Fuakava Motuʻá – Tohi Lēsoni ʻa e Faiako Seminelí

Kanotohi
Peesi Talamuʻakí
Talateu ki he Tohi Lēsoni ʻa e Faiakó
Ngaahi Lēsoni ʻo e Fuakava Motuʻá
- Talitali Lelei Koe ki he Fuakava Motuʻá
- Mōsese 1; ʻĒpalahame 3
- Sēnesi 1–2; Mōsese 2–3; ʻĒpalahame 4–5
- Sēnesi 3–4; Mōsese 4–5
- Sēnesi 5; Mōsese 6
- Mōsese 7
- Sēnesi 6–11; Mōsese 8
- Sēnesi 12–17; ʻĒpalahame 1–2
- Sēnesi 18–23
- Sēnesi 24–33
- Sēnesi 37–41
- Sēnesi 42–50
- ʻEkesōtosi 1–6
- Toetuʻú
- ʻEkesōtosi 7–13
- ʻEkesōtosi 14–18
- ʻEkesōtosi 19–20; 24; 31–34
- ʻEkesōtosi 35–40; Levitiko 1; 4; 16; 19
- Nōmipa 11–14; 20–24; 27
- Teutalōnome 6–8; 15; 18; 29–30; 34
- Sōsiua 1–8; 23–24
- Fakamaau 2–4; 6–8; 13–16
- Lute; 1 Samuela 1–7
- 1 Samuela 8–10; 13; 15–16
- 1 Samuela 17–18; 24–26; 2 Samuela 5–7
- 2 Samuela 11–12; 1 Ngaahi Tuʻi 3; 6–9; 11
- 1 Ngaahi Tuʻi 12–13; 17–22
- 2 Ngaahi Tuʻi 2–7
- 2 Ngaahi Tuʻi 16–25
- 2 Fakamatala Meʻa Hokohoko 14–20, 26, 30
- ʻĒsela 1, 3–7; Nehemaia 2, 4–6, 8
- ʻĒseta
- Siope 1–3; 12–14; 19; 21–24; 38–40; 42
- Saame 1–2; 8; 19–33; 40; 46
- Saame 49–51; 61–66; 69–72; 77–78; 85–86
- Saame 102–103; 110; 116–119; 127–128; 135–139; 146–150
- Lea Fakatātā 1–4; 15–16; 22; 31; Tangata Malanga 1–3; 11–12
- ʻĪsaia 1–12
- ʻĪsaia 13–14; 22; 24–30; 35
- ʻĪsaia 40–49
- ʻĪsaia 50–57
- ʻĪsaia 58–66
- Selemaia 1–3, 7, 16–18, 20
- Selemaia 31–33; 36–38; Tangilaulau ʻa Selemaia 1, 3
- ʻIsikieli 1–3; 33–34; 36–37; 47
- Taniela 1–7
- Hōsea; Soeli
- ʻĀmosi; ʻOpataia; Siona
- Maika; Nēhumi; Hapakuki, Sefanaia
- Hakeai 1–2; Sakalaia 1–4, 7–14
- Malakai
Ngaahi Lēsoni Teuteu ki he Moʻuí
- Fakataukei Fakatokāteliné: Ko Hono Kumi ʻa e Ngaahi Tali ki Heʻeku Ngaahi Fehuʻí
- Ngaahi Taukei Ako Folofolá
- Tohi Fakahinohino Ki Hono Fakamālohia ʻo e Toʻu Tupú
- Ko Hono Tanumaki ʻo e Moʻui Fakafalala Pē Kiate Kitá
- Tuʻunga Moʻui Lelei Fakatuʻasinó mo Fakaelotó
- Ko e Teuteu ki he Ako mo e Ngāue Maʻuʻanga Moʻui ʻi he Kahaʻú
- Lavameʻa ʻi he Akó
- Teuteu ki he Ngāue Fakafaifekaú
- Teuteu ki he Temipalé
- Ngaahi Akonaki ʻa e Kau Taki ʻo e Siasí
Fakamatala Fakalahí

ʻEkesōtosi 25; 35–40: “Naʻe Fakafonu ʻe he Nāunau ʻo [e ʻEikí] ʻa e Fale Fehikitakí”

