Ելք 19

• Ի՞նչն է ձեր հարաբերություններն այդ մարդու հետ դարձնում իմաստալից:

  Ուսանողներին առաջարկեք աղոթքով խորհել հետևյալ հարցերի շուրջ: Նրանց խնդրեք իրենց մտքերն ու զգացմունքները գրել իրենց օրագրերում:

• Որքանո՞վ է ձեզ համար կարևոր ձեր հարաբերությունները Երկնային Հոր և Հիսուս Քրիստոսի հետ:

• Ինչո՞վ է տարբերվում ձեր կապը Երկնային Հոր և Հիսուս Քրիստոսի հետ ձեր ունեցած այլ հարաբերություններից:

• Ըստ ձեզ, ինչպե՞ս կարող է փոխվել ձեր կյանքը, երբ դուք շարունակաբար ամրացնեք ձեր հարաբերությունները Երկնային Հոր և Հիսուս Քրիստոսի հետ:

Հոգուց առաջնորդություն փնտրեք՝ հասկանալու համար, թե ինչ կարող եք անել, որպեսզի ամրացնեք ձեր հարաբերությունները Երկնային Հոր և Հիսուս Քրիստոսի հետ:

Երբ Իսրայելի որդիները հեռացան Եգիպտոսից, Տերը նրանց առաջնորդեց դեպի Սինա լեռը (երբեմն սուրբ գրություններում Սինա լեռը հիաշատակվում է որպես Հորեբ լեռ, տես Ելք 3․1), ինչպես որ Նա խոստացել էր (տես Ելք 3․7–12, 19․1–4)։ Մովսեսի և Իսրայելի որդիների համար Սինա լեռը նման էր մի տաճարի. մի վայր, որտեղ նրանք ուխտեր պետք է կապեին Աստծո հետ:

Կարդացեք Ելք 19․3–6 հատվածները՝ փնտրելով բառեր և արտահայտություններ, որոնք ուսուցանում են այն հարաբերությունների մասին, որոնք Երկնային Հայրը և Հիսուս Քրիստոսը ցանկանում են ունենալ մեզ հետ:

• Ի՞նչ գտաք:

Նախագահ Ռասսել Մ. Նելսոնը բացատրել է, թե ինչ է նշանակում լինել Աստծո «սեփական ժողովուրդ» (հատված 5)․

Հին Կտակարանում եբրայերեն եզրույթը, որից սեփական բառն է թարգմանվել, segullah բառն է, որը նշանակում է «արժեքավոր ունեցվածք» կամ «գանձ»: …

Այսպիսով, մենք տեսնում ենք, որ սուրբ գրություններում օգտագործվող սեփական բառը նշանակում է «Աստծո կողմից ստեղծված» կամ «ընտրված» «արժեքավոր գանձ»: Մեզ համար Տիրոջ ծառաների կողմից որպես Նրա սեփական ժողովուրդ համարվելը բարձրագույն գովասանք է: («Children of the Covenant», Ensign, մայիս 1995, 34)

• Ի՞նչ սկզբունքներ կարող եք բացահայտել այդ հատվածներում:

Նախագահ Ռասել Մ. Նելսոնն ուսուցանել է այն ուխտյալ հարաբերությունների մասին, որոնք մենք կարող ենք ունենալ Աստծո հետ.

Երբ ես և դուք ուխտ ենք կապում Աստծո հետ, Նրա հետ մեր հարաբերությունները շատ ավելի սերտ են դառնում, քան մինչ մեր ուխտ կապելն էին: Մենք դառնում ենք կապված միմյանց հետ։ Աստծո հետ ունեցած մեր ուխտի շնորհիվ Նա չի դադարի օգնել մեզ, և մենք երբեք չենք սպառի Նրա ողորմած համբերատարությունը մեր հանդեպ։ Յուրաքանչյուրս հատուկ տեղ ունենք Աստծո սրտում։ Նա մեզ հետ կապված վեհ նպատակներ ունի։ (Ռասսել Մ. Նելսոն, «Հավիտենական ուխտը», Լիահոնա, հոկ. 2022, 6)

• Ի՞նչը տպավորեց ձեզ այդ խոսքերում:

Կարդացեք սուրբ գրությունների հետևյալ հատվածները՝ փնտրելով ապացույցներ, որ Աստված ցանկանում է ուխտի հարաբերություններ ունենալ ձեզ հետ: Կարող եք խաչաձև հղում կատարել կամ կապել այս հատվածները Ելք 19.5–6 հատվածների հետ։

Մատթեոս 11.28–30

Տիտոսին 2․11–14

Ա Պետրոս 1․15–16

Մորոնի 10.32–33

Մտածեք Հոգուց ստացած ցանկացած տպավորության մասին և ձեր օրագրում պատասխանեք հետևյալ հարցերից մեկին կամ մի քանիսին.

• Ի՞նչ սովորեցիք կամ զգացիք, որը կօգնի ձեզ Աստծո հետ ուխտեր կապել և պահել այդ ուխտերը:

• Իմացությունը, որ Աստված ցանկանում է սերտ ուխտի հարաբերություններ ունենալ ձեզ հետ, ինչպե՞ս է ազդում Նրան ավելի մոտենալու ձեր ցանկության վրա:

• Ինչպե՞ս է Աստված օրհնել ձեզ՝ Իր հետ կապած ուխտերը պահելու ձգտման համար:

Իսրայելացիները համաձայնեցին ուխտ կապել Աստծո հետ՝ դառնալու Նրա սուրբ ժողովուրդը: Այնուհետև Տերը նշեց, որ Ինքը կգա և կխոսի ժողովրդի հետ (տես Ելք 19․7–9)։ Տերը պատվիրեց Մովսեսին սրբագործել ժողովրդին կամ սուրբ դարձնել նրանց, և որ մարդիկ մաքրեն իրենց հանդերձանքը՝ պատրաստվելով նրան, որ Տերը «ամբողջ ժողովրդի աչքի առաջ իջնելու է Սինա լեռան վրա» (Ելք 19․11)։ Ժողովուրդը պատրաստվեց և հավաքվեց Սինա լեռան մոտ՝ «Աստծու առաջ» (Ելք 19․17)։ Այնտեղ՝ լեռան վրա, նրանք տեսան Տիրոջ ներկայության ապացույցը: Տերը կանչեց Մովսեսին լեռան գագաթը, որպեսզի խոսի Նրա հետ և բացահայտի Իր կամքը ժողովրդին (տես Ելք 19․18–25)։