Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Fampahafantarana ny Ohabolana: “Jehovah no manome fahendrena”

“Fampahafantarana ny Ohabolana: –Jehovah no manome fahendrena–”, Testamenta Taloha: Boky torolalana ho an’ny mpampianatra seminera (2026)

“Fampahafantarana ny Ohabolana: –Jehovah no manome fahendrena–”, Testamenta Taloha: Boky torolalana ho an’ny mpampianatra seminera

Ohabolana 1–4; 15–16; 22; 31; Mpitoriteny 1–3; 11–12; Lesona 109

Fampahafantarana ny Ohabolana

“Jehovah no manome fahendrena”

Jesus Christ depicted as a young boy in the carpenter shop of Joseph. Joseph is standing behind the young Christ. Christ is reading the scriptures from a scroll resting on a table. There are wood shavings on the table.

Tamin’ny fomba ahoana no nitondran’ny torohevitra hendry avy amin’ireo olona akaikin’ny fo izay itokisana fitahiana teo amin’ny fiainanao? Ny fandalinana ny bokin’ny Ohabolana dia mety hitovy amin’ny fikatsahana fahendrena avy amin’ny namana mikarakara, olona iray ao amin’ny fianakaviana, ary ny Tompo. Ny fampiharana ny fahendreny eo amin’ny fiainantsika dia afaka mihazona antsika eo amin’ny lalana ety sy terin’ny fanekempihavanana. Ity lesona ity dia afaka manampy ny mpianatra hamantatra ireo fahamarinana izay afaka manampy azy ireo hanaraka ny lalan’ny Tompo.

Fanomanana ny mpianatra: Asao ny mpianatra hisafidy torohevitra sarobidy iray na torohevitra tena manampy izay noraisin’izy ireo avy tamin’ireo ray aman-dreny, mpitarika, ary namana azo atokisana. Asao ny mpianatra hiomana hizara ilay torohevitra sy ny fomba nitahian’izany ny fiainan’izy ireo.

Sahanasa fianarana azo atao

Torohevitra azo antoka

Hevero ny hanomboka ny fotoam-pianarana amin’ny alalan’ny fanomezana taratasy kely ny mpianatra. Angataho izy ireo hanoratra torohevitra sarobidy iray izay nomen’olona azy ireo. Rehefa voangonao ireo taratasy dia afaka mamaky valinteny vitsivitsy ianao. Asao ilay mpianatra nanoratra ilay valinteny mba hizara ny fomba nanampian’izany torohevitra izany azy. Azon’ny mpianatra atao ny mifampizara ireo taratasy ambiny ka mamaky ny torohevitry ny mpiara-mianatra hafa. Avy eo dia asao ny mpianatra hifanakalo hevitra momba ireto fanontaniana manaraka ireto.

Inona no mahatonga ny torohevitry ny olona iray ho manan-danja aminao?
Ahoana no hamaritanao hoe iza no azonao atokisana eo amin’ny resaka torohevitra?

Rehefa avy nizara ny valinteniny ny mpianatra dia azonao atao ny manasa azy ireo hisaintsaina ombam-bavaka ireo fanontaniana manaraka.
Isaky ny inona ianao no manaraka ny torohevitra mahasoa avy amin’ny hafa?
Isaky ny inona ianao no mikatsaka sy manaraka ny torohevitry ny Tompo?

Ny fahendrena avy ao amin’ny Ohabolana

Ny bokin’ny Ohabolana dia amboaran-tonokalo feno fahendrena izay nosoratana ho an’ireo Isiraelita. Ny andinin-tsoratra masina sasany ao amin’ny Ohabolana dia voatondro fa an’ny Mpanjaka Solomona (jereo ny Ohabolana 1:1; 10:1; 25:1; jereo koa ny 1 Mpanjaka 4:32), fa tsy fantatra kosa ireo mpanoratra hafa. Rehefa mandalina ny Ohabolana ianao dia jereo tsara ny fomba ijoroan’ny Fanahy Masina ho vavolombelona momba ny fahamarinana rehefa mamantatra ny fitarihana tian’ny Tompo hampiharinao eo amin’ny fiainanao ianao.

