Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

1 Mpanjaka 17: “Nandeha izy ka nanao araka ny tenin’i Elia”

“1 Mpanjaka 17: –Nandeha izy ka nanao araka ny tenin’i Elia,” Testamenta Taloha: Boky torolalana ho an’ny mpampianatra seminera (2026)

“1 Mpanjaka 17: –Nandeha izy ka nanao araka ny tenin’i Elia,” Testamenta Taloha: Boky torolalana ho an’ny mpampianatra seminera

1 Mpanjaka 12–13; 17–22: Lesona 81

1 Mpanjaka 17

“Nandeha izy ka nanao araka ny tenin’i Elia”

A painting by James Johnson showing a woman with long brown hair and a simple tunic, pouring oil into a small plate.

Ny Raintsika any An-danitra be fitiavana sy ny Zanakalahiny Jesoa Kristy, dia matetika manome antsika fahafahana hampihatra finoana Azy ireo ao anatin’ireo zava-tsarotra eo amin’ny fiainana. Tao anatin’ny hain-tany dia nangataka mpitondratena iray tao Zarefata ny mpaminany Elia mba hanome azy ny sakafo sisa tao aminy. Rehefa nanao asa tamim-pinoana ilay mpitondratena dia nampanantena fitahiana lehibe ho azy ny Tompo. Tahaka ilay mpitondratena dia afaka maneho ny finoantsika an’ Andriamanitra isika amin’ny alalan’ny fanarahana ireo mpaminaniny. Ity lesona ity dia afaka manampy ny mpianatra hanao asa amim-pinoana bebe kokoa an’ny Ray any An-danitra sy an’i Jesoa Kristy amin’ny alalan’ny fanarahana ny tenin’ireo mpaminany.

Fanomanana ny mpianatra: Asao ny mpianatra hitady zavatra izay nasain’ny Tompo mba hataontsika amin’ny alalan’ny mpaminaniny sy ny fampanantenana nomeny raha manao izany isika. Asao ny mpianatra ho tonga any an-dakilasy miaraka amin’ny fahavononana hizara.

Sahanasa fianarana azo atao

Fanasana avy amin’ny mpaminany

Mba hanampiana ny mpianatra hahita ny fomba hanomezan’ny Ray any An-danitra sy i Jesoa Kristy fitarihana ho antsika amin’ny alalan’ireo mpaminanin’Izy ireo dia azonao atao ny mampiseho ity sahanasa manaraka ity. Hevero ny hampiditra ny mpaminany amin’izao fotoana izao sy ny fanasana nomeny vao haingana. Raha tsy izany dia azon’ny mpianatra atao ny milaza anarana mpaminany maromaro (tafiditra ao anatin’izany ny mpaminany amin’izao fotoana izao) ary mitanisa fanasana iray farafahakeliny izay nomen’ny Tompo antsika tamin’ny alalan’ny mpaminany tsirairay.

Ampifandraiso amin’ny fanasana nomen’ny Tompo ny vahoakany ireo mpaminany:

Rahalahin’i Jareda
Mosesy
Lehia
Brigham Young

Mialà ao Jerosalema ka mankanesa any an-tany foana.
Mandehana manao dia mankany amin’ny Montagnes Rocheuses.
Manamboara sambo hamakivakiana ny ranomasimbe hankanesana any amin’ny tany nampanantenaina.
Mandehana eo afovoan’ny Ranomasina Mena ka mandiava eo amin’ny tany maina.

Valiny: 1–E (jereo ny Etera 2:16; 6:4, 12); 2–D (jereo ny Eksodosy 14:21–22); 3–A (jereo ny 1 Nefia 2:1–2); 4–B (jereo ny Fotopampianarana sy Fanekempihavanana 136:1). Azonao atao ny manasa ny mpianatra hisaintsaina raha toa izy ireo ka ho nanaraka izany toromarika avy amin’ny mpaminany izany raha niaina tamin’ny andron’ireo mpaminany ireo.