“ʻEkesōtosi 25; 35–40: ‘Naʻe Fakafonu ʻe he Nāunau ʻo [e ʻEikí] ʻa e Fale Fehikitakí,’” Fuakava Motuʻá – Tohi Lēsoni ʻa e Faiako Seminelí (2026)

“ʻEkesōtosi 25; 35–40: ʻNaʻe Fakafonu ʻe he Nāunau ʻo [e ʻEikí] ʻa e Fale Fehikitakí,’” Fuakava Motuʻá – Tohi Lēsoni ʻa e Faiako Seminelí

ʻEkesōtosi 35–40; Levitiko 1; 4; 16; 19: Lēsoni 52

ʻEkesōtosi 25; 35–40

“Naʻe Fakafonu ʻe he Nāunau ʻo [e ʻEikí] ʻa e Fale Fehikitakí”

A depiction of the Israelite tabernacle in the wilderness. The tabernacle is viewed from above. The interior and exterior of the tabernacle are depicted.

ʻI he talangofua ʻa e kakai ʻIsilelí ki he fekau ʻa e ʻEikí, naʻa nau langa ai ha tāpanekale, pe temipale, ʻi he feituʻu maomaonganoá. Ko e tāpanekalé ni ko ha hūfangaʻanga ia naʻe lava ʻo hiki takai holo ʻa ia naʻe lava ke ʻafio ai ʻa e ʻEikí ʻi he lotolotonga ʻo Hono kakaí ʻi heʻenau fefonongaʻakí. ʻE lava ke tokoni ʻa e lēsoni ko ʻení ke ongoʻi ʻe he kau akó ha loto-holi lahi ange ke moihū ki he ʻEikí ʻi Hono temipalé.

Teuteu ʻa e tokotaha akó: Fakakaukau ke fakaafeʻi e kau akó ke nau fakaʻaongaʻi ʻa e Gospel Library pe temples.ChurchofJesusChrist.org ke kumi ha ʻū fakatātā ʻo e ngaahi temipalé pe ngaahi vitiō ʻoku fekauʻaki mo e temipalé. Kole ki he kau akó ke nau fakakaukau ki he ongo ʻoku nau maʻu fekauʻaki mo e temipale ʻo e ʻEikí. Fakaafeʻi kinautolu ke fakakaukau ki he founga ʻoku tokoniʻi ai kinautolu ʻe he ngaahi temipale ʻo onopōní ke nau manatuʻi ʻa e Tamai Hēvaní mo Sīsū Kalaisí.

Ngaahi ʻEkitivitī Ako ʻOku Ala Fakahokó

Ko e hā e taumuʻa ʻo e temipalé?

Fakakaukau ke kamata e lēsoní ʻaki hano vahevahe e tūkunga ko ʻení. Hili iá, te ke lava ʻo fakaʻaliʻali e ngaahi fehuʻi hili ʻa e tūkungá pea fakaafeʻi e kau akó ke aleaʻi kinautolu mo hanau hoa.

Fakakaukauloto ʻe vavé ni pē hano fakatāpui ha temipale ʻi homou feituʻú. ʻOkú ke fakaafeʻi haʻo kaungāmeʻa ke mo ō ki he ʻoupeni hausi ʻo e temipalé. ʻOku tali ʻe hoʻo kaungāmeʻá hoʻo fakaafé ka ʻokú ne pehē ʻoku ʻikai ke ne ʻilo ha meʻa fekauʻaki mo e temipalé.

Ko e hā te ke fie maʻu ke mahino ki ho kaungāmeʻá fekauʻaki mo e ngaahi temipalé mo honau taumuʻá?
Ko e hā haʻo tali kapau ʻe ʻeke atu ʻe hoʻo kaungāmeʻá pe ko e hā ʻoku mahuʻinga ai e ngaahi temipalé kiate koé?

Hili hono aleaʻi ʻe he kau akó ʻenau ngaahi talí mo honau hoá, fakaafeʻi ke nau fakakaukau ki heʻenau tali ki he fehuʻi ko ʻení.
ʻI hono fakaʻaongaʻi ha meʻafua mei he 1 (maʻulalo) ki he 5 (māʻolungá), te ke fakafuofuaʻi fēfē hoʻo loto-holi ke moihū maʻu pē ki he ʻEikí ʻi he temipalé?

