Manwal ng Guro ng Seminary para sa Lumang Tipan

Mga Nilalaman
Pahina ng Pamagat
Pambungad sa Manwal ng Guro
Mga Lesson sa Lumang Tipan
- Halina’t Basahin ang Lumang Tipan
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko ng Pagkabuhay
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Mga Bilang 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Hukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Cronica 14–20; 26; 30
- Ezra 1; 3–7; Nehemias 2; 4–6; 8
- Esther
- Job 1–3; 12–14; 19; 21–24; 38–40; 42
- Mga Awit 1–2; 8; 19–33; 40; 46
- Mga Awit 49–51; 61–66; 69–72; 77–78; 85–86
- Mga Awit 102–103; 110; 116–119; 127–128; 135–139; 146–150
- Mga Kawikaan 1–4; 15–16; 22; 31; Eclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3; 7; 16–18; 20
- Jeremias 31–33; 36–38; Mga Panaghoy 1; 3
- Ezekiel 1–3; 33–34; 36–37; 47
- Daniel 1–7
- Oseas; Joel
- Amos; Obadias; Jonas
- Mikas; Nahum; Habakuk; Sefanias
- Hagai 1–2; Zacarias 1–4; 7–14
- Malakias
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan o Self-Reliance
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Pagtatagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

1 Samuel 25: Tinutulungan Tayo ng Tagapagligtas na Magpatawad

“1 Samuel 25: Tinutulungan Tayo ng Tagapagligtas na Magpatawad,” Manwal ng Titser ng Seminary para sa Lumang Tipan (2026)

“1 Samuel 25: Tinutulungan Tayo ng Tagapagligtas na Magpatawad,” Manwal ng Titser ng Seminary para sa Lumang Tipan

1 Samuel 17–18; 24–26; 2 Samuel 5–7: Lesson 75

1 Samuel 25

Tinutulungan Tayo ng Tagapagligtas na Magpatawad

Painting of Jesus Christ in America, greeting Nephites.

Sa buong buhay natin, malamang na mararanasan natin ang masaktan o mainsulto ng ibang tao. Nainsulto si David ng isang lalaking nagngangalang Nabal. Bilang isang halimbawa ni Jesucristo, ang asawa ni Nabal na si Abigail ay namagitan at tinulungan si David na magpatawad. Marami pa tayong matututuhan tungkol kay Jesucristo at sa tulong na ibinibigay Niya sa atin sa pamamagitan ng paghahambing kay Abigail sa Kanya. Ang lesson na ito ay makatutulong sa mga estudyante na maunawaan kung paano sila matutulungan ni Jesucristo na patawarin ang iba.

Paghahanda ng estudyante: Anyayahan ang mga estudyante na basahin, panoorin, o pakinggan ang “Putong na Bulaklak sa Halip na mga Abo: Ang Nagpapagaling na Landas ng Pagpapatawad” ni Sister Kristin M. Yee (Liahona, Nob. 2022, 36–38). Maaari nilang pag-aralan ang buong mensahe o mga bahaging pinili mo. Anyayahan ang mga estudyante na dumating sa klase na handang magbahagi ng mga natutuhan nila tungkol sa pagtanggap ng tulong ng Tagapagligtas na patawarin ang iba.

Mga Posibleng Aktibidad sa Pag-aaral

Ang Pagbabayad-sala ni Jesucristo

Maaaring magdispley ng larawan ni Jesucristo, tulad ng nasa simula ng lesson na ito. Isulat sa pisara ang sumusunod na hindi kumpletong pahayag. Anyayahan ang mga estudyante na gamitin ang kanilang study journal para ilista ang ilang paraan kung paano nila ito kukumpletuhin. Maaari kang magpatugtog ng mapitagang musika habang nag-iisip at nagsusulat ang mga estudyante.