Azonao atao ny mampahatsiahy ny mpianatra fa ny Ohabolana (tahaka ny Joba sy ny Mpitoriteny) dia mampiasa ireo singa ao amin’ny tononkalo Hebreo izay mety ho saro-takarina ho an’ireo mpamaky. Raha ilaina dia zarao fa na dia mifono zavatra ara-panahy lalina aza ny Ohabolana maro dia torohevitra tsotra ho an’izao tontolo izao ny sasany.

Vakio ny Ohabolana 1:1–7, ka tadiavo ny sasany amin’ireo tanjon’ny ohabolana.

Asao ny mpianatra hizara ny zavatra hitany. Raha ilaina dia azonao atao ny manontany hoe nahoana no zava-dehibe ny fianarana momba ny fahendrena ankehitriny.

Hevero ny hanazava fa ny hoe “ny fahatahorana an’i Tompo” (andininy 7) dia entina ilazana ny fahatsapana momba Azy sy ny fanehoana fanajana Azy. Mety maniry ny hanoratra izany fanazavana izany ao amin’ny soratra masiny ny mpianatra.

Nahoana araka ny eritreritrao no mety ho “fiandoham-pahalalana” ny fanehoana fanajana ny Tompo? (andininy 7).

Vakio ny Ohabolana 2:6–9, ka tadiavo ny loharanon’ny fahendrena marina. Hevero ny hampifandray ireo andininy ireo amin’ny Môzià 4:9.

Ahoana no hamintinanao ny zavatra nianaranao ao anatina fehezan-teny manambara fahamarinana?

Ampio ny mpianatra hamantatra fahamarinana iray toy ny hoe, Ny Tompo dia manome fahendrena antsika mba hanampiana antsika hanaraka ny lalany. Azonao atao ny manasa ny mpianatra hanoratra io fahamarinana io ao amin’ny fitaovany fandraisana an-tsoratra, na ao amin’ny soratra masiny, na ao amin’ny diary fandalinany eo am-panoratanao izany eny amin’ny solaitrabe. Afaka mizara ohatra momba ireo fotoana nanampian’ny fahendren’ny Tompo azy ireo ny mpianatra. Azon’izy ireo atao ny mifanakalo hevitra momba ny mety ho tsy mampitovy ny fahendreny amin’ny fahendren’izao tontolo izao. Ny mpianatra dia mety hilaza zavatra toy ny hoe, ny fandoavana fahafolonkarena dia mitondra mankany amin’ireo fitahian’ny Tompo (Malakia 3:10) na ny fanarahana ny lalàn’ny Mpamonjy momba ny fahasalamana dia mitondra fitahiana ara-batana sy ara-panahy ho antsika (Fotopampianarana sy Fanekempihavanana 89:18–21).
Ahoana no nanampian’ny fanarahana ny torohevitra hendry nomen’ny Tompo anao hijanona eo amin’ny lalany?
Inona avy ireo ohatra sasantsasany momba ireo fotoana nikatsahan’ny Mpamonjy fahendrena avy tamin’ny Rainy fa tsy avy amin’ireo loharano hafa?

Ny fahendren’ny Tompo dia afaka manampy antsika hanaraka ny ohatra nasehony

Ampio ny mpianatra hitady ireo fahamarinana izay manasa azy ireo hanaraka ny Mpamonjy sy hitovy bebe kokoa Aminy. Mba hanaovana izany dia azonao atao ny manome ny sasany amin’ireto andinin-tsoratra masina manaraka avy ao amin’ny Ohabolana ireto na izy rehetra. Azonao soratana eo amin’ny taratasy lavalava ireo andinin-tsoratra masina nosafidinao. Azonao omena taratasy iray ny mpianatra tsirairay. Asao izy ireo hamaky ilay toko sy andininy ary hanao ireo dingana roa etsy ambany. Avy eo dia azon’ny mpianatra atao ny manolotra ny taratasin’izy ireo amin’ny mpianatra iray hafa ary mamerina ireo dingana roa. Avereno ilay fampitapitana taratasy mandra-pahavitan’ny mpianatra mandalina andinin-tsoratra masina maromaro.