Fakakaukau ke fakaafeʻi e kau akó ke fakakaukau ki he ʻuhinga ne nau tali ai e fehuʻi kimuʻá.

ʻI hoʻo ako he ʻaho ní, tokanga ki he meʻa ʻe lava ke akoʻi atu ʻe he Laumālie Māʻoniʻoní fekauʻaki mo e ngaahi temipalé mo e founga ʻoku nau fakafehokotaki ai kitautolu ki he Tamai Hēvaní mo Sīsū Kalaisí. Fekumi ki ha ueʻi fakalaumālie ke tokoni ke ke ongoʻi ha loto-holi lahi ange ke moihū ki he ʻEikí ʻi Hono ngaahi temipalé.

ʻOku fekau ʻe he ʻEikí ʻa e kau ʻIsilelí ke langa ha tāpanekale

Lolotonga ha fefolofolai ʻa e ʻEikí mo Mōsese ʻi he Moʻunga Sainaí, naʻá Ne kole ke foaki ʻe he kau ʻIsilelí ʻenau koulá, silivá, mo e ʻū koloa mahuʻinga kehé ke langa ha hūfangaʻanga, pe tāpanekale, Maʻana. Kuo kole mai foki ʻi hotau kuongá ni ke tau langa ha ngaahi temipale ke hoko ko ha hūfangaʻanga pe ko ha feituʻu ʻo e māʻoniʻoní.

Lau ʻa e ʻEkesōtosi 25:8, ʻo kumi e ʻuhinga naʻe finangalo ai e ʻEikí ke langa ʻe he kakai ʻIsilelí ha hūfangaʻangá.

Ko e hā ʻa e meʻa naʻá ke maʻú?
Ko e hā ʻoku akoʻi atu ʻe he ʻuhinga ʻa e ʻEikí ki he fekau ko ʻení fekauʻaki mo Ia mo e ongo ʻokú Ne maʻu kiate kitautolú?

Fakataipe ʻo e tapanekalé

Naʻe fakataipe ʻa e ngaahi meʻa mo e ngaahi ouau ʻi he tāpanekalé. Naʻe fakataumuʻa kinautolu ke nau akoʻi ʻa ʻIsileli fekauʻaki mo e Tamai Hēvaní mo Sīsū Kalaisi pea mo e founga ke fononga ai ʻi he moʻuí ʻo foki kiate Kinauá.

Hili hono maʻu ʻe he kau akó ha taimi feʻunga ke akó, fakaafeʻi kinautolu ke vahevahe e meʻa ne nau akó. Te ke lava ʻo ʻeke ange ha ngaahi fehuʻi hangē ko ʻení ko ha konga ʻo e fealeaʻakí.

Ko e hā ha ngaahi fakataipe naʻe ngali mahuʻingamālie pe mālie taha kiate koé?
Ko e hā naʻe akoʻi atu ʻe he ngaahi fakataipe mei he tāpanekalé fekauʻaki mo hoʻo Tamai Hēvaní mo Sīsū Kalaisí?

Ngaahi temipale ʻo onopōní

An exterior shot of the Kinshasa Democratic Republic of the Congo Temple. We see exterior images of the temple.

Fakakaukau ke fakaʻaliʻali ha fakatātā ʻo ha temipale ʻi onopooni. Fakamatalaʻi ange ʻoku kau ʻi he ngaahi temipale ʻo e ʻaho ní ʻa e ngaahi ouau ʻo e Lakanga Taulaʻeiki Faka-Melekisētekí naʻe taʻofi ʻe he ʻOtuá mei he kau ʻIsileli ʻo e kuonga muʻá koeʻuhí ko ʻenau angatuʻú. Neongo ʻa e faikehekehe ko ʻení, ka ʻoku lahi ha ngaahi faitatau ʻi hotau ngaahi temipalé mo e tāpanekale ʻo e kuonga muʻá.

Ko e hā ha ngaahi faitatau ʻokú ke fakatokangaʻi ʻi hotau ngaahi temipalé mo e tāpanekale ʻo e kuonga muʻá?
Ko e hā ha ngaahi moʻoni ʻokú ke ako mei he ngaahi faitatau ko ‘ení?

