Manwal ng Guro ng Seminary para sa Lumang Tipan

Mga Nilalaman
Pahina ng Pamagat
Pambungad sa Manwal ng Guro
Mga Lesson sa Lumang Tipan
- Halina’t Basahin ang Lumang Tipan
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko ng Pagkabuhay
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Mga Bilang 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Hukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Cronica 14–20; 26; 30
- Ezra 1; 3–7; Nehemias 2; 4–6; 8
- Esther
- Job 1–3; 12–14; 19; 21–24; 38–40; 42
- Mga Awit 1–2; 8; 19–33; 40; 46
- Mga Awit 49–51; 61–66; 69–72; 77–78; 85–86
- Mga Awit 102–103; 110; 116–119; 127–128; 135–139; 146–150
- Mga Kawikaan 1–4; 15–16; 22; 31; Eclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3; 7; 16–18; 20
- Jeremias 31–33; 36–38; Mga Panaghoy 1; 3
- Ezekiel 1–3; 33–34; 36–37; 47
- Daniel 1–7
- Oseas; Joel
- Amos; Obadias; Jonas
- Mikas; Nahum; Habakuk; Sefanias
- Hagai 1–2; Zacarias 1–4; 7–14
- Malakias
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan o Self-Reliance
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Pagtatagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

2 Mga Hari 2–4: Binigyan ng Panginoon si Eliseo ng Kapangyarihan at Awtoridad

“2 Mga Hari 2–4: Binigyan ng Panginoon si Eliseo ng Kapangyarihan at Awtoridad,” Manwal ng Titser ng Seminary para sa Lumang Tipan (2026)

“2 Mga Hari 2–4: Binigyan ng Panginoon si Eliseo ng Kapangyarihan at Awtoridad,” Manwal ng Titser ng Seminary para sa Lumang Tipan

2 Mga Hari 2–7: Lesson 83

2 Mga Hari 2–4

Binigyan ng Panginoon si Eliseo ng Kapangyarihan at Awtoridad

The Old Testament prophet Elijah (acting on the instructions of Elisha) depicted smiting the waters of the River Jordan with his cloak in order for the river to part and allow passage on dry ground.

Kapag tumatanggap tayo ng mga calling o tungkulin sa Simbahan ng Panginoon, matatanggap natin ang Kanyang awtoridad na maglingkod. Kapag sinikap nating masigasig na maglingkod at maging higit na katulad Niya, pagpapalain Niya tayo ng Kanyang kapangyarihan. Ang salaysay tungkol sa pagkakaloob ng Panginoon sa propetang si Eliseo ng kapangyarihan at awtoridad matapos dalhin si Elijah sa langit ay naglalarawan sa katotohanang ito. Ang lesson na ito ay makatutulong sa mga estudyante na maunawaan na ang Panginoon ay nagbibigay ng awtoridad sa mga taong tinatawag Niya at ng kapangyarihan sa mga naglilingkod nang matwid.

Paghahanda ng estudyante: Anyayahan ang mga estudyante na isipin ang isang pagkakataon na sila o ang isang kakilala nila ay naglingkod sa isang tungkulin sa Simbahan. Anyayahan ang mga estudyante na pag-isipan ang tanong na, “Kailan ko nasaksihan ang kapangyarihan at awtoridad ng Panginoon sa pagtupad sa mga tungkulin sa Simbahan?”

Mga Posibleng Aktibidad sa Pag-aaral

Ang pinagmumulan ng kapangyarihan at awtoridad

A doctor meets with her patients and checks blood pressure.

Maaaring simulan ang klase sa pamamagitan ng pagtalakay kung saan nagmumula ang awtoridad na gawin ang ilang partikular na bagay. Maaari mong gawin ito sa pamamagitan ng pagpapakita ng isang larawan ng doktor na nakasuot ng medical coat o nasa isang lugar na nauugnay sa medisina (o isa pang propesyonal na may awtoridad na gampanan ang kanyang tungkulin) at pagtatanong ng mga sumusunod.