Asao ny mpianatra hisaintsaina ny hasetrin’izy ireo an’ireo fanasana nomen’ny mpaminany velona amin’ny alalan’ny fanaovana ireto manaraka ireto.

Refeso amin’ny alalan’ny mari-drefy 1 ka hatramin’ny 10 ny fahitanao ny tenanao eo anatrehan’ireto teny ambara manaraka ireto:

Mino aho fa miteny amin’ny alalan’ny mpaminany ny Tompo.
Fantatro ny zavatra ampianarin’ny Tompo amin’ny alalan’ireo mpaminaniny amin’izao fotoana izao.
Manaraka ny fampianaran’ny Tompo izay omena amin’ny alalan’ireo mpaminaniny aho.

Rehefa mandalina ny 1 Mpanjaka 17 ianareo dia henoy tsara ny eritreritra sy ny hevi-baovao tonga avy amin’ny Fanahy Masina. Eritrereto ny mety ho fiantraikan’ny fandalinana ataonao androany eo amin’ireo zavatra tsapanao momba ireo teny ambara ireo.

I Elia sy ilay mpitondratena tao Zarefata

Azo vakina na fintinina ireto andiam-pehezan-teny roa manaraka ireto.

Noho ny faharatsiana dia nizara ho fanjakana roa ny fanjakan’i Isiraely: Isiraely sy Joda (jereo ny 1 Mpanjaka 11–12). Nandritra ny fitondran’i Ahaba Mpanjaka ratsy fanahy dia naniraka an’i Elia mpaminaniny ho any amin’ny vahoakan’i Isiraely ny Tompo.

Tamin’ny alalan’ny fampiasana ny herin’ Andriamanitra dia nanakana ny orana tsy hirotsaka teo amin’ny tany i Elia, izay niteraka hain-tany nandritra ny taona maro. Namatsy izay zavatra nilain’i Elia ny Tompo ka nasainy niery teo akaikin’ny sakelidrano izy izay toerana nameloman’ireo goaika azy (jereo ny 1 Mpanjaka 17:1–6).

Vakio ny 1 Mpanjaka 17:8–16.

Ahoana no fomba nanehoan’i Elia na ilay mpitondratena finoana an’i Jesoa Kristy?
Ahoana no fomba nahatanterahan’ny fampanantenan’ny Tompo?
Nahoana no maneho an’ohatra an’i Jesoa Kristy i Elia sy ilay mpitondratena?

Asao hizara ny valintenin’izy ireo ny mpianatra. Ny iray amin’ireo zavatra nataon’i Elia izay mety mampahatsiahy ny mpianatra an’i Jesoa Kristy dia ny fanasany an’ilay mpitondratena mba hanaraka izay zavatra nolazainy mba ho voavonjy. Nampanantena azy koa izy fa hampitomboana ny sakafony (1 Mpanjaka 17:14–16), toy ny nampanantenain’ny Mpamonjy tamin’ny hafa (jereo Matio 14:15–21). Ny iray amin’ireo zavatra nataon’ilay mpitondratena izay mety mampahatsiahy ny mpianatra an’i Jesoa Kristy dia ny fahavononany hamoy ny zavatra rehetra nananany tahaka ny nataon’ny Mpamonjy.

Anontanio ireo lesona nianaran’ny mpianatra avy amin’io tantara io. Mety hizara fitsipika samihafa izy ireo. Raha tsy voalazan’izy ireo ity fahamarinana manaraka ity dia ataovy izay hampidirana izany: Ny fanaovana asa amim-pinoana eo anatrehan’ny tenin’ny Mpamonjy dia mitondra ireo fitahiana nampanantenainy. Tafiditra ao anatin’izany ny tenin’ny Mpamonjy amin’ny alalan’ireo mpaminaniny.
Inona no mety hampananosarotra ny fanaovana asa amim-pinoana eo anatrehan’ireo fampianaran’ny Mpamonjy?
Inona no fantatrao momba ny Ray any An-danitra sy an’i Jesoa Kristy izay afaka manampy anao hanao asa amim-pinoana?