Dahil kay Jesucristo, magagawa kong …

Pagkatapos ng sapat na oras, anyayahan ang ilang handang estudyante na ibahagi kung paano nila kinumpleto ang pahayag. Maaari din nilang ipahayag ang kanilang nadarama o mga paniniwala tungkol sa kanilang ibinabahagi. Ipakita ang sumusunod na pahayag para suportahan o dagdagan ang mga listahang ginawa ng mga estudyante.

Inilarawan ni Pangulong Russell M. Nelson ang isang bagay na magagawa nating lahat dahil kay Jesucristo:

15:3

Sa pamamagitan ng walang-hanggang Pagbabayad-sala [ng Tagapagligtas], makapagpapatawad kayo sa mga nakasakit sa inyo at sa mga taong maaaring hindi aamin sa nagawa nilang kalupitan sa inyo.

Madalas ay madaling magpatawad sa isang tao na taos-puso at mapagpakumbabang humihingi ng inyong kapatawaran. Subalit ipagkakaloob sa inyo ng Tagapagligtas ang kakayahang patawarin ang sinumang gumawa sa inyo nang masama sa anumang paraan. Pagkatapos noon, ang mga nakasasakit na ginawa nila ay hindi na babagabag sa inyong kaluluwa. (“Ang Apat na Regalong Inihahandog ni Jesucristo sa Inyo” [Pamaskong Debosyonal ng Unang Panguluhan, Dis. 2, 2018], Gospel Library)

Ano ang ginagawang posible ni Jesucristo sa pamamagitan ng Kanyang Pagbabayad-sala?

Kumpletuhin ang pahayag sa pisara gamit ang sumusunod na katotohanan: Dahil kay Jesucristo, mapapatawad ko ang mga taong nakasakit sa akin. Maaari mong anyayahan ang mga estudyante na idagdag ang katotohanang ito sa kanilang journal kung hindi ito bahagi ng kanilang unang listahan.

David at Nabal

Ang 1 Samuel 25 ay naglalaman ng isang salaysay kung saan ang mga ginawa ng asawa ni Nabal na si Abigail ay maihahalintulad sa ginawa ni Jesucristo. Ang paghahambing na ito ay tumutulong sa atin na matuto pa ng tungkol sa Kanya. Ang mga ganitong uri ng paghahambing ay tinatawag kung minsan na mga halimbawa ni Jesucristo. Hikayatin ang mga estudyante na anyayahan ang Espiritu Santo na tulungan sila na maunawaan ang halimbawa ni Cristo sa kabanatang ito. Maaaring maging kapaki-pakinabang kung ibubuod ang buong salaysay bago magsimulang mag-aral ang mga estudyante para mas mapagtuunan nila ang pag-alam sa kung ano ang itinuturo ng salaysay na ito tungkol kay Cristo.

Habang naglalakbay si David at ang kanyang mga tauhan sa ilang, nakilala nila ang mga tagapaglingkod ng isang lalaking nagngangalang Nabal. Sa panahon ng digmaan, madalas na lumalabag sa batas ang mga pagod na sundalo upang makuha ang kailangan nila. Kinailangan ni David at ng kanyang mga tauhan ng tulong at suporta. Mayaman at maraming kawan at bakahan si Nabal. Sa halip na pagmalupitan ang mga tagapaglingkod ni Nabal at kunin ang kailangan nila, naging mabait si David at ang kanyang mga kawal sa mga tagapaglingkod na ito at hindi kumuha ng anumang bagay sa kanila (tingnan sa 1 Samuel 25:7, 15–16). Isinugo ni David ang 10 sa kanyang mga tauhan upang mapayapang humingi kay Nabal ng lubos na kinakailangang pagkain at mga suplay (tingnan sa 1 Samuel 25:5–9). Ininsulto ni Nabal si David at tumangging tulungan siya at ang kanyang hukbo (tingnan sa 1 Samuel 25:10–11).

