Fuakava Motuʻá – Tohi Lēsoni ʻa e Faiako Seminelí

Kanotohi
Peesi Talamuʻakí
Talateu ki he Tohi Lēsoni ʻa e Faiakó
Ngaahi Lēsoni ʻo e Fuakava Motuʻá
- Talitali Lelei Koe ki he Fuakava Motuʻá
- Mōsese 1; ʻĒpalahame 3
- Sēnesi 1–2; Mōsese 2–3; ʻĒpalahame 4–5
- Sēnesi 3–4; Mōsese 4–5
- Sēnesi 5; Mōsese 6
- Mōsese 7
- Sēnesi 6–11; Mōsese 8
- Sēnesi 12–17; ʻĒpalahame 1–2
- Sēnesi 18–23
- Sēnesi 24–33
- Sēnesi 37–41
- Sēnesi 42–50
- ʻEkesōtosi 1–6
- Toetuʻú
- ʻEkesōtosi 7–13
- ʻEkesōtosi 14–18
- ʻEkesōtosi 19–20; 24; 31–34
- ʻEkesōtosi 35–40; Levitiko 1; 4; 16; 19
- Nōmipa 11–14; 20–24; 27
- Teutalōnome 6–8; 15; 18; 29–30; 34
- Sōsiua 1–8; 23–24
- Fakamaau 2–4; 6–8; 13–16
- Lute; 1 Samuela 1–7
- 1 Samuela 8–10; 13; 15–16
- 1 Samuela 17–18; 24–26; 2 Samuela 5–7
- 2 Samuela 11–12; 1 Ngaahi Tuʻi 3; 6–9; 11
- 1 Ngaahi Tuʻi 12–13; 17–22
- 2 Ngaahi Tuʻi 2–7
- 2 Ngaahi Tuʻi 16–25
- 2 Fakamatala Meʻa Hokohoko 14–20, 26, 30
- ʻĒsela 1, 3–7; Nehemaia 2, 4–6, 8
- ʻĒseta
- Siope 1–3; 12–14; 19; 21–24; 38–40; 42
- Saame 1–2; 8; 19–33; 40; 46
- Saame 49–51; 61–66; 69–72; 77–78; 85–86
- Saame 102–103; 110; 116–119; 127–128; 135–139; 146–150
- Lea Fakatātā 1–4; 15–16; 22; 31; Tangata Malanga 1–3; 11–12
- ʻĪsaia 1–12
- ʻĪsaia 13–14; 22; 24–30; 35
- ʻĪsaia 40–49
- ʻĪsaia 50–57
- ʻĪsaia 58–66
- Selemaia 1–3, 7, 16–18, 20
- Selemaia 31–33; 36–38; Tangilaulau ʻa Selemaia 1, 3
- ʻIsikieli 1–3; 33–34; 36–37; 47
- Taniela 1–7
- Hōsea; Soeli
- ʻĀmosi; ʻOpataia; Siona
- Maika; Nēhumi; Hapakuki, Sefanaia
- Hakeai 1–2; Sakalaia 1–4, 7–14
- Malakai
Ngaahi Lēsoni Teuteu ki he Moʻuí
- Fakataukei Fakatokāteliné: Ko Hono Kumi ʻa e Ngaahi Tali ki Heʻeku Ngaahi Fehuʻí
- Ngaahi Taukei Ako Folofolá
- Tohi Fakahinohino Ki Hono Fakamālohia ʻo e Toʻu Tupú
- Ko Hono Tanumaki ʻo e Moʻui Fakafalala Pē Kiate Kitá
- Tuʻunga Moʻui Lelei Fakatuʻasinó mo Fakaelotó
- Ko e Teuteu ki he Ako mo e Ngāue Maʻuʻanga Moʻui ʻi he Kahaʻú
- Lavameʻa ʻi he Akó
- Teuteu ki he Ngāue Fakafaifekaú
- Teuteu ki he Temipalé
- Ngaahi Akonaki ʻa e Kau Taki ʻo e Siasí
Fakamatala Fakalahí

Levitiko, Konga 1: “Ko Hono Tatau ʻEni”

