Manwal ng Guro ng Seminary para sa Lumang Tipan

Mga Nilalaman
Pahina ng Pamagat
Pambungad sa Manwal ng Guro
Mga Lesson sa Lumang Tipan
- Halina’t Basahin ang Lumang Tipan
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko ng Pagkabuhay
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Mga Bilang 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Hukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Cronica 14–20; 26; 30
- Ezra 1; 3–7; Nehemias 2; 4–6; 8
- Esther
- Job 1–3; 12–14; 19; 21–24; 38–40; 42
- Mga Awit 1–2; 8; 19–33; 40; 46
- Mga Awit 49–51; 61–66; 69–72; 77–78; 85–86
- Mga Awit 102–103; 110; 116–119; 127–128; 135–139; 146–150
- Mga Kawikaan 1–4; 15–16; 22; 31; Eclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3; 7; 16–18; 20
- Jeremias 31–33; 36–38; Mga Panaghoy 1; 3
- Ezekiel 1–3; 33–34; 36–37; 47
- Daniel 1–7
- Oseas; Joel
- Amos; Obadias; Jonas
- Mikas; Nahum; Habakuk; Sefanias
- Hagai 1–2; Zacarias 1–4; 7–14
- Malakias
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan o Self-Reliance
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Pagtatagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

2 Mga Hari 6: “Ang mga Kasama Natin”

“2 Mga Hari 6: ‘Ang mga Kasama Natin,’” Manwal ng Titser ng Seminary para sa Lumang Tipan (2026)

“2 Mga Hari 6: ‘Ang mga Kasama Natin,’” Manwal ng Titser ng Seminary para sa Lumang Tipan

2 Mga Hari 2–7: Lesson 85

2 Mga Hari 6

“Ang mga Kasama Natin”

Noong mapaligiran ng hukbo ng Siria, ang lingkod ng propetang si Eliseo ay takot na nagsabing, “paano ang ating gagawin?” (2 Mga Hari 6:15). Pinanatag ni Eliseo ang kanyang tagapaglingkod sa pamamagitan ng pagtulong sa kanya na makita ang tulong ng Panginoon. Tayo rin ay maaaring mapanatag kapag natutuhan nating makita ang tulong ng Panginoon. Ang lesson na ito ay makatutulong sa mga estudyante na magkaroon ng mas malaking tiwala sa palagian at mapagbantay na pangangalaga ng Panginoon.

Paghahanda ng estudyante: Anyayahan ang mga estudyante na maghandang magbahagi ng isang karanasan nang pagpalain o protektahan sila ng Panginoon o ang isang taong kilala nila.

Mga Posibleng Aktibidad sa Pag-aaral

Makita ang pagmamalasakit ng Tagapagligtas

Upang simulan ang iyong lesson, maaari kang magdrowing ng stick figure sa gitna ng pisara.

Ang mga banal na kasulatan ay puno ng mga pangako ng Tagapagligtas para sa Kanyang mga tao na nagsisikap na maglingkod sa Kanya. Upang mailarawan sa isip ang isa sa mga pangakong ito, magdrowing ng isang stick figure sa gitna ng isang pahina sa inyong study journal at lagyan ito ng label na Ako.

Pagkatapos ay basahin ang Doktrina at mga Tipan 84:88, at idrowing sa paligid ng inyong stick figure kung paano mo inilalarawan sa isip ang mga pangako ng Panginoon.

Maaari mong anyayahan ang isang estudyante na idagdag sa drowing sa pisara ang idinrowing niya sa kanyang journal, at ipaliwanag kung bakit ganoon ang idinrowing niya. Maaaring anyayahan ang ibang mga estudyante na magdagdag ng anumang ibang bagay na maaaring nadrowing nila. Bilang alternatibo, maaaring ibahagi at ipaliwanag ng mga estudyante ang kanilang drowing sa kanilang katabi.

