Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

1 Mpanjaka 18: Misafidy ny hanaraka ny Tompo

“1 Mpanjaka 18: Misafidy ny hanaraka ny Tompo,” Testamenta Taloha: Boky torolalana ho an’ny mpampianatra seminera (2026)

“1 Mpanjaka 18: Misafidy ny hanaraka ny Tompo,” Testamenta Taloha: Boky torolalana ho an’ny mpampianatra seminera

1 Mpanjaka 12–13; 17–22: Lesona 82

1 Mpanjaka 18

Misafidy ny hanaraka ny Tompo

The Old Testament prophet Elijah standing next to an altar. Elijah has his arms extended as he commands fire from heaven to consume the altar.

Manao ahoana ny fanolorantenanao hanaraka an’ Andriamanitra? Mba hanehoana fa ny Andriamanitr’i Isiraely no hany Andriamanitra marina, dia nangataka an’ireo mpisoron’i Bala mba hanao fifaninanana iray i Elia. Namaly ny vavaka nataon’i Elia ny Tompo ary nandresy tamin’ilay fifaninanana. Ity lesona ity dia afaka manampy ny mpianatra hahatsapa faniriana lehibe kokoa hanaraka ny Tompo.

Fanomanana ny mpianatra: Asao ny mpianatra hieritreritra fotoana iray na mihoatra izany teo amin’ny fiainany izay nahafantaran’izy ireo fa tena misy ny Ray any An-danitra na i Jesoa Kristy, na fotoana nahatsapan’izy ireo ny herin’Izy ireo teo amin’ny fiainany. Na azon’izy ireo atao ny mieritreritra ny zavatra azon’izy ireo atao mba hahitana raha toa ka tena misy ny Ray any An-danitra sy i Jesoa Kristy ary raha toa ka tokony hanaraka tanteraka Azy ireo izy ireo.

Sahanasa fianarana azo atao

Afaka manaraka hery mitarika anankiroa ve isika ao anatin’ny fotoana iray?

Mampiasà plastika mpampiraikitra na fitaovana hafa ka manaova tsipika roa eo amin’ny tany izay mifanohitra ny lalany araka ny aseho etsy ambany. Angataho ny mpianatra iray mba hijoro eo afovoan’ny toerana izay mampifanakaiky ny faran’ireo tsipika ary mba hametraka ny tongotra iray eo amin’ny tsipika tsirairay.

Simple drawing of a stick figure standing on two blue lines with arrow heads at the end

Asaivo mamindra kely ilay mpianatra sady miezaka mandeha eo amin’ireo tsipika anankiroa. Anontanio azy ireo ny halavan’ny fotoana tsapan’izy ireo fa mety hahombiazan’izy ireo. Raha ilaina dia hazavao fa na dia mety ho vitan’ny olona iray aza ny mandeha lavidavitra kely eo amin’ireo tsipika roa ireo dia tsy haharitra ny fahombiazan’izy ireo na tsy ho afaka ny hamindra tsara eo amin’iray amin’ireo fitsipika ireo izy ireo.

Asao hiverina eny amin’ny toerany ilay mpianatra.

Ho an’ity lesona ity, ny tsipika iray dia afaka maneho ny lalan’ny Tompo, ary ilay iray hafa dia afaka maneho ireo hery mitarika hafa izay tsy mifanaraka amin’ny lalan’ny Tompo.

Inona avy ireo fomba sasantsasany ataontsika izay maneho fa manandrana manaraka ny Tompo sy ireo fitaomana hafa ao anatin’ny fotoana iray isika?

Nangataka an’ireo mpisoron’i Bala mba hanao fifaninanana i Elia

Ao amin’ny 1 Mpanjaka 18 dia naniry ny mba hanoloran’ny fanjakan’i Isiraely tena tanteraka amin’ny Tompo i Elia. Efa telo taona izay no lasa hatramin’ny nampiasan’i Elia ny fahefana mamehy izay nohazoniny mba hampisy hain-tany eo amin’ny tany (jereo ny 1 Mpanjaka 17:1). Saingy nanohy nitsaoka andriamani-kafa i Isiraely ka anisan’izany i Bala (jereo ny 1 Mpanjaka 18:18). Nangataka ireo mpaminany sandok’i Bala sy ireo mpaminany sandok’i Aseraha an-jatony maro i Elia mba hanao fifaninanana eny amin’ny Tendrombohitra Karmela mba hanehoana hoe i Bala sa i Jehovah no Andriamanitra marina (jereo ny 1 Mpanjaka 18:19). Niresaka tamin’ny olona i Elia talohan’ny niantombohan’ilay fifaninanana.