Ano ang ilan sa mga responsibilidad ng taong ito?
Sino ang nagbigay sa kanya ng awtoridad na gampanan ang kanyang tungkulin?
Ano ang nagbibigay sa inyo ng kumpiyansa na sundin siya?

Maaaring ipakita ang isang larawan ng kasalukuyang propeta at itanong muli ang mga naunang tanong tungkol sa kanya.

Para matulungan ang mga estudyante na i-assess ang nauunawaan nila tungkol sa paglilingkod nang may kapangyarihan at awtoridad ng Panginoon sa mga tungkulin, maaari mo silang anyayahang gawin ang sumusunod.

Sa inyong study journal o sa bahagi na Mga Tala sa Gospel Library, sagutin ang mga sumusunod na tanong. Habang pinag-iisipan ninyo ang inyong mga sagot, pakinggan ang mga impresyon mula sa Espiritu Santo tungkol sa nais ng Panginoon na maunawaan ninyo tungkol sa paglilingkod nang may kapangyarihan at awtoridad ng Panginoon sa mga calling o tungkulin.

Ano ang nauunawaan ko tungkol sa pagtanggap ng kapangyarihan at awtoridad ng Panginoon na maglingkod sa mga tungkulin?
Paano makakaimpluwensya ang pag-unawang ito sa pagtugon ko kapag nakatanggap ako o ang ibang tao ng tawag na maglingkod mula sa Panginoon?

Natanggap ni Eliseo ang kapangyarihan at awtoridad ng Diyos

Maaari mong ipaliwanag na inihayag ng Panginoon kay Elijah na si Eliseo ay magiging isang propeta (tingnan sa 1 Mga Hari 19:16, 19).

Anong mga alalahanin ang maaaring nadama ni Eliseo habang naghahanda siya para sa kanyang tungkulin mula sa Panginoon?

Alam ni Eliseo na malapit nang kunin ng Panginoon si Elijah (2 Mga Hari 2:1–3). Sa huling araw ni Elijah, sinundan ni Eliseo si Elijah sa bawat lungsod hanggang sa makarating sila sa Ilog Jordan.

Para matulungan ang mga estudyante na matuklasan ang nangyari sa Ilog Jordan, maaari mong hatiin ang klase sa maliliit na grupo. Sa pisara, maaari mong idrowing ang apat na larawan sa ibaba o ibuod ang bawat isa sa ilang salita sa anumang pagkakasunod-sunod. Anyayahan ang bawat grupo na basahin ang 2 Mga Hari 2:8–15 at ayusin ang mga larawan o buod ng mga pangyayari sa tamang pagkakasunod-sunod.

Elijah Power and Authority, holding the mantle

Elijah Power and Authority, riding the chariot

Paano ipinakita ng Panginoon kay Eliseo at sa iba pa na binigyan Niya si Eliseo ng kapangyarihan at awtoridad sa kanyang tungkulin?

Maaari mong ipaliwanag na ang balabal na ginamit nina Elijah at Eliseo ay hindi nagbigay sa kanila ng kapangyarihan at awtoridad kundi kumakatawan ito sa kapangyarihan at awtoridad ng Diyos. Sa Simbahan ngayon, minsan ay tinatawag natin ang tungkulin o awtoridad ng isang tao bilang kanyang “balabal.“ Halimbawa, kapag sinang-ayunan ang isang bagong propeta bilang Pangulo ng Simbahan, natatanggap niya ang balabal ng awtoridad.

Maaaring makatulong din na banggitin na ang awtoridad na maglingkod sa mga tungkulin ay nagmumula sa Panginoon sa pamamagitan ng mga kalalakihang mayhawak ng mga susi ng priesthood.
Anong katotohanan ang matututuhan natin mula sa karanasan ni Eliseo tungkol sa ginagawa ng Panginoon para sa mga taong tinatawag Niya na maglingkod sa Kanya?