Fanamarihana: Ny Lesona 110: “Ohabolana 3” dia hifantoka amin’ireo fahamarinana hita ao amin’izany toko izany.

Halalino ny iray na maromaro amin’ireto andinin-tsoratra masina manaraka avy ao amin’ny Ohabolana ireto, ary ataovy ireto manaraka ireto:

Soraty ao anatina fehezan-teny iray manambara fahamarinana ny zavatra nianaranao.
Manorata famaritana fohy momba ny fomba ahafahan’io fahendrena io manampy olona iray hanaraka ny ohatra nasehon’i Jesoa Kristy na ho tonga tahaka Azy bebe kokoa.

Ohabolana 1:8

Ohabolana 4:14–15

Ohabolana 4:26

Ohabolana 6:23

Ohabolana 11:17

Ohabolana 15:1

Ohabolana 16:16

Ohabolana 16:18–19

Ohabolana 17:22

Ohabolana 23:17

Ohabolana 28:13

Ohabolana 29:18

Ohabolana 30:5

Ity sahanasa manaraka ity dia afaka manampy ny mpianatra hanazava ny zavatra nianarany avy amin’ny fandalinany ny Ohabolana. Azon’ny mpianatra atao manokana ity sahanasa ity, na azonao atao ny mizarazara azy ireo ho vondrona. Azonao atao ny manome taratasy sy fitaovana mba hamoronana peta-drindrina, na afaka mamorona zavatra ao amin’ny findain’izy ireo ny mpianatra. Mba hanampiana ny mpianatra dia asehoy ireto toromarika manaraka ireto.

2026 Old Testament Seminary Teacher Materials

Alaovy sary an-tsaina hoe nangatahina ianao mba hamorona fitaovana jeren’ny maso izay mampiasa ny iray amin’ireo andinin-tsoratra masina ao amin’ny Ohabolana mba hanampiana ireo zatovo ho tonga tahaka ny Mpamonjy bebe kokoa. Misafidiana Ohabolana iray ary mamoròna peta-drindrina toy ilay iray izay mety ho hitanao ao amin’ny gazetiboky Ho zatovo mahery!. Tokony hahitana izao manaraka izao ny fitaovana jeren’ny maso izay hataonao:

Sary tsotra, zavatra mifono fahaiza-mamorona ary afaka ny hisarika ny sain’ny zatovo iray
Ilay toko sy andininy ao amin’ny Ohabolana sy ny fahamarinana ampianarin’izany
Fanazavana ny fomba ahafahan’ilay andininy avy ao amin’ny Ohabolana manampy ny zatovo iray hanaraka ny ohatra nasehon’ny Mpamonjy na ho tonga tahaka Azy bebe kokoa

Zarao ny fahendren’ny Ohabolana

Omeo fahafahana ny mpianatra hizara na hampiseho ny fitaovana jeren’ny maso nataony. Raha nanao ity sahanasa ity tao anatina vondrona ny mpianatra dia afaka misafidy olona iray izy ireo mba hampiseho ny zavatra jeren’ny maso nataon’izy ireo amin’ny iray kilasy. Azonao atao ny mampiseho ireo peta-drindrina manodidina ny efitrano, ary afaka mamerina mijery ny asan’ny mpiara-mianatra aminy ny mpianatra. Ho famaranana ny fotoam-pianarana dia azonao atao ny manasa ny mpianatra hifanakalo hevitra momba ireto fanontaniana manaraka ireto na hamaly izany ao amin’ny diary fandalinany.