Vakio ny 1 Mpanjaka 18:21 ka tadiavo ny tenin’i Elia tamin’ny olona. Ilay teny hoe hiroa saina tao anatin’ity toe-javatra ity dia midika hoe misalasala.

Inona no nasain’i Elia nataon’ny olona?

Ny Loholona D. Todd Christofferson ao amin’ny Kôlejin’ny Apôstôly Roambinifolo dia namerina nilaza io teny nambaran’i Elisa io toy izao:

Amin’izao fotoana izao dia mety hiteny i Elia hoe:

Na ny Andriamanitra Raintsika any An-danitra dia misy, na Izy tsy misy, kanefa raha misy Izy dia mivavaha Aminy.

Na i Jesoa Kristy ilay Zanak’ Andriamanitra, no ilay Mpanavotra an’izao tontolo izao nitsangana tamin’ny maty, na tsy Izy izany. Saingy raha Izy izany, dia manaraha Azy. (“Mafy orina sy mifototra ao amin’ny finoana an’i Kristy,” Liahona, nôv. 2018, 30)

Inona no nisarika ny sainao tao anatin’ireo teny nambaran’i Elia sy ny Loholona Christofferson?

Asao ireo mpianatra hizara ny eritreriny. Ireto ny fahamarinana sasantsasany azontsika ianarana:

Ny Tompo dia manome fahafahana antsika hisafidy ny hanaraka Azy na ireo andriamani-kafa sy ny lalana feno faharatsiana an’izao tontolo izao.

Rehefa fantatsika fa misy ny Ray any An-danitra ary i Jesoa no Kristy dia tokony hanolo-tena ny hanaraka Azy Ireo isika.

Valio ao anatin’ny diary fandalinanao ireto fanontaniana manaraka ireto:

Hatraiza ny finoako fa manana Ray any An-danitra sy Mpamonjy aho?
Manao ahoana ny fanolorantenako hanaraka Azy Ireo?
Inona no mety hanakana ahy tsy hanolo-tena hanaraka Azy ireo tanteraka?

Rehefa manohy ny fandalinanao ianao dia katsaho ny fitarihan’ny Fanahy Masina mba hanampy anao hahafantatra ny fomba mety handresenao izay sakana mety hanakana anao tsy hanaraka tanteraka ny Ray any An-danitra sy an’i Jesoa Kristy.

Ny fifaninanana teo amin’i Bala sy i Jehovah

Vakio ny 1 Mpanjaka 18:23–24 ka tadiavo ireo fepetra notakina tamin’ilay fifaninanana teo amin’i Elia sy ireo mpaminany sandok’i Bala.

Ireo mpisoron’i Bala no nanandrana voalohany ka niantso ny andriamani-kafany nandritra ny ora maro. Vakio ny 1 Mpanjaka 18:26–29 ka tadiavo ny zavatra nitranga.

Inona no hitanao?

Mba hahafantarana ny zavatra nitranga rehefa niantso an’ Andriamanitra i Elia dia vakio ny 1 Mpanjaka 18:30–39. Makà taratasy iray avy eo ary zarao roa izany. Ataovy sary eo amin’ilay antsasaka taratasy ny zavatra nitranga rehefa nanomana ny sorona hatolony sy niantso an’ Andriamanitra i Elia.

Inona no ho neritreretinao sy ho tsapanao raha teo ianao?
Inona no mety ho fiantraikan’izany eo amin’ny fijoroana ho vavolombelona anananao momba ny Tompo sy ny fahavononanao hanaraka Azy?

Soraty na ataovy sary eo amin’ilay antsasaka taratasy iray hafa ny momba ny fotoana iray na mihoatra izany teo amin’ny fiainanao izay nahafantaranao fa tena misy ny Ray any An-danitra na i Jesoa Kristy, na nahatsapanao ny herin’Izy ireo teo amin’ny fiainanao. Na azonao soratana na atao sary ny momba ny zavatra azonao atao mba hahitana raha tena misy Izy Ireo ary raha toa ka tokony hanaraka tanteraka Azy ireo ianao.

