Հին Կտակարան. Սեմինարիայի ուսուցչի ձեռնարկ

Բովանդակություն
Տիտղոսաթերթ
Ուսուցչի ձեռնարկի նախաբան
Հին Կտակարան․ Դասեր
- Բարի գալուստ Հին Կտակարան
- Մովսես 1, Աբրահամ 3
- Ծննդոց 1–2, Մովսես 2–3, Աբրահամ 4–5
- Ծննդոց 3–4, Մովսես 4–5
- Ծնունդ 5, Մովսես 6
- Մովսես 7
- Ծնունդ 6–11, Մովսես 8
- Ծնունդ 12–17, Աբրահամ 1–2
- Ծնունդ 18–23
- Ծնունդ 24–33
- Ծնունդ 37–41
- Ծնունդ 42–50
- Ելք 1–6
- Զատիկ
- Ելք 7–13
- Ելք 14–18
- Ելք 19–20, 24, 31–34
- Ելք 35–40, Ղևտական 1, 4, 16, 19
- Թվեր 11–14, 20–24, 27
- Բ Օրենք 6–8, 15, 18, 29–30, 34
- Հեսու 1–8, 23–24
- Դատավորներ 2–4, 6–8, 13–16
- Հռութ, Ա Թագավորների 1–7
- Ա Թագավորների 8–10, 13, 15–16
- Ա Թագավորների 17–18, 24–26, Բ Թագավորների 5–7
- Բ Թագավորների 11–12, Գ Թագավորների 3, 6–9, 11
- Գ Թագավորների 12–13, 17–22
- Դ Թագավորների 2–7
- Դ Թագավորների 16–25
- Բ Մնացորդաց 14–20, 26, 30
- Եզրաս 1, 3–7, Նեեմիա 2, 4–6, 8
- Եսթեր
- Հոբ 1–3, 12–14, 19, 21–24, 38–40, 42
- Սաղմոսներ 1–2, 8, 19–33, 40, 46
- Սաղմոսներ 49–51, 61–66, 69–72, 77–78, 85–86
- Սաղմոսներ 102–103, 110, 116–119, 127–128, 135–139, 146–150
- Առակներ 1–4, 15–16, 22, 31, Ժողովող 1–3, 11–12
- Եսայի 1–12
- Եսայի 13–14, 22, 24–30, 35
- Եսայի 40–49
- Եսայի 50–57
- Եսայի 58–66
- Երեմիա 1–3, 7, 16–18, 20
- Երեմիա 31–33, 36–38, Երեմիայի ողբերը 1, 3
- Եզեկիել 1–3, 33–34, 36–37, 47
- Դանիել 1–7
- Ովսեե, Հովել
- Ամովս, Աբդիա, Հովնան
- Միքիա, Նաում, Ամբակում, Սոփոնիա
- Անգե 1–2, Զաքարիա 1–4, 7–14
- Մաղաքիա
Կյանքին նախապատրաստվելու դասեր
- Վարդապետության սերտում. ինչպես գտնեմ իմ հարցերի պատասխանները
- Սուրբ գրությունների ուսումնասիրության հմտություններ
- Երիտասարդներին զորացնելու համար․ ուղեցույց
- Զարգացրեք ինքնապահովում
- Ֆիզիկական և էմոցիոնալ առողջություն
- Պատրաստվել ապագա կրթությանը և աշխատանքին
- Հաջողության հասնել դպրոցում
- Միսիոներական նախապատրաստություն
- Տաճարային նախապատրաստություն
- Եկեղեցու ղեկավարների ուսմունքները
Հավելված

Ելք 24, 32–34. Տիրոջ արդարությունը, ողորմածությունը և համբերատարությունը

«Ելք 24, 32–34․ Տիրոջ արդարությունը, ողորմածությունը և համբերատարությունը», Հին Կտակարան․ Սեմինարիայի ուսուցչի ձեռնարկ (2026)

«Ելք 24, 32–34․ Տիրոջ արդարությունը, ողորմածությունը և համբերատարությունը», Հին Կտակարան․ Սեմինարիայի ուսուցչի ձեռնարկ

Ելք 19–20, 24, 31–34․ Դաս 51

Ելք 24, 32–34

Տիրոջ արդարությունը, ողորմածությունը և համբերատարությունը

Mural depicting prophets and events from the Old Testament and the Book of Mormon. This part of the mural depicts Moses holding the stones of the Ten Commandments. The Israelites can be seen in the background with the golden calf.