Poupouʻi e kau akó ke vahevahe ha ngaahi tali kehekehe ki he fehuʻi kimuʻá. ʻE lava ke ke lisi ʻi he palakipoé ha ngaahi moʻoni naʻe ʻilo ʻe he kau akó. ʻI hono fakaʻaongaʻi e lea pē ʻa e kau akó, ʻe lava ke nau ʻilo ha ngaahi moʻoni ʻo tatau mo ʻení:

ʻOku fekauʻi kitautolu ʻe he ʻEikí ke tau langa ha ngaahi temipale ke Ne lava ai ʻo ʻafio ʻi hotau lotolotongá.
ʻOku akoʻi ʻe he ngaahi ouau mo e ngaahi fakataipe ʻo e temipalé fekauʻaki mo e Tamai Hēvaní mo Sīsū Kalaisi.
ʻOku tokoniʻi kitautolu ʻe he temipalé ke tau teuteu ke foki ki he Tamai Hēvaní mo Sīsū Kalaisi.

Fakamatalaʻi ange, hangē ko e tāpanekale ʻo onoʻahó, ʻoku ʻi he ngaahi temipale ʻo onopōní ha ngaahi fakataipe ʻokú ne akoʻi kitautolu fekauʻaki mo e Tamai Hēvaní mo Sīsū Kalaisi.

Baptistry (Temples) at Provo City Center Temple

Winnipeg Manitoba Temple. An interior image of the temple featuring the Sealing Room. There are chairs around an altar. Above the altar is a chandelier. There is a stained glass window on one side.

Ko e hā ha ngaahi founga ʻoku tokoni ai e ngaahi temipale ʻo onopōní ke ke manatuʻi ʻa e Tamai Hēvaní mo Sīsū Kalaisi?

Fakakaukau ke fakaʻaliʻali ha ʻū fakatātā ʻo ha ngaahi loki pau ʻi loto ʻi he ngaahi temipale ʻo onopōní ko ha konga hoʻomou aleaʻi ʻo e fehuʻi kimuʻá. Hangē ko ʻení, hili hono fakamahinoʻi ha fakatātā ʻo ha faiʻanga papitaiso ʻi he temipalé, te ke lava ʻo ʻeke ki he kau akó pe ko e hā ʻe lava ke akoʻi mai ʻe he ouau ʻo e papitaiso maʻá e kau pekiá fekauʻaki mo e Tamai Hēvaní mo Sīsū Kalaisí. Mahalo te ke fie fakaʻaongaʻi ʻa e ʻū fakatātā ʻi ʻolungá pe ko e ʻū fakatātā ʻoku fakakau ʻi he fakamatala “Inside Temples,” ʻoku maʻu ʻi he ChurchofJesusChrist.org.

Te ke lava foki ʻo mamata ʻi he foʻi vitiō “Welcome to the Washington D.C. Temple” (11:46), ʻoku maʻu ʻi he ChurchofJesusChrist.org. Ko e vitiō ko ʻení ko ha maʻuʻanga tokoni ia ʻe taha ke tokoni ki he kau akó ke nau vakai ki he founga ʻoku akoʻi ai kitautolu ʻe he ngaahi temipale ʻo onopōní fekauʻaki mo e Tamai Hēvaní mo Sīsū Kalaisí. Kapau ʻoku fakangatangata ʻa e taimí, fakakaukau ke mamataʻi ha taha ʻo e ngaahi konga ko ʻení: taimi 0:00 ki he 3:49, taimi 4:37 ki he 7:44, pe taimi 8:16 ki he 9:04.

11:45
ʻE liliu fēfē ʻe hono ʻiloʻi ʻoku akoʻi kitautolu ʻe he ngaahi temipalé fekauʻaki mo e Tamai Hēvaní mo Sīsū Kalaisí ʻa ʻetau loto-holi ke moihū aí?
Ko e fē ha taimi kuó ke ongoʻi ofi ange ai ki he Tamai Hēvaní mo Sīsū Kalaisi koeʻuhí ko e temipalé pe ko e kau ʻi he ngāue fakatemipalé mo e hisitōlia fakafāmilí?