Sa ilalim ng nakumpletong pahayag sa pisara, maaari kang magdrowing ng dalawang mukha. Lagyan ng label na David ang isa at ang isa ay Nabal. Mag-iwan ng espasyo na kalaunan ay pagdodrowingan ng pangatlong mukha sa pagitan ng dalawang mukha sa lesson. Sa ilalim ng mukha na kumakatawan kay David, maaari mong isulat ang: Mabait sa mga tagapaglingkod ni Nabal; Humingi ng tulong kay Nabal. Sa ilalim ng mukha na kumakatawan kay Nabal, maaari mong isulat ang: Ininsulto si David; Tumangging tumulong. Maaari mong anyayahan ang mga estudyante na baguhin ang mga emosyon ng mga mukha habang binabasa nila ang mga talata sa ibaba.

Anyayahan ang kalahati ng klase na magbasa tungkol kay Nabal at ang kalahati naman ay magbasa tungkol kay David. Kung kinakailangan, ituon ang pansin ng mga estudyante sa mga footnote para mas makaunawa pa.

Basahin ang 1 Samuel 25:3, 14, 17, 25, at alamin ang mga katangian ni Nabal.
Basahin ang 1 Samuel 25:13, 21–22, at alamin ang naging reaksyon ni David sa mga pang-iinsulto at pagtangging tumulong ni Nabal.

Hilingin sa isang boluntaryo mula sa bawat grupo na isulat sa pisara ang natutuhan nila tungkol sa taong nakatalaga sa kanila. Halimbawa, sa ilalim ni Nabal ay maaari nilang isulat ang Walang Galang; Masama; Manhid. Sa ilalim ni David ay maaari nilang isulat ang Galit; Nadama na pinagmalupitan; Naghangad ng paghihiganti. Maaaring baguhin ng mga estudyante ang emosyon sa bawat mukha para maipakita ang natutuhan nila.

Bigyan ng pagkakataon ang mga estudyante na pag-isipan ang kanilang sariling kalagayan. Ipaliwanag sa kanila na hindi nila ibabahagi ang kanilang mga sagot sa self-assessment na ito.

Pag-isipan ang mga sagot mo sa mga sumusunod na tanong:

Kailan ka pinagmalupitan ng ibang tao?
Anong mga pagsisikap, tagumpay, o paghihirap ang ginawa o naranasan mo sa pagpapatawad sa pagmamalupit ng taong ito?

Si Abigail bilang halimbawa ni Cristo

Ihanda ang mga estudyante na pag-aralan ang tungkol kay Abigail sa pamamagitan ng pagtuturo ng kasanayan na paghahanap ng mga halimbawa ni Cristo. Ipaliwanag na maaaring maghanap ang mga estudyante ng mga bagay na sinabi o ginawa ni Abigail na nagpapaalala sa kanila tungkol kay Jesucristo, sa Kanyang mga tungkulin, at sa Kanyang misyon sa plano ng Ama sa Langit.

Nasaksihan ng isang tagapaglingkod ni Nabal ang alitan ng kanyang panginoon at ni David. Ipinaalam ito ng tagapaglingkod kay Abigail, ang asawa ni Nabal (tingnan sa 1 Samuel 25:14–17). Nang malaman ni Abigail ang tungkol sa alitang ito, namagitan siya para kay Nabal at hiniling kay David na patawarin ito (tingnan sa 1 Samuel 25:18–20, 23–28). Maituturing si Abigail bilang halimbawa ni Cristo. Makakakita tayo ng mga halimbawa ni Cristo habang pinag-aaralan natin ang mga banal na kasulatan at inaalam natin kung paano tayo tinutulungan ng mga tao, bagay, o maging ng mga pangyayari na isipin si Cristo.

Sa pisara, magdrowing ng mukha sa pagitan nina David at Nabal. Lagyan ng label na Abigail ang mukhang ito. Bigyan ng sapat na oras ang mga estudyante upang pag-aralan ang sumusunod nang mag-isa o sa maliliit na grupo.