Rehefa vitan’ny mpianatra izany dia hevero ny hanome fotoana misimisy ho an’ireo mpianatra manolo-tena mba hizarany ny zavatra nataon’izy ireo sary na nosoratan’izy ireo raha toa ka tsy tsiambaratelo mikasika azy ireo izany. Ny famporisihana mpianatra maro hizara dia afaka manome fomba fijery isan-karazany sy manampy ny mpianatra hafa hahafantatra ny fahafahan’ireo fahamarinana nianaran’izy ireo hisy fiantraikany eo amin’izy ireo. Mety hahasoa koa ny fametrahana fanontaniana toy ireto eto ambany manaraka ireto.

Nahoana no manampy anao eo amin’ny fanolorantenanao hitsaoka sy hanaraka ny Ray any An-danitra sy an’i Jesoa Kristy ny fisaintsainana ireo zavatra niainanao manokana mikasika ny fahitana ny herin’Izy ireo teo amin’ny fiainanao?
Nahoana araka ny eritreritrao no mendrika ny harahina tanteraka ny Ray any An-danitra sy i Jesoa Kristy Mpamonjy?

Mba hamaranana ity lesona ity dia soraty ao anatin’ny diary fandalinanao ny zavatra tsapanao momba ny fanarahana tanteraka ny Ray any An-danitra sy an’i Jesoa Kristy. Katsaho ny fitarihan’ny Fanahy Masina mba hanampy anao hahatadidy sy haneho ny zavatra tsapanao. Azonao ampidirina ao ny zavatra tianao hatao na hotadidina noho ity lesona ity.

Zarao ny fijoroana ho vavolombelona anananao momba ny Ray any An-danitra sy an’i Jesoa Kristy sy ireo fitahiana azo avy amin’ny fanarahana tanteraka Azy ireo.

Loharanom-pitaovana fanampiny

Inona ireo zavatra sasantsasany mahatonga antsika “hiroa saina” amin’izao fotoana izao?

Ny Loholona David P. Homer ao amin’ny Fitopololahy dia nampianatra fomba maro mety hahatonga antsika ho lasa sahiran-tsaina momba izay tokony ho arahina:

Miaina ao anaty tontolo feno feo maro mikatsaka ny hisarika antsika isika. Eo anatrehan’ireo vaovao farany, tweets, blogs, podcasts, ary ny torohevitra mandresy lahatra avy amin’ny Alexa, Siri, ary ireo hafa, dia mety ho sarotra ny mamantatra ireo feo azo itokisana. Indraindray dia ataontsika loharanom-pitarihana eo amin’ny fiainantsika ny hevitry ny maro, noho ny fiheverana fa hitondra loharanon’ny fahamarinana tsara indrindra ny besinimaro. Amin’ny fotoana hafa dia “[m]iroa saina” (1 Mpanjaka 18:21) isika ka misafidy ny sady “[tsy ho mangatsiaka no tsy ho mafana]” (Apokalypsy 3:15–16). Amin’ny fotoana hafa koa dia manaraka izay mahametimety isika, mifantoka amin’ny feo tokana na lalana tokana mba hitarika antsika, na miantehitra tanteraka amin’ny fahaizantsika mieritreritra manokana. …

Izay malaza dia tsy voatery ho ny tsara indrindra foana. Ny miroa saina dia tsy manoro ny lalana haleha. Ilay mahametimety dia mahalana no mitondra any amin’ny zavatra manan-danja. Ny fifantohana amin’ny feo tokana na lalana tokana dia mety hanimba ny fahafahantsika mahita. Ary ny fianteherana tanteraka amin’ny eritreritsika manokana dia mety hitarika antsika amin’ny fahadontoan’ny saina noho ny fiheverana ny tenantsika ho tampom-pahaizana. Raha toa ka tsy mitandrina isika dia mety hisintona antsika ao amin’ny ivon’ny filazantsara ireo feo diso hankany amin’ny toerana izay sarotra ny hanohanana ny finoana, ary ho fahabangana, ngidy, ary tsy fahafaham-po no ho hitantsika. …

Noho izany dia mila misafidy isika hoe iza amin’ireo feo isan-karazany rehetra ireo no hankatoavintsika. Moa ve isika hanaraka ireo feo tsy azo ianteherana tohanan’izao tontolo izao, sa hanao ireo asa takina mba hamelana ny feon’ Andriamanitra hitarika antsika eo amin’ireo fanapahan-kevitra raisintsika sy hiaro antsika amin’ny loza? (“Mihaino ny feony,” Liahona, mey 2019, 41–43)

Manao ahoana ny endriky ny Tendrombohitra Karmela?