Ny tenin’ny Mpamonjy amin’ny alalan’ireo mpaminaniny

Asao ny mpianatra hizara ny toerana ahafahana mahita ny tenin’ny Tompo izay nomena tamin’ny alalan’ireo mpaminaniny. Ankoatra ny soratra masina sy ny fihaonamben’ny Fiangonana maneran-tany dia mety hizara toerana toy ny hoe gazetiboky Liahona sy Ho zatovo mahery!, Ho zatovo mahery!: Torolalana amin’ny fanaovana safidy, ary ny tambajotran-tserasera ny mpianatra.

Asao ny mpianatra hampiasa ny iray amin’ireo loharanom-pitaovana ireo mba hamitana ity sahanasa manaraka ity. Hevero ny hampiseho ireo toromarika sy hanome ny mpianatra fotoana voafaritra tsara handalinana.

Manaova tsanganana roa ao anatin’ny diary fandalinanao soratra. Manaova sarina mofo iray mba hanehoana ny mofon’ilay mpitondratena ao amin’ny tsanganana havia ary sarina tavoara misy menaka sy barika misy sakafo (jereo ny 1 Mpanjaka 17:12, 16) ao amin’ny tsanganana havanana.
Asio lohateny hoe Zavatra angatahin’ny Ray any An-danitra sy i Jesoa Kristy ny tsanganana havia. Asio lohateny hoe Ireo fitahiana nampanantenain’Izy ireo ny tsanganana havanana.
Tanisao ao amin’ny tsanganana havia ireo zavatra angatahin’ny Ray any An-danitra sy i Jesoa Kristy mba hataontsika amin’ny alalan’ireo mpaminaniny. Tanisao ao amin’ny tsanganana havanana ireo fitahiana nampanantenaina amin’ny fankatoavana ny tenin’Izy Ireo.

Mety hanampy ny manome ohatra ho an’ny mpianatra. Azonao atao ny manolotra ny hoe “manaja ny Tenin’ny Fahendrena” ho an’ny tsanganana havia. Afaka mamaky ny Fotopampianarana sy Fanekempihavanana 89:18–21 ny mpianatra avy eo ho an’ireo fitahiana nampanantenaina. Raha tsy izany dia azonao atao ny mizara ohatra vao haingana avy amin’ny teny nambaran’ny mpaminany nandritra ny fihaonamben’ny Fiangonana maneran-tany.

Asao ny mpianatra hizara ao anatina vondrona kely ny zavatra nosoratany tao anatin’ny tsanganan’izy ireo. Ataovy izay ananan’ny mpianatra tsirairay fahafahana hizara zavatra iray farafahakeliny avy amin’ny tsanganana tsirairay. Afaka mifanakalo hevitra mikasika ity fanontaniana manaraka ity ireo vondrona avy eo.

Tamin’ny fomba ahoana no nahitanao ireo fitahiana avy amin’ny fampiharana finoana ny tenin’ny Tompo izay omena amin’ny alalan’ireo mpaminaniny?

Manaova drafitra hanaraka ireo mpaminanin’ Andriamanitra

Amporisiho ny mpianatra hikatsaka ny fanampian’ny Fanahy Masina rehefa manao ity sahanasa manaraka ity.

Soraty na ataovy ao anaty faribolana ao amin’ny tsanganana havia ny zavatra angatahin’ny Tompo amin’ny alalan’ireo mpaminaniny mba hataonao izay tsapanao fa tiany hifantohanao.
Soraty na ataovy ao anaty faribolana ao amin’ny tsanganana havanana ny fomba nampanantenain’ny Tompo fa hitahiana anao raha manaraka ny toroheviny ianao.
Saintsaino ny zavatra nosoratanao na nataonao anaty faribolana ary soraty avy eo ny drafitrao mba hankatoavana ny zavatra asain’ny Tompo ataonao amin’ny alalan’ny mpaminaniny.