Sa mga katotohanang maaaring ibigay ng mga estudyante, ipaliwanag na ang Panginoon ay nagbibigay ng awtoridad at kapangyarihan sa mga taong Kanyang tinatawag.

Paglilingkod nang may kapangyarihan at awtoridad ng Diyos

Para matulungan ang mga estudyante na maunawaan ang ibig sabihin ng maglingkod sa mga tungkulin nang may kapangyarihan at awtoridad ng Panginoon, maaari mong isulat sa pisara ang Awtoridad ng Priesthood at Kapangyarihan ng Priesthood. Ibahagi ang sumusunod na pahayag mula sa Mangaral ng Aking Ebanghelyo: Gabay sa Pagbabahagi ng Ebanghelyo ni Jesucristo. Bagama’t ang pahayag na ito ay direktang angkop sa mga missionary, ipaalala sa mga estudyante na ang Panginoon ay nagbibigay ng awtoridad sa mga taong tinatawag Niya na maglingkod sa anumang tungkulin at ng kapangyarihan sa mga taong naglilingkod sa Kanya nang matwid.

Sa ilalim ng pamamahala ni Cristo, ang awtoridad na ipangaral ang ebanghelyo ay ipinanumbalik sa pamamagitan ni Propetang Joseph Smith. Noong ikaw ay na-set apart bilang isang misyonero, natanggap mo ang awtoridad na ito. Kaakibat nito ang karapatan, pribilehiyo, at responsibilidad na kumatawan sa Panginoon at ituro ang Kanyang ebanghelyo. …

Bukod pa sa awtoridad, kailangan mo ng espirituwal na kapangyarihan para matupad mo ang iyong tungkulin. Ang Diyos ay nagbibigay ng espirituwal na kapangyarihan kapag patuloy kang nagsisikap na mapatatag ang iyong patotoo sa Kanya, kay Jesucristo, at sa mga katotohanan ng ebanghelyo na itinuturo mo. Nagkakaloob Siya ng espirituwal na kapangyarihan habang ikaw ay nagdarasal, nag-aaral ng mga banal na kasulatan, at naghahangad na matupad ang iyong layunin bilang misyonero. Nagkakaloob Siya ng espirituwal na kapangyarihan habang sinisikap mong sundin ang Kanyang mga kautusan at ang mga tipan na ginawa mo noong tinanggap mo ang mga ordenansa ng kaligtasan (tingnan sa Doktrina at mga Tipan 35:24). (Mangaral ng Aking Ebanghelyo: Gabay sa Pagbabahagi ng Ebanghelyo ni Jesucristo, [2023], 3, 4)

Ano ang natutuhan ninyo tungkol sa kapangyarihan at awtoridad ng Panginoon mula sa mga pahayag na ito?
Bakit maaaring maging kapaki-pakinabang na tandaan ito kapag tumanggap kayo ng tungkulin mula sa Ama sa Langit at kay Jesucristo?
Bakit maaaring kapaki-pakinabang na tandaan ito kapag sinasang-ayunan ninyo ang iba na tumatanggap ng mga tungkulin?

Ipakita ang pag-unawa

Para matulungan ang mga estudyante na ibuod ang kanilang natutuhan, maaaring pagpartner-partnerin ang mga estudyante para sa sumusunod na aktibidad.

Pumili ng isa o mahigit pa sa mga sumusunod na sitwasyon at talakayin ang natutuhan mo ngayon na makatutulong sa indibidwal sa kanyang mga alalahanin tungkol sa isang tungkulin. Sa bawat sagot, magsama ng mga banal na kasulatan, pahayag mula sa mga lider ng Simbahan, o kaalamang natanggap mo mula sa Espiritu nang pag-aralan mo ang kuwento ng pagtawag kay Eliseo para maglingkod.