Ինչպե՞ս են Փրկչի արդարությունը, ողորմածությունը և համբերատարությունը գործում միասին՝ օրհնելու ձեր կյանքը: Երբ Մովսեսը վերադարձավ Տիրոջ ներկայությունից, տեսավ, որ իսրայելացիները խախտել են իրենց կապած ուխտերը և երկրպագում են ոսկե հորթին: Իսրայելացիները կրեցին այդ մեղքի հետևանքները, սակայն Տերը ցույց է տալիս Իր արդարությունը, ողորմածությունը և համբերատարությունը նրանց հանդեպ, ովքեր ապաշխարում են և վերադառնում են Իր մոտ: Այս դասը կօգնի ուսանողներին հասկանալ, որ Տերը արդար է, ողորմած է և համբերատար:

Ուսանողի նախապատրաստում. ուսանողներին առաջարկեք խորհել, թե իրենք ինչպես են տեսել Տիրոջ արդարությունը, սերը և համբերատարությունն (համբերությունն) իրենց կյանքում: Առաջարկեք նրանց զրուցել ընտանիքի անդամի կամ ընկերոջ հետ այն մասին, թե ինչպես են Տիրոջ արդարությունն ու ողորմածությունն աշխատում միասին՝ Իր բոլոր զավակներին օրհնելու համար:

Հնարավոր ուսումնական վարժություններ

Տերը արդար է, ողորմած է և համբերատար

Կարող եք ցուցադրել Փրկչի նկարը: Քննարկեք հետևյալ հարցը։

Ի՞նչ բառ կարող եք օգտագործել՝ Փրկչի բնավորությունը նկարագրելու համար:

Ուսանողներին առաջարկեք գրել այդ բառը գրատախտակին: Գրված բառերից ընտրեք մի քանի օրինակ և այն ուսանողներին, որոնք գրել են բառերը, առաջարկեք բացատրել, թե ինչու են իրենք ընտրել Փրկչի այդ հատկանիշը:

Որպեսզի օգնի Իսրայելի որդիներին հասկանալ Իրեն, Տերը բացահայտեց Իր բնավորության որոշ կարևոր բաղադրիչներ:

Կարդացեք Ելք 34․6–7 հատվածները՝ փնտրելով Փրկչի հատկանիշները:

Ի՞նչ բացահայտեցիք:

Ի թիվս հատկանիշների, որոնք ուսանողները կարող են բացահայտել, ընդգծեք այն ճշմարտությունը, որ Տերը արդար է, ողորմած է և համբերատար։ Կարող եք օգնել ուսանողներին հասկանալ, որ «համբերատարությունը» (հատված 6) նկարագրում է Տիրոջ համբերությունը մեր հանդեպ:

Կարող եք կիսվել ուսանողների հետ, որ իրենք կուսումնասիրեն, թե ինչպես են Իսրայելի որդիները զգացել Տիրոջ արդարությունը, ողորմածությունը և համբերատարությունը: Նրանք նաև կուսումնասիրեն, թե ինչու է մեզ համար կարևոր հասկանալ Տիրոջ մասին այդ ճշմարտությունները:

Իսրայելացիները Տիրոջ ուխտյալ ժողովուրդն են

Հետևյալ սցենարը կօգտագործվի դասի ողջ ընթացքում՝ օգնելու ուսանողներին հասկանալ, թե ինչպես կարող է իսրայելացիների պատմությունը վերաբերել այսօրվա երիտասարդությանը: Սցենարում օգտագործվում է «Քայլի» անունը, բայց դուք կարող եք առաջարկել ուսանողներին ընտրել այլ անուն և ավելացնել կամ փոփոխել պատմության մանրամասները:

Քայլին մի երիտասարդ աղջիկ է ձեր դպրոցից, որը սովորել է Փրկչի ավետարանի մասին և որոշել է կատարել փոփոխություններ, որոնք անհրաժեշտ են Հիսուս Քրիստոսի Վերջին Օրերի Սրբերի Եկեղեցում մկրտվելու համար: Նա ցանկանում է ուխտ կապել Աստծո հետ՝ Նրա պատվիրանները պահելու համար:

Օգնեք ուսանողներին վերհիշել, որ Եգիպտոսից ազատվելուց հետո Տերը Իսրայելի որդիներին բերեց Սինա լեռ՝ Իր հետ ուխտ կապելու:

Կարդացեք Ելք 24․3–8 հատվածները՝ փնտրելով, թե իսրայելացիներն ինչպես կարող էին ունենալ նույն զգացումը, որն ունի Քայլին:

Ի՞նչը գրավեց ձեր ուշադրությունը։

Օգտակար կլինի ուսանողներին բացատրել, որ զոհասեղանի և ժողովրդի վրա արյուն ցողելը (տես Ելք 24․6, 8) խորհրդանշական, ֆիզիկական պատկերացում էր այն մասին, որ իսրայելացիները պատրաստ էին լինել Տիրոջ ուխտյալ ժողովուրդը:

Տերը ցանկացավ օրհնել Իսրայելի որդիներին Մելքիսեդեկյան Քահանայության արարողություններով (տես Վարդապետություն և Ուխտեր 84.19–23)։ Մովսեսը վերադարձավ Սինա լեռ՝ ստանալու այդ արարողությունների վերաբերյալ Տիրոջ հրահանգները և խորանի վերաբերյալ Նրա ծրագրերը:

Մեր կապած ուխտերը խախտելը և դրա հետևանքները

Կարդացեք Ելք 32․1–8 հատվածները՝ փնտրելով, թե ինչ էին անում իսրայելացիները, երբ Մովսեսը լեռան վրա էր և Աստծուց առաջնորդություն էր ստանում:

Ի՞նչ բացահայտեցիք:

Composite of images of Moses, the golden calf and the Israelites in the wilderness.

Ինչո՞ւ եք կարծում, որ ոսկե հորթի արձան կառուցելն ու նրան երկրպագելն այդքան լուրջ մեղք էր: (Տես Ելք 20․2–7։)

Համոզվեք, որ ուսանողները հասկանում են, որ իսրայելացիները խախտել էին ուխտը, որը հենց նոր կապել էին Տիրոջ հետ:

Կարող եք կիսվել սցենարի մեկ այլ հատվածով, որը զուգահեռներ ունի Իսրայելի որդիների հետ տեղի ունեցածի հետ և ավելի շատ վերաբերում է երիտասարդությանը: Ուսանողները կարող են օրինակներ բերել, թե ինչ կարող էր անել Քայլին՝ խախտելու Աստծո պատվիրաններին հնազանդվելու ուխտը, որը կնքել էր մկրտության ժամանակ:

Մկրտությունից հետո Քայլին սկսեց ժամանակ անցկացնել իր հին ընկերների հետ և դա հանգեցրեց նրան, որ նա վերադարձավ իր հին սովորություններին: Սկզբում նրա թույլ տված սխալները փոքր էին թվում։ Սակայն շատ չանցած, նա վերադարձավ իր հին, ծանոթ ապրելակերպին: Նա խախտեց ուխտը, որը կնքել էր մկրտության ժամանակ:

Ի՞նչը կարող էր ազդել Քայլիի որոշման վրա։

Տիրոջ արդարության օրենքը

Կարդացեք Ելք 32․15–20 հատվածները՝ փնտրելով այն հետևանքները, որոնք Իսրայելը կրեց իր գործած մեղքի պատճառով:

Ի՞նչ գտաք:

Օգնեք ուսանողներին հասկանալ, որ թեև մենք կարող ենք օգտագործել մեր կամքի ազատությունը մեղք գործելու համար, սակայն Տերը արդար է: Հետևաբար, մենք չենք կարող խուսափել մեր կատարած մեղքերի հետևանքներից: Օգտակար կլինի բացատրել, որ Մովսեսը կոտրեց այն տախտակները, որոնց վրա փորագրված էին Մելքիսեդեկյան քահանայության արարողությունների հրահանգները (տես Ելք 32․15–19, Ջոզեֆ Սմիթի Թարգմանություն, Ելք 34․1–2 [Աստվածաշնչի հավելվածում])։ Իրենց կայացրած որոշումների պատճառով Իսրայելի որդիներն արժանի չէին ստանալ այդ օրհնությունները Տիրոջից: Մովսեսը վերադարձավ Տիրոջ ներկայություն։ Տերը Մովսեսին հրահանգեց Մելքիսեդեկյան քահանայության արարողությունների փոխարեն հաստատել Ահարոնյան քահանայության արարողությունները (տես Վարդապետություն և Ուխտեր 84.24–26)։ Կարող եք նաև նշել, որ Մովսեսը խորանը կանգրեցրեց բանակատեղից դուրս (տես Ելք 33․7), որը խորհրդանշում էր, որ Իսրայելը կորցրել էր Տիրոջ ներկայությունը:
Ինչպիսի՞ հոգևոր և աշխարհիկ հետևանքների կարող է բախվել Քայլին՝ իր մկրտության ուխտը խախտելու համար:
Ինչպե՞ս են այդ հետևանքները ցուցադրում Տիրոջ արդարությունը, ողորմածությունը և համբերատարությունը:

Կարող եք նշել, որ, ինչպես իսրայելացիները, Քայլին նույնպես կարող է չստանալ քահանայության արարողություններից ստացված օրհնությունները: Նա կարող է նաև կորցնել Տիրոջ Հոգու մշտական ընկերակցությունը:

Տիրոջ ողորմածության օրենքը

Օգնեք ուսանողներին հասկանալ, որ Տերը վստահեցրեց Իսրայելին, որ իրենք դեռևս Իր ժողովուրդն են (տես Ելք 33․12–19)։

Կրկնեք Ելք 34․6–7 հատվածները և մտածեք, թե Տիրոջ համար ինչու էր կարևոր հիշեցնել Իսրայելի որդիներին, որ Ինքն արդար է, ողորմած է և համբերատար:

Տերը ինչպե՞ս դրսևորեց Իր ողորմածությունն ու համբերատարությունը Իսրայելի որդիների նկատմամբ:
Ինչպե՞ս կարող է Քայլին տեսնել Տիրոջ ողորմածությունն ու համբերատարությունը իր կյանքում:

Տասներկու Առաքյալների Քվորումից երեց Քվենթին Լ. Քուքը բացատրել է, թե Փրկչի ողորմածությունն ինչպես է համապատասխանում արդարության օրենքին.

13:53

Առանց Փրկչի Քավության՝ արդարության հավերժական սկզբունքը կպահանջի պատիժ: Փրկչի քավության շնորհիվ ողորմածությունը կարող է գերակայել նրանց համար, ովքեր ապաշխարել են, և դա թույլ կտա նրանց վերադառնալ Աստծո ներկայություն: Լավ կլիներ, որ մենք խորհեինք այս հրաշալի վարդապետության շուրջ։

Ոչ ոք չի կարող վերադառնալ Աստծո մոտ միայն իր բարի գործերով։ Բոլորս կարիք ունենք օգտվելու Փրկչի զոհաբերությունից։ Բոլորն են մեղանչում, և միայն Հիսուս Քրիստոսի քավության միջոցով է, որ մենք կարող ենք ողորմածություն ստանալ և ապրել Աստծո հետ։ («Հավատարիմ եղեք Աստծուն և Նրա գործին», Լիահոնա, նոյ. 2022, 119)

Այս խոսքերի ո՞ր հատվածով կարող եք կիսվել Քայլիի հետ:

Տալով հարցեր, որոնք կօգնեն ուսանողներին հասկանալ, թե ինչպես է Տերը ցուցադրում Իր սերը, զորությունը և ողորմածությունն իրենց կյանքում, կարող եք ամրացնել նրանց կապը Տիրոջ հետ: Դա անելու եղանակներից մեկն է՝ առաջարկել ուսանողներին պատասխանել հետևյալ հարցին:

Լրացուցիչ ուսուցում ստանալու համար տես «Օգնեք սովորողներին ճանաչել Տիրոջ սերը, զորությունն ու ողորմածությունը իրենց կյանքում» բաժինը Ուսուցիչների կատարելագործման հմտություններ ձեռնարկում։
Փրկչի արդարության, ողորմածության և համբերատարության ինչպիսի՞ ապացույցներ եք տեսել ձեր կամ ձեզ ծանոթ մարդկանց կյանքում:

Հասկացողություն դրսևորեք

Այս վարժությունը կարող է օգնել ուսանողներին ամփոփել այսօրվա իրենց սովորածը։ Կարող եք առաջարկել նրանց ավարտել Քայլիի պատմությունը: Ուսանողներին ցուցադրեք հետևյալ հուշումները՝ պատմությունն ավարտելու համար։

Իր փորձառությունների շնորհիվ Քայլին, հնարավոր է, սովորեց, որ Երկնային Հայրը և Հիսուս Քրիստոսը ։
Քանի որ նա սովորեց Երկնային Հոր և Հիսուս Քրիստոսի մասին, Քայլին որոշում է ։

Պատրաստակամ ուսանողներից մի քանիսին առաջարկեք դասարանի հետ կիսվել, թե իրենք ինչպես կարող են ավարտել Քայլիի պատմությունը: Երբ ուսանողները հնարավորություն ունենան կիսվելու իրենց պատասխաններով, կարող եք կիսվել, թե ինչպես եք տեսել Տիրոջ արդարությունը, ողորմածությունը և համբերատարությունը ձեր կյանքում:

Լրացուցիչ նյութեր

Ինչպե՞ս ենք օրհնվում Աստծո արդարությամբ:

Տասներկու Առաքյալների Քվորումից նախագահ Ջեֆրի Ռ. Հոլլանդը վկայել է.

Աստծո հատկանիշներից մեկն արդարությունն է, և մենք, վախի պատճառով, չէինք ունենա հավատք՝ արդար ապրելու կամ ավելի շատ սիրելու կամ ավելի պատրաստակամ ապաշխարելու, եթե չմտածեինք, որ արդարությունը նշանակություն է ունենալու մեզ համար, եթե որևէ կերպ մտածեինք, որ Աստված կփոխի Իր միտքը և կորոշի, որ գոյություն ունի կանոնների մեկ այլ տարբերակ: Քանի որ մենք գիտենք, որ Աստված արդար է և չի կարող Աստված լինել, եթե արդար չլինի, մենք առաջ գնալու հավատք ունենք՝ իմանալով, որ չենք դառնա քմահաճույքի, մտքափոխության կամ չար կատակի զոհ: Դրանում վստահ լինելը շատ հուսադրող է։ …

Ես գիտեմ, որ հեշտ չէ հետ գնալ, ջնջել և ամեն ինչ նորից սկսել, բայց ես ամբողջ սրտով հավատում եմ, որ ավելի հեշտ է և, անկասկած, ավելի գոհացուցիչ է նորից սկսել, քան շարունակել նույն կերպ և փորձել հավատալ, որ արդարությունն իր գործը չի անելու։ («The Justice and Mercy of God», Ensign, սեպտ. 2013, 18–19)

Ելք 34․7, ծանոթագրություն ե։ Ի՞նչ է նշանակում, որ Տերը «բնավ անպարտ չի թողնում մեղավորներին» (հանցավորներին):

Տասներկու Առաքյալների Քվորումից երեց Ջերիթ Վ. Գոնգն ուսուցանել է.

Նրանք, ովքեր մտածված ընտրում են ամբարշտությունը, ովքեր միտումնավոր հետաձգում են ապաշխարությունը կամ ովքեր որևէ կերպ դիտավորյալ կամ գիտակցաբար խախտում են պատվիրանները՝ ծրագրելով հեշտ ապաշխարություն, կդատվեն Աստծո կողմից՝ «ունենալով մի վառ վերհուշ [իրենց] բոլոր հանցանքի» [Alma 11․43]։ Մենք չենք կարող գիտակցաբար մեղանչել շաբաթ օրը, ապա ակնկալել ավտոմատ ներում՝ կիրակի օրը հաղորդություն ընդունելով։ … Ոչ ոք չպետք է հետաձգի իր ապաշխարությունը։ Ապաշխարության օրհնությունները սկսվում են այն պահից, երբ մենք սկսում ենք ապաշխարել։ («Հավերժ երջանիկ», Լիահոնա, նոյեմբեր 2022, 84)

Կա՞ տարբերություն այն բանի միջև, թե Տերը ինչպես է դիտարկում թուլությունը և ըմբոստությունը:

Տասներկու Առաքյալների Քվորումից երեց Ռիչարդ Գ. Սքոթը (1928–2015) բացատրել է.