Basahin ang 1 Samuel 25:18–19, 23–28, 31, at hanapin ang anumang sinabi o ginawa ni Abigail na tulad ng sinabi o ginawa ni Jesucristo. Maaari ninyong markahan ang mahahanap ninyo.

Sa ilalim ng mukha na kumakatawan kay Abigail, gumawa ng listahan ng mga bagay na nalaman ng mga estudyante. Ang mga posibleng sagot ay maaaring: Nagbigay ng maraming suporta (talata 18); Inako ang mga pagkakamali ni Nabal (talata 24); Hiniling kay David na patawarin siya para sa mga pagkakamali ni Nabal (talata 28); Nagsikap na alisin ang pighati at sama ng loob sa puso ni David (talata 31).

Paano naging halimbawa ni Jesucristo si Abigail?

Nagbahagi si Sister Kristin M. Yee ng Relief Society General Presidency ng mga ideya tungkol sa kakayahan ng Tagapagligtas na tulungan tayong magpatawad.

Sa kuwentong ito, maihahalintulad si Abigail bilang makapangyarihang simbolo ni Jesucristo. Sa pamamagitan ng Kanyang nagbabayad-salang sakripisyo, mapapalaya Niya tayo mula sa kasalanan at pagkapoot at bibigyan tayo ng mga pangangailangan natin.

Tulad ni Abigail na handang akuin ang kasalanan ni Nabal, gayon din ang Tagapagligtas—sa paraang hindi kayang maunawaan—inako Niya ang ating mga kasalanan at ang mga kasalanan ng mga taong nakasakit sa atin. …

Ang pagdadala ni Abigail ng maraming pagkain at suplay ay makapagtuturo sa atin na ang Tagapagligtas ay nagbibigay sa mga taong nasaktan at napinsala ng mga pangangailangan at ng tulong na kailangan natin upang mapagaling. …

Tulad ni Abigail na tinulungan si David na hindi magkaroon ng “pag-uusig ng budhi” [1 Samuel 25:31] at tumanggap ng tulong na kailangan niya, tutulungan din kayo ng Tagapagligtas. (“Putong na Bulaklak sa Halip na mga Abo: Ang Nagpapagaling na Landas ng Pagpapatawad,” Liahona, Nob. 2022, 36–37)

Anyayahan ang mga estudyante na ibahagi kung ano ang makabuluhan sa kanila mula sa pahayag ni Sister Yee. Habang nagbabahagi ang mga estudyante, maaari mong palitan ang mukha na kumakatawan kay Abigail ng larawan ni Jesucristo na ipinakita mo sa unang bahagi ng lesson, at ilagay ang larawan ng Tagapagligtas sa pagitan ng mukha nina Nabal at David.

Paano tayo tinutulungan ng Tagapagligtas na patawarin ang iba?

Basahin ang 1 Samuel 25:32–35, at alamin kung paano nakaapekto kay David ang mga ginawa ni Abigail.

Paano natin madarama ang ganoong pakiramdam kapag tinanggap natin ang tulong ng Tagapagligtas na patawarin ang iba?

Ipakita ang naunawaan

Bigyan ng pagkakataon ang mga estudyante na ipahayag ang nauunawaan nila tungkol sa kakayahan ng Tagapagligtas na tulungan sila na patawarin ang iba. Ang sumusunod ay isang paraan kung paano mo ito magagawa.

Kumpletuhin ang sumusunod sa inyong study journal:

Magdrowing ng mukha na kumakatawan sa inyong damdamin kapag may nanakit o nang-insulto sa inyo.
Sa tabi ng larawang iyon, magdrowing ng isang mukha na kumakatawan sa isang tao na maaaring nanakit sa inyo.
Sa pagitan ng dalawang drowing, gumawa ng listahan ng kung ano ang nauunawaan ninyo tungkol sa Tagapagligtas na makatutulong sa inyo na patawarin ang iba.