“Levitiko, Konga 1: ‘Ko Hono Tatau ʻEni,’” Fuakava Motuʻá – Tohi Lēsoni ʻa e Faiako Seminelí (2026)

“Levitiko, Konga 1: ‘Ko Hono Tatau ʻEni,’” Fuakava Motuʻá – Tohi Lēsoni ʻa e Faiako Seminelí

ʻEkesōtosi 35–40; Levitiko 1; 4; 16; 19: Lēsoni 53

Levitiko, Konga 1

“Ko Hono Tatau ʻEni”

Composite of an image of an Old Testament priest offering a sacrifice, and Jesus Christ on the cross.

Neongo ʻe ngali faikehe he ʻahó ni ke fai hano feilaulauʻi ʻo e fanga monumanú, ka naʻe tokoni ʻa e ngaahi feilaulau ko ʻení ki ʻIsileli ʻi he kuonga muʻá ke nau ʻilo mo fakahoungaʻi ʻa e meʻa kuo fuakava ʻa e Fakamoʻuí ke fai maʻanautolú. ʻE lava foki ke tokoni ʻetau ako ki he ngaahi feilaulau fakakuonga muʻa ko ʻení ke tau ʻilo mo houngaʻia ʻi he meʻa naʻe fai ʻe he Fakamoʻuí maʻatautolú. ʻE lava ke tokoni ʻa e lēsoni ko ʻení ke ongoʻi houngaʻia ʻa e kau akó ʻia Sīsū Kalaisi mo ʻEne feilaulau fakaleleí.

Teuteu ʻa e tokotaha akó: Fakaafeʻi e kau akó ke fakalaulauloto ki ha faleʻi te nau fai ki ha taha ʻoku fāifeinga ke mahino kiate ia ʻa e meʻa kuo fai ʻe Sīsū Kalaisi maʻanautolú. Te ke lava foki ʻo fakaafeʻi e kau akó ke nau fehuʻi ki ha mēmipa ʻo e fāmilí pe kaungāmeʻa pe ko e hā ha faleʻi te nau fai.

Ngaahi ʻEkitivitī Ako ʻOku Ala Fakahokó

Ko e hā kuó Ne fai maʻakú?

Ke teuteuʻi e kau akó ke nau talanoa fekauʻaki mo Sīsū Kalaisi, fakakaukau ke vahevahe ʻa e aʻusia ko ʻení.

Naʻe vahevahe ʻe Palesiteni Tāleni H. ʻOakesi ʻo e Kau Palesitenisī ʻUluakí ʻa e fetuʻutaki ko ʻeni naʻá ne maʻu mo ha mēmipa ʻo e Siasí:

12:45

Naʻá ku feʻiloaki mo ha fefine ʻi ha konifelenisi fakasiteiki ʻi he ngaahi taʻu lahi kuo hilí, ʻo ne talamai naʻe kole ange ke ne foki mai ki he siasí hili ha ngaahi taʻu lahi ʻo ʻene māmālohí, ka naʻe ʻikai ke ne lava ʻo fakakaukau ki ha ʻuhinga ʻoku tonu ke foki mai ai. ʻI heʻeku feinga ke fakalotolahiʻi iá naʻá ku pehē ange ai, “ʻI hoʻo fakakaukau ki he meʻa kotoa kuo fai ʻe he Fakamoʻuí maʻaú, ʻe lahi ʻa e ʻuhinga ke ke toe foki mai ai ke hū mo tauhi kiate Iá.” Naʻá ku ʻohovale heʻene talí: “Ko e hā kuó Ne fai maʻakú?” (“Ko e Hā Kuo Fai ʻe Hotau Fakamoʻuí Maʻatautolú?,” Liahona, Mē 2021, 75)

Fakalaulauloto ki he meʻa te ke talaange ki he fefiné kapau te ne fai atu ʻa e fehuʻi ko ʻení.

ʻE uesia fēfē nai ʻetau moʻuí kapau he ʻikai ke tau fakatokangaʻi pe manatuʻi ʻa e meʻa kuo fai ʻe he Fakamoʻuí maʻatautolú?

