Manwal ng Guro ng Seminary para sa Lumang Tipan

Mga Nilalaman
Pahina ng Pamagat
Pambungad sa Manwal ng Guro
Mga Lesson sa Lumang Tipan
- Halina’t Basahin ang Lumang Tipan
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko ng Pagkabuhay
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Mga Bilang 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Hukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Cronica 14–20; 26; 30
- Ezra 1; 3–7; Nehemias 2; 4–6; 8
- Esther
- Job 1–3; 12–14; 19; 21–24; 38–40; 42
- Mga Awit 1–2; 8; 19–33; 40; 46
- Mga Awit 49–51; 61–66; 69–72; 77–78; 85–86
- Mga Awit 102–103; 110; 116–119; 127–128; 135–139; 146–150
- Mga Kawikaan 1–4; 15–16; 22; 31; Eclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3; 7; 16–18; 20
- Jeremias 31–33; 36–38; Mga Panaghoy 1; 3
- Ezekiel 1–3; 33–34; 36–37; 47
- Daniel 1–7
- Oseas; Joel
- Amos; Obadias; Jonas
- Mikas; Nahum; Habakuk; Sefanias
- Hagai 1–2; Zacarias 1–4; 7–14
- Malakias
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan o Self-Reliance
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Pagtatagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

Pagsasanay sa Doctrinal Mastery 5: Pagsasaulo ng mga Passage at Pagsasabuhay ng mga Alituntunin ng Pagtatamo ng Espirituwal na Kaalaman

“Pagsasanay sa Doctrinal Mastery 5: Pagsasaulo ng mga Passage at Pagsasabuhay ng mga Alituntunin ng Pagtatamo ng Espirituwal na Kaalaman,” Manwal ng Titser ng Seminary para sa Lumang Tipan (2026)

“Pagsasanay sa Doctrinal Mastery 5: Pagsasaulo ng mga Passage at Pagsasabuhay ng mga Alituntunin ng Pagtatamo ng Espirituwal na Kaalaman,” Manwal ng Titser ng Seminary para sa Lumang Tipan

1 Samuel 17–18; 24–26; 2 Samuel 5–7: Lesson 76

Pagsasanay sa Doctrinal Mastery 5

Pagsasaulo ng mga Passage at Pagsasabuhay ng mga Alituntunin ng Pagtatamo ng Espirituwal na Kaalaman

Ang doctrinal mastery ay tumutulong sa mga estudyante na itayo ang kanilang pundasyon kay Jesucristo at sa Kanyang ebanghelyo. Ang lesson na ito ay makatutulong sa mga estudyante na maisaulo ang mahahalagang parirala ng banal na kasulatan sa mga doctrinal mastery passage at maipamuhay ang mga banal na alituntunin ng pagtatamo ng espirituwal na kaalaman.

Paghahanda ng estudyante: Maaaring anyayahan ang mga estudyante na pumili at simulan ang pagsasaulo ng isang doctrinal mastery scripture passage. Ang Doctrinal Mastery app ay maaaring makatulong na resource. Matatagpuan ang isang listahan ng mga passage sa Doctrinal Mastery Core Document (2023).

Mga Posibleng Aktibidad sa Pag-aaral

Pagrerebyu ng doctrinal mastery: Isaulo

Maaari mong simulan ang klase sa pamamagitan ng pagtulong sa mga estudyante na makita ang kahalagahan ng pagsasaulo ng mga doctrinal mastery reference at mahahalagang parirala ng banal na kasulatan. Ang isang paraan upang magawa ito ay sa pamamagitan ng pagtatanong ng mga sumusunod.

Ano ang unang bagay na naaalala ninyo na isinaulo ninyo? Natatandaan pa ba ninyo ito?
May isinaulo na ba kayong banal na kasulatan? Ano ang naging pakinabang ng pagsasaulo nito?
May naiisip ba kayong mga pagkakataon kung saan binanggit ng Tagapagligtas ang mga banal na kasulatan nang walang kopya?

Kung kinakailangan, ipaalala sa mga estudyante na nagbanggit si Jesucristo ng mga banal na kasulatan sa ilang sitwasyon, tulad noong tuksuhin Siya ni Satanas (tingnan sa Mateo 4:4, 7, 12), tanungin Siya ng mahihirap na tanong (tingnan sa Mateo 9:13; 15:4, 7–9; Marcos 10:7–8), at nang turuan Niya ang mga Nephita (tingnan sa 3 Nephi 22; 24–25).

Upang matulungan ang mga estudyante na magsaulo ng mga doctrinal mastery reference at mahahalagang parirala ng banal na kasulatan, maaaring gawin ang sumusunod. O pumili ng isa pang aktibidad sa pagsasaulo mula sa “Mga Aktibidad sa Pagrerebyu ng Doctrinal Mastery” sa appendix.

Magpakita ng listahan ng mga doctrinal mastery passage na napag-aralan na ng mga estudyante sa ngayon. Anyayahan ang mga estudyante na pumili ng isang passage na gusto nilang isaulo. Pagkatapos ay anyayahan ang mga estudyante na gawin ang sumusunod.

Isulat ang doctrinal mastery reference at mahalagang parirala sa iyong journal (mas mainam kung lapis ang gagamitin). Pagkatapos ay basahin nang malakas ang mga ito sa iyong sarili. Pagkatapos basahin, burahin o i-cross out ang isa o dalawang salita o numero. Basahin mo ulit ito nang malakas. Ulitin ang prosesong ito hanggang sa mabura mo ang lahat ng salita at numero. Pagkatapos ay tingnan kung maisusulat mo ang reference at mahalagang parirala nang walang kopya.