Isang bagong bishop ang tinawag at sinang-ayunan. Alam ng anak niya na hindi siya perpekto.
Isang bagong Young Women president ang tinawag na maglingkod. Isang dalagita ang may magandang ugnayan sa dating president at hindi niya talaga kilala ang bagong president.
Isang binatilyo o dalagita ang tinawag para maglingkod bilang president ng kanilang quorum o klase. Nadarama nila na hindi sapat ang kanilang kaalaman para magawa nang maayos ang tungkuling ito.
Isang missionary ang tinawag na maglingkod sa isang bansa na ibang wika ang sinasalita ng mga tao. Nag-aalala siya kung gaano siya magiging epektibo sa pagbabahagi ng ebanghelyo.

Mag-isip ng paraan kung paano maipapabahagi sa mga estudyante ang kanilang mga sagot sa isa’t isa. Ang isang paraan para magawa ito ay hayaang magbahagi ang bawat magka-partner sa ibang grupo. Kapag nagkaroon na ang lahat ng pagkakataong magbahagi, maaari mong anyayahan ang mga estudyante na ibahagi ang talagang nagustuhan nila sa sagot ng ibang grupo.

Para tapusin ito, maaari kang magpatotoo tungkol sa mga katotohanang tinalakay ninyo sa araw na ito.

Karagdagang Resources

Paano kung pakiramdam ko ay hindi sapat ang kakayahan ko para maglingkod sa isang tungkulin mula sa Panginoon?

Itinuro ni Pangulong Henry B. Eyring ng Unang Panguluhan:

15:31

Pagtitibayin ng Panginoon ang inyong sinasabi at ginagawa sa mata ng mga taong pinaglilingkuran ninyo. … Ang sinasabi at ginagawa ninyo ay maghahatid ng pag-asa at magbibigay ng patnubay sa mga tao nang higit pa sa inyong likas na kakayahan at sariling pang-unawa. Ang himalang iyon ay naging tanda ng Simbahan ng Panginoon sa bawat dispensasyon. (“Rise to Your Call,” Liahona, Nob. 2002, 77)

Ano ang ibig sabihin ng maglingkod nang may awtoridad ng Diyos?

Ibinahagi ni Pangulong Dallin H. Oaks ng Unang Panguluhan ang sumusunod na karanasan:

Dinala ng isang miyembro ng Simbahan ang kapitbahay niya sa opisina ko. Ang asawa ng kapitbahay ay isang Protestanteng pastor na may malaking kongregasyon. Sa loob ng maraming taon, naglingkod sa Panginoon ang mag-asawang ito nang buong kasigasigan sa isang relihiyong Kristiyano. Maraming tao siyang nabinyagan sa simbahang iyon.

Ngayon, sa pamamagitan ng impluwensya ng kanyang mga kapitbahay na Banal sa mga Huling Araw, nabasa niya ang Aklat ni Mormon at na-convert siya sa Ang Simbahan ni Jesucristo ng mga Banal sa mga Huling Araw. Handa na siyang magbitiw sa kanyang ministeryo at sumapi sa ipinanumbalik na Simbahan. Ngunit una muna, kinailangan nilang mag-asawa ng sagot sa kanilang tanong tungkol sa awtoridad ng priesthood. Ipinapaalala sa akin na maraming taong nabinyagan ang kanyang asawa, itinanong ng kanyang asawa, “Sinasabi mo ba sa akin na walang awtoridad ang asawa ko na binyagan ang lahat ng taong bininyagan niya?”

Ipinahiwatig ng Espiritu ang sagot ko, tulad ng gagawin nito sa ganitong mga sitwasyon.