Ke tokoni ke fakaʻaongaʻi fakataautaha ʻe he kau akó e lēsoni ʻo e ʻaho ní, fakakaukau ke ʻeke ange e ongo fehuʻi ko ʻení. ʻOange ha taimi ki he kau akó ke hiki ʻenau ngaahi talí ʻi heʻenau tohinoa akó.
Ko e hā kuo fakahoko ʻe he Fakamoʻuí maʻau?
Ko e hā hoʻo ongo fekauʻaki mo Sīsū Kalaisi ʻi he meʻa kuó Ne fai maʻaú?

ʻI hoʻo ako ʻa e Levitikó he ʻaho ní, fekumi ki ha fakahinohino mei he Laumālie Māʻoniʻoní fekauʻaki mo e founga te ke lava ai ʻo fakaloloto hoʻo houngaʻia ʻi he meʻa kuo fai ʻe he ʻEikí maʻaú.

Ko hono ʻilo ʻo Kalaisi ʻi he ngaahi feilaulaú

Ke teuteuʻi e kau akó ke nau ako ʻa e Levitikó, fakakaukau ke fakaʻaliʻali e ngaahi ʻata mei he kamataʻanga ʻo e lēsoní. Fakaafeʻi e kau akó ke aleaʻi e meʻa ʻoku nau ʻilo fekauʻaki mo e ouau fakakuongamuʻa ʻo e feilaulau ʻaki e monumanú. Hangē ko ʻení, te ke lava ʻo fehuʻi ange ʻi he taimi naʻe fuofua fekauʻi ai ʻe he ʻOtuá ʻEne fānaú ke nau fai e feilaulau ʻaki e monumanú mo e ʻuhinga naʻá Ne fai ai e fekau ko iá. Kapau ʻe fie maʻu, te ke lava ʻo tataki e kau akó ki he Mōsese 5:6–7. Fai leva ʻa e fehuʻi ko ʻení.

Ko e hā naʻe fakafofongaʻi ʻe he ngaahi feilaulau ko ʻení?

Tokoni ke mahino ki he kau akó naʻe fekauʻi ʻe he ʻOtuá Hono kakaí talu mei he taimi ʻo ʻĀtama mo ʻIví, ke nau fai ha feilaulau ʻaki e monumanú ke tokoniʻi kinautolu ke nau hanganaki atu ki he Fakamoʻuí mo ʻEne feilaulau fakaleleí. Naʻe fakangata ʻa e foungá ni ʻi he pekia ʻa Sīsū Kalaisí, ʻa ia ko e “fuʻu feilaulau lahi mo fakaʻosí” (ʻAlamā 34:10).

ʻOku ʻi he tohi ʻa Levitikó ʻa e fakahinohino ʻa e ʻEikí ki he feilaulau ʻaki e fanga monumanú mo e ngaahi feilaulau kehe naʻá Ne fie maʻu mei Hono kakaí. ʻOku hangē ʻa Levitiko ko ha tohi tuʻutuʻuni ʻokú ne ʻomi ha ngaahi fakahinohino ki he ngaahi ouau, tōʻonga, mo e ngaahi fatongia toputapu ʻo ʻIsileli ʻi he kuonga muʻá.

ʻI he ʻosi e ako ʻa e kau akó, fakaafeʻi kinautolu ke vahevahe ha niʻihi ʻo ʻenau ngaahi tali ki he ngaahi fehuʻi ʻi he laʻipepa tufá. Te ke lava ʻo fakaʻaongaʻi ʻa e fehuʻi ko ʻení ke tokoni ki he kau akó ke fakamatalaʻi fakanounou ʻa e meʻa ne nau akó.

Te ke fakamatalaʻi fakanounou fēfē ʻi ha fakamatala faingofua ʻa e meʻa naʻá ke ako he ʻahó ni fekauʻaki mo e Fakamoʻuí mo ʻEne feilaulau fakaleleí?