Sa palagay ninyo, paano makakaapekto sa isang tao kung nakikita niya na nangyayari ang mga pangakong ito sa kanyang buhay?
Bakit maaaring mahirap na makita o mahiwatigan ang mga pagpapala at proteksyon ng Panginoon sa ating buhay?

Maaaring makatulong na patotohanan na ang Ama sa Langit at ang Tagapagligtas ay aktibong nakikibahagi sa buhay ng bawat estudyante.

Pagnilayan kung gaano ninyo nakikita ang pakikibahagi ng Ama sa Langit at ni Jesucristo sa inyong buhay. Pagkatapos ay sagutin ang mga sumusunod na tanong sa inyong study journal:

May nakikita ka ba na kahit isang paraan kung paano ka pinagpapala o pinoprotektahan ng Ama sa Langit at ni Jesucristo? Kung oo, paano Nila ito ginagawa?
Ano ang sitwasyong kinakaharap mo sa iyong buhay kung saan makatutulong sa iyo na mas makita ang Kanilang mga pagpapala at proteksyon?

Habang pinag-aaralan ninyo ang 2 Mga Hari 6, anyayahan ang Espiritu Santo na tulungan kayong mahiwatigan ang mga paraan kung paano kayo pinagpapala at pinoprotektahan ng Ama sa Langit at ni Jesucristo.

Banal na tulong

Maaari mong ipaliwanag ang sumusunod na impormasyon upang matulungan ang mga estudyante na maunawaan ang konteksto ng 2 Mga Hari 6.

Sa panahon ng digmaan sa pagitan ng Israel at Siria, pribadong tinalakay ng hari ng Siria sa kanyang mga tagapaglingkod ang kanyang mga plano sa digmaan. Gayunpaman, paulit-ulit na inihayag ng Panginoon ang mga plano ng Siria sa propetang si Eliseo, na siyang magbibigay ng babala sa hari ng Israel. Noong matuklasan ito ng hari ng Siria, nagpadala siya ng hukbo upang dakpin si Eliseo (tingnan sa 2 Mga Hari 6:8–13).

Pumili ng epektibong paraan para mapag-aaralan ng mga estudyante ang mga sumusunod na talata upang matulungan silang matukoy ang mga alituntuning nagpapabalik-loob. Halimbawa, maaaring makatulong sa mga estudyante na mag-aral mula sa pananaw ng tagapaglingkod ni Eliseo. Maaari silang panandaliang huminto paminsan-minsan at pag-isipan kung ano ang mararamdaman nila kung sila ang nasa kanyang kalagayan. Maaari ding magbasa ang mga estudyante bilang klase o sa maliliit na grupo, kung saan magkakaibang estudyante ang magbabasa ng mga bahagi na para kay Eliseo, sa lingkod ni Eliseo, at sa hari ng Israel.

Maaaring makatulong na ipaliwanag na ang Samaria ang kabisera ng kaharian ng Israel.

Basahin ang 2 Mga Hari 6:14–23, at alamin ang mga paraan na pinagpala at pinrotektahan ng Panginoon si Eliseo at ang kanyang lingkod.

Ano ang hinangaan ninyo mula sa kuwento?
Anong mga katotohanan mula sa kuwentong ito ang maaaring mas nauugnay sa atin ngayon?

Maaari mong ibahagi ang sumusunod na katotohanan kung hindi pa ibinabahagi ng mga estudyante ang gayon ding katotohanan sa sarili nilang mga salita: Matutulungan tayo ng Panginoon na makita ang Kanyang mga pagpapala at proteksyon sa ating buhay.
Sa palagay ninyo, paano nakaapekto kay Eliseo at sa kanyang lingkod na nakita nila ang mga pagpapala at proteksyon ng Panginoon?

Pagkilala sa mga pagpapala at proteksyon ng Panginoon

Upang matulungan ang mga estudyante na makita ang ilang paraan kung paano sila mapagpapala at mapoprotektahan ng Panginoon, maaari mo silang pagpartner-partnerin o hatiin sa maliliit na grupo para sa sumusunod na aktibidad.