Miatoa ary eritrereto ireo fahatsapana mety nanananao nandritra ny lesona androany. Avy eo dia valio ao anatin’ny diary fandalinanao ireto fanontaniana manaraka ireto:

Inona no fiantraikan’ireo fahamarinana nohalalininao androany teo amin’ny fanirianao hanaraka ny Tompo?
Inona no tsapanao fa tokony hataonao mba ho lasa tahaka ny Mpamonjy bebe kokoa?

Loharanom-pitaovana fanampiny

Aiza no ahafahako mahita fahendrena?

Nampianatra izao ny Loholona David A. Bednar ao amin’ny Kôlejin’ny Apôstôly Roambinifolo:

Rehefa mikatsaka fanentanam-panahy ianao mba hahazoana ilay fahendrena izay ilainao eo amin’ny fiainanao dia manasa anao aho mba hibanjina ny Mpamonjy. Fomba iray tena tsara hanatonana an’i Kristy ny famakiana ny Bokin’i Môrmôna, hatrany amin’ny voalohany ka hatramin’ny farany, ary mamantatra ireo toetran’i Jesoa Kristy hita ao. Rehefa manao izany amin’ny finiavana marina sy amin-kitsimpo ianao dia afaka ny handre ny feony. Afaka mahafantatra Azy amin’ny fomba tena miavaka ianao. (“Receiving Revelation—Recent Messages from Prophets, Apostles, and Other Church Leaders” [lahatsoratra amin’ny endrika nomerika ihany], Liahona, jona 2023, Médiathèque de l’Évangile)

Nahoana no mampidi-doza ny miantehitra amin’ny fahendren’ny olombelona?

Nanazava izao ny Filoha Russell M. Nelson:

5:49

Manintona sy maro dia maro ireo feo sy faneren’izao tontolo izao. Saingy maro loatra amin’ireo no mamitaka sy manangoly ary afaka ny hanala antsika tsy ho eo amin’ny lalan’ny fanekempihavanana. Mba hisorohana ny ratram-po izay manaraka an’izany dia miangavy anareo aho anio mba hanohitra ny fandrik’izao tontolo izao amin’ny alalan’ny fanokanana fotoana ho an’ny Tompo eo amin’ny fiainanareo, isan’andro isan’andro.

Raha tonga avy amin’ny tambajotran-tserasera na ny haino vaky jery hafa ny ankabeazan’ny fampahalalana azonao dia hihena ny fahafahanao mihaino ny bitsiky ny Fanahy. Ary raha toa koa ianao ka tsy mikatsaka ny Tompo amin’ny alalan’ny vavaka sy fandalinana ny filazantsara isan’andro dia mamela ny tenanao ho mora voasarik’ireo filôzôfia izay mety ho mahaliana saingy tsy marina ianao. (“Manokàna fotoana ho an’ny Tompo”, Liahona, nôv. 2021, 120)

Inona no tsy mampitovy ny fahalalana sy ny fahendrena?

Nanazava ny Filoha David O. McKay (1873–1970) hoe:

“Ny fahazoana fahalalana dia zavatra iray, ary ny fampiharana izany dia zavatra iray hafa koa. Ny fahendrena dia fampiharana araka ny tokony ho izy ny fahalalana. (ao amin’ny Conference Report, Apr. 1968, 93)

Sahanasa fianarana fanampiny

Ohabolana 4:14–15. Alaviro ny lalana alehan’ny “ratsy fanahy”