ʻE lava ke vahevahe ʻe he kau akó ha ngaahi moʻoni kehekehe, hangē ko e:

Naʻe hōifua lelei ʻa Sīsū Kalaisi ke foaki ʻEne moʻuí ko ha feilaulau maʻatautolu.
ʻE lava ke fakamolemoleʻi ʻetau ngaahi angahalá koeʻuhí ko Sīsū Kalaisi.
Naʻe totongi ʻe Sīsū Kalaisi ʻetau ngaahi angahalá ʻaki ʻEne toʻo kinautolu kiate Ia ʻo fakafou ʻi Heʻene feilaulau fakaleleí.

Ke fakaloloto e houngaʻia ʻa e kau akó ki he ngaahi moʻoni ko ʻení, fakakaukau ke fakaʻaongaʻi e fakamatala mo e ngaahi fehuʻi ko ʻení. Mahalo kuó ke fakaʻaongaʻi ʻa e fakamatala ko ʻení ʻi he Lēsoni 27: “Sēnesi 22.”

Naʻe fakamatalaʻi ʻe Palesiteni Tāleni H. ʻOakesi ʻo e Kau Palesitenisī ʻUluakí ʻa e ʻuhinga naʻe fakahoko ai ʻe Sīsū Kalaisi ʻa e Fakaleleí:

Naʻe fakahoko kotoa ʻeni ʻe Sīsū Kalaisi koeʻuhí he ʻokú Ne ʻofa ʻi he kotoa ʻo e fānau ʻa e ʻOtuá. Ko e ʻofá ʻa e ivi ki he meʻa kotoa pē pea naʻe pehē ia talu mei he kamataʻangá. …

ʻOku ou … fakatauange te tau manatuʻi kotoa e ngaahi meʻa kuo fai ʻe hotau Fakamoʻuí maʻatautolú. (“Ko e Hā Kuo Fai ʻe Hotau Fakamoʻuí Maʻatautolú?,” Liahona, Mē 2021, 77)

ʻOku tokoni fēfē kiate koe ke ke ʻiloʻi naʻe fakaʻatā ʻe Sīsū Kalaisi Ia ke tutuki koeʻuhí ko ʻEne ʻofa ʻiate koé?
Ko e hā ha ngaahi founga te tau lava ai ʻo manatuʻi ʻa e ʻEikí mo ʻEne feilaulaú?

Tokoni ke mahino ki he kau akó ko e founga ʻe taha ʻoku tau manatuʻi ai e feilaulau ʻa e Fakamoʻuí ko hono maʻu fakauike ʻo e sākalamēnití.

Ke tokoni ke ʻilo ʻe he kau akó ʻa e fehokotaki ʻa e feilaulau fakakuongamuʻá mo e sākalamēnití, fakakaukau ke huluʻi ʻa e vitiō “Manatu Maʻu Ai Pē Kiate Ia” (5:27), ʻoku maʻu ʻi he ChurchofJesusChrist.org. Hili iá, te ke lava ʻo ʻeke e ongo fehuʻi ko ʻení.

5:28
ʻOku faitatau fēfē ʻa e sākalamēnití mo e ngaahi feilaulau ʻi he kuonga muʻá?
ʻOkú ke fāifeinga fēfē ke manatuʻi ʻa e Fakamoʻuí ʻi hoʻo moʻui fakaʻahó?

Ko e meʻa naʻe fai ʻe Sīsū maʻakú

ʻOange ha taimi ki he kau akó ke nau fakakaukauloto ki heʻenau ngaahi ongo kia Sīsū Kalaisí. Ke teuteuʻi kinautolu ke fai ʻení, te ke lava ʻo fakaafeʻi e kalasí ke nau hivaʻi ʻa e “ʻOku Fakaofo” (Ngaahi Himi, fika 102). ʻE lava ke ʻiloʻi ʻe he kau akó ha ngaahi kupuʻi lea mei he himí ʻokú ne fakahaaʻi ʻenau ngaahi ongo ki he Fakamoʻuí.

Pe ko hoʻo fakaafeʻi e kau akó ke fili ha himi kehe pe ko ha potufolofola fekauʻaki mo e Fakamoʻuí mo ʻEne Fakaleleí. Te nau lava ʻo vahevahe ha ngaahi kupuʻi lea ʻokú ne fakahaaʻi ʻenau ngaahi ongo kiate Iá.

