргэлжлэх зүйлсийн талаар гэрчлэх нь хамгийн чухал гэдгийг би сурч мэдэж авсан. (“Хамгийн чухал зүйлсээ санагтун,” Лиахона, 2023 оны 5-р сар, 105-107)

Номлогчийн Үгс 2:17 Хэрэв бид бүгдээрээ үхэх гэж байгаа юм бол Номлогч “бүх зүйл утгагүй бөгөөд салхи хөөцөлдсөн хэрэг” гэж хэлэх нь зөв үү?

Арван хоёр төлөөлөгчийн чуулгын ахлагч Д.Тодд Кристоффэрсон ийн заасан:

23:27

Ахлагч Нийл А.Максвэлл үхлээр бүх зүйл нь төгсөх “хүмүүний нөхцөл байдлын” талаар нэг удаа ийн ярьсан. Бидний ололт амжилт, хөрөнгө хуримтлал, холбоо хамаарал төгсгөлтэй ба ингээд л дуусдаг бол Номлогчийн үгс дээр хэлснээр “бүх зүйл утгагүй бөгөөд салхи хөөцөлдсөн хэрэг” [Номлогчийн үгс 2:17]. Үхэл бол зайлшгүй бөгөөд үхлийг ялах хүчгүй бол бид бүгдийн амьдрал цааш үргэлжлэх зорилго үгүй гэдгийг ухаарах нь зүй ёсны бөлгөө. Гэвч үхлийг ялан дийлсэн гэдгийг, амьдрал зорилготой ба утга учиртай, бүгд хий хоосон биш гэдгийг бид мэднэ. Есүс Христ Цагаатгалаараа хүмүүний үхлийг ялсан бөгөөд Ахлагч Максвэлл ийн хэлсэн. “Христ үхлийг ялсан нь хүн төрөлхтний зовлонд цэг тавьсан юм. Одоо зөвхөн хувь хүний зовлон л байгаа бөгөөд биднийг сүнсний үхлээс авардаг Түүний сургаалыг дагаснаар л бид энэ зовлонгоосоо салж чадна” гэж хэлсэн байдаг.” (“Trust in God” [Сүмийн боловсролын системийн жил тутмын сургалтын нэвтрүүлэг, 2024 оны 1-р сарын 26], Gospel Library)

Номлогчийн үгс 3:17; 12:14. Би хэрхэн шүүгдэх вэ?

Тэргүүн зөвлөлийн ерөнхийлөгч Даллин Х.Өүкс ийн заасан:

17:7

Эцсийн шүүлт бол бидний үйлдсэн сайн, муу үйлсийн нийлбэрийн үнэлгээ төдий зүйл биш юм. Энэ нь бидний үйлдэл, бодол санааны эцсийн үр дагавар буюу бидний ямар хүмүүс болсныг илэрхийлдэг. Хүмүүсийн хувьд зүгээр урсгалаараа явах нь хангалттай биш юм. Сайн мэдээний зарлиг, ёслол, гэрээнүүд нь тэнгэр дэх хадгаламжид хураагдаж байдаг зүйлсийн жагсаалт биш. Есүс Христийн сайн мэдээ бол Тэнгэрлэг Эцэгийн биднээс хүсдэг тийм хүмүүс болохыг бидэнд харуулдаг төлөвлөгөө юм. (“The Challenge to Become,” Ensign, 2000 оны 11-р сар, 32)

Номлогчийн Үгс 12:13 Хэрэв би зарлигуудыг нь дагавал Бурхан намайг хэрхэн адислах вэ?