Maaari mong anyayahan ang mga estudyante na ibahagi ang isinulat nila tungkol sa Tagapagligtas. Maaari mo rin silang hikayatin na ibahagi sa iba sa labas ng klase ang natutuhan nila. Idagdag ang iyong patotoo tungkol sa tulong na ibinibigay sa atin ng Tagapagligtas habang sinisikap nating patawarin ang iba.

Karagdagang Resources

Ano ang maaari kong gawin kapag nahihirapan akong magpatawad?

Itinuro ni Pangulong Russell M. Nelson:

Maaaring napakasakit na kalimutan ang galit na tila talagang makatwiran. Parang imposibleng patawarin ang mga taong nakasasakit sa mga inosente ang mga mapanirang gawain. Gayunman, hinikayat tayo ng Tagapagligtas na “patawarin ang lahat ng tao” [Doktrina at mga Tipan 64:10]. …

Kung sa ngayon ay parang imposible ang pagpapatawad, humingi ng kapangyarihan na tulungan kayo sa pamamagitan ng nagbabayad-salang dugo ni Jesucristo. Sa paggawa nito, nangangako ako ng personal na kapayapaan at ng biglang paglakas ng espirituwal na momentum.

Noong nagbayad-sala ang Tagapagligtas para sa buong sangkatauhan, binuksan Niya ang daan upang ang Kanyang mga tagasunod ay makatanggap ng Kanyang nagpapagaling, nagpapalakas, at mapantubos na kapangyarihan. (“Ang Kapangyarihan ng Espirituwal na Momentum,” Liahona, Mayo 2022, 97, 100)

Ibinahagi ni Sister Kristin M. Yee ng Relief Society General Presidency:

10:7

Sa lahat ng namimighati, bihag, naapi, at marahil nabulag ng pasakit o kasalanan, nagbibigay [ang Tagapagligtas] ng pagpapagaling, at kaligtasan. Pinatototohanan ko na ang paggaling na ibinibigay Niya ay totoo. Ang panahon ng paggaling ay magkakaiba sa mga indibiduwal, at hindi natin maaaring husgahan ang panahon ng paggaling ng iba. Mahalagang bigyan ng pagkakataon ang ating sarili na maghilom at maging mabait sa ating sarili. Ang Tagapagligtas ay laging maawain at mapagmalasakit at handang magbigay ng tulong na kailangan natin [tingnan sa Alma 7:11–12]. (“Putong na Bulaklak sa Halip na mga Abo: Ang Nagpapagaling na Landas ng Pagpapatawad,” Liahona, Nob. 2022, 38)

Mga Karagdagang Aktibidad sa Pag-aaral

Paano ako tinutulungan ng Tagapagligtas na magpatawad

Isipin kung paano matutulungan ang mga estudyante na makita ang mga partikular na paraan kung paano sila matutulungan ng Tagapagligtas na magpatawad. Matutulungan mo ang mga estudyante na makahanap ng mga banal na kasulatan na nagpapatunay na magagawa ng Tagapagligtas para sa atin ang ginawa ni Abigail para kay David. Nakalista sa ibaba ang ilang banal na kasulatan na magagamit mo.

Abigail	Ang Tagapagligtas
Abigail Nagbigay ng napakaraming pagkain at suplay (1 Samuel 25:18)	Ang Tagapagligtas Tinutulungan tayo sa ating mga pangangailangan (Alma 7:11–12; Doktrina at mga Tipan 62:1)
Abigail Inako ang mga pagkakamali ni Nabal (1 Samuel 25:24)	Ang Tagapagligtas Inaako ang mga kasalanan ng sanlibutan (Alma 7:13; 3 Nephi 11:11)
Abigail Hiniling kay David na patawarin siya sa mga pagkakamali ni Nabal (1 Samuel 25:28)	Ang Tagapagligtas Nagsusumamo para sa ating kapakanan sa harap ng Ama bilang ating Tagapagtanggol (Doktrina at mga Tipan 45:3–5)
Abigail Nagsikap na alisin ang pighati at sama ng loob sa puso ni David (1 Samuel 25:31)	Ang Tagapagligtas Inaanyayahan ang Kanyang mga disipulo na patawarin ang iba (Doktrina at mga Tipan 64:8–11)