Hili iá, fakaafeʻi e kau akó ke nau tali e fehuʻi ko ʻení ʻi heʻenau tohinoa akó.

ʻOku fēfē hoʻo ongo fekauʻaki mo e Fakamoʻuí mo e meʻa kuó Ne fai maʻaú?

ʻE lava ʻe ha kau ako ʻe loto-fiemālie ʻo fakahaaʻi ʻenau ngaahi fakakaukau mo e ongo fekauʻaki mo e Fakamoʻuí. Fakakaukau ke vahevahe hoʻo ngaahi ongo mo e fakamoʻoni kau kiate Iá.

Ngaahi Maʻuʻanga Tokoni Kehé

Ko e hā naʻe fekau ai ʻe he ʻEikí ki ʻIsileli ʻo e kuonga muʻá ke nau feilaulauʻi ʻa e fanga monumanú?

Naʻe akonaki ʻa e Palōfita ko Siosefa Sāmitá (1805–44) ʻo pehē:

Ko hono moʻoní, he ʻikai ʻaonga ki ha tangata hano lilingi ʻo ha toto ʻo ha monumanu, tuku kehe kapau ʻe fai ʻi he fakatātā, pe fakataipe, pe ko hano fakamatalaʻi ʻo e meʻa ʻe foaki tuʻunga ʻi he meʻaʻofa tonu pē ʻa e ʻOtuá—pea ko e ngāue ko ʻení ʻoku fai ʻaki ʻa e mata ʻoku sio pē ki muʻa ʻi he tui, ki he mālohi ʻo e Feilaulau maʻongoʻonga ki he fakamolemole ʻo e angahalá. (Ngaahi Akonaki ʻa e Kau Palesiteni ʻo e Siasí: Siosefa Sāmita [2007], 56)

Naʻe fakataumuʻa fēfē ʻa e feilaulau ʻo e fanga monumanú kia Sīsū Kalaisí?

Naʻe fakamatalaʻi ʻe Palesiteni M. Lāsolo Pālati (1928–2023) ʻo e Kōlomu ʻo e Kau ʻAposetolo ʻe Toko Hongofulu Mā Uá, ʻo pehē:

Naʻe fakatefito ʻa e meʻa kotoa pē fekauʻaki mo e feilaulau ʻa Mōsesé ʻia Kalaisi. …

ʻUluakí, naʻe fili e monumanú ʻaki ʻa e pani mo e hilifaki ʻo e nima, hangē ko Kalaisí. (Ko e hingoa faka-Hepelū ko e Mīsaiá mo e hingoa faka-Kalisi ko e Kalaisí ʻoku ʻuhinga lōua pē ki he “ko e Taha kuo Paní.”) Uá, naʻe pau ke lilingi e toto moʻui ʻo e monumanú. Tolú, naʻe pau ke taʻe-hano-mele—mātuʻaki hao mei ha mele fakaesino, kakato mo haohaoa. Faá, naʻe pau ke maʻa mo taau e feilaulaú. Nimá, naʻe pau ke fakahoko ʻaki e feilaulaú ha monumanu lalata; ʻa ia naʻe pau ko ha monumanu naʻe tauhi mo tokoni ki he tangatá kae ʻikai ko ha manu kaivao (vakai, Levitiko 1:2–3, 10; 22:21). Onó mo e fitú, ko e fuofua feilaulau ne fai ʻe ʻĀtamá mo e feilaulau angamaheni taha ʻi he fono ʻa Mōsesé, naʻe pau pē ko ha ʻuluaki fānau pea mo ha monumanu tangata (vakai, ʻEkesōtosi 12:5; Levitiko 1:3; 22:18–25). (“The Law of Sacrifice,” Ensign, Oct. 1998, 9–10)

Naʻe akoʻi ʻe Palesiteni Tāleni H. ʻOakesi ʻo e Kau Palesitenisī ʻUluakí ʻo pehē:

12:45

Naʻe kātekina ʻe hotau Fakamoʻui mo e Huhuʻí ha mamahi ʻoku ʻikai taʻe-faʻa-laua, koeʻuhí ke Ne hoko ai ko ha feilaulau ki he angahala ʻa e taha matelie kotoa ʻe fakatomalá. Naʻe foaki ʻe he feilaulau fakaleleí ni ʻa e lelei taupotú, ʻa e lami haohaoa taʻe-hano-melé, ko e fetongi ʻa e kovi fulikivanu taupotú, ko e angahala ʻa māmani kotoá. Naʻá ne fakaava ʻa e matapā kiate kitautolu takitaha ke fakamaʻa ʻetau angahala fakatāutahá kae lava ke fakahū atu kitautolu ki he ʻao ʻo e ʻOtua, ko ʻetau Tamai Taʻengatá. ʻOku ʻatā ʻa e matapā kuo fakaavá ni ki he kotoa ʻo e fānau ʻa e ʻOtuá. (“Ko e Hā Kuo Fai ʻe Hotau Fakamoʻuí Maʻatautolú?,” Liahona, Mē 2021, 76)

Ko e hā ʻoku ʻikai feilaulauʻi ai ʻe he kāingalotu ʻo e Siasi ʻo e ʻEikí ʻa e fanga monumanú he ʻaho ní?

Naʻe ngata ʻa e fekau ko ia ke feilaulau ʻaki e fanga monumanú ʻi he pekia ʻa Sīsū Kalaisí. ‘I he Siasí he ʻahó ni, ko e ouau ko ia ʻo e sākalamēnití ko ha fakamanatu ia ʻo e feilaulau fakalelei ʻa e Fakamoʻuí. (Ngaahi Tefito ʻo e Ongoongoleleí, “Feilaulaú,” Gospel Library)

Ngaahi ʻEkitivitī Fakalahi ki he Akó

Founga ʻe taha ke kamata ʻaki ʻa e lēsoní

Makehe mei hono fakaʻaongaʻi e aʻusia ʻa Palesiteni ʻOakesi mei he kamataʻanga ʻo e lēsoní, ʻe lava ke ke fakaʻaongaʻi e tūkunga ko ʻení:

Fakakaukauloto ʻoku tangutu ha talavou ʻi he houalotu sākalamēnití mo fifili: “ʻOku hokohoko atu e talanoa ʻa e tokotaha kotoa pē ki he lahi ʻo ʻenau ʻofa ʻia Sīsuú, ka ʻoku ʻikai ke u ʻilo pe ʻoku ou ongoʻi pehē. Ko e hā kuó Ne fai maʻakú?”

Fakaafeʻi e kau akó ke nau fakalaulauloto ki ha faleʻi te nau fai ki he talavou ko ʻení.

Fakatātā vitiō ʻo ha feilaulau ʻaki ha monumanu

ʻE ala ʻaonga ki he kau akó ʻenau fakakaukauloto ki hono feilaulauʻi ʻo e fanga monumanú. ʻI heʻenau fai iá, ʻe lava ke nau fakahoungaʻi lahi ange ai ʻa e Fakamoʻuí koeʻuhí ko ʻEne feilaulaú. Fakakaukau ke hulu e foʻi vitiō “Sacrifice and Sacrament” (12:41). Te ke lava ʻo huluʻi e foʻi vitioó kakato pe ko e konga pē ʻoku fakamatalaʻi ai hono feilaulau ʻaki e monumanú, mei he taimi 2:58 ki he 8:26. Kapau te ke huluʻi ha konga pē ʻo e foʻi vitioó, ʻe ala tokoni ke ʻuluaki fakamatalaʻi ko e vitiō ko ʻení ʻoku fekauʻaki ia mo ha toko ua ʻokú na toe foki ki ha taimi kimuʻa ke ako fekauʻaki mo e ngaahi feilaulau he kuonga muʻá.

12:41

Vitiō ʻo ha himi

Makehe mei hano fakaafeʻi ʻo e kau akó ke nau hiva ʻa e “ʻOku Fakaofó” (Ngaahi Himí, fika 102), fakakaukau ke huluʻi ʻa e foʻi vitiō “I Stand All Amazed” (5:15), ʻoku maʻu ʻi he ChurchofJesusChrist.org.

5:16