Kung may sapat na oras, maaaring ulitin ng mga estudyante ang proseso sa ibang passage.

Alamin at ipamuhay ang mga alituntunin ng pagtatamo ng espirituwal na kaalaman

Pag-isipan ang sumusunod na sitwasyon:

Si Joe ay kabilang sa isang grupo ng mga magkakaibigan na madalas ay hindi mabait sa iba sa paaralan at sa social media. Akala nila ay nakakatawa at nakakaaliw lang ang ginagawa nila. Isang araw, nagkataon na nakita ni Joe na pinagtutulungan ang kanyang kapatid na babae. Nakita niya kung gaano nasasaktan ang kanyang kapatid. Nag-alala siya kung ano ang maaaring epekto ng pambu-bully sa kanya. Dahil nakita niya na binu-bully ang kanyang kapatid, naisip ni Joe ang isang bagay na hindi niya nakita noon. Natanto niya kung ano ang nararamdaman ng iba dahil sa kanya at sa kanyang mga kaibigan. Siya ay nanlumo at nag-iisip kung ano ang dapat niyang gawin ngayon.

Anong mahihirap na desisyon tungkol sa kung paano niya dapat tratuhin ang iba ang maaaring gawin ni Joe? Bakit maaaring maging mahirap na gawin ang mga pagbabagong ito?

Upang matulungan ang mga estudyante na magamit ang mga alituntunin ng pagtatamo ng espirituwal na kaalaman sa sitwasyon, maaari mo silang anyayahang gawin ang sumusunod.

Pumili ng isa sa tatlong alituntunin ng pagtatamo ng espirituwal na kaalaman na sa palagay ninyo ay maaaring maging kapaki-pakinabang kay Joe. Kumpletuhin ang aktibidad sa ibaba na tumutugma sa alituntuning pinili ninyo.

Suriin ang mga konsepto at tanong nang may walang-hanggang pananaw

Gumawa ng listahan ng lahat ng bagay na sa palagay ninyo ay gusto ng Ama sa Langit na malaman ni Joe. Isipin ang mga turo ng mga banal na kasulatan tulad ng Genesis 1:26–27 at 1 Samuel 16:7 na makatutulong sa kanya na tingnan ang kanyang sarili at ang iba nang mas angkop.

Hangaring mas makaunawa sa pamamagitan ng sources na itinalaga ng Diyos

Gumawa ng listahan ng mga banal na kasulatan o mensahe sa pangkalahatang kumperensya na maaaring pag-aralan ni Joe upang matulungan siya na piliin ang magsisi at magbago.

Maaari kayong pumunta sa tab na Pangkalahatang Kumperensya sa Gospel Library. Pumunta sa “Mga Paksa,” at pumili ng paksa na may kaugnayan sa sitwasyon ni Joe, tulad ng pag-ibig sa kapwa-tao, awa, halimbawa, o pagsisisi. Basahin ang isang mensahe at maghanap ng isang pahayag na maaaring magpalakas o magturo kay Joe.

Kung kailangan ninyo ng tulong sa paghahanap ng banal na kasulatan, maaari ninyong rebyuhin ang mga doctrinal mastery scripture passage.

Kumilos nang may pananampalataya

Para maipakita ang maaaring gawin ni Joe, gumawa ng comic strip na may tatlo hanggang anim na larawan na naglalarawan kung paano siya maaaring kumilos nang may pananampalataya kay Jesucristo. Bilang bahagi ng inyong comic strip, maaaring ilagay kung paano magagamit ni Joe ang kanyang kaalaman tungkol kay Jesucristo.

Karagdagang Aktibidad sa Pag-aaral

Mga alternatibong sitwasyon

Bilang alternatibo sa mga sitwasyon sa lesson, maaari mong gamitin ang kuwentong ibinahagi ni Elder Gary E. Stevenson ng Korum ng Labindalawang Apostol. Sa kuwento, isang batang lalaki ang piniling maging mabait matapos makita ang sakit na naidulot ng kanyang ginawa sa isang kaklase. Maaari mong panoorin ang unang bahagi (mula 5:21 hanggang 6:05), pagkatapos ay sabihin sa mga estudyante na gamitin ang mga alituntunin ng pagtatamo ng espirituwal na kaalaman. Pagkatapos ay maaari mong ipanood ang pangalawang bahagi (6:05 hanggang 6:56), at sabihin sa mga estudyante na alamin kung paano ginamit ng bata at kung paano nakatulong sa kanya ang pagsasabuhay ng alinman sa mga alituntuning iyon.

Bahagi 1

15:10

Bahagi 2

15:10

Ang isa pang opsiyon ay gamitin ang sumusunod na sitwasyon. Maaaring magdagdag ng mga detalye ang mga estudyante gamit ang mga kasamang tanong.

Iniisip ni (maglagay ng pangalan) kung dapat siyang magmisyon nang full-time o magtuon na lamang sa pagbabahagi ng ebanghelyo sa pangkalahatan.

Bakit kaya gustong magmisyon ng taong ito?
Bakit kaya siya nag-aalala tungkol sa pagmimisyon?

Maaaring gamitin ng mga estudyante ang mga alituntunin ng pagtatamo ng espirituwal na kaalaman para tumugon sa problema ng indibiduwal. Maaaring kapaki-pakinabang ang mga sumusunod na doctrinal mastery passage: Moises 1:39; Abraham 2:9–11; Josue 24:15.