Sa bawat isa sa mga paraan na inililista ng iyong klase, tulungan ang mga estudyante na talakayin kung paanong ang kaalaman sa itinuturo ng mga banal na kasulatan na ito tungkol sa Tagapagligtas ay makatutulong sa atin na magpatawad sa iba.

Mga makabagong halimbawa

Upang maipakita sa mga estudyante ang isang halimbawa kung paano tayo tinutulungan ng Tagapagligtas na magpatawad, maaari mong ipanood ang “Forgiveness: My Burden Was Made Light” mula sa time code na 2:44 hanggang 4:04. Sa video na ito, ibinahagi ng isang lalaking nawalan ng asawa at ilang anak dahil sa aksidente sa kotse kung paano siya tinulungan ng Tagapagligtas na patawarin ang tao na naging sanhi ng aksidente.

8:26

Ang isa pang opsiyon ay ipanood ang “Maligaya Magpakailanman” mula sa time code na 2:32 hanggang 4:23. Sa salaysay na ito, ibinahagi ni Elder Gerrit W. Gong ng Korum ng Labindalawang Apostol kung paano tinulungan ng Tagapagligtas ang isang kaibigan na magpatawad sa kanyang yumaong ama nang siya ay mag-ayuno, manalangin, at gawin ang mga ordenansa sa templo para sa kanyang ama.

13:21

1 Samuel 25:35. “Aking pinakinggan ang iyong tinig”

Sa halip na anyayahan ang mga estudyante na tapusin ang lesson gamit ang mga drowing sa kanilang journal, maaari mong ibigay ang mga sumusunod na tagubilin:

Basahin ang 1 Samuel 25:32–35, at alamin ang nadama ni David kay Abigail at sa mga pagsisikap nito na tulungan siya na patawarin si Nabal.

Anong mga salita o parirala ang nakaantig sa iyo?

Isipin na kunwari ay nagkaroon ka ng pagkakataong sabihin kay Jesucristo ang nadarama mo tungkol sa pagtulong Niya sa iyo na patawarin ang iba. Sa iyong study journal, sumulat ng maikling halimbawa ng maaari mong sabihin sa Kanya.

2 Samuel 5. Humingi ng banal na tagubilin at sundin ito

Kung may sobra ka pang oras sa klase, maaaring kapaki-pakinabang na talakayin ang mga karagdagang katotohanan mula sa babasahin sa Pumarito Ka, Sumunod Ka sa Akin sa linggong ito.

Anyayahan ang mga estudyante na ibahagi ang mga karanasan nila kung saan hindi nila alam kung ano ang gagawin. Maaaring kabilang sa mga halimbawa ang mahihirap na desisyon, mga sandali na nakadarama ng takot, o pakiramdam na may kakulangan.

Ipaliwanag na matapos maputungan si David bilang hari ng Israel, maaaring naranasan din niya ang mga damdaming iyon nang salakayin siya ng mga Filisteo sa maraming pagkakataon.

Basahin ang 2 Samuel 5:17–25, at alamin ang ginagawa ni David sa tuwing sumasalakay ang mga Filisteo.

Ano ang matututuhan ninyo mula sa halimbawa ni David na maaaring makatulong sa inyo sa mahihirap na sitwasyon?

Maaaring anyayahan ang mga estudyante na bigyang-diin ang nauulit na parirala sa talata 19 at 23 kasama ang unang linya sa talata 25. Tulungan sila na matukoy na kapag humihingi tayo ng tulong sa Ama sa Langit at sumusunod sa Kanyang mga tagubilin, magiging matagumpay tayo.