Ерөнхийлөгч Томас С.Монсон (1927–2018) ийн заасан:

14:25

Тэнгэрлэг Эцэг маань бидэнд хайртай учраас: Чи хөршийнхөө эсрэг бүү худал гэрчил, чи бүү хулгайл, чи бүү завхайр, чи хөршөө өөрийн адил хайрла зэрэг зарлигуудыг бидэнд өгсөн. Бид зарлигуудыг мэддэг. Бид зарлигуудыг сахивал амьдрал маань илүү аз жаргалтай, утга учиртай, ээдрээ багатай болно гэдгийг Тэр мэддэг. Бидний бэрхшээл, асуудлуудаа давж гарахад илүү амар болж, бид Түүний амласан адислалыг хүлээн авах болно. Хэдийгээр Тэр бидэнд хууль, зарлигуудыг өгдөг боловч тэдгээрийг хүлээн авах эсвэл эсэргүүцэх сонголтыг хийх боломжийг ч бас бидэнд олгодог. Тиймээс энэ талаар гаргах шийдвэр маань бидний хувь тавиланг тодорхойлно. (“Зарлигуудыг сахь,” Ерөнхий чуулган, 2015 оны 10-р сар, 69-71)

Нэмэлт суралцах үйл ажиллагаа

Хичээлийг эхлүүлэх өөр хувилбар

Та хичээлийн эхэнд ерөнхийлөгч Нэлсоний хэлсэн үгийг үзүүлэх замаар эхлүүлж болно. Хүн бүрийн мэддэг байгаасай гэж хүсдэг үхлийн дараах амьдралын тухай юу мэддэгийг нь суралцагчдаас асуу. Дараа нь үхлийн дараах амьдралын талаарх бидний итгэл шийдвэрүүдэд маань хэрхэн нөлөөлж болох талаар ярилцахад суралцагчдыг урь.

2 Нифай 9:51 “Хэрэгцээг чинь хангаж чадахгүй зүйлд”

Номлогчийн үгс 1 ба 2-т гарсан Номлогчийн эрэлхийлж байсан дэлхийн эрэл хайгуулын талаар судалсны дараа 2 Нифай 9:50–51-ийг унших талаар бодож үзээрэй. Суралцагчдаас бид өөрсдийн цаг зав, мөнгийг ямар ч үнэ цэнгүй эсвэл хэрэгцээг маань хангаж чадахгүй зүйлсэд хэрхэн зарцуулдаг талаар бодож үзэхийг хүс. Дараа нь та Есүс Христ болон Түүний сайн мэдээ хэрхэн үүрд мөнхөд сэтгэл ханамжийг авчирч чадах талаар ярилцаж болно.

Утга санаа болон асуултуудыг мөнхийн талаас нь шинжлэн судлах

Та дэлхийн байр суурь эсвэл таамаглалыг олж тогтоох дадлага хийх боломжийг суралцагчдад олгож болно. Суралцагчид Төгс эзэмших сургаалыг судлах үндсэн материал -ын (2023) “Сүнслэг мэдлэг олж авах нь” хэсгийн 8-р догол мөрийг уншиж, аливаа зүйлийг мөнхийн талаас нь авч үзэхэд юу тусалж болохыг олж мэдэж болно.

Дараа нь суралцагчид дэлхийн мэргэн ухаан, материаллаг эд баялаг, түр зуурын таашаалыг эрэлхийлэх тухай Номлогчийн үгс 1, 2-ийн хичээлийн шүлгүүдийг судалж болно. Эдгээр зүйлийг эн тэргүүнд тавьдаг хүмүүст байж болох дэлхийн таамаглалыг олж тогтооход суралцагчдыг урь. Суралцагчид дараах зүйлсийг хуваалцаж болно:

Та тухайн мөчид сайхан мэдрэмж төрүүлсэн бүхнийг хийвэл хамгийн их аз жаргалтай байх болно ( Номлогчийн үгс 2:1, 10-ыг үзнэ үү).
Материаллаг эд хөрөнгө нь амжилтын тэмдэг бөгөөд бидэнд баяр баясгалан авчирдаг (Номлогчийн үгс 2:4–8-ыг үзнэ үү).

Дараа нь суралцагчид дээрхтэй адил таамаглалыг “дэлхийн байр суурь эсвэл таамаглалыг хүлээн зөвшөөрөхөөс илүү Их Эзэний үнэний жишиг дээр тулгуурлаж” (Төгс эзэмших сургаалыг судлах үндсэн материал [2023], “Сүнслэг мэдлэг олж авах нь,” 8-р догол мөр) хайж олж болно.