Nivondrona teo amin’ny Tendrombohitra Karmela ny mpaminany Elia sy ireo mpaminany sandok’i Bala. Ity sarin’ny Tendrombohitra Karmela any Isiraely manaraka ity dia afaka manampy ny mpianatra haka sary an-tsaina ilay toerana nangatahan’i Elia afo hilatsaka avy any an-danitra sy ny tsy nahombiazan’ireo mpaminany sandok’i Bala.

Sahanasa fianarana fanampiny

Fanombohana amin’ny fomba hafa

Asao ny mpianatra hanandrana hanao sahanasa roa ao anatin’ny fotoana iray, toy ny hoe sady manao pompes no manao sauts à écarts, na sady mamaky no miresaka amin’ny namana iray. Ifanakalozy hevitra ny antony tsy mampahomby ny fiezahana manao zavatra anankiroa ao anatin’ny fotoana iray. Asao izy ireo hamaky ny fanontanian’i Elia ao amin’ny 1 Mpanjaka 18:21.

“Seigneur, je te suivrai”

Hevero ny hanomboka ny lesona amin’ny alalan’ny fihirana ny “Seigneur, je te suivrai” (Cantiques, no. 141).

Raha tsy izany, rehefa avy mametraka ilay fanontaniana tany amin’ny faran’ny lesona hoe, “Nahoana araka ny eritreritrao no mendrika ny harahina tanteraka ny Ray any An-danitra sy i Jesoa Kristy Mpamonjy?”, dia hevero ny hihira ny “Seigneur, je te suivrai”. Asao ny mpianatra hizara ireo teny na andian-teny ao amin’io hira io izay mitaona azy ireo hanaraka ny Tompo.

1 Mpanjaka 19:1–12. Niresaka tamin’i Elia tamin’ny alalan’ny feo tony sy malefaka ny Tompo

Ireo andininy ao amin’ny 1 Mpanjaka 19 no ho lohahevitra ao amin’ny Lesona 162: “Mikatsaka fanambarana ho an’ny tena manokana ho an’ireo fanontaniako”, saingy raha te hampianatra momba izany eto ianao dia hevero ny hanaraka ity hevitra manaraka ity:

Mandefasa feo isan-karazany ho renesin’ny mpianatra ary asao izy ireo hamariparitra izany. Ny ohatra sasantsasany amin’izany dia mety ho hiakiaka, rivotra mahery, horohoron-tany, ary bitsibitsika. Asao ny mpianatra hizara ny zavatra takina mba hahenoana sy hamantarana ny feo tsirairay.

Taorian’ny fifaninanana nataon’i Elia sy ireo mpisoron’i Bala dia novonoina ireo mpisorona ratsy fanahy ary nampiasa ny herin’ Andriamanitra i Elia mba handrotsahana orana sy hamaranana ireo taona maro niainana hain-tany (jereo ny 1 Mpanjaka 18:40–45). Na dia taorian’ny filatsahan’ny afo sy ny orana avy any an-danitra tamin’ny fomba mahagaga aza dia nianiana i Jezebela fa hanaisotra ny ain’i Elia mba ho valifaty, ka nahatonga an’i Elia nitsoaka sy niafina tany anaty zohy iray (jereo ny 1 Mpanjaka 19:1–8).

Vakio ny 1 Mpanjaka 19:9–13 ka tadiavo ny fomba nifandraisan’ny Tompo tamin’i Elia.

Inona no azontsika ianarana avy amin’io tantara io mikasika ny fomba ifandraisan’ny Tompo amintsika matetika?

Raha mahasoa dia asao ny mpianatra mba ho tony sy hangina mandritra ny 30 segondra ary hihaino izay mety ho feo tsy henonareo teo aloha. Anontanio hoe ahoana no fomba hanehoan’ity sahanasa ity ny zavatra tsy maintsy ataontsika mba handraisana ireo hafatra mety homen’ny Tompo antsika amin’ny alalan’ilay feo tony sy malefaky ny Fanahy.

Inona no manampy anao hahafantatra sy handre ilay feo tony sy malefaka izay miresaka aminao?
Inona avy ireo fitahiana efa hitanao noho ny fitaoman’ny Fanahy teo amin’ny fiainanao?

Rehefa avy mizara ny mpianatra dia hevero ny hizara zavatra niainan’ny tena manokana sy fijoroana ho vavolombelona an’ny tena manokana koa.