Lekooti ʻa e ngaahi ongo ʻokú ke maʻú

Ke tokoni ke fakakaukau e kau akó ki he meʻa kuo nau ako mo ongoʻi mei he Laumālie Māʻoniʻoní he ʻaho ní, fakakaukau ke fakaafeʻi kinautolu ke tali ʻa e fehuʻi ko ʻení ʻi heʻenau tohinoa akó.

Ko e hā kuó ke ako pe ongoʻi he ʻahó ni mei he Laumālie Māʻoniʻoní kuó ne tākiekina hoʻo holi ke moihū ki he ʻEikí ʻi he temipalé?

Te ke lava ʻo fakaafeʻi ha kau ako ʻe loto-fiemālie ke vahevahe ʻa e meʻa naʻa nau tohí. ʻAi ke ʻilo ʻe he kau akó te nau maʻu ha faingamālie ke fakakaukau ki heʻenau holi ke moihū ki he ʻEikí ʻi he temipalé ʻi he Lēsoni 80: “Siviʻi Hono 5 Hoʻo Akó”.

Fakamoʻoni ki he ngaahi moʻoni kuo mou aleaʻi ʻi he ʻaho ní.

Ngaahi Maʻuʻanga Tokoni Kehé

Ko e hā ʻoku mahuʻinga ai ke u moihū ki he ʻEikí ʻi he temipalé?

Naʻe akonaki ʻa Palesiteni Lāsolo M. Nalesoni ʻo pehē:

8:3

Siʻoku kāinga ʻofeina, ʻoku fakautuutu pē ʻoho ʻa e filí, pea fakalalahi mo kehekehe hono mālohí. ʻOku toe fakautuutu ange ʻa e fie maʻu ke tau ʻalu maʻu pē ki he temipalé. ʻOku ou kole atu ke mou tuku ha taimi ke mou vakai fakalelei ai ki he anga hono fakaʻaongaʻi ho taimí. Fakaʻaongaʻi lelei ho taimí koeʻuhí ko ho kahaʻú mo ho fāmilí. Kapau ʻokú ke lava ʻo ʻalu ki he temipalé, ʻoku ou tapou atu ke ke feinga ke ke fetuʻutaki maʻu pē mo e ʻEikí—ʻo ʻalu ki Hono fale māʻoniʻoní—pea tauhi pau maʻu pē taimi ko iá ʻi he fiefia. ʻOku ou palōmesi atu ʻe ʻomi ʻe he ʻEikí ha ngaahi mana ʻokú Ne ʻafioʻi ʻokú ke fie maʻu ʻi hoʻo feilaulau ke tokoni mo moihū ʻi Hono temipalé. (“Ko e Hoko ko ha Kāingalotu Faʻifaʻitakiʻangá,” Liahona, Nōvema 2018, 114)

Ko e hā ʻoku totonu ke tuku taha ki ai ʻeku tokangá ʻi heʻeku ʻalu ki he temipalé?

Naʻe akoʻi ʻe Palesiteni Sefilī R. Hōlani ʻo e Kōlomu ʻo e Kau ʻAposetolo ʻe Toko Hongofulu Mā Uá ʻo pehē:

14:46

Ko e taimi ʻoku fuofua ʻalu ai ha taha ki he temipale māʻoniʻoní, mahalo naʻa ofo ʻi he aʻusia ko iá. Ko hotau fatongiá ke fakapapauʻi ʻoku ʻikai tohoakiʻi ʻe he ngaahi fakaʻilonga mo e ngaahi moihū toputapu kuo fakahāʻí, ngaahi teunga mo e ngaahi fakamatala ouaú, ka ke nau fakataumuʻa ki he Fakamoʻuí, ʻa Ia ʻoku tau ʻi ai ke hū ki aí. Ko e temipalé ko Hono fale, pea ʻoku totonu ke mahuʻinga taha Ia ʻi heʻetau fakakaukaú mo hotau lotó—ʻa e tokāteline fakaʻeiʻeiki ʻo Kalaisi ʻokú ne nofoʻia ʻetau moʻuí ʻo hangē pē ko ʻene nofoʻia e ngaahi ouau ʻo e temipalé—mei he taimi ʻoku tau lau ai e tohitongi ʻi he matapā ʻi muʻá [“Māʻoniʻoni ki he ʻEikí. Ko e Fale ʻo e ʻEikí.”] ki he momeniti fakaʻosi ʻoku tau ʻi loto ai he falé. ʻI he kotoa ʻo e ngaahi meʻa fakaofo ʻoku tau aʻusiá, ʻoku fie maʻu ke tau fakatokangaʻi, ʻo laka ange ʻi ha toe meʻa, ʻa e ʻuhinga ʻo e ʻi he temipalé ʻa Sīsuú. (“Ko e Pōpoakí, ʻUhingá, mo e Kakai Tokolahí,” Liahona, Nōvema 2019, 7)

Fēfē kapau ʻoku ou ongoʻi manavasiʻi fekauʻaki mo e ʻalu ki he temipalé?