Asao ny mpianatra hitady fomba iray hitadidiana ny zavatra kasain’izy ireo hatao. Ohatra, azon’ny mpianatra alaina sary ny valintenin’izy ireo sy ampiasain’izy ireo ho sary lafika ao amin’ny telefaoniny. Hanana fahafahana hanara-maso sy hanao tatitra ny drafitr’izy ireo ny mpianatra ao amin’ny Lesona 96: “Tombano ny fianaranao 6.”

Hevero ny hamarana ny fotoam-pianarana amin’ny alalan’ny fijoroana ho vavolombelona fa hanakaiky kokoa an’i Jesoa Kristy ireo mpianatra amin’ny alalan’ny ezaka ataon’izy ireo eo amin’ny fanarahana ny mpaminaniny.

Loharanom-pitaovana fanampiny

Iza moa i Elia?

Ny Torolalana ho an’ny Soratra Masina dia manome fampahalalana misimisy momba an’i Elia sy ny maha-zava-dehibe ny fahefana mamehy izay nohazoniny fahiny ary mbola hazoniny amin’izao vanim-potoana maderina izao.

Ahoana raha toa ka toy ny tsy ampy ny zavatra tokony homeko?

Ny Rahavavy Michelle D. Craig izay tao amin’ny Fiadidian’ny Zatovovavy maneran-tany taloha dia nanazava hoe:

Izaho sy ianao dia afaka manome an’i Kristy izay ananantsika, dia Izy no hampitombo ny ezaka izay ataontsika. Ny zavatra izay omenao dia efa ampy, na dia eo aza ny tsy fahatanterahanao sy ny fahalemenao amin’ny maha-olombelona anao, raha toa ianao ka miantehitra amin’ny fahasoavan’ Andriamanitra. (“Tsy fahafaham-po araka an’ Andriamanitra,” Liahona, nôv. 2018, 54)

Ahoana no hitahian’ny Tompo ahy rehefa manaraka amim-pahatokiana ny mpaminaniny aho?

Nampianatra ny Loholona Randall K. Bennett ao amin’ny Fitopololahy hoe:

Mampanantena aho fa raha manao asa amim-pinoana an’ny Rainao any An-danitra sy ny drafiny ianao, ilay drafitra lehiben’ny fahasambarana izay nataony, ary raha manao asa amim-pinoana an’i Jesoa Kristy sy ny Sorompanavotany ary manaraka ireo mpaminanin’ Andriamanitra ianao, dia homena hery hanaovana izay rehetra ilain’ny Tompo mba hataonao sy ilainy hahatongavanao na inona na inona ilainy hahatongavanao, na dia eo aza ny toe-javatra iainanao. (“Prophetic Invitations and Promised Blessings,” [Brigham Young University devotional, Mar. 19, 2019], 1, speeches.byu.edu)

Moa ve Andriamanitra manohy mangataka zavatra sarotra amin’ny olona?

Nampianatra ny Filoha Russell M. Nelson hoe:

Nangataka hatrany ireo zanany nanao fanekempihavanana mba hanao zavatra sarotra Andriamanitra. Satria ianareo dia zanakalahy sy zanakavavin’ Andriamanitra izay mitandrina fanekempihavanana, sy miaina ao amin’ny ampahany farany amin’ny andro farany, dia hangataka anareo hanao zavatra sarotra ny Tompo. Afaka matoky ny amin’izany ianareo. …

Hangatahina hanaiky andraikitra sarotra sy ho tonga fitaovana eo am-pelatanan’ny Tompo ianareo. Ary hanome fahafahana anareo hanatontosa ny zavatra izay heverina fa tsy ho vita velively Izy. (“Ho tena zanaky ny Arivo Taona” [fampaherezam-panahy maneran-tany ho an’ny tanora tokan-tena sy ny mpivady vao herotrerony, 10 jan. 2016], Médiathèque de l’Évangile)