Nampianatra ny Tompo tamin’ny alalan’ny Apôstôly Paoly fa nanome fomba hanoherana ny fakam-panahy tsirairay Izy (jereo ny 1 Korintiana 10:13). Ao amin’ny Ohabolana isika dia mianatra fa ny fomban’ny Tompo hialana amin’ny fakam-panahy dia ny fisorohana izany aloha. Asao ny mpianatra hamaky ny Ohabolana 4:14–15. Angataho izy ireo hamorona rafi-tantara izay azon’io andinin-tsoratra masina io aseho. Azon’ireo mpianatra atao ny mamorona ilay rafi-tantara ao anatina vondrona kely. Azon’izy ireo atao avy eo ny mifanakalo rafi-tantara amin’ny vondrona iray hafa ary mifanakalo hevitra momba ny maha-tsara kokoa ny fisorohana ilay fakam-panahy noho ny fiezahana hanohitra izany. Azon’ny mpianatra atao koa ny manolotra tetikady vitsivitsy mba hisorohana ireo toe-javatra izay mety hahatonga antsika ho alaim-panahy hanota.

Ohabolana mba hitahiana ny fiainan’ny zatovo iray

Azonao atao ny manampy ny mpianatra hahita ny fomba ahafahan’ny fahendrena zarain’ny Ohabolana manampy zatovo iray. Mamorona fonon-teny ny fomba iray hanaovana izany. Misafidiana andinin-tsoratra masina ao amin’ny Ohabolana miisa 16 ary soraty eo amin’ireo tsipika eo ivelany izany. Zarao ho vondrona miisa 8 ny mpianatra. Mamaky andian-tsoratra masina roa ao amin’ny Ohabolana ny vondrona tsirairay ary mamaly ireto fanontaniana manaraka ireto:

Inona araka ny eritreritrao no ohabolana izay ho manan-danja indrindra eo amin’ny fiainanao amin’izao fotoana izao?
Ahoana no ahafahan’io ohabolana io manampy anao hanaraka ny ohatra nasehon’ny Mpamonjy na ho tonga tahaka Azy kokoa?

Aorian’ny fifanakalozan-kevitra dia afaka misafidy andininy iray izay tena mamaly tsara ireo fanontaniana roa ireo ny mpianatra miara-miasa. Ilay andininy nosafidin’izy ireo dia hitondra any amin’ny dingana manaraka. Atambaro ho vondrona vaovao miisa efatra ny mpianatra ary ataovy mamerina ilay sahanasa izy ireo sy mamaky ireo andinin-tsoratra masina ary mifanakalo hevitra momba ny ohabolana izay hitondra azy ireo any amin’ny dingana manaraka. Tohizo ka ataovy andininy iray avy ao amin’ny Ohabolana sisa no tavela. Rehefa voafantina ilay ohabolana farany dia azon’ny mpianatra atao ny mizara ny fomba nahitany io fahamarinana io nanampy azy ireo na ny olona iray fantatr’izy ireo hanaraka ny Mpamonjy.

Fampianarana momba ny fahendrena

Mety hahazo tombontsoa avy amin’ny famerenana mijery ireo soratra masina izay manampy antsika hahatakatra fahendrena ny mpianatra. Raha izay no izy dia azonao atao ny manasa ireo mpianatra hamorona kisary fitadiavan-kevitra. Azonao atao ny manova ity sahanasa ity amin’ny alalan’ny fanoratana ny teny hoe Fahendrena eo afovoan’ny solaitrabe. Asao ny mpianatra hampiasa ny fitaovana fandalinany soratra masina mba hahitana soratra masina izay afaka manampy olona iray hahatakatra kokoa ny fampianaran’ny Tompo momba ny fahendrena. Raha mila fitarihana fanampiny ny mpianatra dia azonao atao ny mitanisa andininy toy ny Lioka 2:52; Jakoba 1:5; Môzià 4:9; Almà 37:35; Fotopampianarana sy Fanekempihavanana 10:43. Azonao atao ny manasa ny mpianatra ho eny amin’ny solaitrabe ary mampiditra ao amin’ilay kisary fitadiavan-kevitra izay zavatra nianaran’izy ireo momba ny fahendrena avy amin’ny soratra masina.