Naʻe akonaki ʻa Palesiteni Lāsolo M. Nalesoni ʻo pehē:

18:60

Kapau ʻoku teʻeki ai ke ke manako ke ʻalu ki he temipalé, toutou ʻalu lahi ange ki ai—kae ʻikai siʻi ange. Tuku ke akoʻi mo tataki koe ai ʻe he ʻEikí, ʻaki Hono Laumālié. ʻOku ou palōmesi atu ʻi he fakalau atu ʻa e taimí, ʻe hoko ʻa e temipalé ko ha feituʻu ʻo e maluʻanga, fiemālie, pea mo e fakahā. (“Ko e Temipalé mo Hoʻo Fakavaʻe Fakalaumālié,” Liahona, Nōvema 2021, 95)

Ngaahi ʻEkitivitī Fakalahi ki he Akó

Founga ʻe taha ke kamata ʻaki ʻa e lēsoní

Kimuʻa pea kamata e kalasí, kumi ʻa e lipooti fakasitetisitika naʻe fai lolotonga e fakataha ʻo e hoʻatā Tokonaki ʻo e konifelenisi lahi fakamuimuitaha ʻi ʻEpelelí. Te ke lava ʻo maʻu ʻeni ʻi he newsroom.ChurchofJesusChrist.org, pe ʻi he pulusinga fakamuimuitaha ʻo Mē ʻo e Liahoná.

Fakaʻaliʻali ha ʻū fakatātā ʻo ha ngaahi temipale, pea ʻeke ki he kau akó ha ngaahi fehuʻi fekauʻaki mo e temipalé ʻo makatuʻunga ʻi he lipooti fakasitetisitiká. Hangē ko ʻení, te ke lava ʻo fehuʻi ange pe ko e temipale ʻe fiha ʻoku lolotonga fakaʻaongaʻí, ko e ngaahi temipale fē ʻoku lolotonga langá, ko e ngaahi temipale fē naʻe toki fanongonongó, mo e alā meʻa peheé. Hili iá pea teuteuʻi e kau akó ke nau ako fekauʻaki mo e fekau ʻa e ʻEikí ki he kau ʻIsilelí ke langa ha tāpanekalé, fakakaukau ke fehuʻi ange:

ʻOku faitāpuekina fēfē kitautolu ʻi hono langa e ngaahi temipalé?

Ngaahi vitiō kehé

Te ke lava ʻo fakaʻaongaʻi ʻa e ngaahi vitiō ko ʻení ʻi ha ngaahi taimi kehekehe ʻi he lēsoní:

“Ko e hā ʻa e Temipale?” (5:40). Ko e fakamatalaʻi ʻe ha kau mataotao mo ha Kāingalotu ʻo e Siasí ʻa e ʻuhinga ʻo e temipalé mo e ʻuhinga ʻoku nau mahuʻinga aí. Te ke lava ʻo fakaʻaongaʻi e vitiō ko ʻení ʻi he kamataʻanga ʻo e lēsoní, pe te ke fakaʻaongaʻi ia ʻi he fakaʻosinga ʻo e lēsoní kimuʻa peá ke fehuʻi ki he kau akó pe kuo ʻomi fēfē kinautolu ʻe he temipalé ke nau ofi ange ki he Tamai Hēvaní mo Sīsū Kalaisí.

5:48

“Latter-day Saint Temples” (1:40). ʻOku ʻomi ʻe he vitiō ko ʻení ha talateu nounou ki he ngaahi temipalé mo honau taumuʻá. Te ke lava ʻo fakaʻaongaʻi ia ʻi he kamataʻanga ʻo e lēsoní.

1:40