Sahanasa fianarana fanampiny

1 Mpanjaka 17:17–24. Natsangan’i Elia tamin’ny maty ny zanakalahin’ilay mpitondratena

Mety hahazo tombontsoa avy amin’ny fahitana ohatra iray hafa momba ny finoan’ilay mpitondratena tao Zarefata ao amin’ny 1 Mpanjaka 17 ny mpianatra. Azonao atao ny manasa ny mpianatra hamaky ny 1 Mpanjaka 17:17 mba hahitana ny zavatra nitranga tamin’ny zanakalahin’ilay mpitondratena. Azonao atao ny mifanakalo hevitra momba ity manaraka ity:

Nahoana no mety ho tsy nampoizin’ilay mpitondratena izany?
Inona no ho nasainao nataon’ilay mpitondratena?

Afaka mamaky ny 1 Mpanjaka 17:19–23 avy eo ny mpianatra mba hahitana ny fomba niatrehan’ilay mpitondratena ilay toe-javatra.

Inona no azontsika ianarana avy amin’io tantara io?

Azonao atao ny manampy ny mpianatra hahita ny fisian’ireo olana eo amin’ny fiainantsika na dia mandray andraikitra amim-pahatokiana aza isika eo anatrehan’ireo tenin’ny mpaminany.

Vakio ny 1 Mpanjaka 17:24 ka tadiavo ny fijoroana ho vavolombelona nozarain’ilay mpitondratena taorian’io zavatra niainana io.

Tamin’ny fomba ahoana no nampatanjahan’ireo olana ny finoanao an’i Jesoa Kristy?

Fanjakana roa

Ny zava-nitranga ao amin’ny 1 Mpanjaka 17 no ho zava-nitranga voalohany ao amin’ny soratra masina izay hohalalinin’ny mpianatra ao amin’ny seminera izay nitranga taorian’ny nisarahan’ny fanjakan’i Isiraely ao amin’ny 1 Mpanjaka 11–12. Ity topimaso manaraka ity dia mety hanampy ny mpianatra hahatakatra ny sahan-kevitry ny fanjakan’i Isiraely sy i Joda.

Mba hanombohana io fifanakalozan-kevitra io dia azonao atao ny mampiseho ity fifanesen’ireo zava-nitranga ara-banim-potoana manaraka ity ary angataho ny mpianatra mba hamantatra hoe aiza no misy an’i Solomona Mpanjaka.

Avy eo dia afaka mamaky na mamintina ity andiam-pehezanteny manaraka ity ny mpianatra iray.

Na dia mpanara-dia marina ny Tompo aza i Solomona tany am-panombohana dia nisafidy ny tsy hankatò ny didin’ny Tompo izy tamin’ny farany. Noho ny tsy fankatoavany dia nilaza tamin’i Solomona ny Tompo fa hoesorina aminy ny fanjakan’i Isiraely ary homena an’i Jeroboama mpanompony. Ny fanjakan’i Jeroboama dia ho fantatra amin’ny hoe fanjakan’i Isiraely, Efraima, na fanjakana avaratra. I Rehoboama zanakalahin’i Solomona no ho lasa mpanjakan’ireo foko sisa ambiny. Ny fanjakan’i Rehoboama dia ho fantatra amin’ny hoe fanjakan’i Joda, na fanjakana atsimo (jereo ny 1 Mpanjaka 11:10–13, 26–40; 12:16–20).

Azon’ny mpianatra fantarina avy eo, amin’ny alalan’ny fampiasana ny fifanesen’ireo zava-nitranga ara-banim-potoana, ireo fanjakana roa ireo sy ireo mpaminany izay nitory tao amin’ireo fanjakana ireo ary azony hazavaina ny zavatra hitranga amin’ny fanjakana tsirairay amin’ny farany.

Mba hahitana fampahalalana bebe kokoa momba ny fanjakan’i Joda dia jereo ny andiam-pehezan-teny manaraka hita ao amin’ny “Joda” ao amin’ny Torolalana ho an’ny Soratra Masina.