Paalala: Ang mga estudyante ay bibigyan ng pagkakataong pagnilayan ang listahang ginawa nila sa aktibidad na ito sa Lesson 96: “I-assess ang Iyong Pagkatuto 6.”

Gumawa ng listahan ng iba’t ibang paraan kung paano tayo maaaring bantayan at pangalagaan ng Panginoon. Ilista ang lahat ng maiisip mo sa loob ng dalawang minuto.

Pagkatapos ng dalawang minuto, maaari mo silang anyayahan na maghanap ng mga karagdagang ideya na maaari nilang isama mula sa Mosias 24:13–15; Doktrina at mga Tipan 8:2–3; 38:7o iba pang scripture passage na maaari mong imungkahi. Maaari mo ring ibahagi ang sumusunod na pahayag ni Pangulong Eyring.

Itinuro ni Pangulong Henry B. Eyring ng Unang Panguluhan ang sumusunod tungkol sa tulong ng Panginoon:

Tulad ng lingkod na iyon ni Eliseo, mas marami ang [kasama ninyo] kaysa nakikita ninyong sumasalungat sa inyo. Ang ilan na [kasama ninyo] ay hindi makikita ng inyong mga mortal na mata. Aalalayan kayo ng Panginoon at kung minsan ay tatawagin Niya ang iba para suportahan kayo. (“O Ikaw na Humaharap,” Liahona, Nob. 2008, 58)

Maaari mong anyayahan ang mga grupo na magsalitan sa pagbabahagi ng mga halimbawa mula sa kanilang mga listahan habang isinusulat mo o ng mga boluntaryo ang mga ito sa pisara. Maaari mong payagan ang mga grupo na patuloy na magbahagi hanggang sa maibahagi ang lahat ng natatanging ideya.

Sabihin sa mga estudyante na magbahagi ng mga halimbawang maiisip nila mula sa mga banal na kasulatan nang bantayan o pangalagaan ng Panginoon ang isang tao ayon sa mga paraan na nakalista sa pisara.

Habang tinatalakay ninyo ang mga sumusunod na tanong, maaari mong piliing ibahagi ang isang pagkakataon na nakita mo ang mga pagpapala o tulong ng Diyos sa iyong buhay.

Bakit mas mahirap makita ang ilan sa mga pagpapalang ito mula sa Panginoon kaya sa iba pa?
Kailan kayo o ang isang kilala ninyo pinagpala o pinrotektahan ng Panginoon, sa isa sa mga paraan na ito?
Ano ang itinuturo sa inyo ng karanasang ito tungkol sa Panginoon?

Buksan ang ating mga mata

Maaari mong tapusin ang lesson sa pamamagitan ng pagpapakita ng mga sumusunod na sipi at mga tagubilin.

Ipinaliwanag ni Sister Michelle D. Craig, dating miyembro ng Young Women General Presidency, kung ano ang magagawa natin kung nahihirapan tayong makita kung paano kumikilos ang Diyos sa ating buhay:

9:44

Maaaring may mga pagkakataon na nahihirapan kayo, tulad ng alipin, na makita kung paano kumikilos ang Diyos sa inyong buhay—mga panahon na pakiramdam ninyo ay kinukubkob kayo—kapag napapasuko na kayo dahil sa mga pagsubok ng buhay. Maghintay at magtiwala sa Diyos at sa Kanyang takdang panahon, dahil maaari ninyong buong-pusong pagkatiwalaan ang Kanyang puso. Ngunit may pangalawang aral dito. Mahal kong mga kapatid, maaari din kayong manalangin na buksan ng Panginoon ang inyong mga mata upang makita ang mga bagay na hindi ninyo karaniwang nakikita. (“Mga Matang Makakakita,” Liahona, Nob. 2020, 15)

Maaari ninyong sagutin sa inyong study journal ang sumusunod na tanong:

Ano ang natutuhan mo ngayon na tumutulong sa iyo na magkaroon ng tiwala na binabantayan at pinangangalagaan ka ng Panginoon?