“Hindi,” sabi ko. “Sigurado ako na may awtoridad ang iyong asawa na binyagan ang lahat ng taong bininyagan niya. Taglay niya ang lahat ng awtoridad na maibibigay sa kanya ng kanyang simbahan. Maaari siyang magkasal. Maaari niyang gawing miyembro ng kongregasyon ang mga tao. Maaari siyang umupa ng kontratista para lagyan ng bagong bubong ang inyong simbahan. Pero hindi iyan ang klase ng awtoridad na pinag-uusapan natin. Ang awtoridad na itinatanong mo ay ang awtoridad na ibinigay ni Jesus kay Pedro, na anuman ang kanyang ginawa sa lupa ay kikilalanin sa langit (tingnan sa Mateo 16:19). At dahil ang banal na awtoridad na iyon ay kailangang matunton sa mga Apostol, umiiral lamang ito sa Ang Simbahan ni Jesucristo ng mga Banal sa mga Huling Araw.” (“Ang Tiyak na Patotoo ng mga Makabagong Propeta,” Liahona, Okt. 2023, 5)

May kapangyarihan at awtoridad ba ang kababaihan sa kanilang mga tungkulin?

Itinuro ni Sister Jean B. Bingham, na noon ay Relief Society General President:

Kamakailan, itinuro sa atin na ang mga kababaihang itinalaga sa ilalim ng patnubay ng isang mayhawak ng mga susi ng priesthood ay gumaganap nang may awtoridad ng priesthood sa kanilang mga tungkulin. …

Bagama’t ang kababaihan ay hindi inoorden sa isang katungkulan sa priesthood, … ang mga kababaihan ay pinagkakalooban ng kapangyarihan ng priesthood kapag tinutupad nila ang kanilang mga tipan, at kumikilos sila nang may awtoridad ng priesthood kapag itinalaga sila sa isang tungkulin. (“Nagkakaisa sa Pagsasakatuparan ng Gawain ng Diyos,” Liahona, Mayo 2020, 60–63)

Mga Karagdagang Aktibidad sa Pag-aaral

Pag-release mula sa isang tungkulin

Para matulungan ang mga estudyante na maunawaan na ang Panginoon ay nagbibigay ng awtoridad sa mga tinatawag Niya at ng kapangyarihan sa mga tumutupad sa kanilang mga tipan, maaari mong hilingin sa mga estudyante na isipin ang isang pagkakataon na sila o ang isang kakilala nila ay na-release mula sa isang tungkulin.

Pagkatapos ay ibahagi ang sumusunod na video clip ni Pangulong Henry B. Eyring ng Unang Panguluhan.

15:31

Ano ang itinuturo nito sa atin tungkol sa awtoridad at kapangyarihang taglay ng mga tao habang naglilingkod sila sa tungkulin mula sa Panginoon?

Pananampalataya sa propeta ng Panginoon

Ang Panginoon ay nagbibigay ng kapangyarihan at awtoridad sa Kanyang mga piniling propeta upang maisakatuparan ang Kanyang mga layunin. Para matulungan ang mga estudyante na maunawaan ang kahalagahan ng pagtitiwala sa propeta ng Panginoon, maaari mong ibahagi ang kuwento tungkol sa pagpaparami ni Eliseo ng langis ng balo para makatulong sa pagliligtas ng pamilya nito.

Anyayahan ang mga estudyante na basahin ang 2 Mga Hari 4:1–7, at alamin kung ano ang ipinagawa ni Eliseo sa babae. Maaari mong itanong sa mga estudyante kung ano ang ginawa ng babae para magtiwala sa payo ni Eliseo at kung ano ang matututuhan natin tungkol sa Panginoon mula sa pagpapalang natanggap ng babae.

Maaari mong ibahagi ang sumusunod na payo ni Pangulong Russell M. Nelson at itanong sa mga estudyante kung ano ang natutuhan nila tungkol sa pagkilos nang may pananampalataya ayon sa payo ng propeta ng Panginoon.

Maaaring hindi ninyo laging mauunawaan ang lahat ng pahayag ng isang buhay na propeta. Ngunit kapag alam ninyo na ang isang propeta ay isang propeta, maaari kayong manalangin sa Panginoon nang may pagpapakumbaba at pananampalataya at humingi ng sarili ninyong patotoo tungkol sa anumang naipahayag ng Kanyang propeta. (“Manindigan Bilang mga Tunay na Isinilang sa Milenyong Ito,” Liahona, Okt. 2016, 53)