Ուրախ ավետիքը նրանց համար, ովքեր ցանկանում են ազատվել անցյալի սխալ ընտրությունների հետևանքներից, այն է, որ Տերը տարբեր կերպ է նայում թուլություններին և ըմբոստությանը: Տերը զգուշացնում է, որ չապաշխարող ըմբոստությունը կբերի պատիժ, մինչդեռ Նա միշտ ողորմածությամբ է խոսում թուլությունների մասին: («Անձնական զորություն` Հիսուս Քրիստոսի Քավության միջոցով», Լիահոնա, նոյեմբեր 2013, 83)

Ելք 24․6–8: Ինչո՞ւ Մովսեսն արյուն ցողեց զոհասեղանի և Իսրայելի որդիների վրա։

Արյունը, որ Մովսեսը ցողեց զոհասեղանին, խորհրդանշում էր Հիսուս Քրիստոսի արյունը, որը Նա պետք է թափեր Գեթսեմանիում և խաչի վրա: Երբ Մովսեսն արյուն ցողեց ժողովրդի վրա, այն խորհրդանշեց նրանց կապած ուխտի շնորհիվ Հիսուս Քրիստոսի Քավության օրհնությունները և այդ ուխտերի լրջությունը: Արյուն ցողելը ցույց տվեց, որ և Աստված, և մարդիկ փոխադարձաբար կապված են այս ուխտով: (Տես «Sacrifice: In Similitude of the Savior», Լիահոնա, սեպտեմբեր 2022, միայն էլեկտրոնային տարբերակով։)

Օժանդակ ուսումնական վարժություններ

«Որտեղ հանդիպում են արդարությունը, սերն ու ողորմածությունը»

Ուսանողների համար օգտակար կլինի ավելի լավ հասկանալ, թե արդարությունը, սերը և ողորմածությունը ինչպես են աշխատում իրար հետ: Կարող եք ցուցադրել «Where Justice, Love, and Mercy Meet» տեսանյութը՝ 0:00-3:39: Այդ տեսանյութը ներկայացնում է նախագահ Հոլլանդի պատմությունը երկու եղբայրների մասին Հարավային Յուտայից: Կարող եք դադարեցնել տեսանյութը հենց այն ժամանակ, երբ ավագ եղբայրը ցատկում է (3:39): Ապա հարցրեք ուսանողներին, թե ինչպիսի հետևանքներ կարող էին լինել, եթե ավագ եղբայրն ունենար միայն «արդարության» զգացում։ Ուսանողներին առաջարկեք փնտրել սուրբ գրություններ, որոնք բացատրում են, թե ինչ է պահանջում արդարության օրենքը բոլոր մարդկանցից: Եթե ուսանողները լրացուցիչ ուղղորդման կարիք ունեն, կարող եք ցուցադրել հետևյալ օրինակները․ Մոսիա 2.38 և Ալմա 42․11–13, 18։

5:37

Ապա կարող եք առաջարկել ուսանողներին խորհել, թե ինչպես է Փրկչի քավիչ զոհաբերությունը թույլ տալիս, որպեսզի ողորմածության օրենքը փրկագնի մեզ մեր ընկած վիճակից: Կարող եք ցուցադրել տեսանյութի մնացած մասը՝ 3:39-5:36։ Ուսանողներին առաջարկեք փնտրել, թե ողորմածության օրենքն ինչպես է համագործակցում արդարության օրենքի հետ՝ ազատելու մեզ մեղքի հետևանքներից: Ուսանողներին առաջարկեք գտնել սուրբ գրություն, որն ուսուցանում է Աստծո ողորմածության մասին: Օրինակները կարող են ներառել՝ Բ Օրենք 4․31, Մոսիա 29․20 և Ալմա 34․16, 42․15։

5:37

«Միջնորդը»

Եթե ուսանողների համար օգտակար կլինի տեսնել, թե ինչպես է Փրկչի ողորմածությունը համապատասխանում արդարության պահանջներին, կարող եք ցուցադրել «The Mediator» (10:44) տեսանյութը։ Այս տեսանյութում ներկայացված է մի երիտասարդի օրինակ, որը պարտք է վերցրել և չի կարողանում ինքնուրույն մարել այն։ Այն ցույց է տալիս, թե ինչպես է Փրկչի քավիչ զոհաբերությունը կատարում արդարության պահանջները:

10:47