Magpatotoo sa pagmamahal ng Panginoon at sa Kanyang kakayahang tulungan ang mga estudyante na makita ang Kanyang tulong sa kanilang buhay.

Karagdagang Resources

Ano pa ang matututuhan natin mula sa kuwento tungkol kay Eliseo at sa kanyang lingkod?

Itinuro ni Elder Ronald A. Rasband ng Korum ng Labindalawang Apostol:

15:41

Maaaring mayroon o wala tayong karo ng mga apoy na ipinadala sa atin upang tanggalin ang ating takot at magapi ang mga kahinaan natin, ngunit malinaw ang aral. Ang Panginoon ay nasasaatin, nag-aalala Siya sa atin at binibiyayaan tayo sa mga paraang tanging Siya lamang ang nakagagawa. Ang panalangin ay maaaring magbigay ng lakas at paghahayag na kailangan natin upang maisentro ang ating mga pag-iisip kay Jesucristo at sa Kanyang nagbabayad-salang sakripisyo. Alam ng Panginoon na kung minsan ay makararamdam tayo ng takot. Naramdaman ko na iyon at gayundin kayo. …

Sa Simbahan na ito maaaring kaunti ang bilang natin batay sa kung paano sukatin ng mundo ang impluwensiya, ngunit kapag binuksan natin ang ating espirituwal na mga mata, “ang sumasaatin ay higit kay sa sumasa kanila” (2 Mga Hari 6:16). (“Huwag Kayong Mabagabag,” Liahona, Nob. 2018, 18–19)

Paano ko makikita ang tulong ng Diyos sa buhay ko?

Itinuro ni Pangulong Russell M. Nelson:

Manalangin na magkaroon ng mga mata na makakakita sa kamay ng Diyos sa inyong buhay at sa mundong nakapaligid sa inyo. Hilingin sa Kanya na sabihin sa inyo kung naroroon Siya talaga—kung nakikilala Niya kayo. Tanungin Siya kung ano ang nadarama Niya para sa inyo. At pagkatapos ay makinig. (“Pumarito Ka, Sumunod Ka sa Akin,” Liahona, Mayo 2019, 90)

Nagsusugo pa rin ba ang Diyos ng mga anghel upang tulungan tayo ngayon?

Itinuro ni Pangulong Jeffrey R. Holland ng Korum ng Labindalawang Apostol:

Mula pa sa simula hanggang sa sumunod na mga dispensasyon, gumamit ng mga anghel ang Diyos bilang Kanyang mga sugo para iparating ang pagmamahal at pag-aalala sa Kanyang mga anak. …

Karaniwan ay hindi nakikita ang ganitong mga nilalang. Kung minsan naman ay nakikita sila. Ngunit nakikita man o hindi, lagi silang nariyan. Kung minsan ay napakadakila ng kanilang mga atas at makabuluhan para sa buong mundo. Kung minsan ay mas personal ang mga mensahe. Paminsan-minsan ay layon ng anghel na magbabala. Ngunit kadalasan ay para magpanatag, magbigay ng maawaing pagkalinga, pumatnubay sa mga panahon ng kahirapan. …

Pinatototohanan ko na nagsusugo pa rin ng mga anghel para tulungan tayo, gaya noong isugo sila upang tulungan sina Adan at Eva, upang tulungan ang mga propeta, at tulungan mismo ang Tagapagligtas ng mundo. (“Ang Ministeryo ng mga Anghel,” Liahona, Nob. 2008, 29)

Mga Karagdagang Aktibidad sa Pag-aaral

Isang alternatibong simula

Para sa isa pang paraan upang maihanda ang iyong mga estudyante na pag-aralan ang 2 Mga Hari 6, maaari kang maglagay ng ilang larawan ni Jesucristo sa paligid ng silid. Ang ilan ay ilagay sa mga nakikitang lugar, at ang iba pa ay sa mga lugar na mas mahirap makita.

Sa simula ng lesson, itanong sa iyong mga estudyante kung napansin nila ang alinman sa mga larawan ng Tagapagligtas na inilagay mo sa paligid ng silid. Sabihin sa kanila na ituro sa iyo ang bawat isa sa mga ito. Kung may mga larawang hindi nila napansin o natagpuan, magbigay ng mga pahiwatig upang matulungan ang mga estudyante na mahanap ang mga ito.

Sabihin sa mga estudyante na ibahagi ang mga paraan na maiaangkop ang aktibidad na ito sa kanilang buhay. Ang mga sumusunod na tanong ay maaaring makatulong sa talakayang ito:

Paano maihahalintulad ang karanasang ito sa pagsisikap na makita at makilala ang mga pagpapala at proteksyon ng Panginoon sa ating buhay?
Bakit maaaring mahirap na makita o makilala kung minsan ang mga pagpapala at proteksyon ng Panginoon sa ating buhay?

Pagkatapos ay maaaring pag-isipan ng mga estudyante kung gaano nila nakikita ang pakikibahagi ng Panginoon sa kanilang buhay.

Pagtulong sa mga estudyante na mailarawan sa isip ang salaysay

Upang matulungan ang mga estudyante na mailarawan sa isip ang kuwento sa 2 Mga Hari 2:14–23, maaari mong ipanood ang video na “Elisha and the Lord’s Army” (1:09). Pagkatapos, maaari mong anyayahan ang mga estudyante na rebyuhin ang mga talata upang maghanap ng mga detalye na wala sa video.

1:9

2 Mga Hari 6:1–7. Ang talim ng palakol ay lumutang sa tubig

Kung sa palagay mo ay makikinabang ang iyong mga estudyante sa pagtalakay ng tungkol sa kung paano nalalaman at pinahahalagahan ng Diyos ang mahalaga sa atin, maaari mong isulat sa pisara ang sumusunod na mga hamon o desisyon:

Pagkuha ng mahirap na pagsusulit sa paaralan
Pagkawala ng mga susi o ng cell phone
Paghihirap sa isang ugnayan

Itanong sa mga estudyante kung alin sa mga hamon o desisyong ito ang sa palagay nila ay pinakapinahahalagahan ng Diyos.

Ipabasa sa mga estudyante ang 2 Mga Hari 6:1–7, at sabihin sa kanila na alamin ang himalang ginawa ng propetang si Eliseo. Pagkatapos ay maaari mong itanong sa mga estudyante ang mga sumusunod:

Bakit naging alalahanin ang pagkawala ng talim ng palakol para sa lalaking ito?
Sa konteksto ng plano ng kaligtasan, gaano kahalaga ang talim ng palakol?
Ano ang maituturo ng himalang ito sa atin tungkol sa Diyos?

Maaaring tukuyin ng mga estudyante ang isang katotohanan na tulad ng sumusunod: Alam ng Diyos ang ating mga alalahanin at maawain Siya sa atin.

Ipabasa sa mga estudyante ang sumusunod na pahayag ni Pangulong Thomas S. Monson (1927–2018).

Alam ng ating Ama sa Langit ang mga kailangan natin at tutulungan tayo kapag humingi tayo sa Kanya ng tulong. Naniniwala ako na wala tayong alalahanin na napakaliit o walang halaga. Pinagmamalasakitan ng Panginoon ang mga detalye ng ating buhay. (“Isipin ang mga Pagpapala,” Liahona, Nob. 2012, 88)

Sabihin sa mga estudyante na ibahagi ang mga karanasan nila nang tulungan sila ng Panginoon sa maliliit na paraan.